Dinamika Fonds Bestuurders Markoorsig vir September 2018

Transcription

1

2

3 Dinamika Fonds Bestuurders Markoorsig vir September 2018 Nuus Hooftrekke SA Rentekoerse was onveranderd gelos op 6.5% met die Reserwebank se Monetêre Beleidskomitee wat nie konsensus gehad het nie. Drie lede wou rentekoerse verhoog maar 4 het gestem om koerse onveranderd te laat. Hoër koerse het gewoonlik 'n negatiewe effek op ekonomiese groei en met 'n hersiene ekonomiese groei (BBP) van slegs 0.7% vir 2018, is dit dalk die beter besluit. As koerse verhoog het, kon die Rand waarskynlik verstewig het, wat verligting kon bring op pryse van ingevoerde goedere soos petrol en olie. Die VSA het hul koerse opgestoot met 25 basis punte, soos verwag. Daar is 'n 67% moontlikheid van 'n verdere verhogings in Desember. Die effek hiervan is dat koerse op staatseffekte in meeste lande verhoog het, wat 'n negatiewe effek op aandele markte het. Motoriste betaal meer vir petrol in Oktober na sterk verhoging in pryse. Die verhoging van R1 op 95 oktaan bestaan uit 48.7c a.g.v. die verswakking in die Rand en 51c a.g.v. internationale produkte (meestal olie) wat toegeneem het. Die handelsgeskil tussen die VSA en China duur voort, wat ontluikendemarkte negatief beïnvloed. Meeste ontluikendemarkte se geldeenhede het verswak en aandelemarkte het 'n negatiewe maand gehad. Daar is wel positiewe nuus, met die VSA wat handelsooreenkoms gesluit het met Mex iko en Canada. Na 'n baie goeie Augustus het die SA beurs terug getrek. Die FTSE JSE Alle Aandele Indeks (TR) het met 4.17%

4 gedaal. Buitelandse beurse het wel positief verhandel, S&P 500 (USD, TR) was op met 0.53% en die FTSE 100 (GBP, TR) het toegeneem met 1.19%. SA Aandele Mark Die FTSE JSE Alle Aandele Indeks (TR) het swak maand gehad en was af met 4.17%. Hulpbronne aandele was vir die tweede maand agtermekaar die top-presterende sektor met die JSE Hulpbron Indeks (TR) wat op is met 0.34%. Die JSE Industriële Indeks (TR) het baie swaar getrek en was af met 7.68%. Die JSE Finansiële Indeks (TR) het beter gevaar en was af met net 2.02%. Top presterende maatskappye was: Impala Platinum het met 53.6% gegroei. Kumba Iron Ore het met 21.1% toegeneem Afrimat is op met 14.8% Lewis Group het met 13.5% gegroei. Sommige maatskappye het 'n moeilike maand gehad: Choppies was sterk af, met 'n daling van 63.7% nadat die maatskappy sperdatum gemis het om finansiële resultate te publiseer. Aspen Pharmacare was af met 41.9% Trustco het met 29.2% gedaal Blue Label Telecoms as 26.8% laer. Blootstelling in aandele was onveranderd in die Dinamika BCI Konserwatiewe Fonds van Fondse en die Dinamika BCI Wêreldwye Buigsame Fonds.

5 SA Genoteerde Eiendom SA Genoteerde Eiendom het die groei van die vorige maand terug gegee in September. Die FTSE JSE Genoteerde Eiendomme Indeks (TR) was af met 2.60%. Die sektor verhandel tans teen baie aantreklike waardasies met 'n opbrengskoers van 8.5%. Daar is wel risiko van 'n rentekoers verhoging wat 'n negatiewe effek op die sektor kan hê. Sommige maatskappye het 'n goeie maand gehad: Sirius Real Estate was op met 7.6% MAS Real Estate het met 6.7% gegroei. Die wat gesukkel het die maand was: Rebosis Property Fund wat 11.9% verloor het Blootstelling aan genoteerde eiendom in albei Dinamika fondse was onveranderd gedurende die maand.

6 Kapitaalmark Die kapitaalmark was vir 'n groot deel van September onderdruk, maar het herstel om positief te sluit. Die All Bond Indeks (TR) het geroei met 0.25%. Gedurende September het die Reserwe Bank se Monetêre Beleidskomitee, drie teen vier, besluit om koerse onveranderd te laat. Opbrengskoers op staatseffekte het marginaal gedaal om rondom 9% te eindig op die R186 staatseffek. Wat egter gebeur het gedurende die begin van Oktober, is dat koerse wesenlik verhoog wat ' n negatiewe effek op die ALBI gaan hê. Die nuutste inflasie (VPI) lesing is vir Augustus het toegeneem met 4.9% jaar op jaar. Dit was laer as die verwagte koers van 5.1% Die drywers vir Julie inflasie (jaar op jaar) was: Onderwys +6.7% Vervoer +9.5% Kapitaalmark opbrengskoerse van die VSA se 10 Jaar skuldbrief het verhoog na 3.07%, wat aandeelmarkte onderdruk geplaas het. Blootstelling aan Inkomste Fondse was onveranderd vir die Dinamika BCI Konserwatiewe Fonds van Fondse.

7 Buiteland Die Rand het van die verliese van September terug gemaak in Augustus, met die Rand wat verstewig het teenoor die Pond met 2.98%, Euro 3.44% en Dollar 3.59%. Die risiko's in die buiteland heers nog steeds, veral die handelsgeskil tussen die VSA en China. Beleggers vermy ontluikende lande soos Suid Afrika, China, Turkye, Brazil ens. Dit plaas ook geweldige druk op hierdie lande se geldeenhede wat 'n negatiewe effek op hul ekonomiese groei kan hê. Later die maand begin maatskappye in die VSA weer met hul kwartaallikse wins verklarings. Die verwagting is weer vir 'n baie sterk jaar op jaar groei in winste van 21.6% vir maatskappye in die S&P 500 Indeks. Groei koerse vir die Europese STOXX 600 Indeks is egter laer op 13.9%. Die mag dalk 'n katalisator wees vir die mark om weer 'n herstel te toon. Die vernaamste beurse was negatief gewees in September, as prestasies gemeet word in Rand. As die beweging van die Rand uitgesluit word, het die S&P500 Indeks (TR, USD) met 0.53% gegroei, die FTSE 100 Indeks was (TR, GBP) op met 1.19% en die DAX (TR, EU) af met 0.81% Blootstelling was onveranderd in die Dinamika BCI Konserwatiewe Fonds van Fondse en die Dinamika BCI Wêreldwye Buigsame Fonds. Vrywaring (Disclaimer) Dinamika Fonds Bestuurders (Edms) Bpk Reg Nr. 2000/006692/07 Dinamika Fonds Bestuurders (Pty) Ltd is n Geregistreerde Finansiële Diensteverskaffer (FSP 12693). Fisiese Adres: Jarrahweg 118, Benoni Landbouhoewes. Tel No: +27 (11)

8 Tel Nr: +27 (11) Die inligting en menings wat hierdie dokument bevat, is ter goeder trou aangeteken en weergegee en ons maak staat daarop dat die bronne daarvan geloofwaardig is. Hoe dit ook al sy, word geen voorstelling, volmag, onderneming of waarborg van watter aard ook al gemaak of verleen rakende die akkuraatheid en / of volledigheid van sulke inligting en / of die korrektheid van sulke menings nie. Enige belegging is spekulatief van aard en dit sluit aansienlike risiko s in. Wanneer enige beleggingsbesluit geneem word, sal u uitsluitlik staatmaak op u eie beskouing en besigtiging van feite en aantekeninge wat betrekking het op so ʼn belegging. Geskiedkundige opbrengste van ʼn belegging is nie ʼn aanduiding van toekomstige prestasie nie. Dinamika Fonds Bestuurders sal nie aanspreeklik gehou word aangaande enige eis, skade, verlies of koste voortspruitend uit of met betrekking tot die vertroue wat u plaas of geplaas het op die inhoud van hierdie dokument, van watter aard ookal nie. Trustee: The Standard Bank of South African Limited: Tel (021) Tel (021) Boutique Collective Investments (RF) (Pty) Limited. Catnia Building Bellville 7530 Tel (021) /1/2. Fax Kollektiewe beleggingskemas is oor die algemeen medium- tot langtermyn beleggings. Die waarde van deelnemende belange kan op- of afgaan en prestasie van die verlede is nie noodwendig ʼn riglyn van toekomstige prestasie nie. Kollektiewe beleggingskemas word teen heersende pryse verhandel en kan aan skriplening deelneem. n Skedule van fooie en kostes en maksimum kommissies is op versoek by maatskappy/skema. Kommissie en aansporings kan betaal word en indien so, word dit in die algehele koste ingesluit. Die Onafhanklike Finansiële Adviseur moet alle fooie aan die belegger bekendmaak. Hierdie fonds mag vir nuwe beleggers gesluit word. Kollektiewe beleggingskemas pryse word op ʼn netto batewaarde basis en ouditeursfooie bereken, bankkoste en trusteekoste word teen die portefeulje gehef. Die portefeuljebestuurder mag tot en met 10% van portefeulje NBW leen om onvoldoende likiditeit te oorbrug. Dinamika Fonds Bestuurders is die bestuurders van die fonds. Verwys asseblief na die fonds se Minimum Openbaarmakingsdokument vir meer inligting. Die dokument moet nie geag word as n uitnodiging om in enige van die Dinamika Fondse te belê nie. Kontak n finansiële adviseer vir advies en meer inligting. Beleggings kan toeneem sowel as daal. Boutique Collective Investments (RF) (Pty) Ltd ( BCI ) is ʼn geregistreerde bestuurder van die Boutique Collective Investments Scheme, goedgekeur in terme van Collective Investments Schemes Control Act, No 45 of 2002 en is 'n volle lid van die Vereniging vir Spaar en Belegging SA