PREDIKANTE PENSIOENFONDS VAN DIE NED. GEREF. KERK IN SUID-AFRIKA (PPF) In-Fonds Lewende Annuïteit (IFLA) Vrae en antwoorde

Transcription

1 PREDIKANTE PENSIOENFONDS VAN DIE NED. GEREF. KERK IN SUID-AFRIKA (PPF) In-Fonds Lewende Annuïteit (IFLA) Vrae en antwoorde

2 2 PREDIKANTE IN-FONDS LEWENDE ANNUÏTEIT

3 INHOUDSOPGAWE Agtergrond 4 1. Wie kan die IFLA-opsie uitoefen? 4 2. Is daar n minimum fondswaarde vereiste? 4 3. Hoe oefen ek hierdie opsie uit? 4 4. Kan die PPF my help met advies? 4 5. Is ek verplig om n finansiële adviseur te raadpleeg? 5 6. Hoe word my maandelikse pensioen bereken? 5 7. Wat beteken die PPF se riglyne rondom onttrekkingskoerse? 5 8. Wat is die impak van n té hoë onttrekkingskoers? 7 9. Hoe word my geld belê? Kan ek n keuse uitoefen oor die belegging van my fondswaarde in die fonds? Watter kostes is ter sprake? 8 a. Beleggingsfooie 8 b. Adviesfooie 8 c. Administrasiefooie 8 d. Spesiale fooie 9 e. Sterfte-ondersoek Wanneer word my eerste pensioen betaal? Verhoog my jaarlikse pensioen outomaties? Op watter datum kan ek n keuse uitoefen oor my onttrekkingkoers? Hoe gereeld kan ek my onttrekkingskoers aanpas? Watter rol speel wetgewing in my onttrekkingskoers? Kan ek n randwaarde-pensioen kies in plaas van n persentasie onttrekkingskoers? Word ek belas indien ek die IFLA-opsie uitoefen? Is my pensioen belasbaar? Is daar n fondsmeganisme wat verhoed dat ek my fondswaarde uitput? Wat gebeur wanneer die afgetrede lid in ontvangs van n IFLA sterf? Wat gebeur wanneer persoon wat in ontvangs van n IFLA is, maar wat nie n afgetrede lid is nie, sterf? Kan die kwalifiserende gade, na die sterwe van die annuïtant wat n lid was, die benoeming van begunstigdes wysig? Wat gebeur sou ek en my huweliksmaat skei? Kan ek my fondswaarde oordra na n ander verskaffer? Kan ek ander lewende of uittree-annuïteite oordra na die PPF? Gaan ek n maandelikse pensioenstaat ontvang? Watter kommunikasie gaan ek jaarliks van die fonds ontvang? Wat gebeur met my en my gade se versekeringsdekking wanneer ek aftree? Hoe word my belange op trusteevlak verteenwoordig? Wat anders is vir my van belang indien ek die IFLA opsie uitoefen? 11 3 PREDIKANTE IN-FONDS LEWENDE ANNUÏTEIT

4 AGTERGROND Na die uitreik van sekere konsepregulasies deur die finansiële owerhede in 2016, het die trustees van die Predikante Pensioenfonds formeel oorweging begin skenk aan die moontlikheid om lede die keuse te gee om binne die fonds af te tree. Dit beteken dat jou pensioengeld binne die fonds bly en bestuur word deur dieselfde kundigheid wat jou geld tot en met jou aftrede bestuur het. Die voor- en nadele van pensioene binne en buite die fonds, asook van verskillende tipes pensioene wat beskikbaar gestel kan word, is deeglik oorweeg. In Februarie 2017 het die trustees in beginsel besluit om n In-Fonds Lewende Annuïteitsopsie (IFLA) aan lede te bied. Ons wil so spoedig moontlik na die reëlwysiging goedgekeur is die struktuur implementeer. Hierdie dokument vul die IFLA-brosjure aan, en is in die formaat van n stel algemene vrae en antwoorde. 1. Wie kan die IFLA-opsie uitoefen? Hierdie opsie is gemik op lede van die fonds wat aftrede bereik. Voormalige lede wat voordele in die fonds gelos het by bedanking, en lede wat gekies het om hul aftrede uit die fonds uit te stel toe hul by hul werkgewer afgetree het, kan ook die opsie uitoefen. Die kwalifiserende gades van aktiewe wat sterf, het die keuse om verdere voordele van ʼn IFLA-pensioen uit die fonds te ontvang. Die kwalifiserende gades van afgetrede IFLA-lede wat sterf sal in hul eie naam ʼn IFLA-pensioen ontvang. In terme van die fondsreëls erken die trustees ʼn huwelik tussen jou en ʼn kwalifiserende gade as een wat ook onder Suid-Afrikaanse wetgewing as ʼn huwelik erken word. 2. Is daar n minimum fondswaarde vereiste? Daar is tans geen minimum fondswaarde vereiste nie. Lede word sterk aanbeveel om n finansiële adviseur te raadpleeg wanneer hul aftreebeplanning doen, aangesien belastingwetgewing en die de minimus-reël (fondswaardes laer as die de minimus-vlak kan as n enkelbedrag geneem word uit n pensioenfonds) n belangrike rol speel in die proses. 3. Hoe oefen ek hierdie opsie uit? Stel die fonds in kennis deur die betrokke keuse op die aftreevorm te merk. Die aftreevorm sal ook jou keuse ten opsigte van jou onttrekkingskoers uiteensit. Jy sal terselfdertyd versoek word om n benoeming van begunstigdes en afhanklikes verklaring te voltooi en af te teken. 4. Kan die PPF my help met advies? Die trustees mag nie self advies gee aan lede nie. Die trustees het wel n goedgekeurde paneel van adviesfirmas met wie n vaste fooi beding is: Alexander Forbes Finansiële Beplanningsdienste Sanlam FinPrufe BlouSter Kontakpersoon Estian Visagie George de Kock Telefoonnommer Voor aftrede: fooi per sessie R8 625 R4 025 Na aftrede: fooi per sessie R ,2% van fondswaarde plus BTW, met n minimum van R5 750 en n maksimum van R PREDIKANTE IN-FONDS LEWENDE ANNUÏTEIT

5 Die sessies voor aftrede behels een sessie teen ouderdom 56+, wanneer jy die verstek lewensfase beleggingsmodel binnetree, asook n tweede sessie by aftrede (tipies tussen ouderdom 64 en 65). Na aftrede kan jy ook jaarliks jou adviseur raadpleeg vir advies rondom jou onttrekkingskoers en beleggingskeuse. Die koste van een sessie per jaar kan ook van jou fondswaarde gehef word (sien ook punt 11). Hierdie paneel, asook die betrokke fooie, sal van tyd tot tyd hersien word. Bekendstellingsbrosjures met verdere besonderhede oor hierdie firmas en hul adviesdienste is beskikbaar. 5. Is ek verplig om n finansiële adviseur te raadpleeg? Die trustees verplig jou nie om n finansiële adviseur te raadpleeg nie, maar jy word sterk aangeraai om advies in te win gegewe die kompleksiteit van hierdie besluit, en die langtermyn aard van jou pensioen. 6. Hoe word my maandelikse pensioen bereken? Wetgewing vereis dat jy tussen 2,5% en 17,5% van jou fondswaarde jaarliks as n pensioen ontvang. Byvoorbeeld, gestel jou fondswaarde by aftrede is R5 miljoen, en jy kies om R1 miljoen as n enkelbedrag te neem. Die oorblywende R4 miljoen vorm dan die openingsbalans van jou IFLA. Gestel jy kies dan n 5%-onttrekkingskoers. Jou jaarlikse inkomste sal dan R wees voor belasting, wat omskakel na n maandelikse pensioen van R16 666,67 voor belasting. Hierdie bedrag, tesame met die administrasiefooi, word maandeliks uit jou IFLA-balans verhaal. Terselfdertyd word die opbrengs, wat jou IFLA verdien omdat dit in die beleggingsmarkte belê is, by jou IFLA-balans gevoeg. Hierdie opbrengs kan negatief wees, afhangend van jou beleggingsportefeulje se samestelling asook die opbrengste daarop verdien. So word die fondswaarde wat jy oor jou leeftyd as bydraende lid gespaar het, toegepas om jou pensioen te betaal. Die fonds het nie voorskriftelike onttrekkingskoerse nie en laat die keuse van n gepaste vlak aan jou oor. Weereens word finansiële advies van n geakkrediteerde finansiële adviseur sterk aanbeveel. Die fonds het egter die volgende riglyne, gebaseer op jou ouderdom: Ouderdom: laaste verjaarsdag Voorgestelde onttrekkingskoers Onder 60 4,00% ,50% ,00% ,50% Bo 75 5,75% Hierdie onttrekkingskoerse is slegs sinvol indien die onderliggende beleggingstrategie gepas is. n Afwyking van die fonds se beleggingstrategie, wat hieronder bespreek word, mag dus n herevaluering van die onttrekkingskoers vereis. 7. Wat beteken die PPF se riglyne rondom onttrekkingskoerse? Die voorgestelde onttrekkingskoerse is gebaseer op statistiese modellering met verskeie aannames oor toekomstige beleggingsgroei. In terme van die modellering sal so n onttrekkingskoers n inkomste verskaf wat tred hou met inflasie en, indien die aannames in die werklikheid uitspeel, n inkomste kan verskaf vir die res van jou leeftyd. Die koerse is nie verpligtend nie, en daar word ook nie enige beperkinge geplaas op die koers bo en behalwe die perke vervat in wetgewing nie. 5 PREDIKANTE IN-FONDS LEWENDE ANNUÏTEIT

6 6 PREDIKANTE IN-FONDS LEWENDE ANNUÏTEIT

7 8. Wat is die impak van n té hoë onttrekkingskoers? ASISA (die Association for Savings and Investment South Africa) het die volgende riglyne gepubliseer wat die verwagte termyn toon vir sekere onttrekkingskoerse (die kolom aan die linkerkant) onder sekere beleggingsgroei- aannames (die boonste ry) voordat jou inkomste wesenlik gaan begin verlaag. Hierdie tabel werk met die aanname dat jou pensioen jaarliks verhoog met inflasie van 6%, wat beteken dat die onttrekkingskoers hoër gestel moet word indien jou fondswaarde kleiner word. Op ʼn stadium gaan jou onttrekkingskoers die 17,5% maksimum bereik wat in wetgewing vervat is, en die randwaarde van jou pensioen sal dan drasties begin afneem. Onttrekkingskoers op aanvang van pensioen Beleggingsopbrengs p.j. (voor inflasie en na fooie) 2,5% 5% 7,5% 10% 12,5% 2,5% ,0% ,5% ,0% ,5% ,0% ,5% Hoe om die tabel te lees: Indien jy met ʼn onttrekkingskoers van 10% (Kolom A) op aftrede begin en jou fondswaarde groei slegs met 7,5% per jaar (Kolom D), sal jy na ses jaar (Kolom D) 17,5% van jou fondswaarde moet trek om jou inkomstevlak te onderhou. Hierna gaan jou kapitaal baie vinnig uitgeput word. 9. Hoe word my geld belê? Die beleggingskeuse en onttrekkingskoers kan nie van mekaar geskei word nie, en moet dus saam oorweeg word. Indien jy die voorgestelde onttrekkingskoerse gaan volg, behoort die volgende model sinvol te wees: 100% 90% 80% 70% 60% 50% 40% 30% 20% 10% 0% 60% 70% Beleggingsmodel 80% 90% 100% 40% 30% 20% 10% 65 tot " 80 en Ouer Ouderdom Konserwatief Langtermyn Hierdie model sal outomaties volgens die verstekfase vir IFLA-lede geld, tensy jy n ander individuele beleggingskeuse uitoefen. Die trustees raai jou aan om professionele finansiële advies te kry om die gepastheid van jou beleggingskeuse te ontleed, gegewe jou gekose onttrekkingskoers. 7 PREDIKANTE IN-FONDS LEWENDE ANNUÏTEIT

8 10. Kan ek n keuse uitoefen oor die belegging van my fondswaarde in die fonds? Lede wat nie n die verstekfasemodel, soos in punt 9 verduidelik, wil kies nie, het die opsie om n keuse uit te oefen ten opsigte van die belegging van hul fondswaarde binne die fonds se portefeuljes. 11. Watter kostes is ter sprake? Daar is sekere fooie en koste betrokke by die administrasie van die IFLA, en vir jou lidmaatskap van die PPF. Die fooie hieronder sal van tyd tot tyd deur die trustees hersien en aangepas word. a. Beleggingsfooie Hierdie fooie is betaalbaar aan die verskeie beleggingsbestuurders wat jou fondswaarde in die fonds se portefeuljes bestuur. Hierdie fooie word vooraf by die beleggingsbestuurders gehef en betaal, en verminder die opbrengs wat op jou fondswaarde verdien word. Jy sal dus nie n eksplisiete aftrekking hiervoor sien nie. n Beraming van hierdie fooie per portefeulje, as n persentasie van die fondswaarde, volg hieronder vir kennisname en vergelykbaarheidsdoeleindes: Langtermyn Konserwatief Inkomstebeskermer Basiese jaarlikse fooi 0,39% 0,34% 0,18% Geskatte portefeuljefooi 0,12% 0,12% 0,05% Geskatte prestasiefooie 0,12% 0,05% 0% Totale beleggingsfooi 0,67% 0,53% 0,23% Die basiese jaarlikse fooi is die gemiddelde fooi wat betaalbaar is aan elk van die beleggingsbestuurders (byvoorbeeld Allan Gray en Investec) in die verskillende portefeuljes. Die portefeuljefooi verteenwoordig fooie wat deur die beleggingsbestuurders aangegaan word deur hul verhandeling van finansiële instrumente binne die portefeuljes, byvoorbeeld makelaarsfooie en belasting op die aankoop van aandele. Die syfer hierbo is n skatting gebaseer op die onlangse vlak van hierdie fooie. Prestasiefooie is betaalbaar aan sommige van die beleggingsbestuurders binne die portefeuljes indien hul n sekere prestasiemaatstaf oorskry. Hul ontvang dan n gedeelte van die opbrengs wat hoër is as die maatstaf. Die syfer hierbo is n skatting gebaseer op die onlangse vlak van hierdie fooie, maar kan in die toekoms wissel afhangend van die fonds se prestasie. Die totale beleggingsfooisyfers hierbo kan dus gebruik word om die vlak van n vergelykbare syfer by n eksterne verskaffer te toets. Raadpleeg jou adviseur vir hulp hiermee. b. Adviesfooie Die fonds het n paneel van goedgekeurde adviseurs wat advies teen n vaste fooi verskaf. Die fooie betaalbaar aan hierdie goedgekeurde adviseurs sal teen jou fondswaarde gehef word en uit die fonds betaal word. Indien jy van n ander adviseur gebruik sou wou maak, sal die adviesfooie betaalbaar aan daardie adviseur deur jou persoonlik betaal moet word. Lede wat uit eie keuse nie finansiële advies ontvang nie, betaal geen adviesfooie nie. c. Administrasiefooie n Aanvangsfooi van R920 sal teen jou fondswaarde gehef word deur die fondsadministrateur (Alexander Forbes) vir die opstel van jou fondsrekord as lewende annuïteit. Daarna sal n maandelikse fooi van R250 teen jou fondswaarde gehef word vir die byhou van jou rekord, die administrasie van jou pensioenbetaling, en die fooie wat oorhoofs deur die fonds aangegaan word. 8 PREDIKANTE IN-FONDS LEWENDE ANNUÏTEIT

9 d. Spesiale fooie Indien jy sou besluit om jou fondswaarde in die toekoms na n gewaarborgde pensioen of n lewende annuïteit by n versekeraar oor te dra, sal n eenmalige fooi van R2 230 teen jou fondswaarde gehef word. Verder, sou jy meer as een beleggingskuif in n jaar maak, sal daar n fooi van R per skuif teen jou fondswaarde gehef word. Die eerste beleggingskuif in die jaar is egter gratis. e. Sterfte-ondersoek Die koste van n ondersoek sal deur middel van n eenmalige fooi van R4 540 teen jou fondswaarde gehef word. 12. Wanneer word my eerste pensioen betaal? Jy kan die eerste maandelikse pensioenbetaling aan die einde van die eerste maand na jou aftrede verwag. Dit beteken dat as jy op 31 Desember aftree, jy jou eerste pensioen op 25 Januarie kan verwag. Dit is onderhewig aan die tydige (laaste werksdag van die maand waarin die lid aftree) indiening van alle dokumente asook Suid-Afrikaanse Inkomstediens vereistes. Indien die eerste pensioen om praktiese redes nie op hierdie datum betaal kan word nie, sal die agterstallige pensioen ingesluit word by die eerste betaling wat wel gemaak kan word. 13. Verhoog my jaarlikse pensioen outomaties? Jy kan jaarliks n keuse oor jou onttrekkingsvlak, en derhalwe jou maandelikse pensioen, uitoefen. Jy is dus self verantwoordelik om die pensioenvlak te verhoog, sou dit nodig wees. Oorlegpleging met n finansiële adviseur is hier baie belangrik. 14. Op watter datum kan ek n keuse uitoefen oor my onttrekkingkoers? Die fonds sal jou elke jaar, drie maande voor die herdenkingsdatum van jou aftrede, kontak om hierdie keuse uit te oefen. Dit gee genoeg tyd vir jou om die keuse te oorweeg, indien nodig advies in te win, en vir die fonds om jou uiteindelike keuse betyds te implementeer. Indien geen gewysigde keuse voor die herdenkingsdatum ontvang word nie, bly die vorige jaar se onttrekkingskoers geldig. 15. Hoe gereeld kan ek my onttrekkingskoers aanpas? Volgens wetgewing kan hierdie keuse slegs een maal per jaar uitgeoefen word. 16. Watter rol speel wetgewing in my onttrekkingskoers? Wetgewing vereis dat jou onttrekkingskoers tussen 2,5% en 17,5% van jou fondswaarde mag wees. Verder mag jy slegs een maal per jaar jou onttrekkingskoers aanpas. 17. Kan ek n randwaarde-pensioen kies in plaas van n persentasie onttrekkingskoers? Die aftreevorm sal slegs voorsiening maak vir n persentasie van die fondswaarde onttrekkingskoers. Kontak jou finansiële adviseur vir hulp met die berekening hiervan, indien nodig. 9 PREDIKANTE IN-FONDS LEWENDE ANNUÏTEIT

10 18. Word ek belas indien ek die IFLA-opsie uitoefen? Belasting sal soos gebruiklik gehef word op enige enkelbedrag wat jy by aftrede neem, gebaseer op die heersende aftreebelastingskale. Die oorblywende fondswaarde, na die neem van hierdie enkelbedrag, word belastingvry in jou IFLArekening gestort. 19. Is my pensioen belasbaar? Jou maandelikse pensioen uit die IFLA-balans word as belasbare inkomste geag deur die Suid-Afrikaanse Inkomstebelastingdiens. Belasting word teen die heersende inkomstebelastingskale gehef en deur die fonds afgetrek met die betaling van jou pensioen. Die fonds het met die NG Kerk in Suid-Afrika ooreengekom om die uitbetaling van maandelikse pensioene te doen. Die NG Kerk in Suid-Afrika sal pensioenstrokies en IRP5 s beskikbaar stel. 20. Is daar n fondsmeganisme wat verhoed dat ek my fondswaarde uitput? Die trustees plaas geen perke op jou onttrekkingsvlak of op jou beleggingskeuse nie. Hierdie keuses word deur jou gemaak, en indien jou fondswaarde uitgeput word, sal jou pensioen staak en jou lidmaatskap van die fonds sal dienooreenkomstig eindig. 21. Wat gebeur wanneer die afgetrede lid in ontvangs van ʼn IFLA sterf? Indien jy binne die fonds afgetree het met ʼn IFLA en sou sterf terwyl jy in ontvangs is van ʼn maandelikse pensioen uit die fonds, sal jou fondswaarde op die datum van jou sterfte oordra na jou kwalifiserende gade, soos gedefinieer in die fondsreëls. In terme van hierdie definisie erken die trustees ʼn huwelik tussen jou en ʼn kwalifiserende gade as een wat onder Suid-Afrikaanse wetgewing as ʼn huwelik erken word. Die kwalifiserende gade sal nie die opsie hê om ʼn gedeelte of die volle balans in kontant te neem nie, behalwe as die balans minder as die de minimus bedrag is. Indien daar nie ʼn kwalifiserende gade is nie, sal die bepalings van Artikel 37C van die Wet op Pensioenfondse geld. In terme van hierdie wetgewing sal die trustees ʼn ondersoek van die finansiële afhanklikheid van familielede en ander persone doen en ʼn verdeling maak in terme van die resultaat van hul ondersoek. Hierdie verdeling sal nie noodwendig altyd jou wense soos uiteengesit in die benoeming van begunstigdes en afhanklike vorm volg nie, maar die trustees sal daardie wense in ag neem in hul verdeling. Die begunstigdes wat deur die trustees geïdentifiseer is en n verdeling ontvang sal die keuse hê om die allokasies in kontant te neem, ʼn pensioenproduk buite die fonds aan te koop. Die koste van ʼn Artikel 37C ondersoek beloop R4 500,00 en sal van jou fondswaarde verhaal word. 22. Wat gebeur wanneer ʼn persoon wat in ontvangs van ʼn IFLA is, maar wat nie ʼn afgetrede lid is nie, sterf? Die bepalings van Artikel 37C, soos in vraag 21 hierbo uiteengesit, sal geld. Die Artikel 37C ondersoek fooi van R4 540 sal ook uit die fondswaarde verhaal word. 23. Kan die kwalifiserende gade, na die sterwe van die annuïtant wat n lid was, die benoeming van begunstigdes wysig? Ja. Die kwalifiserende gade word n annuïtant en n annuïtant kan enige tyd sy/haar benoemingsvorm wysig. 10 PREDIKANTE IN-FONDS LEWENDE ANNUÏTEIT

11 24. Wat gebeur sou ek en my huweliksmaat skei? Die Wet op Pensioenfondse en Wet op Egskeidings maak tans nie voorsiening vir die verdeling van ʼn in-fonds lewende annuïteitskapitaalrekening op egskeiding nie. 25. Kan ek my fondswaarde oordra na n ander verskaffer? Wetgewing laat jou toe om jou IFLA-balans oor te dra na n ander lewende annuïteit by n versekeraar. Hierdie oordrag word deur Artikel 14 van die Wet op Pensioenfondse gereguleer, en kan tot ses maande neem om te voltooi. Daar is n eenmalige fooi betaalbaar met so n transaksie, soos vroeër in hierdie dokument uiteengesit. Jy kan ook op enige stadium jou IFLA-balans oordra na n gewaarborgde pensioen. Die bepalings van Artikel 14 asook fooie betaalbaar geld ook in hierdie situasie. 26. Kan ek ander lewende of uittree-annuïteite oordra na die PPF? Wetgewing laat nie toe dat jy ander lewende of uittree-annuïteite na die PPF oordra om sodoende jou inkomstes te konsolideer nie. Jy kan wel, voor aftrede, enige fondswaardes in ander aftree- of bewaringsfondse belastingvry na die PPF oordra. 27. Gaan ek n maandelikse pensioenstaat ontvang? Jy sal maandeliks n betalingstaat van die NG Kerk in Suid-Afrika ontvang wat jou pensioen en aftrekkings daarop uiteensit. 28. Watter kommunikasie gaan ek jaarliks van die fonds ontvang? Die fonds sal jaarliks die volgende verskaf: n Voordeelstaat wat die opbou van jou fondswaarde oor die jaarsiklus, wat drie maande voor jou herdenkingsdatum eindig, uiteensit n Opsievorm om, indien nodig, jou onttrekkingskoers te wysig, drie maande voor die herdenking van jou aftrede n Benoemingsvorm van begunstigdes en afhanklikes vir voltooiing, saam met die voordeelstaat 29. Wat gebeur met my en my gade se versekeringsdekking wanneer ek aftree? Hierdie dekking staak met aftrede. Jy het wel n keuse om die groepversekering op jou eie onkoste en in jou eie naam, sonder die lewering van mediese bewyse, voort te sit. Skakel die Pensioenkantoor vir besonderhede. 30. Hoe word my belange op trusteevlak verteenwoordig? Die raad van trustees bly gesamentlik verantwoordelik vir die fonds en alle lede van die fonds, ongeag van hul tipe lidmaatskap. Die fondsreëls laat IFLA-lede toe om n toegewyde trusteeverteenwoordiger te hê. Die eerste verkiesing van sodanige verteenwoordiger sal gedurende 2019 plaasvind. 31. Wat anders is vir my van belang indien ek die IFLA opsie uitoefen? Die bepalings en voorwaardes van die IFLA struktuur mag hersien word aan die hand van wysigings tot wetgewing. Verder behou die trustees die reg voor om die struktuur te wysig indien die fonds en lede se belange beskerm moet word. Sodanige wysigings sal in terme van heersende wetgewing plaasvind. 11 PREDIKANTE IN-FONDS LEWENDE ANNUÏTEIT

12 Die inligting in hierdie dokument behoort aan die Predikante Pensioenfonds en Alexander Forbes. Jy mag geen gedeelte van hierdie dokument sonder die uitdruklike skriftelike toestemming van Alexander Forbes kopieer, versprei of wysig nie. Geskryf en ontwerp deur Alexander Forbes Financial Services Communications. Alexander Forbes is n gelisensieerde finansiële diensteverskaffer (FSP 1177). Vervaardig deur Alexander Forbes Communications. Foto s: Gallo Images INLA PPVA-Vrae en Antwoord PPF 4 - April PREDIKANTE IN-FONDS LEWENDE ANNUÏTEIT