11. As jou kinders na n verhouding met jou smag As jou kind n sagte woord nodig het As jou kinders skepties raak oor die

Transcription

1 INHOUDSOPGAWE Voorwoord As die lewe sonder pa s sou wees As jy godsdiens speel As jy op jou knieë gaan As jy oor jou kinders droom As jou seun jou nodig het As jou dogter jou nodig het As jou kind geestelik die pad byster raak As jy by die werk is As jy sukkel om te glimlag As die bedelaar by jou motorruit staan... 47

2 11. As jou kinders na n verhouding met jou smag As jou kind n sagte woord nodig het As jou kinders skepties raak oor die huwelik As jou kind tyd saam met jou nodig het As jou kinders graag met jou wil kommunikeer As jy geleentheid het om te ontspan As jy langs die sportveld staan As jou kind jou geestelike leiding nodig het As geld n vraagstuk word As jy alleen is As jou kind vir n pak slae vra As jy n geskeide pa of n stiefpa is As daar konflik in jou huis broei As jou kinders hoop verloor As jy onthou wil word as n great pa

3 1 AS DIE LEWE SONDER PA S SOU WEES O mdat ek al vir baie jare met jongmense werk, kry ek baie te doen met die lief en leed in ouerhuise en spesifiek in pa-kind-verhoudings. n Breë, veilige ver - al gemening is om te sê dit gaan sleg met baie pa-kindverhoudings. Dit is n kommerwekkende tendens omdat die skade daarvan dalk groter is as wat ons ooit kan besef. Die langtermyngevolge en -letsels is selfs erger as wat n lang, vernietigende oorlog kan veroorsaak. Ek het die afgelope drie jaar n baie nou en intense pad saam met twee pragtige jongmanne gestap; beide in hulle laat twintigs. Beide het hulle pa onverwags verloor toe hulle nog baie jonk was. Met beide het ek n terapeutiese pad gestap om die trauma van jare terug te verwerk. Hulle al twee is vandag gesond en is twee mense wat besig is om n groot sukses van hulle lewe te maak. Ek is vandag nog groot vriende met albei. Ek dink baie terug aan wat hulle voel hulle gemis het deur hulle pa so vroeg in hulle lewe te verloor. 11

4 Omdat albei provinsiale sportmanne was, het hulle hulle pa gemis by elke rugby- of krieketwedstryd en atletiek byeenkoms waaraan hulle deelgeneem het. Hulle moes afgehaal toekyk hoe baie van hulle vriende se pa wel daar is en hulle ondersteun. Hulle pa se plek was egter leeg. Beide van hulle moes verskillende lewensfases sonder die raad en ondersteuning van n pa trotseer. Hulle het nie n pa gehad vir raad met studies nie. Hulle het nie n pa gehad wat sekere finansiële beginsels by hulle kon tuisbring nie. Hulle het nie n pa gehad saam met wie hulle dinge kon doen soos rugby kyk, fietsry of hardloop, visvang en ander seunsdinge nie. Daar is n gemis in hulle lewe omdat hulle nie n verhouding met n pa gehad het nie: n pa wat hulle onvoorwaardelik liefgehad het en hulle beste vriend kon wees. Hulle het nooit eerstehands ervaar hoe n man sy vrou behoort te behandel nie. Daar is n leemte in die voorbeeld van n eie pa wat in n verhouding met die Here staan en God in sy daaglikse wandel dien en verheerlik. Glen Wheeler se woorde is so waar: A child is not likely to find a Father in God unless he finds something of God in his father. Was hulle meisies, is ek seker sou hulle verlang het na n pa se goedkeurende opmerkings. Hulle sou graag by hulle eie pa wou hoor dat hulle pragtig is en dat die man met wie hulle eendag gaan trou baie spesiaal sal moet wees en hulle darem baie mooi sal moet oppas. Hulle sou hulle pa se skoot gemis het en sy liefdevolle drukkies. Aan die ander kant sal jy n groot gros jongmense kry wat sal juig as hierdie hoofstuk se opskrif As die lewe sonder pa s sou wees hipoteties aan hulle gestel word. 12

5 Die hartseer feit is dat baie jongmense se pa net sowel dood kan wees. Statistiek toon in n ondersoek in Suid- Afrika dat slegs 18% jongmense hulle pa sal raadpleeg as hulle n probleem het. n Oorsese ondersoek het gewys dat 40% jongmense emosioneel na aan hulle pa voel. Die volgende dagboekinskrywing van n tienermeisie wys hoe baie jongmense redeneer: Pa leef om te werk en werk om te leef. Ek, Ma en my boetie is maar laag op sy prioriteitslys. Daar is nie veel sprake van n verhouding en kommunikasie met hom nie. Hy kom moeg by die huis aan en is dan kortaf en nie lus om te gesels nie. Wat in sy lewe aangaan, is n raaisel. Dit lyk ook nie of hy werklik tyd het of belangstel om te hoor wat in myne aangaan nie. Hy het n wonderlike verhouding met sy werk. Hy kan net sowel met sy werk getroud wees. Hy woon bitter min van my aktiwiteite by omdat die lewe baie veeleisend is en sy werk lang ure van hom vra. Hy versorg ons goed, maar dis dit. Dit is, so dink hy seker, sy bydrae om ons gelukkig te maak. Ek kan nie juis op sy skoot sit nie, want sy stoel is baie keer leeg, of hy het die koerant op sy skoot. Sondae gaan hy darem kerk toe, maar ook dit lyk na werk vir hom. Hy is altyd haastig, altyd ernstig en dit lyk werklik nie of hy dit enigsins geniet nie. Hy maak skaars sy mond oop as ons sing. Dit lyk of die Here net Sondae vir hom belangrik is, want nêrens anders word daar oor God gepraat nie, behalwe natuurlik die tafelgebed wat hy by Oupa geleer het. Liewe Pa, om vandag n pa te wees is n kuns en nie 13

6 maklik nie. Dit is die rede hoekom ek hierdie boek geskryf het. Ek wil jou prakties help en begelei om n goeie pa vir jou kind te wees. Maar nog belangriker: om n pa na God se hart te wees. God is mos ons Pa. Hy verstaan alles van pa-wees. Kom, laat Hy ons op n reis vergesel waar ons sal leer om n pa soos God te wees. Onthou: God het sy Heilige Gees gegee aan julle wat in Hom glo. Dit is Hy wat julle kinders van God gemaak het. Verder is dit ook Hy wat nou n diep verlange na God in julle binneste wakker maak. Die Gees roep voortdurend in julle binneste uit: Vader, liefdevolle Vader! Hy sorg dat daar n onbreekbare band tussen God en julle is. ROMEINE 8:15 Here, ek wil so graag n beter pa wees. Ek wil by U leer hoe om werklik pa te wees. Neem my hand en lei en leer my, Here. 14