Besprekingsvrae vir selgroepe

Transcription

1 Besprekingsvrae vir selgroepe

2 Week 1 : Egte God INLEIDING God is die bron, die oorsprong van liefde, daarom lei elke opregte soeke na liefde in die hart van n mens altyd weer terug na God. Maar dis nie alle mense wat ware liefde vind of in hulle lewe ervaar nie. Jy sal liefde op die onwaarskynlikste van plekke aantref, want God is oral, maar baie mense probeer nie om daarna te soek op die plekke waarheen God hulle lei nie. Ken jy ook mense met honderde Friends op Facebook, maar nie een ware vriend om mee te praat oor goed wat regtig saakmaak nie? Sonder egte liefde is jou lewe hol en onvervuld en selfs die hoogste prestasies in die lewe kan nie daarvoor opmaak nie. Jesus het die pad vir die kindertjies oopgemaak om na Hom toe te kom en deur Hom geseën te word (Mat 19:13-15). Hy wil ook jou lewe propvol maak met sy liefde, as jy jou pad tussen die fariseërs en die goedbedoelende (maar soms misguided ) dissipels van die lewe deur kan vind. Net soos wat blomme in n mooi tuin aandag en versorging en die nodige voedingstowwe nodig het om te floreer, vra liefde ook na n paar dinge om te floreer. Egte Liefde is vasgeanker (gewortel) in die Bron Om God se liefde te ervaar is dit absoluut noodsaaklik om te vertrou op die goedheid van God. Jy kan alleenlik jou lewe oopstel vir God se werking en leiding as jy heeltemal oortuig is dat dit wat God wil doen in jou lewe tot jou beste voordeel is. 11 For the LORD God is a sun and shield; The LORD gives grace and glory; No good thing does He withhold from those who walk uprightly (Psalm 84:11). Vir jou om liefde te ervaar moet God dit kan uitstort in jou lewe (Rom 5:5). Indien jy twyfel aan God se bestaan of sy goedheid, sal jy Hom nooit toelaat om dit te doen nie, en sal God se egte liefde jou bly ontduik. Liefde moet gereeld gevoed word Net soos plante water en voedingstowwe nodig het, is liefde nie net iets wat eenmaal bekom en dan agterweë gelaat kan word nie. Jou liefde vir God en vir ander mense sal groei proporsioneel tot die hoeveelheid aandag wat jy daaraan gee. Jy moet gereeld beleggings maak van tyd en aksie om die liefde in jou hart hoog te laat brand, anders sal dit mettertyd vervaag en doodgaan. Liefde is nie wild en sonder perke nie Egte liefde is onvoorwaardelik, maar dis nie sonder grense nie. Mense wil soms liefgehê word of ander liefhê op n manier wat nie bevorderlik is vir die ander persoon se welstand nie - dis nie egte liefde nie. Daarom het God aan Israel n klomp voorskrifte gegee oor hoe om te lewe en interaksie met ander mense te hê. Wanneer iemand uitermate jaloers is, die ander persoon emosioneel versmoor, onbeperkte en ongekontroleerde vryhede wil geniet, manipuleer, opdringerig is of onwelvoeglik optree, ens, is dit nie meer ware liefde nie, maar n vorm van self-bevrediging wat normaalweg voortspruit uit emosionele seer, wanpersepsies, of n behoefte om in beheer te wees. God se egte liefde strek altyd op die ou end tot ware voordeel van die ontvanger.

3 VOORGESTELDE BESPREKINGSVRAE Nota: Gebruik sommige van hierdie vrae (of almal), of ontwikkel jou eie vrae. Die doel is om openlike gesprek in jou groep te stimuleer wat kan lei tot n tyd van spontane bediening en gebed. 1. Almal wil graag liefgehê word. Beleef jy egte liefde: by die huis / in jou langtermyn verhoudings / by die werk / in jou vriendekring / by die huis waar jy grootgeword het? Wat laat dit eg voel? 2. Egte liefde vloei uit n egte God van liefde? Hoe real is God se liefde vir jou op hierdie oomblik in jou lewe? 3. Om God se liefde te ervaar is dit absoluut noodsaaklik om te vertrou op die goedheid van God dat Hy goed is en goed wil doen aan jou en ander. LEES: (Psalm 84:11) For the LORD God is a sun and shield; The LORD gives grace and glory; No good thing does He withhold from those who walk uprightly. Het jy al gevoel dat God jou tenagekom/in die steek gelaat/iets van jou weerhou het? Het dit jou vertroue in sy goedheid op enige manier beïnvloed? 4. Mens ontdek dikwels liefde in nuwe omstandighede, soms waar jy dit glad nie sal verwag nie. Is jy oop dat God jou kan inlei in nuwe ervaringe of hou jy liewer vas aan dit waaraan jy gewoond is? 5. Liefde vra konstante beleggings van tyd en energie. Wie/wat het jy regtig lief en sit jy die nodige tyd/energie daarin om daardie liefde te laat groei? 6. Bespreek die stelling: Egte liefde is onvoorwaardelik, maar dis nie sonder grense nie. 7. Egte liefde strek altyd tot voordeel van die ontvanger. Hoe kan jy iemand probeer liefhê op n manier wat nie goed is vir hom/haar nie? Het jy al ooit ervaar dat iemand jou op so n manier probeer liefhê? Wat doen mens in so n situasie? Nota vir Fassiliteerders Moedig gerus sellede aan om een van die volgende te doen na behoefte - vertrou die Gees om vir jou te wys wie dit regtig nodig het: Travel Lite is n 16-weke groei- en genesingsprogram wat mense help om die seerkry en emosionele bagasie van die verlede te verwerk sodat hulle vry kan lewe. Dis nie net vir mense met probleme nie, emosionele genesing is n belangrike komponent van elke gelowige se geloofsgroei. Dit begin op Dinsdag 11 Februarie 18:45-21:00, koste R200 pp. Kontak Diedre Mans diedre.mans@gmail.com of Divorce Care is n 15-weke program wat ten doel het om n veilige plek te bied vir mense wat die verlies en trauma van egskeiding ervaar (het). Deelnemers word in groepsverband begelei op n pad van persoonlike genesing en geestelike groei deur elke week n sekere tema te deurwerk en praat mbv DVD-insetsels en groepsfasilitering. Maandagaande 19h00-21h00, R200 per persoon, oppasdiens vir kinders beskikbaar. Begin Maandag 17 Februarie. Kontak: Marietjie du Plessis by / marietjied00@gmail.com

4 Week 2 : God is liefde INLEIDING Geliefdes, laat ons mekaar liefhê; want die liefde is uit God, en elkeen wat liefhet, is uit God gebore en ken God. Hy wat nie liefhet nie, het God nie geken nie, want God is liefde. (1 Joh 4:7-8) Liefde neem die eerste stap God, wat die oorsprong van die liefde is, neem altyd die eerste stap om daardie liefde aan ander te bewys. Maar God bewys sy liefde tot ons daarin dat Christus vir ons gesterf het toe ons nog sondaars was. (Rom 5:8). Hy wag nie vir ons om daarvoor te vra nie, Hy gee dit onvoorwaardelik, sodat ons die voordeel daarvan kan geniet. As volgelinge van Jesus moet ons ook ander mense so liefhê. Jy moet altyd vir jouself die vraag vra: Wat is die liefdevolste ding wat ek vir hierdie persoon kan doen in hierdie omstandighede? Wat n daad van liefde is teenoor een persoon is nie noodwendig reg vir iemand anders nie. Dit vra dus n konstante ingesteldheid om op die uitkyk te wees vir daardie spesiale manier waarop jy liefde aan iemand kan bewys. Liefde beskerm Jou hart het n ingeboude funksie om dit te wil bekerm wat jy liefhet. Ook God openbaar hierdie eienskap. Van Benjamin het hy gesê: Die beminde van die HERE hy sal veilig by Hom woon; Hy beskerm hom die hele dag en woon tussen sy berghange. (Deut 33:12) Tog sien ons dat daar geweldige vergrype aan geweld en abuse is in ons samelewing net mooi die teenoorgestelde van liefde. Wanneer ons as gelowiges mense liefhet beteken dit dat ons hulle nie maar uitgelewer kan los aan onstandighede wat hulle lewe wil vernietig nie, want die liefde in jou wil die persoon wat bedryg word teen daardie gevare beskerm. Maar doen ons dit regtig? Liefde is eerlik en regverdig Liefde het nie net ten doel om die ander persoon teen alle koste gelukkig en gemaklik te hou nie. In teendeel, dit kan baie nadelig wees vir hulle groei en ontwikkeling. Ons sien in die Bybel dat God nie maar die verkeerde optrede van die mense wat Hy liefhet aanvaar nie, Hy wys baie duidelik dat Hy ongelukkig is met hulle optrede. Maar Hy is ook altyd regverdig in die manier waarop hy hulle hanteer. God raak nie onredelik wanneer Hy kwaad is nie, Hy pas konsekwent die beginsels toe waarvolgens Hy regverdig teenoor almal optree. God hou sy beloftes van seën en straf en voer dit deurlopend uit, sonder om partydig te wees. Om iemand regtig lief te hê is dit nodig om eerlik te wees met hom/haar. Ons probeer dikwels die waarheid te verbloem/verdraai om mense wat ons liefhet verleentheid of pyn te spaar, maar dan tree ons nie meer regtig volgens die beginsels van die liefde op nie, want dit is nie op die langtermyn regtig tot hulle voordeel nie. Liefde maak opofferinge Die essensie van liefde is om iemand anders se belange bo jou eie te stel. Hierin is die liefde: nie dat ons God liefgehad het nie, maar dat Hy ons liefgehad het en sy Seun gestuur het as n versoening vir ons sondes. (1 Joh 4:10) Jesus het sy heerskappy en Godheid opgeoffer om n mens te word en onder ons te kom woon, en toe het Hy nog verder as dit ook gekies om sy lewe op te gee om aan n kruis vermoor te word sodat ons lewe kan hê. Daar is geen liefde sonder opoffering nie. Hollywood skets daagliks vir ons n oorgeromantiseerde prentjie van n tipe liefde waar alles net altyd perfek uitwerk die tipiese and

5 they all lived happily ever after liefde. So asof wanneer jy liefde gevind het alles daarna n breeze is. Maar Jesus se lewe skets vir ons n prentjie van ontbering en opoffering en doelbewuste moeilike keuses om iemand anders te bevoordeel ten koste van jouself. Soms is liefde harde werk, n moeilike keuse in moeilike omstandighede. Maar die liefde triomfeer altyd, selfs oor die dood dit het Jesus vir ons bewys. VOORGESTELDE BESPREKINGSVRAE 1. Liefde neem altyd die eerste tree. Vriendskappe en verhoudings begin wanneer jy kies om mense op eenvoudige praktiese maniere lief te hê. Vind jy dit maklik, of is dit vir jou iets awkward om daardie eerste stap te neem? Vra jy dikwels die vraag: Wat is die liefdevolste ding wat ek vir hierdie persoon kan doen in hierdie omstandighede? 2. Het iemand groter/ouer jou al beskerm in n potensieel gevaarlike situasie? Vertel. Hoe het dit jou laat voel? 3. Liefde bring n beskermingsdrang in jou hart. As ons regtig mense liefhet sal ons hulle dus ook daarwerklik beskerm wanneer hulle in gevaar kom. Ons samelewing lyk baie anders (vgl syfers vir geweld en misdaad teen vroue/kinders). Is die veiligheid van mense in moeilike omstandighede op jou hart of is jy maar net bly om veilig te wees waar jy is? Wat kan ons as n groep doen om groter beskerming te bied aan mense in ons gemeenskap wat deurloop onder geweld en mishandeling? 4. Mense wat jy liefhet maak foute en tree verkeerd op, dis deel van die lewe. Hoe moeilik/maklik is dit vir jou om eerlik te wees wanneer jy ongelukkig is oor sulke optrede. Bly jy liewer stil of konfronteer jy dit? Hoe goed hanteer jy dit raak jy boosaardig of bly jy kalm? Praat julle ooit oop en eerlik oor dit wat jou of die ander persoon ongelukkig maak? Bespreek. 5. Liefde vra konsekwentheid en regverdigheid dis n moeilike deel van die uitvoering van liefde, maar dit skep sekuriteit en vertroue. Dikwels probeer ons mense (geliefdes, kinders, vriende) pyn en verleentheid spaar deur verkeerde dinge oor te sien. Hoekom is dit nie regtig n manier om liefde te bewys nie? Hoe doen jy dit reg en hoe kan ons groei hierin? 6 Egte liefde kom na vore in moeilike omstandighede, daar in die drukkoker van die lewe, wanneer mense persoonlike opofferings maak om ander te help om suksesvol te wees in die lewe, partykeer teen hoë persoonlike koste. God het jou geseën met so baie dinge. Wat kan jy aanpass na iemand anders (skills/kennis/geloof/resources/materiële besittings) wat hiervan dra jy aan iemand oor op gereelde basis?

6 Week 3 : The Vow INLEIDING Valentysdag lok verskillende reaksies by mense uit. Vir verliefdes is dit n wonderlike dag van liefde en bederf, by ander wek dit pyn en hartseer en gevoelens van eensaamheid of verlies op, ander slaan in koue sweet uit by die gedagte daaraan om n date te moet kry, vir mense in uitgekarringde langtermyn verhoudings is dit n dowwe irritasie wat of half teensinnig aandag kry of afgemaak word met een of ander opmerking oor die oorkomersialisering daarvan, en vir party mense is dit totaal irrelevant en hulle verstaan nie waaroor die groot fuss nou eintlik gaan nie. Hoe dit ook al sy, romantiese en langtermyn verhoudings vorm deel van die lewe en jy kan dit nie net ignoreer of wegredeneer nie. Almal word daardeur geraak direk of indirek. Of jy dus enkel, in n verhouding of getroud is, jy kan baat vind by die goeie beginsels wat maak dat verhoudings werk. Hier volg n paar praktiese wenke oor hoe om sterk langtermyn verhoudings te bou. Dit vorm ook goeie tips oor hoe om liefde te wys teenoor iemand in wie jy belangstel as jy enkel is. BEGINSELS VIR LIEFDE IN LANGTERMYN VERHOUDINGS (HUWELIK) Wys waardering Dis moontlik om in n verhouding te wees en alleen te voel omdat jy nie voel dat jy waardeer word nie. Wanneer jy die eerste keer verlief raak op jou lewensmaat, neem jou sintuie alles in, gevoel, reuke, woorde, body-language, want alles is nuut, maar later raak jy gewoond daaraan en baie daarvan gaan by jou verby. Veral na n paar jaar in n huwelik, kan die dinge wat jy doen om liefde te wys later as vanselfsprekend aanvaar word wat jou laat voel dat jy nie waardeer word nie. Jy moet dus doelbewus ekstra moeite doen met jou maat om hom/haar waardeer te laat voel sê dankie vir gewone goed, komplimenteer jou maat, gaan uit op n spesiale geleentheid, verras hom/haar. Aanvaarding Dis baie maklik om fout te vind met jou maat omdat hulle nie voldoen aan die verwagtinge (prentjie) wat jy in jou binnekant koester van die perfekte huweliksmaat nie. Maar jy het nie n prentjie getrou nie, dit is n vlees-en-bloed man of vrou met sterk- en swakpunte. Hy of sy is nie perfek nie (en was ook nie so voordat julle getroud is nie, al het dit dalk so gevoel), en sal nooit kan leef volgens die hoê standaard van daardie prentjie van jou nie. Fokus op die positiewe dinge in jou maat, dinge wat deur ander mense raakgesien en waardeer word in hom/haar. Liefde is n keuse om jou maat te aanvaar vir wie hy/sy is (foute en al) om so die heel beste wat God in hul belê het raak te sien en na vore te bring volgens sy ontwerp (en nie noodwendig volgens die ontwerp van jou verwagtinge nie). Maak tyd om te luister Gelukkige paartjies maak tyd om te luister na die ander persoon. Verliefdes kan ure lank praat, meestal oor hoe hulle voel. Hoe langer jy in n verhouding is, hoe makliker raak dit om net te praat oor feite en gebeure en nie meer die ware gevoelens van jou hart met jou maat te deel nie. Luister na jou maat se gevoelens, maak tyd om net aan hom/haar aandag te gee (moenie die foon antwoord wanneer sy iets belangrik met jou deel nie). Moenie antwoorde of oplossings probeer verskaf nie, luister (Jak 1:19)! Mans sukkel dikwels om hulle gevoelens te verwoord, maar ter wille van n gelukkige verhouding kan jy dit aanleer meneer (practice makes perfect), sy het nodig om te weet hoe jy voel dit maak julle harte aan mekaar vas. Hanteer konflik Die meeste mense hou nie van konflik nie en probeer dit liefs vermy (slegs n klein persentasie van die samelewing verkies om konflik aan te wakker). Maar gesonde konflik op sy tyd is goed vir n

7 verhouding, die gevaar kom wanneer jy seergemaak voel en nie die geleentheid kry om hierdie gevoel van innerlike seerkry/verwonding uit te praat of agter jou te sit nie. Wanneer iemand dan op die knoppies van jou (vorige) seerkry druk, lei dit tot onmiddellike reaksie, wat baie lelik kan opeindig. Dis ook onregverdig teenoor jou maat om die heeltyd goed uit die verlede op te haal deal daarmee en handel dit af. Pare moet dus maniere kry om die konflik te hanteer sonder om die ander persoon in die proses seer te maak. Indien iemand in die proses seergekry het, maak tyd om dit deur te gesels op n kalm wyse en onthou Covey se beginsel: First seek to understand, and then to be understood. Bou intimiteit Intimiteit is die sement wat n langtermyn verhouding aanmekaar hou. Om intimiteit te bou moet jy die voortou neem deur n atmosfeer van warmte, liefkosing en aanmoediging in julle verhouding te skep. Hierdie kombinasie van omgee wys, woorde, aanraking, spesiale bederf-gebare, ens bring in diep emosionele geborgenheid by huweliksmaats wat die basis skep vir n sterk fisiese verhouding. Jy moet die ander persoon deurlopend spesiaal en gekoester laat voel. Dit kan harde werk wees, maar daar is geen shortcuts nie. God het seks in die huwelik ingebou (en slegs vir binne die huwelik), nie as n obligation wat nagekom moet word nie, maar sodat huweliksmaats ook gereeld fisiese intimiteit met mekaar kan geniet. Intimiteit (emosionele koestering) vorm die basis van n goeie sekslewe in n huwelik. Sonder intimiteit is diep bevredigende, vervullende seks nie moontlik nie, maar intimiteit hoef nie altyd op seks uit te loop nie (in teendeel jou maat kan maklik gebruik voel indien intimiteit net met seks gepaard gaan). Doen dus elke dag moeite om jou maat spesiaal en gekoester te laat voel. VOORGESTELDE BESPREKINGSVRAE (indien jou groep oorwegend uit enkellopendes bestaan, gebruik bg materiaal en pas die vrae dienooreenkomstig aan) 1. Wat het jy gedoen op Valentysdag? Hoe voel jy as jy die woord Valentynsdag hoor? 2. Wat is jou huidige verhouding-status (enkel, verloof, getroud, geskei, tans in verhouding, amper in n verhouding, besig om te herstel van n gebroke verhouding, het huweliksmaat aan die dood afgestaan, klaar met verhoudings)? Hoe lank is dit al so? Wil jy dit graag verander? 3. Ons praat oor egte liefde in langtermyn verhoudings (huwelik). Wat is die verskil tussen waardering en aanvaarding en hoekom is dit so belangrik om beide hiervan te wys binne n verhouding? Wat is jou beste praktiese tips oor hoe om waardering of aanvaarding te wys. 4. Gelukkige paartjies maak tyd om te luister na mekaar. Hulle deel nie net feite nie, maar hul ware gevoelens met mekaar. Beleef jy dit? [Jesus het met sy dissipels gedeel dat hy beangs is en ondersteuning nodig het in die tuin van Getsémané (Matt 26:38)] Indien jy enkel is is daar iemand met wie jy kan deel hoe jy voel, iemand wat regtig belangstel om te weet wat in jou binnekant aangaan? 5. Vermy jy ooit konflik om die vrede te bewaar? Gesonde konflik is nodig van tyd tot tyd om n sterk verhouding te bou, anders groei niemand in die verhouding nie, maar om deur jou maat (emosioneel) seergemaak te word, bring pyn in die verhouding, wat kalm en met sorg uitsorteer moet word. Praat jy en jou maat dit uit wanneer iemand seergekry het tydens konflik in die verhouding, of gaan julle maar net aan en hoop dit waai oor? 6. Diep intimiteit is noodsaaklik vir n sterk verhouding en is n belangrike bestandeel van n gesonde sekslewe in n huwelik. Om intimiteit te bou moet jy die voortou neem deur n atmosfeer van warmte, liefkosing en aanmoediging in julle verhouding te skep. Hoe maklik/ moeilik vind jy dit om sulke intimiteit te skep? Doen jou maat moeite om intiem met jou te verkeer (emosioneel en fisies)? Verstaan hy/sy jou behoefte en die dinge wat jou laat spesiaal voel en reageer hy/sy daarop? [Hierdie vraag kan ook deur couples teenoor mekaar geantwoord word indien meer toepaslik in jou groep, maak dan baie seker dat enkellopendes nie uitgesluit voel nie.]

8 Week 4 : Grondpad liefde INLEIDING Die pad van die liefde is nie glad soos n teerpad nie, dis meer soos n grondpad. Soms is daar gladde stukke, soms is dit vol hobbels en gate en as dit n bietjie gereën het verander die hele geaardheid van die pad en die dele waarmee jy so vertroud was reageer dalk anders as tevore. Die pad van die liefde is dinamies en onvoorspelbaar, dis n avontuur, een waarop jy God self sal vind en vriende sal maak wat jy weer in die ewigheid sal raakloop. Egte Liefde: Moet gewys word But if you look closely into the perfect law that sets people free, and keep on paying attention to it and do not simply listen and then forget it, but put it into practice---you will be blessed by God in what you do. (Jak 1:25) Die liefde in jou hart, hoe opreg ook al, beteken niks as dit nie in aksie omgesit word sodat iemand anders dit kan beleef nie. Daar is so baie mense wat smag daarna om liefgehê en aanvaar te word. Jy kan die een wees wat God se egte liefde in daardie persoon se lewe bring, maar dit kan slegs gebeur as jy daadwerklik iets konkreet doen om dit te vertoon (na vore te bring, sigbaar te maak). Moenie dat vrees vir verwerping en n klomp what-if scenarios in jou kop jou terughou daarvan om jou liefde vir iemand te wys nie. Almal gaan jou nie terug liefhê nie aanvaar dit, dis ok, dis nie omdat daar fout is met jou nie. Maar as jy jou liefde weerhou uit vrees doen jy jouself en die ontvanger n onguns aan en weerhou die seën van God van jou eie en sy/haar lewe. Moet van jou tong af rol As iemand onder julle meen dat hy godsdienstig is en sy tong nie in toom hou nie, maar sy hart mislei, die godsdiens van hierdie man is tevergeefs. (Jak 1:26) Wat die hart van vol is loop die mond van oor. Liefde moet verklaar word. Hoe gereeld sê jy vir mense dat jy hulle liefhet of dat God hulle liefhet? Almal het nodig om te weet dat God hulle liefhet, selfs al verkies hulle om dit nie te glo nie. Ons weerhou dikwels hierdie woorde van iemand, omdat ons hulle sien soos hulle nou is en nie soos wat God hulle gemaak het om te wees nie. Jy is n ambassadeur van God se liefde wat sy boodskap van hoop en versoening moet bring na almal, van die elite tot die uitgeworpenes. Laat liefde van jou tong af rol jy het niks om te verloor nie! Ontdek iemand anders se wêreld Om egte belangstelling te toon is die vinnigste manier om in iemand se hart in te kruip. Almal het n behoefte om geken te word en hoe meer jy van iemand se leefwêreld begryp, hoe beter en dieper kan jy met hulle connect. Dit vra tyd en uitvra en aandagtig luister, dit vra saam leef en saam doen en saam lag en saam huil. Dit vra dat jy die persoon sal aanmoedig en vir hulle sal chear, dit vra dat jy sal opdaag by die geleenthede wat vir hulle saakmaak. Ons sien hoe Jesus in vissermanne se bote geklim het, by tollenaars aan huis gegaan het, by n vrou gaan sit het langs n put. Jesus het die hemel verlaat om in jou wêreld te kom jy kan die gerief van jou TV-kamer verlaat om iemand anders se wêreld te ontdek. Maak jou vreesloos Egte liefde maak jou onverskrokke, want dit dryf vrees uit en dit laat jou by jouself verby kyk na die belange van ander. There is no fear in love, but perfect love casts out fear,... (1 Joh 4:18) Mense wat verlief is of diep liefgehê voel is bold en waaghalsig, want hulle kyk na die wêreld met n bril van liefde. Ons probeer soms so hard om onsself te beskerm dat ons nie God toelaat om dit te

9 doen nie. Hoekom laat jy Hom nie n slag toe om jou op reis te neem op die onvoorspelbare wilde grondpad van liefde nie. Hy sal jou stuur tussen lewensgevare en ellendes en pestelensies deur om sy wil in jou lewe tot uitvoer te bring. Dit gaan dalk n bumpy ride wees, maar verseker n avontuur! Let go, and let God...!!! Maak jou nederig Het jy al ooit afgebuk om n klein kindjie se veters vas te maak of te help met iets wat vir hulle moeilik of belangrik is en so n groot glimlag of n drukkie gekry? Hulle is nie bewus daarvan dat jy ryk of arm, geleerd of ongeletterd is nie, hulle is net bly dat jy aan hulle aandag gegee het. Min dinge in die lewe is so bevredigend soos om alles wat jy weet, besit, bereik het, of vermag het een kant toe te skuif en jouself nederig genoeg te maak om mense te help met die dinge wat vir hulle moeilik of belangrik is. Hoogmoed (selfs jou onbewuste subtle attempts om nog so n bietjie eie-waarde te behou) stoot mense af. Nederigheid maak vir jou deure oop by mense en by God. Dit maak jou toeganklik en mense ervaar jou as eg en jou liefde as opreg. VOORGESTELDE BESPREKINGSVRAE 1. Grondpad liefde daar waar die tyres die gravel slaan. Meeste mense, as hulle n keuse het, sal liewer op die teerpad ry as op n grondpad. Dis vinniger, makliker, en nie so gevaarlik nie. Tog sien ons vir Jesus telkens op die grondpaaie van die lewe, besig om vir mense lief te hê. Hoekom dink jy is dit so? 2. Die liefde in jou hart kom slegs tot sy reg wanneer jy dit sigbaar maak deur dit op n fisiese manier te bewys. Wou jy al iets doen uit liefde uit maar vrees vir verwerping/vernedering het jou teruggehou? Vertel. 3. Ons sien dat Jesus nie opgehou het om mense onvoorwaardelik lief te hê nie, selfs tot net voordat Hy n pynlike dood gesterf het. Op watter maniere het Hy liefde prakties bewys en hoe het Hy die verwerping wat Hy beleef het verwerk? 4. Spreek jou woorde voortdurend van liefde, veral God se liefde vir alle mense? Is jou woorde warm en gerusstellend (soos Jesus met die owerspelige vrou) of het jou stem ondertone van oordeel, judgementalism, ontevredenheid, frustrasie en irritasie? Hoe kan mens jou woordeskat en stemtoon meer in lyn bring met n liefdevolle leefstyl? 5. Hoe gereeld doen jy moeite om iemand anders se wêreld te ontdek, deur aandagtig na hulle te luister, uit te vra, dinge saam te doen, of hulle te ondersteun in die dinge wat vir hulle regtig belangrik is? 6. Liefde maak jou vreesloos of dit laat jou in die oomblik dinge doen wat jy dalk nooit weer later sal aanpak nie. Het jy dalk nodig om van jou eie sekuriteite te laat vaar sodat God jou meer kan gebruik? Is daar n spesifieke aksiestap wat jy kan neem in die verband? 7. Egte liefde vra dikwels om alles wat jy weet, besit, bereik het, of vermag het een kant toe te skuif en jouself nederig genoeg te maak om mense te help met die dinge wat vir hulle moeilik of belangrik is. Ons sien dat die ryk jong man (wat n baie deeglike godsdienstige opvoeding gehad het) nie van sy besittings kon afstand doen nie en weggedraai het van Jesus en n selflose lewe. Hoe maklik kry jy dit reg om nederig te wees? Is dit in jou aard of moet jy daaraan werk? Wie ken jy wat so lewe hoe geseënd/gelukkig is hulle?