Dissipel. Julie - September Voorwoord 2. Wêreldbevolking 3 Hospitaal sending 4-6. Mission Relax 7. Hoe arm is jy 8. Tien maande in Baku 9

Transcription

1 Julie - September 2014 Dissipel Voorwoord 2 Wêreldbevolking 3 Hospitaal sending 4-6 Mission Relax 7 Hoe arm is jy 8 Tien maande in Baku 9 Wêreldbevolking vervolg 10 Nuwe voorsitter Uit die Dominee se pen 13-15

2 Die lug is koud en ja die winter is in volle swang.dit is vir my n voorreg om as nuwe voorsitter van die sending komissie in te staan. Baie dankie aan al die lede wat hul vertroue in my gestel het om voor te loop. Ek sal nederig op die opdragte van ons Hemelse Vader wag en hoor wat Sy wil is. Ek wil ook vir Che bedank vir die 3 jaar wat hy ons leier was. Hy het dit met groot passie gedoen en ons kon altyd opkyk na sy sienning. Hospitaal sending het n hele verslag gestuur en al wat ek hier kan sê is dat die Here werklik Petro se bediening seën en dat ons haar net kan ondersteun deur gebed om haar te versterk. Lees gerus haar hele verlag. Daar is ook n uitdaging om by die sendingspan in te val en te kom deelneem aan ons Mission Relax bergfietswedren en veldloop. Dit gaan n lekker uitdaging wees en ek doen n beroep op die gemeente en gemeenskap om dit te ondersteun. Daar is n voorbeeld van somer en winter wat kom en gaan. So het dit tyd geword om Marelet Loots terug te verwelkom na n jaar se diens in Azerbaijan. Sy het ons gebed en ondersteuning nodig in hierdie tyd waar sy wag op Vader se rigtingwyser wat sy nou moet doen. Kom ons tree in gebed vir haar in oor haar toekoms besluite. Ons verwelkom jou terug met baie liefde!! Die winter tyd is ook n tyd van omgee en mense in nood te help. Ek verwys na Ds Louw se skrywe waar hy riglyne gee oor ons medemens en familie wat ons kan navolg en doen. Dit het ook weer tyd geword om die lang pad aan te pak en vir Pieter te gaan kuier. Kom ons ondersteun die uitreik wat deur Johan Stoop gereël word. Hy benodig ondersteuning en gebed. Kom ons vat hande en doen dit. Gemeente en ondersteuners van sending, ek dank julle vir jul onderteuning en niks sal ongesiens verby gaan by ons hemelse VADER nie. Liefde en groete in CHRISTUS Andrie de Beer 2

3 HOE LYK DIE WêRELDBEVOLKING Die wêreld se populasie het 7 Biljoen mense bereik. Hierdie mylpaal het ons geinspireer om navorsing te doen, sodat die statistieke op datum gebring kan word en die veranderinge oor die afgelope 5 jaar was ongelooflik. In 2006 sou net 1 persoon uit n honderd n tersiêre opleiding gehad het, waar dit vandag 7 uit 100 is. Dit is te danke aan die vooruitgang van hoër onderwys in Asië. INDIEN DIE WêRELD BESTAAN HET UIT 100 MENSE: Sou 50 vrouens gewees het en 50 Mans 26 sou kinders gewees het en 74 volwassenes, waarvan 8, 65 jaar en ouer sou wees. Word vervolg op bl. 10 3

4 GETUIENIS van ons HOSPITAAL SENDELING Petro Zaayman is voltyds hospitaal sendeling en word deur die gemeente ondersteun. Sy skryf die volgende aangrypende getuinis oor haar werk! Suddenly, their eyes were opened, and they recognized him. And at that moment he disappeared! (Luke 24:31 NLT) Feel like God is a million miles away? The truth is, he s not. Whatever struggle you re going through, you can rest assured you re not alone. You have God in your corner. Dat dit waar is dat God by ons is al gaan ons deur die vuur, kan ek getuig! Verlede maand was my laagtepunt: Twee mans met rug en nek beserings. Die een toon vordering waar die bene en die voete al kan beweeg, die ander een lê nog net so roerloos soos wat hy n paar weke gelede ingekom het. Hierdie maand is dieselfde twee mans n hoogtepunt! Ek het hierdie twee se vordering met n opgewondenheid en n verwagting dop gehou. Elke dag het ek by hulle bed gaan staan, hul bemoedig en saam het ons gebid en die Here vertrou vir n wonderwerk. En die Here het ons nie teleurgestel nie. Op n dag het hul altwee se gesigte gestraal en het hul vertel die ysters en gewigte gaan die volgende Maandag van hulle koppe af kom. Wat n opgewondenheid was dit nie. Na die nodige prossedure was die dokters baie tevrede en kon hul na n week die Hospitaal verlaat. Die dag voordat hul ontslaan is kry ek hul langs mekaar op die son stoep. Hul sit op die hospitaalbankies, nekstutte om die nek, met hul rûe teen die muur gestut en gesigte wat soos die son self, blink van opgewondenheid. Om aan my te demonstreer dat hul geen pyn het en heeltemal beweeglik is, buig hul met hul bolywe tegelyk vorentoe, bene vooruit gestrek wat op en af beweeg en uitgestrekte arms wat op en af bewegings maak soos voëls se vlerke wat vlieg. Kyk, kyk niks meer pyn en alles is reg ons kan alles doen! Ek skrik so groot, my mond hang oop van skok en so bang dat hul iets gaan oorkom dat ek hul dadelik stop tot groot vermaak van hulself en die omstanders. Ek kon nie help om uit te bars van die lag vir hierdie twee koddige figure wat lyk soos twee groot voëls wat van die Hospitaalstoep probeer opstyg. Die een personeellid vra laggend aan my : ma Maruti jy het 2maande elkedag vir hulle gebid glo jy dan nie hulle is genees nie. Ek het skielik onthou hoe dikwels het ek die volgende vir hulle gebid en oor hulle gespreek: Jesaja 40:31 maar dié wat op die Here vertrou, kry nuwe krag. Hulle vlieg met arendsvlerke, hulle hardloop en word nie moeg nie, hulle loop en raak nie afgemat nie. Ek kon nie help om in verwondering te dink. Ja waarlik die Here is getrou en wys ons hoe Hy hul weer met Arendsvlerke laat vlieg. Saam het ons die Here geloof en geprys dat Hy saam met hulle in hul vuuroond was en hul daaruit gered het. 4

5 Daar was n hele opgewondenheid en vrolikheid onder die saal personeel en die ander pasiënte toe die twee die dag ontslaan is. Hulle het as vreemdelinge langs mekaar beland maar is as beste vriende daaruit en die dankbaarheid, vrolikheid en opgewondenheid was aansteeklik. Baie ander besoekers het ook vir die twee gebid en ons weet dat dit nie my of ander se gebede is wat die genesing bewerkstellig het nie, maar God self wat dit gedoen het. Ons het ook saam die Here gedank vir dokters, verpleegpersoneel, medikasie en die mediese wetenskap, want ons God is ook die God van die Wetenskap. Wat word van hierdie mense waarvan ek so vertel na maande en selfs jare? Dieselfde vraag het so n paar weke gelede by my opgekom toe ek gevra is om by n Dames Bybelstudie meer van die Hospitaal werk te vertel. Die oggend Vyf uur het ek nog nie geweet wat om by die Bybelstudie te sê nie. Daar is so baie om te vertel maar wat wou die Here hê moes ek vertel. Nadat ek gebid het, het twee name van pasiënte by my opgekom en ek het aan hul n sms gestuur en wil graag die gesprekke per sms met hul gevoer in hierdie verslag met jul deel. Hierdie vrou was n paar jaar gelede baie baie lank in die Hospitaal met Guillain barre sindroom en kon nie eers haar ooglid knip of haar lippe roer nie, wat nog te praat van haar liggaam roer. Vir baie lank het ek geen kontak met haar gehad nie en haar naam was een van die name wat by my opgekom het. Ek het nie aan haar gesê waarom ek wou weet hoe dit gaan nie. Hier volg die gesprek: 11/03/ :45 Petro se sms: Hi sus, hoe gaan dit met jou? Dink so baie aan jou en die pad wat die Here met jou stap. Hoe lank was dit wat jy nie kon loop nie? En beweeg jy nou makliker? Liefde en seën T Petro Zaayman 11/03/ :22 Antw sy: Hallo my hospitaal tannie! Of moet ek sê hospitaal engel?! Hierdie is my derde jaar. Maar ek kan al alleen loop. Word maar nog lekker moeg in die lyf. Gebruik nog hulp as ek buite loop as dit ongelyk is. Maar kan darm nou weer alles vir myself doen. Ek maak ook al huis skoon maar dit vat net dubbeld die tyd! Ek doen alles so rus-rus. Hehehe. Maar die Here is bitter goed vir my. Dit is net die Here se genade en liefde wat my gespaar het en elke dag dra. Dankie dat tannie daar was vir my om my geloof en moed sterk te maak en sterk te hou. Ek is die paddatjie wat lewendig anderkant uitgekom het. Ek sal nooit die paddatjie storie vergeet nie. Die Here sal tannie nog bitter baie sëen. Hou asseblief aan vir dit wat tannie vir die pasiënte doen, dit beteken baie. Ek is lief vir tannie en tannie sal altyd my hospitaal engel bly!!geniet tannie se dag! mwah... 11/03/ :33 Petro se sms: Ek praat by n Bybelstudie, stuur asseblief in kort wat Here vir jou gedoen het na hoe lank in hospitaal. Ek sal nie jou naam noem nie. Groete Petro. 5

6 11/03/ :39 2 de vrou antw: Ja ek was tien maande in hospitale en vyf maande aan aarvoeding drip. GOD het my drie maal uit die dode geruk na Sy heerlikheid. Wat n wonderlike ondervinding kan dit nie beskryf nie! In hierdie tyd het ek waarlik my God leer ken en Hom leer GLO en vertrou. Toe die Here my die eerste keer geruk het, het daar n lied gespeel The River. So het daar elke keer n lied gespeel. Kinders het klaar gereël vir die begrafnis. Maar God het n ander plan met my. So het ek die 10 maande met my God gesels en gepraat en aan Sy voete gesit. Toe sê Jesus EK is Gees en woon in jou. Die mooiste wat die Heilige Gees my gewys het was drie roosknoppies. Die 1 ste een was toe. Die 2 de het geswel en begin lewe kry en die 3 de het begin oopgaan. EK het geweet die Here beplan vir my n nuwe lewe en ek het daaraan begin vashou. Ek het 30kg geweeg. God is goed, ek weeg nou 48kg. In daardie tyd kon ek nie loop eet of enige iets drink nie. Net altyd my lippe natgemaak. God is die groot EK IS. Ek lewe nou net vir Jesus en het Hom so lief. Amen Shalom. Ek is die paddatjie wat lewendig anderkant uitgekom het. Ek sal nooit die paddatjie storie vergeet nie. Die Here sal tannie nog bitter baie sëen. Hou asseblief aan vir dit wat tannie vir die pasiënte doen, dit beteken baie. Ek is lief vir tannie en tannie sal altyd my hospitaal engel bly!!geniet tannie se dag! mwah... 11/03/ :33 Petro se sms: Ek praat by n Bybelstudie, stuur asseblief in kort wat Here vir jou gedoen het na hoe lank in hospitaal. Ek sal nie jou naam noem nie. Groete Petro. 11/03/ :39 2 de vrou antw: Ja ek was tien maande in hospitale en vyf maande aan aarvoeding drip. GOD het my drie maal uit die dode geruk na Sy heerlikheid. Wat n wonderlike ondervinding kan dit nie beskryf nie! In hierdie tyd het ek waarlik my God leer ken en Hom leer GLO en vertrou. Toe die Here my die eerste keer geruk het, het daar n lied gespeel The River. So het daar elke keer n lied gespeel. Kinders het klaar gereël vir die begrafnis. Maar God het n ander plan met my. So het ek die 10 maande met my God gesels en gepraat en aan Sy voete gesit. Toe sê Jesus EK is Gees en woon in jou. Die mooiste wat die Heilige Gees my gewys het was drie roosknoppies. Die 1 ste een was toe. Die 2 de het geswel en begin lewe kry en die 3 de het begin oopgaan. EK het geweet die Here beplan vir my n nuwe lewe en ek het daaraan begin vashou. Ek het 30kg geweeg. God is goed, ek weeg nou 48kg. In daardie tyd kon ek nie loop eet of enige iets drink nie. Net altyd my lippe natgemaak. God is die groot EK IS. Ek lewe nou net vir Jesus en het Hom so lief. Amen Shalom. Met die skryf van hierdie verslag sms ek aan nog n persoon: Petro se sms: Wat het die Here die afgelope twee weke in die hospitaal vir jou gedoen? Groete, Petro Sy antw: GOD is so groot en goed! 18 de Maart n groot operasie ondergaan aan dun en dik derm. Vier en n half uur lank geduur. Binne twee dae is drup en pype en alles af. n Paar dae later het ek infeksie en moet die Maandag teater toe. Met almal se gebede is alles Saterdag opgelos. Geen teater nodig. Maandag is die steke uitgehaal en Donderdag is ek fris en gesond huistoe. Dankie JESUS vir geen komplikasies. Al die funksies werk en ek is weer normaal soos enige mens. Prys ons KONING ons LEWENDIGE GOD en ALMAGTIGE VADER. JESUS CHRISTUS, SY TROOSTER die HEILIGE GEES is in ons. Amen. Pasiënte se verhale klink soos storieboek stories, maar dit is waar, ook nog in vandag se tyd raak God mense aan. 6 Groete in Christus, Petro Zaayman

7 7 Plek:

8 HOE ARM IS JY Eendag het n ryk pa sy seun op reis saam met hom geneem na die platteland met die doel om aan hom te toon hoe arm mense kan wees. Hulle het n dag en nag spandeer op die plaas van n baie arm familie. Nadat hulle teruggekeer het van hulle uitstappie vra die pa vir sy seun, Hoe was die uitstappie vir jou? Baie goed Pa! Kon jy nou n idee kry hoe arm mense kan wees? vra sy pa. Ja, verseker pa. En wat het jy geleer uit die uitstappie van ons? Die seun antwoord toe as volg: Ek het gesien dat ons een hond het en hulle het vier. Ons het n swembad wat strek tot in die middel van die tuin, hulle het n spruit wat geen einde het nie. Ons het ingevoerde lampe in die tuin, hulle het die sterre. Ons voortuin strek tot by die grensdraad, hulle sin strek tot by die horison. Toe die klein seuntjie klaar is was sy pa sprakeloos. Hy voeg toe by, Dankie, Pa, dat jy vir my gewys het hoe arm ons is. Is dit tog nie so waar dat alles afhang hoe mense na dinge kyk nie? As jy liefde, vriende, familie, gesondheid, goeie humor en n positiewe lewens uitkyk het - het jy alles. Jy kan nie enige van die bogenoemde koop nie. Jy kan beskik oor al die materiële welvaart denkbaar, maar as jy arm aan gees is, het jy niks. (1 Tim 6:17) Beveel die rykes in die teenwoordige wêreld om nie hoogmoedig te wees nie en ook nie hulle hoop te stel op die onsekerheid van die rykdom nie, maar op die lewende God wat ons alles ryklik verleen om te geniet. 8

9 Tien maande in Baku, Azerbaijan 9 Na tien maande in Azerbaijan kan ek weereens getuig van ons Vader se getrouheid. Toe ek destyds na Azerbaijan vertrek het, het ek nie geweet hoekom Vader my juis daar wou hê nie, maar ek het verse oor ROTS en TORING gehad en Wikipedia foto s wat die rotstekeninge van Gobustan wys en die Maidentower in Baku. Aan die begin was die grote stad met sy 2 miljoen inwoners vir my net te veel. Die geldeenheid manat was 1-13 rand en die stad was so duur. Ek het nie geweet hoe ek gaan oorleef nie. Maar Vader is so getrou. Ek het na n hele paar maande gewoond geraak aan die lawaai en ek het elke maand meer as genoeg gehad. In die tyd het ek by Caspian Academy uitgehelp. Ek het n gekombineerde graad 3 en 4 klas met baie unieke kinders gekry - 6 uit die 14 het n probleem met iets gehad. Die vorige 3 jaar het hulle onderwysers geruil en daar was onderwysers met probleme, so die outjies was erg ontwrig. Ek kon toe sien, dat Vader vir hulle n bestendige jaar met n ervare onderwyseres wou gee. Ek is so dankbaar dat Vader vir my uitgewys het hoe ek die kinders met probleme kon help en ons het n baie geseënde jaar gehad. Ek het lang ure by die skool gewerk, (gewoonlik van 8vm tot 5 of 6 nm) en het doodmoeg by die huis gekom. Daar was dus nie tyd om aan taalleer te spandeer nie, maar my kennis van Uzbek het my baie gehelp. Ek kon die meeste van die tyd verstaan wat die mense praat, hulle kon my net nie altyd verstaan nie! In die tyd kon ek met elke kind in my klas praat oor hulle siele en het ek ook geseënde gesprekke met n paar plaaslike individue gehad. Ek bid en vertrou dat Vader verder in hierdie mense se harte sal werk. Ek wil van hierdie geleentheid gebruik maak om vir elke persoon wat vir my gebid het of vir my finansieel ondersteun het, baie dankie te sê. Ek het n baie getroue stuursel gehad. Hulle het elke tweede Sondag vir die werk hier gebid en het gereeld met my gekommunikeer dmv What s App en epos. Baie dankie ook aan elkeen van julle. Mense wil graag weet, wat ek volgende gaan doen. Ek weet nog nie, maar my Vader weet, en Hy sal vir my vertel wanneer die tyd ryp is. Ek het net in hierdie jaar besef dat my hart vir altyd aan sending behoort en ek sou graag weer wil doen wat ek hierdie jaar gedoen het, maw uithelp waar daar n nood in die sendingveld vir n onderwyseres is. Daar is twee geleenthede waaroor ek bid, maar as ek die rooi lig van Vader kry, sal ek seker weer probeer om n onderwyspos in Suid-Afrika te kry.

10 NASIONALITEITE: 60 Asiërs, 15 Afrikaners; 14 mense vanaf Amerika 11 Europese 33 Christene 22 Moslems 14 Hindus 7 Buddiste; 12 mense van ander gelowe 12 mense sonder enige geloof TALE: 12 sal Chinees praat; 5 Spaans; 5 Engels 3 Arabies 3 Hindu 3 Belgies 3 Portugees 2 Russies 2 Japenees; en 62 sou ander tale gepraat het ONDERRIG: 83 sou kon lees en skryf, waarvan 17 nie sou kon. 7 sou n graad gehad het 22 sou n rekenaar moes deel 77 mense sou n tuiste gehad het, maar 23 sou sonder heenkome gesit het. 1 sou van honger omgekom het, 15 sou ondervoed wees en 21 oorgewig. 87 het toegang tot veilige skoon drinkwater in teenstelling met 13 wat geen toegang tot skoon en veilige drinkwater het nie. 10

11 Andrie de Beer Sending se nuwe voorsitter Andre is op 1 Augustus 1958 gebore in Potchefstroom. Hy het sy kinderjare baie geniet en sy lekkerste herinneringe was die plaaslewe en hulle gesins vakansies in die Kruger Wildtuin. Hy het in Laerskool Baillie Park skool gegaan en sy Hoërskool loopbaan voltooi in JJ Pienaar. Na skool het hy by Delta Staal begin werk vir 37 jaar en later sy eie boerdery begin. Andre kom goed oor die weg met mense en kan alles hanteer, maar dit maak hom baie kwaad as iemand oneerlik is en nie sy pligte nakom nie. As dinge vir Andre bietjie te veel word, sal hy stil word en homself afsonder tot hy beter voel. Hy luister graag na boere-, country- en kitaarmusiek en honde en perde lê hom na aan die hart. 11 Andre is getroud met Tersia en hulle het twee pragtige dogters. Chantelle het haar Honeursgraad in Sielkunde behaal en daarna n Onderwysgraad. Sy hou tans skool in Pretoria en is gelukkig getroud met Christo Human. Zelmarie is n tweede jaar student by Potchefstroom Universiteit en studeer Geesteswetenskappe met Geografie en Filosofie.

12 Andre het jare terug by die buitelandse sending betrokke geraak, nadat die Here dit op sy hart gelê het. Marelet se bediening het oor sy pad gekom en hulle het haar later uitgestuur as sendeling. Hy geniet dit baie om na die getuienisse en lewensverhale van mense te luister wat n verskil in ander mense se lewens gemaak het. So sien jy God prakties in werking! Andre wil baie graag meer mense betrokke kry by die sending en glo dat elke gebed n verskil kan maak. Op so manier kan die woord van God vinniger versprei word. Baie welkom by die sendingspan!! 12

13 Uit die Dominee se pen Deur Ds Willem Louw 13 Leer hoe om die evangelie elke dag met jou lewe uit te dra en te illustreer sonder dat dit ekstra tyd vra! Die mees algemene verskoning wat ek gewoonlik hoor waarom die evangelie nie met iemand gedeel word nie is: Ek is te besig. Onlangs het ʼn ma gesê: Ek het doodgewoon nie tyd om kerk-aksies by te woon nie. Wanneer ek tuis kom moet ek my kinders help, daar is hope werk wat in my huis wag om gedoen te word. Ek het doodgewoon nie vryetyd om nog die evangelie te help uitdra nie! Een van die redes waarom ons sukkel om soos dissipels te leef en te getuig is omdat ons kerk en werk in ons normale daaglikse lewe van mekaar geskei het. Ons beskouing sal drasties moet verander. Ek sal moet besef dat ek eerstens ʼn Christen is en dat ek as Christen werk, studeer, speel ens. Wanneer ek in my huis besig is om my huisgesin te versorg, doen ek dit as Christen dissipel van die Here. Die manier hoe ek met my kinders praat, hoe ek reageer op die TV nuus, die besoekers by my voordeur ontvang, oor die bure praat, of wat ek aan tafel sê van my kind se skooljuffrou, of die dominee of jeugwerker by die kerk... alles het ʼn invloed op die mense wat rondom my is. Wanneer ek besef dat ek ʼn dissipel van die Here is en intensioneel my daarop instel om elke geleentheid by my huis te gebruik om my kinders se verhouding met Jesus te verdiep, gebeur daar dinge! Transformasie vind plaas! Dieselfde geld by my werk. God het my tussen mense geplaas by my werk en dit is die markplein waarbinne ek ʼn verskil kan maak. Wanneer ek bid dat God my sensitief sal maak om geleenthede by my werk raak te sien waar ek verhoudinge kan bou om die evangelie uit te dra, sal God my oë begin oopmaak en sal ek sulke geleenthede begin raaksien. Dissipel-wees gebeur daagliks. Dit word ʼn leefstyl van luister, raaksien en dan in liefde uitreik op die wyse wat God aan jou openbaar. Leer jou kinders om soos dissipels te leef, reg binne jou eie huis: 1. Is jou liefde vir Jesus eg? Kinders sien dwarsdeur grootmense. Jy kan hulle nie bluf nie. Hulle weet of hul ouers se liefde vir Jesus opreg is. Hulle weet of jy elke dag jou eie stiltetyd hou. Hulle weet of jy gretig is om eredienste by te woon. Hulle sien wanneer jy self moeite doen om God te aanbid. Hulle kyk hoe pappa en mamma met mekaar praat.

14 Hulle weet of mamma en pappa elke dag hardop saam bid. Hulle hoor hoe jy praat oor mense en gebeure. Wanneer jou kinders sien dat jy lief is vir Jesus en opgewonde en vol vreugde oor Hom praat, sal hulle begeer om ook in so ʼn verhouding met Jesus te leef! 2. Hou daagliks huisgodsdiens saam met jou kinders. Kry ʼn vaste daaglikse tydgleuf wanneer die hele gesin saam kan Bybel lees en bid. Gebruik die geleentheid vir kort geselsies oor die waarhede wat julle in die Bybel gelees het. Vra drie eenvoudige vragies nadat julle saam gelees het: Wat leer dit ons oor God? Hoe moet ons lewe daarby aanpas? Wat moet ons nou gaan doen? As jou kinders nog baie klein is, kan jy elke aand voordat hulle bed toe gaan ʼn storie vertel met ʼn lewens les (gee diertjie name vir die menslike karakters en vertel ʼn lewenswaarheid wat jy daardie dag geleer het). Lees ʼn Bybelstorie en bid saam met jou kinders voor hulle gaan slaap. Vra hulle ook om hardop te bid. 3. Vertel aan jou gesin wat God besig is om in jou eie lewe te doen. Ons voorbeeld inspireer meer as ons woorde. Wanneer jy opgewonde aan etenstafel getuig oor hoe jy gehoorsaam was aan God en wat die gevolg was, sal jou kinders uit jou voorbeeld leer. Vertel aan hulle van jou gesprek met ʼn vriend by die werk en hoe God jou gebruik het. Wees eerlik oor jou lewe. Vertel ook van jou terugslae en hoe jy by God hulp en raad soek. Wanneer deurbrake kom sal jou kinders besef dat God waarlik almagtig is. 4. Spandeer tyd saam met jou kinders en let op na hul emosies. Wees oplettend vir die dinge wat jou kinders beleef. Vra uit en luister simpatiek na hul emosies en ondersteun hulle empaties. Wanneer hulle mismoedig is, emosioneel seergekry het, bang of hartseer is, is dit goed om jou kind eenkant te neem en hardop saam te bid. Wanneer jy agterkom dat jou kind ʼn geleentheid het om iemand te ondersteun, te bemoedig, of teenoor iemand kan getuig, moedig hul dan aan om dit te doen. Wanneer hulle na iemand uitgereik het, stel belang en vind uit hoe dit gegaan het. Wanneer jul gebed verhoor is, kan jy weer saam met jou kind die Here dank. Jy gaan verbaas wees hoe vinnig jou kind leer dat God altyd naby is en dat Sy kinders altyd by Hom krag en wysheid vir elke situasie kan vind. 5. Leer jou kinders om verantwoordelik met hul sakgeld te werk. Vertel aan jou kinders hoe jy met jou eie geld werk. Vertel aan hulle waarom jy iets koop of nie koop nie. Hoe jy spaar en hoe jy jou tiende bereken en vir die Here gee. 14

15 Jou kinders sal uit jou voorbeeld leer om te spaar, leer om geld oordeelkundig te gebruik en leer om die Here met hul tiende te dien. Moedig hulle aan om ʼn tiende van hul sakgeld vir Jesus se werk te gee. 6. Beplan om as gesin saam uit te reik en ʼn verskil te maak. Vra die hele gesin om saam te bid en op te let waar hulle nood sien en waar julle as gesin ʼn verskil kan maak in iemand se lewe. Beplan as gesin saam hoe julle die saak gaan aanpak. Almal kan saam spaar, saam bid en saam voorberei. Jul kan byvoorbeeld iemand met ʼn kombers en klere gaan bemoedig, of saam met die gemeente op ʼn korttermyn uitreik gaan, of sommer net iemand in die hospitaal gaan bemoedig. Dit is belangrik dat die kinders sien pappa en mamma is hart en siel in die saak, omdat dit vir God belangrik is dat julle ʼn verskil maak. Leer jou gesin om na buite gerig te leef: 1. Leer jou gesin om nie net vir hulself te leef nie. Normaalweg leef mense selfsugtig. Elkeen soek net die beste vir homself, leef vir hul eie geluk en plesier, en wil graag meer geld vir homself bymekaar maak. Leer jou gesin om weg te kyk van hul eie belang en ook om te gee vir ander, nederig en diensbaar te wees teenoor ander. Stel die voorbeeld deur self iemand anders te help (by die werk, of in die woonbuurt of in die gemeente). Moedig jou kinders aan om dieselfde by die skool te doen, of by die universiteit. 2. Leer jou gesin om te bid vir ander. Stel die voorbeeld bv. om vir die mense in jou straat te bid. Stap een keer per week om die blok en vra dat God die mense in jou straat sal seën. Neem ʼn vriend by die werk aan en tree daagliks met gebed vir jou vriend in. Stel belang in die vriend en let op waar jy jou vriend kan ondersteun. Leer jou kinders om ook vir iemand te bid en om te gee. 3. Kry ʼn mentor. Jesus het sy 12 dissipels gementor. Paulus het die jongman Timoteus gementor en so is daar baie Bybelse voorbeelde. Kry ʼn gelowige wat ouer as jy is na wie jy kan opkyk vir raad. Vra daardie persoon om jou mentor te wees. Gee daardie persoon die reg om jou vrae te vra oor jou verhouding met God, jou toewyding aan jou wederhelfte en kinders en die voorbeeld wat jy aan hulle stel. Leer om eerlik en deursigtig te kommunikeer. Dit sal jou eie optrede meer verantwoordelik maak. Jou gesin sal agterkom dat jy ook jouself nederig onderwerp aan iemand. Hulle sal leer dat iemand ook vir jou bid en dat jy ook gretig is om te leer. 15

16 I have found that there are three stages in every great work of God; first, its is impossible, then it is difficult, then it is done. Oorweeg asseblief om n aftrekorder te teken vir die sendinggeloofsoffer. Bankbesonderhede: Absa Bank Tak: Rek: