Matteus 5:38-48 (Skyfie 1)

Transcription

1 Matteus 5:38-48 (Skyfie 1) 1. Teks Vergelding 38 Julle het gehoor dat daar gesê is: 'n Oog vir 'n oog en 'n tand vir 'n tand. 39Maar Ek sê vir julle: Julle moet julle nie teen 'n kwaadwillige mens verset nie. As iemand jou op die regterwang slaan, draai ook die ander wang na hom toe.40as iemand jou hof toe wil vat om jou onderklere te eis, gee hom ook jou boklere. 41As iemand jou dwing om sy goed een kilometer ver te dra, dra dit vir hom twee kilometer. 42Gee aan hom wat iets van jou vra, en moet hom wat van jou wil leen, nie afwys nie. Liefde vir die vyand (Luk. 6:27-28,32-36) 43 Julle het gehoor dat daar gesê is: Jou naaste moet jy liefhê en jou vyand moet jy haat. 44Maar Ek sê vir julle: Julle moet julle vyande liefhê, en julle moet bid vir dié wat vir julle vervolg, 45sodat julle kinders kan wees van julle Vader in die hemel. Hy laat immers sy son opkom oor slegtes en goeies, en Hy laat reën oor dié wat reg doen en oor dié wat verkeerd doen. 46As julle net dié liefhet wat vir julle liefhet, watter loon kan julle dan nog verwag? Maak die tollenaars nie ook maar net so nie? 47En as julle net julle broers groet, wat doen julle meer as ander? Maak die heidene nie ook maar net so nie? 48 Wees julle dan volmaak soos julle hemelse Vader volmaak is Fokus op God Een van die slegste dinge wat jy ooit kan oorkom is as jy ontdek dat iemand wat jy vertrou het, jou in die rug gesteek of teen jou kwaad gestook het. Wat is n mens se eerste natuurlike reaksie in sulke omstandighede? Wraak ek gaan jou terugkry! Maar dis nie wat God wil hê nie. (Skyfie 2) Peter Miller, ʼn leraar, was ʼn vriend van George Washington, ʼn Amerikaanse president van lank terug. In sy tuisdorp, Ephrata, was daar Michael Wittman, ʼn man wat Peter altyd wou verneder of kwaad aandoen. Michael word toe ter dood veroordeel omdat hy ʼn verraaier was en aan die Engelse geheime uitgelek het. Peter loop byna 110 km na Philadelphia om by president Washington te pleit vir Michael se lewe.

2 Toe hy daar kom, vra Washington vir hom wat hy vir hom kan doen: Ek het ʼn groot guns om vir u te vra. Sal u vir Michael Whitman vryspreek, asseblief? Dis onmoontlik, ek kan nie jou vriend, Whitman, vryspreek nie nie na wat hy gedoen het nie. Ek kan nie sag wees teenoor verraaiers nie, al is hy jou vriend. Peter Miller het so gereageer: Vriend! Hy is geen vriend van my nie. Hy is die bitterste vyand wat ek nog ooit in my lewe gehad het. Vir jare het hy my getreiter. Hy het alles in sy vermoë gedoen om my kerk seer te maak en om die verkondiging van die evangelie te verhinder. Hy het my selfs een keer na ʼn erediens ingewag en my gedaan geslaan. Washington, laat ek dit glashelder stel - Michael Whitman is verseker geen vriend van my nie. Waarom vra jy dan dat ek hom vryspreek? wou Washington verbaas by Miller weet. Want dit is presies wat Jesus vir my en jou gedoen het! Hy het ons ook immers geleer om ons vyande lief te hê en boonop vir hulle te bid! Toe Washington dit hoor en die feit dat Peter so ver geloop het om te pleit vir die lewe van ʼn vyand, was hy baie aangedaan. Hy het vir Michael vrygespreek. Miller het saam met Washington na Whitman gegaan, daar waar hy in aanhouding was, om die nuus aan hom oor te dra. Michael was só oorbluf deur die liefde van ʼn man wat hy so sleg behandel het, dat hy ook sý lewe vir Jesus gegee het. Peter het Michael teruggeneem, nie langer as ʼn vyand nie, maar as ʼn mede-vriend van Jesus Lees dan Matteus 5: Luister dieper # Inleiding: Kinders se definisies van liefde

3 Daar is ʼn tyd terug aan ʼn klomp vier tot agtjariges gevra: Wat beteken liefde? Hier is ʼn paar van die antwoorde: Toe my ouma erge rumatiek gekry het, kon sy nie meer oorbuig om haar toonnaels te verf nie. Nou doen my oupa dit vir haar, selfs al het sy hande ook rumatiek. Dit is liefde. Rebecca - 8. Jy moenie sommer sê: Ek is lief vir jou nie. tensy jy dit bedoel nie. Maar as jy dit bedoel, moet jy dit baie sê. Mense vergeet maklik. Jessica - 8. Liefde is wanneer jou hondjie jou gesig lek, al het jy hom die hele dag alleen gelos. Mary Ann - 5. Maar die een wat as die beste bestempel was, Nikka 6 wat dit só gestel het: (Skyfi 3 As jy wil leer om beter lief te hê, moet jy begin met ʼn vriend wat jy haat. Ons gaan vandag loer na moeilike goed wat Jesus van Sy volgelinge verwag, maar wat Jesus-volgelinge laat UITstaan in die lewe. # Tweede kilometer (Matt 5:38-42) (Skyfie 4) 1 Pet 2:23-25 Agter Jesus se kilometer-beeld sit die volgende: Destyds het die Romeinse soldate dikwels swaar bagasie - hulle kit - oor groot afstande gedra. Baie van die soldate het, terwyl hulle deur dorpsgebiede geloop het, iemand in dié gebied hulle swaar vrag laat dra. Dit was n alledaagse gebruik - en niemand het daarvan gehou nie - sodat daar selfs n wet was wat n jong seun verplig het om die soldaat se swaar rugsak n kilometer ver te dra! (Skyfie 5) Destyds was dit glad nie snaaks om stokke langs die paaie in dorpies te sien wat die afstand afgemerk het wat n seun sou moes loop as n soldaat dit van van hom verwag het nie.

4 Omdat die gebruik so wydverspreid in Jesus se tyd voorgekom het, het Jesus iets voorgestel, wat dinge op sy kop gedraai het. Niemand het gehou daarvan om n Romeinse soldaat te help nie! Nou sê Jesus: Moenie dit net een kilometer dra nie, dra dit n verdere kilometer! Jesus gee eintlik n nuwe beginsel vir die lewe: doen altyd meer as wat van jou verwag word - dit laat jou UITstyg bo die res! Onthou the difference between ordinary and extraordinary is that little extra (Jimmy Johnson) Skyfie 6 Daar is geen verkeersknope wanneer jy ook die tweede kilometer saam met iemand loop nie, want min sien kans daarvoor! Wanneer laas het jy die tweede myl vir iemand geloop? Staan jy bekend as iemand wat altyd daardie bietjie ekstra doen? Indien dit nie so is nie, wat moet jy doen sodat jy so iemand kan word? Wel, dis eenvoudig en voor die handliggend? Doen meer as wat verwag word. Wat is die afstand tussen iemand wat gedurig hulle doelwitte bereik en lewensvreugde het en iemand wat hulle lewe as blote volgelinge en toeskouers deurbring? Die tweede kilometer! Doen altyd daardie bietjie ekstra - dan leef jy soos Jesus! # Die tweede kilometer in die praktyk - Vyande liefhê? (Matt 5:43-48) (Skyfie 7) ʼn Christen moet ook sy vyande liefhê! Maar Jesus maak dit nog moeiliker deur by te voeg dis presies soos God maak! (Skyfie 8) Geen wonder Martin Niemoller, ʼn Duitse predikant wat juis deur die Nazi s in die tronk gegooi is, het gesê: God is nie die vyand van my vyande nie. God is nie eens die vyand van Sy vyande nie!

5 Daarom hanteer Jesus-volgelinge vyande anders. Die Griekse woord agapé wat ons met liefhê vertaal het, beteken baie meer as net liefhê! Dit beteken die mag om mense lief te hê vir wie ons nie van hou nie én wat ook nie van ons hou nie! Net Jesus kan ons daarmee help! C. S. Lewis het vir ʼn vriend belowe dat hy vir sy vrou en dogtertjie sal sorg as hy sou doodgaan. Toe sterf die vriend in die Eerste Wêreld Oorlog. Lewis het sy belofte gehou. Maar ten spyte van die feit dat hy alles in sy vermoë gedoen het om hulle goed te versorg, was die vrou altyd onbeskof, ondankbaar en arrogant teenoor Lewis gewees. Maar ten spyte hiervan, het Lewis haar aanhou vergewe en nooit toegelaat dat haar vyandige aksies n verskoning word om nie sy belofte na te kom nie! As jy só lewe, lewe jy soos Jesus! (Skyfie 9) Daar is n ou Ierse seëngebed wat so klink: May God bless those who love us. And those who do not love us, may He turn their hearts. And if He does not turn their hearts, may He turn their ankles so we may know them by their limping. As jy hulle mank sien loop, dan sê Jesus bid vir hulle die goue reël tot op sy uiterste. Toe Narvaez, die Spaanse patriot, op sterwe lê, het die priester vir hom gevra of hy al sy vyande vergewe het. Narvaez het hom verbaas aangekyk en gesê: Vader, ek het geen vyande nie. Ek het hulle almal doodgeskiet! Kyk, soms dryf mense jou teen die mure uit of teen n afgrond af, maar verras hulle en jouself deur hulle te vergewe! Verhaal van die Barmhartige Samaritaan Kom ons maak hierdie jou en my lewensuitkyk: Elke keer as ek in n soldaat van die ander weermag se oë gekyk het, het ek geen vyand raakgesien nie, net nog n

6 medemens van my wat na die beeld van God gemaak is. (uit die fliek No Man s Land) As jy só lewe, lewe jy soos Jesus!