21. MA GENESING. Waar jy 'n swak verhouding met jou ma gehad het, kan jy vandag sukkel om 'n verhouding met Heilige Gees te hê en om Sy stem te hoor.

Transcription

1 21. MA GENESING Deel in hierdie sessie met die pyn in jou verhouding met jou ma, stiefma, huisma in die geval van n koshuis of kinderhuis met ander woorde met die ma-figuur wat jou grootgemaak het. Indien jy sonder n mamma moes groot word, deel ook met die verlies en verlange na jou mamma. Fokus in hierdie lesing vereers net op jou verhouding met jou mamma. Wanneer jy genesing ontvang het, kan jy werk aan die skade wat jou kinders moontlik by jou as mamma gekry het. Waar jy 'n swak verhouding met jou ma gehad het, kan jy vandag sukkel om 'n verhouding met Heilige Gees te hê en om Sy stem te hoor. Mamma is pa se hulp en bondgenoot. Sy is die versorger van die huis. In 'n liefdevolle huwelik is kinders die vervulling op pappa en mamma se huweliksgeluk. Pa en ma moes in hul liefde en respek vir mekaar, saam vir jou 'n veilige hawe skep waarin jy gelukkig kon grootword. Mamma en pappa moes bly en opgewonde gewees het toe mamma swanger geword het met jou. Hulle moes tyd met Abba Vader spandeer het om by Hom te hoor wat Sy plan vir jou lewe is en hoe hulle jou moes grootmaak? Sy en pappa moes voortdurend, verwelkoming, aanvaarding, seën en die liefde van jou Hemelse Vader oor jou uitgespreek het, so-ook na jou geboorte en terwyl jy grootgeword het. Daar het by pappa en mamma 'n diep gevoel van beskerming en liefde vir jou ontwikkel. Hulle het saam volle verantwoordelikheid vir jou geneem het om jou in God se weë groot te maak. Jy het die volgende dinge vanaf mamma nodig gehad om gelukkig, gesond en gebalanseerd te kon grootword: - Direk na jou geboorte moes mamma jou vir ten minste 'n halfuur op haar bors vasgehou het en jou aan haar bors laat drink het sodat kon herstel van die geboorte skok en julle dieper emosioneel met mekaar kon bind. - Mamma moes veral daardie eerste 18 maande tuis met jou gewees en jou geborsvoed het wanneer jy honger was. Jy moes rustig en geborge teen haar warm bors kon lê terwyl sy onspanne, vol warmte, liefde en vriendelikheid met jou gesels. - Sy moes met jou lag, streel, druk, soen en liefkoos totdat jy dit uitkraai van genot. Sy en pappa moes dikwels jou handjies, voetjies en sommer jou hele babalyfie met olie in gevryf het terwyl hulle jou seën. Sy moes emosioneel warm en beskikbaar vir jou gewees het. - Mamma moes soos wat jy groter word, jou toegelaat het om te ontdek. Sy moes jou allerhande dingetjies geleer het. Jou intelligensie gestimuleer met prentjies wys, woordjies sê, musiek speel. Sy moes speletjies gespeel het wat julle saam kon geniet, soos wegkruip agter 'n doek, liggies kielie, maar ophou voor dit vir jou te veel raak. - Sy moes jou opgetel, vir jou gesing het, wieg, swaai, vertroos en beskerm. Jy kon dan maklik vertroue leer omdat Mamma dadelik gereageer wanneer jy huil. Jy sou dan weet 1

2 dat daar liefdevol in jou behoeftes voorsien sal word. Mamma was die belangrikste persoon in jou lewe vanaf geboorte tot so op 18 maande vandaar af het pappa se rol al groter in jou lewe geword. As jy nie hierdie liefde en versorging by mamma gekry het nie, het daar n groot leemte en seerkry in jou lewe ontstaan. As mamma jou nie wou gehad het nie, kan jy vandag moontlik baie sukkel met 'n erge gevoel van verwerping, hartseer, alleenheid, en 'n woede diep binne in jou. Toiletopvoeding As mamma met jou toiletopvoeding baie kwaai was en dit vir jou 'n aaklige tyd in jou lewe was, sou jy kon voel dat dit wat uit jou liggaam kom, vieslik is en jy daarom vuil en sleg is. Dit kon jou skaam gemaak het vir jou eie behoeftes. Dit kon een van die redes wees waarom jy jouself begin verwerp en selfhaat het. Dit kon andersins ook gemaak het dat jy alles om jou perfek moet kry om so jou omgewing te beheer om daardeur liefde en aanvaarding te kry. Dit kon ook maak dat jy verwag om net liefde te kry indien jy dit verdien het deur iets goeds te doen in ruil daarvoor. Dit kon veroorsaak dat dit vir jou in jou volwasse lewe baie moeilik om net spontaan liefde te aanvaar. Dit kon die begin gewees het van perfeksionisme of prestasie orientasie m.a.w. dat jy jou waarde soek in wat jy doen en hoe suksesvol jy daarin is. As jy iets goed doen, verwag jy beloning en liefde maar as jy gefaal het, verwag jy dat jy gekritiseer en verwerp gaan word. Ma en dogter Ma is die rolmodel vir haar dogter Meisiekind, mamma moes jou geleer het van vrouwees en hoe om al die vroudinge te doen soos om reg vir die geleentheid aantrek en te grimeer tot by hoe om te kook, bak en take wat van vrouens verwag word, te bemeester. Sy moes jou help om vol selfvertroue te wees en jou eie waarde en uniekheid in ons Hemelse Vader te besef sodat jy suksesvol kan optree en lewe. Sy moes jou deur haar voorbeeld gehelp het om 'n vaste geloof in God Drie-Enig as jou Ewige Liefdevolle Abba Vader, te kry en om in jou geloof in Hom te help groei. My Kind My Kind, as mamma skryf ek vandag vir jou om vir jou te sê, ek is baie jammer vir al die kere waar jy by Mamma (of jou versorger) seergekry het. Mamma is so jammer: Waar jy as kindjie beleef het dat mamma en pappa baie in die huis baklei het en vir al daardie rusies, gegil, geskreeu, geweld, vloekery, aanrandings, mishandelings. En daar waar ek gedurigdeur gekla, kerm en blameer het of altyd siek was. Vir al die kere wat ek nie na jou geluister het sonder om dit n geveg te maak nie Waar Mamma op jou geskree en gegil het Waar ek jou uitgetrap het met woede uitbarstings en jou dan na die tyd geblameer 2

3 of die skuld gegee het vir my swak optrede Dat dit nie saak gemaak het wat jy vir mamma gevra het nie, dat ek altyd eerste nee gesê het en dit as 'n geleentheid gesien het om met jou te argumenteer en my sin op jou af te dwing Dat ek jou aangemoedig het om met my te praat oor hoe jy gevoel het en dan later daardie inligting teen jou gebruik het Waar mamma jou geïgnoreer het, as ek vir jou of vir van die ander gesinslede kwaad was, my in my kamer teruggetrek het en jou met stilstuipes gemanipuleer het. ook waar Mamma toegelaat het dat pappa of mamma se kêrel jou mishandel, geslaan, gevloek of seksueel misbruik het, sonder om dit te keer of om jou te beskerm. Wat het in jou huis gebeur kindjie? Kan jy die rusies onthou? Die geskree en gevloekery, die geweld? Is jy hardhandig mee gewerk of mishandel? Is jy afgekraak en verwerp? Onthou jy spesifieke slegte dinge of insidente wat gebeur het? Waaraan herinner die Heilige Gees jou nou? Kan jy nog onthou hoe jy daaroor gevoel het? Al die konflik kon maak dat jy 'n baie bang en onseker klein kindjie geword het. Jy sou baie keer gevoel het dat dit wat gebeur, jou skuld was omdat jy nie soet of goed genoeg was nie. Want jy was nog te klein om goed los van jouself te sien. Jy het dus gedink dat jy lelik en sout was en daarom verdien wat met jou gebeur het. Dalk het pappa of mamma selfs vir jou die skuld gegee as die rede vir hulle verkeerde optrede. Hoe het dit jou beïnvloed? Jy kon verantwoordelikheid geneem het dat jy die oorsaak van alles was. Sodra jy die eerste tekens sien van 'n rusie wat kom, kon jy probeer het om die vrede te bewerk en dalk nie daarin slaag nie. Jy kon ook in vrees in gegaan het en gewens het jy kon weghardloop of iewers wegkruip totdat dit weer veilig is om uit te kom, veral waar jy fisies of emosioneel mishandel is. Binne in jou, sou jou hartjie gebreek het van hartseer en kwaad wees. Dit was so onregverdig. Stadig maar seker kon daar in jou soveel magteloosheid, woede en aggressie opgebou het, dat jy by die geringste provokasie self in woede uitbars. Dit kon maak dat jy so kwaad binne geword het, dat jy gekies het om 'n regte rebel te word. Jy kon geleer eerste seer te maak en eerste te verwerp sodat ander jou moet uitlos en nie verder seermaak nie. Dit het gemaak dat jy baie maklik met enigiemand baklei en groot 'tantrums' gooi sodat ander so moet skrik en nie naby jou kom nie maar intussen het jy so nodig dat iemand jou vriend moet wees. Iemand wat jou veilig kon laat voel, wat jou sal liefhê en aanvaar vir wie jy is. Maar omdat jy so seergekry het by mense wat jy liefhet, is jy nou bang vir liefde want dit het jou groot skade aangedoen en jy kan dit nie vertrou nie, veral nie grootmense se liefde nie. My kind, Mamma kom sê ook vir jou ek is baie jammer waar ek nie gereeld vir jou gesê het ek het hoe lief ek vir jou is en hoe trots ek op jou is nie. Ek is jammer as mamma: 3

4 dalk te min vir jou omgegee het, of om watter rede ookal, nie gereeld vir jou versorg het deur vir jou kossies te gee, bad, aantrek en fisies versorg het nie. Jy sou dan baie vroeg moes leer om self dinge te doen om te oorleef. Jy het geglo mamma is nie lief vir jou nie en waarskynlik gedink ander mense ook nie. Jou emosioneel verwaarloos het en nie die liefde, aandag en aanvaarding gegee het wat jy dit so nodig gehad het nie. Jy het 'n mamma so vreeslik baie gemis omdat mamma nie emosioneel of fisies daar was vir jou nie. Dit kon gemaak het dat jy vriendinne gemaak het wat baie ouer as jyself is, omdat jy so 'n behoefte het aan mammaliefde gehad het. As hierdie ouer vriendin self stukkend is, kon dit gebeur dat sy jou in 'n seksuele verhouding met haar betrokke laat raak het. My meisiekind, dit kon jou die leuen laat begin glo het dat jy eintlik lesbies is. Dis alles leuens van die vyand (duiwel) wat vir jou die een vangstrik na die ander probeer stel om jou te vernietig. My seun, as man kon jy moontlik na 'n plaasvervanger vir mamma se liefde gesoek het, deur by baie ouer vroue betrokke te raak. Vandag wil mamma vir jou kom sê my kindjie ek het jou oneindig lief, jy is so spesiaal. Ek is baie trots op jou. Ek aanvaar jou. Ek is so bly jy is my kindjie. Ek vertrou jou en glo in jou. Jy is n wonderlike kind. My kind ek is so jammer oor: die leuens wat ek vir jou vertel het, beloftes wat ek gemaak het, verwagtinge wat ek geskep en nie nagekom het nie. Waar ek jou boetie of sussie bo jou voorgetrek het. Daardie onregverdigheid kon jou so kwaad gemaak het dat jy lelik teenoor die voortrekkertjie begin optree het en in rebellie was daaroor. Dit sou jou selfbeeld skade aangedoen het en laat voel het mamma en ander mense dink jy is nie goedgenoeg nie en hou nie van jou nie. Waar mamma te oorbeskermend teenoor jou was en alles vir jou gedoen het, sou jy nie geleer het hoe om self dingetjies te doen wat jy al self behoort te kon doen nie. Dit sou jou baie onseker van jouself en baie afhanklik van ander mense gemaak het. Jy sal sommer gou-gou sê: ek kan nie nog voor jy probeer het en hoop dat iemand anders dit liewer vir jou sal doen. Mamma van pappa geskei of die huis verlaat het en jou net so gelos het om die jonger kinders groot te maak en die huishouding oor te neem As jy een van die ouer kinders in die gesin was, kon jy dalk die rol van mamma moes oorneem en die versorging van die jonger kinders jou verantwoordelikheid gemaak het. Hierdie rolomkering sou 'n diep gevoel van hartseer, spanning, angstigheid en depressie in jou veroorsaak het. Jy kon ook kwaad wees omdat jy nie gereed was om so 'n rol jou eie te moes maak nie. Jy kon nooit net 'n sorglose kind wees nie en het dit so gemis. Die gevoel van verwerping en alleenheid is waarskynlik so deel van jou dat jy al dink dit is wie jy is. Hierdie gevoel van verwerping kon maak dat jy niks van 4

5 jouself hou nie. Dalk voel jy lelik en dat niemand jou kan liefhê en aanvaar vir wie jy is nie. Dit maak nie saak hoe hard ander vir jou sê hoe oulik en mooi jy is of hoe lief hulle jou het nie, jy kan dit nie glo nie. Daarom voel jy dalk minderwaardig en sleg oor jouself. Jy kon jouself so begin haat dat jy jouself sal seermaak soos om jouself te sny en te wens dat jy liewer dood was. Dit kan oorgaan na erge depressie en eindig in verslawing of selfmoordpogings. My kind mamma is so jammer waar ek: As enkel mamma, jou saam met my van kêrel na kêrel laat trek het. Nes jy dink jy het n pappa was dit weer die volgende een. Jou daardeur jou lewe ontwrigting het deur wat jy alles moes verduur met al die getrekkery en nuwe aanpassings in die verskillende skole waarheen jy moes gaan Jou pappa in n swake lig gestel het, deur sleg van hom te praat, of jou teen hom op te hits en so jul verhouding negatief beïnvloed het, asook vir die swak voorbeeld van ons ongelukkige huwelik waaraan jy blootgestel was. Baie baasspelrig was en almal net moes doen wat ek sê (pappa in kluis) of daar is groot moeiliheid. Moontlik is al wat jy van kindertyd en mamma onthou, mamma se kritiek op jou, my reëls en bevele wat ek gedurig vir jou uitgeblaf het. Dit kon maak dat jy nie 'n verhouding met my kon bou waarin ons mekaar net kon aanvaar en liefhê nie. Dit kon ook maak dat jy as volwassene self baasspelrig raak omdat jy my daarvoor geoordeel het en dit jou voorbeeld was. As vrou kon dit ook maak dat jy mans sal sien as swak en manipuleerbaar sodat jy altyd poog om jou sin by hulle te kry, veral as jy eers getroud is. My Seun, dalk het jy die onderdanige man geword en vroulief moet al die besluite en verantwoordelikheid in die huis neem? Spring jy as volwassene nog steeds om ten alle koste net vir ma gelukkig te hou? Dit sal jou verhoudings vernietig. Mamma kom sê vir jou, ek is so jammer, my kind: As mamma verslaaf was aan dwelms, drank of pille en jy te skaam of bang was om maats huis toe te bring want jy het nooit geweet hoe mamma teenoor hulle gaan optree of in watter toestand die huis gaan wees nie. Die een oomblik was ek nog vriendelik en die volgende oomblik moes jy omtrent vlug vir jou lewe. Dit het jou so onseker gemaak. Waar ek gerook het, kon dit jou baie nadelig beinvloed het en gemaak het dat jy vanag self sukkel om op te hou rook of geneig is tot verslawings. Dat ek jou nie van Jesus geleer het en jou gehelp het om n verhouding met God te bou nie en waar ek self nie in Hom geglo het of moeite gedoen het om jou geloof in Hom te laat groei nie. Waar ek jou dalk as volwassene baie seergemaak deur in jou huwelik in te meng. Waar ek nie jou keuse van n huweliksmaat aanvaar het nie en dit vir julle bitter onaangenaam gemaak het. Onregverdig opgetree het deur my ander kleinkinders voor te trek bo jou kinders 5

6 Ook vir elke ander insident waar ek jou seergemaak of skade aangedoen het op watter ouderdom jy toe ookal was. Watter spesifieke insidente het gebeur waar jy baie seergekry het? Wanneer is jy vals beskuldigings, deur die gesig geklap, onregverdig behandel. ens.? Mamma is baie, baie jammer oor al die hartseer en pyn wat ek vir jou veroorsaak het. My kindjie, ek vra jou vandag om vir mamma te vergewe. Ek is baie lief vir jou. Jy is kosbaar vir my. Ek vergewe ook vir jou vir waar jy my seergemaak, teleurgestel en lelik teenoor my opgetree het. Genesingsgebed Gebruik jou Genesing Gebed (nr 11) om vir mamma te vergewe vir daar waar sy jou seergemaak of te nagekom het. Bely en vra vergifnis aan Vader, vir oordele en innerlike geloftes wat jy rondom jou ouers gemaak het. Breek die invloed daarvan oor jou lewe, na gees, siel en liggaam in die Naam van Jesus Byvbeeld dat: Ek nooit soos my ma/pa sal wees nie pa's/ma's/ mans/vrouens nie hulle beloftes nakom nie Mans/vrouens is swakkelinge en paperds Mans is geweldadig en weet nie hoe om lief te hê nie Mans/vrouens gaan my nie liefhê of aanvaar nie Mans kan nie vir hul gesinne sorg nie Woordvloeke Ek kom breek nou in die Naam van Jesus elke woordvloek wat my pa of ma teenoor my uitgespreek het. Vloeke soos: Jy sal ook eendag kinders hê en hulle gaan netso en nog erger met jou maak as wat jy aan my doen. Jy is 'n rebel, hoer, feeks, slet Jou huis gaan 'n varkhok wees Jy kan nooit iets reg doen nie Jy sal nooit grootword nie Jy sal nooit 'n man/vrou/werk kry nie want (bely hul redes). Ek wens jy is nooit gebore nie. Jy gaan net so sleg soos jou pa wees. Jy sal 'n regte suiplap word. Jy sal 'n man bankrot maak. Jy is lui. Jy sal nooit eendag erens kom nie. My Hemelse Vader, in die Naam van Jesus, bid ek vir die genesing van die pyn wat dit in my lewe veroorsaak het. Ek beveel my gees, siel en liggaam om nie meer daarop te reageer nie maar om volkome normaal te funksioneer soos wat Jesus dit van die begin 6

7 af bedoel het om te wees. Ek roep God se seën, voorspoed en guns oor elke area van my lewe uit. In die Naam van Jesus kom sny ek nou elke negatiewe sieleband aan beide kante wat tussen my en my ma en my en my pa gevorm het. Ek sny die naelstring tussen my en my ma. Ek sny elke ongesonde vorm van beheer wat sy of my pa oor my gehad het oor my af. Ek roep daardie deeltjie van my siel wat aan my pa en my ma verkleef geraak het terug. Here Jesus, was, reinig en heilig dit en verenig dit weer met my sodat ek weer heel kan wees. Ek maak die deeltjies van hulle siele wat aan my verkleef geraak het los. Jesus reinig en genees dit en verenig dit weer met hulle. Waar my pa en ma nog leef herstel asseblief die gesonde liefdesverhoudinge tussen my en my ouers sodat ek hulle kan eer en hulle liefde en hul aanvaarding in 'n gesonde verhouding kan geniet. Dankie Jesus. Amen Belydenisgebed Bely dit wat jy jou ouers voor vergifnis moet vra waar jy ongehoorsaam was, hulle nie geëer het nie, seergemaak, skade aangedoen, teleurgestel, gevloek, rebels was, ens. Vader in die Naam van U Seun, Jesus Christus kom ek na u toe en bely met skaamte en berou dat ek nie altyd my pa en ma geëer het nie en die volgende sondes teenoor hom en haar gedoen het: Vergewe my asseblief en was my skoon met die bloed van Jesus. Ek vra dat U ook die slegte saad en slegte vrugte van my dade sal vernietig sodat ek en my huis nie die slegte gevolge daarvan verder sal oes nie. Dankie my Vader dat U my skoon was en reinig het van my sondes want U Woord sê: As ons ons sondes bely, Hy is getrou en regverdig om ons die sondes te vergewe en ons van alle ongeregtigheid te reinig. Vader in die Naam van die Here Jesus Christus kom roep ek oor my gees en siel Goddelike genesing uit van enige verwerping wat ek vanaf my pa en/of ma ervaar het. Ek verklaar oor my Psa 27:10 Want (al het) my vader en my moeder my verlaat, die HERE sal my aanneem. Ek is kosbaar vir Hom. Ek word aanvaar en bemin. Ek het n spesiale plekkie in my Godsgesin. Ek is onmisbaar deel van die Liggaam van Jesus. Ek is Abba Vader se bloedgekoopte kind! 1 Joh 3:1-2 Kyk wat n groot liefde die Vader aan ons bewys het, dat ons kinders van God genoem kan word! Dankie Pappa Vader, U het my lief. Jesus Christus, my Verlosser, het my lief. Heilige Gees wat in my woon het my lief. Pappa Vader vul asseblief elke leemte aan pappa en mamma liefde binne my ook daar waar ek dalk sonder n aardse pappa of mamma moes groot word. Jesus genees hierdie kind in my se diepste seer. Herstel my gekneusde en gebroke gesie, want dit is een van die groot redes waarom U gekom het om te hersel en te genees. Heilige Gees, vul my kinder hart met U tasbare teenwoordigheid. U weet presies wat ek nodig het, deurdrenk en vertroos my met U liefde en geborgenheid. Ek laat U toe o Heilige Gees, om my tenvolle te bedien. Dankie my Vader vir U genesing, heel en vrymaking. 7

8 Jy het dalk as mamma soos wat jy deur die lesing gewerk het, besef dat jy jou kinders verkeerd hanteer of skade aan gedoen het. Dalk voel jy skuldig teenoor hulle en voel hulle is ontneem, dalk as gevolg van omstandighede buite jou beheer. Miskien moes jy weer gaan werk toe hulle baie klein was en het iemand anders hulle groot gemaak en het jy skaars verhouding met hulle. Gebruik jou belydenis gebed en vra vir Vader om jou te vergewe en kry strategie by Hom hoe om die verhouding met jou kinders weer te herstel. Hiermee kom verklaar ek volkome genesing en herstel ten opsigte van my verhouding met God die Vader, as ons Abba Vader sodat ek Hom kan ervaar as my liefdevolle Vader op wie se skoot ek mag sit, sowel as met Heilige Gees. Ek verwelkom U kosbare Heilige Gees. Ek nooi U om my beste Vriend, Leidsman, Leermeester en Gids te wees. Ek het U innig lief. Amen 8