Aug - Sept Wenke - Leef só n huwelik van dankbaarheid.

Transcription

1 Aug - Sept Wenke - Leef só n huwelik van dankbaarheid

2

3 TEKEN NOU IN! SPESIALE 2017 AANBOD: Gee n INTIEMsubskripsie as die perfekte geskenk. Die lewe is te kort om te skei! Belê in jou huwelik met n subskripsie op INTIEM, jou nr.1 Huwelikstydskrif julle verdien dit! 1 jaar (6 uitgawes) PLUS n 10 pak CAFÉ ENRISTA R 180 (totale waarde: R240) BONUS!!! Teken in en kry EKSKLUSIEWE doen-dit-jouself printables in jou inboks met elke uitgawe. 2 jaar (12 uitgawes) PLUS n TEFAL pan R360 (totale waarde: R660) INTIEM is ook digitaal beskikbaar! 1 jaar R90 (Aanbod geldig slegs terwyl voorraad hou) TEKEN SÓ IN: SMS Intiem na en ons skakel jou. Kliek op Bel vir Sarie Daniel by en jy is in n kits ingeteken! E-pos ons by inteken@intiem.co.za twitter.com/intiemtydskrif *Aanbod geldig tot 30 September 2017, slegs geldig binne RSA. As die poskantoor staak, tref ons alternatiewe reëlings sodat jy nie uitmis nie.

4 Redakteursbriewe BESTURENDE REDAKTEUR Liezel van der Merwe ONS HUWELIK MAAK SAAK Ek is nie gemaak vir alleenwees nie in elk geval nie vir lank nie. Ek reken dis eintlik hoe die Argitek van ons lewens ons ontwerp het. Hy het aan die begin gesien dis nie goed vir die mens om alleen te wees nie en het vir hom n maat gemaak. En só soek ons maatjies deur ons lewens en kry elkeen hopelik sy/ haar lewensmaat. Die een saam met wie ons asemhaal en alles leer van die vrug van die Gees soos geduld, goedhartigheid, vrede en bo alles liefde. Vir my is hierdie asemhaal-vennoot iemand wat ek elke dag kies. En voor dankbaar is ook dat hy my ook elke dag kies, want ek weet twee is beter as een. Dié jaar is ons deur hartseer en bly. Dae van hoofletters en dae van kleinletters. Dae van onbeskryflike hartseer saam met ons vriende wat hulle kind verloor het. Dae van glimlag, dae van staar. n Dag wat ons ons hondjie moes groet en dan, n onvergeetlike vakansie in Mosambiek. Dawid praat van hierdie tye. Dae om te lag en dae om te huil. En deur dit alles is daar iemand wat my hand vashou en saam met my die lewe leef. Iemand wat help as ek val en iemand saam met wie ek kan lepellê. Iemand wat ek kan help en wie se hand ek kan vashou. En ek weet, die huwelik is deur elke op en af, deur elke hoof- en kleinletter, iets waarvoor ons sal opstaan en veg. Ons huwelik maak saak. Joune ook! NS: Om jou huwelik so n ekstra hupstootjie te gee of sommer net om die liefde te vier, onthou om gratis te registreer vir SA Huweliksweek. Dis op 1-7 September en as jy registreer, stuur ons elke dag vir jou n epos propvol inspirasie en planne! Registreer vandag nog gratis by of DIE SKOONHEID IN SY SWAKHEID Ek moet bieg: Soms vang dit my effens onkant wanneer my liewe man die rustigheid vanself is veral in n oomblik van haastigheid. Hy kan besin oor n besluit weer en weer, tot die sperdatum daarvoor lank reeds verby is. Ek onthou hoe hy my gehelp het wanneer ek deurnag aan grafiese ontwerp-take gewerk en gestoei het met n tegnologiese probleempie (dit was REDAKTEUR Annelize Steyn annelize@intiem.co.za in die dae toe my rekenaar nog n halwe koshuiskamer vol gestaan het, met stiffies gewerk het en sommer sou bomb sonder n waarskuwing). Terwyl die oggendure verby getik het en ek senuweeagtig sou rondtrippel oor wat nog moes gebeur, sou hy een spesifieke probleempie deurwerk... Sy tydsaamheid ken nie perke nie. Hy kan byvoorbeeld n hout-meubelstuk afskuur en weer skuur tot ek dink hy is nou net moedswillig! En dan sluk ek my frustrasie (en soms ook nie!). Maar eendag, toe ek weer gekyk het hoe hy die tuisgemaakte pasta sorgvuldig in repe sny (ek dink daar was n liniaal by betrokke), het ek tot die lewensveranderende besef gekom: Ek is die gelukkigste vrou ter wêreld. Want saam met my man se rustige geaardheid (wat mense soms as n karakterfout kan beskou), kom soveel genade. Ek het n man gekry wat sy dogtertjie se hare sorgvuldig sal vleg. Een wat weer en weer aan my die konsep agter Wi-Fi sal verduidelik sonder om sy hande in die lug te gooi. n Man wat nie vinnig kwaad word nie en nooit sy humeur in n uitbarsting teenoor my sal verloor nie! Ek het n man wat nooit in n oomblik van blinde woede sy hande vir ons kinders sal lig of woorde sal toesnou wat letsels laat nie. Ek het n man wat ek nie hoef af te staan aan onvergenoegdheid of rusteloosheid nie, maar iemand wat soveel vrede in homself het dat dit mildelik oorspoel na ons toe. Hierdie uitgawe is INTIEM se uitgawe van dankbaarheid... en klein treë na grootheid. Om klem te lê op dít waarvoor jy dankbaar kan wees in jou huwelik, bring soveel vryheid en lekkertes. Dit is nie net n klein tree na grootheid nie, dis sommer n groot sprong. Probeer dit... Tot volgende maand. Aug Sept ONS SPAN

5 1-7 SEPTEMBER WIE IS ONS WAT IS EEN VAN DIE KLEINSTE DINGETJIES WAT JOU MAAT/IEMAND NA AAN JOU GEDOEN HET, WAT VIR JOU DIE MEESTE BETEKEN HET? BEMARKINGSBESTUURDER René Basson A: Ons kinders was klein en het my by Pappa verkla, maar toe hoor ek hom sê: Mamma is my beste maatjie wat Liewe Jesus vir my gegee het, ek wil niks skinderstories oor haar hoor nie! ADVERTENSIE BESTUURDER Roxanne Mancini A: Toe ek nie lekker gevoel het nie het my mense my opgejaag, laat mooi aantrek en my uitgeneem vir ontbyt dit het gewys hoeveel hulle vir my omgee. Meeste mense bly net weg. SENIOR ADVERTENSIEKLIËNT BESTUURDER Jacky Billau A: My man het my uitgeneem vir aandete by die venue waar ons getrou het. Na ete het hy my in kennis gestel dat ons daar gaan bly vir die naweek terwyl sy ma na ons kinders omsien. REDAKSIONELE KOÖRDINEERDER Monja Basson A: Koffie dit is n cliché, maar as iemand na aan my vir my n lekker koppie koffie met liefde maak en met n glimlag vir my bring sonder dat ek gevra het. ONTWERP EN UITLEG Leanne Eksteen leanne@mediainafrica.co.za A: Enige nuwe mamma sal weet enige hulp met klein takies in die huis beteken baie. My maat maak gereeld kos in die aande, en dan is dit nog n gereg uit die boonste rakke. DIGITALE BESTUURDER Tania Wannenburg tania@intiem.co.za A: Klein goedjies maak n groot verskil. As jou liefdestaal dade van diensbaarheid is, is n gekookte bord kos wanneer mens laat tuiskom goud werd. Enige iets wat mens laat voel: Ek het aan jou gedink vandag. DIGITALE KOÖRDINEERDER Geraldine Murray geraldine@intiem.co.za A: Wanneer my mense my raaksien vir die sterk persoon wie ek is, my unieke menswees vier en my herinner dat ek myself deur Jesus/God se oë moet sien. FINANSIËLE BESTUURDER Gerda Cowley A: Wanner hy my battles namens my uitsorteer sonder dat ek vra en vir my n warm bad tap en my vierjarige besig hou na n lang dag. Ook sy lekker koffies in die bed elke oggend. SUBSKRIPSIES Sarie Daniel: (012) inteken@intiem.co.za A: My man gee altyd vir my koffie in die bed, maak my deur vir my oop en laat my eerste instap. Daardie eenvoudige gebare beteken vir my baie. DIGITALE ASSISTENT EN ONTVANGS Lizzy Mathibela A: Wanneer ek deur n moeilike tyd gaan beteken dit baie as iemand werklik vir my luister en vir my n drukkie gee terwyl ek seer het en huil. Dit is die wonderlikste ding wat iemand vir my kan doen. INTIEM word elke twee maande deur Media in Africa (Pty) Ltd gepubliseer. Die redaksie onderskryf nie noodwendig die standpunte gehuldig in artikels, rubrieke en advertensies nie. INTIEM is geskryf om lesers in te lig, op te voed en hul bewustheid te verbreed. Onthou, hoewel die tegnieke wat in die tydskrif genoem word wel vir die meeste mense gepas is, dit elkeen se verantwoordelikheid is om haar en haar lewensmaat se liggame te leer ken en enige inligting oordeelkundig daarvolgens te gebruik. Geen lid van die redaksie is n mediese praktisyn, geestesgesondheidskenner of gelisensieerde seksuoloog nie. Daar word wel van seksuoloë as medewerkers, professionele handleidings, betroubare navorsingsmateriaal en die opinie van kenners gebruik gemaak. Enige nuwe tegnieke behoort met n mediese praktisyn of seksuoloog bespreek te word en word op eie risiko uitgevoer. Nie die redaksie, uitgewer of medewerkers sal verantwoordelik gehou word vir enige verlies, skade, besering of siekte wat direk óf indirek deur die inligting of tekort aan inligting in die tydskrif saamgevat, veroorsaak is, of na bewering veroorsaak is nie. Met komplimente van 1-7 SEPTEMBER With compliments of JOERNALISTE Lize Groenewald, Monique Steenkamp Yolanda Wessels, Anja van den Berg Ettienne van Rensburg FINANSIËLE DIREKTEUR Fanie Venter PROEFLESER Elizabeth Botha REPRODUKSIE EN DRUKWERK BusinessPrint Centre UITGEWERS: MEDIA IN AFRICA Tel: (012) Posbus 25260, Monumentpark, 0105 Blok G, Castle Walk Corporate Park, H/v Nossob- & Swakopstraat, Erasmuskloof x3, Pretoria, RSA VERSPREIDING NA WINKELS Fransie Smuts fransies@rnad.co.za RNA: (011) Die uitgewers aanvaar geen verantwoordelikheid vir tydskrifte wat of beskadig is, of nie in ontvangs geneem is nie.

6 Aug / Sept VOLGENDE IN INTIEM: Ware verhaal: Ek is as kind gemolesteer, en my huwelik het hier onder gelei. Moet jy vinnig trou of lank wag? INTIEM ondersoek die kanse op sukses. Kry jou maat om van begrotings te hou! Noodstappe ná n affair só maak jy. Gespreksintelligensie die nuwe IK wat jy wil hê! VOORBLAD ARTIKEL 14 VOORBLAD: Fotografie: Salomien Smal ( Stileering: Michelle Kok (michelle@mkimage.co.za) Grimeering: Alecia Joubert ( Hare: Follicle Hair Atelier ( Venue: Huckelberry s ( Magnoliadal Love Bridge INTEKEN 1 Spesiale aanbod op INTIEM LESERSBRIEWE 9 Briewe van ons lesers INSPIRASIE 10 INTIEM se inspirasie vir dankbaarheid SYFERS EN SINTUE 12 Klein treë na grootheid in jou huwelik IN GESPREK 14 Pasgetroud en dolverlief ONS NAWEEK 20 Sterre se naweek doen en lates WARE VERHALE 24 My man het my met n ontkleedaseres verkul 26 Veg of Vlug? Ek moes my tasse pak 46 Dis hoe ons ons pendel-huwelik laat werk PRAKTIES 28 n Kleurvolle huwelik bestaan uit klein spikkels VIR HOM 30 Wanneer vriendskappe n probleem is Help! Hier is n baba in die huis! 52 Die kwessie van kompetisie! 91 Word n tong-tornado-aficionado ONS UITDAGING 32 Die skoonma- en skoondogter-dinamiek PSIGE 36 Net nie die Afrika-masker nie! 38 G n beste voetjie voor nie! 40 Hoe toon jy dankbaarheid teenoor jou maat? 42 Vir jou huwelik om aftrede te oorleef 44 Ons is emosioneel geskei GELOOFSPLAN 50 n Tree-vir-tree plan vir elke huwelik KENNERS 54 Ons kenners antwoord DATE NIGHT PLAN 57 Geur en kleur uit Marokko ONS VOORKOMS 61 INTIEM maak mooi STOUT 65 Soen jou hier, soen jou daar 86 Ons boudoir: Manipuleer jou brein vir beter seks! 88 Ons prutplekke... ONS GESONDHEID 70 Agt Eva-dilemmas wat jou sekslewe kan kelder! ONS SLAAPKAMERSTRES 82 Jou sekslewe en Hollywood ONS K(L)ITSGIDS 85 Jul nuutste 10 wenke vir n warm slaapkamer MY MENING 94 Klein treë na grootheid... IN LULU SE WOORDE 96 Troubeloftes

7 WELKOM Ons is só opgewonde dat jy hierdie boek in jou hande vashou! Nie net is dit die eindproduk van n Godgegewe mandaat nie, maar n publikasie wat ons hoop, glo en vertrou n groot verskil in jou huwelik gaan maak. Elkeen koop mos n tydskrif om verskillende redes. En hoewel ons daarna streef om jou te vermaak deur jou soms te laat huil en (meestal) te laat lag, is INTIEM se hoofsaaklike doelwit om jou en jou maat op jul huweliksreis by te staan. Elke huwelik verg harde werk en liefde is n wilsbesluit. Selfs al lyk ons voorbladpaartjies eksie-perfeksie, worstel ook húlle soms met uitdagings in hul huwelike wat groot of onoorkombaar lyk. Dit alles word oor ons huwelikspad gestuur om ons te help groei en te skaaf aan die kosbaarste verhouding (naas dié met jou Skepper) wat jy ooit sal hê. Soms moet n mens die storms beleef om die reënboë werklik te waardeer! Natuurlik is INTIEM slegs n hulpmiddel. Ons bied aan jou inligting, wenke en inspirasie om jou te dryf om moeite te doen en nooit moed op te gee nie jou huwelik is dit werd. By INTIEM wil ons graag sien hoe jou huwelik die stempel van gesondheid dra en gedy onder God se genade! Ons wil sien hoe julle die vrug van jul insette pluk en hoe jul kinders floreer onder hierdie wonderlike nalatenskap van jul huweliksverhouding. Ons wil beleef hoe julle die boodskap versprei sodat Suid- Afrikaanse paartjies weer die huwelik sien vir wat dit gemaak is om te wees: n Heilige belofte. Ons herinner jou daaraan dat elke hu- welik uniek is omdat dit n band is wat heers tussen twee baie unieke individue. Daarom sal nie al die inhoud tot jou spreek nie. Miskien is julle op n plek in jul huwelik waar julle net n bietjie vonk nodig het. Dalk is julle op moedverloor se vlakte en desperaat om iewers hoop vir jul huwelik te pluk! Daar is n kans dat julle pasgetroud is en dat baie van die kwessies wat hier bespreek word, nog nie op julle van toepassing was nie. En miskien het julle al soveel deurleef dat julle voel julle kan INTIEM n ding of twee wysmaak! Julle hou dalk van een of twee artikels, maar voel glad nie gemaklik met die res nie. Hoe dit ook al sy, ons glo dat hier iewers in INTIEM iets sal wees wat tot julle sal spreek. Seks is n belangrike komponent van elke huwelik en intimiteit is n wonderlike geskenk waarmee God ons geseën het. Mense wonder baie oor wat toelaatbaar is in n huwelik en die antwoord is baie grys. Daar is sekere kontroversiële kwessies wat soms reaksie ontlont. Een hiervan is seksspeelgoed. Onthou asseblief dat dit in die oë van sekskenners n hulpmiddel in die huwelik kan wees. Dit kan ook n blote middel tot pret wees, wat aan jou huwelik n addisionele vonk kan verskaf (mits dit nie een van julle emosioneel, geestelik of fisiek skade aanrig nie). En dalk voel jy en jou maat glad nie gemaklik hiermee nie. Dit is ook okay! Elke paartjie behoort self hieroor te besluit sonder om veroordeel te word. Onthou egter dat jy en jou maat op dieselfde bladsy moet wees rakende alles wat julle in jul sekslewe toelaat al dan nie. Enigiets wat een van julle ongemaklik laat, skade aanrig of n verslawing kan veroorsaak, moet liefs vermy word. Hoewel sommige individue en instansies van ons sal verskil, neem INTIEM egter standpunt in sover dit n derde party in n huwelik aangaan. n Huwelik is n baie kosbare, intieme band tussen jou en jou maat, met God aan die bopunt van hierdie driehoek. Daar is nie plek vir enige ander party nie. INTIEM glo in heel huwelike. Ons wil sien hoe huwelike groei en van krag tot krag gaan, want ons besef hoe belangrik hierdie instelling is! Moet jy alles doen wat in INTIEM staan? Glad nie! As jy dit regkry, wil ons jou met n medalje bekroon! Doen net dít waarvoor jy en jou maat krag, lus en tyd het. Ons wil jou egter uitdaag om die ekstra tree vir jou huwelik te stap! Jy sal beslis die vrugte pluk. Ons gee julle graag riglyne, maar wil ook hê dat julle alles sáám en biddend moet ondersoek. INTIEM se redaksiespan is nie gekwalifiseerde huwelikskenners nie, maar ons maak gebruik van kundige medewerkers wie se hulp en menings ons hoog op prys stel. Ons medewerkers en terapeute staan onafhanklik van INTIEM en hoewel ons spesifieke kenners sal aanbeveel, is dit belangrik vir jou en jou maat om aanklank te vind by n spesifieke persoon voor raad gevra of aanvaar word. Lees INTIEM en laat weet ons wat julle dink! Ons wil graag jou gedagtes hoor. Aug Sept WELKOM

8

9 KLEIN TREE NA GROOTHEID UITGAWE Ons wys jou hoe om in dankbaarheid jou liefde aan jou maat te bewys in sy/haar eie liefdestaal... Hoe langer n paartjie getroud is, hoe makliker raak dit om mekaar as vanselfsprekend te aanvaar. Die dinge wat jou maat vir jou doen, raak deel van jul roetine en julle sien dit nie eens meer raak nie. Tog is dit belangrik om bewustelik en in dankbaarheid te lewe. Dit is een van daardie klein dingetjies wat n groot verskil in jou huwelik kan maak. Om teenoor jou maat dankbaarheid te bewys met eenvoudige gebare en deur jou verbaal uit te spreek, kan jou daaraan herinner om niks as vanselfsprekend te aanvaar nie. Dit is n klein treë na grootheid in jul huwelik. Boonop sien die kinders dit raak en word n lewe van dankbaarheid deel van húl verwysingsraamwerk. Só doen jy dit... SÊ DIT: As jou maat se taal van liefde WOORDE VAN BE- MOEDIGING IS... sê die volgende: Dankie dat jy elke dag vir my wys dat die huwelik die moeite werd is. Dankie dat jy my daarna laat uitsien om huis toe te kom na n rowwe dag omdat jy my veilige hawe is. Of enige weergawe van bogenoemde wat op jóú maat van toepassing is. WYS DIT: As jou maat se taal van liefde FISIEKE AANRAKING is... gee hom/haar n stywe druk (een wat langer duur as normaalweg) en moet hom/haar nie bedank vir wat sy gedoen het nie ( Dankie dat jy ons kinders altyd so mooi versorg ), maar eerder vir wie hy/sy is ( Dankie dat jy so n liefdevolle pa/ma is ). LEEF DIT: As jou maat se taal van liefde GEHALTETYD is... gee hom/haar jou onverdeelde aandag deur die televisie af te skakel, die kinders kamer toe te jaag en oorkant hom/haar te gaan sit. Wys vir hom/haar dat jy waarlik luister. GEE DIT: As jou maat se taal van liefde GESKENKE is... steek dankie-sê-briefies vir hom/haar weg. As jy vir iets spesifiek wil dankie sê, los n briefie in sy kospakkie of haar grimeersakkie. Jy kan sommer-net-briefies ook los ( Dankie, sommer net omdat jy so n staatmaker is of Dankie dat jy my vergeetagtigheid vergewe ). DOEN DIT: As jou maat se taal van liefde DIENSBAARHEID is... pak sy klerekaste vir hom reg of maak haar kar vir haar vol petrol. En onthou om, as hy/sy vir jou n daad van diensbaarheid doen, dankie te sê vir sy moeite selfs al lyk die kombuis onherkenbaar met al die skottelgoed of al bring hy die verkeerde items van die supermark af. En as sy/hy n fout maak, sê: Dis niks, liefie, ek waardeer jou moeite!

10