REDAKSIONEEL NUUS VANUIT DIE SINODE

Transcription

1 Jaargang 15 - Uitgawe 26 8 September 2017 REDAKSIONEEL In hierdie Vrypos word verslag gelewer van die ATR se interpretasie rakende selfdegeslagverhoudings. Daar word ook berig oor die afgelope ENGO jaarvergadering en daar word ook 'n fotobeeld geplaas van die Refo 500 feesvieringe wat plaasgevind het. Tydens die afgelope Moderamenvergadering het die Moderamen besluit dat gemeentes en Ringe deel moet wees van die Missionale proses in die breër NG Kerk. Dr Ben Joubert skryf in hierdie uitgawe en vir die komende weke in die Ten Slotte -rubriek, oor wat Missionale gewoontes is wat in gemeentes aanwesig behoort te wees sodat die gemeente dan ook Missionaal kan funksioneer. Hierdie gewoontes kan tydens Bybelstudie, wyksbyeenkomste en gespreksgeleenthede gebruik word om lidmate te skool. Die Skriba, dr Carin van Schalkwyk, is vir die hele September met studieverlof en Thea Bosman is met siekverlof tot 29 September. Indien iemand dringend met die kantoor moet kontak maak, skakel die Kerkkantoor en laat 'n boodskap by Karisma du Pisanie of dr Gideon van der Watt, hulle sal vir dr Van Schalkwyk kontak. Ons versoek julle ook vriendelik om vir Thea die ruskans te gun, aangesien sy herstel van 'n operasie. NUUS VANUIT DIE SINODE SINODALE TAAKSPAN KERKORDE (STK) Algemene Sinode Besluit oor Selfdegeslagverhoudings: Die Buitengewone Algemene Sinode 2016, het in punt 1 van sy besluit oor selfdegeslagverhoudings die volgende gesê: Die Algemene Sinode besluit om die saak van selfdegeslagverhoudings met groot omsigtigheid te benader en om nie standpunte op gelowiges en gemeentes af te dwing waarvan die Gees die gemeentes nie oortuig het nie. ʼn Beskrywingspunt waarin duidelikheid oor hierdie punt gevra word, het by die afgelope Vrystaat Sinode gedien. In ʼn verslag hieroor, het die Sinodale Taakspan Kerkorde daarop gewys dat die Algemene Taakspan Regte (ATR) versoek is om hierdie punt van die besluit te interpreteer, aangesien verwarrende boodskappe hieroor in die kerk sirkuleer. Die STK het opdrag gekry om die interpretasie van die ATR aan die gemeentes deur te gee. Die ATR het egter intussen besluit om sy interpretasie uit te stel in die lig van die hofsaak wat teen die Algemene Sinode aanhangig gemaak is oor sy 2016 besluite. Die ATR het geoordeel dat dit voortydig sal wees om op hierdie stadium iets meer te sê. Die ATR is dié kerklike liggaam met die spesifieke opdrag om Algemene Sinodebesluite te interpreteer. Dit sal dus vir die STK geen sin hê om so iets op sy eie te doen, los van die res van die NG Kerkverband nie. Ons wag biddend en geduldig op verdere verwikkelinge oor die saak.

2 BEDIENING: BARMHARTIGHEID (ENGO) ENGO hou Jaarvergadering: ENGO se boodskap van hoop word uitgedra deur ander wat ons hande vat - en hande wat saamgevou word in gebed ENGO se jaarvergadering het op Vrydag 25 Augustus 2017 by The Willows in Bloemfontein plaasgevind. Dr Pieter van Jaarsveld het die vergadering met Skriflesing en gebed geopen. Mnr De Wet Claassens, Direkteur van ENGO, het almal hartlik vir hulle bywoning van die vergadering bedank. Daar is deeglik verslag gelewer van ENGO se werksaamhede. Die NG Kerk Vrystaat maak deur middel van ENGO se kinderhuise, ouetehuise en maatskaplike hulpverleningsdienste, werklik 'n verskil in die aanspreek van armoede en die opbou van gemeenskappe. ENGO is tans naas die Staat, die grootste maatskaplike hulpverleningsinstansie, in die Vrystaat. Daar is met kommer kennis geneem dat dit al hoe moeiliker vir ENGO raak om sy deure oop te hou, aangesien die Staat nie getrou is in die oorbetaal van die nodige subsidies nie. Subsidies raak ook minder en dit raak al hoe moeiliker om die dienste te lewer. Dit is veral kinderhuise, jeugsorgsentrums en outehuise wat hierdeur geraak word. Gemeentes wat betrokke is by plaaslike aksies van ENGO word hartlik bedank vir hulle betrokkenheid en hulpverlening. Die tema van ENGO se jaarvergadering was, Soos Klei in die hand van die Pottebakker... Lees gerus die volledige jaarverslag op ENGO se webblad by Die Bestuurspan by ENGO Lavender Laan bied tuiste vir mense met Alzheimer se siekte Die opening van Lavender Laan by Ons Tuiste in ENGO se Sentrum vir Bejaardes (Bloemfontein,) is n eerste vir die Vrystaat. Dié sentrum fokus op mensgesentreerde versorging vir persone met Alzheimer se siekte. Sr Ida Britz, bestuurder van Ons Tuiste, koester al lank die droom van n afdeling wat gespesialiseerde sorg en n ware tuiste aan hierdie bejaardes bied. Met die inrig van Lavender Laan einde verlede jaar en die stelselmatige ingebruikneming van die nuwe geriewe, is die droom bewaarheid.

3 Ons Kinderhuis sê baie dankie... Gedurende Sondagnag 13 Augustus, het Ons Kinderhuis en ENGO se Kinder-en Jeugsorg sentralestoor, afgebrand. Die publiek het oorweldigend op die nuus reageer en het die kinderhuis reeds meer ontvang as wat in die brand verloor is. Oproepe van sover as De Aar en Beaufort-Wes tot Sasolburg, is ontvang. ENGO kan hoop skep omdat ons hande sterk gemaak word deur elke persoon wat ons hande vat, ons dra en saam met ons bid - daarsonder kan ons nie voortbestaan nie. ENGO benodig dringend vakansie-ouers Daar was die afgelope jaar 69 kinders in die ENGO Jeugsorgsentrums wat niemand vir hul eie gehad het nie omdat families nie in hulle belangstel nie, of nie bevoeg is om hulle vir vakansies te neem nie. n Vakansie-ouer kan n baie groot verskil in n kind se lewe maak deurdat die kind in die gesin sekere geleenthede kry wat hy andersins nooit sou gehad het nie. Die gesin of persoon kan baie waarde tot so n kind se lewe toevoeg en dit kan ook wedersyds beleef word. Elke kind het n individuele ontwikkelingsplan en die doel van n vakansie-ouer is om op langtermyn deel van die kind se lewe te word. Daar is n keuringsproses: Die persoon doen skriftelik aansoek op n vorm wat by die betrokke Jeugsorgsentrum aangevra kan word. n Maatskaplike werker van n gesinsorgorganisasie moet n verslag oor die persoon of gesin skryf. Die predikant van die aansoeker voltooi ook n vorm. Die persoon mag nie n oortreding teen n kind hê nie. Die maatskaplike werker van die sentrum besluit saam met lede van die kindersorgkomitee watter kind sal by die gesin pas. Ouers sal ook voorberei word ten opsigte van n spesifieke kind. Indien daar persone is wat oorweeg om n vakansie-ouer te word, kan hulle vir Christa Maree, Direkteur Residensiële Kindersorg, kontak by: Sel: Tel: Faks: E-pos: christa@vironskinders.org.za ORGANIC SCORECARD 'n OPENBARING Besoek gerus ENGO se webblad by BEDIENING: BEGELEIDING Dit was amper soos om aan die voete van Gamaliël te sit Gedurende Augustusmaand, is n twaalfstuks kursusgangers op uitnodiging van die NG Kerk Vrystaat se Bediening: Begeleiding, ingelei in die geheimenisse van die Organic Scorecard. Dit is aangebied deur Nico Simpson en Sieg Louw van die Kaap, albei geregistreerde Organic Coaches. Die Scorecard is n kragtige en veilige meetinstrument wat ingespan word deur terapeute, coaches en predikante om n persoon se bewussyns-areas aan hom/haar te verduidelik. Dit bevestig die persoon wat die toets doen se sterk punte en sy/haar huidige strategie in die lewe. Met die hulp van n opgeleide Organic Coach, lei die gesprek na afloop van die toets, gewoonlik tot positiewe gewaarwordinge by die betrokke persoon en n spontane verandering van rigting en strategie is dikwels die gevolg daarvan. Die aanwendingsgebied van die Scorecard is legio. Van individue en groepe, tot paartjies wat op trou staan en gesinne, kan hierby baat vind. Kragtig! (Elsabé du Plessis)

4 REFO 500 VIERINGE Op Woensdag 30 Augustus 2017, is REFO 500 feestelik gevier. Die viering is gesamentlik deur die UV Fakulteit Teologie en Religie, die NG Kerk Kuratorium, die Odeon Skool vir Musiek en die NG Kerkfamilie, aangebied. Na afloop van die oggendprogram het diegene wat die vieringe bygewoon het, saam 'n ligte middagete genuttig. Die viering is later die middag voortgesit deur saam Nagmaal te gebruik by die NG Kerk in Afrika, Bloemfontein. Hier volg nou 'n fotobeeld van die dag se feesvieringe: Sprekers vir die dag Van links na regs: Prof Fanie Snyman, (Dekaan van die Fakulteit Teologie) open die viering; dr Henco van der Westhuizen (Fakulteit Teologie) praat oor die onderwerp, Reformasie die betekenis toe en nou; prof Kobie Kloppers (Gasdosent UV Odeion Skool van Musiek) praat oor Reformasie en die Kerklied en dr Shin Toyokawa (Reformed Church in Japan) praat oor Gereformeerd in Japan Links: Ds Francois Lampbrecht - Moderne Gereformeerde Musiek Regs: Dr Gideon van der Watt - Programleier van die dag Paneelbespreking deur Kerkleiers: Gereformeerd wees in ons konteks vandag Van links na regs: Dr Gideon van der Watt - Gespreksleier; Dr Carin van Schalkwyk (NGK); Rev Tseliso S Masemene (Lesotho Evangelical Church); Rev Isaac Khambule (Uniting Reformed Church in Southern Africa); Rev Ephraim Kosa (NGKA); Rev Jaques Murphy (Presbyterian Church

5 Studentekerk Die predikante en lidmate (in al hulle diversiteit) van die Studentekerk, het vertel wat dit beteken om jonk en Gereformeerd te wees. Sang en musiek is deel van die Reformasie Die diversiteit van kerkmusiek is gevier Orrelbegeleiding deur dr Jan Beukes (UV Odeion Skool van Musiek) Orkesbegeleiding onder leiding van NG Kerk Pellissier Begeleidingsgroep Koorsang deur Botshabelo-NGKA Koor Nagmaal by NGKA Bloemfontein

6 VBO GELEENTHEDE Lentekonferensie Hiermee word jy hartlik uitgenooi na Excelsus se twaalfde Lentekonferensie, Lente in Bediening en Teologie. Dié konferensie vind plaas vanaf September 2017, by Universiteitsoord en die Universiteit van Pretoria Die tema is: Hervorming herwin Reformasie: Teologie 500:100 Die sluitingsdatum vir registrasies was reeds 12 September, maar dalk aanvaar hulle n paar laat registrasies by Universiteit van die Vrystaat:

7 ADVERTENSIES UIT GEMEENTES KLIPKERK SE WESTERN -BASAAR Almal word uitgenooi om op Vrydag 8 September 2017 vanaf 16:00, heerlik saam met die gemeentelede, te kom kuier. Hulle tema vir hierdie jaar se basaar is Western, bring dus jou cowboy boots en hoed en kom deel in die pret! Daar word n vol program aangebied, met onder andere n dansuitvoering deur Dance Dominations, Hoërskool Grey Kollege se boere-orkes wat musiek gaan maak en n motoruitstalling deur Mahindra, Honda, GWM en BAW. Vir die honger en dorstige mense sal daar n genoeg eet- en drinkgoed te koop aangebied word - vermaak word ook vir die kinders aangebied, met onder andere n springkasteel en meganiese bul. NG GARDENIAPARK NG PETRUS STEYN SELGROEP 20 MET SUSAN COETZER NG VERKEERDEVLEI

8 NG Langenhovenpark Kersmark Aandag uitstallers: Hierdie gemeente bied vanaf 10 tot 12 November 2017 n Kersmark aan in die Gemeentesentrum. Die mark val saam met die gemeente se jaarlikse gemeentefees op Sondag 12 November. Daar is n beperkte aantal stalletjies beskikbaar teen R300 per stalletjie vir drie dae. Slegs handgemaakte Kersgeskenke/produkte kan verkoop word. Geen stalletjies met voedsel sal toegelaat word nie, aangesien daar n teetuin gaan wees. Uitstallers word gekeur om duplisering van produkte te voorkom. Aansoekvorms is by die kerkkantoor beskikbaar, of klik hier om dit af te laai. Vir navrae, skakel (k/u Ma-Vr 08:00-14:00), of stuur n e-pos na ngklhp@mweb.co.za. Aansoeke moet dié kantoor nie later as 28 Oktober 2017 bereik nie. ALGEMEEN Spesiale akademiese program aan die UV: MTh in Spiritualiteit Die Fakulteit Teologie en Religie bied ʼn nagraadse kursus in Christelike spiritualiteit aan. Prof Jan-Albert van den Berg, kursus-koördineerder, beskryf die kursus as die deurleefde ervaring van die Christelike geloof en dissipelskap. Hierdie Magister-program bied die moontlikheid tot n in-diepte studie van die Christelike spiritualiteit en sal baie mense se belangstelling prikkel. Sluitingsdatum vir aansoeke is 30 September Navrae kan gerig word aan vdbergja@ufs.ac.za. Vir meer inligting besoek die webwerf by of klik hier vir n pamflet met meer inligting.

9 Die #Connect-kamp vir hoërskool tieners: Dit is 'n kamp vir tieners van graad 7-12 en bied aan hulle die geleentheid om weer met God, ander gelowige tieners en hulself te kom "connect". Dit is 'n plek waar ons kinders hulleself kan uitleef en baie pret kan verwag saam met 'n goeie dosis geestelike groei. Die kamp het plek vir 120 kinders en inskrywings sluit 20 September klik hier vir die inskrywingsvorm. Gemeentes moet spring om hul kinders in te skryf en die betalings te doen. Aanbieders by die kamp is di Wollie Grobler, Tano Bongers, Morné Bruwer, Braam Smit en prop Cecilna Grobler. Sy is ook die nasionale koordineerder en as daar enige navrae is, is julle meer as welkom om haar te kontak op , (k/u 08:00-16:00), of n faks te stuur na , of per e-pos na connecttienerkamp@gmail.com CHRISTELIKE LEKTUURFONDS NUUSBRIEWE EN PUBLIKASIES Jaarliks op 9 September val die fokus op die hartseer van fetale alkohol-sindroom wat soveel kinders in ons land ʼn permanente agterstand in die lewe gee - CLF gee hier meer inligting. Dit is Sondag 10 September 2017 Toerustingsondag, klik hier vir inligting oor lektuur wat by CLF beskikbaar is. BYBEL-MEDIA 16/2017 Hierdie week is die fokus op die jongste Kerkbode en die Oktober-uitgawe van LiG - klik hier vir volledige nuus. Lees in die jongste Kerkbode: In Kerkbode van 8 September is daar nuus oor gesprekke oor kerkeenheid, oor n inisiatief van die Suid-Afrikaanse Raad van Kerke om waardes in Suid-Afrika te vestig en korrupsie te bestry, en oor n NG gemeente wat nou doleer. Lees oor die hulp wat die Vrystaat Sinode verleen om mense te ondersteun na plaasaanvalle en oor vroue wat die leiding geneem het tydens die Reformasie. Daar is n verhaal van n inpirerende werkskeppingsprojek in Stellenbosch en nog n verhaal van so n inspirerende projek op Hofmeyr in die Oos-Kaap. Lees ook oor bendes en die moeilike taak vir die kerk om vir jong mense n alternatief te bied. BEROEPENUUS Ds JB (Bernard) Barnard is op Sondag 3 September 2017 as leraar by die NG Gemeente Koppies-Weltevrede bevestig. Ds PJ (Piet) Fourie van die NG Gemeente Bethlehem-Panorama het die beroep na die NG Gemeente Sasolburg- Tuinedal aanvaar - die bevestigingsdatum is nog nie bekend nie. Dr DH (Dawie) Botes van die NG Gemeente Vrede-Wes het n beroep na die NG Gemeente Welkom-Wes aanvaar. Sy bevestiging vind Saterdagaand 7 Oktober 2017 om 18:30 plaas en hy lewer Sondagoggend om 09:00 sy intreepreek.

10 VAKATURES LERAAR (VOLTYDS) - NG VREDE-WES: Die pos raak binnekort vakant, klik hier vir meer besonderhede - die sluitingsdatum vir aansoeke is Dinsdag 3 Oktober LERAAR (VOLTYDS) - NG STELLENBERG, DURBANVILLE (WES-KAAP SINODE): Klik hier vir volledige besonderhede - sluitingsdatum vir aansoeke is Vrydag 6 Oktober VAKATURES BY CLF: In navolging van die CLF se roeping en visie vir die toekoms, is twee uitdagende geleenthede tans beskikbaar in die Senior Bestuurspan: REDAKTEUR Die pos neem verantwoordelikheid vir die produksie van verkoopbare en gratis produkte. Die volgende kritiese uitsette word vereis: konseptualisering skep (skryf / vertaal) keuring van produkte redaksionele versorging skakeling / samewerking met vennote, outeurs, vertalers en diensverskaffers. Die ideale kandidaat beskik oor: nagraadse teologiese opleiding (MTh, MA of MDiv) en ervaring as leraar in die NG Kerk-familie bewese redaksionele ervaring (of potensiële kundigheid) en kennis van die uitgewersbedryf kreatiwiteit, strategiese insig en teologiese onderskeidingsvermoë. BEMARKINGSBESTUURDER Hierdie pos neem verantwoordelikheid vir ʼn geïntegreerde reeks funksies wat die volgende insluit: bemarking / verkope van produkte fondswerwing sosiale media kommunikasie skakeling met gemeentes, donateurs, organisasies en breë kerkpubliek. Die ideale kandidaat beskik oor: ʼn toepaslike naskoolse kwalifikasie in bemarking gevorderde praktiese kennis (ervaring) van bemarking (verkope) bogemiddelde kommunikasievaardighede (skriftelik en gesproke) kreatiwiteit / inisiatief en deursettingsvermoë ervaring in die Christelike media-omgewing sal as aanbeveling dien. Belangstellendes kan hul CV so spoedig moontlik stuur aan Joep Joubert by info@hrsa.co.za Sien verdere besonderhede by VAKATURES - e-kerkbode: n Lys van vakatures vir predikante, ander kerklike amptenare en verwante kerklike instansies, is gerieflik beskikbaar in die NG Kerk se amptelike kerkkoerant, Kerkbode. Klik hier vir die jongste vakatures in die NG Kerk-familie. VERJAARSDAE Seënwense aan n Sinodale Kerkkantoorpersoneelid wat die komende week verjaar, mag dit n besondere jaar vir jou wees September: Mnr Johan Coetzer , jcoetzer@ngkvs.co.za

11 TEN SLOTTE VYF GEWOONTES (UITDAGINGS) VAN GELOWIGES WAT ERNSTIG IS OOR GESTUURDHEID Michael Frost, skrywer van The 5 Habits of Highly Missional People: Taking the BELLS Challenge to Fulfill the Mission of God, daag gelowiges uit om hul lewens só te lei dat wêreldlinge hulle optredes verbaas sal bevraagteken: Hoekom doen jy dit? Sy BELLS-uitdaging is n effektiewe manier om gewone lidmate aan te moedig om n leefstyl van missionaliteit te kweek en vol te hou: uitdaging-oefen-gewoonteleefstyl. Sy uitdagings tot n leefstyl van missionaliteit volg die BELLS akroniem: B=Bless; E=Eat; L=Listen; L=Learn en S=Send. Dit word nie voorgehou as n instrument wat kitsoplossings bied vir n kerk wat sukkel om enigsins missionaal te wees nie. Dit is wel n handige instrument, wanneer dit ernstig opgeneem word en met oorgawe toegepas word, om lidmate opwaarts, inwaarts en uitwaarts te laat groei. Opwaarts in n dieper verhouding met die drie-enige God; inwaarts na n hegter gemeenskap met gelowiges en uitwaarts in die woonbuurt in. Gemeentes het al op verskeie maniere probeer om gemeentelede toe te rus om uit te gaan en te gaan evangeliseer (bv EEIII). Alhoewel hierdie vorm van evangelisering wel mense bereik het, is dit konfronterend en nie in staat om gemeentelede in die algemeen te mobiliseer nie. Slegs n klein handjievol mense het die regte temprament, toegewydheid en gawe om dit te doen. Vir die res is dit vreesaanjaend en in die verkeerde persoonlikheid se hande het dit selfs mense verkeerd opgevryf, indien nie weggejaag van Christenskap af nie! Daar moet maniere wees waarop gewone gemeentelede God se heerskappy deur Christus kan aankondig en demonstreer sonder om van hulle te verwag dat hulle iemand moet wees wat hulle nie is nie. Terselfdertyd moet ons verwagting van lidmate ook nie só laag wees dat hulle minder sal wees as wat ons as gelowiges behoort te wees as God se gestuurdes nie. Gestuurdheid werk effektief wanneer gewone gelowiges n vrygewige, gasvrye, Geesgedrewe, Christelike lewenswyse as gestuurdes na ons eie woonbuurte lei. Dit is waar die BELLS uitdaging inpas. Saam met gewone gelowiges kan begaafde Evangeliste werk om die evangelie met mense in ons gemeenskap te deel. Hierdie tweevoudige model word mooi gedemonstreer in Kolossense 4:2-6: 2 Volhard in die gebed! Wees daarby waaksaam en dankbaar 3 en bid tegelykertyd ook vir ons. Bid dat God vir ons n deur vir die woord oopmaak sodat ons die geheimenis van Christus kan verkondig waarvoor ek hier gevange sit. 4 Bid dat ek dit duidelik sal verkondig soos dit my opgelê is. 5 Tree met wysheid op teenoor die mense wat nog buite die gemeente is. Maak die beste gebruik van elke geleentheid. 6 Wat julle sê, moet altyd vriendelik wees en van goeie smaak getuig; en julle moet weet hoe julle elkeen behoort te antwoord. Paulus vra gebed vir hulle wat die gawe ontvang het om te evangeliseer, dat hulle die boodskap duidelik sal verkondig. Terselfdertyd verwag hy van gelowiges om voortdurend te bid, met wysheid op te tree teenoor hulle wat nog buite die gemeente is deur byvoorbeeld vriendelik en smaakvol te wees en goed gebruik te maak van geleenthede om só op te tree teenoor die wêreld. Met ander woorde ons leer hier dat leiers (1) mense met die gawe vir evangelisasie sal identifiseer, toerus en uitstuur en (2) alle gelowiges sal inspireer om n lewenswyse te kweek wat bevraagteken sal word. Indien alle gelowiges se leefstyl vrae ontlok by hulle vriende, medewerknemers en ander mense, skep dit geleenthede om antwoorde te gee (soos vers 6 sê vgl 1 Petrus 3:15-16) en kanse vir evangeliste om te getuig vermeerder ook. Michael Frost bevestig dat die eerste gelowiges hulleself toegewy aan bepaalde geloofsgewoontes soos opofferende dade van goedheid aan ander. Hulle het n liefde gehad vir hulle vyande en hulle vervolgers vergewe. Hulle het omgegee vir die armes en het die wat honger is gevoed. Midde-in die Romeinse era met sy brutaliteit het hulle n gans ander leefstyl geleef en dít het mense na hulle toe aangetrek soos niks anders kon nie. Gemeentes het nodig om hulle lidmate aan te moedig om so n leefstyl te kweek en daarom het Michael Frost die BELLS uitdaging geskep. Vir die volgende vyf weke sal ons elkeen van hierdie vyf geloofsgewoontes in besonderhede verduidelik en moedig lesers aan om die uitdaging te aanvaar om elkeen te beoefen. (Dr Ben Joubert)

12 KONTAK ONS THEA BOSMAN Samesteller/Redaksioneel: Kommunikasie - NG Kerk Vrystaat Tel: (k) Faks: INDIEN JY OP VRYPOS WIL INTEKEN, KLIK hier (meld asseblief ook jou gemeente/dorp) AS JY VRYPOS WIL KANSELLEER, KLIK hier NG KERK VRYSTAAT WEBBLAD: NG KERK VRYSTAAT FACEBOOK: VRYWARING / DISCLAIMER Klik hier Stuur enige nuusgebeure, inligting na kerkinfo@ngkvs.co.za (spertyd vir indiening, 12:00) Lig in die duisternis, hier vir God, mekaar en die wêreld