Jaargang 16 - Uitgawe 2 26 Januarie 2018 REDAKSIONEEL

Transcription

1 Jaargang 16 - Uitgawe 2 26 Januarie 2018 REDAKSIONEEL Let asseblief op die gebedsversoeke vir hierdie komende week, dit hoef nie net gebruik te word binne eredienste nie, maar orals waar jy n behoefte vind om met die Here te praat... ENGO deel ons mee dat hulle Vir Ons Kinders -projek, waar die publiek kaartjies kon koop om n motorvoertuig te wen, na nege jaar, nie meer hierdie jaar gaan plaasvind nie. Hulle werksaamhede vereis egter steeds betrokkenheid van die mense daarbuite, lees gerus hoe jy ook op n ander wyse betrokke kan wees. n Ander belangrike punt waarvan gemeentes/belangstellendes asseblief moet kennis neem, is die Vrystaat #imagine-geleentheid vir tieners en jongmense wat weer gedurende April te Nampopark by Bothaville gaan plaasvind. Die Vrystaatse kerk wil ook meer begin fokus op die bewusmaking en opvoeding van haar lidmate oor die belangrikheid om betrokke te raak by die Ekologie en alles wat daarmee gepaard gaan. Ons gaan poog om weekliks inligting/wenke, ensovoorts met julle te deel. Lees gerus by Aktueel /Algemeen, oor water wat meer waardevol as goud gaan raak! n Gedagte vir die week: HOOP is n rooi hoed. n Vars malva agter die oor. n Blom wat oorleef op n ashoop/in die droogte. n Enkele sonneblom langs n stofpad kan jou HOOP gee. Die regop stam met die kop wat trots na die son gedraai is... en n hele plaat met regop, geel sonneblomme, kan jou nog méér HOOP gee om aan te gaan. Ons het elkeen net een sonneblom nodig om op te staan en die lewe vierkantig in die oë te kyk... (S Coetzer) ALGEMENE SINODE NUUS Dr Gustav Claassen, Algemene Sekretaris van die NG Kerk, het die afgelope week sy gebruiklike brief aan leraars gestuur. In hierdie brief word daar op die volgende drie punte gefokus: 1. Die Onderwys 2. Bod van die Wêreldraad van Kerke (WRK) 3. Die NG Kerk se ontmoeting met die EFF Lees dit hier. NUUS UIT DIE SINODE BEDIENING: VISIONERING (MODERAMEN)

2 Terugvoer - Vrystaat Rampfonds: Ds Andreas van Rooyen van die NG Gemeente Boshof skryf: Die boere van Boshof het 'n lafenis vir hul siele gekry na die erge brande. Dit is te danke aan die Vrystaat Rampfonds van die NG Kerk Vrystaat... ons is baie dankbaar vir al die skenkings van geld en veevoer. Dankie vir elkeen wat vir ons bid, wat 'n bydrae gemaak het en wat ons in hierdie tyd dra. Dit beteken vir ons meer as wat julle dink. Bydraes vir hierdie fonds, kan steeds in die rekening van die NG Kerk Vrystaat, ABSA rek nr , takkode inbetaal word - gebruik asseblief die verwysing, VS Rampfonds. Ds Gideon Lamprecht is die koördineer, sy kontakbesonderhede is, sel en e-pos gideon.lamprecht777@gmail.com Gebedsversoeke vir komende Sondag 28 Januarie 2018: 1. Bid steeds vir reën, spesifiek vir drooggeteisterde gebiede - sê ook dankie vir reën wat in die afgelope week ontvang is, ook dáár waar dit baie lanklaas gereën het. 2. Bid vir regeringsleiers, nasionaal en plaaslik, ook spesifiek vir die Wes-Kaap waar ingrypende besluite in verband met hul watersituasie geneem word. 3. Bid vir die aarde en sy bewoners: Lees asseblief die volgende gebed Gebed vir Planeet Aarde en sy mense - Miriam Therese Winter (Uit Die Groot Gebedeboek - Piet Naudé 2014) Skepper van moederaarde en al haar kinders, U wat ook die Skepper is van die see en die lug, U wat die tapisserieë van sterrestelsels teen die hemel opgehang het; Ons kom na U toe om raad, want ons sien hoe ons planeet beskadig en vermink word. Ons kom bid dat dit nie te laat sal wees om ons gewonde wêreld te red nie. Ons kom bely: Ons was so onverskillig met moederaarde, ons het so min moeite gedoen om dié brose stuk lewe wat U aan ons toevertrou het, te versorg en te bewaar. O, ons bid dat U ons sal vergewe en ons hart en kop sal verander, sodat ons n nuwe begin kan maak. Help ons om die ekologie n prioriteit te maak in ons besige, dikwels leë lewe. Laat alles op aarde hierop Amen sê. Spesiale biddag vir reën! Alhoewel daar reeds die afgelope week n paar reënbuie in ons streek geval het waarvoor ons só dankbaar is, vind n biddag vir wydverspreide reën (ook vir opvangsgebiede), steeds op Vrydag 2 Februarie 2018 om 11:00 by die Senwes- (Hinterland) werkswinkel te Curielaan, Bloemfontein, plaas. Navrae kan aan Charles Truter by , gerig word. BEDIENING: BARMHARTIGHEIDSDIENSTE (ENGO) 2018 n Jaar van dankbaarheid! Hoe sê n mens dankie, dankie vir jare se lojale ondersteuning, versorging, onvoorwaardelike liefde vir ENGO se Vir ons Kinders -projek wat glimlaggies op die gesigte van duisende kinders, gesinne en bejaardes in nood regoor die VS gelos het. Die Vir ons Kinders -projek is reeds nege jaar met groot sukses aangepak en baie kinders, gesinne en bejaardes kon die vrugte daarvan pluk. Nege gelukkige individue was die wenners van n spogvoertuig, die trekkingsfunksies het nog altyd met groot vreugde en soms trane van vreugde gepaard gegaan. Die impak van die projek was dikwels eers beleef wanneer elke sentrum hul geld vanuit die projek ontvang het, nadat die oudit afgehandel is. Ons het by meer as een geleentheid ervaar

3 hoe hierdie fondse n Jeugsorgsentrum van ondergang kon red. Dit is altyd net op die regte tyd ontvang toe die betrokke sentrum dit die nodigste gehad het. Die Beheerraad baie dankbaar teenoor almal wat baie hard gewerk het om kaartjies te verkoop. Die ander groot effek van die Vir ons Kinders -projek was nog altyd die besonderse geleentheid wat ENGO gehad het om die dienste van ons sub-programme bekend te stel. Wanneer iemand die prys van n kaartjie skenk, kon ons nog altyd vir hom/haar sê: Jy sit met hierdie kaartjie n bord kos voor iemand neer. Jy help dat iemand nie vanaand honger gaan slaap nie. Jy maak n verskil, want deur dié skenking, gee jy hoop in iemand se lewe. ENGO is ongelooflik dankbaar vir elkeen wat die afgelope nege jaar die Vir ons Kinders -projek getrou en lojaal ondersteun het, elke kaartjie het n daadwerklike verskil gemaak! ENGO wil in 2018 almal kom bedank vir voortgesette ondersteuning en dat julle hierdie besonderse projek, jul eie gemaak het en sodoende deel van die ENGO-familie geword het. Hierdie jaar sal sekerlik sy eie uitdagings inhou, maar ons weet dat ons n God dien wat almagtig is! Hy sal altyd voorsien... NB! Daar sal nie tydens 2018 kaartjies vir n wenmotor beskikbaar gestel word nie, dus val die spesifieke projek weg, maar indien ENGO met al sy subprogramme steeds naby aan jou hart lê en dit op jou hart druk om iets by te dra, wil ons jou graag aanmoedig om betrokke te bly deur n debietorder te voltooi en op so n wyse te verseker dat die goeie werk kan voortbestaan. Meer inligting oor die debietorder kan op ons webtuiste by, onder raak betrokke, verkry word. Stuur gerus ook n e-pos na info@vironskinders.org.za vir meer inligting oor die wyse waarop jy betrokke kan raak. ENGO, ewige hoop... Nie net hoop vir nou nie, maar hoop vir altyd. Lig in die duisternis. Hier vir God, mekaar en die wêreld! Advertensie - Hospitaalsorg-vrywilligers: Dankie vir n ongelooflike Kersfeespartytjie! Hlohloloane Child and Youth Care Centre was blessed with a wonderful Christmas party at Vlakbult farm, just outside of Clocolan. The Clocolan Christen Bediening-Church and volunteers presented this amazing time of celebration and fun for the children. They had a time of Worship, games and a wonderful feast of a meal. The children were blessed with Christmas clothes and toiletries, also sponsored by the church and management. The broader community of Clocolan helped to sponsor the food for the children at the party. Thank you to Lodie van Reenen and Mohammed for the meat, Makoadi for the watermelon and salads, Shell garage for the ice-cream, Biosculpture for toiletries and sweets and Carl Scholtz for the maize meal (IMG ). NB! Let ook op by Nuusbriewe/Publikasies vir meer inligting oor LiG Tydskrif wat op 17 Maart 2018 n lesersdag in Bloemfontein aanbied en by hierdie geleentheid n insameling vir ENGO gaan doen. Besoek gerus ook ENGO se webblad by vir meer inligting oor al hulle werksaamhede

4 BEDIENING: BEGELEIDING (Netwerk: JONK Vrystaat) Vrystaat #imagine 2018: Gemeentes/belangstellendes, neem asseblief kennis!: Bring die volgende inligting onder alle tieners en jongmense se aandag, vanaf 6-8 April 2018, vind die #imagine experience vir die Vrystaat, weer te Nampopark by Bothaville, plaas. Vir meer besonderhede oor hierdie geleentheid, klik asseblief op die flyer hiernaas, klik ook hier vir n lys met kontakbesonderhede van die organiseerders, sowel as van die hubleiers regoor die Vrystaat. GEMEENTE NUUS Opleiding vir Hospice-vrywilligers by NG Berg en Dal: Hospice Bloemfontein bied vanaf 3 Februarie 2018, 'n nuwe opleidingskursus vir vrywilligers aan en nooi graag alle belangstellendes om daardie oggend 'n oriënteringsgeleentheid en inleiding tot die werk van die Hospice by te woon. Opgeleide vrywilligers is nodig vir tuisbesoeke aan siek of verswakte pasiënte in hul laaste lewensfase, ondersteuning aan hul families, vervoer na 'n dagsorgfasiliteit, bewusmaking in die gemeenskap, administrasie en fondswerwing. Die kursus strek oor sewe weke (een oggend per week) en ontsluit ook in die vrywilliger, eie perspektiewe oor siekte en sterwe, asook die vaardighede om met ander hieroor te kan praat en te luister ná hul ervaringe. Die Oriënteringsdag word op Saterdag 3 Februarie 2018 vanaf 09:00 tot 11:00by die NG Kerk Berg en Dal in Dan Pienaar aangebied. Vir meer inligting, kontak Hanneke ( ), of Joan ( ). Sheri by NG Steynsrus: NG Heuwelsig Vrouekamp: Hierdie gemeente bied tydens die naweek vanaf 16 tot 18 Maart 2018 n Vrouekamp te Amanzi Privaat Wildreservaat (naby Brandfort), aan. Die gasspreker by hierdie geleentheid (Sappige Vroue-wegbreek), is die alombekende Elsabe Aldrich, haar tema vir die naweek is, Ek is darem nie so gemaak en so gelaat staan nie! Klik hier vir al die inligting, met kontakbesonderhede, sowel as n voorlopige program en ook terugvoer van dames wat vantevore soortgelyke kampe van Elsabé bygewoon het. VBO-GELEENTHEDE / ANDER KURSUSSE Vroueleraars Retreat: Die NG Kerk Vrystaat, in samewerking met die Sinodale Kommissie vir Vrouelidmate Vrystaat (SKV), bied 'n Retreat-geleentheid te Menuha (tussen Brandfort en Bloemfontein) aan, vir alle NG Kerk-

5 vroueproponente- en predikante, vanaf 19 tot 21 Februarie Daar is slegs plek vir 20 persone, kontak asseblief vir Delmarie Viljoen by of skakel vir meer inligting. JONK VRYSTAAT bied aan: SELA Musiekbedieningsopleiding: Klik hier vir volledige inligting, hier vir die program en hier vir die inskrywingsvorm. Werkswinkel: Traumatic Incident Reduction: Kom leer uiters bruikbare tegnieke om jou te help in berading en lewensbegeleiding, veral met die fokus op traumahantering. Die kursus is deel van Applied Metapsychology International se materiaal: Datum: 5-8 Maart 2018 Plek: Bloemfontein Punte wat verwerf kan word: VBO = 20 / CPD = 28 / SACSSP = 16 Koste: R4750p/p, sluit middagetes, verversings en materiaal in Aanbieders: Yvonne Retief ( en ds Petri Coetzee Getuienisse: Vir die eerste keer voel dit of ek as Predikant regtig mense kan help... Ek het geleer, trauma is die wortel van baie gedragsprobleme by ons lidmate en nou kan ek hulle help! My hele pastorale aanslag het verander. Ek is so opgewonde om meer te kan doen as net ʼn Bybelvers te gee en te bid. As maatskaplike werker is dit die tegniek wat ek seker die meeste gebruik om stukkende mense op te tel. As sielkundige gebruik ek net TIR vir ongeveer 85% van die gevalle waarmee ek werk. Navrae: Ds Petri Coetzee by , of p3coetzee@icloud.com vir verdere besonderhede en n inskrywingsvorm Ander VBO geleenthede in 2018: 1. Trauma-Konferensie (16-18 April) by die Gariepdam 2. VBO-Week (2-5 September) Belangstellendes kan solank die datums aanteken, meer besonderhede sal mettertyd bekend gemaak word, hou asseblief hierdie spasie dop! Kursus (nie VBO) - Beginnersklasse in Sesotho: Die NG Gemeente Langenhovenpark bied wéér hierdie gewilde kursus in Sesotho aan. Dié kursus strek oor 26 weke en die totale koste beloop R2 000pp. Die kursus begin DV Donderdag 15 Februarie 2018 om 18:30 en vind in die Gemeentesentrum van die NG Kerk Langenhovenpark

6 plaas (Kleinkerk). Registreer asseblief vóór of op Maandag 5 Februarie om 10:00 - telefonies by , of per e-pos by ngklhp@web.co.za. 'n Volledige inligtingsblad is ook by dié kantoor beskikbaar. n Nie-terugbetaalbare deposito van R750 is betaalbaar vóór, of op Maandag 5 Februarie om 10:00. Daar is plek vir net 25 studente. Vir verdere navrae skakel die kantoor by bogenoemde nommer, of vir Riaan Stander by (h), of AKTUEEL / ALGEMEEN Water kosbaarder as goud! Hierdie laat mens nadink, hoe lank is dit nog voordat die res van Suid-Afrika in n soortgelyke situasie is? Hoe sal jy jou 50 liters per dag verdeel? Lees ook die berig in Volksblad (Netwerk24) van 24 Januarie 2018 oor, Damvlakke van Mangaung gevaarlik laag Ekerk dink oor leierskap: Die kerk in SA is vinnig besig om sy invloed te verloor en dit beteken dat ons nie die koninkryksimpak kan maak wat deur God van ons verwag word nie. In Ekerk se jongste tendensverslag oor leierskap in die konteks van ons huidige globale politieke klimaat, word onder meer gekyk na wat ons kan doen om dié soort leierskap te kweek waarna die wêreld sal wil luister - lees dié insiggewende verslag hier. Agnes Abuom se gebed vir die wêreld: Dr Agnes Abuom van Kenia is die eerste vrou én eerste persoon uit Afrika om verkies te word as Moderator van die Wêreldraad van Kerke (WRK) se sentrale komitee. Tydens n onderhoud met haar (lees die volledige onderhoud hier), bid sy die volgende gebed vir die wêreld): Loving God, we thank you for your church and the fellowship we experience within the ecumenical movement. We thank you for the courage and wisdom you gave to the founding fathers and mothers. Grant us inspiration and knowledge to pursue the unity of your church in accordance with your prayer, that they may be one so that the world may believe. Forgive us for commercializing your word and transform and renew our minds so that we can be agents and servants of the good news in a world fraught with pain and suffering. Guide us to bring hope amidst hopelessness, love instead of hatred, and peace instead of conflict. Uit die pen van Aartsbiskop Thabo Makgoba: Aartsbiskop Makgoba het op 31 Desember 2007, die jongste persoon nog geword om tot Aartsbiskop van die Anglikaanse Kerk van Suid-Afrika, verkies te word. Hy skryf die volgende oor 2018: The Scriptures tell us that when Joshua led the people across the Jordan into the Promised Land, the first thing he did was to build a memorial pillar. From then on, God's people could look at the pillar

7 and say: This is where we crossed the Jordan! This is where we parted company with betrayal and disappointments. This is the place and the hour when we found hope. As we enter what is likely to be an eventful, even turbulent year, one of our greatest needs in South Africa is the need to rekindle the lamps of hope. We face big challenges, especially over land reform and the economy. But we have faced big challenges before, we have overcome them, and like God's people in the time of Joshua, let us take courage from that. As people of faith and as the heralds of Good News, let us remember what God has done for us and consciously allow God's great deeds in the past to continue to empower us. In that way, we can rekindle our own hope and the hope of the people of our beloved land. God bless you (Laaste drie berigte met dank oorgeneem uit VrydagNuus) Wêreldbiddag vir Vroue - 2 Maart 2018: Die tema vir vanjaar se Wêreldbiddag vir Vroue is, Hoe wonderbaar is u skepping! - die skrywerland is Suriname. Kry die bestelvorm hier om programme (tweetalig / Afrikaans / Engels / Kinder en Jeug Afrikaans / Kinder en Jeug Engels), sowel as plakkate, CD's, 'n PP-aanbieding en allerlei aandenkings met die biddagembleem, vroegtydig te bestel. Rig enige navrae aan Joa van Aarde by wwdp@telkomsa.net, of skakel Jesus - Die Passiespel: Die ATKV-tak Gemeenskapsteater, wat die vervaardiging van die uiters suksesvolle produksies, Pilatus - n kruis in die pad (2016) en Judas Iskariot - wat is die prys van bloedgeld? (2017), behartig het en ook tydens die 2017 Algemene Jaarvergadering van die ATKV die WOW-projek vir Pilatus ontvang het (dus die beste nasionale projek van 2016), kondig met trots hul volgende projek aan: Jesus - Die Passiespel Dit is gemeenskapsteater op sy heel beste en word in samewerking met PACOFS, ATKV, Free State Youth Orchestra (olv Alexander Fokkens), Volksblad, Bloemnuus, Radio Rosestad en Copy King gedoen. Kaartjiepryse is ook so laag as moontlik gehou om dit bekostigbaar vir almal te probeer maak (R 80 en R95). Dit is vars. Dit is uniek. Dit is groot en dit is in Afrikaans! Wat is die grootste daad van liefde? Kom vind uit Jesus - Die Passiespel. n Toga: Is daar dalk iemand wat vir ds Natanael Sebolai van die NG Kerk in Afrika in Hoopstad, kan help met n toga? Syne is nou al bietjie oor die muur en hy wil graag weet of daar nie iewers n dominee is wat bereid is om n ongebruikte toga aan hom af te staan nie. As jy moontlik kan help, kontak ds Natanael op NUUSBRIEWE EN PUBLIKASIES Nuusbrief 2/2018: Hierdie week is die fokus op die aanstelling van ds Bruwer Strydom by BM, as Bestuurder: Departement Ontwikkeling, in die plek van ds Hans Steyn wat op 31 Maart 2018 aftree. Lees ook oor die jongste uitgawe van Kerkbode en die Jaarboek kry dit alles hier. LiG Tydskrif hou op 17 Maart 2018 weer n lesersdag in Bloemfontein: LiG het besluit om ENGO as hulle Harts-instansie te identifiseer en n insameling vir ENGO te doen. Hulle vra dat die dames wat die oggend gaan bywoon, n pak doeke, of n blik formulemelk sal saambring en dan vir elke tafel wat ten volle verkoop is, sal een kaartjie se waarde na ENGO toe gaan (R290). Die bekende akteur en motiveringspreker, Hykie Berg, asook André Venter (van Romanz), gaan by hierdie spesiale geleentheid optree. Besprekings

8 kan tydens kantoor-ure gedoen word by, of by / CLF NUUS: Christelike Lektuurfonds het onlangs die volgende aanstellings gemaak: Berlisé Louwrens as Bemarkingsbestuurder - sy het op 8 Januarie 2018 begin en is opgewonde oor die bydrae en impak wat sy in God se Koninkryk kan maak binne CLF as deel van sy almagtige plan. Haar doelstellings is om met die jonger generasies kontak te maak; om nuwe bemarkingskanale te gebruik om mense aan te moedig om n Christelike erfenis na te laat; en om te help om lewensveranderende literatuur aan alle mense in hul eie taal beskikbaar te stel. Berlisé het haar bemarkingsondervinding grootliks in die korporatiewe mark verkry waar sy aan verskeie industrieë blootgestel was. Sy glo dat goeie verhoudings en kommunikasie uiters belangrik is - persoonlik, sowel as in die sakewêreld - en sien daarna uit om soveel moontlik interaksie met die NG Kerk-familie te hê. Danny Fourie as Redakteur (Publikasies) - hy is ook vanaf Januarie 2018 in diens en het n lang loopbaan en ervaring in die mediawêreld as uitsaaier en uitgewer, hy was vroeër jare ook by CLF werksaam. Volgens Danny het CLF-Uitgewers tot n mededingende uitgewer van Christelike en teologiese boeke ontwikkel. Saam met sy span is hy gereed om die Christelike lesersmark en die NG Kerk-familie met relevante en geloofsopbouende publikasies te bedien. VAKATURES NG KERK VRYSTAAT: Die volgende vakature word namens die Bediening: Vennote in Getuienis, bekend gestel: SENDELING - MISSIE JAPAN ( n Sendingvennootskap van die NG Kerkfamilie en ander Gereformeerde kerke in SA en die Reformed Church in Japan): Missie Japan nooi kandidate uit tot deelname aan n proses om as sendeling na Japan gestuur te word. Sendingwerk in Japan verg n lewensroeping, spesiale gawes en n langdurige leerproses (teologie, taal en kultuur), die werf, voorbereiding en uitstuur van sendelinge is daarom n proses in biddende afhanklikheid. Rig aansoeke asseblief teen Woensdag 31 Januarie 2018, klik hier vir al die besonderhede. LERAAR VASTETERMYN (KONTRAK 3 JR) - NG THEUNISSEN: Die gemeente beskik tans oor n vakature vir n leraar. Volledige besonderhede is hier beskikbaar - sluitingsdatum vir aansoeke is Woensdag 31 Januarie SKRIBA/KASSIER - NG BRANDFORT: Aansoekers vir hierdie pos moet aan die volgende vereistes voldoen: Matriek, met ondervinding van Kerkkkantoorwerk, rekenaarvaardig in Pastel, MS Office (Word, Excell, ensovoorts), n lidmaat van die NG Kerk wees, eerlik en betroubaar wees met vertroulike hantering van alle kerksake. Stuur aansoeke en volledige CV per e-pos aan papienaar@telkomsa.net, of handig dit by die Kerkkantoor in te Brandstraat 61 (k/u Ma, Wo 08:00-16:00 en Vr 08:00-13:00). Vir navrae, skakel die kantoor by die sluitingsdatum vir aansoeke is Woensdag 31 Januarie Indien aansoekers teen 15 Februarie 2018 nog niks verneem het nie, moet hulle aanvaar dat die aansoek onsuksesvol was. KINDERVERSORGER - ENGO: SENEKAL KINDER- EN JEUGSORGSENTRUM: besonderhede hier, die sluitingsdatum vir aansoeke is Maandag 5 Februarie Vind meer 3 X VAKATURES - TOWERS OF HOPE, BLOEMFONTEIN: Die volgende vakatures bestaan by hierdie sentrum wat in die Tweetoring Kerkgebou geleë is, maak dit asseblief so wyd moontlik bekend aan moontlike belangstellendes - die sluitingsdatum vir aansoeke is Maandag 5 Februarie 2018 om 17:00: 1. Manager Operations - klik hier 2. Administration & Public Relations Officer - klik hier 3. Financial Officer (half-day) - klik hier

9 LERAAR: TENTMAKER (KONTRAK) - NG ROSENDAL: Die gemeente wag aansoeke in vir die vakante pos, klik hier vir al die inligting - die sluitingsdatum vir aansoeke is Saterdag 10 Februarie LERAAR VASTETERMYN (KONTRAK 3JR) - NG TWEELING: Proponente en leraars (jonger as 50 jaar), word uitgenooi om vir hierdie pos aansoek te doen, klik hier vir volledige besonderhede. Sluitingsdatum vir aansoeke is Woensdag 14 Februarie 2018, met diensaanvaarding vanaf 1 April VAKATURES - e-kerkbode: n Lys van vakatures vir predikante, ander kerklike amptenare en verwante kerklike instansies, is gerieflik beskikbaar in die NG Kerk se amptelike kerkkoerant, Kerkbode. Klik hier vir die jongste vakatures in die NG Kerk-familie. VERJAARSDAE... mag dit vir elkeen van julle n geseënde dag en lewensjaar wees: 26 Januarie: Ds Retief Botha - UNIVERSITAS , rrbotha@hotmail.com Dr Carin van Schalkwyk - PHILIPPOLIS , carinvs@vodamail.co.za 27 Januarie: Mnr Adriaan de Ruiter - SINODALE KERKKANTOOR , reken@ngkvs.co.za 29 Januarie: Dr Koos Uys - FRANKFORT , jspuys@gmail.com 30 Januarie: Ds Anton Meiring - WOODLAND HILLS , anton@whgemkerk.co.za TEN SLOTTE Kom ons leer om saam met die dissipels bid... Lees Matt 6: 5-15 Wanneer ons bid, is daar n paar sake waaraan ons aandag moet gee om effektief te kan bid: 1. Moet nie op straathoeke staan en bid waar almal jou kan sien nie (vers 5) - hiermee word bloot bedoel dat gebed ten diepste gemeenskap met die lewende God is. Wanneer ons bid moet dit met die nodige erns en respek vir God gedoen word. n Mens bid nie om deur ander gesien te word nie, dan is jou motief verkeerd. n Mens bid omdat jy n gesprek met God wil voer, daarom gaan dit nie in die eerste plek oor wie jou sien bid nie, maar oor die Een met wie jy in gesprek tree - God. 2. Gaan in jou binnekamer in, sonder jouself af (vers 6) - hiermee word bedoel dat daar n persoonlike kant aan gemeenskap met God is. Wanneer ons bid lê ons ons hart bloot voor die Here. Dit is wanneer ons net onsself kan wees. Daarom is n veilige ruimte van afsondering belangrik, want dit raak die ruimte waar ek met vrymoedigheid met God kan worstel, waar ek kan huil, waar ek my hart kan oopmaak, waar ek my sonde kan bely. Afsondering is belangrik, want gebed bestaan nie net uit ek wat met die Here praat nie, maar ook ek wat moet luister na wat die Here vir my wil sê. Gebed is n dialoog tussen twee partye waar daar aan beide kante

10 oomblikke is waar gepraat en geluister word. Wanneer ek myself in my binnekamer toemaak, is daar ook nie iets wat my kan steur nie en kan ek fokus om na die stem van God te luister. 3. Onthou dat gesindheid belangrik is as ons bid. Aan die einde van die les oor gebed, stel Jesus n voorwaarde vir vergifnis. Ons kan nie vra vergewe ons, as ons nie kans sien om ander te vergewe nie. Jesus voel so sterk oor hierdie saak dat Hy dit in vers 14 en 15 onderstreep. Hy lewer net oor een aspek van die Onse Vader-gebed kommentaar en dit is oor die saak van vergifnis. Daarom is dit belangrik dat ons ook ons hart sal ondersoek en kyk wie ons nog nie vergewe het nie, sodat ons die volle rykheid van gemeenskap met God kan beleef. KONTAK ONS Dr Carin van Schalkwyk is Tentmakerleraar by NG Philippolis, asook Skriba van die Vrystaat Sinode THEA BOSMAN Samesteller/Redaksioneel: kerkinfo@ngkvs.co.za of ngkerkinfo@gmail.com Kommunikasie - NG Kerk Vrystaat Tel: (k) Faks: INDIEN JY OP VRYPOS WIL INTEKEN, KLIK hier (meld asseblief ook jou gemeente/dorp) AS JY VRYPOS WIL KANSELLEER, KLIK hier NG KERK VRYSTAAT WEBBLAD: NG KERK VRYSTAAT FACEBOOK: Stuur enige nuusgebeure, inligting na kerkinfo@ngkvs.co.za / ngkerkinfo@ngkvs.co.za (spertyd vir indiening, 12:00, behalwe tydens skoolvakansies) VRYWARING / DISCLAIMER Klik hier Lig in die duisternis, hier vir God, mekaar en die wêreld