NG KEMPTON-KRUIN FEESBLAD Augustus Kempton-Kruin vier 40 jaar!

Transcription

1 NG KEMPTON-KRUIN FEESBLAD Augustus 2015 Kempton-Kruin vier 40 jaar!

2 Inhoud Veels geluk Kruin! 3 Voorwoord 4 Verjaarsdagboodskappe 7 Kruin-Uitreik: Van toe tot nou 10 `n Gemeente oppad 12 Verjaarsdagboodskappe van voormalige leraars So onthou ek Kruin Feesblad Augustus 2015 Kontakbesonderhede: Kerkkantoor admin@kruin-kerk.co.za Gemeentebestuurder Gert Reynolds bestuur@kruin-kerk.co.za Volg ons op Twitter (@KemptonKruin), like die Facebook blad. Seënwense en getuienisse vanuit ons Gemeenteraad 20 Wat is nodig vir die toekoms? 22 Leraars

3 Bladsy 3 NG KEMPTON-KRUIN FEESBLAD Augustus 2015 Veels geluk Kruin! Kempton-Kruin op 6 Augustus `n paar geskiedkundige feite: Dit is lekker om na Kruin se ou album te kyk, `n foto-album vol fantastiese ervarings en belewenisse. Die gemeente is op 6 Augustus 1975, vanuit die gemeente van Kemptonpark-Noord, Van Riebeeckpark en Boanaeropark afgestig. Die eerste erediens vind op 10 Augustus 1975 in die saal van Laerskool Impala o.l.v. dr. Dolf de Beer plaas en kort daarna is kerk gehou in die skoolsaal van Hoërskool Kemptonpark. Dr. W.J. Bruwer is as eerste leraar beroep en het diens op 10 Januarie 1976 aanvaar. Die grond is by dr. Bodenstab vir R37,625 gekoop. Die kerkgebou, soos ons dit vandag ken, is op 25 November 1978 Met so `n geseënde geskiedenis kan Kempton-Kruin opnuut onsself met dankbaarheid voor God verootmoedig. Hy het ons tot en met vandag in Sy handpalm gehou. ingewy. Die totale boukoste het ongeveer R650,000 beloop. Die twee pastorieë is onderskeidelik in 1976 en 1989 in gebruik geneem. Die Jeugsaal en klaskamers is in 1989 toegevoeg en ons pragtige Blou Saal is in 2010 voltooi. Met die stigting van die gemeente op 6 Augustus 1975, het die beraamde lidmaatgetal op 620 gestaan. Groei in lidmaatgetalle elke tien jaar was soos volg: lidmate lidmate lidmate lidmate lidmate Met so `n geseënde geskiedenis kan Kempton-Kruin opnuut onsself met dankbaarheid voor God verootmoedig. Hy het ons tot en met vandag in Sy handpalm gehou. Ons vertrou Hom blindelings om dit ook môre en oormôre steeds te bly doen. Gert Reynolds Gemeentebestuurder

4 Bladsy 4 NG KEMPTON-KRUIN FEESBLAD Augustus 2015 Voorwoord: 40 genadejare Gereeld sal Nonnie vra, as ek sit en koffie drink en lees en sy woel in die kombuis: "Pa, kan ons nie bietjie musiekies kry nie?". Musiek speel 'n groot rol in ons elkeen se lewe. En as jy al musiek geskryf en gespeel het, sal jy weet: dit is nie so maklik nie... Händel het begeesterd geskryf aan die musiekstuk, die Messias, en vir miljoene mense wêreldwyd bring dit jaar na jaar groot vreugde as hulle so Jesus se verhaal deur musiek hoor en die Halleluja koor kan saamneurie. Miskien bou jy al jare aan 'n nuwe maatskappy, of jou huwelik en gesin, of skryf jy 'n boek, of probeer jy... En kyk met lekkerkry terug as jy jou doel bereik. So, dink ek, voel God oor Kempton-Kruin. Vir 40 jaar komponeer Hy 'n pragtige lied... ons is sy lied, sy Halleluja-koor. Tussen al die nasies sing ons van sy goedheid en guns - op ons eie manier. Ons sing van Christus se genade -oor sondaarmense, kinders, manne, vroue, oues van dae... Van nuuts af het Hy sy genadewoorde oor Kempton Park en oor Suid-Afrika uitgestrooi. Kempton-Kruiners het gesing en vertel van sy genade. Te veel om op te noem, volgens Dawid in sy lied oor God se goedheid in Ps 40. Elke babatjie wat gebore en gedoop is in Jesus se bloed, was note in sy musiekstuk. Elke jong seun en dogter wat grootgeword het in mense se huise wat in hulle harte geraak is deur Kruin se Godgegewe visie: "Voluit vir die koninkryk" het saam met Dawid kon sing: "U het my 'n nuwe lied in die mond gelê". En vriende kon saam begin sing. Dit werk mos maar so. As mens iewers 'n mooi wysie hoor, op jou selfoon of in die motor op pad, draai die liedjie lank daarna nog in jou kop. Of sing jy saam, lank na jy die lied gehoor het: "Nader, my God, by U..." Of "Jou lewe is 'n lofgedig". Ek en jy gee klank en blydskap in mense om ons se lewens, mits ons lewens die vreugdevolle note van Jesus se woorde speel. Sy liefde, blydskap, vrede... Vir 40 jaar bou Jesus sy gemeente, Kempton-Kruin, saam met 12 ander NG gemeentes in Kempton Park, en ander Christengemeentes om ons, en seën God hierdie gemeente met leraars wat die Here liefhet en sy genadewoorde nuut en vars kom oorklank vir ons eie tyd se mense. En Kruin word 'n familie. Ons nuutgevonde missie of roeping is: "Huise wat Jesus volg". So het pa Moses al verklaar: "Ek, ek en my huis, ons sal die Here dien" (Jos 24). Hoeveel herinneringe gaan nie deur mens se gedagtes as jy terugdink aan 4500 eredienste (of meer) oor 40 jaar, oor 5000 kinderdienste, emosionele begrafnisdienste, vreugdevolle huwelikspreke, jeugskool, kampe en kursusse, nie? Of as ons dink aan al die leraars, leiers en wonderlike lidmate waarmee die Here Kempton- Kruin geseën het nie? As mens besef dat die kerk gelyk instelling en lewende organisme is soos prof Willie Jonker ons geleer het, besef mens die kerk het nie net sy stem laat hoor en impak op mense gehad by skole en deur kinderhuise en ouetehuise en reuse barmhartigheidsprojekte en sendingwerk oral oor die wêreld nie. Die invloed is veral soos suurdeeg gevoel waar kindertjies in klaskamers vertel en gesing het van die groot dade van God, waar susters en dokters mense se lewens in teaters gered het, waar christen onderwysers kinders se lewens gevorm het in kultuur, kuns, musiek en wetenskap, in sportspanne en tussen hulle skoolvriende, waar ambagsmanne aan vliegtuie gewerk en IT mense onderhoud in banke en ander instellings gedoen het. Dink aan die invloed van Kruin se besigheidsmanne en vroue wat vir duisende werk verskaf... Dink aan die baie onderwysers van Con Amor wat uit Kruin kom. Te veel om op te noem.

5 Bladsy 5 In die afgelope 40 jaar het Kruin se leraars mense deur die Gees geïnspireer om sout van die aarde en lig vir die wêreld te wees. Mense is begelei deur die stormagtige jare voor en tydens die oorgang na die ANC regering en die groot aanpassings daarna. In ons eie gemeente is verskeie gesinne deur die trauma van siekte en dood begelei deur medechristene wat volhardend vir hulle gebid het, hulle bemoedig het met Bybeltekste en hulle vermaan het waar nodig. In die harde wêreld van ekonomie en werkskepping het gelowiges mekaar gehelp om werk te kry en om nie moedeloos te word nie. Baie van ons lidmate het beswaar gemaak in hulle werke teen korrupsie, diefstal van publieke geld, die vermorsing van belastingbetalers se geld en het getuig van die hoop wat in hulle leef(1pet 3:15). So maak Christene musiek... Ons lewens is soos klaviernote, soos ghitaarsnare waarop Christus speel, sodat ons God se lof kan besing met woorde en dade. "Stel julle liggame, elke deel van julle liggame, soos musiekinstrumente, in die hande van die wonderlikste Musikant van almal, sodat die hele wêreld van God se liefde kan hoor" (vgl. Rom 6). Kempton-Kruin het vandag 2000 deelnemende lidmate wat voluit vir God se nuwe wêreld leef en mense innooi om saam vernuwe te word deur sy Woord. Wat word van die ander 3000? Miskien het die tyd gekom dat Kruin sy lidmate sal uitdaag om òf voluit betrokke te raak, òf om te bedank. Jesus se woorde oor louwarm Christene in Op 3 is vandag steeds geldig: "Ek sal julle uit My mond uitspoeg!" Maar- as mense terugkom, hulle bekeer, sy wekroep hoor en die deur oopmaak, sal Hy inkom en saam met ons maaltyd hou! (Open 3:20). Kempton-Kruin se leraars het nog altyd die evangelie met gloed verkondig... Nie 'n goedkoop evangelie waar God net ons handlanger, ons spaarwiel of brandblusser is nie, maar 'n duur evangelie, waar ons die koste bereken. Ons is gered... Om heilig en onberispelik te wees. God vra nie meer sonde offers nie, maar gehoorsaamheid, barmhartigheid eerder as om veroordelend te wees. Hoor julle nog die preke, en onthou julle nog God se beloftes, sy lewende Woorde...oor die afgelope 40 jaar? Onthou jy dalk Willie Bruwer se preek oor die profeet Hosea? Oor die dominee wat verlief raak op die vrou van die nag... En die skoknuus, toe Hy trou, en sy ontrou is... En hy getrou bly aan sy rondloper vrou? Dat ons dieselfde met God doen? En hoe God ons bly liefhê en en ons oproep tot egte hartsverandering? En wat van die ander leraars? Fanie du Toit se preke oor die verlore seun, en God se opsoekende liefde? Sy preke oor die profete wat pleit en waarsku met trane en met erns, want God se Woord is soos 'n vuur, soos 'n hamer wat 'n rots vermorsel... Fanie se diep preke het baie mense se lewens verander. Kosie Loots se ernstige bekeringsboodskappe... Nou is die tyd van genade... Moenie uitstel nie! Tonie Viljoen se tienerpreke - veral ná draftoere Durban toe, of kampe, oor God wat arendsvlerke gee aan die wat op Hom wag? Stephan Joubert se Pinksterreeks met 'n stampvol kerk oor Jesus wat jou hardeskyf (jou verkeerde denke) deur sy genade uitvee, jou herprogrammeer en jou lewe kom vul met sy nuwe sagtewaregenadewoorde, liefde, blydskap, vrede... Die vrug van die Gees? Etienne Schoeman se onvergeetlike Pinkster oor die sewe briewe aan Openbaring... En hoe God voel oor Kempton- Kruin, oor sy aardse kerk? Sy liefde wat waarsku, waardering uitspreek, en oproep tot vernuwing? Adéle Strauss wat met sagte woorde sing van die genade van ons Vader wat ons harte ken en ons elkeen liefhet? Schalk Basson wat getuig van 'n God wat ons uitdaag om nuut te dink, te wees, want as die Seun ons vrygemaak het, sal ons waarlik vry wees? Schalk wat so passievol is om die nuwe generasies vir die kerk te behou met 'n gemeente wat iets

6 Bladsy 6 NG KEMPTON-KRUIN FEESBLAD Augustus 2015 verstaan daarvan dat ons familie is, van God en daarom, van mekaar...? Neels Marais wat met sy liefde vir geskiedenis ons help om onsself beter te verstaan, want die God en Vader van ons Here Jesus Christus is nog steeds dieselfde en Hy leer ons om nooit op te gee nie...nooit, nooit, nooit...? Met sy omgee vir tieners help hy hulle en hulle ouers verstaan wie ons is, en in Wie ons glo. Vanuit ons identiteit word egte gehoorsaamheid gebore. En skielik is jeugskool nie meer net kennis nie, maar doen en dien, en word gesinne by aandnagmaal betrek, en kom ouers weer kerk toe... Omdat dit 'n fees is om saam te wees en mekaar lief te kry. Staptoere en saam kuier leer mense, volgens Neels, ons is vriende van Christus, en daarom, van mekaar. Michelle van Tonder wat haar babatjie, Ewan, doop en 'n pleidooi lewer, so uit 'n mamma se hart, dat ons sal onthou aan Wie ons behoort, want dit maak alles eintlik soveel makliker... Hoe groot is hierdie God wat ons aanbid en dien. En hoe baie beteken Hy nie vir ons nie... Hulle kinderpinkster en kindernaweke word 'n fees van kindergesiggies...? Casper Krüger wat so 'n voorliefde het vir Johannes en sy evangelie wat ons leer hoe verhewe Jesus Christus is, die Eniggebore, die Seun van God uit wie se volheid ons genade op genade ontvang? Die tyd ontbreek om te vertel van die groot rol wat ons gemeenteleiers speel. Voorsitters van die kerkraad soos Jaco Mitchell tot voorsitter van die nuwe Gemeenteraad soos Faan Fourie. Ons kommissievoorsitters soos Fred Mitchell, At van der Bergh, Johan van der Merwe tot leiers soos Callie van der Colf, Dirk van Zyl, en finansiële kommissie voorsitters soos Rensu Nel, Pieter du Preez en Charles Viljoen. Die groot rol,wat ons koor deur al die jare vervul het olv Didi Roux en Nelda van Zyl, en tans olv Hester van der Westhuyzen en Anneke du Plooy. Talle wonderlike gemeentelede, jonk en oud, het ons ontval om aan te sluit by die hemelse koor. Ons sal hulle nooit vergeet nie, van kleine babas tot ou oom Dirk van Eeden, pragtige kinders soos Elana van Niekerk en Elri van Zyl. Ons eer hulle nagedagtenis. Een van Kruin se eienskappe is sy waagmoed om keer op keer nuwe maniere te vind om mense vars en eietyds te bedien, jonk en oud. Ons Gemeenteraad en ons Vrouediens, ons Junior en Senior Bediening, ons siekesorg en gasvryheid getuig daarvan, maar ook ons aanpassings in die Erediens tov taal en styl, van wit dasse en togas destyds tot 'n informele gesprekstyl, sonder om die evangelie se inhoud te verwater. Die Woordverkondiging bly die hart van Kruin, die krag van God tot redding vir elkeen wat glo. En verskillende generasies word bederf om die evangelie in hulle eie musiekstyl te mag hoor... Die belangrikste is die musiek van elke dag se manier van lewe... Paulus het vir die gemeente in Filippi geskrywe dat God die werk wat Hy in hulle begin het, sal voortsit en sal voleindig op die dag wanneer Jesus Christus weer kom (Fil 1:6). Van die gemeente vra hy: "Die heel belangrikste is dat julle lewe in ooreenstemming met die evangelie sal wees"... (Fil 1:27). "Pa, laat ons bietjie musiek hoor...". Laat jou kinders hoor hoe jou lewe saam die Goeie Nuus sing. Hulle smag na God se genadewoorde oor jou lippe. Laat jou vriende die nuwe lied hoor wat God in jou mond gelê het. Laat jou kollegas Christus hoor in jou leefstyl van liefde. Ek glo met my hele hart God Drie-enig sal Kempton-Kruin nog vir baie jare seën om sy lof te besing met ons woorde en ons leefstyl van liefde en genade. Want ons het genade op genade ontvang...en deur sy Gees se werking in ons deel ons dit uit waar ons ook-al kom. Ons is God se musikante wat voltyds sy genade uitsing en uitleef! Soli Deo gloria! Soms as daar vals note note was - onmin, misverstande, vrees vir veranderling, verdeeldheid - het God se Gees heling en versoening bewerk. Dr Danie Malan

7 Bladsy 7 Seënwens Liewe Kempton-Kruiner Mag God die Almagtige Vader jou seën deur sy aangesig oor jou te laat skyn dag na dag en selfs in die donkerste nag. Mag die Seun, die Vors van vrede jou sy vrede gee, nie die vrede van hierdie koue wêreld nie, maar sy hemelse vrede wat alle omstandighede oortref. Mag die Gees van hoop wat namens ons intree by die Vader deur die Seun, ons Feesboodskap Middelaar, Jou diepste versugtinge voor die Vader se genadetroon bring en jou gebede verhoor. Mag die Gees ons toevou in Christus se genade: die warmte van saamwees en een-wees in Hom en ons elke oomblik lei sodat ons uit diepe dankbaarheid heilig sal wees en sal leef voor God se aangesig. Danie en Nonnie Malan en gesin. Wanneer n mens 40 jaar oud word, word daar gesê dat jy in die fleur van jou lewe is. Dit is die jare in jou lewe waarin daar groot dinge gebeur. Dit is die fase van jou lewe waarin al jou opleiding, ondervinding en kundigheid saamkom in die lewe sodat jy daardie groot dinge kan laat gebeur. Jou veertigs is ook die jare waarin die verskynsel van n midlife-crisis gebeur. Vir baie is n midlife-crisis n groot bedreiging, want dit vertel iets van twyfel en onsekerheid. Vir ander n midlife-crisis die tyd van die lewe waarin n mens sy ware diepste roeping ontdek en die goed wat nie saak maak nie, eenkant toe skuif. Kempton-Kruin is vanjaar 40 jaar oud. Ek beleef n tyd in ons gemeente waar ons op punt van groot dinge staan. Ons gaan n fase in waarin ons nuwe terreine gaan betree. In die Bybel is die getal veertig gekoppel aan n bepaalde tydperk van gereedmaak (Jesus was 40 dae in die woestyn met sy versoeking, die Israeliete was 40 jaar in die woestyn voordat hulle die beloofde land ingegaan het). Met ons veertigjarige viering, lê die beloofde land aan die anderkant van die rivier. Ons betree nou n nuwe fase. Ons gaan nou n beloofde land binne. Ons het nuwe gebiede om te verken. Ons het stede om in besit te neem. Ons het nuwe plekke om te bou en nuwe lande om voor te berei. Josua 1: 9 Wees sterk, wees vasberade. Moenie skrik nie, moenie bang wees nie, want Ek, die Here jou God, is by jou oral waar jy gaan. Kempton-Kruin: Baie geluk met jou 40ste verjaardag! Dit is nou tyd om die woestyn agter te laat en die beloofde land binne te gaan! Wees sterk en wees vasberade! Vrede Schalk Basson

8 Bladsy 8 NG KEMPTON-KRUIN FEESBLAD Augustus 2015 God het ons geken, nog voordat ons bestaan het 40 jaar gelede, in 1975, was ek nog nie gebore nie. Tog lees ons in Ps 139 U het my al gesien toe ek nog ongebore was, al my lewensdae was in u boek opgeskrywe nog voordat ek gebore is. Dit geld vir ons as individue, maar dis ook waar vir ons as `n gemeente. God het ons geken, nog voordat ons bestaan het, Hy het ons as die NG Gemeente Kempton-Kruin in die lewe geroep en sederdien elke dag saam met ons gestap. Hy stap egter nie net saam met ons nie, maar gaan ons ook vooruit. Hy gaan daar wees in 2055 en as Sy kinders leef ons met die wete dat Hy ons nooit sal verlaat nie. 40 jaar gelede was hy daar, Hy is nou in ons en sal in die toekoms ook by ons wees. Soli Deo gloria. Neels Verjaardagwens en toekomsvisie aan Kempton-Kruin Gemeente: 40 Geseënde jare n Lourierkrans n Loureat is iemand wat bekroon en beloon word vir die bereik van bepaalde doelwitte of prestasies. Wanneer n instansie lourierkranse begin uitdeel, dan is dit vir die beste van die bestes. Op 40 is mense al goed volwasse en op pad om lewensdrome te vervul. Net so, op 40 het Kruin sy groot mylpale bereik en is ons op pad om die toekoms met reikhalsende vooruitgryp nader te trek. Verandering is deel van groei. Enige liggaam of instansie se beeld verander soos die jare Dankie Jesus vir 40 jaar! aanstap. So ook ons gemeente. Die beeld het verander en ons stap dapper die toekoms in, steeds onder die vaandel van Christus en die leiding van sy Gees. Om te groei moet die liggaam gevoed word. Gemeentelede voed die gemeente met hulle volhardende bydraes en teenwoordigheid, want die gemeente bestaan nie uit die bestuur en kantoor nie. Elkeen, groot en klein, se bydrae is ewe belangrik om die groei te verseker. Kruin is dat die lourierkrans van 40 geseënde jare onder die leiding van die Heilige Gees, n aansporing sal wees om nog baie meer vir die koninkryk van God te doen. Mag hierdie mylpaal en lourierkrans op die hoof, ons dring om onsself steeds in nederigheid neer te lê voor Sy volmaakte eise. Immers is dit Hy wat die kerk in stand hou en nie ons nie. En mag ons in selfloosheid onthou om steeds die kroon op die Koning van die kerk, se doringkrans verwonde hoof te plaas. Casper en Elma Krüger (leraarspaar vir die Seniorbediening) Dit is n reuse voorreg om deel van n gemeente te wees wat al vir 40 jaar Voluit vir God se Koninkryk bestaan. Kempton- Kruin is n warm gemeente wat soveel gasvryheid en omgee uitstraal dit voel werklik soos n groot familie waarvan ons deel kan wees. Dit is ook wonderlik om te sien hoe die gemeente se mense n verskil in die gemeenskap maak hoe daar deur gebed, uitreike, en gemeenskapsdiens hard gewerk word om mense se nood te verlig en die evangelie te verkondig! Ek is dankbaar om saam met my gesin deel te kan wees van so n gemeente waar mens tuis kan voel, maar ook toegerus kan Ons toekomswens vir Kemptonword om as dissipels van Jesus in die wêreld te lewe! Mag God ons seën om vir nog baie jare Sy ligdraers te wees! Dankie Jesus vir 40 jaar! Michelle van Tonder

9 Bladsy 9 Ons dank die Here vir Sy voorsiening in die jare wat verby is en vir Kruin gemeente se ondersteuning en vrygewigheid wanneer ons hulproepe namens ons sendelinge moes doen. Die Here het ons (en Kruin se sendelinge) nie een keer met leë hande weggestuur nie. Mag Hy Kruin gemeente oorvloedig seën vorentoe. Kruin-Uitreik voorsitter en lede. BOODSKAPPE VAN ONS SENDELINGE Loof die Here vir Sy seën op Kruin gemeente die afgelope 40 jaar en vir die seën wat die gemeente plaaslik en tot in die uithoeke van die wêreld was. My gebed vir Kruin vir die komende jare is Jesaja 54: 2,3 Maak groter die plek vir jou tent, maak breër jou tentdoeke, moenie suinig daarmee werk nie. Maak langer die tentlyne en slaan die tentpenne dieper in, want jy sal na alle kante toe uitbrei; jou nageslag sal nasies verdryf en in die stede wat nou verwoes is, gaan woon. Bettie Loock Ek wil graag vir Kempton-Kruin bedank vir julle ondersteuning deur al die jare toe ek in Tsjad gewerk het. Veral het ek dit baie waardeer dat julle bereid was om my te ondersteun terwyl ek aan die voorberei was by die Bybelskool (1999 en 2000), en ook gedurende die lang periode (2005 tot 2007) wat ek terug was in Suid-Afrika en nie met sekerheid kon sê wanneer ek weer sou teruggaan Tsjad toe nie. Ook dat die gemeente na my terugkoms in 2011 vir nog omtrent ʼn jaar aangehou het om my te ondersteun. Dit sou moeilik gewees het om my voete te vind terug hier in Suid-Afrika as dit nie was vir die voortgesette ondersteuning uit verskillende oorde nie. Verder is ek baie bewus daarvan dat dit die jare in Tsjad was, moontlik gemaak deur die finansiële ondersteuning van onder andere Kempton-Kruin gemeente, wat my gevorm en voorberei het vir dit waarvoor ek glo die Here my en my gesin nou gebruik, naamlik die bou van vriendskapsbrûe tussen die rassegemeenskappe hier in Worcester. Ook die Xhosa-klasse wat ek nou hier kan aanbied, is gebaseer op my ervarings as taal- en kultuurleerder in Tsjad. Mag die Here julle seën. Marthinus Steyn en gesin Dear Congregation I and my family send greeting to your about your 40 year celebration. All this long time that we are together, you help me make my Service for God at Russia and Ukraine. My work for Jesus is only your merit. My thanks that at hard times during the war your prayers helped me. I believe that the time come that we will be able to freely evangelise in Russia. I am happy that I have been able to visit your Church and your beautiful country. You are in our thoughts forever. My work on the battlefield as chaplain, is one of the most productive for me to evangelise. All through the years I taught Church Leaders, but now I work with people who are desperate to hear about God and make first step with Jesus. I bless you: You will be blessed when you come in and blessed when you go out, The LORD will grant that the enemies who rise up against you will be defeated before you, The LORD will send a blessing on your barns and on everything you put your hand to, The LORD your God will bless you in the land He is giving you, The LORD will establish you as His holy people, as He promised. Then all the peoples on earth will see that you are called by the name of the LORD, The LORD will grant you abundant prosperity in the land He swore to your forefathers to give you, The LORD will open the heavens, the storehouse of his bounty, to send rain on your land in season and to bless all the work of your hands. Glory to God for you Vadim, Lena & Katy

10 Bladsy 10 NG KEMPTON-KRUIN FEESBLAD Augustus 2015 Baie dankie Kempton-Kruin Gemeente Graag voeg ek my gelukwensinge aan Kempton- Kruin gemeente by die vele ander met die bereiking van die mylpaal van veertig jaar se bestaan. My paadjie saam met Kruin het begin in Met 2002 se Algemene Sinode is kennis geneem van die verslegtende situasie in Zimbabwe. Die sewe predikante wat in daardie stadium werksaam was in Zimbabwe is toegedeel aan die verskillende sinodes en aangemoedig om by gemeentes ondersteuning te soek. So het ek met besoeke aan gemeentes vir ds. Etienne Schoeman ontmoet. Hy was baie simpatiek en ondersteunend en het ons voorgestel aan dr Danie Malan wat op daardie stadium vir Sending verantwoordelik was. Vandaar het mense soos Francois Conradie, Hetta Kotze en Alta Visser ʼn belangrike rol begin speel in my verhouding met Kruin. Dit is altyd vir my ʼn heerlike battery-laai-geleentheid om vir ʼn paar dae by Kruin se werksaamhede in te skakel wanneer ek op besoek in Suid- Afrika is. Ons wêrelde verskil heelwat en alhoewel my werk in Zimbabwe sy belonings het, het dit ook uitdagings en dit is waarvoor die herlaaiwerk nodig is. Daar is meer. Sonder Kruin se finansiële ondersteuning sal ek nie met die werk in Zimbabwe kan voortgaan nie. Die persone wat hiervoor verantwoordelik is se gesindheid rakende die saak is vir my ʼn riem onder die hart. Dit is soveel makliker om in mense se lewens ʼn verskil te probeer maak, wanneer jy weet dat jy getroue voorbidding en gereelde finansiële steun het. In Zimbabwe het die tyd aangebreek om meer klem te lê op die opbou van gelowiges en daarvoor is Bybelstudie in klein groepe noodsaaklik. Die metode is egter ʼn baie groot paradigmaskuif vir vele Christene. Zimbabweërs is net nie so groot gemaak dat almal in die groep vrylik kan deelneem nie. Om dus gelowiges wat weet van Jesus maar nog nooit ʼn Bybel oopgemaak het nie, se geloof en Bybelkennis op te bou, moet ʼn mens tussen hulle leef en werk. Baie dankie Kempton- Kruin gemeente dat julle die afgelope tien jaar dit vir my moontlik maak om hierdie kosbare werk in God se koninkryk te kan doen. Mag julle ʼn wonderlike feestyd geniet en al die mooi herinneringe van die afgelope 40 jaar julle versterk vir die toekoms wat voorlê. God is getrou; so bly getrou in sy diens. Hy sal die goeie werk wat Hy in en deur julle begin het, voltooi. Dit is die Here wat sorg vir die wat Hom eer; vir die wat op sy mag vertrou. Ps. 33: 18 Jaco de Bruyn KRUIN-UITREIK VAN TOE TOT NOU Ons onthou: Oom Theo Burmeister was een van die eerste evangeliste in Kruin. Hy en ds. Du Toit het by Oakmore-stasie uitreike gedoen. Daar was ook verskeie uitreike na Mosambiek. Michael de Villiers en sy vrou was daar betrokke. Ds Manasse Matiquele was 'n predikant by een van die kerke waar Kruin uitgereik het en so het die Here beskik dat ons hom begin ondersteun het. Francois Conradie KRUIN-UITREIK VAN TOE TOT NOU vervolg... C ic

11 Bladsy 11 KRUIN-UITREIK VAN TOE TOT NOU Ons onthou.vervolg "Oom Theo hy was my mentor en vriend. Ek het saam met hom in Edleen 'Elke Huis vir Christus' uitreike gedoen. Hy het my liefde vir evangelisasie aangeblaas, en ek het baie by hom geleer. Siphumelele Elsabé Coetzee het in Edleen gebly en ek was destyds in NG Edleen se Sendingdiensgroep. Sy het by die leraars kom hulp vra vir die straatkinders en Ds. Vernon Bekker het my van haar vertel. Ons diensgroep het saam met haar in die middestad uitgegaan en haar daarna begin ondersteun. Ds. Etienne Schoeman van Kruin het ook 'n helpende hand uitgesteek en Siphumelele kinderhuis is later in die lewe geroep toe 'n weldoener uit Nederland die huis vir hulle gekoop het. Bianca van Wyngaardt is tans die bestuurder. Eugene Coetzee: Ek was destyds lidmaat by Edleengemeente toe Oom Ginger Coetzee van Kempton Kruin oorlede is. Eugene het Suid-Afrika toe gekom vir die begrafnis. Hy het ook by Edleen gemeente opgetree en ek het voor die diens kerk toe gegaan om hom namens die Sendingdiensgroep welkom te heet. Ek sal nooit vergeet nie. Toe ek hierdie wildvreemde man oor die kerk se binnehof na my sien aangestap kom, het die Heilige Gees in my 'opgespring' amper soos die Bybel vertel van Elisabeth se kindjie toe sy Maria se groet hoor, en die Heilige Gees het in my gees ingespreek: By hom moet jy betrokke raak. Die volgende dag het ek aangebied om Eugene se nuusbrief te doen en het ons in Kruin se gebedskamer saam met Dr. Danie, as beskermheer, en vier ander gemeentes vir hom 'n stuursel gestig. Dit funksioneer steeds. Ek glo tot vandag dat oom Ginger, wat Eugene se sake in Suid-Afrika behartig het, op sy sterfbed na die Here geroep het vir hulp aan sy seun. By die GKEF, die organisasie van Suid-Afrikaanse sendelinge in Frankryk, is die wyse hoe Eugene se stuursel byeen gekom het en bestuur word, 'n wonder vir almal. Dit was en is vir my 'n voorreg dat ek, en Kruin gemeente, deel van die Here se antwoord op oom Ginger se gebed kon wees. Ons God is groot! Middestad uitreike en MES: Toe ek sewe jaar gelede by Kruin gekom het, het Alta Visser en Bettie Loock en ek saam met Elsabé Coetzee van Siphumelele in die middestad gaan bid. Elsabé het ons al die gruwels van die middestad uitgewys en 'n swart vrou by een van die gehuggies het agter ons aangehardloop en haar gesmeek om 'n bedelaar in 'n rystoel te help omdat hy mishandel word deur sy versorgers. Ons het begin uitreike doen en skakel met ander kerke. Die bedelaar kon later in 'n tehuis in Pretoria versorg word en deur die Here se genade het MES Kempton Park ongeveer twee jaar later tot stand gekom. Aan God al die eer. Hetta Kotze Nadia Coetzee van Siphumelele Eugene en Mauri Coetzee Straatuitreike

12 Bladsy 12 NG KEMPTON-KRUIN FEESBLAD Augustus 2015 n Gemeente oppad: 40 jaar - Flip Froneman (Voormalige Gemeentebestuurder) Dankbaarheid: Met diepe afhanklikheid en dankaarheid dink ons aan geseënde geskiedkundige gebeurtenisse van die afgelope 40 jaar. n Tydperk van onvermydelike veranderinge en aanpassings wat soos betekenisvolle bakens langs ons pad staan. Kempton-Kruin het ook aangepas om tred te hou met die realitieite van die lewe vandag. Afstigting: Toe die Gemeente op 6 Augustus 1975 van die Gemeentes Kempton-Noord, Riebeeckpark en Bonaeropark afgestig het, was daar 620 belydende lidmate. Vandag is daar 5487 lidmate (Belydend en Doop). Dit sluit in 487 lidmate ouer as 65 jaar. Hieronder is 14 reeds ouer as 90 jaar. Teenoor slegs 10 kinders in die Kleuterkerk van 1996, het die Kinderkerk en senior jeug vandag 916 kinders, insluitende belydeniskasse. Dis beslis n mylpaal. Op 24 September 1977 is die eerste sooi vir die nuwe kerkgebou gespit en op 25 November 1978 is die kerk in gebruik geneem. Ons gee met dankbaarheid erkenning aan ons voorgangers wat hierdie Gemeente tot stand gebring het. Administrasie: n Administratiewe verandering het plaasgevind met die aanstelling van die eerste Gemeentebestuurder in Julie Op daardie stadium was daar slegs een kantoordame, wat halfdag gewerk het en n kassier wat slegs na-ure gewerk het. Die doel van die aanstelling was om aan die leraars die geleentheid te bied om meer tyd en aandag te gee aan hul geestelike roeping. Fondsinsameling het verander van diakens wat maandeliks, met n kwitansieboekie, gemeentelede besoek om dankoffers in te samel, tot n koevertstelsel en internetoorbetalings. Gemeentebediening: In die plek van die ou Wyksindeling, met n ouderling en diaken in elke wyk en met Gebiedskerkrade, is die Gemeente in areas verdeel. Wyksbyeenkomste het verander na selgroepe of huisgroepe. Kerkrade met kerkraadslede het plek gemaak vir n Gemeenteraad met slegs 24 lede. Elke lid verteenwoordig n kommissie of aksiegroep. Nuwe lede word gekies met of sonder bywoning van die Gemeenteraadsvergaderings. Bediening van Leraars moes by omstandighede aanpas. Gereelde maandelikse besoeke aan elke lidmaat in die Gemeente, het verander na hoofsaaklik besoeke op versoek of aan lidmate wat, weens een of ander krisis, die leraar werklik nodig het. Eredienste: Selfs eredienste moes aanpas by kerkgangers se eie keuse. Die twee of drie eredienste op n Sondag het oor die jare verskeie kere varander. Vandag is daar n keuse van die styl van bediening, die verskillende tye van eredienste, tipe begeleiding, [met of sonder orrel, orkes] nuwe liedere in Afrikaans of Engels. Jy kan selfs besluit na watter leraar jy wil gaan luister. Gemeente sonder grense [GSG]: Die voorheen wetlike afgebakende gemeentegrense het verander. Lidmate was veronderstel om die dienste in jou eie gemeente by te woon. n Leraar besoek nie lidmate buite die grens nie. Vandag kies mense watter kerk hulle wil bywoon. Tans is daar lidmate betrokke by Kempton-Kruin vanuit ongeveer 10 areas buite die Gemeente. Wat het nie verander nie? Die Woord is steeds die middelpunt van die bediening in ons Gemeente. Christus is steeds die Hoof van Sy kerk. Ons glo dat ons Hemelse Vader elke leraar self gekies het om hier in Sy bediening te staan, en hier in Kruin sy gawes te gebruik. Ons weet ook dat die Here elke lidmaat hier op die spesifieke plek en tyd plaas om die taak te verrig waarvoor hy bestem is. Lidmate word sedert 1998 nog steeds toegerus vir hul taak, die geleentheid gebied om kennis te verbreed en geestelik te groei deur die aanbieding van die Bybelskool. Oor die jare is baie verskillende kursusse aangebied, nuwe strategieë is beplan, ondersoeke is geloods en toekomsbeplanning is gedoen. Boodskap: Al verander die Missie, bly Kempton-Kruin se Visie steeds: Voluit vir die Koninkryk. Mag ons in die krag van die Heilige Gees steeds opgelei en uitgebou word tot n dinamiese, eensgesinde gemeente, diensbaar vir mekaar en ander. Sodoende kan ons voldoen aan ons Visie en gehoorsaam wees aan Christus se opdrag om die blye boodskap van verlossing en liefde aan die wereld uit te dra. Mag elkeen werklik die Here ken in elke aspek van sy lewe.

13 Bladsy 13 Verjaarsdagboodskappe van sommige van ons voormalige leraars Hartlike groete en gelukwense Om veertig jaar oud te word, is `n besonderse mylpaal. Op hierdie veertigste verjaarsdag van u gemeente wil ek en my eggenote u van harte gelukwens. Ons is dankbaar teenoor God vir die geleentheid wat Hy ook aan ons in Kempton-Kruin gegee het om te kon meewerk aan die skrywe van die geskiedenis van hierdie mooi gemeente. In Kempton-Kruin het die Here aan ons so oneindigbare geestelike arbeidsvreugde en ondervindinge gegee. Die liefde, vriendelikheid, voorbidding en toewyding van soveel kinders van die Here is in ons harte gegraveer en verewig. Ons onthou duidelik gemeentelede wat so mooi met die Here in gebed kon praat en hier dink ons veral aan die Pinksterbyeenkomste. Die verruklike mooi gemeentesang en die pragtige orrelspel onder leiding van Didie Roux, wat in diepte die prediking so simpatiek en met meelewing onderskraag het, sal ons altyd bybly. En dan, wie onthou nie nog al die wonderlike gemeenteen jeugkampe wat ons gehad het nie. Ons is dankbaar tenoor al die lidmate wat in ons tyd in die gemeente gewoon het. Dit was vir ons altyd `n riem onder die hart om te sien hoe mense bereid is om opofferinge vir die Here te maak. Ons kon deur die jare so baie daarna verwys. In Kempton-Kruin het die jeug `n besondere plek in ons harte gehad. Die warmte en liefde van die Kerkraad het baie vir ons beteken. Dit was lekker dae daardie! Die Here was vir ons goed! Aan die Kerkraad en gemeente wens ons sterkte en `n baie geseënde toekoms onder die versorgende Hand van ons Hemelse Vader toe. Ons glo en weet: Dié God wat Sy gemeente vir veertig jaar bewaar en versterk het, is dié God wat ook in die toekoms die wag oor Sy gemeente sal hou. Aan `n geliefde gemeente ons hartlike groete en gelukwense. Ds. Kosie en Christine Loots Mag Kempton-Kruin aanhoudend koninkrykwaarts leef! Ek onthou nou nog n slagspreuk van een of ander plaaslike koeldrank wat ek n paar jare gelede in Nieu-Seeland raakgeloop het. Dit het gelui: "World famous in New Zealand." Wat n kreatiewe manier om n belangrike waarheid te kommunikeer! Die grootste impak wat enige organisasie of gemeente kan maak, is juis om plaaslik relevant te wees. Ek dink nog altyd dit is belangriker om bekend te wees vir dit waarvoor jy staan hier in jou eie straat en jou woonbuurt as dat jy elders op aarde bekend is! Presies so het ek Kempton- Kruin beleef vir by die twintig jaar. Met name het ek ervaar hoedat ander mense wat dieselfde poskode as ons gemeente gedeel het kennis geneem het van plaaslike gelowiges se liefde vir Christus en van hulle omgee vir mekaar en vir die groter gemeenskap. Gelowiges wat deur die jare heen betrokke was in Kempton- Kruin het op soveel maniere gedien as my rolmodelle en mentors. By hulle het ek geleer hoe om prakties as n navolger van Jesus te leef. In dieselfde asem het die leiers van Kruin se absolute lojaliteit aan die Skrif my diep geïnspireer. Wat n voorreg om op verskillende maniere deel te kon wees van so n dinamiese geloofsgemeenskap. Mag die vingerafdrukke en die voetspore van elkeen wat Kempton-Kruin relevant gemaak het in die Here se Naam die inspirasie wees vir die volgende hoofstukke wat God hier wil skryf. Mag die Here hierdie gemeente se lig altyd helder laat skyn. Mag Kempton- Kruin aanhoudend koninkrykwaarts leef! Stephan Joubert

14 Bladsy 14 NG KEMPTON-KRUIN FEESBLAD Augustus 2015 Jesus Christus: Die fondament van NG Kempton-Kruin Die getal 40 is een van die besondere getalle in die Bybel. Dink maar aan die volgende: Die sondvloed het 40 dae en 40 nagte geduur (Genesis 7: 4) Die Israeliete het 40 jaar deur die woestyn gereis (Deuternomium 29: 5) Jesus is vir 40 dae in die woestyn versoek (Markus 1: 12) Jesus het vir 40 dae lank na sy opstanding aan sy dissipels verskyn voordat Hy opgevaar het (Handelinge 1: 3) En nou in 2015 word die NG Gemeente Kempton-Kruin ook aan die getal 40 gekoppel vir 40 jaar gaan die gemeente hier in Kempton Park al voluit vir die Koninkryk! Dit was my as jong leraar beskore om van 1983 tot 1987 as dienskneg van die Here in hierdie besondere gemeente werksaam te wees. Ek roep graag n paar besondere herinneringe op: Twee senior kollegas naamlik wyle dr Willie Bruwer en ds Fanie du Toit. Wat n voorreg was dit nie om twee sulke toegewyde en lojale mentors in my vroeë bedieningsjare te kon gehad het nie. n Groot maar wonderlike kerkraad. Soms was die vergaderings lank, die standpunte uiteenlopend, maar as die besluite geneem moes word, was dit altyd onder leiding van die Heilige Gees en in belang van die Koninkryk. Werksaamhede en verslae van kerkraadskommissies het deurlopend getuig van begaafde en toegewyde kerkraadslede wat die Here met oorgawe gedien het. Die gemeentesang was elke keer n loflied tot eer van die Here met die bekwame Didie Roux agter die orrel. Gemeentelede het ons as leraars jaar na jaar hartlik in hulle huise ontvang vir onvergeetlike huisbesoeke. Ook was hulle harte en hande oop om met getroue dankoffers die middele te voorsien waarmee die gemeente haar roeping op aarde kon vervul. Die gemeente adminstrasie was altyd op datum en foutloos korrek met wyle oom Daan Bekker, Schalk Lubbe en later wyle Pikkie Stassen aan die stuur. Seker die mooiste herinnering vir my as junior leraar was die groot getal kinders, tieners en jongmense wat deel was van die destydse Kinderkrans, Senior Kerkjeugaksie (SKJA) en Belydende Kerkjeugaksie (BKJA) en met soveel oorgawe en entoesiasme by weeksbyeenkomste asook op kampe en toere die Here gedien het. En nou na soveel jare is bogenoemde slegs herinneringe van 40 jaar gelede... Deur die jare het leraars, kerkraadslede, kerkamptenare, gemeentelede, kinders, tieners en jongmense gekom en gegaan, ook het die bedieningstyl verander om tred te hou met die moderne mens se aanbiddingstyl, maar, en daarvoor aan God al die eer, het die NG Gemeente Kempton- Kruin se fondament, naamlik Jesus Christus, dieselfde gebly. My gebed is dat NG Gemeente Kempton-Kruin se geskiedenis in die volgende 40 jaar weer herhaal sal word: dat leraars, kerkrade, kerkraadskomissies, kerkamptenare en orrelistes die gemeente sal voorgaan in haar diens aan die Here dat gemeentelede se huise en harte oop sal wees vir die diensknegte en diensmaagde van die Here; dat gemeentelede se dankoffers die middele sal voorsien vir die gemeente se Koninkrykswerk; dat die kinders, tieners en jongmense in hulle jonkheid die Here sal dien en dan, as daar na 40 jaar weer fees gevier word, daar nie net mooi herinneringe vir die tydperk in herinnering geroep sal kan word nie, maar ook, dat ten spyte van baie veranderinge, die fondament van NG Kempton- Kruin nog altyd Jesus Christus sal wees! Groete Tonie Viljoen

15 Bladsy 15 Veertig jaar van vreugde, voluit vir die Koninkryk Beste geloofsfamilie van Kempton-Kruin Baie geluk met jul 40ste verjaarsdag. Veertig is `n baie besondere getal in die Bybel. Dit is die getal van uittog, verlossing, oorwinning. Dit is juis vanuit die terugkyk op hul storie dat die gelowiges in die Bybel ontdek hoe goed God werklik vir hul was in die verlede en hul dan weer opnuut moed geskep het vir die toekoms. Christus ontdek. Mag die Here in die komende jare steeds sy Koninkryk bou deur jul liefde, geloof en betrokkenheid. Onthou: Die Here is lief vir julle. Baie lief vir julle. Soos rooijellie en custard. Groete, Colin, Anrie, Graham, Brian en Clarissa Smith In die afgelope 40 jaar is wonderlike Koninkrykswerk vanuit Kempton-Kruin gedoen. Lewens en gemeenskappe is verander, sendelinge uitgestuur, mense in nood is versorg en ander het die nuwe lewe in Kempton-Kruin bedank almal vir hulle mooi verjaarsdagwense

16 Bladsy 16 NG KEMPTON-KRUIN FEESBLAD Augustus 2015 So onthou ek Sommige van ons lidmate vertel NG Kempton-Kruin: 40 jarige herdenking `n Gelukwensing aan die Gemeente, sy leraars en ampsdraers asook `n erkenning en dank aan die Allerhoogste God vir die leiding wat hy ons gegee het en getrou ons bewaar het. Die gemeente het ontstaan op 6 Augustus Diegene wat teenwoordig was het die roeping en uitdagings met groot entoesiasme, hoop en geloof aangegryp. Vanaf stigting en as lid van die taakspan kan ons getuig van die Hemelse Vader se seënende hand en hulp van bo, wat die gemeente ontvang het die afgelope 40 jaar. Daar was `n besonderse gees vaardig onder lidmate, samehorigheid en diensbaarheid was opmerklik. Gebedstoewyding het deurgaans inspirasie gebring. Dienste is begin by Impala Laerskool en later by die Kempton Park Hoërskool. Ons het afgestig met `n bruidskat van R hoofsaaklik vanaf Kempton Park-Noord Gemeente. Aanvanklik was daar 620 lidmate. Almal het saam gehelp met die beplanning vir die toekoms soos onder andere die behoeftes ten opsigte van Woordverkondiging, evangelisasie, kerkraadslede, huisbesoek en wyksindelings, grond vir Kerkgebou en administrasie. Toekoms-projeksies oor hoe groot die gemeente sou groei was moeilik en was bepalend ten opsigte van die grootte van die Kerkgebou en die uitgawes sowel as inkomstes wat beraam moes word. Hiermee dank ons die Vader vir sy hulp. Die grond het R gekos. Die Kerkgebou R en is ingewy op 25 November Die orrel het R gekos. Tydens die ingebruiksnemingdiens sal ons nooit vergeet hoe ons orrel adviseur/konsultant gestraal het oor die akoestiese klankverspreiding van die orrel nie. Hyself het ook `n orrelspel gelewer net soos Prof. Gawie Cilliers van Stellenbosch dit kon doen. Ons dink terug aan ons argitek Mnr. Leon Holtzapfel sy geduld, leiding en samewerking. Met nostalgie dink ons aan Mnr. Braam die bouheer en kontrakteur puik en netjiese werk. Sedertdien het die gemeente gegroei tot lidmate. Reeds in September 1985 was daar meer as siele by die oggenddiens, net soos die projeksies van 1976/7 getoon het. Daar is toe met twee oggenddienste begin. Ons dink met dank aan die duisende mense wat oor 40 jaar die verkondiging van Gods Woord hier kon belewe. Dank aan die Vader vir honderde kindertjies se doop, kinders wat deur die kategese van Jesus geleer het, die aannemings en aflegging van geloofsbelydenisse, paartjies wat hier trou gesweer het, statige eredienste met begrafnisse te veel om op te noem. Dankie Here. Ons eerste leraar was Dr. Willie Bruwer wat diens aanvaar het op 10 Januarie Ons dank die Here vir 11 voltydse predikante, 6 deeltydse leraars wat gekom en gegaan het. Tans het ons 3 voltydse en 2 deeltydse leraars. Hulle bydraes en bedieninge word met dank erken. Ons bede is dat meer bydraes onvang kan word om die Here se werk te doen. Ons begroting staan tans op R As ons `n gelukwensing aan die gemeente moet bring wil ek sê wees saam met ons bly en dankbaar dat God die kerk instandhou en bou soos hy dit vir 40 jaar gedoen het. Wees dankbaar dat ons, ons Christenskap openlik, ongehinderd en vry kan beoefen en Hom kan loof en prys vir sy grootheid en goedheid. Ons bid en wens dat ons sal volhard in geloof en gebed. Mag ons nageslag die wapenrusting van ons Heer aantrek om sy Koninkryk in die volgende 40 jaar die onbekende toekoms in uit te bou. Ons wens almal hartlik geluk met hierdie groot verjaarsdag. Wees bly. Gaan voort, Voluit vir die Koninkryk Amen J. Fred. Mitchell Eiendomskommissie

17 Bladsy 17 NG KEMPTON-KRUIN FEESBLAD Augustus 2015 Ons geestelike tuiste Patrys en ek het ongeveer agt jaar gelede ʼn advertensie van die Pinksterreeks wat by Kruin gehou sou word in die Kempton Express gesien. Ons het die reeks wat deur dr Danie Malan gelei is, bygewoon. Nie net was die boodskappe vir ons tot seën nie, maar die totale belewenis was aangenaam. Ons het ʼn paar eredienste bygewoon en besluit om lidmate te word by Kruin. So ʼn groot gemeente kan in ʼn sin intimiderend wees. Ons het bitter min lidmate geken en by ʼn gesinsbraai soos buitestaanders gevoel. Een oggend is afgekondig dat Gert Reynolds, die nuwe Gemeentebestuurder, met ʼn selgroep wou begin en wou weet wie sou wil kom aansluit by die groep. Die res is geskiedenis. Ons het skielik deel gevoel van die gemeente. Die selgroep het lede verloor en bygekry oor die jare, maar die kerngroep is gelukkig nog daar. By die selgroep het ons begin om die lief en leed van mekaar te deel. Die Bybelstudies ontlok gesprekke waar elkeen sy mening gee. Vir ʼn paar jaar was ons baie bevoorreg om vir Vernon en Sunette Bekker by ons in die selgroep te hê. Vernon, self ʼn leraar, het ons gelos om te spartel met vraagstukke en sou dan so nou en dan sy stuiwer in die armbeurs gooi om met sy agtergrond vir ons te help koers gee. Ek glo aan die gemeenskap van gelowiges. Die saam bid aan die einde van die Bybelstudie het ʼn manier om ons soos een te laat voel. Dan is daar natuurlik die koek en tee na die tyd waar ons net saam kuier. Tydens die afsterwe van ons dogter, Wilna laas jaar, was dit die selgroep se lede wat ons werklik ondersteun het. Hulle het nie op ons drumpel geboer nie, maar ons het geweet hulle is daar. So is Anita, een van ons lede se man Frik, oorlede en ek het net weer gesien hoe sy ondersteun word. Dr Danie se steun aan die hele gesin sal my altyd bybly. Die kuier met Wilna se drie broers het uitgestaan. Hulle het oor gholf met hom gesels en dan kon Danie almal weer fokus op die gedenksdiens wat die volgende dag sou plaasvind. Ek was bevoorreg om vir drie jaar op die Dagbestuur van die kerk te dien. Hier het ek werklik bewus geword van die reuse uitdagings wat die gemeente die hoof moet bied. Waar ʼn paar mense betrokke is is daar nie altyd eenstemmigheid nie en verg dit wysheid om al die lede as ʼn span te lei. Ek het my hoed vir die voorsitter afgehaal. Daar is sterk persoonlikhede elkeen met ʼn eie opinie maar gelukkig met een doel. Die kwinkslae tydens vergaderings is wonderlik. Ek het besef dat baie werk agter die gordyn gedoen word en dat ek as lidmaat nie altyd besef hoe groot die insette is om alles so vlot te laat verloop nie. Hier het ek besef dat in ons gemeente daar lidmate is wat hulle werk verloor het en hoed in die hand moet kom vra vir finansiële hulp. Ek het die stories gehoor van kinders wie se ouers hulle erg verwaarloos. Maar daar was ook die keersy van mense wat trauma in hulle lewe op ʼn wonderlike wyse hanteer het. Bo al het ek bewus geword van ʼn getroue Hemelse Vader wat nooit ons hand los nie, al voel dit partykeer of ons op ons eie is. Deur aan Kruin te behoort verstaan ek die sinnetjie in die Geloofsbelydenis: Ek glo aan die gemeenskap van gelowiges. Alles is nie perfek nie maar ek weet ook dat waar ons ook al gaan, ek met dankbaarheid kan sê dat ons lidmaatskap van Kruin ons geestelik laat groei het en ons ʼn geestelike tuiste gevind het. Aan God die eer. John & Patrys Wilkinson

18 Bladsy 18 Die dinge wat ek in besonder onthou en wat my bybly Ek word gevra of ek nie wil neerskryf wat ek van my jare as lidmaat van Kempton-Kruin onthou nie. So dink ek terug en terug... en skielik onthou ek so goed die heel eerste selgroepbyeenkoms in Ons is vol afwagting op 2 Februarie na Ds Etienne Schoeman se huis in Poortstraat. Wie was die ons? Die groep het bestaan uit Etienne, Ants en gesin, Dr Danie, Nonnie en gesin, Willie en Lorraine Jansen van Rensburg en gesin, Ds Fanie en Alta du Toit, Maralie en Adolf Theron, Gert en Sonja Kruger, Susan Crous en ook pensioenarisse Frans en Nannie Barnard, Hanna Wolfaardt en ek, Anna Coetsee. Hartseer dat drie van hulle ons reeds ontval het. `n Selgroep is primêr die plek waar ons binne `n veilige liefdesgemeenskap voorberei word vir ons dienswerk, `n liefdesbediening na binne (in die selgroep), na buite (die gemeente en gemeenskap), na ver (bid vir persoon of volk wat nog nie van God as Vader gehoor het nie). Die Kinders was ook teenwoordig en betrokke en het veral lustig saam gesing. Ons het ons gesinsverklaring gesing op die wysie van Praat ek mense engletale : 1. Hy s ons Vader, ons sy kinders in ons harte wil Hy woon. Refrein: Saam is ons een groot gesin wat liefde aan mekaar betoon. Ons sal Hom steeds loof en eer, mekaar in liefde selfloos dien, in gehoorsaamheid Hom volg, tot almal Hom as Vader sien. 2. Kom ons saam dan word ons eenheid met Jesus en met mekaar in ons handel en ons wandel altyddeur net meer sigbaar. Elkeen is verryk en versterk deur temas en skrifgedeeltes en deur Woord en antwoord tot beter begrip gelei. Toe breek die tyd aan dat ons moet vermenigvuldig en ander lidmate betrek. Dit was Septembermaand. Trane het letterlik geloop, maar weet julle, met die selvriende van 18 jaar gelede het mens nog altyd `n spesiale band. Ek onthou so goed, vir my `n hartsgeleentheid. Dit spruit eintlik ook voort uit daardie eerste selgroep `n paar jaar later: die omgee en uitreik van `n kind. Dit was na my man se dood toe ek die eerste keer een aand alleen na `n geleentheid in die Rooi Saal gaan. Huiwerend staan ek in die deur en kyk rond, toe roep `n klokhelder stemmetjie: Tannie, kom sit by ons! Ek stap nader en gaan sit. Links van my sit klein Danie, regs Karientjie. Toe Pappa sy boodskap bring, kom `n skurwe seunshandjie soekend nader. Sy vingertjies vleg tussen myne in. Karientjie neem my ander hand en haar koppie ontspan teen my skouer. Vanaf my voete spoel `n weldadige warmte deur my, my arms sprei wyd uit en pof soos die vere van `n hoenderhen. `n Vrede en vreugde wel in my op en op... My beker loop oor en so sit ons drietjies knus toegespan in `n koesterende koekon van liefde en gemeensaamheid. Daar is nog ander bedieninge waarin ek met oorgawe betrokke kon wees. Dit was so n voorreg. Toe daar toestemming verleen is dat lidmate by `n gemeente van hulle keuse betrokke kon raak, was dit later nodig om die buite -areas ook in blokke in te deel om hulle te kan bedien. So word ons toe `n groter familie as Kempton-Kruin se grense. Die bediening van siekes in hospitale en tuis en ook die versorgers was vir ons baie belangrik. Onder die bekwame leiding van Mikki Schutte het ons geweet hoe om te werk te gaan. Die Kerkkoor was `n integrale deel van baie van ons se lewens en Dinsdagaande was sonder uitsondering bedoel vir die Kooroefening. Dit was nie onderhandelbaar nie. Saam met die senior lidmate het ons ook baie vrolike en prettige byeenkomste gehad. Hierdie is die dinge wat ek in besonder onthou en wat my bybly. Anna Coetsee

19 Bladsy 19 NG KEMPTON-KRUIN FEESBLAD Augustus 2015 Paassondag 2015 Kom na die Paasfees sangdiens lees ek die sms op my selfoon. Sangdienste is altyd aangenaam om by te woon dus was ek Paassondag in die kerk. Dit was n aangename ondervinding. Die hoogtepunt vir my was toe lied 393 aan die beurt kom Middelpunt van ons verlange. Dit het n hele stortvloed van herinneringe uit vergange se dae (1925 tot 1940) die 75 tot 95 jaar in die verlede weer voor die gees geroep. Ek het daardie tyd nog in die ouerhuis gebly op n klein plaas in Drakenstein. Ons het saans huisgodsdiens gehou en Middelpunt is dikwels gesing. Dit was daardie tyd Gesang 120 in die Nederlandse sangboek. Die Bybel was ook net in Nederlands. Die volledige Bybel in Afrikaans het in 1933 per skip uit Brittanje in Kaapstad aangekom en is verkoop teen een halfkroon (25c in vandag se geld). Die sangboek in Afrikaans het eers tien jaar later verskyn. n Ander lied wat ons ook dikwels gesing het was gesang 160 Uren dagen maanden jaren vliegen alst een skadu heen, heden wordt verleden. Daardie tyd was dit net woorde maar vandag beleef ek dit. Meer as 90 jaar het oor my heen gegaan en verdwyn. Heden word verleden. Herinnering kan wel aangenaam wees maar dit bring ook weemoed en hartseer. Die mense met wie ek saam om die groot tafel gesit het is reeds jare gelede dood, ouers, broers, susters, almal is weg. Ook ou vriende, oud kollegas, bekendes, almal is weg. Net ek het oorgebly en beleef nog die genade jare. Die woord van lied 188 is tog ook waar Van vroeg, van kindsbeen af, het Hy ons trou bewaar en tot vandag toe nog geseën en gespaar. Hoe lank ek nog gespaar gaan word, weet ek nie, dit, is in God se hande. Ek aanvaar elke nuwe dag as n genade gawe en probeer dit lewe met n blye hart. Zyn ze zuurheid of zyn se goedheid Onlangs het ek afgekom op n gebed van n bejaarde. Dit sluit aan by die lied uren dagen en ek wil die laaste deel hier weergee: As die jare verbygaan so een vir een As ek stil in my kamer soms sit en ween As ek my hart voor U blootlê, o Heer As ek so tot U kom, help my tog weer. As ek miskien binnekort die doodsdal deurgaan As ek eersdaags miskien Voor U troon sal moet staan As ek dan voor U kniel met bewing en vrees Laat die bloed van Jesus my beskerming wees. Ek kan net byvoeg Amen Ja Amen AP du Toit `n Wonderlike voorreg! Om 40 jaar saam met die Gemeente te kon beleef was `n wonderlike voorreg! Baie dankie vir al die vriendskappe, drukkies en liefde. Didie Roux

20 Bladsy 20 NG KEMPTON-KRUIN FEESBLAD Augustus 2015 Seënwense en getuienisse vanuit die Gemeenteraad Roelof Burger: Tiener en Gesinsbediening Namens die Tiener- en Gesinsbediening n woord van gelukwense aan Kempton-Kruin met sy 40ste verjaardag! Anders as by die mens is ouer word van die kerk, sinoniem met toeneem in volwassenheid van die gemeente. 40 Jaar van Kruin gemeet teen die ouderdom van die bestaan van die kerk van Jesus Christus, is maar n druppel in die emmer. Die diverse bediening van Kruin om sy lidmate te leer om die hande en voete en oë en ore van Jesus op die markplein van die lewe te wees, getuig van die verantwoordelikheid wat ons aanvaar om volwassenheid in elke lidmaat se lewe te belê. Die bediening van Tieners en Gesinne vind sy roeping in Josua 24: 15 Wat my en my familie betref, ons sal die Here dien. Ons sien uit na die volgende 40 jaar huidige tieners sal dan senior lidmate wees en sal steeds die verantwoordelikheid moet aanvaar om Josua se getuienis daagliks uit te leef. As gesinne eer ons die Here vir dit wat Hy ons gee in Kruin. Hier leer ons glo. Hier leer ons getuig. Hier leer ons dien. Roelof Burger Voorsitter: Tiener- en Gesinsbediening Marlouise Booyse: Kinder en Gesinsbediening Om betrokke te wees by die Kinderbediening is voorwaar n groot seën en voorreg nie vir wat jy as Kinderwerker vir die kinders kan beteken nie, maar vir wat elke kind so opreg aan jou teruggee. In pas met my hart en liefde vir kinders strek my betrokkenhied met kinderbedieng oor n goeie 18 jaar. Telkemaal as ek dink dit is nou tyd om aan te skuif het die Here n ander plan gehad. Onbeskryflik groot is die dankbaarheid in jou hart met elke kinder-drukkie, sprankelende ogies met die aanhoor van elke bybelstorie of as jy in n winkel loop en skielik n stemmetjie hoor uitroep; Dis my kerk-tannie. Die verhaal van die Bethlehem ster kry nuwe betekenis as God se briefie aan ons. Ek is dankbaaropgewonde om saam met n baie Onbeskryflik groot is die dankbaarheid in jou hart met elke kinder drukkie spesiale groep beskeie en toegewyde vrywilligers God s werk te kan doen Laat die kindertjies na my toe kom. Dankie Kruin vir elke geleentheid oor die afgelope jare. Beste wense Marlouise Booyse

21 Bladsy 21 Adré Venter: Kinder en Gesinsbediening Aan Kempton-Kruin met die herdenking van 40 geseënde jare as Huis van die Here waar gelowiges hul familie ontmoet. Toe ek so 8 jaar terug die eerste keer in Kruin by n begrafnis was het ek onmiddelik tuis gevoel. Die warmte het my omsluit en ek het geweet dit is waar ek die Here wil dien. Serdertdien is Kruin my veilige hawe, my tuiskoms waar ek hoort. My boodskap aan n nuweling raak betrokke en moenie wag dat jy genooi word nie. Kruin wil jou betrokke maak meld aan!! Fokus altyd op die rede waarvoor jy HIER is om God en God alleen te aanbid om Sy koninkryk te laat kom om Sy wil te laat geskied. Mag Kruin in die jare vorentoe steeds groei tot eer van ons Hemelse Vader!! Adré Venter Adrie Grové: Gebedsbediening NG Kempton-Kruin Vier Sy 40ste bestaansjaar. Baie geluk met hierdie spesiale dag. Ongelooflik hoe vinnig tyd gevlieg het. Veertig, kan gesien word as die ouderdom van volwassenheid, of om die kruin te bereik... en tot die ouderdom toe is Ék dieselfde, ja, tot die grysheid toe sal Ek julle dra; Ék het dit gedoen.. Jesaja 46: 4 Volwassenheid word nooit bereik sonder baie opofferring en gebed nie. Gebed is kragtig! Soveel te meer wanneer ons God se Woord as riglyn gebruik. Jesus uitgespreek, is kragtige werktuie op die lippe van God se kinders! DIE GEBED VAN DIE GELOWIGE HET N KRAGTIGE UITWERKING SÊ JAKOBUS 5: 16, MAAR NIE OMDAT GELOWIGES SO GOED BID NIE MAAR WEL OMDAT DIE GOD TOT WIE HULLE BID SO MAGTIG IS Moenie ophou bid nie, maan Paulus ons in 1 Tessalonisense 5: 17. In Efesiërs 6:18a beklemtoon hy verder, Doen alles deur gebed en smeking. Laat die Gees julle elke keer in die gebed lei Met dit in gedagte bid ons altyd vir julle. Mag ons God julle waardig maak vir die lewe waartoe Hy julle geroep het. Mag Hy elke goeie voorneme en geloofsdaad met krag tot uitvoering bring. So sal die Naam van ons Here Jesus verheerlik word deur wat julle doen en júlle sal deur Hom verheerlik word op grond van die onverdiende goedheid van ons God en die Here Jesus Christus. 2 Tessalonisense 1: 11 Stort U seën oor NG Kempton - Kruin uit en vergroot hul grondgebied! 3: 17 sodat Christus deur die geloof in julle harte kan woon, julle wat in die liefde gewortel en gegrond is. Efesiërs 3: 18 en julle in staat kan wees om saam met al die heiliges ten volle te begryp wat die breedte en lengte en diepte en hoogte is. Efesiërs 3: 19 en die liefde van Christus te ken wat die kennis oortref, sodat julle vervul kan word tot al die volheid van God. Efesiërs 3: 20 En aan Hom wat mag het om te doen ver bo alles wat ons bid of dink, volgens die krag wat in ons werk. Efesiërs 3: 21 aan Hom die heerlikheid in die gemeente in Christus Jesus deur alle geslagte tot in ewigheid! Amen.

22 Bladsy 22 NG KEMPTON-KRUIN FEESBLAD Augustus 2015 Hetta Kotzé: Volwasse Gesinsbediening Liewe Kruin gemeente, baie geluk met jou 40ste bestaansjaar. Jy is werklik vir my die vergaderplek van die 'heiliges', waar geredde sondaars kan bymekaarkom en saam kan deel en werk. Mag God ons leraars en leiers dra en bewaar en seën met wysheid en insig in die jare vorentoe. Mag Hy nog baie tot ons getalle toevoeg in die jare wat voorlê en Kempton-Kruin gemeente 'n steeds groeiende lig, lamp en sout vir Kempton Park se mense maak. Jesusliefde, Hetta Wat is nodig vir die toekoms? n Mens hoor dikwels die vraag of daar nog n toekoms vir die kerk is. Ons Gemeenteraad wonder nooit regtig of daar n toekoms is nie, maar oor wat die aard van ons kerk se toekoms is. Hoe lyk hierdie toekoms? Watter aanpassings moet gemaak word en wat is God se wil regtig in dié verband? Die tekste van belofte in Jesaja is al menigmaal misbruik en buite konteks aangehaal, maar tog wil ons graag vashou daaraan dat God inderdaad vir dié wat kyk, hoor en luister, sy toekoms bekend maak. Wat is nodig vir die toekoms? Ons sal deur geestelike onderskeiding en die bou van nuwe kapasiteit moet meewerk om die kultuur en identiteit van ons geloofsgemeenskap te verruim en te verskuif. Dit is soos wanneer mens branderplank ry. Ons sal moet waag en die risiko s neem om te wag op die regte brander. As ons Kom ons wees voltydse navolgers en dissipels van Hom in die toekoms. te haastig en ondeurdag optree, gaan die brander oor en op ons breek met moontlike katastrofiese gevolge. Indien ons te lank wag om die nodige aanpassings te maak, kan ons te laat en passief toekyk hoe die brander onder ons uitbeweeg met net sulke verreikende gevolge en verspeelde geleenthede. Of ons as kerk kan biddend en afhanklik van die Drie-enige God die risiko s neem en die uitdagings aanvaar, om dan die brander te ry en in dié verrassende momente iets van die misterie en verwondering van die Sturende God te herontdek! Kom ons wees voltydse navolgers en dissipels van Hom in die toekoms. Mag ons as kerk saam afwagtend, met hoop en vertroue die volgende tydvak ingaan. Daar is nog baie mooi stories wat geskryf moet word en jy en ek is geroep om deel daarvan te wees. Voluit vir die Koninkryk totdat Hy kom! Faan Fourie Voorsitter van die Gemeenteraad

23 Bladsy 23

24 Leraars van Kempton-Kruin: Dr Willie Bruwer (23 jaar) Ds Fanie du Toit (26 jaar) Ds Kosie Loots (3 jaar) Ds Tonie Viljoen (4 jaar) Dr Danie Malan 87 - huidig (28+ jaar) Dr Stephan Joubert (2 jaar) (4 jaar) Ds Etienne Schoeman (17 jaar) Ds Colin Smith (3 jaar) Ds Adele Strauss (1 jaar) Dr Schalk Basson 09 - huidig (6+ jaar) Ds Neels Marais 10 - huidig (5+ jaar) Ds Michelle van Tonder 14 - huidig (1+ jaar)