GEREFORMEERDE KERK LYTTELTON

Size: px

Start display at page:

Download "GEREFORMEERDE KERK LYTTELTON"

Jody Hines
6 years ago
Views:

1 11 Mei 2014 Jaargang 28 Nommer 17 GEREFORMEERDE KERK LYTTELTON www.gklyttelton.org.za ONS EREDIENSTE VANDAG Die Oggenddiens Dit is voorbereiding vir Nagmaal aanstaande Sondag.

Die Hoofpunte: Waarvoor gebid moet word. Wanneer moet gebid word. Hoe word daar gebid. Sing: Psalm 107: 1 en 10; Skrifberyming 12-3: 1 en 2; Psalm 32: 1 en 3; Psalm 86: 6; Psalm 90: 2 en 7.

1 1 11 Mei 2014 Jaargang 28 Nommer 17 GEREFORMEERDE KERK LYTTELTON ONS EREDIENSTE VANDAG Die Oggenddiens Dit is voorbereiding vir Nagmaal aanstaande Sondag. Onthou ons Nagmaal diens begin 10:00. Ds Swanepoel se Skriflesing is uit Efesiërs 6:1-24 en die teks is Efesiërs 6: Die Tema: Voorbereiding vir Nagmaal is n saak van biddende smeking voor God. Die Hoofpunte: Waarvoor gebid moet word. Wanneer moet gebid word. Hoe word daar gebid. Sing: Psalm 107: 1 en 10; Skrifberyming 12-3: 1 en 2; Psalm 32: 1 en 3; Psalm 86: 6; Psalm 90: 2 en 7. Efesiërs 6:18 Doen dit alles biddend en smeek God by elke geleentheid deur die Gees. Wees waaksaam en bid gedurig vir al die gelowiges. Efesiërs 6:19 Bid ook vir my dat wanneer ek preek, God my die woorde gee dat ek die geheimenis van die evangelie met vrymoedigheid kan bekend maak. Die Aanddiens Dit is n ruildiens met Waterkloofrand en Dr Douw Breedt preek hier by ons. MEELEWING Ons harte gaan uit na drie gesinne in ons gemeente wat die afgelope tyd geliefdes aan die dood afgestaan het. Br Eric en Martie Oosthuizen se dogter Petra is Vrydag

2 2 11 Mei 2014 begrawe. Br Gideon Haasbroek se eggenoot Martie is verlede Saterdagoggend oorlede en is gister begrawe. Br Bert en Sr Trudie Grobbelaar se skoonseun, Gerhard is die afgelope week in n fratsongeluk oorlede toe sy motor hom teen sy motorhek vasgedruk het. Ons innige simpatie gaan met julle en jul dogter. Jesaja 57:18 Ek het gesien wat met hom gebeur, en Ek sal hom genees. Dié van hom wat treur, sal Ek lei en terugbring; Ek sal vir hulle uitkoms gee. Ons predikant, Ds Christo Swanepoel is more, 12 Mei, 28 jaar in die bediening. Ons loof die Heer vir Christo se dienswerk en die verkondiging van die Woord. Van ons in die gemeente dominee, baie dankie vir jou leiding en werk hier by ons. MANNA EN KWARTELS VIR DIE GEESFOKUSVERS: n Klaaglied van Dawid... (Psalm 7:1) FOKUSGEDAGTE: WANNEER MAG ONS KLA VOOR DIE HERE? n Klaaglied...! Pas dit in ons kommunikasie met God? Ja, beslis, ons mag en behoort ons klagtes voor God uit te stort. Juis voor Hom! Soms kla ons onder mekaar oor alles onder die son. Die pryse wat opgaan, die geweldpleging, die onsekere politieke wêreld van 2014, die bose dinge waaraan die jeug blootgestel word. Maar dan word daar geen woord daaroor in ons gebede gesê nie. Ons moet eerder voor God kla dit bring ons telkens weer by lofprysing. n Klaaglied vertoon n redelik vaste patroon. Die digter roep tot God om hulp. Hy herinner Hom aan sy groot verlossingsdade in die verlede. In kontras daarmee beleef hy egter groot nood en hy kla daaroor. Hy verklaar sy vertroue in God en smeek om hulp. Dikwels vra hy in n klaagtoon waarom God hom in die steek gelaat het. Ten spyte van die donker ondertone, is daar feitlik altyd n wending aan die einde van n klaaglied. Klag gaan oor tot lof. Dit is die belangrikste les wat n klaaglied ons wil leer vlug met jou nood ná God toe en nie weg van Hom af nie. Ontdek by Hom weer nuwe perspektief. Dan kan ook jou klag in lof verander. Die psalms is die asemhaling van die gelowige: die uitblaas van uitgediende menslike vrae, vrese en nood, en die intrek van die lewegewende asem van God se woord. Baie psalms herinner jou aan God se liefde en goedheid vir jou. Wanneer jy moedeloos, ontsteld, bang of onseker is, sal jy liedere vind, wat saam met jou huil of kla. Baie van jou eie ervarings en emosies

3 3 11 Mei 2014 word daarin weerspieël. Dit lei dikwels jou deurmekaar gedagtes na woorde waarmee jy na God kan gaan. n Psalmdigter se klaaglied beskryf soms presies jou eie nood. Deur die mond van die een digter na die ander hoor jy die stem van God n stem wat jou wil lei in aanbidding en versugting, in lof en dank. So gaan Psalm 7 oor van klaaglied na loflied: Ek wil die Here prys omdat Hy reg laat geskied. Die Naam van die Here, die Allerhoogste, wil ek besing. (Ps 7:18) Maar hierdie loflied breek slegs deur, omdat die digter vrymoedigheid geneem het om te kla, by God te kla. Waarom by God? Omdat Hy weet: God is n betroubare regter, n God wat altyd die skuldiges straf. (Ps 7:12) In die Psalm leer ons om onsself voor God oop te stel, sodat Hy ons harte en motiewe kan ondersoek. Het ons klagtes grond? Is ons vir ons eie nood verantwoordelik? Is ons die skuldige party of ly ons terwyl ons goed wil doen? Neem vrymoedigheid om by God te kla. Hy is betroubaar. Die lewende Here wil ons gebede in die Naam van Christus verhoor. Wie God as regter inroep, verklaar sy bereidheid om self beoordeel te word. Hulle kan hoop op n regverdige uitkoms. Ja, die klaaglied voor God dra in hom die saad van lofprysing! Dr Callie Opperman Gereformeerde Kerk Windhoek Suid VAN DIE SUSTERS Ons wil graag al die susters bedank wat gehelp het met die spyseniering die afgelope week se twee begrafnisdienste. Dank aan Carl Pohl wat kom help het met die aanry van tafels. Dankie vir die heerlike lasagne-geregte. Dank aan die Silwerkrone vir die koeksisters. Volgende Sondag na Nagmaal is weer ons liefdesmaaltyd soos altyd. Getrou aan die Christelike gemeente se tradisie deur die eeue kuier ons saam as gelowiges na die Nagmaal. Die spyskaart is rys, hoender, groenboontjies en pampoenkoekies met gebakte poeding en vla. Bring asb. eie drinkgoed en eetgerei. Wyke: 1,2,3,4 en 5 Opruim (Sussie Voogt sameroeper) Wyke: 6,7,8,9 en 20 Saalvoorbereiding (Liesl Markram sameroeper)

4 4 11 Mei 2014 Wyke: 10,11,12,13,14 Gebakte nagereg (Griet Swanepoel sameroeper) Wyke: 15,16,17,18, 19 Ete ( Anita Schutte sameroeper) Wintermark Kan almal wat Saterdag, 21 Junie kom help by die vetkoek en vleis stalletjie vir Griet kontak by tel Ons gaan reeds baie vroeg die oggend begin. Vooraf bestellings kan gemaak word by die kerkkantoor. Vetkoek se prys: R15 met vleis, skoon R5. Beste groete, Griet. GETUIENIS GELEWER TYDENS DIE GESPREK MET DIE OWERHEID OP 22 APRIL DEEL 2 Tydens die gesprek het die owerheid 'n oorsig gegee oor die vordering wat die afgelope twintig jaar in Suid-Afrika gemaak is, terwyl sekere mislukkings ook erken is. 'n Beroep is gedoen dat almal sal inskakel by die owerhede se beplande viering van 20 jaar van demokrasie. Hierna is ruim geleentheid gegee vir insette vanaf die genooide instansies. Gevolglik kon prof Nico Vorster namens die deputate sekere standpunte van die GKSA profeties aan die owerheid stel. Prof. Derrick Mashau het ook 'n geleentheid gekry. Die voorlegging wat Prof. Nico Vorster namens ons deputate gelewer het, is aangeheg. Hy het die fokus veral laat val op armoede; die staat wat toenemend outoritêr optree en so bv. die beperkinge van sy rol in die samelewing, misken; die ondermyning van artikel 9 instansies van die grondwet. Prof. Derrick Mashau het by hom aangesluit en sake ten opsigte van veiligheid (o.a. "Guptagate" by 'n nasionale sleutelpunt) en korrupsie verder aangeroer. Sekere sake wat ons as deputate beplan het om te opper, was toe reeds deur ander gestel. As deputate waardeer ons dit dat beide Mnr. Motlanthe en Gordhan punt vir punt op die sake wat deur die instansies geopper is, gereageer het. Hulle het o.a. gestel waar hulle saamstem en verskil met die standpunte wat ons as deputate gestel het en het met ander woorde dus van ons getuienis kennis geneem. Adj. Pres. Motlanthe het dit ook in die vooruitsig gestel dat soortgelyke ontmoetings in die toekoms moet plaasvind waar ons hierdie sake verder met die owerheid kan opneem. Die deputate het reeds begin om 'n ontmoeting te reël waar ons ons getuienis in 'n kleiner groep met die owerheid opneem. As deputate wil ons die kerke oproep om, volgens die opdrag in 1

5 5 11 Mei 2014 Tim 2:2, voorbidding vir die owerhede te doen - soveel te meer met die oog op die nuwe owerheid wat DV op 7 Mei verkies sal word. Dit was vir ons verblydend dat die gesprek nie alleen in 'n goeie gees plaasgevind het waar probleme uitdruklik aangetoon is nie, maar dat daar geen sprake van 'n media-sirkus was nie. Laastens wil die deputate daarop wys dat ons 'n uitnodiging na 'n ontmoeting met die ANC op 23 April by die Voortrekker monument van die hand gewys het. DOPPERPARLEMENT Die Dopperparlement se Koffie en Koek geselligheid is uitgestel na Sondagaand 25 Mei. Ons is jammer dat dit weer uitgestel moes word maar die maandelikse toebroodjie aand is Sondagaand 11 Mei en daarna is dit Nagmaal. Ons is vas van voorneme om die 25e Mei voort te gaan met die lekkerste koffie n koek waaraan jy kan dink. Wissel so lank gedagtes met Elfrieda. SNOEK EN PATATS: JAARLIKSE SNOEKBRAAI -31 MEI Elke jaar hang die diakens uit en dan braai hulle snoek. Dit is voorwaar een van die hoogtepunte en geselligste dae van die jaar. Die diakens beplan dat die snoek gereed sal wees so van 5 uur af maar ons kuier al so van 2 uur af. Die kaartjies is R55 per persoon en u sal dit reeds van vandag af by die diakens kan aanskaf. Jy moet asb jou eetgerei en drinkgoed na smaak saam bring. Die rugby wedstryd tussen die Bulle en die Leeus sal van 5 uur op die groot skerm in die kerksaal gewys word. KERKKAMP Ons Jaarlikse Kerkkamp is van 19 tot 21 September. Dit is weer by Bosveldwegbreek. Die tema van die kamp is Dapper@Dopper deur die eeue. Die tema sal deur Ds Christo behandel word en die komitee waarborg dat dit net so treffend soos verlede jaar gaan wees. Ons gaan bietjie kyk na ons geskiedenis en Saterdagaand tydens die ete gaan ons ons optooi soos die mense van daardie tyd aangetrek het. Gaan besoek gerus met Google om te sien wat die mense daardie jare gedra het. Doen jou besprekings by Ferdie van Wyk, Johan Markram, Elfrieda de Beer of by Petrus Correia. Moenie huiwer om met Ferdie te praat as jy bietjie bystand benodig om die kampgeld te vereffen nie. Dit word in die grootste vertroulikheid hanteer.

6 6 11 Mei 2014 Kom ouens, die tyd is besig om uit te loop! WINTERMARK 21 JUNIE 2014 Die belangstelling in die Wintermark is GROOT en volgens Tronel (Oom Harry Spangenberg se dogter en hoof organiseerder) is daar alreeds 65 verskillende stalletjies. Dit is nie net stalletjies van ons gemeente nie. Die meeste is van buite persone. As u nog sou belangstel om n stalletjie te bespreek doen dit asb voor of op 12 Mei. Die susters poog om n groot naaldwerktafel te hê en vra dat die volgende items gemaak word: Gebrei: bedsokkies, serpe, sjaals, babatruie, musse, speelgoed, hangers, popklere Lap: tafeldoeke, tafellopers, popklere, vatlappe, vadoeke, waslappies, teenette, voorskote Ons benodig ook materiaal/wol en vrywilligers wat kan help om items te maak. Ons gaan naaldwerksessies in die kerksaal hê op Maandag 12 Mei vanaf 12uur tot 3uur en ook Woensdag 14 Mei vanaf 9 uur tot 12uur. Alle dames wat kan help is baie welkom. Bring jou eie naaimasjien, masjiengare en naaldwerkskêr saam. Enige vrae: Adéle Drenth ( ). U kan ook gaan loer op die webblad vir meer inligting. DIE SILWERKRONE Die Silwerkrone wat Falcon Glen toe gaan van 19 tot 23 Mei raak nou baie opgewonde en kan nie meer wag om te gaan. Al die reëlings is klaar in plek en dit is nog net die kosaankope wat gedoen moet word. Dit beloof om weer soos in die verlede 'n onvergeetlike tydjie te wees. Courage doesn t always roar. Sometimes courage is the little voice at the end of the day that says, I ll try again tomorrow. Mary Anne Radmacher-Hershey The person who removes a mountain begins by carrying away small stones. Chinese proverb

7 7 11 Mei 2014 HIERDIE WEEK HOU ONS, ONS BESIG MET: Vandag: Die kollekte tydens die erediens is vir die diens van barmhartigheid en by die deure vir die instandhouding van die Erediens. Die ouderlinge en diakens van wyke 17 en 18 is aan diens. Die susters van wyk 12 skink vandag tee en nooi jou om saam te kom kuier. Dinsdag: Daar is Bybelstudie by Eric en Martie Oosthuizen om 09:45 en die susters vergader om 18:30 in die kerksaal. Woensdag: Die ouderlinge vergader om 18:30 en die susters van wyk14 skink tee. Donderdag: Daar is Bybelstudie vir werkendes om 18:30 by die kerk. VERJAARSDAE 12 Mei: Gerti Erasmus en Jan Kriel 17 Mei: Danica Naude Mag Sy vrede jou beskutting wees, jou hart Sy volmaaktheid ken en deur Sy almagtige krag oorwinning oor elke vyand smaak. Mag Hy teweeg bring dat die diepste begeertes van jou hart vervul word. BAIE BELANRIK! BAIE BELANGRIK! Die Kerk het nou 'n alarm wat aan ADT gekoppel is. Lidmate moet asb die hek in Monumentlaan ingang gebruik. As u voor die hek staan sal daar 'n rooi liggie skyn onder die saal se dak langs die muur reg voor u mits die alarm geaktiveer is. As u die liggie sien moet u asb nie ingaan alvorens dit afgeskakel is nie. Indien die kantoor beman is (Maandae, Woensdae en Vrydae tussen 08:00-13:00) druk die knoppie op die regterhandse paal van die hek. Enige ander tyd moet een van die persone wat 'n afstandbeheer apparaat het dit afsit. Die persone is die Koster( ), Johannes, Ds Christo ( ), Adelle Drenth ( ), Susan ( ) en Jan Plomp.(

8 8 11 Mei 2014 ALGEMENE INLIGTING Predikant: Ds Christo Swanepoel, Burgerlaan 113, Lyttelton Manor Selfoon E-pos Bedieningskommissie: Ouderling Kobus Erasmus. Tel Bedryfskommissie: Ouderling Chris Venter. Tel: Bestuurskommissie: Ouderling Tiddo Voogt. Tel: Voorsitter van die Diakonie: Diaken Johan van Rooyen Tel: Susters: Voorsitter. Sr Griet Swanepoel Orrelis: Tertius du Plessis, Tel: Koster: Mike Muller Bank: Absa Bank Lyttelton, Takkode , Rek No: Gereformeerde Kerk Lyttelton Skriba: Eric Oosthuizen H/v Stasie en Monument Strate Tel: Navrae: Susan Schoeman selfoon: , Tel/Faks: e-pos: E-pos: Attes Skriba: Henry Engelbrecht, Tel: ; Selno: Emosionele Ondersteuningsnetwerk: Indien u emosionele bystand weens eensaamheid, siekte, trauma ens. beleef of net wil deel word van die emosionele ondersteuningsnetwerk in ons gemeente, kan u gerus vir Trudie Grobbelaar (koördineerder) skakel by tel: , of sel:

Spreuke oor Koers, rigting Hoe hou ek koers in 2017

Spreuke oor Koers, rigting Hoe hou ek koers in 2017 1 Spreuke oor Koers, rigting 15.1.17 Hoe hou ek koers in 2017 INLEIDING (klik) Voorspoedige 2017! Ons is toe hier. Vir ons elkeen is `n nuwe jaar soos `n skoon vel papier, `n geleentheid om iets nuuts