GEREFORMEERDE KERK LYTTELTON

Transcription

1 1 19 Mei 2013 Jaargang 27 Nommer 17 GEREFORMEERDE KERK LYTTELTON ONS EREDIENSTE VANDAG Nagmaal Ds Hentie Kruger se Woordbediening kom uit Johannes 12:1-8 en die teksvers is Johannes 12:7 Joh 12: 7 Toe sê Jesus: Laat staan haar. Sy moes dit hou vir hierdie dag om My te salf vir my begrafnis. In Betanië het daar iets wonderliks plaasgevind. Die vriende van Jesus, die verbondenes aan Hom, die dankbares, het vir Hom op hierdie dag (die Woensdag voor Sy kruisiging) n intieme maaltyd berei, n maaltyd wat in alle opsigte iets besonders was. In die eerste plek seker wat die kwaliteit en keurigheid van die voedsel betref, want Johannes deel veelseggend mee dat niemand minder nie as Martha bedien het. Toe stap Maria binne en sy help nie vir Marta bedien nie, maar breek n fles kosbare nardussalf, giet dit oor Jesus se voete uit en droog dit met haar hare af. Dadelik word sy deur Judas oor die vingers getik oor haar vermorsing/ spandabelrigheid. Wanneer God egter sy verlore kinders innig jammer kry, stort Hy sy genade oorvloediglik oor ons uit. Dit is wat die Woord van God ons leer: Uit sy oorvloed het ons genade op genade ontvang (Joh. 1:16). Die werkwoord dui op aanhoudend, aanmekaar gee, soos n groot vloed. God se genade stroom en stort en word n tsoenamie-vloed wat mense meesleur na die ekonomie van die Vaderhuis. Die nardussalf wat Maria uitgiet was onder andere n praktiese en simboliese bewys van God se stortende genade. Maria het Jesus vir sy begrafnis gesalf. Sy het deur haar daad

2 2 19 Mei 2013 van oorgawe haar lojaliteit sigbaar gemaak. Ons moet Hom nardus vir nardus bring die nardus van dank en aanbidding vir die hartverkwikkende nardus van sy genade. Aanddiens Die diens word gelei deur Ds Christo Swanepoel en hy Lees uit: Lukas 15: Teks: Lukas 15: 29 en 31 H.K Sondag 24 is aan die orde vanaand Tema: God beloon my goeie werke, al verdien ek dit nie. Hoofpunte: My goeie werke: Verdien niks Word wel beloon Is tog noodsaaklik Ons sing: Ps. 118: 1 en 14; Ps. 31: 5 en 15; Skrifberyming 10-2 Ps. 116: 6, 7 en 9. Luk 15:29 maar hy antwoord: Kyk, al die jare werk ek soos 'n slaaf vir Pa. Nog nooit het ek 'n opdrag van Pa verontagsaam nie, en vir my het Pa nog nooit eers 'n bokkie gegee sodat ek saam met my vriende kan feesvier nie. Luk 15:30 Maar nou dat hierdie seun van Pa, wat Pa se goed met prostitute deurgebring het, terugkom, het Pa vir hom die vetgemaakte kalf geslag! Luk 15:31 Toe sê die pa vir hom: Kind, jy is altyd by my, en alles wat ek het, is ook joune. MEELEWING Ons wil graag vir Ds Hentie Kruger en sy bruid Magda hier by ons verwelkom. Ds Hentie lewer vandag die Nagmaaldiens preek. Dit is vir ons lekker om julle weer hier in ons midde te hê. In dieselfde asem wil ons ook lidmate wat vantevore hier in ons gemeente was verwelkom. Dit is nie elke dag dat ʼn gemeente 60 jaar oud word nie! Soos u kan sien spog ons met ʼn nuwe kanselkleed. Dit is die handewerk van Rita van der Walt ʼn lid van die Centurion Quilt Gilde. Dit het Rita drie maande geneem om die kanselkleed te voltooi en het haar ook ʼn paar slapelose nagte gekos. Baie dankie Rita, dit is voorwaar werk om op trots te wees. Sr Kathy van der Linden gaan aanstaande week weer na 1 Mil toe vir ʼn delikate operasie in haar oorkanaal. Sy sukkel die afgelope

3 3 19 Mei 2013 tyd met balans en duiseligheid. Ons vertrou dat die operasie ʼn sukses sal wees en bid jou spoedige herstel toe. Sr Retha Fourie word op 22 Mei opereer in die Pretoria-Oos Hospitaal. Ons wil u graag sterkte toebid en dat dit operasie suksesvol sal verloop. MANNA EN KWARTELS VIR DIE GEES Moenie julle dogters vir hulle seuns gee nie, moenie hulle dogters met julle seuns laat trou nie. (Esra 9:12) GOD SE VOLK IS VIR HOM AFGESONDER. LEEF REIN OOK IN DIE KEUSE VAN N HUWELIKSMAAT Die volk Israel het na hulle vaderland teruggekeer. Die Here het hulle vir n tyd in ballingskap aan die heidense magte oorgegee, omdat hulle volhard het in ongehoorsaamheid aan sy wil. Terug in die land van hulle vaders, wat God uit genade aan sy volk gegee het, gaan dit egter nie so goed nie. Hulle val weer gou terug in eiewillige godsdiens, hulle ken nie die bepalings van hulle God en Here nie, en steur hulle ook nie daaraan nie. n Baie netelige situasie duik op. Daar is huwelike aangegaan met heidense vroue. Selfs geestelike leiers van die volk het met meisies getrou, wat nie die Here gedien het nie (lees Esra 9,). Die optrede van die priester Esra en die volk oor hierdie saak was drasties. Hulle besluit saam dat gehoorsaamheid aan God se voorskrifte oor die huwelik belangriker is. Daarom moet die huwelike beëindig word en die vrouens en kinders weggestuur word. Dit het gepaard gegaan met skuldbelydenis voor die Here en n offer vir daardie sonde. Drasties! Traumaties! Was dit werklik nodig? En wat leer ons vir vandag uit daardie gebeure? n Paar sake kan hieruit afgelei word: * God is heilig en sy volk moet heilig leef te midde van onrein gemeenskappe (mense wat nie die Here dien nie) * By keuses oor elke saak moet ons eerstens vra na God se wil * Die huwelik is kosbaar voor God, daarom mag die keuse van n huweliksmaat nooit onverskillig gedoen word nie * Vir die ou Israel was huwelike met heidene verbode (Lees Deut 7:1-4). Daarom is deur Esra-hulle besluit om die huwelike met heidense vroue te beëindig

4 4 19 Mei 2013 * Vandag nog eis God van ons Christene dat keuses volgens sy wil sal wees (bv Efes 5:10) * Die huwelik is vir God nog altyd heilig, die invloed van getroudes op mekaar is groot, gelowiges kan maklik deur n ongelowige huweliksmaat van die Here weggelok word (en so ook hulle kinders) DAAROM... kom ons dra die boodskap uit, dat die keuse van n huweliksmaat biddend en in navolging van God se wil sal wees. Gelowiges moenie sommer met n ongelowige trou nie. Ja, waar daar bekering is voor die huwelik, is dit n seën. Maar baie beloftes van ongelowige verloofdes oor bekering later, word nooit uitgevoer in die huwelik nie. Dr Callie Opperman: Gereformeerde Kerk Windhoek-Suid GEREFORMEERDE KERK LYTTELTON: 60 JAAR Ons Nuwe intrekkers word genooi om asb die snoekbraai en ook die ete na Nagmaal by te woon. Ons wil graag van nader kennis maak en jul deel maak van ons geloofsgemeenskap. Ons ete begin 12:00 en jy moet jou eie breekgoed en drinkdingetjie saambring asb. KOERVERSIER Almal kan koek bak, maar dit is by die koek versier wat dit moeilik raak! Wil jy graag jou kinders se verjaarsdag koeke self maak, maar dit is net te veel gesukkel? Bak jy al jare lank koek en wil jy graag van jou kennis kom deel? Of is jy maar net lus om koek te kom eet? Saterdag oggend 6 Julie 2013 gaan Leonie Engelbrecht vir die susters die basiese van koekversiering aanbied, sommer hier in die kerksaal. Dit begin 09:00 Skryf solank die datum in jou dagboek, dit beloof om groot pret te wees! Kontak Marlette van Rooyen of Leonie Engelbrecht vir navrae.

5 5 19 Mei 2013 WYNPROE AAND TEN BATE VAN DIE VRIENDEKRING VAN DIE PRESIDENT KRUGER KINDERHUIS Vrydag 24 Mei Die Vriendekring het Wynproe gereël vir hierdie aand en 3 wyn= plase is betrokke, nl.: Slanghoek, Stellenbosch-Hills en Zandvliet. Die koste van die kaartjie beloop R100 per persoon en proe-glas asook vingerhappies is ingesluit. Ons benodig fondse om daardie ietsie ekstra (motor bestuurslesse, verjaardag geskenke, matriekafskeid geskenke, materiaal vir die kunskamer, ens.) vir die kinders te kan bied. Dit beloof om baie aangename geleentheid te wees! Ons gaan ook paar items opveil. Daarom, kom en ondersteun ons en geniet die aand saam met ons. Kaartjies is beskikbaar by die Voorsitter en sal nie by die deure verkoop word nie. Vriendelike groete Christo van der Walt, Voorsitter, BEROEPENUUS BEROEPE ONTVANG Propenent CC Mathundela na Daveyton BEROEPE AANVAAR Ds JG van der Walt van Reddersburg na Empangeni. BEROEPE BEDANK Ds ASA de Bruyn van Wilropark na Heidelberg. VAN DIE SUSTERS Baie dankie aan die susters vir al hulle insette vir volgende jaar se susterssaamtrek en hulp wat aangebied is vir die Feesmaaltyd. Ook 'n spesiale dank aan die susters wat verversings gebring het en die susters wat vir ons tee voorgesit het. Die punte op die Agenda wat ons nie bespreek het nie staan oor tot 'n vergadering waarvan ons die datum gou moontlik sal verwittig.

6 6 19 Mei 2013 Ons benodig donasies vir die naaldwerkta- 2013, hetsy kontantbydrae, klaargemaakte items of materiaal waaruit geskep kan word. Enige iemand wat n donasie wil maak of verdere inligting verlang kan Adéle Drenth skakel by of haar epos by adeledrenth@iburst.co.za Die enigste plek waar huiswerk voor naaldwerk staan is in die woordeboek ~ Mary Kurtz

7 7 19 Mei 2013 HIERDIE WEEK HOU ONS, ONS BESIG MET: Vandag: Die kollekte tydens die erediens is vir die diens van barmhartigheid en by die deure vir die Ekumenisiteit. Die ouderlinge en diakens van wyke 3 en 4 is aan diens. Maandag: Die Silwerkrone vertrek na Falcon Glen vir hulle wegbreek. Julle moet dit geniet. Dinsdag: Daar is nie Bybelstudie nie. Donderdag: Ds Christo is saam met die Silwerkrone daar sal dus nie Bybelstudie vir die werkendes Nie. VERJAARSDAE 20 Mei: Wllie Schutte en Danie Steyn (Jnr) 21 Mei: Br Koos Oosthuizen en Sr Sophia Smit 22 Mei: Wilco Prinsloo 24 Mei: Jannie Nieman 25 Mei: Elsa van der Merwe Mag Sy vrede jou beskutting wees, jou hart Sy volmaaktheid ken en deur Sy almagtige krag oorwinning oor elke vyand smaak. Mag Hy teweeg bring dat die diepste begeertes van jou hart vervul word. Remember, the thoughts that you think and the statements you make regarding yourself determine your mental attitude. If you have a worthwhile objective, find the one reason why you can achieve it rather than hundreds of reasons why you can't. ~Napoleon Hill

8 8 19 Mei 2013 ALGEMENE INFORMASIE Predikant: Ds Christo Swanepoel, Burgerlaan 113, Lyttelton Manor Selfoon E-pos Bedieningskommissie: Ouderling Kobus Erasmus. Tel Bedryfskommissie: Ouderling Chris Venter. Tel: Bestuurskommissie: Ouderling Tiddo Voogt. Tel: Voorsitter van die Diakonie: Diaken Johan van Rooyen Tel: Susters: Voorsitter. Sr Griet Swanepoel Tel Orrelis: Tertius du Plessis, Tel: Koster: Mike Muller Bank: Absa Bank Lyttelton, Takkode , Rek No: Gereformeerde Kerk Lyttelton H/v Stasie en Monument Strate Navrae: Susan Schoeman Tel/Faks: E-pos: Skriba: Eric Oosthuizen Tel: en selfoon: , e-pos Attes Skriba: Henry Engelbrecht, Tel: ; Selno: Die Koerier: Die redakteur is Ferdie van Wyk. Skakel hom by of e -pos by ferdievw@telkomsa.net. Hy hoor graag u insette en kommentaar. Die Webblad: Ons gemeente se webblad is by Besoek dit gerus. Elke Sondag word die oggenddiens geredigeer en dit kan of op die internet geluister word of jy kan dit op jou hardeskyf aflaai en dan daarna luister.