nuusblad Briewe en brokkies vanaf Facebook Eerbied (respek) deur At de Lange Kalender Volg die Bybelverhaal Jaargang 1 Vol 2 Junie 2013

Transcription

1 28 facebook nuusblad mootvallei nuusblad Briewe en brokkies vanaf Facebook WENK VIR DIE DAG: Sien jouself as n kleurpotlood. Jy is nie almal se gunsteling kleur nie maar iewers op n dag gaan iemand spesiaal jou nodig kry om die prentjie van hul lewe te voltooi. Facebook 24 Mei Die Here wil hê dat ons vissers van mense sal wees, nie aanklaers nie! Ons is voltydse verspreiders van goeie nuus. Facebook 21 Mei Die egtheid van jou geloof wys ook in die maniere hoe jy mense hanteer wat nie die lewe se glans-kante ken nie. Facebook 16 Mei Here, as ek na my lewe kyk - lyk dit maar deurmekaar. Die foute wat ek gemaak het, en nog steeds maak. Die goeie intensies wat uitloop op minder goeie aksies. My onkunde en my dwaasheid. Dan kyk ek na die kruis, en besef ek - ek sou dit nooit gemaak het as dit nie vir die liefdes offer was van die Mesias nie. Dankie my Here, dat my redding en verlossing nie in my krag le nie, maar in die bloed van Jesus. Ek is so dankbaar vir die kruis. Vir ewig loof ek U, my almagtige God en hemelse Vader! Facebook 16 Mei Wie beweer dat hy in Hom ( Jesus) bly, behoort self ook te lewe soos Jesus gelewe het. Sjoe, laat wat Johannes hier in 1 Joh 2 sê nie vir jou ook diep nadink nie? Om te lewe soos Jesus gelewe het! Jesus is vir ons die volmaakte voorbeeld van gehoorsaamheid aan God en liefde vir alle mense. Leef vandag met Jesus in beheer van jou lewe. Dink soos Hy, kyk soos Hy, praat soos Hy, doen soos Hy, leef soos Hy! Facebook 15 Mei Yvette Bosman Johannes 17:2, 3 - U het Hom immers die volmag oor die hele Volg die Bybelverhaal ensdom gegee om aan almal wat U Hom gegee het, die ewige lewe te m gee. En dit is die ewige lewe: dat hulle U ken, die enigste ware God, en Jesus Christus, wat deur U gestuur is. Facebook 14 Mei Yvette Bosman Vandag in die kinderkerk het ons geleer dat Abram se liefde vir God so groot was dat hy bereid was om sy geliefde seun te offer toe God dit van hom vra. Facebook 12 Mei Hanlie Singleton Tydens die gesinsdiens Sondag het die kinders daar s vissies in die water gesing om almal te herinner dat GOD ALLES GEMAAK HET, alles moooooi gemaak het. Dki julle. Jaargang 1 Vol 2 Junie 2013 Eerbied (respek) deur At de Lange Het jy al opgemerk dat van die tien gebooie net een nie negatief beskryf is nie. Dit is die vierde gebod: Eer jou vader en moeder Die woord eerbied kom 62 keer in die bybel voor, afgesien van die woorde eer (350 keer!), eerbiedig(e) en eerlik(e). Maar die woord respek kom nie een keer voor nie! Dit is omdat eerbied van Germaanse herkoms is terwyl respek van Romaanse herkoms is. deur Ds Johan van Niekerk In n stal, in n krip Baba handjie vat ma se vinger vas Wat gaan die handjies eendag doen, wie het begrip? Wie dink baba handjies dra n wêreld se las. Kinder handjie soek onseker rond op vlug na Egipteland Kyk verward na piramides rond Handjies speel in ander land se sand. Dan weer terug na pa se winkel Planke skaaf, klippe kap, balke rol Eendag in die Sinagoge in my hand die boekrol Mag die tiener sê Rabbi s sukkel? Facebook Hester Botha - 8 Mei Ds Johan het ons weereens laat besef dat God die Stuurman in ons lewe is. Ons hou net die Stuurwiel (Bybel) vas en volg Sy instruksies. Dki ds Johan. deur Jacques Fourie Skurwe Hande Die bybelvertalers het woorde met Germaanse herkoms eerbiedig in hulle vertalings uit Hebreeus (ou testament) en Grieks (nuwe testament). Die gebruik word ook in ander Germaanse tale gevolg soos Nederlands, Duits, Deens, Sweeds en Noorweegs. Die Oergermaans vir eer is einste (niks anders nie). (Die re- van respek kom van Latyn en beteken weer terwyl die -spek van specere kom en bekyk beteken.) Met ander woorde, om iemand anders te eer is om die uniekheid van daardie mens as n persoon in eie reg oor en oor te erken en daarvolgens te handel. Die 20ste eeu wat so pas verby is, het meer veranderinge in menslike kulture veroorsaak as enige ander eeu in die mensdom se bestaan. Sommige veranderinge was grotendeels voordelig vir die mens, maar selde vir die res van die natuur. Die gevolg is dat die meeste mense hulle respek vir die natuur verloor het. Besoedeling en uitwissing van spesies is algemene voorbeelde. Ongelukkig het meeste mense ook hulle respek vir medemense verloor. Daarom word meeste se unieke persoonlikheid nie meer in gedagte gehou nie. Hulle word behandel soos slawe in Egipte jaar gelede. Dit gebeur nou selfs met meer en meer Afrikaners. Gelukkig is godsdienste in die algemeen (soos Boeddhisme, Hinduïsme, Islam en Christendom) alreeds bewus van hierdie ontsporing van eerbied vir mense en die natuur. Nog meer, ateïste en agnostici is ook bewus daarvan. Maar al hierdie ingeligte mense kry veels te min reg. Hoekom? Mense glo nie meer in n God nie, wat nog te noem die Drie-enige God. Hierdie God het oneindige respek vir Sy skepping, die mensdom ingesluit. Daarom het God sy Eie seun in die mens Jesus met persoonlikheid Christus gegee om gekruisig te word vir enige persoon wat Hom aanroep. Dit is deur God se respek vir ons waardeur ons Sy liefde ervaar. Hande skurf, grof vol eelte smeer modder aan blinde oë, hy sien beelde Hand uitgehou na vrou, skarlakenrooi Het niemand dan n klip gegooi? Spykers skerp, dit maak seer My hande, senings word geskeur Kom Thomas, druk jou vinger deur weg is twyfel; sekerheid gebeur. Hande opgehef in n sëen spykermerke, eelte vir iedereen Die skurwe hande voer sy kudde mee Sy hande, ja Sy hande, sal jou trane afvee. Kalender SO 28 Jul SA 3 Aug DI 27 Aug SA 5 Okt SA 9 Nov DI 26 Nov MA 16 Des WO 25 Des DI 31 Des Vetkoek en Sop na die oggenddiens Damesoggend met Lindie Strydom Kerkraadsvergadering 19:00 OESFEES Juanita du Plessis : Buitelugkonsert Kerkraadsvergadering 19:00 Versoeningsdiens 08:00 Kersdiens 08:00 Oujaarsdiens 19:00 Middernagdiens 23:45

2 2 inhoud mootvallei nuusblad Uit die voorsitter se pen Sjoe, wat n voorreg om met so n ongelooflike groep mense saam te kan werk. Niks is te veel moeite nie, nog n ekstra myl vir n stukkie nuus, wat is die afsnydatum, kan ek gou nog ietsie stuur... Totdat ons soveel het dat ons moet laat oorstaan na die volgende Nuusblad! As n groep bid ons saam, sien die Heilige Gees werk in elkeen se lewe, deel Jesus se liefde met mekaar, en is ons sprakeloos in dankbaarheid oor al God se genade en liefde. Elkeen se wandel is n inspirasie! Kom ons leer uit die volgende: Doen wat jou gelukkig maak! Sê wat jy bedoel en bedoel wat jy sê! Volg die fluistering van jou hart in alles wat jy doen, sê en dink! Leer uit jou verlede en aanvaar alles wat jy nie kan verander nie! Maak tyd in jou lewe vir die mense wat jou waarde ken en koester! Vergewe maklik en wees dankbaar vir alles en almal in jou lewe! Glimlag elke dag en laat liefde jou lei in alles wat oor jou pad kom! Soek altyd vir die mooi in ander mense en respekteer hul opinie en reis! Stap jou lewenspaadjie met integriteit en karakter, opreg, eg en trots! Leef voluit en laat jou drome jou lei op die avontuur van die lewe, want dis n voorreg, n geskenk en as jou oë op God gerig is, is jy op koers! Lekker lees, tot n volgende keer! Liefde in Jesus Magda Kok BOEK RESENSIE Lukas Kruger Titel: Geskep om n verskil te maak Outeur: Max Lucado Uitgewer: Struik Christelike Boeke Hierdie is nog n besondere boek uit die pen van Max Lucado. Verskeie boeke is al deur hom geskryf en sy kenmerkende skryfstyl tesame met die wyse waarop hy die leser lei in Christelike waarhede, stel weereens nie teleur nie. Die subtitel van die boek lui: Sal die wêreld bly wees jy het geleef? Hierdie vraag word in elke hoofstuk toegelig deur praktiese voorbeelde van verhale uit die skrywer se lewe en sy bediening. Die hoofstukke in die boek is sodanig saamgestel en geskryf dat die leser op n verstaanbare manier gewys word hoe om doelgerig te leef sodat alles in jou lewe jou tyd, vaardighede en passie saam iets tot gevolg kan hê wat n verskil kan maak in ander mense se lewens. Die boek fokus grootliks op een van die aspekte wat baie hoog op elke Christen se prioriteitslys behoort te wees - Diensbaarheid. In hierdie boek leer die skrywer ons dat nie een van ons almal kan help nie, maar dat elkeen van ons iemand kan help. Max Lucado sê dan ook tereg: As ons liefde betoon teenoor diegene in nood, betoon ons liefde teenoor Jesus. Inhoudsopgawe Ken mekaar deur Nelmarie Venter MW Odendaal p. 3 Yvette Bosman p. 4 Uit n ander hoek deur Lukas Kruger p. 5 Lat Wiel - Lizette de Beer deur Engela Gerber p.7 Wat doen ons Aktiwiteitsbediening p. 8 Boekevat by Silwerkroon p. 8 Pinkster 2013 p. 10 In die nuus deur Prof. Stander p. 11, 12, 13 Dames in Aksie deur Sandra Sutton p. 20 Spesiaal - Elize Scott se brief p. 21 Alimentasie Bediening deur Linda Blom p. 22 Omgeegroepe p. 22 Jeugkompetisie p.24 Facebook brokkies p. 28 KOMMUNIKASIEBEDIENING: Voorsitter: Magda Kok Marius Bester Hanlie Singleton Luna van Staden Jacques Fourie Nelmerie Venter Lukas Kruger Ad hoc: Annelize du Toit Ad hoc: Fotograaf: John Cilliers Sekretaresse: Sandra Sutton Sandra Bester Jessie Kok Linda Blom Johan Coertzen Engela Gerber Johan van Biljon

3 mootvallei nuusblad ken mekaar 3 Toekomstige dominee MW Odendaal deur Nelmerie Venter Kom maak nader kennis met MW (Machiel Wilhelmus) Odendaal MW is n tweedejaar Teologie-student aan die Universiteit van Pretoria en sy familienaam is afkomstig van sy Oupa. Wat n aangename verrassing om n aantreklike jongman te ontmoet wat nog sy Christelike waardes uitleef en respek het vir gesag en sy ouers. MW was op Wonderboom-Suid Laerskool en sy Hoërskool loopbaan het hy voltooi in Oos Moot, Pretoria. Hy is die middelste kind en het n ouer suster en jonger broer. Tans deel hy en sy ouer suster n woonstel, sy suster is ook n student op TUT (Technicon Pretoria). Sy ouers is tans woonagtig op die familie plaas in Rustenburg. MW is baie lief vir kos maak en vertel terwyl hy nog op skool was het hy en sy Ma graag saam kos gemaak. Die tydjie saam het hulle dan gebond, ek kan sien hy mis dit baie want hy kry so n vêrlangse uitdrukking op sy gesig as hy my vertel van die kosbare tye saam met sy ma. MW kom uit n baie groot familevaste ouerhuis. Aan sy Pa se kant is daar 7 kinders. Die familie kom graag byeen en dan hou hulle ook graag saam vakanise. Met so n klomp nefies en niggies bymekaar kan dit net moeilikheid voorspel. So is dit toe dan ook. Een vakansie in Jeffreysbaai kuier die grootmense lekker gesellig, maar die kinders begin gou verveeld raak. Tussen die nefies en niggies is daar hier en daar ook een ouer as agtien met n lisensie. Vinnig word daar planne beraam om die motors te neem, sonder toestemming natuurlik, en na die strand toe te gaan. Hulle los darem so twee motors vir die klomp grootmense. Rustig sit hulle op die strand, swem en speel en gesels sommer net. Die volgende oomblik verskyn een van die tantes en ooms vergesel van twee polisiemanne op die strand, en reguit op pad na die klomp nefies en niggies wat ewe skielik doodstil geword het. Van lag en baljaar is daar nie sprake, almal sit verskrik met groot oë en wag. Daar en dan word die skuldiges gearesteer en van die strand begelei. Wat die kinders vergeet het is dat een Tante Netstar in haar voertuig gehad het, daarom was dit moontlik om hulle vining op te spoor. Dit het nie baie oorredings vermoë gekos om die polisiemanne te oortuig om saam te speel nie! Die nefies en niggies het so groot geskrik dat vir die res van die vakansie kon die grootmense rustig onstspan sonder om eers te wonder wat die kinders aanvang. MW wou eers BCom studeer en was van plan om na matriek eers vir een jaar by sy Oom en Tante wat op daardie stadium in Mauritius gewoon het, te gaan bly. Daarna sou hy gaan studeer. Maar ons planne werk nie altyd uit soos ons dit beplan nie, sy Oom en Tante het teruggekeer na SA. MW het nou n probleem gehad, dit was Januarie en hy het nog geen aansoeke ingedien om te studeer nie. Gelukkig het hy hom tot die Here gewend en gevra hoe nou, tot sy verbasing kry hy die antwoord van die Here - Teologie. Hy was eers nie seker hoe kan hy nou op hierdie laat stadium inskryf nie, hy moes dit al maande gelede gedoen het. Tog vertrou hy op die Here. Groot was sy verbasing toe hy binne n week hoor hy is goedgekeur. Dit is net weer eens n besef, as ons dit in die Here se hande laat, doen Hy alles, ons moet ons net bereid verklaar om in Sy diens te staan. Hy self sorg vir die res. MW is baie lief vir sport en hy gebruik hierdie talent van hom tot eer van die Here. Deur sy sport be-arbei hy kinders om tot eer van God te leef en verskaf hy leiding en raad aan die kinders. Hy is opgelei en het verskeie kursusse gedoen, en is lid van SCAS (Sport met Christus in Aksie in SA). Dit is n passie van hom om tieners te help met hulle verhoudings tot hulle ouers, asook om hulle ander lewensvaardighede te leer, gebaseer op n Christelike fondament, wat dan vir die kinders in die toekoms tot groot waarde sal wees. SCAS bied verskeie kursusse aan vir Hoërskole. Verteenwoordiges van SCAS word jaarliks uitgenooi na die Craven week, asook die Kearneys Easter Festival - waar die top 15 rugbyspanne bymekaar kom vir n week se toernooi. Die lede van SCAS word dan aan elke skool toegewys waar hulle dan die hele week tyd spandeer saam met die kinders, seker maak die kinders verstaan die beginsels van Christelike waardes en hoe hulle die waardes kan toepas op hulle lewenspad. Dit is skrikwekkend as jy besef van die hoërskool kinders is reeds rugbykontrakte aangebied by die groot unies. Hulle is die toekoms van môre, daarom is dit belangrik dat die regte lewensvaardighede aan hulle verskaf moet word. SCAS het ook verskeie divisies: Kids Games waar Christelike waardes aan die kinders geleer word deur speletjies, asook OBA BALO wat sport en opleiding behels en verskaf life Skills dan op n geestelike vlak aan vir die kinders, sodoende be-oog SCAS om kinders te bereik wat nie Rugby speel nie. SCAS bied ook Uitreikkampe aan vir die kinders. Met al die sport en aktiwiteite kry jy seker nie veel tyd om sport te beoefen nie ; nee word ek tereg gewys; ek speel rugby vir die Teologiese span van Pretoria. Ek dink by myself, hulle is seker, hoe sal ek dit nou sagkens stel, bietjie versigtig om teen die gewone studente spanne te speel. Waarop ek hom dan vra; nou hoekom dan nie in dieselfde span nie? ; Is hulle te rof vra ek versigtig. NEE antwoord hy; dit is hulle wat bang is vir ons. OOH! sê ek en sluk sluk, tog waag ek dit weer. Nou is julle dan nie n Teologiese span nie, is julle nie veronderstel om. en ek sukkel om by die regte woord uit te kom. MW sien my ongemak en hy vertel kordaat met n vonkel in sy oog; as ons op die rugbyveld is dan is ons nie Teologiese studente nie, ons speel sonder genade. Ek belowe myself sodra ek by die huis kom merk ek dit ook af op my lys things to do, die volgende wedstryd tussen die twee spanne wil ek beslis gaan bywoon As hy n tydjie kry hou hy daarvan om na Alternatiewe Afrikaanse Rock musiek te luister en van sy gunstelinge is Heuwels Fantasties en die Straatligkinders, die het ek al gehoor maar in Engels hou hy van Mumford & Sons. Nog n merkie op my to do list, om na hulle musiek te luister, dink ek in die stilligheid. MW het nog nie n spesiale persoon in sy lewe nie, maar hy erken hy is n romantiese outjie wat graag hou van bederf en sal vir haar romantiese etes kook. Al wat nou kortkom is die meisie! Ons wens MW sterkte toe met sy studies en die wonderlike werk wat hy onder ons jeug doen! Jesusliefde. Waar Staan Dit In Die Bybel Mootvallei Facebookblad Die Eerste Moord : Genesis 4:1-16 Die Toring van Babel : Genesis 11:1-9 Josef word n Slaaf : Genesis 37:12-36 Abraham moet Isak Offer : Genesis 22:1-19

4 4 ken mekaar/ wat doen ons mootvallei nuusblad Toekomstige dominee Yvette Bosman Kom maak kennis met Yvette Bosman deur Nelmerie Venter Wat ʼn wonderlike voorreg het ons as Mootvallei Gemeente om ʼn jongmens soos Yvette Bosman se droom te kan sien vervul word. Yvette is in haar finale jaar (6de) as Teologie-student by TUKKIES en is werksaam by ons in die Gemeente en spesifiek baie betrokke by die Kinderkerk. Met die eerste kennisname ontmoet jy ʼn skaam beskeie, dog vriendelike Yvette. Die spreekwoord dat jy nie op sy baadjie trakteer nie is letterlik van toepassing op haar. Moet nie dat haar dogtertjie voorkoms jou mislei nie, daar skuil ʼn baie slim brein agter die gemaklike voorkoms. In haar eerste jaar en tweede jaar het sy onderskeidelik ʼn onderskeiding in Grieks, en Hebreeus gekry en haar derde jaar onderskeidings in al haar tale. Sy was ook aangestel as Hebreeuse Tutor in haar derde jaar. In al haar student jare het sy al haar vakke geniet en in almal uitgeblink, maar die Nuwe Testament staan kop en skouers bo die ander uit, sy het ook elke jaar in die vak, tot op hede, onderskeidings gekry. Yvette se toekomsplanne is om ʼn Tentmaker te word en dan haar Meestersgraad in die Nuwe Testament te behaal. Yvette was in Laerskool Voorpos en het haar Hoërskool loopbaan in Oos Moot voltooi. Sy is ʼn laatlammetjie en het twee sussies en een boetie, en dan is sy ook al reeds ʼn Tannie. Op skool het sy sagtebal gespeel en haar nasionale klere in swem gekry. Sy wou eers veearts word maar het reeds aan die einde van gr11 besluit om Predikant te word, nadat sy die saak met die Here uitgemaak het. Omdat sy ʼn laatlammetjie is, was daar nie boeties en sussies om mee te speel nie maar gougou het sy planne beraam en die honde en poppe is ingespan om saam te speel. Van Leviete voorlees kan jy haar niks vertel nie. Sy het gedurig vir die honde wat net sou waag om ʼn oog te blink, die leviete voor gelees om stil te sit en te luister. Ek het liewers nie gewaag om te vra wat sy gemaak het as hulle nie stilgesit het nie! In haar vrye tyd hou Yvette baie daarvan om ware verhale te lees. Sy hou ook van country, gospel en klasieke musiek, fliek en kyk graag DVD s. Verder is sy ook lief om Pottery en Mosaik werk te doen. Sy volg ook graag die Indiese IPL krieket reeks. Yvette woon tans by haar ouers en erken hulle is baie familievas en ʼn hegte gesin. Die huis het ook ander bewoners, wat insluit drie honde, die Labrador Roxie, die Basset Dexter en Wollie die Maltese Poedel, dan is daar ook die papegaai ʼn African Grey, en hy heet Krappie. Omdat Yvette ʼn Suid-Afrikaanse meisie is en baie van braaivleis hou besluit sy en Ma om sommer self een dag die braaivleis vure aan te steek. Die twee wil nie wag tot Pa klaar is met die swembad nie, tipies van ons vrouens as ons iets wil doen wil ons dit NOU doen. Wag is nie in ons woordeboek nie. Die tweetjies probeer toe die vuur aansteek, dit is mos nie te moeilik nie. Albei het al baie gesien hoe Pa dit doen en dit lyk nie te ingewikkeld nie. Tevergeefs word daar vir Fire Ligters gesoek maar ʼn boeremeisie maak ʼn plan en gou word stokkies bymekaar gemaak en mooi gepak, stukke koerante word opgefrommel en die vuur word aangesteek. Alles tevergeefs! Dit rook net al hoe meer en meer en steeds word net nog koerante opgestapel. Dit is net rookborrels waar jy kyk maar geen vuurtjie nie! Ek dink die Indiane in Noord Amerika het naderhand gedink hulle kry rookseine vanaf oer-afrika soos dit gerook het. Toe kry Yvette die briljante idee om paraffien op te gooi sodat dit kan vlam vat en amper is haar hande verwoes in die proses. Ek dink daar is maar net sekere dinge wat die manne beter doen as ons dames, en volstaan daarby. Nodeloos om te sê, die tweetjies los maar liewer die vuurmaak vir Pa. Dit was hulle eerste asook hulle laaste poging. Pa het darem tot die tweetjies se redding gekom! Nee daar is nie iemand spesiaals in haar lewe op die oomblik nie. Sy wag nog om haar trouman te ontmoet. Opskud Manne waarvoor wag julle! Jesusliefde BYBELSKOOL deur Monica Craig Soos n graad eentjie kom ek by die Bybelskool aan met n hol kol op my magie. Hier en daar is n bekende gesiggie, maar almal is opgewonde want ons ken vir Jesus en dit maak dat ek nie so vreemd voel nie. So maak ek toe ook kennis met Ds. Joggie en sy gawe om die Groot Boek, die Heilige Woord van God, te laat ontvou in n reis saam met elke Apostel. Ek stap saam met hulle deur die strate van die dorpies en ook die groote Jerusalem. Ek ontmoet ook vir Jesus wat die Weg en die Waarheid en die Lewe is. So mooi vertel Joggie die geskiedenis van Jerusalem en hoe dit 70jaar na Christus verwoes is. Hoe gelukkig ek kan wees om die Bybel te lees sonder om vervolg te word. Om Jesus te dien sonder om gevang te word, en weet ek dat om in totale oorgawe aan Jesus te lewe, n reis saam met Hom sal wees tot in Ewigheid. Op die oomblik kuier ek saam met Dr Lukas en weer verduidelik Joggie God se woord so duidelik dat self n kind dit kan verstaan. Ek hoor dat n mens aktief vir Jesus moet dien terwyl mens wag dat Hy weer moet kom. Jesus gebruik baie dinge in die natuur om vir ons Sy Woord meer verstaanbaar te maak. Al begin ons geloof so klein soos n mosterdsaadjie moet dit groei totdat dit n reuse boom is sodat ander wat ons geloof sien ook sal groei in die geloof, en ons mekaar kan versterk. So gee Jesus die vyeboom (die mens) wat nie wou vrugte dra nie, weer n kans om vrugte te dra. Jesus roep ons op om in die waarheid te lewe, dan sal ons nie bang wees nie, en die Heilige Gees sal ons help en ons toerus, en so sal ons naby God lewe. In God lê die rykdom van die lewe. Kom deel in die reise saam met Dr Lukas (hy het die Evangelie van Lukas en ook Handelinge geskryf ) en die Apostels met Joggie as die toerleier. Geseënd is hy wat so goed kan onthou om ons die diepte van die woord te laat verstaan. Saam met Lukas gaan ons een van die dae leer om aktief te wees as ons Handelinge aanpak.

5 mootvallei nuusblad artikels / wat doen ons 5 UIT N ANDER HOEK - Goliat se helm deur Lukas Kruger Die Here is wonderlik en ons as mense beleef elke dag Sy teenwoordigheid en genade. Die Here sê egter ook in sy Woord dat Hy omsien na die mossie en die lelie van die veld. Uit n ander hoek het gestalte gekry uit die vraag As die mens God se werke kan sien en dit as wonderlik beleef, wat sou gebeur as (dooie) voorwerpe kon praat wat teenwoordig was tydens God se ingrypings? Die feite in hierdie gedeeltes mag dalk nie altyd heeltemaal korrek wees nie en baie daarvan mag dalk ook nie in die Bybel opgeteken wees nie, maar die Wonder van God se teenwoordigheid en alomteenwoordigheid word hopelik duidelik uit die vertellings. Daar is n groot oorlog aan die gang tussen die Israeliete en die Filistyne, of so was die gedagte. Dit is veilig om te sê dat die Filistyne die gunstelinge was om hierdie oorlog te wen, bloot omdat hulle n paar reuse gehad het wat die kuns van oorlogvoering verstaan het. Een van hierdie reuse wat ook die leier van die groep reuse was, was my eienaar n groot man, met n groot kop en n ongelooflike harde stem. Ons was twee staalhelms in Goliat se tent. Ek het net oor sy kop gepas en sy hele kop dus beskerm. My kollega, het n bietjie meer beskerming gebied omdat hy nog laer oor Goliat se kop gegaan het, maar hy het ook n ekstra stukkie staal gehad wat Goliat se voorkop en neus ook bedek het. Hy was ook effens swaarder as ek omdat daar meer staal gebruik is om hom te maak. Goliat het elke oggend uitgegaan, met my kollega op sy kop en dan was hy die hele dag uit. Ek het gehoor hoe skreeu hy en daag die Israeliete uit om teen hom te kom veg, maar niemand wou nie. Die een oggend hoor ek toe hoe hy vir n ander reus vertel dat hy nou moeg is daarvoor om elke dag met die groot en swaar helm in die son te staan en te wag dat een van die lafhartige Israelite teen hom kom veg. Hulle lag toe hardop en hy besluit om my die dag te gebruik. Goliat het weereens buite gaan staan en gebulder dat iemand teen hom moet kom veg, maar niemand het afgekom nie. Toe.. onverwags kom hierdie skraal, jong Israeliet uit, sonder oorlogsmondering en sonder n spies of n swaard. Goliat het gelag en senuweeagtig gegiggel die Israeliete was seker nie ernstig nie! Ek het egter n voorgevoel gehad dat hier iets groots gaan gebeur. Die jong Israeliet het stadig langs die stroom gebuk en ek kon sien hoe tel hy vyf gladde rivierklippe op. Hy het elkeen so keer in sy hand geweeg en dit toe in sy leersak gesit. Hy het een uitgehaal en dit in sy slingervel gesit. Goliat het hom uitgelag en gevra of hy regtig wil kom veg. Die Israeliet het net kalm geantwoord dat hy in die naam van sy God kom veg. Ek het op daardie stadium nie geweet wat hy bedoel nie, maar ek het gou besef wat dit beteken. Ek het gesien hoe die Israeliet begin om iets bokant sy kop in die rondte te swaai. Goliat se hand het na sy swaard beweeg, n aanduiding dat hy met die vyand wil speel en nie gou met n spies doodmaak nie. Die volgende oomblik los die Israeliet een van die twee toutjies wat hy vashou en n klip kom in ons rigting aangevlieg. Ek het al baie spiese deur die lug sien trek tydens gevegte en baie pyle ook, maar hierdie klip was iets besonders. Ek het die klip sien aankom en dit het gelyk of dit my gaan tref en net wegspat. Soos dit nader gekom het, het dit egter gelyk asof die klip in n tonnel beweeg. Die tonnel het reguit gestrek vanaf die slingervel tot teen Goliat se voorkop. Dit het gelyk of n onsigbare hand die klip effens af druk, dan weer effens lig, effens kante toe stuur totdat dit Goliat teen die voorkop tref net onder die goue rand van my beskermde deel op sy kop. Goliat se oë het omgedop en hy het stadig grond toe gesak. Die jong Israeliet het nader gekom en Goliat se swaard opgetel. Ek kon sien hy sukkel, maar die volgende oomblik het Goliat se kop met my nog vas daaraan weggerol van die massiewe lyf af met die staalmondering aan. Indien Goliat nie gedink het hy is onaantasbaar nie en maar nog n keer my kollega met die neusbeskerming gedra het, sou hy moontlik oorleef het. Sy arrogansie het hom egter sy lewe gekos en die Fillistyne die oorlog. Ek het later eers besef dat die onsigbare bestuurder van die klip die Israeliete se magtige God was, wat net die klein Israeliet gebruik het om die klip met sy slingervel te gooi. MANNEBEDIENING deur Lukas Kruger Die oggende begin al kouer word en daar is al n duidelike byt in die lug. By baie huise in die omgewing begin daar al lewe kom met ligte wat aangeskakel word. Dit is n feit dat baie mense om 05:30 op n Vrydag oggend nie baie vining en ywerig uit n warm bed uitspring nie. Dit is egter om 05:15 elke Vrydag oggend dat daar beweging begin kom by die kantoorblok van Mootvallei. Die manne kom een vir een aan en die motors word parkeer. Party motors het buite gestaan deur die nag en die dou en gewasemde vensters is n bewys daarvan. Een van die dae gaan die dou sekerlik geys wees, maar dit gaan nie die byeenkomste kan keer nie. Spoedig word die gebibber vervang deur n hartlike gegroet en handdrukke van die manne. Daar word eers lekker gesels en geskerts soos daar tot 05:30 gewag word voor die verrigtinge begin. Daar word in die kantoorblok in beweeg waar die stoele reeds in n sirkel gepak is en almal n plek kry om te sit. Dan begin die sang! n CD word gespeel en daar word saam met die sanger gesing. Ek is seker as iemand in die straat verby stap sal die begeerte hom beetpak om by die groep aan te sluit en te sing daar word niks terug gehou nie Die Here word geloof! Na so drie of vier liedere word daar voorgelees uit die Bybel en n klompie insigte word gedeel met die res van die groep. Daar word kans gegee om gedagtes te deel oor die gelese gedeelte en dan word daar gesels en gedeel oor die week wat verby is. Daar is n oorheersende gevoel van vertroue in die groep en n mens het die vrymoedigheid om jou hartseer en vreugde te deel sonder vrees dat dit buite versprei gaan word. Nadat daar afgesluit is met gebed word daar met nog n lied ook afgesluit gewoonlik die Onse Vader. Dit is verbasend hoe vining die tyd verby gaan en voor jy weet, is dit tyd om in die kar te klim en die dag se werk aan te pak. Die wete dat jy en jou gesin in gebed gedra word deur n groep manne wie se harte vir die Here klop is voorwaar wonderlik. Manne van Mootvallei kom wees deel van hierdie bediening! Die Beste Dinge Wat Jy Ooit Kan Gee Aan God jou hart, Aan jou maat, jou vertroue, Aan jou vriend, jou lojaliteit, Aan jou kind, jou voorbeeld, Aan jou ouers, jou eer, Aan jouself, jou respek, Aan die wêreld, jou liefde.

6 6 artikels mootvallei nuusblad Bekommernis ingestuur deur Sandra Sutton Ons gesels oor hierdie aaklige ding wat ons bekommernis noem. As ek nou n definisie moet gee vir bekommernis, sou ek sê Dit is dinge wat vir ons voel of dit buite beheer is. Dinge soos bv. finansies, huwelik, werksituasie, gesondheid, kinders, my gesin se toekoms, ons land se toekoms. 2 Kor 11 : Daar was vir my harde werk en swaarkry, dikwels nagte sonder slaap, dikwels honger en dors; en dikwels was ek sonder kos, sonder skuiling of bedekking teen die koue. 28 Behalwe dit alles was daar nog die daaglikse bekommernisse, die besorgdheid oor al die gemeentes. Paulus se bekommernisse. Dit lyk vir my of ons almal maar met hierdie euwel worstel. Party mense hanteer dit egter anders as ander. Bekommernis en stres is egter ook nodig. As ek en jy dit totaal wegdruk, sal ons natuurlik nie oorleef nie. Gesonde stres maak dat ons voorsien vir ons gesinne, ons veiligheid beskerm en werk vir oorlewing. Ek praat nie vandag hiervan nie, ek praat van stres wat ons angstig maak. n Paar feite oor bekommernis:- Minder as 5% van bekommernisse is werklik n probleem. Bekommernis is soms net n slegte gewoonte. Aan die meeste van die dinge, kan ek niks doen nie. Vandag is die dag waaroor jy jou gister so bekommer het. Is vandag regtig so sleg, en gister, verlede maand, verlede jaar. Matt 6 : Daarom sê Ek vir julle: Moet julle nie bekommer oor julle lewe, oor wat julle moet eet of drink nie, of oor julle liggaam, oor wat julle moet aantrek nie. Is die lewe nie belangriker as kos en die liggaam as klere nie? 26 Kyk na die wilde voëls: hulle saai nie en hulle oes nie en hulle maak nie in skure bymekaar nie; julle hemelse Vader sorg vir hulle. Is julle nie baie meer werd as hulle nie? 27 Trouens, wie van julle kan deur hom te bekommer sy lewe met een enkele uur verleng? 28 En wat bekommer julle julle oor klere? Let op hoe groei die veldlelies: hulle swoeg nie en hulle maak nie klere nie. 29 Maar Ek sê vir julle: Selfs Salomo in al sy prag was nie geklee soos een van hulle nie. 30 As God dan die gras van die veld, wat vandag nog daar is en môre verbrand word, so versier, hoeveel te meer sal Hy dan nie vir julle sorg nie, julle kleingelowiges? 31 Julle moet julle dus nie bekommer en vra: Wat moet ons eet of wat moet ons drink of wat moet ons aantrek? nie. 32 Dit is alles dinge waaroor die ongelowiges begaan is. Julle hemelse Vader weet tog dat julle dit alles nodig het. 33 Nee, beywer julle allereers vir die koninkryk van God en vir die wil van God, dan sal Hy julle ook al hierdie dinge gee. 34 Moet julle dus nie oor môre bekommer nie, want môre bring sy eie bekommernis. Elke dag bring genoeg moeilikheid van sy eie. As ek hierdie deel lees, besef ek dat ons bekommernisse dikwels die oorsaak is van ongeloof. Soms kyk ek so na die voëltjies op my grasperk, dan besef ek hoe die Here vir hulle sorg. Ek het nog nie een gesien wat swaarmoedig loop, op n hoop sit of met n lang gesig sit nie. Wat is dan die teenvoeter vir bekommernis? Fil 4 : 7 sê: En die vrede van God, wat alle verstand te bowe gaan, sal oor julle harte en gedagtes die wag hou in Christus Jesus. Die woord vrede kom voor in die woord tevrede! Kom ons doen gou n toets - antwoord eerlik. Is jy tevrede met: Jou werksituasie? Pred 2 : 18 Jou vrou of jou man? Spr 5 : Jou finansies, kinders, jouself, jou toekoms? Dikwels is hierdie kommer en stres net as gevolg van my en jou onvergenoegdheid en ontevredenheid. Wat maak ons met hierdie bekommernisse in ons lewens? n Paar praktiese wenke: Kommer het nog nooit n probleem opgelos nie. Kry al die feite oor die saak - besluit hoeveel kommer dit werd is. Doen wat jy kan van jou kant af om die probleem uit die weg te ruim. Soms is dit goed wat ons op onsself laai - n verkeerde verhouding, bedrog, verslawing, ens. Kyk na die rekord - het ek my nie dalk in die verlede onnodig oor dieselfde snert bekommer nie? Moenie saagsels saag nie - los dinge agter jou. Tel jou seëninge, nie jou probleme nie. Verander n - in n +. Sien dinge as n uitdaging. Sien ander se nood raak en raak daarby betrokke - die Ooste/ Weste-situasie. Kry al die feite bymekaar wat jy kan, begin om jou deel te doen - moenie toelaat dat dit buite beheer groei nie. Verander wat jy kan en aanvaar wat jy nie kan nie. NB: Gee die saak vir die Here - praat met Hom daaroor - praat ook met ander. Moenie bid oor dinge wat jyself moet doen nie! Jesus kom nooi jou uit om alles op Sy skouers te kom neersit. n Praktiese manier om dit te oorwin:- 1. Wat is die probleem? Bedink al die feite oor die saak voorhande. 2. Wat is die oorsaak van die probleem? Verwoord al die detail wat jy het. 3. Wat kan ek nou daaraan doen? Miskien kan ek nie nou alles oplos nie, maar die proses aan die gang sit. 4. Wanneer gaan jy daarmee begin? Maak vandag n commitment om aandag te gee. (Bron: Heuning.co.za)

7 mootvallei nuusblad wat doen ons 7 MOOT CARE KOSPAKKIES n Vrywilligermasjien wat se ratte werk Moot Care deur Anna-Mari en Yvette Bosman... Wie gaan die wasgoed was...?! Nogal n vreemde gedagte, maar n bekende huisvrou sug as iemand n paar minute van Saterdag vra maar moenie worry nie, voor die wasmasjien klaar is, is jy tuis om die wasgoed op die draad te hang Mei 2013 om 10:00, n bewolkte Saterdagoggend knus in winter gewaand, het n klompie Mootinwoners die Moot Care kospakkievoorraad gaan aanvul. Waaroor gaan hierdie hande gee en pakkies uitdeel? Moot Care, is n nie winsgewende organisasie wat staatmaak op vrywilligers en donasies om volhoubaar uit te ryk om n effektiewe verskil te maak in die lewens van behoeftige mense. Dis nie net omsien na vol magie nie maar ook na die gees. Wow, n fabriek van opgewondendheid en lag. Daar is darem niks soos n masjien van vrywilligerkrag! n Tafel vir plak van die stickers op plastieksakkies, en dan is daar die tafel (waar ons was) wat die soyabone, sopmengsel, vitaminepoeier en rys in die geplakte sakkies gooi dan na die weeg tannie, en dan seël en in bokse pak... joe ge-organize is nie n woord nie! Oeps hier loop n ou met n kammera, is my hoedjie reg? So vorder ons tot in die Rekort, mmm gelukkig nie op die agterste blad van die Rapport nie! Saam met die pakkies word ook mieliemeel, suiker, sout en, soos beskikbaar komberse, lyfseep, Vaseline, Vicks, uitgedeel. Die kospakkie maak voorsiening vir sewe ruimporsies wat self voorberei word. Hoe kan jy betrokke raak as die wasgoedbondel bo die huis se dak uitsteek, wel dis maklik: Gebed Finasieële ondersteuning (koepon) Voorsiening van nie bederfbare produkte, klere en komberse Wees n advertensie vir Moot Care nooi iemand, en word self n vrywilliger! Moot Care het ook n koeponstelse waar jy n koepon of meer teen R20.00 kan koop die idee is om die koepon aan die behoeftige persoon wat voor jou hek staan te gee saam met n stukkie brood, om so Moot Care onder die behoeftig se aandag te bring. Die koepon kan dan omgeruil word vir n kospakkie. Waar? Wat? Hoe? Die aksiesie op Dinsdagoggende tussen 7:00 en 8:00 by die Moot Care Sentrum, Ben Swartstraat 688, Rietfontein, is soos volg: Registrasie bring identiteitsdokumente saam Uitdeel van broodjie en koeldrank/sop met aankoms Geestelike bemoediging in 2 tale Uitdeel van kospakkies en ander genoemde items wanneer beskikbaar Waarom betrokke raak, of liewer waarom nie betrokke raak nie! Hoekom anders wees en nie betrokke raak nie, dis cool om te help... kom was jou wasgoed met die vrywillermasjien. Geen skoonmaakmiddel-advertensie kan die lekker gee gevoel beskryf nie dis net die gesindheid wat baie maal n bietjie StaSoft nodig het! Kyk uit en luister wanneer die volgende vrywilligermasjien loop - hoop om julle daar te sien om die masjien se ratte te laat aan hou loop!!!!! Indien julle meer inligting wil bekom of al die vrae nie hierbo beantwoord word nie, besoek gerus Moot Care se webtuiste: Inwoners van Lat Wiel Catherine Lizette de Beer deur Engela Gerber Lizette soos sy bekend staan in Lat Wiel en ook hier by Mootvallei, was n skolier by Alma Skool vir Dowes. In haar matriekjaar, net nadat sy haar matriek eksamen afgelê het, beland sy en haar vriendin in n motor ongeluk. In hierdie ongeluk verloor Lizette die gebruik van haar bene en in n mate haar arms, en word sy n kwadrupleeg. Lizette se ouers versorg haar, maar nadat eers haar pa en toe haar ma tot sterwe kom, word die versorging oorgeneem deur haar broer. Hy het bedags gewerk en dan het sy in die dag alleen tuis gebly totdat hy weer in die middag tuis gekom het. Desember 2010 word sy die oggend wakker en wag dat haar broer haar soos gewoonlik moet kom help opstaan. Nadat sy n geruime tyd gewag en geroep het en niks gebeur nie, het sy vriende in Pretoria geskakel. Met hul aankoms ontdek hul toe dat haar broer beswyk het aan n hartaanval. Hulle het haar saamgebring Pretoria toe en het kom aansoek doen by Lat Wiel vir verblyf. Januarie 2012 trek Lizette by ons in. Omdat dit n noodsituasie was en ons op daardie stadium nie kamers beskikbaar gehad het nie, het ons n pakkamer tydelik vir haar omskep. Gelukkig kon sy later oortrek na n gewone kamer toe. By haar aankoms en met baie ondersteuning het sy begin belangstel in mond skilder. Onder die leiding van sommige inwoners veral op daardie stadium, wyle Gert Olivier het sy begin skilder. Huidiglik ondersteun Tersia Dorfling, n kunsonderwyseres haar en doen sy pragtige werke soos op die foto gesien kan word. Ongelukkig is daar ook koste verbonde daaraan om te kan skilder en verf, soos die verf, kwaste en borde. Lizette ontvang slegs n ongeskiktheidspensioen en is dit vir haar bykans onmoontlik om hierdie nuwe stokperdjie van haar uit te leef! Lizette het as lidmaat ingeskakel by die NG Kerk eers Magaliesfort en nou Mootvallei, en dis dan waar ons haar ook gereeld sien. Behalwe vir n tante in Durban het Lizette geen familie meer nie en het sy baie ondersteuning nodig. Dit is elkeen van ons as Gemeentelede se plig en taak om hierdie mense in rolstoele te ondersteun en ook fisies te help, bv wanner ons teedrink of om sommer net n geselsie aan te knoop. Enige hulp en ondersteuning is baie welkom en word geweldig waardeer. As jy graag by Lizette wil betrokke raak, finansieel of geestelik, kontak asseblief vir Engela Gerber by

8 8 wat doen ons mootvallei nuusblad Boekevat by Silwerkroon Boekevat by Silwerkroon is n geleentheid wat al deur 70 plus inwoners bygewoon word op n weeklikse basis. Donderdae middae reeds vanaf 15:00 raak dit bedrywig by die saal en word daar oor en weer gegroet en geselsies aangeknoop voor die diens om 15:30 begin. Vir menige van die inwoners is dit n welkome geleentheid waar hulle pitkos vir die siel vir die week wat voorlê kan ontvang en ook hartlik saam musiekbegeleiding kan sing uit die Liedereboek en soos die senior lidmate dit sal ken, die koortjies uit die Halleluja boek. Aangesien die sang ook n deel uitmaak van dié byeenkoms is dit grootliks die rede vir ons behoefte aan grootdruk en standaarddruk liedereboeke. Liedboeke kan by die kerkkantoor of by Leonore ( ) ingehandig word. Enige skenking sal baie welkom wees Daar is baie dankbaarheid teenoor die Leraars en die musiekbediening want sommige van die inwoners kan nie gereeld by kerkdienste uitkom nie. Dit is ook n geleentheid waar inwoners van mekaar se verjaarsdae bewus word en kennis neem van almal se lief en leed. Die Pinkster byeenkomste was baie geseënd en Donderdag 16 Mei 2013 het die Aksie Afgetredenes van ons gemeente die diens daar bygewoon. Dit is afgesluit met heerlike sop en toebroodjies. Ons vra ook dat die gemeente se voorbidding vir hierdie belangrike bediening in ons gemeente en die welstand van hierdie groep wonderlike mense. Alle dank aan die Here wat vir ons hierdie geleenthede om die Woord te ontvang, moontlik maak. Aktiwiteitsbediening deur Leon Koen Die eerste helfte van 2013 was propvol geleenthede wat vir die gemeente aangebied is. Ons eerste groot geleentheid van die jaar was n uiters suksesvolle Valentynspiekniek op 16 Februarie. Twee bekende gaskunstenaars, Jacques Botes en Ruan du Plessis, het die gaste vermaak met alles van Koos du Plessis tot Elvis. Ons het ook as gemeente lekker saam met Ds Cassie Carstens gesing op 28 April en n heerlike tuisgemaakte Herfsete geniet. Dit is opgevolg met n pannekoek verkoping op Sondag 5 Mei net na die erediens. Daar was ongelukkig ook tye waar dit nie so goed gegaan het nie, soos byvoorbeeld die Hamburger verkoping in Maart wat nie goed ondersteun was nie. Alles in ag genome wil die Aktiwiteitsbediening die gemeente bedank vir hulle ondersteuning met die geleenthede wat aangebied is. Die lede van die bediening is baie positief en het baie idees. Dit is vir ons lekker om geleenthede te skep waarvan die hele gemeente deel kan wees, en, sodoende mekaar ook op n ander vlak beter te kan leer ken. Die bediening bestaan ook verder uit n hele paar man en vrou kombinasies soos; Magda en Gerrit, Marisa en Willie, Willem en Linda, John en Hannetjie, Leon en Junus. In die volgende uitgawes praat ons verder oor hulle en ander lede van die bediening. Onthou dat al die aktiwiteite wat aangebied word bedoel is vir ALMAL in die gemeente, om te geniet en om mekaar beter te leer ken. Geniet die res van die jaar se aktiwiteite saam. Mootvallei groete. Diakonie-span deur Henderik Jansen van Vuuren Na bedanking van Leier Diaken, Sr. Hester Lourens, is nuwe Diakonie leiers gekies op n Diakonie vergadering gehou op 15 April 2013: Leier Diaken : Hendrik Jansen van Vuuren Onder leier Diakens : Gerrit Lotz : Johan van Biljon Sekretaresse : Marisa Kruger. Hiermee doen die Diakonie n beroep op u as gemeentelede, soos versoek in die vorige Mootvallei Nuusblad, om u rekening nommer wat aan u toegeken is te gebruik met alle elektroniese oorbetalings/ debietorders/aftrekorders. Hierdie werkwyse sal dit vir die ouditeure baie vergemaklik om die nodige toekennings van inbetalings aan die betrokke wyke te allokeer. Indien u, u maandelikse bydrae op Sondae in die kollektebordjie wil plaas, plaas die geld asseblief in n koevert met u rekening nommer daarop aangedui. Indien u die geld net so in die kollektebord plaas, word daardie geld as kerk kollekte getel en nie as wyksbydrae nie. Ons wil graag statistiek hou van hoe u as gemeente in u wyke u bydraes lewer. U samewerking in dié verband sal op prys gestel word. Donderdagaand, 9 Mei, het Ds. Joggie met die Hemelvaartdiens vir ons Ps. 139 voorgehou en almal daarop attend gemaak dat God jou uniek gemaak het. Hy het dit ook op die hart gedruk dat Jesus voor sy Hemelvaart opdrag gegee het dat die Koninkryk van God uitgebou moet word. Vir hierdie doel in ons gemeente het ons n groot behoefte aan Diakens en Ouderlinge om dié taak te volbring. Hiermee versoek ek dan enigiemand wat bereid is om te help met pligte van Diaken, u aan te meld by óf die inligtings tafel Sondae na die diens óf die Leier Diaken te kontak. Jesus het dit ook baie duidelik gemaak in een van die gelykenisse dat die oes groot is, maar die arbeiders min. Liewe gemeente lid, kom help ons om van hierdie gemeente n groot suskses te maak en sodoende te wys waartoe ons as lede van Christus in staat is. U samewerking sal baie waardeer word. Groete in Jesus. Gebedsbediening deur Sandra Sutton Is jy bewus dat daar n Gebedsbediening in ons kerk bestaan? Hierdie bediening doen voorbidding op n Donderdagaand om 18:30 in die Konsistorie. Daar word gebid vir almal in ons kerk wat betrokke is by bedieninge en wat groot verantwoordelikhede het om alles in Mootvallei vlot te laat verloop. Die siek lidmate op die gebedslys word opgedra aan ons groot Geneesheer. Ons gebede gaan op hierdie stadium uit aan Lat Wiel wat onder baie moeilike omstandighede gebuk gaan, maar daar word ook gefokus op persoonlike gebedsversoeke wat dit ookal mag wees. Jy is baie welkom om by ons aan te sluit en n vrugbare halfuur per week in die teenwoordigheid van ons Hemelse Vader te verkeer. Onthou, die krag van n gelowige se gebede moet nooit onderskat word nie. Verder verseker Ek julle: As twee van julle op aarde oor enige saak saamstem en daaroor bid, sal my Vader wat in die hemel is, hulle dit laat kry. Want waar twee of drie in my Naam saam is, daar is Ek by hulle - Matteus 18: 19, 20.

9 mootvallei nuusblad wat doen ons / spesiaal 9 Senior lidmate bediening deur Monica Craig Daar is vier bene van die bediening, die Bybelstudie Groep, die Aksie Afgetredenes, Boekevat by Silwerkroon en die Versorging van Bejaardes. AKSIE AFGETREDENES Op 15 Mei het n rekord getal van 40 op-en-wakker afgetredenes saam opgetrek na die Fonteine. Die stoele is in n laer getrek en daar het hulle weer hul jonkheid herroep en vergeet dat die rypheid van die jare hul deel is. Ou volkspele liedjies is gesing onder die stinkhoutbome wat al hulle herfs kleure dra. Grappies en stories, so ver terug as die leiwatervore, is vertel. Tannie Sarie betaal nou nog eenmaal n jaar haar R24.00 vir die water servetiet! Die mans, het met behulp van die mooiste perskeboomstompies, n groot vuur gemaak. Daar het hulle gekuier en vir ons die heerlikste hamburgerpatties gebraai. Elkeen het toe sy eie burger gebou en saam is daar middagete geniet met n lekker koppie tee of koffie. Diep binne elke mens sal die heimwee na ons kleintyd ons altyd jonk hou en sal God by ons wees tot in ons wintertyd. Die Aksie Afgetredenes nooi almal om eenmaal n maand lekker te kom saam kuier. Die volgende afspraak sal in die afkondigings, wat by die deure beskikbaar is, aangekondig word. Moet dit nie misloop nie! Sien julle daar. BYBELSTUDIE Dis Donderdag! Die dag wanneer die possak afgelewer word en ons weer kan uitsien na n brief van Paulus. Om die tafel raak dit stil en buite val die herfs blare, n stille teken dat ons ook maar nietig is en soms ook winter dae beleef. Maar ons word hier gekoester deur Jesus se liefde en ook mekaar se omgee. Saam sing ons tot eer van die Here sonder om vervolg te word. Die kosbare Brief word oopgeslaan en ons kry kans om daarin te delf. Hoor ons dat ons Christus moet liefhê bo alles en vir mekaar daar wees. Elke letter van die woord Bybelstudie bring vir ons iets om oor na te dink. Bybelstudie is die BRON van lewe. Dit vra dat ons met YWER elke dag BIDDEND moet begin. Die EVANGELIE van LIEFDE na n gebroke wêreld sal uit dra. Aan God se SEUN ons TYD sal gee om stil saam met Hom te wees. Dat ons sal vas staan in die geloof wanneer UITDAGINGS op ons pad kom. DANKBAAR sal wees vir God se genade van verlossing. Bewus sal wees van Sy onsigbare krag in ons lewens wat ons INSPIREER om te volhard en tot EER van God te lewe. Kom, delf saam in die Bron van Lewe. Ons Kinders - God Se Grootste Geskenk Dawid & Esme Hopley Mei is Moedersdag en Junie Vadersdag. Hierdie maand is dit vir ons familie Kinderdag. Op 23 Januarie 2013 verander ons lewens dramaties. Hierdie is die begin van n nuwe fase in ons lewe. Een van saam huil, saam voor God se Voete lê, saam dankbaar wees oor elke vordering, saam God prys vir elke wonderwerk in Louis se lewe. Maar die heel beste hiervan, die voorreg om wonderlike kinders te hê wat, sonder om iets terug te verwag, aanhou opoffer, bymekaar staan, mekaar dra, mekaar optel, moed inpraat, saam lag en saam huil, saam glo dat ons God gebede verhoor en wonderwerke doen. Behalwe God is Melanie ons almal se inspirasie, elke dag vir 5 weke sit jy in die gang by ICU, glo jy ten spyte van verdoemende nuus van dokters dat God vir Louis ten volle gaan genees, en is jy Mamma vir 3 verwarde kindertjies wat nie verstaan wat aangaan nie omdat hulle nie vir Pappa kan sien nie. Jy kla nooit, moed opgee bestaan nie in jou woordeskat nie, so ook nie twyfel of n lang gesig nie. Ek weet God is trots op jou, jy bewys met jou onwrikbare geloof in ons Vader dat Hy elke dag steeds wonderwerke doen. Ons is so trots op jou jy maak ons soms skaam, wanneer ons twyfel - glo en vertrou jy, praat jy ons moed in. Yolandi, jy staan deur dik en dun by jou ousus, saam bid julle, huil julle en glo onwrikbaar in God se Genade, soek julle antwoorde in die Bybel. Sit jy saam met haar in ICU se gang, praat jy moed in en is jy net daar vir haar. Jy pas Kids op, gee kos, bad hulle, kyk dat huiswerk gedoen word en nog vele meer - te veel om op te noem! Smiddae na skool en joue eie propvol program help jy Louis om weer te kan skryf, raak jy nie ongeduldig nie, hou jy net aan probeer tot hy dit kan regkry. Ons is trots op jou en Melanie is bevoorreg om so kleinsus te kan hê wat altyd daar is, nooit te moeg of te besig is om jou by te staan nie. Stefan, jy gee jou blyplek op, trek by Melanie in die huis in om haar te help. Leer jy wat pa wees beteken, offer jy jou jongmens lewe op deur saans met besoektyd kinders op te pas, dra jy jou sus as sy swaarkry. Help jy vir Louis, met dit wat hy nog nie kan bemeester nie. Bou vir hom n vloer vir sy gym waar hy kan oefen om die six pack terug te kry en sy kragte te herwin. Help die kids met huiswerk, sonder jou sou sy nie kon cope nie. Dankie seun vir dit wat jy vir Melanie, Louis en die kids doen en beteken. Jy is n wonderlike kleinboet. Eugene dankie vir jou opoffering en bystand wat jy ook gegee het om van die hartseer storie n wen storie te maak. Laaste maar nie die minste nie jy Louis vir wie God nog n kans gegee het, jou lewensmotto wat geword het: God is amazing. Dankie vir jou voorbeeld van n vegter wees van aanhou en dankbaarheid. Jy is ons yster en ons lief jou baie. Heel laaste: Dankie Abba Vader vir U ongelooflike wonderwerk in ons kinders lewe. U is ons Krag en ons Wegwyser, sonder U is ons niks. Amen.

10 10 wat doen ons mootvallei nuusblad Pinkster 2013 Wat n ongelooflike geseënde Pinkster deur Ds Nico van Wyk die groot gees agter EEIII. Hy kom leer vir ons die HAND-aanbieding van die Evangelie. Hier volg n kort uittreksel: Een van die hoofredes waarom gelowiges nie die Evangelie met ander wil deel nie, is omdat hulle nie n bruikbare, effektiewe hulpmiddel tot hulle beskikking het nie. Die hulpmiddel wat ons hier aanbied is maklik om te leer, lekker om te deel en byna onmoontlik om te vergeet! Die beste is egter dat jy dit altyd by jou het. Duim: GENADE - Die ewige lewe is n gratis geskenk: Rom 6:23. Dit word nie verdien of verwerf nie: Eff 2:8-9 Wysvinger: MENS - Die mens is n sondaar : Rom 3:23. Hy kan homself nie red nie : Matt 5:48 Middelvinger: GOD - God is genadig en wil ons nie straf nie : 1Joh 4:8b. God is regverdig en daarom moet hy ons sonde straf : Hand 17:31. Ringvinger: CHRISTUS - Wie is Jesus? Christus is beide God en mens: Joh 1:1,14. Wat het Jesus vir ons kom doen? Jes 53:6 Hy het gesterf aan die kruis Hy het die straf betaal vir ons sonde Hy het opgestaan uit die dood Hy gee as geskenk vir ons die ewige lewe Pinkie: GELOOF - Geloof is meer as slegs verstandskennis of instemming met sekere historiese feite. Geloof is meer as tydelik van aard maw om God te vertrou vir die verbygaande behoeftes en probleme in jou lewe. Geloof IS om op Jesus Christus alleen te vertrou vir die ewige lewe: Hand 16:31 GENADE MENS GOD CHRISTUS GELOOF Batebediening deur Lukas Kruger Mootie sê: EEN positiewe punt van die duiwel hy is glad nie lui nie! Naas die verkondiging van die evangelie en versorging van die gemeente is die bates sekerlik die belangrikste deel van enige gemeente. Die bates sluit in die kerkgebou en alle vaste eiendom op die kerkterrein. Dit eindig egter nie by die vaste eiendom nie en dit sluit ook die roerende bates in. Ten einde al hierdie eiendom te bestuur en seker te maak dat daar reg met dit gehandel word, is nie n eenvoudige taak nie. Mootvallei is in die bevoorregte posisie om die vaardigheid, kennis en bereidwilligheid van besonderse mense te hê om hierdie groot bediening te hanteer. Die komitee bestaan tans uit ses lede onder die voorsitterskap van Hennie Fourie. Dit is n geweldige groot taak om die eiendom van drie gemeentes te bestuur wat saamgevoeg is. Onder Hennie se leiding het daar egter gedurende die laaste twee jaar groot dinge gebeur en is die hantering van die bates werklik n bediening. Hierdie bediening het die geweldige groot taak om die besluite te neem rondom die hantering van die vaste bates wat aan drie gemeentes behoort het voor die vorming van Mootvallei. Onder hul leiding en toesig is die kerkgebou waar die eredienste plaasvind reeds baie mooi geverf en is onderhoud gedoen. Die onderhandeling en suksesvolle verkoop van die Eloffsdal kerkgebou is ook afgehandel. Hulle moet besluit oor die onderhoud, opgradering en byvoegings op die kerkterrein wat deur Mootvallei as plek van aanbidding gebruik word en tesame met dit, moet hulle die voorstelle en kritiek ook op n gepaste wyse hanteer en in ag neem. Uit n menslike oogpunt is dit n geweldige groot en bykans onmoontlike taak wat grootliks agter die skerms gedoen word. Baie selde word die mense wat betrokke is by die bediening erken en bedank, maar word alle veranderinge bloot aanvaar as iets wat gedoen moes word. Dit is beslis besonderse mense wat bereid is om te dien deur die bates van die gemeente te bestuur.

11 mootvallei nuusblad in die nuus 11 In Die Nuus saam met Prof Hennie Stander Klein Bietjies maak n Verskil: Prof Hennie Stander: Ek lees dat in Gauteng alleen het 480 miljoen kilo-liter water in die vorige finansiële jaar verlore gegaan vanweë lekkende krane. Dit is genoeg om Olimpiese grootte swembaddens vol te maak. Ek staan altyd verbaas om te sien hoe gou n klomp klein druppeltjies n groot hoeveelheid kan word. Ek het juis verlede week ons warmwater geiser se klep laat regmaak. Dit het gelek en ons het n emmer onder die lekkende pyp gesit. Maar gou-gou was die emmer vol water. Ek het elke keer verbaas gestaan om te sien hoe gou die emmer vol geword het terwyl slegs druppels in die emmer geval het. Ja, n klomp klein bietjies maak later n groot hoeveelheid. Dit werk negatief en positief: Klein afbrekende woorde kan later jou lewensmaat se gees demp. Elke negatiewe insidentjie kan later n groot impak maak. Natuurlik is die teenoorgestelde ook waar. Positiewe woorde hier en daar, en dan en wan, is alles beleggings in n verhouding. En dit kan groot beleggings word. Wanneer jy iemand in nood finansieel help, voel dit dalk vir jou of jy maar net jou geld in n bodemlose put gooi, maar as n klomp mense dit doen, dan maak dit op die ou einde n groot verskil. Moet nooit daardie bietjies-bietjies vergeet nie. As jy dit alles bymekaar sit, kan dit n reuse verskil maak! Daar het toe n arm weduwee gekom en twee muntstukkies ingegooi. Dit was baie min werd. Hy het sy dissipels nader geroep en vir hulle gesê: Dit verseker Ek julle: Hierdie arm weduwee het meer ingegooi as al die ander mense wat iets in die offergawekis gegooi het (Mk 12:42-43). Is ons nie dalk ook onder n verkeerde indruk nie?! Die Sunday Tribune berig dat mense wat in plakkerskampe rondom Durban woon, geen kans het om n RDP-huis te kry nie. Hulle dink dat hulle naam op n waglys is vir RDP-huise, maar intussen bestaan daar nie eens so n lys nie! n Mens kan net dink wat die gevolge gaan wees as die plakkers agterkom dat hulle hoop vals is en dat daar vir hulle gelieg is. Maar ethekwini se burgemeester, James Nxumalo, sê dat daar in elk geval nooit eens so n lys was nie die DA sê weer dat dit n leuen is. Christus beloof ook vir ons dat daar in die huis van Sy Vader baie woonplek is. En dan sê Hy: As dit nie so was nie, sou Ek nie vir julle gesê het Ek gaan om vir julle plek gereed te maak nie. En ons naam is ook in die hemel op n lys opgeskryf (Luk 10:20). Maar hoe weet ons dat ons nie ook bedrieg word soos wat die plakkers in Durban bedrieg word nie? Ons weet dit is waar dat Jesus vir ons plek gaan voorberei in die hemel omrede Hy ook vir ons beloof het dat Hy die Heilige Gees vir ons sou stuur. Efes1:14 sê dat omdat Jesus toe wel vir ons die Heilige Gees gestuur het, kan ons weet dat ook al sy ander beloftes waar is. Daar wag inderdaad vir ons n woonplek in die Vaderhuis. Pinkstertyd is op hande. Dan dink ons weer terug aan die tyd toe die heilige Gees met groot krag uitgestort is. Die Heilige Gees herinner ons weer opnuut daaraan dat God sy beloftes waar maak. Waterkloof-Lughawe: Die nuus dat die Gupta-familie toegelaat is om in n vliegtuig op Waterkloof-lughawe te land, en dat die passasiers daarna onder polisie-begeleiding na Sun City geneem is, is tans voorbladnuus op elke koerant. In verskeie koerante is daar ook allerhande artikels wat vertel oor die bande wat daar glo tussen die Gupta-familie en die ANC bestaan, en allerhande bewerings word gemaak van die houvas wat die Gupta-familie op die ANC het, selfs op baie senior persone in die ANC. Ek gaan nou nie bespiegel oor hoe groot hierdie invloed is nie, en of dit waar is nie, maar ek wil wel bietjie gesels oor hoe maklik dit kan gebeur dat iemand deur iemand anders beheer of gebruik kan word. Dit gebeur dikwels dat n meisie in n man se greep beland en dan doen sy alles wat hy van haar verwag. Die omgekeerde is net so waar. Of n ryk omie in die gemeente dink dat hy die hele kerkraad kan beheer soos hy wil net omdat hy geld het. Of n belangrike pa oefen druk uit op die afrigter van die skolespan om sy seun vir die eerstespan rugby te laat speel. Ek onthou nog so goed asof dit gister gebeur het hoe dikwels ministers destyds weermag-offisiere gedwing het om hul seun wat diensplig moes doen, tog in n veilige pos te plaas sodat hy nie grensdiens hoef te verrig nie. Ook Judas was op n stadium in die wurggreep van die priesterhoofde. Ons lees in Matteus 27:3-4 Toe Judas, die verraaier, sien dat Jesus tot die dood veroordeel is, het hy spyt gekry. Hy het die dertig silwermuntstukke teruggebring na die priesterhoofde en die familiehoofde toe en vir hulle gesê: Ek het gesondig. Ek het n onskuldige man verraai. Maar hulle antwoord: Wat het ons daarmee te doen? Dit is jou saak! Moet nooit toelaat dat iemand anders jou gebruik nie. Goeie werke Volgens die koerante het die nuwe pous, Pous Francis, glo gesê dat ateïste wat goeie werke doen, gered sal word. Dit is nie net Katolieke wat gered sal word nie. Hy het met Woensdag se mis (= nagmaal) reeds die belangrikheid daarvan beklemtoon om goed te doen. Hy het toe gesê dat goeie dade alle mense verenig en dat dit vrede ondersteun. Vandag het hy verder gegaan en bygevoeg dat alle mense deur Christus gered word, insluitende ateïste. Hy het toe onder andere ook na die Evangelie van Markus verwys en hoe verbaas Jesus se dissipels was toe hulle gehoor het dat mense buite Jesus se groep ook goed kan doen. n Hele paar ander teoloë was nogal opgewonde oor hierdie uitspraak van die pous. Hulle voeg by dat dit hoog tyd is dat ons nie God in ons klein kategorieë sal probeer indruk nie. Ek moet sê, ek het die artikel oor die pous se preek gelees, maar ek tel talle teenstrydighede daarin op. Aan die een kant sê die pous dat alle mense gered word, maar dan lees ek weer dat alle mense wat goed doen, gered word. Dus is die veronderstelling dat sekere mense uitgesluit word omrede hulle nie goed gedoen het nie. Daar is darem soveel argumente wat n mens kan gebruik om so n teologie in die stof te laat byt. Eerstens, as werke ons red, waarom was dit dan nodig vir Jesus om te sterf? Dan was Jesus se lyding mos onnodig. Natuurlik het Christus vir almal gesterf, maar dan moet ons ons immers beroep op Jesus se offer. Dit help nie Jesus betaal met sy lewe vir ons sondes en dan gaan ons bloot voort om Jesus se sterwe te minag nie. Dan het Jesus se dood geen betekenis vir ons nie. Buitendien, daar is talle gedeeltes in die Bybel wat duidelik wys dat die veronderstelling is dat nie almal gered word nie. Neem byvoorbeeld Mt 10:22 wat sê: Maar wie tot die einde toe volhard, sal gered word. Hierdie uitspraak veronderstel mos dat daar ook mense is wat nie gered gaan word nie omdat hulle nie in die geloof volhard het nie.. Dalk moet n mens net weer daardie bekende Joh 3:16 lees wat sê: God het die wêreld so lief gehad dat Hy sy enigste Seun gegee het, sodat dié wat in Hom glo, nie verlore sal gaan nie maar die ewige lewe sal hê. Ja, dié wat glo, word gered!

12 12 in die nuus mootvallei nuusblad In Die Nuus saam met Prof Hennie Stander Die Kerk en E-tolstelsel Die Rooms-Katolieke Kerk het mense gevra om nie saam te werk met die e-tolstelsel nie. n Mens kan nie help om dadelik te vra of die Rooms-Katolieke Kerk nie nou besig is om mense op te roep tot burgerlike ongehoorsaamheid nie. En is dit nie in direkte stryd met byvoorbeeld Romeine 13:1-2 waar Paulus sê: Elke mens moet hom onderwerp aan die owerhede wat oor hom gestel is. Daar is immers geen gesag wat nie van God kom nie, en die owerhede wat daar is, is daar deur die beskikking van God. Wie hom teen gesag verset, kom dus in opstand teen die ordening van God; en wie in opstand kom, sal sy verdiende straf kry. Tog het ek waardering vir die Rooms Katolieke Kerk se oproep rakende die e-tolstelsel. Ek sê dit nie omdat hulle uitspraak my kan bevoordeel nie. Ek sê dit omdat dit wys dat die Kerk immers betrokke is in die lewens van gewone mense op die straat. Hulle uitspraak wys dat hulle verstaan dat hulle lidmate en dat burgers van die land tans sukkel om kop bo water te hou. Die Kerk moet hom nie net besig hou met kerklike sake nie. Die Kerk moet juis wees daar waar die tyre die teer strike, soos wyle Louis Malherbe destyds gesê het. Mense wil sien dat die Kerk (en ek praat nou nie net van die Rooms Katolieke Kerk nie) weet wat in hulle lewens aangaan en dat die Kerk vir hulle omgee. Maar die Kerk kan ook baie meer doen as om net vir die mense te sê dat hulle nie die e-tolstelsel moet aanvaar nie. Hulle kan self ook gerus die saak met die regering opneem. Kortom, as die Kerk relevant wil wees, dan moet die Kerk in mense se daaglikse lewens betrokke raak. Onafgelewerde pos Die posman op die eiland Sardinië is nou betrap met sowat 400kg posstukke wat hy in sy huis opgegaar het. Hy het dikwels laatnag fuifsessies gehad, en dan was hy te lui om die pos in die oggend te gaan aflewer. Sommige van die posstukke wat in sy huis gevind is, was vier jaar oud. Hy kan nou van posdiefstal aangekla word, wat beteken dat hy tot drie jaar tronkstraf kan kry. Toe ek hierdie berig lees van n posman wat nie sy briewe afgelewer het nie, het ek gedink dat dit eintlik n baie goeie metafoor is van sommige Christene se optrede. Jesus het mos vir sy dissipels (en by implikasie dus ook vir ons) n boodskap gegee om af te lewer. Jesus sê byvoorbeeld in Mt 28:19-20: Gaan dan na al die nasies toe en maak die mense my dissipels: doop hulle in die Naam van die Vader en die Seun en die Heilige Gees, en leer hulle om alles te onderhou wat Ek julle beveel het. Wat maak ons met hierdie boodskap? Lewer ons hierdie boodskap af by mense, of gaar ons dit ook op? Hoeveel keer het ek en jy al hierdie boodskap afgelewer? Is ons nie maar nes hierdie posman wat nalaat om die pos by mense af te lewer nie? Ydelheid vs egtheid Die Rapport het vandag n ontstellende berig op die voorblad: Blykbaar is daar n Europese maatskappy wat aan vrot munisipaliteite in Suid- Afrika briewe skryf dat hulle allerhande toekennings kry vir hul voortreflike diens. Die toekennings het die grêndste name. Die munisipaliteit moet dan derduisende rande betaal as een of ander registrasiefooi. En dan moet hulle nog derduisende rande betaal om die prys in Europa te gaan afhaal. Op die ou einde kos dit die munisipaliteit (en die belastingbetalers!) honderde duisende rande om die eerbewys te gaan afhaal. En eintlik is dit geen eerbewys nie, want n eerbewys wat jy moet koop is net soveel werd as n graad wat jy koop. Hoe kry enigiemand homself oortuig dat hy n toekenning verdien as hy voor sy siel weet dat hy dit nie eens naastenby verdien nie? Is dit blatante oneerlikheid, of is dit bloot ydelheid en dat jy regtig bereid is om voor te gee wat jy nie is nie? Die wêreld het tans n geweldige behoefte aan egtheid. Moenie maak of jy iemand is wat jy nie is nie. Onthou mense kan dwarsdeur valsheid sien. Moenie met n masker op jou gesig leef en ander mense probeer bluf nie! Openb 2:23 sê: Dan sal al die gemeentes weet dat dit Ek is, die Een wat die gedagtes en begeertes van die mens deurgrond. Vir God kan ons niks wegsteek nie. Deurdink jou optrede! Drie toergidse van Singita, n privaat natuurreservaat langs die Krugerwildtuin, is afgedank. Een van hierdie toergidse het n olifantbul getart terwyl die ander twee toergidse hom blykbaar aangemoedig het om dit te doen. Iemand het dit afgeneem en die video op YouTube gesit. Een van hierdie gidse sê nou dat hy jammer is oor sy onverantwoordelike en onetiese optrede. Maar dit is te laat, en hy is nou sy werk kwyt. As n mens net dit kan leer om elke oomblik jou optrede rasioneel te kan evalueer. Vra jouself voortdurend af of dit wat jy nou sê of doen, nie dalk iets is waaroor jy later spyt sal wees nie. Deurdink die moontlike gevolge van jou optrede. Dit klink vanselfsprekend dat n mens nooit behoort op te tree sonder om deeglik daaroor te besin nie. Tog gebeur dit so dikwels dat n mens iets doen of sê waaroor jy later baie spyt is. Jy stuur dalk n epos weg wat jou later berou. Of jy sê iets en later wil jy jou tong afbyt omdat jy dit gesê het. Ek het al in die aand laat n epos geskryf en dan kan ek niks fout sien daarmee nie. Die volgende oggend as ek weer daarna kyk, is ek spyt oor die bewoording van sekere sinne. Dan weet ek net weer dat n mens jou eie optrede en woorde baie beter moet weeg. Dit sal jou later n klomp hartseer spaar. Moet vir geen oomblik dink dat jou etiek so deeglik ingegrawe is dat jy onnadenkend die regte ding sal doen nie. Ons default optrede is nie altyd ons beste optrede nie. Gaan vra maar hierdie drie toergidse van Singita. Jakobus waarsku ons nie verniet wanneer hy sê nie: Alles wat loop, vlieg, kruip of swem, elke soort dier word en is al deur die mens getem, maar geen mens kan die tong tem nie. Dit is n rustelose kwaad, vol dodelike gif ( Jak 3:7-8). Deurdink dus altyd jou woorde en jou optrede! Ek en jy hoef nie verpletter te wees oor ons gebreke nie. Ons hoef nie onsself te verag daaroor nie. Jesus dra die skuld van ons sonde sodat ek en jy nou volkome perfek en volmaak, soos n porseleinpop, letterlik foutloos voor God kan staan selfs meer foutloos as wat Bieber se aanhanger dink dat hy is! Ek is vry! Drie vroue is tien jaar lank as seksslawe in n kelder in Cleveland aangehou. Hulle is gister bevry. Toe die eerste vrou uit die huis kom, het sy uitgeroep: Help my, ek is Amanda Berry... Ek is ontvoer en was tien jaar vermis. En ek is hier, ek is vry. Hierdie storie is tans op elke koerant se voorblad, en op elke nuusuitsending op TV. Daardie woorde ek is vry het my aangegryp. Dit moet n ongelooflike gevoel wees om regtig vry te wees. Ek dink dat net iemand wat waarlik n gevangene was, sal reg verstaan wat dit beteken om vry te wees. Ek onthou nog goed hoe ek gevoel het toe ek die heel laaste dag militêre diens gedoen het, en ek daarna huis toe kon gaan. Daardie gevoel van vryheid was onbeskryflik. Paulus sê: Maar nou julle is vrygemaak van die sonde en in diens van God gestel en die vrug daarvan is dat julle geheilig word, en die uiteinde is die ewige lewe (Rom. 6:22). Het jy al regtig jou probeer indink wat dit beteken dat ek en jy vrygemaak is van sonde? Dit beteken dat sonde ons nie meer met kettings bind nie, en dat ons nou as vrygemaakte mense voor God se troon kan staan. Dit is n wonderlike gawe om vry te kan wees. Ons kan saam met Amanda Berry uitroep: En ek is hier, ek is vry!

13 mootvallei nuusblad in die nuus/ pitkos 13 SA: VISUELE BYBEL VIR GEHOORGESTREMDES: Uit die JUIG Mei Verhale van die Bybel gaan in gebaretaal vertaal word In samewerking met Hands With Words bediening het die South African Sign Language Bible Translation Project begin. Gebaseer in St.James Kerk in Kenilworth. Die projek, wat ongeveer vyf jaar lank sal duur, beoog om dowe persone ten minste 110 verhale van die Bybel in Suid-Afrikaanse gebaretaal te laat vertaal. Daar is ongeveer gehoorgestremdes in Suid-Afrika. Die visuele Bybel, in DVD-formaat, sal soos geen ander Bybel in Suid-Akrika wees nie. Vir meer inligting oor hierdie projek, besoek: PRETORIA SKOOLHOOF VERCHRISTELIK SKOOLLEUSE: Uit die JUIG Mei 2013 Die skoolhoof van Laerskool Wonderboom-Suid, Rina Pretorius, het die skoolleuse van Geanker in eie bodem na Geanker in God verander. Sys ê dat die skool n impake in Pretoria wil maak. Alles en almal vir Jesus. Hierdie skool het onlangs n Loffees gehou met Onbeskaam en Louis Brittz wat onder andere daar was. Ek droom van n skool wat n verskil maak. Ons durf nie tot môre uitstel wat ons vandag moet doen nie. Alles en almal vir Jesus. KROEG IS DOMINEE SE GEMEENTE: Uit die JUIG Mei 2013 Gerard Vrooland, van Sliedrecht in die suide van Holland, was tot en met die somer van 2009 n dominee in n gewone kerk. Voor daardie somer het hy n verhouding met allerlei mense in n kroeg opgebou. Daar het hy ontdek dat die mense wel in Jesus belangstel, maar dit moeilik vind om na n kerk toe te gaan. Toe verander hy aales. God het hom laat insien da thy die dominee van hierdie mense moes word. Hy word toe straatpastoor. So ontstaan KopS (Kerk op Straat). Oor die onstaan van die kerk het hy die boek, De Kroeg als Gods akker geskryf, wat handel oor sy werk in die kroeg as God se oesland. Ds Hans Eschbach, oud-direkteur van Evangelisch Werkverband sê: Ek het groot bewondering vir Gerard wat die veiligheid van die lewe as n dominee in n gevestigde kerk verruil het vir die onsekere bestaan van n straatpastoor in die kroeg. Die Kerk het n groot behoefte aan moedige mense wat in gehoorsaamheid aan God se roeping, op avonture durf gaan en nuwe arbeidsgronde ontgin. Die boek beskryf nuwe maniere waarop die kerk nuwe mense kan bereik met die eeue oue boodskap van die Evangelie van Jesus Christus. BLINDES IN UGANDA KAN NOU DIE BYBEL LEES: Uit die JUIG Mei 2013 Danksy die Bybelgenootskap van Uganda, kan blindes vir die eerste keer die Bybel in sy geheel lees. Alhoewel gedeeltes van die Skrif beskikbaar was, was daar nooit tevore n volledige vertaling an die Bybel in braille nie. Blindes kan nou met hulle vingers oor die tradisionele opgehewe drukwerk van Genesis tot Openbaring tas. Ek was altyd afhanklik van my vriende wat kan sien, en moes aandagtig luister en interpreter wat hulle lees. Dit is nou iets van die verlede, want ek kan die leeswerk nou self voel, sê Eser Kyozira. Omdat Braille so groot is, word die Bybel in verskeie volumes uitgegee. GEBOORTE VAN M-O-O-T-I-E deur Hester Lourens My hartjie was só opreg bly Toe ek jou op Sondag 5 Mei 2013 kry n tyd lank het ons jou al verwag En toe word jy gebore, in volle prag!! Liewe, mooie, MOOTIE, Jy is nog nie grootie, Jou eerste tree het jy gegee, Alles van MOOTVALLEI, deel jy mee. Opgewonde neem ek jou huistoe Wil lees wat daarin staan, en toe, Groot was my verbasing oor elke artikel, berig en plasing. Mag die lidmate van MOOTVALLEI Hul deel doen, en jou, MOOTIE, help grootkry Deur berigte, fotos, artikels en ervarings Te deel vir almal om te koester en vir bewaring. Maar bo alles moet ons weet, Dat GOD, wat Almagtige heet Deur jou ge-eer en verheerlik moet word Sodat HY SY SEëN oor MOOTVALLEI sal uitstort. LANK LEWE MOOTIE!!! LIEWE VROU Ingestuur Sandra Sutton Jeremia 29:11, Ek ken die plan wat Ek vir jou het, verklaar die Here. Moet nooit die duiwel n kans gee nie, want hy wil altyd alles oorvat. Liewe vrou van God, wees vir n oomblik stil en prys God vir Sy Goedheid en Sy liefde, God kan die onmoontlike doen en is altyd naby. Hy is onvoorwaardelik lief vir ons. Soms vergeet n mens om te sé: Dankie, Ek is jammer, Vergewe my, Ek is lief vir jou, Of om te vra: Hoe gaan dit? Is jy ok? Kan ek help?

14 14 kindervermaak mootvallei nuusblad

15 mootvallei nuusblad kindervermaak 15 Kleur in... Saam met God is niks onmoontlik nie! Genesis 12,13,15,17,18 en 21

16 16 wat doen ons mootvallei nuusblad Die Senior Kategese en Jeugbediening deur MW Odendaal & Johan Erickson Ons wil jou graag uitnooi om hierdie aande of aktiwiteite saam met ons te kom geniet en deel te raak van die CIA Span. Die Senior kategese vind steeds plaas Sondagaande na die Jeugdiens en soos hulle sal sê is die buitemuurse aktiwiteite dan CIA. Kom join ons op Sondagaande om 17:30 vir ons Jeugdienste, met n jeugband en n boodskap net vir jou. Maar kom ons vertel julle wat vang ons Jeug aka - Die AGENTS alles aan: Ons klomp energiekes het 2013 afgeskop met die tema C.I.A - Christus in aksie, wat vir ons die betekenis gee om iets om te draai in aksie en betrokke te kan wees in watter opsig ookal April was die CIA kamp. Die Vrydagmiddag om 16:00 het al die agents by die kerk bymekaar gekom, die bussies gepak en gegroet. Ons was reg om te vertrek na Oppieberg kampterrein by Rustenburg. Maar julle ken seker almal die liedjie van Nic Stevens - Toeter Scooter hy sing: my goed is gepak, my scooter is gehak, die werk is verby, dis vakansie vir my, ek gaan na die dam waar ek niemand gaan verlang. So is ons oppad na Oppieberg waar ons niemand gaan verlang, maar die mees awesomeste naweek van aksie gaan ervaar! Met die aankoms op die plaas, was dit nat en koud weens n storm wat uitgesak het, daar stap ons moedig na die kamers toe, net om agter te kom daar is geen krag nie. Gelukkig was die kombuis toegerus met n gasstoof sodat ons kon kos maak vir die aand. Na die kamer indelings het ons begin met die beste uitkamp ooit. Ons het saam met MW en Johan n ysbreker gedoen, ons moes n sirkel vorm deur op mekaar se skote te sit. Was daai toe nou vir jou `n kop krap, want jy het net 30 sekondes om dit te doen. Na n paar probeer slae was ons wyser met hierdie ysbreker en het dit vining kaf gedraf. Almal was uit hulle velle van blydskap toe die krag net so voor ete aangaan, want toe begin die magies lekker grom. Daar was hamburgers op die spyskaart, yummyyyy!!, maar met n trickster soos Johan, was daar gesê hahaha. Die spyskaart het n trick gehad, want jy kon nie jou eie hamburger maak nie, ons moes ons name n papiertjie skryf en stap vir stap lys watter bestandele jy op jou burger wil hê, let wel stap vir stap, so as jy vergeet het om te sê sit n pattie op die bun - oooeeps dan kry jy jou burger sonder n bun. Nadat die magies vol en die kombuis opgeruim was, het ons die eerste geestelike lesing vir die naweek gehad. MW het ons geestelik gelei met `n Praise & Worship sessie, waar ons daarna stil geraak het en met ons probleme na die Here toe gaan, sodat ons, ons harte kon oopmaak teenoor God. Later het ons heerlik saam koffie en warm sjokelade gedrink en net lekker gekuier. Daar het ook n onverwagse besoeker opgedaag wat so effens verdwaald was, hy het die verkeerde afdraai gevat - ons verwelkom toe vir ou Boemmie by ons en was die jong die knapie besig, gelukkig kon Bernard hom onder beheer bring en ook daar hou. Na die opwinding met boemmie was dit ligte uit en slaap tyd. Saterdag: Wat n oggend om te begin vir die meisies leiers? Van die meisies was al van 4 uur af wakker en reg vir aksie vir die dag, maar hulle kon mos nou nie alleen wakker wees nie, toe moes die res van die meisies ook wakker gemaak word, terwyl al die manne nog heerlik lê en slaap. Na n heerlike nagrus en wam koppie koffie met beskuit was almal weer reg om die nuwe dag aan te pak. Met n heerlike ontbyt wat deur master chefs Johan en Corne Schoeman voorberei wa, was dit weer tyd om stil te raak saam met ons Here. MW het saam met ons stilte tyd gehou, waar ons net weer nader aan die Here kon kom. Intussen krap Johan kop oor die aktiwiteite wat ons moet doen omdat die terrein so nat is. Almal sien al hoe hy planne maak om die aktiwiteite in die saal aan te bied en skielik is daar `n liggie wat skyn oor die gras, almal was opgewonde. Die dag se aktiwiteite het afgeskop met `n musical sakresies toernooi (in die saal) en op die ou einde het die leiers ook `n span gemaak en die agents uitgedaag, wat n lekker lag sessie het ons nie ervaar nie, veral as die musiek stop en jy was besig om te spring met die sak in jou hand en jy skielik besef die musiek stop, jy kan nou net self imagine wat daarna gebeur het. Planne is beraam vir`n toutreksessie van formaat, waar die kragte ingespan was om te kyk watter span die sterkste is. Johan moes uiteindelik verklaar dat die spanne ewe sterk was, maar Bernard het nie saam gestem nie en spring toe op Johan se rug, sodat Johan nou sy krag kan bewys, Johan en MW het ewe stout met Bernard nog op Johan se rug, na die swembad gemik om Bernard in te gooi. Dankie aan al die agents, ons hopie om hulle het mooi saam gewerk, maar Bernard was gelukkig gewees dat daar kamera`s om Johan se nek was, dit was naelskraap of hy was papsopnat gewees! Die res van die oggend en `n gedeelte van die middag het MW ons deur die staproete op die terrein gevat en ons kon met ons eie oë sien hoe die Here die natuur so wonderlik geskape het, dat elke plekkie nie dieselfde is nie, ons kon sien hoe die natuur lewe. Die middag was rustig gewees en almal kon ontspan, het heerlik in die \ saal gesit en gekuier. Daar was ook n twist in twister, met sekeres lelik gevou, maar dit was skreeu snaaks. Die volleyball bal is ontdek en die spanne was warm om lekker te speel, terwyl Johan die vuur begin het `n heerlike vleisie op die kole. MW met sy kitaar en met Bernard wat die noot gehou het, het ons almal heerlik saam om die vuur gesit en sing. Nadat almal gesmul het aan die lekker tjoppies was al die magies gevul en is ons saal toe waar die agents hulle unieke kreet moes uitvoer en die verhaal moes vertel van die span mascot. Ons het na `n heerlike dag se aktiwiteite en lekker laf wees weer stil geraak voor God en geluister na MW se geestessessie. MW het met ons `n paadjie gestap en ons `n manier geleer om vervul te word deur met die Here te praat en ons net weer laat onthou dat God altyd daar is vir elke een van ons. Na afloop van hierdie wonderlike ervaring wat ons gehad het, kon ons die aand afsluit met koffie en warm sjokelade. Almal was moeg na die besige dag, so ligte was darem vroeg. Sondagoggend was ons vroeg op om die laaste tydjie saam met mekaar te deel op die plaas. Die sjefs was vroeg al weer hard besig in die kombuis om die ontbyt voor te berei, terwyl ons `n heerlike buitelug erediens geniet het. Na die afloop van die ontbyt, was dit tyd om op te ruim en in te pak. Almal was besig in hulle kamers om seker te maak dat alles wel gepak was, terwyl die leiers die bussies reggekry het vir die laai. Na die bussies gelaai was, is `n laaste stilte tyd gehou. Ons het Oppieberg gegroet met heerlike herinneringe en die tog terug na Mootvallei aangepak. CIA Jeugaande Elke tweede Vrydagaand. Vrydagaand 26 April 2013, na die kamp, het ons afgeskop met n heerlike kuieraand waar ons mekaar nog beter leer ken het. Daar was hamburgers gemaak vir aandete en het ons koeldrank en koffie saam geniet. Daar besluit die AGENTS om so n bietjie die dansbaan oop te maak, ons almal was op die dansbaan en ja, glo dit of nie, van sakkie sakkie tot die Oppa Gangnam Style is gedans. Die bonfire se hitte het ons geroep en MW, met sy kitaar in die hand begin `n heerlke saam sing om die vuur. Na die saam sing het almal deelgeneem aan Ipod Idols, waar jy n liedjie kies en moet saam sing, maar met oorfone op. Die poppe kon dans soos ons klomp gesing het. Die leiers moes ook deelneem, Johan en Bernard het `n duet gedoen, Bobby van Jaarsveld se Net vir jou. Bernard het dit eintlik vir sy liefie gesing. Die aand was so vinnig verby en toe ons, ons oë uitvee was dit tyd om huis toe te gaan. Wat `n awesome aand, of soos Bles Bridges sal sê, dit word n aand om nooit te vergeet nie, maar nou ja oom Bles ek beaam dit heel hartig. Op 10 Mei 2013 het ons `n Boemelaarsaand gehou. Nou almal sal seker wegskram van die idee en vra maar hoekom die tema? Vervolg op pg 17...

17 mootvallei nuusblad artikels/ pitkos 17 Ek Glo ingesuur deur Luna van Staden Ek glo in die son, selfs al skyn dit nie. Ek glo in liefde, selfs al is ek alleen. Ek glo in God, selfs wanneer Hy stil is. Ons almal is menslik, en almal kry seer. Ons het almal ons lesse om uit die lewe te leer. Ons almal wil graag vergifnis hê, maar dis soms so moeilik net om jammer te sê. Ons almal het stories, van trane en spyt, ons almal het verhale van liefde en verwyt. Niemand is perfek nie, en nie almal is mooi nie, maar onthou, die lekkerste appels is nie altyd rooi nie. Vergewe en vergeet, is soos bitter en soet. Die soet laat jou hart klop en die bitter vergiftig jou bloed. Om kwaad te bly maak niemand dood behalwe jou nie. Dis nie die moeite werd om dinge teen mense te hou nie. Leer om te lewe en ander te laat leef, leer om na die goeie in die lewe te streef. Daar s net een van jou, en net een kort kans, om op die ritme van jou geluk, in die lewe te dans. Verlos jouself en begin diep binne rond delf. Maak stupid grappies en lag hardop vir jouself. Daar s beter dinge as rykdom en geld, al bly jy in n tent iewers in die veld. Dis jou eie keuse maak of breek, kyk bietjie wat jy in jou binneste wegsteek. Tel op jou kop, hou jou trane vir n ander dag, dink terug aan goeie tye, en mis dit vir n slag. Dink aan al die dinge wat jy al behaal het, en buitendien is dit God wat jou lewe bepaal het. Voel die verligting van vergifnis in jou are, voel die speling van gevoel oor jou hart se snare. Lewe en laat leef, die res kan maar staak, want dis meer as asem haal, wat in jou lewe saak maak... n Mens lewe nie van brood en water alleen nie, en God het jou nie verniet aan die wêreld geleen nie! Soms Ingestuur deur Sandra Sutton Soms het jy nodig om tot stilstand te kom om jou siel te vind. Soms het jy nodig om te huil oor wat jy verloor het & soms moet jy lag oor wat God vir jou wil gee. Soms is die gisters vol hartseer maar die môres vol nuwe beloftes. Soms moet jy leer dat God met liefde mense na jou stuur om jou lewe te verryk. Geseënde Dag saam met GOD wat nie Soms is nie maar Ewig. Christus Is My Lewe Kolossense 3 vers 12 en 13 Radio Kansel se Johann Els Een van die grootste titels wat toewyding beskryf is: CHRISTUS IS MY LEWE! Bv soos ons van iemand sê wat van sport hou: SPORT IS SY HELE LEWE! Of bv soos ons sê as iemand van musiek hou: MUSIEK IS SY HELE LEWE! Vir die Christen is CHRISTUS die mees belangrikste in sy/haar lewe. Dis die Teologie dis die Belydenis in geloof. MAAR WAT VAN DIE PRAKTYK hoe lyk jou geloof? Bevry jouself uit die greep van negatiewe krag wat jou aftrek. Plaas jouself in n posissie waar God jou kan seën. Jy word geroep om kleinlike mense iets groots te leer en om self groots te wees. JY MOET: MEELEWEND wees met deernis en ontferming. GOEDGESIND wees jou buurman se welstand is net so kosbaar vir jou as wat jou eie welstand vir jouself is. NEDERIG wees voor God as Sy skepsel kan ek net nederig wees, so ook met mense wat Sy skepsels is. Daars geen plek vir arrogasnsie nie. SAGMOEDIGHEID hê sagtheid, hoflik, beskeie. Omdat ek nie self-gekontroleerd is nie, maar ek is nou God gekontroleerd, word ek kwaad op die regte tyd en nooit word ek kwaad op die verkeerde tyd nie! VERDRAAGSAAMHEID hê Uithou en weerstandsvermoë met geduld en LANKMOEDIGHEID. Medemense se dwaasheid en onleerbaarheid dryf my nooit tot sinisme of wanhoop nie. My medemens se beledigings of swak behandeling dryf my nooit tot bitterheid of wraak nie. GEDULD hê om uit te hou met iemand, mekaar te verdra. MEKAAR VERGEWE Wys jouself as iemand wat guns kan gee en wys wat vergewensgesind kan wees. Verryk ander se lewens. vervolg vanaf pg Die agents en ook die leieirs moes aantrek soos die tema, ons het n paar goeie kostuums gesien, die Agents het hulle self oortref. Op hierdie aand het die Agents n gevoel gekry van hoe die lewe van n boemelaar is. Nou ons kan julle vertel dat dit n belewenis was om te sien hoe elke Agent deelgeneem het, daar was scenarios wat uitgedeel was, wat ons lewens gebeurtenisse genoem het, soos bv jy word beroof van jou warm klere, jy kom by jou skuilingsplekkie en alles is gesteel wat jy gehad het. Die ervaring wat elkeen opbou deur die lewe uit n ander se oogpunt te sien, laat mens net weer besef waarvoor ons moet dankbaar wees en dit wat ons alles in die lewe het. 24 Mei 2013 was ons uitgenooi na NG Gemeente Booysen, om saam met Bernard en hulle Jeug, te kuier. Ons het die hele saal saam met Booysen se agents op horings geneem en volleyball gespeel. Dit was nie al nie, ons het heerlik saam het hulle gekareoke ook! Ons het heerlike worsbroodjies saam geëet en n aand van lekker saam kuier geniet. Dankie vir elkeen se gebede vir ons Jeug. Ons kan nie die Here ophou dank vir die persone wat hy gestuur het om betrokke te wees in hierdie bediening nie, dankie ook vir die AGENTS elkeen wat op n mission betrokke was, ons hoop om julle gou weer te sien. En Agents een boodskap vir julle - AGENTS JULLE ROCK!! Om van al die nuus te hore te kom en om al die avonture mee te maak, sluit by ons aan op een van die volgende maniere: Facebook groep: NG Mootvallei Jeug NG Mootvallei Wha`sapp Groep: MW Johan NG Mootvallei BBM Groep: 2A60CD36

18 18 wat doen ons / artikels mootvallei nuusblad Hart Tot Hart Inspirasie skrywer onbekend Storie-tyd Dis uitreik Sondag. Op n manier het ek geweet dat ek nie vandag moes groentetuin maak of draad span of met die kinders op die kerkterrein speel nie, dat God se plan anders was. My jeuggroepie het vroeg-vroeg al elkeen in sy eie rigting gespat en ek het kerk toe gestap om koffie te koop. In gedagte, koffie in die hand, is ek teen die trappe op in die rigting van die gebedskamer. Ek het vir n oomblik vanaf die 2de vloer oor al die aktiwiteite daar buite gestaan en tuur. Dis toe dat hy asof van nêrens na my toe aangestap kom. Oud, gehawend. Ek groet hom en praat vinnig, so asof ek haastig is iewers heen. Samuel is sy naam en hy vra vir geld om na sy vrou en kinders te gaan en om by die dokter te kom. Hy wys my die sere aan sy bene. Nog voordat hy die brief met die hospitaal stempel daarop vir my wys weet ek dat dit is waar God my vandag wil hê. Ek nooi hom om saam te stap en ons gaan sit by n tafeltjie naby Jire in die voorportaal. Ons begin gesels en so deur my vrae en sy openhartige antwoorde heen, leer ken ek iets van Samuel (en van myself!). Hy woon in n bos iewers in die ooste van Pretoria, sy vrou en kinders in Musina. Drie kinders, 25, 17 en 12. Hy soek werk om vir hulle te sorg, maar kom nie reg nie. Is jou kinders nog op skool, Samuel? Ek s nie seker nie, Morena. Ek sien hulle te min. Ek moet hier bly want daar is nie werk nie. Later begin ons praat oor die kerk en die evangelie en dis vinnig duidelik dat ek die een is wat vandag gaan leer, wat vandag moet luister. My ingeoefende gespreksraamwerk kan ek maar eenkant toe skuif want Samuel het sy eie een. Dalk n beter een Ek besef dat met my EEIII-kennis en al, verstaan hierdie man veel beter wat God se evangelie regtig beteken. In sy mooi Afrikaans, ingekleur met Engels hier en daar, vertel hy my van purpose. Ek like die Here want Hy like my. Hy like my want hy t my gemaak. En ek s nie sommer net hier nie Hy t my die purpose gegee. Ek OESFEES - 5 OKTOBER 2013 deur Leon Koen Die jaar het so vinnig aangestap en ons nader weer tyd om fees te vier. Die Oesfees is n geleentheid om ons dankbaarheid te betuig op n tasbare manier. Onthou ons almal is deel van van hierdie fees, ja die hele gemeente! Die Skrif maak dit duidelik in Ef. 2:8,9 dat ons nie die Ewige Lewe kan verdien of verwerf nie, dit is n gekenk van God. n Geskenk is gratis en jy kan nie daarvoor betaal nie. Dit is hoekom ons alles wat ons doen, doen OMDAT God hierdie geskenk vir ons gegee het en nie SODAT ons die Ewige Lewe kan verdien/verwerf nie. Daar word weer groot dinge beplan vir die Oesfees op 5 Oktober vanjaar. Die normale dinge wat n mens op n volwaardige Oesfees (Basaar) sal kry soos poeding (en nagereg), pannekoek, koek, ens. sal daar wees en nog vele meer. Daar word egter n beroep gedoen op die hele Gemeente om deel te wees van hierdie groot geleentheid op ons kalender. Enige bydrae, maak nie saak hoe groot of klein ookal word waardeer. Enige voorstelle wat kan bydra tot die sukses van ons Oesfees sal waardeer word. Kontak gerus vir Leon by indien u betrokke wil raak. Hou 5 Oktober 2013 oop in u dagboek vir n Fees van epidermiese proporsie! moet die wêreld se katerakke uithaal sodat hy die Here kan sien! Hy vertel my van die lewe wat soos n toolbox is. Elke tool het die job. As jy die number five spanner is, en Hy t jou nodig, kan Hy nie die number seven gebruik nie. Dis net jy wat reg is. Die besef dat, al my kursussse en boeke en omgeegroepgesprekke ten spyt, Samuel se begrip van God se doel met ons hier op aarde soveel beter as my eie is, vul my met n opregte respek vir hom. Ek voel ineens klein en skuldig, met n ongemaklike knop in my keel wat ek nie weggesluk kry nie. Hoe maklik is dit nie om geestelik hoogmoedig te raak nie! Ek laat hom toe om te praat want vandag het ek veel meer om te leer as om te vertel. Jy weet Morena, ons mense is soos die taxi daar is baie mense wat wag vir die transport hemel toe!. Ek is vir n oomblik stil, amper sprakeloos, terwyl die pragtige, eenvoudige beeldspraak waarmee hierdie ou man die essensie van God se bedoeling verduidelik, by my insink. Ons praat oor sonde en die skeiding wat dit bring, maar weer is dit hy wat die voortou neem: Hey Morena, daardie wat jy nou van praat, dit staan mooi by die Bybel. Die Here sê Jy lyk soos die bloed van al jou sondes, maar ek vat jou lat jy lyk soos die wol van die skaap! Ons is soos die cell phone alles begin by Jesus. Hy s die starter pack. Maar ons het air time nodig, ons moet baie bid. En as jy nie op die regte plek staan nie, het jy nie reception nie, jy s te ver van die Here. Jou coverage moet reg wees. Ai Samuel, ek leer vandag so baie dinge by jou. Dinge wat ek nooit so goed verstaan het nie. Waar Nee Morena, onderbreek hy my weer, dis nie ek wat slim is nie. Die Here praat baie met my. Ok soos met Jeremia. Kyk maar by Jeremia 1. Hy t vir hom gesê moenie vir my sê jy s te jonk of jy kan nie praat nie, ek weet dit al voor ek jou in jou moeder gemaak het. Gaan maar, ek sal self die woorde bêre by jou tong. So ok die Here maak met my. Ek weet nie eintlik hoekom nie, miskien net omdat ek self nie altyd mooi verstaan nie, maar tog vra ek versigtig: As die Here jou so like en as jy Hom so baie like, Samuel, hoekom dink jy laat bly hy jou by die bos? Met n selfversekerdheid wat nie pas by n man wat so baie fasette van swaarkry ken nie en met oë wat nou vas in myne kyk, kom sy antwoord, reguit en sonder n sweempie wyfeling: Want die Here wil my patience leer. Ek probeer nie eens meer sluk aan die knop in my keel nie. Wat n antwoord! Hoe op aarde is dit moontlik dat iemand in sy omstandighede soveel insig in sy eie benarde situasie kan kan hê? Wat weet ek van patience af? Hoe verskriklik baie het ek nie nog om te leer nie! En om voor dankbaar te wees nie. Die een ding wat Samuel nog nie mooi verstaan nie, is dat God se groot geskenk van redding vir ons almal is, dat dit gratis is, en dat ons niks kan doen om dit te verdien nie. Ek verduidelik dat hy net hoef te kies om dit vir homself te aanvaar. Ek kan sien hy verstaan en hy sê hy wil dit sommer nou doen. Jy weet Morena, toe Saulus daar by die pad gestap het, toe slaan die Here hom met die bliksemstraal lat hy kan weet hy s op die verkeerde pad. Die Here Hy doen goed by sy eie tyd. Hy lat Hom niks vertel nie. Morena, jy staan netnou daar bo by die trap, jy sien my, ek sien jou. Die Here besluit dis Sy lightning vir my. En vir my! Ek wys hom die Romeinse handdruk (beide persone se regterhande om die ander se regterpols) en verduidelik dat God jou nooit laat los as jy vir Hom gekies het nie, al verslap jou eie greep. Ons bid saam. Hardop dank ek God vir ons gesprek, vir sy liefde vir hierdie kind van Hom en ek vra Hom om Samuel elke tree van sy lewenspad te dra, om hom toe te maak met Sy guns en seën, dag vir dag. Diep in my hart dank ek Hom vir my ontmoeting met hierdie man, vir die woorde wat hy vandag by Samuel se tong gebêre het. By my motor gee ek die kos wat Karen vroeër die dag vir iemand ingepak het, vir hom. Ek steek my hand uit om hom te groet en hy gryp dit met n Romeinse greep, n groot glimlag op sy gesig. Jy t my ook geleer, Morena. Ek kyk hom agterna toe hy wegstap en my hartseer hart is ook vol blydskap. Want ek weet: Samuel se Coverage is reg. Dankie Samuel!

19 mootvallei nuusblad artikels / stories van hoop 19 Hart Tot Hart Inspirasie skrywer onbekend Storie-tyd Hy het amper nie eens die ou dame raak gesien wat gestrand was langs die pad nie. Maar selfs in die flou lig van die aandskemering kon hy sien dat sy hulp nodig het. Hy trek van die pad af en stop voor haar Mercedes en klim uit. Sy ou Ford gee nog so n paar laaste doods-roggels terwyl hy aanstap na haar motor. Die man wat haar tegemoet stap, glimlag vriendelik maar sy is steeds baie bekommerd. Niemand het die afgelope uur eens gestop om hulp aan te bied nie. Was hy van plan om haar seer te maak? Hy lyk maar verarm en honger. Hy kon sien dat sy vreesbevange was terwyl sy daar in die koue staan. Hy het geweet hoe sy voel. Hy sê, Ek is hier om jou te help mevrou. Waarom wag u nie maar solank in die motor, waar dit lekker warm is nie? Terloops, my naam is Bryan. Al wat fout was, was n pap wiel, maar vir n ou dame was dit erg genoeg. Bryan kruip onder die motor in om te sien waar hy die domkrag moet plaas en in die proses kap hy sy kneukels n paar kere nerf-af teen die onderstel van die motor. Gou was hy in staat om die pap wiel om te ruil, maar in die proses het hy maar bra vuil geword en sy hande het gepyn van die koue. Terwyl hy besig was om die laaste wielmoer vas te draai, draai die ou dame die ruit af en begin met Bryan te gesels. Sy vertel dat sy van familie op pad terug is huis toe en glad nie die gebied ken nie. Sy kon hom nie genoeg bedank dat hy haar gehelp het nie. Bryan het net geglimlag terwyl hy die motor se kattebak toemaak. Sy vra hom hoeveel sy hom skuld. Enige bedrag sou reg gewees het met haar. Sy het alreeds in haar verbeelding gesien watse aaklige dinge met haar, vrou alleen, hier langs die pad kon gebeur indien hy nie gestop het om haar te help nie. Bryan het nie eens aan geld gedink nie. Dit was nie moeite vir hom nie. Dit was hulp aan iemand in nood en hy weet weet hoeveel mense hom die laaste paar jaar n helpende hand aangebied het. Hy is nog sy hele lewe so, help waar hy kan sonder om vergoeding te verlang en dit het nog nooit eens by hom opgekom om anders te wees nie. Hy vertel toe aan haar dat as sy hom regtig wil vergoed, moet sy die volgende keer wanneer sy iemand teëkom wat hulp benodig, aan daardie persoon hulp verleen en Bryan voeg in sy gedagtes by en dink dan aan my. Hy wag dat sy eers haar motor aanskakel en wegry. Dit was n koue en depressiewe dag vir Bryan, maar hy voel goed hier binne terwyl hy koers kry huis toe. n Paar kilometer in die pad af sien die ou dame n klein kafeetjie. Sy stop daar om gou iets te kry om te eet en bietjie van die koue ontslae te raak voordat sy die res van haar lang reis aandurf. Dit was maar n baie ou en afgeleefde restaurant met twee ou petrol pompe voor die kafee. Die kasregister en telefoon lyk of hulle dateer uit die vorige eeu. Die kelnerin bring vir haar n skoon handdoek om haar nat hare bietjie af te droog. Sy het n pragtige glimlag, een wat nie eens uitgevee kan word deur n harde dag se werk op haar voete nie. Die ou dame skat dat die kelnerin ongeveer agt maande swanger moet wees, maar sy laat nie toe dat die pyne en ongemak haar verfrissende, spontane geaardheid verander nie. Die ou dame wonder hoe iemand wat so min het in staat is om so baie van haarself te gee aan n vreemdeling. Toe onthou sy weer vir Bryan. Nadat die ou dame haar maaltyd genuttig het en die kelnerin vir haar gaan kleingeld kry het vir die R noot, het sy by die deur uitgeglip. Sy was reeds weg toe die kelnerin terugkeer met haar kleingeld. Terwyl sy wonder wat het van die ou dame geword, merk sy op dat daar iets geskryf is op die servet. Onder die servet was daar vyf R note gewees. Daar was trane in haar oë terwyl sy die briefie van die ou dame lees, Jy skuld my niks nie, ek was ook al waar jy nou is. Iemand het my vroeër vandag gehelp toe ek taamlik mismoedig was. As jy my regtig wil terugbetaal, doen dan die volgende, moenie dat die sirkel van liefde by jou eindig nie. Daar was nog baie tafels om op te ruim en klante om te bedien, maar met n gemoed wat oorloop van dankbaarheid, het sy nog n dag se werk voltooi. Die aand laat toe sy by die huis kom na werk en in die bed klim, lê sy en dink aan die geld en die briefie wat die ou dame geskryf het. Hoe kon die ou dame geweet het dat hulle die geld so broodnodig gehad het? Met die baba wat volgende maand gebore moet word, gaan dit baie moeilik wees. Sy weet hoe bekommerd haar man is oor hul benarde posisie terwyl hy hier langs haar lê en slaap. Sy leun oor en gee hom n sagte soentjie en fluister saggies in sy oor, Alles sal reg kom, ek is lief vir jou Bryan. Die rimpel-effek wat ons dade van vriendelikheid, omgee, deernis en liefde op ander mense het, moet nooit onderskat word nie. As ons harte gevul is met liefde, sal ons dink, doen en sê in liefde. Ons het almal die vermoë om wandelende liefdes-magnete te wees. Dis wanneer die impak eers ten volle ervaar en verstaan sal word - dat wat ons eerlik en spontaan deel met ander, in n sirkel van liefde uitkring om lewens te verryk. Soms is dit net n skouer, oor of glimlag wat nodig is om die rimpel-effek in groot branders van omgee-liefde te verander. STORIE VAN HOOP: VRIENDE deur Esme Hopley Ek dink mens onderskat die waarde van ware vriende, en tydens Louis se 10 weke hospitalisasie het ons as gesin net weer die waarde van ware vriende besef. Daar is bitter min mense wat so bevoorreg is soos Louis en Melanie van Straaten om soveel opregte vriende te hê, wat by jou staan deur dik en dun, deur goeie en slegte tye. Vandag wil ek van die geleentheid gebruik te maak om vir al julle pelle dankie te sê vir dit wat julle vir hulle gedoen en beteken het. Julle het meer vir hulle beteken as wat jul ooit sal besef. Ek kan ongelukkig nie almal se name noem nie want daar is net te veel. Ek wil egter twee mense uitsonder en ek weet die ander pelle sal verstaan. Vir 10 weke het Cecil en Melanie de Swardt elke dag, elke besoektyd vir Louis gaan kuier, hom moed ingepraat, hom gevoer toe hy nie self kon eet nie, alles waarvoor hy lus was vir hom gekoop en vir hom gebring het. Melanie met die kinders gehelp, seuns aangery rugby toe en op nog vele ander maniere het julle hulle bygestaan. Julle is ware vriende in elke sin van die woord. Eben en Jeanette (Louis se 2de pa), dankie vir al die kere wat jy by Louis se bed vir hom gebid het, vir Melanie so wonderlik bygestaan het met positiewe Woorde en haar die heeltyd moed ingepraat het, elke oggend saam met Melanie voor ICU in die gang gesit het, saam met haar gebid en gehuil het. Vir Louis moed ingepraat het as dit vir hom moeilik geraak het. Later vir Louis uit rehab gesmokkel het vir n uitstapppie Wimpy toe of net om die blok gestap het, hom gevat het om sy hare te laat sny. Julle is almal so spesiaal en Louis en Melanie is bevoorreg om julle in hulle lewens te mag hê. Aan almal in die gemeente vir jul belangstelling en sms e, dit het ongelooflik baie beteken! Mootie wil sê: Esme, Dawid, Yolandie, Eugene, Stefan en die kinders, baie dankie vir julle onbaatsugtige ondersteuning, ten spyte van baie moeilike omstandighede, tydens Louis se siekbed

20 20 wat doen ons/ stories van hoop mootvallei nuusblad n Lewe van geloof en dankbaarheid deur Sandra Sutton Amanda Blom NG Gemeente Mootvallei het baie mense met vele talente en dan is daar die een persoon, wat ons almal met groot liefde en deernis dopgehou het tydens n baie groot en ernstige herstel- en aanpassingsproses in haar lewe. Amanda Blom is nie onbekend in ons gemeente nie. Meeste van ons dra kennis van die pad wat sy gestap het na haar motorfietsongeluk tot waar sy op hierdie stadium in haar lewe is. Haar ontsaglike deursettingsvermoë en positiewe gesindheid kan net beklemtoon word, want nie alleen is sy vir ons n wonderlike voorbeeld nie, maar het sy aan baie van ons bewys hoe sy aan haar geloof vashou en positief voortgaan om haar lewe vir die Here te leef. Sy het in n kort tyd soveel vermag ten spyte van haar blindheid en steeds bewys sy aan ons dat daar aan haar geen keer is nie. Dit was n groot eer om haar te sien optree by Silwerkroon waar sy haar verhaal aan ons vertel het van voor sy blind geword het en hoe sy nou oor die weg kom. n Buitelug mens is sy verseker en het ook elke oomblik van haar lewe geniet. Geen uitdaging was vir haar te veel nie. Rekspronge, waterski, motorfiets ry en vele ander uitdagings waaraan sy deelgeneem het was deel van haar lewe. Selfs nadat sy haar sig verloor het, het sy alleen met aanwysings van n haar suster weer n vierwielfiets aangepak en dit gery. Benewens Amanda se sprankelende en deernisvolle geaardheid, skroom sy nie om uit te reik en haar lewe aan die wêreld daarbuite bekend te stel nie. Daar is vele staaltjies wat gepaard gegaan het met haar aanpassingsfase wat sy ligtelik na verwys as blinde oomblikke. Dit is so duidelik, waar daar n wil is, daar is n weg. Amanda het verskeie hulpmiddels bekom waarmee sy haar daaglikse lewe normaal kan voortsit. Sy kan steeds op hoogte bly van tydskrifte, koerante en boeke deur middel van band- en laserplaatspelers. Sy kan koffie of tee maak met n apparaatjie wat sy gebruik om haar te waarsku wanneer die koppie voldoende water bevat en n tweede waarskuwing wanneer daar genoeg melk in die koppie is. Moet tog net nie die bessiesap in die plek van die melk neersit nie, dan kry jy dalk bessietee instede van tee met melk. Amanda is tegnologies verbind met die buitewêreld deur middel van haar selfoon wat met haar praat. Sy deel mooi gedagtes met ons op Facebook en ons kan deur middel van SMS e ook met haar kommunikeer. Sy het horlosies wat met haar praat, maar ook een wat sy in braile met haar vingers die tyd mee kan lees. Haar gidshond Sophie, McDonald Blom, is ook aan ons almal bekend, maar die storie agter Sophie het Amanda met ons gedeel. Na n groot media bohaai oor n gidshond wat deur Mc Donalds toegang tot die perseel geweier is, het Mc Donalds n gidshond by name Sophie geborg en is sy spesiaal opgelei deur die Gidshondvereniging en aan Amanda toegeken. Blinde persone bekom gidshonde vir slegs R5,00 alhoewel die die opleiding van die honde ongeveer R kos. Te danke aan Mc Donalds het Amanda vandag haar pragtige gidshond Sophie. Daar word ook ook gratis nasorg verleen aan die Gidshonde deur verskeie veeartse. Met meer as een hond in die huis was n blinde oomblik natuurlik ook nie vir Amanda uitgesluit toe sy een aand in plaas van Sophie, Zena die huis ingelaat het om langs haar bed te kom slaap nie. Nico het die afgelope tyd seker gewonder waarom sy vrou haar elke aand voor bedtyd so opdollie en met rooilippies en al in die bed klim. Min wetende het Amanda, vas oortuig dat dit haar lipice is, getrou die lipstif aan haar lippe gesmeer voor slapenstyd. Amanda het haar smaak en reuk ook tydens die ongeluk verloor, maar dit maak geen verskil aan haar nie, sy kan steeds n lekker stukkie koek saam met ons geniet. Behalwe vir die beradingskursus wat sy voltooi het, kry sy opleiding om weer n rekenaar met spesiale sagteware vir blinde persone, te kan bedryf en het sy reeds braile ook aangedurf. Dankie Amanda vir die enorme voorbeeld wat jy aan ons almal stel, dit is n pad van hoop wat jy daagliks loop en ons voel klein en nietig wanneer ons sien wat jy alles in n kort tyd vermag het, bloot omdat jy glo in ons Hemelse Vader en n positiewe dankbaarheidslewe lei. Ons bid dat ons nog vele lewenslesse deur jou sal leer en dat jy nog vele ander mense tot groot hoogtes sal inspireer. Ons gebede is steeds saam met jou en jou gesin. Mootie wil sê: Nico, baie dankie vir al die opofferings wat jy maak om die lewe vir Amanda soveel draagliker te maak. Dankie vir jou ondersteuning en liefdevolle trou. Die gemeente leer waardevolle lesse uit jul verhouding! DAMES IN AKSIE deur Sandra Sutton Hierdie bediening lewer n wonderlike diens by ons gemeente. Dankie is n klein woordjie maar dit kom uit ons hart wanneer ons dank betuig vir die onbaatsugtige taak wat die dames verrig. Ons voel almal sommer lekker tuis na die erediens op Sondagoggende met die heerlike aroma van koffie en tee wat ons naderwink! Selfs waar hierdie dames werksaam is, is ongelukke nie uitgesluit nie, en het Esme Hopley baie slegte derde graadse brandwonde opgedoen in die kombuis tydens haar groep se teebeurt. Die gemeente wil graag vir Esme baie sterkte toewens en bid dat sy spoedig ten volle sal herstel. Al die dames wat betrokke is by die Dames in Aksie bediening speel n geweldige groot rol in al die take wat hulle verrig in die loop van elke maand. Dit is n manier om ook ons dames saam te snoer in ons gemeente. Hier leer almal hulle vriendinne se deugde ken. Daar is altyd die heerlikste eetgoedjies wat op die Kerkraad wag tydens vergaderings. Die dames is ook altyd gewillig om soos n span toebroodjies te berei wanneer begrafnisse plaasvind. n Baie groot dankie aan al die dames wat altyd bereidwillig is om daardie ekstra bietjie moeite te doen. Die groep staan onder leiding van Lynette Botha en daar is natuurlik altyd plek vir nog dames wat graag wil aansluit by die groep. Skakel gerus vir Lynette by of die Kerkkantoor by of voltooi die skeurbriefie indien u sou belangstel om deel te word van hierdie wonderlike bediening: Dames in Aksie MOOTVALLEI DAMES IN AKSIE Naam Van Verjaarsdag Selnommer Huis telefoon nommer Adres Wanneer beskikbaar

21 mootvallei nuusblad spesiaal 21 Baie, baie dankie uit Elize Scott se hart uit! Soos die Prediker sê: daar is n tyd om te kom en n tyd om te gaan. Desember 2011 het ek na n maand besluit dat dit is tyd om te gaan en dit was nie n maklike besluit nie, want die kerk word so n deel van jou lewe dat jy amper nie meer daarsonder kan nie. Soos dit die Here se wil was het daar heelwat dinge gebeur wat dit net vir my makliker gemaak het om te gaan - dit was ook n teken dat ek nou moes aftree. Ek het eintlik eers einde Mei klaar gemaak nadat die Kerkraad my gevra het om nog aan te bly. Ek het altyd gesê dat ek n treffer sou kon skryf oor al die dinge wat by die kerk gebeur het: die gelukkige tye, die hartseer tye en die ongelooflike wonderwerke wat daar gebeur het, maar dis nie waaroor ek wil skryf nie. Ek wil egter vandag almal bedank wat die meer as 24 jaar n bydrae, hoe groot of gering ook al, in my lewe gemaak het en wat ek nooit sal vergeet nie. Eerstens was daar die leraars. Ek gaan begin by ds Ewald Bosch dankie aan hom daar was moeilike en geseënde tye (soms het ek en hy ons salaris laat gekry). Ds Nick Ackermann en Hester saam met wie ek baie lekker gewerk het dankie. Daar was ook mense soos ds Christo Swarts en Ester en ds Flip Loots unieke mense. Ds Johan van Niekerk n besonderse persoon en beskikbaar om te help. Rina, sy vrou, sal ek altyd onthou as die vrou wat glad nie bang was vir skottelgoed was nie. Ds Johan en Lynette Botha kan jy maar sê is familie. Hulle was so deel en is nog steeds deel van my lewe. Hy het altyd gesê ek is n wonderwerk (na drie hartaanvalle, are wat toegegaan het en niere wat heeltemal gaan staan het) was hy en Lynette daar, en as jy getwyfel het weet dat ons n lewende God aanbid wat groot wonderwerke doen. Ds Johan Botha dankie, ook vir alles wat jy my geleer het van die lewe en hoe om dinge te hanteer, hoe om nee te sê en dat ek moet onthou ek werk met mense. Dankie vir die kere wat jy my gered het van gevaarlike mense (al was dit na jy seker gemaak het die hek is gesluit en ons is agter die hek grappie...) ek waardeer dit alles baie wat jy en Lynette vir my en my familie gedoen het. n Spesiale woord van dankie aan ds Joggie Kotzé en die laaste paar maande ook aan dr Jan Botha. Dr Jan, dankie altyd vir die belangstelling en woorde van moed en die lekker saamwerk. Dankie ook in die besonder vir Anneke Barkhuizen asook die ander jeugwerkers. Ek sal my plig versuim as ek nie aan al die Dagbestuurvoorsitters baie dankie sê vir hulle hulp, ondersteuning, raad en vriendelikheid nie. Op n stadium (baie jare gelede) toe dit sleg met Magaliesfort gegaan het en daar nie n leraar was nie, moes Johan Spies en ek maar die dinge aan die gang hou en het sy kinders naderhand na my verwys as hul pa se meisie omdat ek hom so baie geskakel het. Hier het die Here weer groot wonderwerke gedoen en ds Johan Botha is weer na Magaliesfort beroep. Terselfdertyd het lidmate van Magaliesfort al die skuld gedelg. Dankie aan Gerrit Snyman, Johan Spies, Janna van der Colf, Lappies Labuschagne, Dietrich Remmert en Joggie Kotzé en ander wat hierdie belangrike en noodsaaklike werk verrig het. Baie dankie aan die Leierdiakens en die diakens en kollektante met wie ek werklik n baie spesiale band mee opgebou het en vir julle groot werk. Sonder julle sou die kerk nie kon oorleef nie - julle was sterre. Dankie aan die leiers Johan van Biljon, Martha Jansen, Gerrit Lotz en nou die laaste tyd Hester Lourens sowel as n paar ander leiers. Baie dankie aan die voorsitters van die Finansiëlebediening en die kommissielede wie hierdie groot werk verrig het en soms ongevraagde kritiek ontvang het, want dit is maar n ondankbare werk en verg groot beplanning om die kerk se boeke te laat klop. Daar was n hele paar voorsitters, maar ek dink ek en Willie Coertzen het seker die langste saam gewerk. Willie, baie dankie daarvoor en jou getrouheid met die vergaderings. Ek dink ons het regtig n hele paar sakke sout saam opgeëet. Dankie aan die kosters daar was n paar, maar n spesiale dankie aan Ebert Pansegrouw saam met wie ek baie jare gewerk het en ook aan Phillip Snyders (+Engela Gerber), nou die Fasiliteitsbestuurder vir al jou werk en hulp en die laaste paar maande ook Pieter Cilliers. Dankie Pieter vir al die hulp met die regkry van die kerk se argief en ander werk ek waardeer dit regtig baie. Phillip en Pieter ek gaan ons tea breaks regtig mis. Dankie aan Johan van Biljon vir al die jare se hulp met die kerk se rekenaars en ander toerusting. Ek sou verlore wees sonder al daardie hulp. Dankie aan Leonore Kok (my persoonlike taalkundige) vir al die nasienwerk. Dankie dat ek so kon staatmaak op jou. Dankie aan Magda Coetzee, voorsitter van die Aktiwiteitsbediening vir die lekker saamwerk en die mooi uiteensetting wanneer geld gebruik is vir die aktiwiteite. Ek kon dit net so vir die ouditeure gee. Dankie aan Marie Swart vir die afgelope drie jaar se hulp in die kerkkantoor met die lidmaatskap en ander werk ek sal dit regtig nooit vergeet nie dit het my baie gehelp. Dankie aan Hennie Fourie, veral vir die kantoorvergaderings gehou onder jou leiding, en die verskil wat dit meegebring het. Dankie aan Sarie Pansegrouw, sekretaresse van die Kategese vir die donkiejare wat jy al die werk met soveel getrouheid en passie doen. Ek moet net die dames van my groep Eva bedank vir julle hulp veral Sondae omdat ek dan in die kantoor moes wees. Dankie dat ek so op julle kon staatmaak. Terselfdertyd dankie ook aan al die susters van die Dames in Aksie vir al die jare se saamwerk met funksies, ens. Ek gaan darem nog betrokke wees by hulle, die Aktiwiteitsbediening, Estetika sowel as die Inligtingstafel. Dankie aan Pieter Kok en die ander ouderlinge. Dankie aan Wallie Wallis vir die nasien en oudit van die bydraeboekies. Daar was baie kerkraadslede wie die afgelope jare oorlede is en met wie ek heerlik saamgewerk het ek sal hulle nooit vergeet nie. Die laaste maar nie die minste nie, my man, seuns, skoondogters en kleinkinders: dankie dat julle altyd daar is om te help. My twee seuns Willie en Christo, dankie Willie vir al jou hulp met die kerk se finansiëleboeke en Christo vir jou werkers wat jy gestuur het na die A.K.K. en ook die ouditeure om goed af te haal of af te lewer. Willie, my man, sonder wie se bystand, hulp en geduld ek onmoontlik al die werk sou kon doen, soos jy self gesê het, ek moes nog net kon preek dan het ek alles gedoen. Liewe gemeente as jy eers deel geword het van hierdie ongelooflike gemeente met al sy meelewende en liefdevolle lidmate sal jy besef dat Mootvallei regtig n besondere gemeente is wat n lewende en almatige God aanbid dat geen lidmaat perfek is nie, maar dat hulle kinders van die Here is en hierdie unieke gawe ontvang het en dit so leef. Soos daar gesê word: genade is nie goedkoop nie, maar genade is gratis en daarom maak Mootvallei lidmate gebruik hiervan. Baie, baie dankie aan almal en die Here se seën word elkeen toegebid. Christus Leef Mootvallei Facebook deur Yvette Bosman Christus leef en ons met Hom! Die opstanding van Christus het implikasies vir die hele lewe. Dit laat ons protesteer teen alle vorme van dood en sonde. Vandag vier ons die lewe, en word ons oë ingestel om die tekens van nuwe lewe raak te sien.

22 22 wat doen ons mootvallei nuusblad Alimentasie Bediening deur Linda Blom Die Alimentasie Bediening staan onder leiding van Retha Kruidenier. Tans is daar ongeveer 5 gesinne per maand waarvoor kos gegee word. Party gesinne word maandeliks gehelp, terwyl dit vir ander weer dalk net n eenmalige geleentheid is as daar nood ervaar word. Die bediening wil baie dankie sê aan al die emeentelede wat weekliks kos en ander produkte vir hul by die kerkkantoor aflewer. Dit word geweldig waardeer en sodoende word mense van ons gemeente baie gehelp en hoef hulle nie honger te gaan slaap nie. Hul glo in n holistiese hantering van mense. Daar word dus ook n pastorale pad met hierdie behoeftige mense gestap om hulle te bemagtig om weer op hulle voete te kom. Die aanmeldings kom gewoonlik deur die kerkraad of kerkkantoor na Retha Kruidenier. Sy hanteer dan elke geval, gaan besoek die mense en evalueer die omvang van die nood. Retha asook ander kerkraadslede help met die aflewering en aankope van kos. Boek word gehou van alle skenkings van kos ens. wat van gemeentelede ontvang en weer uitgegee word. Die Alimentasie Bediening is afhanklik van die gemeente se skenkings van kos, skoonmaak middels asook tandepasta, seep ens. dit bly baie belangrik en hul vra dat die gemeente asseblief daarmee kan help. OMGEEGROEP BEDIENING deur Linda Blom In die vorige Mootvallei Nuusblad is melding gemaak dat daar tans vier omgeegroepe is naamlik Young Adults Omgeegroep (23 35 jaar), Omgeegroep vir Enkellopendes (45 65 jaar), Omgeegroep wat Woensdag aande bymekaar kom en Phoenix Omgeegroep. Daar was te min belangstelling by die Omgeegroep vir Enkellopendes (45 65 jaar) en dus het die groep nooit tot bestaan gekom nie. In hierdie uitgawe vertel ons jul meer van die Young Adults Omgeegroep (23 35 jaar) en die Omgeegroep wat Woensdagaande bymekaar kom. YOUNG ADULTS OMGEEGROEP (23-35 JAAR) deur Anita Erasmus Die groep bestaan uit 11 van die amazingste jongmense. Ons kom Woensdae 19:00 bymekaar en deel mekaar se lief en leed, soms meer leed as lief wat die las bietjie ligter maak. Van ouderdom word daar nie in die groep gepraat nie, as jy kan byhou is jy welkom. Die groep se omgee wissel van Saterdae 05:00 opstaan om die boeremark te besoek (vir die lekkerrrste muffins en koffie) of funwalks in die dieretuin tot kospakkies pak vir Mootcare en deurnag-hou vir kategese en Sondagaand na die jeugdiens kry jy ons nêrens anders as by MacDonalds om die week op n hoë noot af te sluit nie. Aan talent skiet daar ook nie n tekort in die groep nie - daar is die quitters, dansers, kokke, dominees en gewillige ondersteuners. Ons werk tans deur Dr. Kevin Leman se boek n Nuwe jy teen Vrydag waarby ons die tema bietjie aangepas het om by alles in te pas wat ons as omgeegroep aanpak, die tema vir ons is dus n Nuwe jy teen Desember! Tussendeur behandel ons die boek Petrus in volkleur DVD van Stephan Joubert. Elke lid in die groep kry ook die geleentheid om n boodskap te bring. Vir toekomstige omgee-aktiwiteite is die Young Adults omgeegroep vol planne van pool-parties, kabelkarretjies by Harties, n kamp of twee, Santa-Shoebox asook uitreike na die Ecko-jeugontwikkelingssentrum en P.E.N Compassion centre. As jy nog lus vir die lewe het of wil net bietjie escape van jou wêreld daag ons JOU uit om ons te join! Kontak Jessie Kok Aan my mede-omgee vennote: THAT S HOW WE ROLL! OMGEEGROEP deur Elize Cilliers Ek kan seker uitbrei oor wat presies gedoen word in die omgee groep, maar daar is net soveel daaroor te sê, dan is mens uitgepraat. Vir my gaan daar veel dieper dinge in die omgee groep aan. Dinge wat nie met die eerste oog opslag sigbaar is nie. In ons groep gaan dit in die eerste plek oor die Here. Hy is die Gasheer en ons kuier elke Woensdagaand by Hom. Die woord sê vir ons dat waar twee of meer van ons in Sy naam vergader is, daar is Hy. Dis baie waar van ons groep, ons soek Hom aktief in ons saam wees. Die keuse van die onderwerp wat bespreek word, hang af van die persone (gewoonlik is ons n span van 2) wat die besondere maand die omgee aanbied en lei. Vir my persoonlik is die keuse van die onderwerp n saak van gebed, waaroor ek dan gaan oplees en selfstudie doen. Dis nogal werk maar baie bevredigend. Maar dan die verbasende. Die Here vat die onderwerp en sulke juweeltjies kom uit, dat ek verbaas staan oor verrykende ervaring wat elke Woensdagaand vir my persoonlik is. Die getuienisse van persone, hoe die Here kragdadig mense se lewens aanraak en verander. Nog n interessante eienskap van die groep, is die veranderlike daarvan. n Klein groepie (5) is die kern maar dan kom daar weekliks by of gaan weg, wat daarop dui dat die groep nie staties is nie. Dat die Here mense se lewens deur die groep aanraak vir so lank hulle dit nodig het. Die Here bring ons bymekaar en laat ons van mekaar leer. So is daar n groepie ouer mensies van Irenic Tehuis en Silwerkroon wat ook Woensdagaande by ons inskakel. Hulle was nie aanvanklik baie spraaksaam nie, maar met tyd het hulle ontdooi en word elke bydrae van hulle waardeer. Hulle het mos jare se ondervinding agter hulle. Daar bestaan n band van omgee in die groep wat maak dat probleme aan die groep toe vertrou word. Dat daar vir mekaar in gebed ingetree word. Ons Dinsdag oggend (4:45 5:00) gebede is die platvorm van waar ons as groep bid vir die gemeente, predikante, die werksaamhede in die gemeente, siekes, ons land en die regering. Ook vir enige ander saak waarvoor ons geroepe voel om in te tree. Ons hou rekord van ons gebede, asook van aangeleenthede waaroor daar gebid is en daar gebedsverhoring was. In die omgee groep word daar gepoog om n ondersteunende atmosfeer te skep. Soos daar te reg laas Woensdag aan n nuwe lid gesê is: Hier is nie verkeerde en regte antwoorde nie, net n plek waar ons van mekaar kan leer en saam nader aan Jesus groei.

23 mootvallei nuusblad artikels / wat doen ons 23 VAS VAN WOORDE deur Susan Coetzer, ingestuur deur Berdene Louw Ek het besluit om n bietjie te vas. NEE nie van kos nie - veels te honger en dan nie genoeg energie vir draf of optredes nie. Ek vas van WOORDE. Ek hou hulle in my gedagtes en bekyk hulle - het hulle NUT of is dit sommer net geluide - soos die geblaf van honde en karre wat jaag. Ons praat so maklik en so baie... NONSENS. Tot n mens besef HOEVEEL krag daar in die gesproke woorde is. Die Hele Skepping is met WOORDE geskep. God het gesê: Laat daar LIG wees, met WOORDE. En toe was daar LIG. Wat sê jy met JOU WOORDE? Oor die land: Die land is in sy maai. Die land is korrup. Bankrot. n Nare plek om in te woon met nare mense. Oor mense: Jou vark? Jy is treurig. Jou dom onnosele mens. Jy maak my siek! En oor jouself: Ek kan nie. Ek is moeg. Ek is siek. Ek is sat. Ek is af. Ek is depressief. Ek glo nie meer nie. Ek is vet. Ek is lelik. Ek is sonder talent. Ek is bang...ek is kragteloos, Hopeloos. OPPAS wat jy sê. As die meeste woorde wat by jou mond uitkom, negatief en onopbouend is, het dit n negatiewe effek op jou en almal wat jou aanhoor. Is dit tyd dat jy VAS saam met my. Geen mens kan die tong self tem nie - jy moet saam met die Here klas loop om te leer SNOEI aan die onkruide in jou woordeskat om meer en meer woorde van LEWE te spreek in plaas van dood. Oor die land, oor die mense wat jou irriteer, oor jouself - as jy papgeslaan voel. LIG jouself en ander met jou woorde. Woorde is nie net lettertjies nie. Dis gelaai met KRAG. Krag om op te bou en krag om te vernietig. Daarom is n goeie vas baie gesond. Vas so n bietjie van onnodige woorde: Vra die Here om jou te wys waar jy woorde tot jouself en ander se leed inspan. Skinder jy maklik? Is jy lief om slegte nuus aan te dra. Onmin tussen mense te saai? Kla jy gereeld - sommer as n gewoonte. Vloek jy of seën jy? Kom ons vas so n bietjie vandag - deurdink ons baie woorde in God se Stilte. Rol hulle in jou kieste rond. Proe hulle in jou gedagtes. VOEL die uitwerking van die woorde wat jy wil sê - spreek dit van LIG of van donker. Bekyk jou gedagtes. Dis die enjin wat jou woorde aanvuur. Die Woord se duidelik, dit wat in jou gedagtes (jou hart) omgaan bepaal jou hele toekoms. En ander s n... Sit vandag so n oomblik daai handrem op al die nonsens praat. Al die twak. Al die leuens. Die woede. Die geskinder. Die suur woorde. Die snydende woorde. Die wrede woorde. Die woorde wat jou (en ander) afbreek en beperk. Kom ons krul die tonge terug soos biltong en sit n slot om die punt. Druk die oer krokodilbrein TERUG in sy kas. DINK en besin voor ons praat. Vra jouself: Is dit opbouend om die woorde te gebruik? Is dit goed. Is dit nodig? Want woorde is almal vuurhoutjies - dit kan groot vure aansteek. n Vuur van lewe of n vuur van dood. En dis moeilik om daai vure dood te slaan. Veral die vuur wat skroei. Nie eers die brandweer se brandslange is lank genoeg nie. Nou ja ek groet - ek moet gou my slot om my bil-tong gaan sit. LIEFDE en min woorde stuur ek aan jou. Susan Coetzer GENADE ingestuur deur Sandra Sutton GENADE IS `n reusewoord. Amper TE GROOT om te verstaan. Omdat genade ons OORMAAK! Genade is iets wat eenvoudig gegee word. Genade neem die onbruikbare stukkies van ons laslappielewe en werk dit, nog voor ons vra, aanmekaar in pragtige heelwees-prentjies. Dit neem die hart wat deur die modder gesleep is hemelse wassery toe en hang dit weer - silwerskoon en netjies gestryk - op die hanger van die lewe. Dit maak moedeloses weer mense van Hoop, verander bitterheid in vergifnis en herskep verlorenes in Ewigheidskinders. Deur genade word `n troostelose toekoms omskep in `n lewe wat uitsien na môre. Goddelike genade stel nie voorwaardes nie, het nie verwagtinge nie, deel nie reëls uit nie en verwyt nooit nie. Dit sê: Ek het jou lief net soos jy is. Jy hoef nie `n eers-mens te wees nie: iemand wat eers moet doen, werk, lyk, gee en dien nie. Ek gee aan jou My vergifnis, aanvaarding en liefde terwyl jy is wat jy is. Want Ek het gekom om uitgetorringde Lappiesmense se lewe aanmekaar te werk tot `n hemelse Eenheid. God se genade is te groot om te verstaan. Tog is dit waaroor ons geloof gaan. Waaroor die liefde, die lewe en die ewigheid Saam met Christus gaan. Gelukkig hoef ons nie eers die omvang van God se gee-genade te begryp voor ons dit aanvaar nie. Ons kan dit, wat so onvoorwaardelik aan ons geskenk word, maar net met dankbaarheid omarm en ons eie maak. LAPPIESKOMBERS-MENS Here, my lewe is `n klomp los weggooilappies wat geen doel dien nie, nie sin maak nie en eenvoudig nie self heel kan wees nie. Dankie dat U my voetstoots liefhet. dat U genade die stukkies van my lewe optel en dit dan aanmekaar werk tot `n betekenisvolle heelwees-lewe... Tot `n nuwe oorwees-mens. Leer my om uit dankbaarheid vir die grootsheid van U genade ook ander toe te maak met die sagtheid van my laslappiehart... Met die genade van my donskombers-liefde. NOG n ONDERSTEUNINGSGROEP! deur Alicia de Lange Is dit werklik nodig om nog n aktiwiteit in die gemeente te begin? Die antwoord op die vraag is beslis JA. Terwyl ek met mense in die gemeente gesels het en verneem het hoe dit met hulle eggenoot gaan, was hulle antwoord 90% van die kere fisies goed. Maar die versorging was baie veeleisend omdat daar selde iemand is op wie hulle kon terugval, sodat hulle net vir n uurtjie vry van bekommernis kon uitgaan om nodige sake te doen. Wat beoog die ondersteuningsgroep? (Kyk na afkondigings 26 Mei 2013.) Ons wil vra dat al die versorgers en almal wat belangstel om as vrywilligers in te tree, en wat so n uur per week beskikbaar het, Sondag 9 Junie in die kantoorblok bymekaar kom, sodat ons mekaar kan leer ken. Ons wil dan waar moontlik vrywilligers en versorgers aan mekaar bekend stel. Daar sal ook meer inligting wees vir vrywilligers oor wat elke versorger sal benodig. Een van die belangrikste aspekte is dat die pasiënte en die persone wat by haar/hom sal bly, mekaar sal leer ken alvorens werkende besoeke sal realiseer. Wanneer wil ons met die bediening begin? SO GOU AS MOONTLIK, want daar is reeds ernstige behoefte hieraan. Ons vra dat almal sal kom wat belangstel en hul weg oopsien om ons by te staan. Laat ons hierdie behoefte in ons gemeente vervul tot n groot sukses. Verdere navrae kan gerig word aan Alicia:

24 24 tydverdryf mootvallei nuusblad Vind die name van Jesus se geslagsregister soos aangedui in Matt 1 Abia Dawid Isai Josafat Juda Ragab Serag Abraham Eleasar Isak Josef Manasse Ram Serubbabel Asa Gesron Jakob Josia Obed Rut Tahabeam Boas Hiskia Joram Jotam Peres Salmon Tamar Salomo Ussia Ontwerp-kompetisie Die C.I.A jeug loots n T-shirt ontwerp-kompetisie. Ons soek ons eie, unieke, funky en cool ontwerp wat julle van die jeug self ontwerp. Dit moet C.I.A (Christus in Aksie) bevat in die ontwerp met die idee dat ons jeug is wat beweeg met n misie. Dit moet n logo tipe ontwerp wees wat groot voorop die T-shirts gaan wees met n slagspreuk wat daarby pas. Ontwerpe kan elektronies by kommunikasie@ngmootvallei.co.za of handgeskrewe ingedien word in die kassies by die deure gemerk Kommunikasie. = +

25 mootvallei nuusblad tydverdryf 25 Kruis en Dwars 2 Letters 3 Letters 4 Letters 5 Letters 6 Letters 7 Letters 8 Letters 9 Letters ek dit eers grond beloof bestand beamptes voorvaders een gaan julle beveel dienaar rigsnoer eer Here josua Herder eufraat toegeken oos maak land ontrou jordaan sal neem reeds stamme kinders 10 letters vas oral mense woorde niemand gehoorsaam toe self moses oordink volksgenote soos opdra libanon volk ruben vrouens 11 letters wees voorspoedig

26 26 artikels mootvallei nuusblad Anderse soom Uit Kruispad Teks: Matteus 14:22-36 Wanneer Jesus in die omte is, is die lewe radikaal anders. Hier waar die dissipels in die nag op n bootjie op die oop see vaar, gaan dit nie so goed nie. Jesus is nie daar nie. Maar toe Jesus daar aankom, nogal op die water aangeloop gekom, raak alles anders. Petrus loop op die water! Sommerso tussen die onstuimige see met die winde wat erg waai. Maar toe Petrus sy oë van Jesus afneem, val hy plat. Jesus help hom egter weer uit tamatiestraat, trek hom op en hulle twee klim saam in die boot. Toe Jesus in die boot klim, gaan lê die wind en die water raak rustig. Sien jy wat gebeur as Jesus naby n ou is? Sien jy wat gebeur as jy al jou vertroue en geloof in Jesus sit? Sien jy wat gebeur as jy nie in die omstandighede vaskyk nie, maar met alles in jou op Jesus gefokus bly? Alles raak anders. Wonderwerke gebeur en storms gaan lê net. En dit gebeur vandag nog! Al die dissipels wat op die boot was, het dit aan hul lywe ervaar. Net n paar oomblikke voor Jesus in die boot geklim het, was daar nog n woeste storm. Hulle was bang. Hulle lewe was erg in gevaar en heel waarskynlik het hulle al gesien hoe gaan die skuit onder. Maar toe Jesus daar opdaag, verander alles in n oogwink. 33Die dissipels wat in die boot was, het in eerbied voor Jesus neergeval. Hulle het Hom aanbid en gesê: U is regtig die Seun van God! Wat anders kon hulle gedoen het? Vir seker sou ons dieselfde gedoen het, want hier is die Meester aan die werk en alles is net anders! Maar dit hou nie hier op die water in die boot op nie. Toe hulle aan land kom, het die mense van die area gou gehoor dat Jesus daar is en die boodskap het soos n veldbrand versprei. Hordes mense het opgedaag. 36So baie mense het later opgedaag dat hulle Hom gevra het of hulle net maar aan sy klere se soom kon raak. Hy het ja gesê. Almal wat aan sy soom geraak het, het gesond geword. Sien jy? Daar waar Jesus kom, is dit anders. Is dit baie anders. Het jy n bietjie anders om jou nodig? Draai die winde sterk? Is die golwe dalk net te hoog? Dit is dalk nou die tyd dat jy weer jou oë moet rig op Jesus. Dit is dalk nou die tyd om die Gees toe te laat om alles in en om jou oor en in te neem. Dis nou die tyd om weer te glo soos die ouens wat geglo het dat as hulle aan Jesus se soom raak, hulle gesond sou word. Daardie soort geloof moet ons hê. Ons moet glo dat God gesond kan maak. Ons moet glo dat God die winde stil kan maak en die branders kan laat bedaar. Daar in jou lewe, elke dag. En dan moet ons saam met die dissipels op ons knieë val en ons God, Heer en hul Gees loof en aanbid, want daar is niks groter of sterker as hulle nie. Ja, selfs die groot storms waarin ons so nou en dan vas jaag, is, is soos n nul op n kontrak vir Hulle. Daarom, my vriend. Nooi weer God se Gees in jou lewe in. Glo en vertrou en val op jou knieë neer en jy sal sien jou lewe sal anders word Hy het ja gesê. Almal wat aan sy soom geraak het, het gesond geword. Om oor na te dink: Hoe lyk jou lewe? Is Jesus daar? Hoe sterk is jou geloof? Loof en prys jy God genoeg? Hou jou oë gevestig Uit Kruispad Teks: Matteus 14:22-36 Toe die dissipels weer op die water gaan, was die weer soos die vorige keer, nie baie gunstig nie. Die wind was rof en die golwe hoog. Hulle was weer alleen. Jesus het mos eers gaan stil raak by sy Vader om so sy batterye te laai. Met so n storm om jou kan jy vir seker nie veel slaap nie. Moeg die volgende oggend het almal in die skerp oggend skemer die figuur op die water na hulle gesien aankom. Ek wonder wat my reaksie sou wees? Hier sit ek moeg na n nag op die rowwe waters, nie n oog toegemaak nie. Eintlik sou ek effe geïrriteerd gewees het en dan sal ek nie in n goeie toestand wees om goed op die aankomende figuur te reageer nie. Die dissipels was uiteraard van die saak bang: 26Toe die dissipels Hom sien, het hulle hulle morsdood geskrik. n Spook, n spook! het hulle benoud uitgeroep. Ek is seker dat ons almal presies dieselfde sou opgetree het. Ons het geen ervaring van iemand wat op die water loop nie. My brein sal dit eenvoudig net nie kan verwerk nie, daarom gryp die brein na die mees geskikte reaksie: Vrees kleur die prentjie van n spook uit ons kinderdae in. Dood normaal. Jesus weet dit en begin dadelik te praat: Bedaar. Dit is Ek! Moenie bang wees nie. Terwyl die ander dissipels dankbaar gaan sit en die spanning se sweetdruppels van hul voorkoppe afvee, staan Petrus in verwondering. Hy wil dit ook doen. As Jesus so op die water kan loop, kan Hy mos ook. Hy glo dit met sy hele wese. En sonder om dit regtig te oordink, waag hy om te vra: Here, as dit regtig U is, sê dan vir my om op die water na U toe te stap. Sommige van ons sal dink dit is voorbarig. Maar dit is tog nie so nie. God het verskillende persoonlikhede gemaak en een van hulle is soos Petrus s n. Hulle soek altyd die opwinding, is bereid om te waag en is nie bang om die onbekende wêreld te betree nie. (As dit nie vir die ouens was nie, sou die Voortrekkers seker nooit die Kaap verlaat het nie en sou die Valies Tafelberg seker al lankal toegebou het!) Jesus is ook nie links nie en sê: Waarvoor wag jy? 29Kom! Opgewonde klim Petrus versigtig oor die rand. Voel-voel met sy plakkies aan die water. Nee, hy sink nie. Dis asof daar n teerpad is waarop hy kan loop. Dit moes n amazing gevoel gewees het. Sy glimlag loop van oor tot oor. Die eerste keer in die geskiedenis loop iemand op die water en dit is Petrus. Dit is seker goed dat dit nog te vroeg was vir die brommers om op te wees, want al elf van die ander dissipels se monde het oopgehang. Maar ai, dan slaan die paw-paw die fan. 30Toe hy sien hoe sterk die wind is, het sy moed hom begeef. Hy het begin sink. Hy roep toe benoud: Here, red my! Petrus maak toe n paar redelike groot oordeelsfoute. Hy haal sy oë van Jesus af. Hy kyk vas in die omstandighede wat om hom woed. Hy laat toe dat die omstandighede sy emosies beïnvloed en hy laat toe dat dit sy geloof in Jesus sink. En woeps, daar verloor hy alles en sak met een slag die water in. Ek hou van Petrus. Petrus is so werklik mens. Hy doen die dinge wat ons ook doen. Met groot bravade stap ons as kinders van God die wêreld in. Ons is nie bang nie. Ons weet ons het die Gees in ons en ons doen maklik dinge wat vir ander mense onmoontlik lyk. Maar wanneer ons die eerste stukkie teenstand kry, of iemand sê net iets, vergeet ons om ons oë op Jesus te hou. Ja, ons kyk vas in die omstandighede. Dit is so oorweldigend. Dit is so groot dat ons begin twyfel. Ons geloof begin wankel en woeps! daar sink ons en ons is papsopnat. Hier is n groot les te leer en as ons die les vir n slag kan verstaan en implementeer, gaan dit werklik n groot verskil in ons en ander mense se lewens maak. Dit is eenvoudig: moenie jou oog van Jesus afhaal nie. Moenie in die omstandighede om jou vaskyk nie. Ek dink daar is so n liedjie: Hou djou oë gevestig op die Heiland. As jou oë op Jesus is, kan jou geloof nie gesteel word nie. Al lyk die omstandighede hoe woes, kyk na Jesus, want vir Hom is daardie omstandighede niks nie. Dit is so eenvoudig en tog kry ons dit nie so maklik reg nie. Ek dink dit is weer tyd vir die maak van n paar kaartjies met dieselfde boodskap op: Hou djou oë gevestig op Jesus. Plak hulle orals op. Op die skerm, yskas, spieël, klerekas en bo die toiletrol. Dan gaan die lewe anders wees. Hou djou oë gevestig op Jesus. Om oor na te dink: Hoe lyk die storms om jou? Hoe lyk die omstandighede? Steel dit soms jou geloof? Waarop is jou oë gerig? Waar is Jesus?