Kunningarferð hjá Uttanlandsnevndini til Reykjavíkar, London og Keypmannahavnar, tann oktober 2009

Transcription

1 Kunningarferð hjá Uttanlandsnevndini til Reykjavíkar, London og Keypmannahavnar, tann oktober 2009 Endamálið við ferðini var at vitja sendistovur Føroya í Reykjavík, London og Keypmannahavn fyri at kunna nevndina um arbeiðið hjá sendistovunum. Harumframt at hitta Uttanlandsnevndina hjá Althinginum, umframt íslendska uttanríkis- og fíggjarmálaráðharran og Føroyabólkin í bretska Parlamentinum. Við á ferðini vóru: John Johannessen, nevndarformaður Helgi Abrahamsen Poul Michelsen Jógvan á Lakjuni Karsten Hansen Høgni Hoydal Kári á Rógvi Kristina Samuelsen, nevndarskrivari Mánadagur, 19. oktober Kl Fráferð úr Vágum - koma Reykjavík Kl Koma á Hotel Frón. Kl Vitjan á Sendistovu Føroya. Gunvør Balle, sendikvinna, greiddi frá um virksemið á sendistovuni, sum borgaraskrivstova/ferðaskrivstova, innan vinnumál, at fyrireika vitjanir, við samstarvi innan Hoyvíkssáttmálan, mentan, skúlasamstarv, við at skráseta og savna lesandi, við kunning um Føroyar og við royndum at fremja samstarv innan onnur øki. Greitt varð frá greinarøð í Frettablaðnum um Føroyar, sum nevndin bað um og fekk avrit av. Hóast sendistovan verður boðin við til móttøkur o.a., sum hava stóran týdning fyri at knýta sambond og opna hurðar, so eru tó avmarkingar fyri, hvat sendistovan sleppur við til, sum annars kundi verið sera áhugavert og gevandi, m.a. sendiharrasamstarvsfundir. Kunningin frá sendistovuni um virksemi og tilfar, sum sendistovan framleiðir, varð umrødd. Uttanlandsnevndin kundi hugsað sær, at hendan kunningin var betri. Harumframt greiddi Gunnvør frá Ice-Save málinum og royndunum at fáa í lag samstarv innan heilsuøkið við atliti til føroyska heilivágsframleiðslu og við at senda føroyskar sjúklingar til serviðgerðir í Íslandi. Verkætlanin við Vígdis Finnbogadóttir stovninum varð eisini umrødd. Týsdagur, 20. oktober Kl Fundur í Fíggjarmálaráðnum (Fundarsalurin Hóll) við Steingrím J. Sigfússon, fíggjarmálaráðharra. Við á fundinum vóru eisini Gudmundur Árnason, ráðuneytisstjóri og ein fulltrúi. Á fundinum fekk nevndin frágreiðing um fíggjarstøðuna í Íslandi og ávirkanina á arbeiðsloysi, fráflyting, kappingarføri og útflutning.

2 Eisini fekk nevndin frágreiðing um, hvussu gongst við nýggju bankunum, og Ice Save málið og um royndirnar at útvega Íslandi lán. Umsóknin um íslendskan ES-limaskap og útlitini fyri hesi vórðu umrødd. Somuleiðis ymisk onnur viðurskifti viðvíkjandi EFTA, ES og Hoyvíkssáttmálanum. Kl Fundur við Utanríkismálanefnd í fundarhøli forsætisnevndar í Altingshúsinum. Við á fundinum vóru Valgerður Bjarnadóttir, næstformaður, Helgi Hjørvar, Bjarni Benediktsson, Tórunn Sveinbjarnardóttir, Stígur Stefánsson, nevndarskrivari og ein fulltrúi. Valgerður Bjarnadóttir greiddi frá tilgongdini í sambandi við umsóknina um ESlimaskap, herundur spurninginum um, hvat verður við Hoyvíkssáttmálanum, sum Ísland ynskir at halda so intaktan sum gjørligt. Støðan til ES-limaskap millum politisku flokkarnar í Íslandi og í fólkinum varð umrødd. Eisini varð røtt um støðuna hjá Føroyum mótvegis EFTA, Ice-Save málið og samráðingarnar um nýggja veðurlagsavtalu. John Johannessen greiddi síðani frá fíggjargongdini og fíggjarlógararbeiðnum í Føroyum. Kl Fundur í Uttanríkisráðnum við Øssur Skarphéðinsson, uttanríkisráðharra. Við á fundinum vóru Auðunn Atlason, deildarstjóri á deildini fyri upplýsingarmál, og Bergþór Magnússon, løgfrøðingur. Auðunn Atlason tók ímóti og greiddi við eini framløgu (link) frá grundarlagnum og tilgongdini í sambandi við íslendsku umsóknina um ES-limaskap, umframt frá fíggjarligu gongdini í Íslandi. Bergþór Magnússon, løgfrøðingur, greiddi síðani stutt frá um Hoyvíkssáttmálan. Øssur Skarpheðinson, uttanríkisráðharri, kom á fund um tíðina. Hann setti Uttanlandsnevndini spurningar í sambandi við løgtingssamtykt viðvíkjandi Evruni sum gjaldoyra. Siðani greiddi hann frá, og røtt varð um fiskivinnupolitikkin í ES og ynski um serskipanir. Eisini støðan hjá Hoyvíkssáttmálanum, um Ísland fer upp í ES, varð umrødd og royndirnar at styrkja og víðka hetta samstarvið. Kl Óformligur frokostfundur í Altingshúsinum saman við íslendsku sendinevndini í Útnorðurráðnum. Kl við bussi til Keflavíkar Kl fráferð úr Keflavík, koma Heathrow kl har Áki Johansen, sendimaður tók ímóti okkum og hevði skipað fyri flutningi við bussi til Slone Square Hotel, har vit vóru um tíðina. Kári á Rógvi kom til Heathrow úr Keypmannahavn kl og kom upp í ferðalagið seinni sama kvøld. Mikudagur, 21. oktober Kl Fráferð til gongu til sendistovuna.

3 Myndafrágreiðing: Uttanlandsnevndin uttan fyri sendistovu Føroya í London Kl Fundur á sendistovuni, har Áki Johansen og Sigga Jacobsen fyrst greiddu frá skránni í London og síðani kunnaðu um søguna hjá sendistovuni og sendistovuvirkseminum í dag. Undan fundinum hevði nevndin fingið skrivliga frágreiðing (link) við heitinum Almenn kunning um virksemi á sendistovuni. Kunnað varð um ítøkilig dømi um átøk og møguleikar innan virkisøkini politikk, handil og mentan. Spurningurin varð umrøddur um, hvussu man kann fáa meira kunning út um virksemið hjá sendistovuni. Týdningurin av ferðasambandinum millum Føroyar og Bretland og spurningurin um møguleikarnar fyri at fáa egin hølir til sendistovuna vórðu eisini umrøddir.

4 Myndafrágreiðing: Helgi Abrahamsen Kl Fráferð til parlamentið Kl Portcullis Main House Entrance Kl Fund við All Party Group fyri Føroyar. Við á fundinum vóru Alistair Carmichael, formaður, Sir John Butterfill og Angus MacNeil. Alistair Carmichael greiddi frá, hvussu tilgongdini er í fíggjarlógararbeiðnum í Bretlandi, og orðaskifti var um politisku støðuna í sambandi við komandi parlamentsvalið í Bretlandi. Spurningur varð settur viðvíkjandi føroysku luttøkuni í klimaráðstevnuni í Keypmannahavn, og hetta varð umrøtt. Hóast spurningur um arbeiðsloyvi til bretar í Føroyum og til føroyingar í Bretlandi, var á skrá, varð hetta ikki umrøtt. Kl Hjástødd í salinum til Prime Minister s Question Time. Kl All party Group beyð nevndini frokost í parlamentinum. Við til frokostin vóru Alistair Carmichael, Sir John Butterfill, Angus MacNeil, Anne Begg og Sir Robert Smith.

5 Myndafrágreiðing: Høgni Hoydal og Kári á Rógvi saman við Martin McGuinness MP MLA Gerry Kelly MLA. Martin er varafyrstiráðharri og Gerry undirráðharri í Norðurírlandi. Teir vóru á veg á fund við David Cameron, høvdu tí ikki stundir at hitta alla Uttanlandsnevndina, men vildu fegnir hitta føroyingar, um møguligt ígjøgnum føroyanevndina Kl Fráferð frá parlamentinum Kl Koma til hotellið Myndafrágreiðing: Dánjal Rein heldur røðu Kl Sendistovan var vertur fyri døgverða, har umboð fyri føroyafelagið í London vóru við. Hósdagur, 22. oktober Kl Fráferð frá hotellinum til bretska uttanríkisráðið. Kl fund við Andrew Dalgleish, head of Europe Strategy Group um bretskan geopolitikk í Norðuratlantshavinum, og um hvørjar tankar man ger sær í Føroyum, nú Ísland søkir um ES-limaskap.

6 Myndafrágreiðing: Jógvan á Lakjuni, Høgni Hoydal, Poul Michelsen, John Johannessen, formaður, Karsten Hansen, Andrew Dalgleish, Kári á Rógvi og Helgi Abrahamsen Kl Fráferð til hotellið. Kl Frokost á Sloane Square Hotel, har eftirmeting varð gjørd av túrinum. Nevndin varð samd um, at tað hevði verið ynskiligt, um Uttanríkisráðið meira regluliga kunnaði nevndina um virksemið hjá sendistovunum og sendi nevndini ársfrágreiðingar. Kl Vitjan í residensinum hjá danska ambassadørinum, Birger Riis-Jørgensen, sum kunnaði um avleiðingarnar í UK av fíggjarkreppuni.

7 Myndafrágreiðingar: Birger Riis-Jørgensen greiðir frá Kl Fráferð frá residensinum til flogvøllin. Kl fráferð úr Heathrow, koma til Kastrup Kl Koma á hotell Hebron. Fríggjadagur, 23. oktober Kl Fundur á sendistovuni, har Herálvur Joensen legði út við at greiða frá um virksemið hjá sendistovuni. Frágreiðingin var skipað við grundarlagi í framløgu (link), sum nevndin fekk avrit av. Kl Hevði Lars Bo Møller frá Udenrigsministeriets Sikkerhedspolitiske kontor framløgu fyri nevndini um trygdarpolitik. Nevndin fekk avrit av framløguni (link). Kl Varð skipað fyri ábiti á sendistovuni. Kl Greiddi Kim Jesper Jørgensen, Chef for 1. afdeling, Planlægning og Operationer frá, hvussu Verjumálaráðið skipar sítt arbeiði í Norðurhøvum. Frágreiðingin var skipað við grundarlagi í framløgu (link), sum nevndin fekk avrit av.

8 Kl Hevði Lars Bo Møller framløgu (link) fyri nevndini um Stoltenberg frágreiðingina. Myndafrágreiðing: John Johannessen, formaður, Jógvan á Lakjuni, Kári á Rógvi, Karsten Hansen og Herálvur Joensen Kl Fór nevndin frá sendistovuni. Kl fráferð úr Kastrup, koma til Vágar kl november 2009 Kristina Samuelsen, nevndarskrivari