Norðurlendsk ráðstevna í Farum í Danmark september 2013 um venjaraútbúgving

Transcription

1 Norðurlendsk ráðstevna í Farum í Danmark september 2013 um venjaraútbúgving 1

2 Formæli Undirritaðu umboð fyri Fótbóltssamband Føroya, Petur Simonsen og Eli Hentze luttóku dagarnar september á norðurlendskari ráðstevnu í Farum um venjaraútbúgvingar. Umboð fyri øll norðanlond vóru møtt á ráðstevnuni, ið er eitt árligt tiltak. Seinasta ár varð ráðstevnan hildin í Føroyum, og tá var evni Leikaramenning. Á ráðstevnum sum hesari er gyltur møguleiki at ogna sær vitan um, hvussu londini rundanum okkum arbeiða við teimum ymisku økjunum. Í hesum føri var sum nevnt talan um venjaraútbúgving. Slíkt høvið gevur okkum eisini møguleikan at greiða hinum frá, hvat er á breddanum her á landi. Umstøðurnar í Farum vóru framúr góðar. Blíðskapurin og hjálpsemi frá vertunum somuleiðis. Superligafelagið FC Nordsjælland, sum heldur til í Farum, var nátúrligur partur av ráðstevnuni. Núverandi danski kvinnulandsliðsvenjarin og DBU venjarainstruktørur Niels Nielsen greiddi frá ástøðini aftanfyri venjing 11v11 á 1/1 vølli við atliti til pensum í DBU A- venjaraútbúgvingini og eftirfylgjandi vóru vit úti á vøllinum og eygleiddu hann, meðan hann vandi eitt U14 lið hjá FC Nordsjælland á 1/1 vølli. Stjórin og ein venjari á akademinum vóru og greiddu frá teirra filosofi og arbeiðshættum við yngri leikarum. Høvuðsvenjarin í FC Nordsjælland, Kasper Hjulmand, saman við 2

3 1.liðsvenjaranum Flemming Pedersen løgdu fram hugsanir sínar um menning av spælistíli og felagi herundir leiðslu, umframt at vit eisini sóu 1.lið venja. Ein av donsku venjarainstruktørunum, Claus Mønsted, var og greiddi frá um, hvussu arbeitt verður við dystargreining í DBU A-venjaraútbúgvingini. Morten Nielsen, ið er ein av 8 fólkum innan DBU, sum burturav fáast við Grassroots-fótbólt tosaði um fótbóltsspæl hjá børnum. Hann vísti til kanning, ið DBU nýliga hevur gjørt. Kanningin hevði til endamáls at fáa staðfest fyrimunir og vansar við tal av leikarum á hvørjum liði og stødd á vølli í ymisku aldursbólkunum. Grundarlagi undir kanningini eru 100 dystir, sum eru tiknir upp á video og eftirfylgjandi greinaðir av fyritøkuni Amisco. Peter Rudbæk til vinstru og Poul Gilling útbúgvingarstjóri í DBU Peter Rudbæk, ið hevur høvuðsábyrgdina av venjaraútbúgvingini hevði eisini orðið. M.a. tosaði hann um projekt hjá DBU, ið leggur dent á málskjótingina. Í tí sambandinum fingu luttakararnir eintak av nýggjari fløgu, ið DBU hevur givið út kallað: Den gode afslutter. Eisini legði hann fram høvuðsinnihaldið og skipanina í teirra venjaraútbúgving eisini við atliti til teirra vegleiðaraskipan og treytir fyri at virka sum vegleiðari. 3

4 Innihaldsyvirlit: s. 2-3 Formæli s. 5 Skráin fyri dagarnar í Farum s. 6 Luttakararnir á ráðstevnuni s. 7-8 Peter Rudbæk: DBU B-venjaraútbúgvingin s Peter Rudbæk: DBU A-venjaraútbúgvingin s Nils Nielsen: ástøðið um og venjing á heilum vølli 11 v 11 s.16 Peter Rudbæk: fysisk venjing í B, A og Pro-venjaraútbúgvingini s Peter Rudbæk: Den gode afslutter um málskjóting s.19 Eygleiðing av venjing hjá FCN 1.lið s s s s Kasper Hjulmand: menning av felag og leikhátt leiðsla Lars Hallengreen: FCN Akademi og leikaramenning Claus Mønsted: dystargreining í A-venjaraútbúgvingini Morten Nielsen: small sided games s.33 Endaviðmerkingar og eftirmeting 4

5 Farum Park sports and conference center Idrætsvænget 2, 3520 Farum 5

6 6 Norðurlendsk ráðstevna um venjaraútbúgving

7 Dagur 1 Mikudagur 18.sep. 2013, Farum Peter Rudbæk Peter Rudbæk tosaði um B og A DBU-venjaraútbúgvingina. Í stórum trekkum líkist tann føroyska útbúgving nógv tí donsku. Hann legði fyri við at greiða frá samanhanginum millum venjaravegleiðaran/instruktørin og høvuðspartarnar í og rundanum spælið í B-venjaraútbúgvingini: Dysturin/spælið Leikarin Liðið Venjarin Peter legði dent á, at týdningarmesta greiningaramboðið í teirra útbúgving, tá ið um dystin/spælið ráddi er SPILLESTILSBOLDEN Tá ið talan er um menning av leikarum frá degi 1 gjøgnum barnaárini til og við ungdómsárini verður tilfar brúkt, ið kallast: Aldersrelateret Træning. Nevndi eisini nøkur fá viðurskifti rundanum liðbygging menning av einum liði. Og um leiðslu, har høvuðdenturin í útbúgvingini er at kenna seg sjálvan fyri at kunna leiða onnur. Eitt av týdningarmestu amboðunum hjá venjaravegleiðaranum/instrøkturinum er at seta teir røttu spurningarnar. 7

8 8 Norðurlendsk Ráðstevna um venjaraútbúgving

9 A-venjaraútbúgvingin Hann gjøgnumgekk í stuttum innihaldið og raðfestingar í útbúgvingini. Samaborið við FSF A-venjaraútbúgvingna, ið tekur 1½ ár, gjøgnumføra danskir luttakarar útbúgvingina í 1 ár. Niðri er kostnaðurin kr. 60.t. Samanlagt er talan er um 4 samlingar umframt endaligu próvtøkuna. Samlingarnar eru skipaðar sum internat, tvs. luttakararnir yvirnátta allir á sama stað. Fyrsti parturin er samling á 2 dagar, har nógv verður gjørt burturúr dystargreining, hvør tín leikháttur er, og hvussu tú er sum venjari. Tvs. at gerast skal ein lýsing av luttakaranna leikhátti. Ein uppgáva/ætlan skal skrivast um fysiska venjing. Og ein 360 profil av tær hvussu síggja hini teg? 5 fólk, ið kenna teg, verða biðin um at svara nøkrum spurningum. Síðani er Námsferð í viku 7 og 8 á skránni. Vanliga verður farið til feløg í Hollandi og Týsklandi. 12 luttakarar fara saman. Innihaldið á Námsferðini er í høvuðsheitum einstaklinga scouting-uppgávur og dystargreining. Luttakararnir kunnu velja, hvørjum aldursbólki teir fylgja. Tvs. at teir 12 luttakararnir, ið fara avstað saman, aftur verða býttir í bólkar. Peter Rudbæk legði stóra áherðslu á, at tað er umráðandi at vita, hvat tú ítøkiliga hyggur eftir, so tú kann reflektera yvir tað, ið tú sær. Og ikki minst at spyrja seg sjálvan, hvat tú kann brúka tað til, ið tú sær! Scouting-uppgávan kundi verið soleiðis orðað: hygg eftir høgra vongi! skulu vit keypa hann? Peter Rudbæk legði dent á, at uppgávan saman við dystargreinaruppgávunum skulu síggjast sum ein lærutilgongd og ikki sum próvtøka! Í juni mánaði eru 7 dagar, har høvuðsdenturin er venjing á vøllinum. Tá verða U14 leikarar brúktir sum medier. Í tí fyrstu samlingini skuldi hvør einstakur luttakari gera uppgávur um sín egna leikhátt. Á hesi samlingini í juni skal ein størri bólkur nú gera somu uppgávu. Í desember mánaði eru tveir dagar settir av til síðstu samlingina, har millum annað luttakararnir skulu til eina fysiska test, ið er skipað sum multiple choice, tvs: x tal av spurningum við 3 valmøguleikum. Luttakarin skal svara 60% rætt fyri at klára royndina. Samanborið við okkara hava danir væl minni av supervisión úti í feløgunum. Danski luttakarin fær tvær vitjanir. Einaferð um várið og einaferð um heystið. 9

10 Peter Rudbæk greiddi frá, at innihaldið í A-venjaraútbúgvingini er býtt í 9 ymiskar partar. Luttakarin skal standa allar 9 partarnar fyri at fáa pappírini. Tað er uppgávan hjá vegleiðaranum at gera av, um og nær luttakarin hevur staðið teir 9 partarnar. Eisini nevndi hann, at próvtøkan nú verður skipað øðrvísi enn áður. Dentur verður nú lagdur á høvuðsuppgávuna, ið luttakarin hevur skrivað/gjørt. Luttakarin skal so í próvtøkuni verja uppgávuna/projektið. Við støði í tí verður próvtøkan bara ástøðilig, tí luttakarin hevur staðið tann praktiska partin frammanundan. Um vegleiðarin metir, at luttakari ikki er dugnaligur nokk úti á vøllinum, kann luttakaran biðja um fleiri vitjanir, men má tá gjalda eyka fyri tað. Gjøgnum alla tilgongdina/útbúgvingina skriva luttakararnir logbók. T.e. tankar og viðmerkingar. Ikki t.d. venjingar og tilrættisleggjan av venjing. Ein partur av arbeiðnum við logbókini er afturmelding frá luttakara til vegleiðara. Tá ið vegleiðari hevur verið á vitjan og sett er út í kortið, hvat luttakarin skal blíva betri til, tá skal luttakarin senda vegleiðaranum ein t-post, har greitt verður frá, hvat hann heldur vegleiðarin hevur sagt og ásett. Um samsvar er, so er alt ok. Um ikki, so skal vegleiðarin seta seg í samband við luttakaran. 10

11 Luttakararnir eru gjøgnum alt tíðarskeiðið saman í bólki á 6 luttakarar. Til ta síðstu samlingini verður hvør luttakari í bólkinum biðin um at siga 3 týdningarmikil ting um hvønn einstakan av hinum. Hvør vegleiðari hevur 6 luttakarar. Tvs. tilsaman eru 4 vegleiðarar knýttir at einum bólki á 24 luttakarar. Vegleiðari er tú í 2 ár, og í tí tíðarskeiðinum skulu nakrar treytir uppfyllast! Nevnt bleiv eisini, at ætlanin er komandi ár at seta á stovn vegleiðaraskipan fyri vegleiðararnar. 11

12 Nils Nielsen, A-landsliðsvenjari hjá kvinnum og DBU vegleiðari/instruktørur Nils hevði til uppgávu bæði ástøðiligt og praktiskt at greiða frá um venjing 11 v 11 á heilum vølli. Fyrst vísti hann á orsøkir til, at hetta var eitt fokusøki í útbúgvingini. (Peter Rudbæk nevndi í síni framløgu, at luttakari, ið ikki megnar venjing 11 v 11 á heilum vølli, er ikki á A/advanced-støði!!) Hann vísti á amboð, ið venjarin kann/skal brúka á vøllinum Og hann bar fram egnar tankar um 11 v 11 á heilum vølli. Hví 11 v 11 á heilum vølli? 12

13 Venjaraamboðskassin, tá ið vant verður 11 v 11 á heilum vølli Áðrenn farið varð út á vøllin greiddi Nils frá amboðunum, ið hann sum venjari skal/kann brúka. Luttakarar á A-venjaraútbúgvingini vilja kenna amboðini aftur, ella í hvussu so er nøkur av teimum! Síðani nevndi hann nakrar forðingar, ið venjarar kunnu brúka sum umbering fyri ikki at venja 11 v 11 á heilum vølli: Pláss Ov fáir leikarar Manglandi venjaraførleiki til slíka venjing 13

14 Venjingin Innihaldið í venjingini var álopsspæl. Nils vísti okkum eitt modell fyri, hvussu hann fyrireikaði seg undan hesi taktisku venjingini á heilum vølli. Venjarin brúkti øll amboðini í amboðskassanum, ið er nevndur omanfyri. Eftir venjingina var eftirmeting saman við leikarunum. Teir hildu, at teir høvdu havt nógvar renningar frameftir, og at ov nógvar langar avleveringar vóru brúktar. Neyðugt var at taka fleiri betri avgerðir í spælinum næstu ferð! Komnir innaftur tóku luttakararnir og Nils samanum. Ein av ætlanum við venjingini var at gera brúk av kipp-avleveringini, men har var bert tann eini leikarin, ið hevði førleikan til sparkið. Eisini bleiv diskuterað um Shadow Play (skabelón venjing) tvs. uttan mótstøðu, er ein góður máti. Menn vóru ikki samdir. Men niðurstøðan var hon, at neyðugt er at brúka meiri enn eina metodu fyri at røkka málinum. Norsku luttakararnir vildu vera við, at heilt nógvir av teirra luttakarum í A-útbúgvingini ikki eru førir fyri at standa fyri eini venjing 11 v 11 á heilum vølli. Orsøkin er hon, søgdu teir, at 14

15 norski venjaramarknaðurin í stóran mun spyr eftir einstaklinga-venjarum, sokallaðum Player Development størvum. Danir tóku uppaftur, at sjálvt hjá einum, ið hevur starv sum Player Developer, er neyðugt at skilja heildina og duga at virka í heildini. Og at venjing á heilum vølli 11 v 11 er ein treyt á A/advanced støði. Norski U21 landsliðsvenjarin Tor Ole Skullerud fremstur í myndini. Og Dag Opjordsmoen frá Toppfotballsenteret Fyrrverandi norski stórspælarin Hallvar Thoresen fremstur í myndini. 15

16 Dagur 2 Hósdagur 19.sep. 2013, Farum Peter Rudbæk Á skránni stóð at tosast skuldi um fysiska partin í B, A og Pro-venjarútbúgvingini, men lítið og onki bleiv nevnt um hetta økið. Hann nevndi tó nakað um tímatalið og orsøkina til ætlanina at broya tíðspunktið fyri multiple-choice royndini. Sum er hevur royndin ligið tíðliga, men nú er ætlanin at flyta hana. Orsøkin er hon, at luttakararnir brúka og skulu brúka vitanina gjøgnum alt tíðarskeiðið. Í B-útbúgvingini eru tímar settir av Í A-útbúgvingini eru tímar settir av (dentur bleiv lagdur á, at neyðugt er at sameina vitan og førleikan at brúka vitanina í praksis Í Pró-útbúgvingini eru tímar settir av sum verðandi høvuðsmálið!) 16

17 Den gode afslutter Peter Rudbæk brúkti í staðin meginpartin av tíðini at tosa um nýtt projekt kallað: Den gode afslutter. 1.stigið á leiðini var at kalla inn fyrrverandi dugnaligar málskjúttar í donskum fótbólti at tosa um hetta at skora mál. Síðani hevur A+venjarabólkurin í DBU framleitt tilfar á DVD ini sum eitur: Den gode afslutter. DBU hevur í løtuni eisini eitt projekt í gongd, sum hyggur eftir U14 leikarum, har skrásett verður hvør skorar bæði í venjing og í dysti. Norðmenn søgdu seg eisini hava eitt projekt í gongd, sum eisini snýr seg um tað sama. 17

18 18 Norðurlendsk ráðstevna um venjaraútbúgving

19 Eygleiðing FC Nordsjælland, Superligaliðið, venjing Undan venjingni greiddi høvuðsvenjarin Kasper Hjulmand í stuttum frá innihaldinum í dagsins venjing. Hann segði, at liðið hevði trupult við at skapa neyðugu málmøguleikarnar í dystunum. Tí vandu teir spæl í longdarrætning, djúpar renningar og avleveringar innfyri málið, serliga flatar skráar avleveringar, ið er ein trend í dagsins fótbólti. Áðrenn leikararnir komu út á vøllin, høvdu teir sæð nøkur videobrot, ið vístu ítøkiliga, hvat ætlanin við venjingini var. 3 av teimum 7 venjarunum, ið luttóku í venjingini. Frá vinstru: Flemming Pedersen 1.liðsvenjari, Kasper Hjulmand høvuðsvenjari og Mark Strudal álopsvenjari Sum væntað var venjingin sera væl skipað og gjøgnumførd við høgum intensiteti. 7 venjarar luttóku í venjingini, millum teirra U19 venjarin. Venjingarinnihaldið var í stuttum hetta: upphiting við fysiska venjaranum um 20 min skabelonøvilsi/shadow-play 10 v 1 á ½-vølli uppspæl>gjøgnumbrot og skot á mál (2 bólkar á hvør sínari hálvu) posessionsøvilsi 9 v 9 á heilum vølli 2 dystir 9 v 9 á minni vølli málini stóðu millum 16 m og miðjuna Individuellar venjingar við einkultum leikarum vóru gjøgnum alla venjingina. 19

20 Kasper Hjulmand og Flemming Pedersen um menning av felagnum og spæli Legði fyri at tosa um menning av einum felagi. Greiddi frá týdninginum at tey trý beinini eru eins sterk: 1. Ætlan/strategi 2. Vitan/know how 3. Tilfangi/resursir 20

21 Høvuðsendamálið/ætlanin við allari venjing í rekkjunum niðriundir 1.liði er at fáa egnar spælarar upp á Superliga-støðið. Ein heildarskipan fyri venjing í øllum aldursbólkum er gjørd. Stórur dentur verður lagdur á at øll øvilsi innihalda høvuðspartanar í spælinum: tek/tak, fysiska og til deils sálarliga partin. Tvs. at í minni mun verða hesi øki vand isoleraði! FCN hevur 14 fulltíðar fólk í venjarabólkinum íroknað fysioterapeut og lækna. Kasper Hjulmand tosar nógv um eigaraskap sum grundleggjandi leiðsluform. Hvør einstakur hevur vitan og førleikar, ið skulu sleppa at virka. Hetta letur seg væl gera, tá ið allur venjar/leiðarahópurin kennir vegin/málið og vegin á mál. Fyri at tosa sama mál er neyðugt, at øll kenna mentanina, hvørji vit eru og hvussu vit spæla. Tá ið øll kenna hetta er møguligt at hava stóran venjarabólk, sigur Kasper Hulmand. FCN mentanin Allar framløgurnar vóru á enskum máli. Her eisini partvíst endurgivið á enskum. Mindset of teamspirt gera alt fyri at vísa, at vit arbeiða saman um hetta her. Lat eisini sólina skína á leikarar, ið stríðast fyri hinar í rampuljósinum. Eg sum leiðari má síggja hetta og geva teimum herðaklapp. Dedication we need to do our best every day. Quality is very important. Hjulmand nevnir Nikolaj Stockholm sum dømi. Courage loyva ungum leikarum framat, tora at skifta hugsan, allir leikarar skulu vilja hava bóltin óansæð hvat hendir Joy bólturin er lykilin til gleðina, eg vil síggja eitt lið, har gleðin lýsir av teimum, tí teir vilja spæla fótbólt We have collective-mindset, where enjoyment must be the drive, passion for football and working together. 21

22 22 Norðurlendsk ráðstevna um venjaraútbúgving

23 Kasper Hjulmand tosaði eisini um yvirornaðu spælifilosofiina. FCNordsjælland er danska svarið upp á Barcelona. Í øllum førum er tað stóra fyrimyndin hjá teimum! Víðari tosaði hann um vinnaramentalitet. Tað er heilt greitt, at vegurin til sigrar er leikhátturin, ið felagið hevur valt, tvs. ein spælstýrandi leikháttur /passing game. Høvuðsdenturin er avrikið, soleiðis at tað og mátin at spæla spælið telur allarmest, tí tá verða sigrarnir nógv fleiri enn ósigrarnir, sigur Kasper Hulmand. Points can not be planned performances can! 23

24 Moderna leiðsla FCN er tað felagið í DK við nógv flestum fulltíðarsettum fólkum í venjara/leiðarahópinum. Kasper Hjulmand er ein av teimum nýggu modernaðu venjarunum, ið er greiðir yvir, at vegurin til succes krevur ymiskar førleikar, ið ikki bara tann eini maðurin kann hava, men fleiri við ymiskum førleikum. 24

25 Hóast lítil ivi er um, at Kasper Hjulmand telist millum dugnaligastu fótbóltsvejarar/leiðarar í Danmark anno 2013, og hevur við FC Nordsjælland vunnið gull og silvur seinastu 2 kappingarárini umframt 2 gull í steypakappingini, so er veruleikin her og nú tann, at lið hansara liggur á aftasta plássi við bert 5 stigum fyri 9 dystir. Hinvegin var lítil og ongin panikkur at hóma. Turkatrúgv upp á, at teir nokk skuldu koma á rætta kós aftur fyrr ella seinni. 25

26 Lars Hallengreen, Head of FCN Academy FCN hevur okkurt um gott 60 feløg í nærumhvørvinum, sum teir samstarva við. Leikarar koma inn á FCN akademiið sum U12 leikarar. Leikarar á akademinum skulu so ígjøgnum 9 ymisk øki fram ímóti U19 ára aldri. Life skills nakað, ið eisini verður tikið fram í skúlasamanhangi (leikarar á akademinum ganga í skúla, sum hoyrir til FCN) Social support/parents Football skills FCN training, academy, self, specific, team training with the professionals Mental skills mentan mentoring, workshops eisini her gera teir brúk av teimum professionellu leikarunum í felagnum. Selfregulation/feed back guidance, goalsetting, feed back model, tests, responsible for own learning, self evaluate, reflection Physcical training Commitment/enjoyment, passion and joy Team spirit/team player you have succes when you help others and when others help you, supporting decisions, to guide others, to be there for teammates Willpower, selfmotivation, courage/dedication brúka eina test við 60 spurningum fyri at kann spælararnar. Um 18 leikarar í hvørjum aldursbólki. 2 málverjar og 16 útileikarar upp til og við U15. Eldri bólkar telja størri hópar. Ikki allir leikararnir á akademinum ganga í skúla hjá FCN 26

27 U.l. 40 leikarar á akademinum Flestu leikararnir koma frá teimum o.u. 66 samstarvsfeløgunum úr nærumhvørvinum Ungdómsdeildin kostar 7 milliónir kr um árið Foreldur at leikarum á akademinum gjalda kr. 3.t. um mánaðin. At heimavøllurin hjá FCN hevur graslíkið er ein stórur fyrimunur fyri felagið og tess luttakarar. Tað merkir, at til ber hjá yngri og eldri at venja á stadion árið runt! Dagarnar vit vóru í Farum vóru lið á vøllinum frá morgni til myrkurs. Akademileikararnir venja tveir fyrrapartar frá kl á stadion. 27

28 Claus Mønsted, kampanalyse á A-venjaraútbúgvingini. DBU instruktørurin hevði eina sera áhugaverda framløgu um, hvussu dystargreining/kampanalyse verður viðgjørd í A-venjaraútbúgvingini. Hóast vit í okkara venjaraútbúgving gera nógv burturúr hesum økinum, so fingu vit eina fatan av, at her er nakað at heinta hjá okkum. Farið varð eitt vet meira systematiskt til verka og stórur dentur bleiv lagdur á at læra tvær greiningarmetodur, umframt at SPILLESTILBOLDEN bleiv nýttur allatíðina. Greiningarmetodurnar eru: 1. Kvantitativt (tað, ið mátast/teljast kann - objektivt) 2. Kvalitatativt (tað, ið metast kann metast um, subjektivt) Hvørjir fyrimunir og vansar við metodu nr. 1, kvantitative metode: 28

29 Metoda nr. 2, kvalitatitve metode: Luttakararnir á A-útbúgvingini fingu høvið longu til fyrstu samlingina at royna/læra hesar metodurnar. Innialdið á námsferðini snýr seg í høvuðsheitum um dystargreining og scouting uppgávur. Eygleiðing av fýra dystum, har onkrir teirra verða viðgjørdir munnliga og aðrir við skrivligum uppgávum. Endamálið er at luttakararnir stigvíst fara djúpari inn í greiningarnar/analysurnar. At teir menna kritiskan sans, kunnu samanbera, kunnu definera, kunnu læra nakað av statistikkinum. 1.stigi á leiðini er at læra metodu/ur og hvussu tú kann brúka tølini. 29

30 30 Norðurlendsk ráðstevna um venjaraútbúgving

31 31 Norðurlendsk ráðstevna um venjaraútbúgving

32 Dagur 3 Fríggjadagur 20.sep. 2013, Farum Morten Nielsen Morten Nielsen tosaði um Small Sided Games. Í skránni stóð, at hann eisini skuldi prátað um C-venjaraútbúgvingina, men tað kom hann ikki inná. Í 2012 var ein stór spilleformsundersøgelse gjørd. Og í hesum árinum hava teir viðgjørt kanningina og gjørt niðurstøður. Til ber at lesa meira um partar av hesi kanning inni á - ww.dbu.dk í tí sum eitur DBU Trænerlounge. Morten Nielsen nevndi í stuttum tey tilmæli, sum byggja á úrslitini í kanningini: U5, U6, U7 3 v 3 13x21 m U8, U9, U10 5 v 5 30x40 m U11, U12, U13 8 v 8 ½-vøll U14 uppeftir 11 v 11 1/1 vøll Nakað nýtt frá teimum ymisku londunum? Sviar høvdu onki nýtt at vísa á, men nakað var á veg. Umboð úr Svøríki tosaði um prinsippini í teirra Player Development Plan 6-19 ár Norðmenn hava økt tímatalið í C-licensinum til 72 tímar málverjupartur komin uppí. Norðmenn hava harumframt eina serstaka venjara-málverjuútbúgving. Danir, sviar og norðmenn sita í løtuni og arbeiða við einum felagsleisti viðvíkjandi útbúgving av málverjuvenjarum. Finnar hava eisini drúgva C-útbúgving. Eisini hava teir 125 tímar langa Futsalvenjaraútbúgving. Harumframt tosaðu teir um, at teir hava tikið til sín E-learning. Og at teir brúka Polar Team Pack2. Greitt bleiv eisini frá, hvussu teir brúka logbókina. Íslendarar vístu á, at teir fyri fyrstu ferð høvdu havt eitt 105 tímar langt Goal Keeper Advanced Diploma skeið í 2012/13. Rætningslinjurnar í skeiðnum byggja á UEFA 32

33 rætningslinjur. Skeiðið kostar 7.t. kr. Eru í ferð við at byrja E-learning í samstarvi við England. Petur Simonsen nevndi komandi R-skeiðið. Nevndi eisini royndirnar at fáa fleiri konufólk at at koma á skeið ókeypis! Nevndi eisini hugskotið aftanvert Stjørnufótbóltin. Endaviðmerkingar/eftimeting Luttakararnir vóru glaðir fyri dagarnar í Farum. Temaið til næstu ferð: kvinnufótbóltur, hvussu vit rekrutera gentu/kvinnuleikarar og venjarar. Hildið var at 3 dagar í staðin fyri 4 passar betri. Íslendarar reistu spurningin, hvat gerast skal við luttakarar á venjaraskeiðum, ið ikki hava førleikan at lesa og skriva, ella á annan hátt hava trupulleikar og skerdar førleikar. Hesin spurningurin bleiv viðgjørdur eitt sindur. Niðurstøðan var hon, at hesir luttakarar mugu fáa hjálp, og at neyðugt verður framyvir at brúka meira modernaðar mátar, geva møguleikar hjá luttakarunum at koma ígjøgnum útbúgvingina. Nevnt bleiv eisini, at samarbeiði er millum venjaraútbúgving og aðrar partar av samfelagnum. Sviar hava samarbeiði við hern. Danir vilja framyvir á Pro hava at luttakararnir vitja eina fyritøku, sum onki hevur við fótbólt at gera, í tveir dagar at síggja leiðslu útinna í tí dagliga. Finnar samstarva við aðrar ítróttargreinar. Onkur bar upp á mál, at tað er nemt at gera góðar fótbóltsinstruktørar, men vónandi kunnu vit gera góðar fótbóltscoachar. Har er relatiónin millum menniskju týdningarmikil! Alt í alt tríggir áhugaverdir og gevandi dagar, har vit fingu eyga á nøkur viðurskifti, ið kunnu viðgerast og evt. justerast í okkara egnu útbúgving. Eli Hentze 33