Tíðindi úr Føroyum tann 23. juli Tíðindi til føroyingar uttanlanda stuðla av tí føroysku sjómanskirkjuni.

Transcription

1 Tíðindi úr Føroyum tann 23. juli 2015 Tíðindi til føroyingar uttanlanda stuðla av tí føroysku sjómanskirkjuni. Hey øll Ja tíðin rennur avstað og skjótt er summari farið sum ongantíð kom fram... :-) Um gott 2 mánaðar so er Sjómannadagur á skránni, og ætlað vit aftur í ár at hava tað árligu myndakappingina. Vit kundu hugsa okkum myndir frá okkara dagligdegi bæði út sum heima. Vit velja so 25 myndir út sum kappast skal um, og fáa so tey vitjandi á Sjómannadegnum møguleikan at velja tær bestu myndirnar. Vit vildu helst at myndirnar eru 1 til 2 Mb og max. 3 myndir frá hvørjum. Takk fyri. Vinningar er fylgjandi: 1. Eitt vikuskifti fyri 2 vaksin á Hotel Skálavík. 2. Ein Føroysk bók. 3. Ein T-shirt og ein geymi. Vinarliga sendi myndir til: myndir@antares.fo í seinasta lagið 15. August so vit kunna gerða myndirnar klárar til Sjómannadagin sum verður 22. August. Vh. Martin Sonny Frederiksen, fyriskipari Áhugafelagið Antares - vit sum starvast uttanlands / antares@antares.fo Egyptaland á varðhaldi undan Suez-upplating Egyptisku myndugleikarnir hava økt trygdartiltøkini um alt landið undan upplatingina av víðkaðu Suezveitini, sum verður 6. august. Trygdarkanningar av lokalum íbúgvum og herflotapatruljeringar eru nú gerandiskostur til tess at verja upplatingarhátíðarhaldið móti hóttanum. Øktu trygdartiltøkini eru sett í verk, eftir at bumbur eru funnar og spreingingar hava verið kring landsins størstu siglingarveit fyrr í mánaðinum umframt eitt IS-álop á eitt minni egyptiskt vaktarskip nærindis Sinai-hálvoynni. Í morgin verða fleiri royndarsiglingar gjøgnum víðkaðu veitina við skipum av ymsum støddum til tess at tryggja, at alt riggar sum tað skal sjálvan upplatingardagin. Leiðslan fyri Suez-veitini sigur, at nýggja verkætlanin er útgjørd við navigatiónsskeltum, kortum, elektroniskari navigatiónsútgerð og høgt útbúnum guidum, ið skulu tryggja skipini, sum brúka veitina. Tá tvívegis motorvegurin er liðugur, roknar Egyptaland við, at útivið skip fara at brúka rutuna um árið. Víðkanin gevur møguleikar fyri transitti av skipum upp til 20 metra breitt. Hetta økir umsetningin hjá Suezveitini til útivið 17 miljardir dollarar um árið. Kelda: World Maritime News Antares.fo Klaksvík verður ein spennandi og vakur býur :26 - Klaksvík fær við nýggja miðbýnum nøkur hugnalig og vøkur býarrúm, sum lata upp fyri fjølbroytni og trivnaði, sigur arkitekturin Ósbjørn Jacobsen um dagførdu miðbýarætlanina hjá Klaksvíkar kommunu.

2 Arkitekturin Ósbjørn Jacobsen stóð á odda fyri vinnandi uppskotinum um nýggja miðbýin í Klaksvík, og arktekturin heldur, at Klaksvík verður ein enn meiri spennandi og vakur býur við nýggja miðbýnum. - Lat meg sláa fast, at Klaksvík er longu í dag ein sera spennandi býur og hevur nógvar ótroyttar møguleikar, sum onnur støð í Føroyum ikki hava. Við nýggju miðbýarætlanini, sum býráðið hevur sett pening av til at seta í gongd, fær býurin nøkur hugnalig og vøkur býarrúm, sum lata upp fyri fjølbroytni og trivnaði. Nógv av grønum er hugsað inn í ætlanina, bæði tá ið hugsað verður um trø, runnar og gras, men eisini tá ið tað kemur til upphiting av øllum bygningunum, sigur Ósbjørn Jacobsen. Nýggi miðbýurin skal savna Klaksvík, og saman við verandi býi skal miðbýurin vaksa til eina sterka eind, sum samansjóðar allar partar av býnum. Miðstaðarøkið verður skipað sum býlingar við ymiskum sereyðkennum, har meginbýlingurin verður Biskupstorg, nýggja savnandi miðbýartorgið í Klaksvík. Eitt miðbýartorg við fólksligum dygdum, sum stuðla undir ymiskleika, møguleikar, aktivitetir og upplivilsir, fyri allar borgarar, allar tíðir á døgninum og árinum. - Býurin verður eitt natúrligt savningarstað fyri ung, eldri og familjur. Vit hava lagt okkum eftir at fáa tað føroyska eyðkennið sum ein part av miðbýnum, samstundis sum nútíðar loysnir sjálvandi verða gagnnýttar í býnum. Altavgerandi fyri ein væl virkandi miðbý er somuleiðis at fáa so fjølbroyttar aktørar og funktiónir inn í miðbýin, sigur Ósbjørn Jacobsen. Arkitekturin sigur, at uppgávan hevur verið spennandi, tí tað er ikki á hvørjum degi, at arkitektur fær møguleikan at skapa ein miðbý frá grundini. - Eg vil nevna, at tað hevur verið ein fragd at arbeitt saman við Klaksvíkar kommunu um hesa verkætlan, ið uttan iva fer at hava stóra ávirkan á framtíðar útbyggingar í kommununi, sigur Ósbjørn Jacobsen. Antares.fo Dagført: Grindin deyð og Sea Shepherd fólk tikin :41 Bátar eru á veg til grindina, ið er sædd frá landi. Tað eru grindaboð vestanfyri. Grindin er sædd av landi frá Mykineshólmi. Enn er eingin bátur komin til grindina og vakthavandi á politistøðini sigur, at bátar eru á veg til grindina. Kl : Í KVF tíðindunum bleiv sagt, at tveir bátar eru hjá grindini nú. Grindin taldi tríggjar bólkar, men teir hava fingið tveir saman, sum bátarnir reka nú. Ætlanin er at grindin skal haldast til í Bø. Ein av teimum, ið er hjá grindini segði, at grindin er góð at fáast við. Enn hevur einki verið at sæð til Sea Shepherd hvørki á sjógvi ella landi. Grindin er mett at vera millum 100 og 200 hvalir. Kl : Við KVF segði Esbern í Eyðanstovu, ið er umborð á einum báti á staðnum, at grindin er góð at reka og at nú eru eini 15 bátar hjá henni. Hann væntaði, at sum tað gekk kl. 16, so tók tað kanska ein tíma til grindin kundi haldast til í Bø. Hann segði, at onkrir hvalir vóru farnir burturúr, men at eini 100 hvalir eru eftir. Kl : Grindin hevur nú lagt beinini. Men heldur ikki hesaferð sluppu vit undan, at fólk frá Sea Shepherd blivu handtikin. KVF veit at siga, at tvey fólk á landi og tvey fólk á sjógvi eru handtikin umframt at hald er lagt á ein bát. Nordlysid.fo Ólavsøkuframsýning við fornum føroyskum bátum :15 Framsýningin við tekningum er í nýggja bátafelagshúsinum í Vágsbotni á 3. hædd. Inngongd í erva. Lyfta er í húsinum. Framsýningin letur upp leygardagin 25. juli kl Henda dagin verður inngongdin á 2. hædd. Søgan: Verland Johansen ( ) ferðaðist um landið og máldi upp einar 30 føroyskar bátar í øllum støddum. Skitsurnar ætlaði hann seinni at tekna og geva út í bók, men kom ikki so langt, og tilfarið varð latið Føroya fornminnissavni. Verland sonur kenda báta- og skipasmiðin Lias í Rættará máldi bátarnar upp av sínum eintingum, tí at hann helt forna føroyska bátin vera í vanda, nú menn smíðaðu bátar at tæna øðrum dygdum enn teimum, forfedrar okkara gjøgnum øldir høvdu lagt dent á.

3 Ár 2000 gav Andras Mortensen søgufrøðingur út stórverkið og doktararitgerðina Hin føroyski róðrarbáturin. Í hesum sambandi fekk hann loyvi frá eftirkomarum Verlands at nýta tilfarið og bað Andrass Joensen tekna føroysku bátarnar. Andrass Joensen, ættaður av Húsum á Kalsoynni, f. 1943, lærdi báta- og skipasmíð á Klaksvíkar sleipistøð og fór so á Tórshavnar skipasmiðju at arbeiða. Har arbeiddi hann í nøkur og tjúgu ár og var við til at smíða fleiri stálskip. Síðst í 1980-unum tók Andrass Joensen útbúgving sum tekniskur teknari. Hann hevur stóran áhuga fyri bátasmíði og hevur smíðað Kiwanis Tórshavn fýra føroyskar bátar at luta burtur á ólavsøku tann seinasta nú á ólavsøku Nordlysid.fo Kunning um grindina í Havn :56 Ein grind legði beinini í Sandagerði í kvøld. Grindin varð funnin í Nólsoyarfirði um tíggjutíðina. Talan er um eina hampiliga stóra grind hon er mett til 100 hval. Grindin verður nú førd yvir á Vestaru Bryggju. Hon verður merkt og mett. Seinni fara sýslumaðurin og umsitingin í Tórshavnar kommunu undir at gera býtið. Nærri boð um, nær seðlarnir koma út, verða løgd á torshavn.fo og á síðuna hjá Tórshavnar kommunu á Facebook. Tá ið seðlarnir eru klárir, rópar borgarstjórin nøvnini upp við Magn á Vestaru Bryggju. Talva verður sett upp við grindabýtinum. Nordlysid.fo 130 hvalir og ein handtøka :12 Politiið sigur soleiðis í tíðindaskrivi: Í kvøld kl. 21:52 fekk politiið fráboðan um eina grind í Nólsoyarfirði. Tað vóru fólk á landi í Nólsoy, ið høvdu sæd grindina. Sýslumaðurin tók avgerð um at grindin skuldi rekast inn í Sandagerð. Grindin bleiv hildin til í Sandagerði og kl. 23:40 vár grindin deyð. Umleið 130 hvalir løgdu beinini. Ein limur frá Sea Shepherd - ein 23 ára gamal maður - blev handtikin á sandinum í samband við drápið. Hann er skuldsettur fyri brot á grindalógina. Nordlysid.fo Áki Bertholdsen (08:29) Sea Shepherd koyrir á løgregluna í Føroyum Fólk frá umhvørvisfelagsskapinum, Sea Shepherd ansa ikki bara eftir grind, nú tey eru her í Føroyum. Tey brúka nógva tíð upp á at ringja til løgregluna at boða frá øllum handa slagi, sum tey halda, ikki er, sum tað eigur at vera. Ein dagin ringdi tey og boðaðu frá onkrari undrunarsamari dálking sum vísti seg at vera avlopsmjólk, sum var runnið ígjøgnum kloakkirnar, og á sjógv. Annars ringja tey og boða frá, at nú hava tey sæð ein enda í sjónum, ella ein boyðu, og so vilja tey hava at vita, hvør tekur sær av tí, sigur løgreglan. Ein dagin ringdu tey at boða frá oljudálking á sjónum á Langasandi. Tað varð kannað, men sløkkiliðsfólkini mettu, at talan var um minni enn ein desilitur av olju. Og ein annan dagin ringdu tey og boðaðu frá, at tey høvdu sæð eina nýsu á Borðoyarvík, men tey hildu, at ein bátur mundi hava siglt á hana, tí hon sá út til at vera ússalig. Tey vildu hava djóralækna at kanna málið, men løgreglan fekk greitt teimum frá, at tað bar so ikki til. Annars er stóra skipið, Sea Shepherd hevur havt í Føroyum í eina tíð nú í summar, Sam Simon, at veg til Hetlands. Hann fór úr Føroyum í gjár og verður í Lerwick nú seinnapartin. Áki Bertholdsen (10:00) Eingin møguleiki at røkka málinum

4 Sum gongdin er nú, er óhugsandi, at vit røkka málinum um at dálkingin frá bilum skal vera minkað niður í helvt um fimm ár. Tað sigur Umhvørvisstovan. Í 2009 samtykti løgtingið einmælt ein veðurlagspolitikk fyri Føroyar, og eftir honum skuldi útlátið av vakstrarhúsgassi í Føroyum vera minst 20 prosent minni í 2020, enn tað var Eitt ú skuldi útlátið frá bilum verða 50 prosent minni. Men nú Umhvørvisstovan hevur gjørt støðuna upp, staðfestir hon, at tað er ongin møguleiki at røkka tí málinum. Sum tað sæst á talvuni, er útlátið frá bilum minkað eitt vet hvørt ár síðani Men 2014 er eitt undantak, tá ið tá í útlátið var 3 prosent hægri enn tað var í Sostatt kann sigast, í 2014 steðgaði gongdin tann rætta vegin og sum tað sær út nú, er eingin møguleiki fyri at náa málinum. Spurningurin um at eggja føroyingum til at keypa el-bilar, hevur fleiri ferðir verið til umrøðu í Løgtinginum, men higartil er tað ikki blivið til nógv meiri enn við prátið. Eyðun Klakstein (15:06) Ferðafólk fann grindina Nógv ferðafólk eru í dag á vitjan í Mykinesi, og tað var eitt av ferðafólkunum, sum fyrst fekk eygað á grindaflokkarnar vestan fyri Mykines nú seinnapartin. Esbern í Eyðansstovu, bóndi í Mykinesi, fór í bátin og var tann fyrsti, sum var hjá grindini. - Tað eru nógvir útlendingar í Mykinesi í dag, og tey fylgja við grindarakstrinum úr landi. Eg veit ikki, hvat teimum dámar hetta, men tey fáa so eina øðrvísi uppliving burturúr tí, sigur Esbern í Eyðansstovu. Nú eru fleiri bátar ávegis til grindina, og ætlanin er at halda henni til í Bø. Spurningurin er so, um tað verður eitt ferðafólk, ið fer við finningarhvalinum. Hallur av Rana (21:55) Jacob Vestergaard blandar seg í Næraberg-málið Føroyski fiskimálaráðharrin, Jacob Vestergaard, hevur í dag sent íslendska starvsbróður sínum, Sigurður Ingi Jóhannsson, eitt bræv Næraberg-málið. Í brævinum viðgerð Jacob Vestergaard íslendska forboðið fyri, at Næraberg kann koma í íslendska havn, og vísir á, at tað ikki er í samsvar við handilssáttmálan landanna ímillum, Hoyvíkssáttmálan. Serliga verður víst til 1 í sáttmálanum, ið staðfestir at tað ikki er lov at gera mun á fólkum vegna tjóðskap, og tí er tað skeivt, at mismunur verður gjørdur millum føroysk og íslendsk skip. Í brævinum heitir hann eisini á íslendska starvsbróður sín um, at taka málið upp til nýggja viðgerð. Eyðun Klakstein (22:27) Sea Shepherd leiðari millum tey handtiknu Suðurafrikanska Rosie Kunneke hevur seinastu tvey árini verið leiðari fyri átøkini hjá Sea Shepherd á landi í Føroyum. Í fjør hevði hon til tíðir yvir 50 fólk undir sær í ár hava tey verið munandi færri. Rosie Kunneke var ein av teimum, sum løgreglan í dag handtók í Bø. Løgreglan hevur skuldsett hana fyri at órógva grindadrápið.

5 Umframt Sea Shepherd leiðaran eru trý onnur fólk handtikin. Ein er úr Beliga, ein úr Fraklandi og ein úr Italia. Tey verða verðandi í varðhaldi hjá løgregluni í nátt. Løgreglan kann afturhalda fólk í mesta lagi í 24 tímar, áðrenn tey mugu latast leys ella førast fyri ein dómara. Hallur av Rana (22:30) Nærkast til fráferðina hjá havrógvarunum Átta menn byrja í morgin eina heldur serliga ferð til Skotlands. Fyri framman bíðar ein serligt bygdur havbátur, ið teir skulu rógva allan vegin til Føroyar. Tað eru Livar Nysted og Leven Brown, ið standa fyri tiltakinum. Óvist er nær loyst verður frá landi í Skotlandi, men um alt gongur væl, so verður longu loyst frá landi í annaðkvøld, boða fyrireikararnir frá á teirra Facebook bólki í kvøld. Ferðin, ið hevur fingið heitið Kiltið 2015, er mett at taka umleið 4 til 7 dagar. Eyðun Klakstein (23:05) Watson vaknaður við kaldan dreym Í allan dag hava Paul Watson og hansara fólk ført kunningarkríggj um grindadrápið á Facebook og í øðrum miðlum. Watson fylgir væl við hendingunum í Føroyum, og hann roynir umvegis sín Facebook vanga at geva sína versjón av tí, sum hendir. Fyri løtu síðani vaknaði Paul Watson við kaldan dreym, tá ið hann frætti um enn eini grindaboð í Føroyum hesaferð í Nólsoyarfirði og hann er lopin til knappaborðið at føra sína PR-herferð ímóti grindadrápinum í tryggum avstandi frá øllum hendingunum í Føroyum. Watson boðar á sínum Facebook vanga frá, at enn eitt grindadráp er ávegis í Føroyum, og at hann bíðar eftir meira kunning frá sínum fólki. Meðan Watson løðir, gera fólk úr øllum heiminum viðmerkingar til hansara dagføringar, og tey eru ikki mjúk við føroyingar. Hava funnið enn meir har norska oljuævintýrið byrjaði :26 Knappar 20 kilometrar frá staðnum har norska oljuævintýrið byrjaði í 1969, á Ekofisk-økinum, hevur Statoil funnið gass, og samlaða mongdin er mett til 75 milliónir føt av sokallaðum oljulíkum. Økið kallast Julius. Ekofisk-økið var har norðmenn funnu tað fyrstu oljuna, og nú er so gass funnið stutt norðanfyri Ekofisk. Norskir oljumyndugleikar siga, sambært offshore.no, at talan er um gass í eini mongd sum liggur millum 15 milliónir og 75 milliónir oljulíkar. Granskingarstjórin hjá Statoil, May-Liss Haukness, sigur sambært offshore.no at hetta er eitt prógv um at teirra hugsan er røtt um at sjálvt á gomlum og kendum olju- og gassøksjum er møguligt at finna meir. Oljan.fo Kinverjar klára ikki prískappingina um føroyska laksin :02 Kinverjar gjalda meir fyri laksin í ár, men teir keypa munandi minni í ár, enn í fjør.

6 Aftaná at Noreg fekk trupulleikar við at útflyta laks til Kina, so hava føroyingar, og serliga skotar, yvirtikið hendan marknaðin. Men sum ein lítil laksaútflytari, so er avmarkað hvar føroyingar kunnu selja laksin, tá nógv vilja hava hann. Tí er tað tann sum bjóðar mest sum fær laksin. Og har eru kinverjar ikki nóg grammir, um vit skulu trúgva hagtølunum. Amerikanski marknaðurin er munandi meir hugaður at gjalda fyri føroyska laksin. Hagtøl frá Hagstovuni, sum vísa útflutningin frá januar til mai í ár, vísa at kinverjar keyptu 2600 tons av laksi úr Føroyum. Tað er ein munandi afturgongd, samanborið við sama tíðarskeið í 2014, tá kinverjar keyptu 4100 tons. Meðalprísurin fyri laksin sum bleiv seldur til Kina frá januar til mai í ár gjørdist 35,10 krónur fyri kilo. Taá er ein lítil vøkstur frá í fjør, tá meðalprísurin gjørdist 34,70 krónur kilo. Meðalprísurin til USA var í vár omanfyri 48 krónur kilo. Fiskur.fo Amerikanarar gjalda nógv mest fyri føroyska laksin :38 Útflutningurin av laksi úr Føroyum til USA er minkaður við einum triðingi higartil í ár, men amerikanarar hava goldið meir fyri kilo í ár, samanborið við Í USA hevur aldur føroyskur laksur eina serstøðu, og verður verður seldur fyri munandi meir enn tað norskur og kilskur laksur verður. Amerikanarar gjalda eisini eini 13 krónur meir fyri kilo, samanborið við tað kinverjar gera. Hagtøl frá Hagstovuni vísa at føroysir alarar í tíðarskeiðnum frá januar til og við mai í ár útfluttu 4100 tons av laksi til USA. Sama tíðarskeið í fjør bleiv útflutt 6200 tons. Men mevan mongdin minkar, so økir prísurin. Í fjør var meðalprísurin 47,05 krónur fyri kilo, meðan hann í ár hevur ligið um knappar 48,50 krónur fyri kilo. Fiskur.fo Fongsulsrevsing fyri harðskap :51 Føroya rættur dømdi í gjár ein 49 ára gamlan mann tríggjar mánaða treytaleysa fongsulsrevsing fri harðskap, tá hann fyrr í mánaðinum sló ein vaktarmann í SMS í andlitið, skrivar Kringvarp Føroya á netinum. Hann hevur verið varðhaldsfongslaður síðan 11. juli og varð eftir dómin í gjár koyrdur aftur í Mjørkadal at sita restina av dóminum. Portal.fo Kina: Skulu sleppa at hava tvey børn :39 Í 35 ár hava flestu kinesarar bert havt loyvi til at hava eitt barn. Men tann politikkurin hevur ført við sær eina aldrandi arbeiðsstyrki og stórar demografiskar avbjóðingar. Men China Business News boðar nú frá, at við árslok verður kanska givið loyvi til at hava tvey børn. Kinesiski barnapolitikkurin hevur leingi verið fyri atfinningum, eisini innan úr Kina. Liang Zhongtang, fólkalívsfrøðingur frá Zhanghai Academy of Social Science sigur, at politikkurin skuldi fyri langari tíð síðani verðið strikaður. - Hetta snýr seg ikki um eitt ella tvey børn. Hetta snýr seg um frælsið at nørast. Hetta snýr seg um mannarættindi. Liang Zhongtang vil vera við, at orsøkin til møguligu broytingina kemst av, at jú fleiri og fleiri kinesarar verða knýttir at internetinum, jú meira mótstøða sæðst til barnapolitikkin. Sum er, hava 650 mió. kinesarar atgongd til internetið. Síðan 2013 hava foreldur í nøkrum pørtum av landinum fingið loyvi at hava tvey børn, um annað foreldrið var einabarn. Og sambært kinesiskum miðlum hevur tað ført við sær, at fleiri børn vórðu fødd í 2014 enn árið fyri. Portal.fo Amnesty International: Metnógvar avrættingar í Iran :00

7 Í undanfarnu viku skrivaði Iran undir kjarnorkuavtalu við P5 londini, og summi vónaðu, at hetta fór at bera við sær betri viðurskifti millum Iran og vesturheimin. Serliga Iranar vónaðu, at avtalan fór at bøta um teirra búskap. Men samstundis sum londini nærkast hvørjum øðrum, so vil Amnesty International vera við, at talið av avrættaðum í Iran í ár helst verður tað hægsta nakrantíð í landinum. Sambært iranskum myndugleikum eru 246 fólk avrættað í Iran í ár, men sambært Amnesty International er rætta talið 694, og er tað næstan eins nógv og Iran avrættaði í øllum Um iranskir myndugleikar halda áfram at avrætta við hesari ferðini, so fara vit nokk at síggja yvir statsgóðkend dráp í ár, sigur Said Boumedouha, stjóri í Amnesty fyri Miðeystur og Norðurafrika. - At avrætta fólk er altíð ræðuligt, men tað vekir enn meira ótta í einum landi sum Iran, har rættarsakir eru so órættvísar, sigur Boumedouha við The Guardian. Tær flestu avrættingarnar vóru fyri rúsevni. Eisini vórðu fólk avrættað fyri ótrúskap, sodomi og at gera seg inn á tjóðartrygd. Amnesty International sigur, at at avrætta fólk fyri tílíkt livdi ikki upp til altjóða lóggávu, ið bert loyvir avrættingum fyri tær allar ringastu og herviligastu brotsgerðir. Kina avrættar flest fólk hvørt ár, men Iran avrættar flest fólk í mun til íbúgvaratalið. Portal.fo NASA funnið eina gongustjørnu, ið líkist Jørðini Amerikanska rúmdarferðamiðstøðin NASA hevur í dag kl føroyska tíð boðað frá eini nýggjari gongustjørnu. Stjørnukikarin Keplar varnaðist ta sokallaðu tvíburða-gongustjørnina hjá Jørðini. Gongustjørnan Keplar 452B hevur ein yvirflata, sum minnir nógv um Jørðina. Tað skrivar tv2.dk. Gongurstjørnan, ið er 1400 ljósár frá Jørðini, er 60 prosent størri enn Jørðin í tvørmáti, og Nasa lýsir hana sum eina Super-Earth-Size-Planet. Nasa metir, at sólskinið á nýggju gongustjørnini minnir so nógv um tað á Jørðini, at tað ber til hjá plantum og kyknum at liva har. Hetta er sostatt fyrstu ferð Nasa hevur funnið eina gongustjørnu, har lív, sum vit kenna tað, kann vera til. Í samband við Keplar 452B hevur Nasa eisini funnið 11 aðrar gongustjørnir, har lív kann vera til. Stjørnukikarin Keplar hevur leitað eftir nýggjum gongustjørnum uttanfyri okkara sólskipan síðani mai 2009, og hevur higartil funnið fleiri enn 4000 gongustjørnur í sokallaðu Goldilocks Zone. Júst í hesum økinum er hitin hóskandi fyri at hava møguligt lív. Portal.fo Andlát Hvar er kraftin!? - kraftin er tøk! :47 - Ásbjørn Jacobsen Á skipssíðuni á nýggju ferjunum hjá reiðaríðnum Fjord-Line, sum er nærmasti granni hjá Smyril Line í nýggja terminalinum í Hirtshals, stendur skrivað við stórum støvum: POWERED BY ROLLS ROYCE (Kraftað við Rolls Royce) ein óføra góð reklama fyri verksmiðjuna! Fjord Line hevur valt at íseta motorar frá Rolls Royce, sum kelda til maskinkreftur umborð á teirra nýggju og super modernaðu ferjum, MS BERGENSFJORD OG MS STAVANGERFJORD, sum sigla millum Hirtshals og Norra; og teir smæðast ikki at skriva hetta við STÓRUM STØVUM á síðuna á skipinum, tí tað er nevniliga týdningarmikið hvør tað er, sum stendur aftanfyri slíkar enormar kreftur. Tá eg sá hesa áskriftina hugsaði eg, at hetta var ein ómetaliga væl vald ensk orðing, og í hugaheimi mínum kom eg at hugsa um eina aðra kraft, sum vit eisini kunnu siga um: POWERED BY THE HOLY SPIRIT (kraftað við Heilaga andanum). POWERED BY THE HOLY SPIRIT Tá harrin var um at skiljast frá lærisveinum sínum, fyri at fara til Himmals, tá gav Hann teimum størstu sendiharraboð, sum nakrantíð eru givin: Farið út í allan heimin og kunngerið evangeliið fyri øllum tjóðum og øllum menniskjum! men so legði hann ávarandi afturat, at tit skula ongan veg fara fyrrenn tit eru ílatnir kraftina av hæddini. her hugsaði Harrin um Heilaga Andans kraft! (les Markus kapitul 16, ørindi 15 og Lukas kapitul 24, ørindi 49).

8 Á hvítusunnudegnum vórðu lærisveinarnir og hini, sum vóru saman við teimum, ílatnir kraftina av hæddini. Tá kom Heilagi Andin og festi bústað í lívi teirra. Tá vórðu teir POWERED BY THE HOLY SPIRIT! (kraftaðir við Heilaga Andanum). Teir skammaðust ikki at viðganga fyri sínum landsmonnum um hesa nýggju kraftarkelduna, sum nú gjørdi seg galdandi í lívinum hjá øllum, sum trúðu á Son Guds. Um teir ikki áttu hesa kraftina at trekkja av, so høvdu teir ongan veg komið, og so høvdu vit onga Ápostlasøgu átt. Tað var ein totalt broyttur lærisveinur, Pætur, sum stóð fram á hvítusunnudegnum og talaði hugreystur evangeliið til tíggjutúsundtals jødar, sum bert 50 dagar undan høvdu krossfest og dripið Jesus, (Ápostlasøgan kapitul 2, ørindi ). Hetta hevði Pætur als ikki megna, um hann ikki var ílatin kraftina av hæddini, powered by the Holy Spirit kraftin av hæddini gjørdi allan munin! TØK Í DAG Í Efesusbrævinum kapitul 5, ørindi 18b lesa vit: Latið tykkum fylla av Andanum! At vera fyltur av Heilaga Andans kraft stendur øllum Guds børnum í boði hvønn einasta dag. Øll trúgvandi hava fingið Anda Guds sum ein Guddómligan fastbúgvandi persón inn í sítt lív. Heilagi Andin, sum er triði persónur í Guddóminum, er Faðirsins og Sonarins umboð í heiminum og í lívi hins trúgvandi. Hetta er ein ótømandi kraftarkelda hjá samkomuni og tær og mær, sum hava játtað Jesus sum Frelsara og Harra í okkara lívi, og vit mugu ikki skammast at viðurkenna hesa kraftina fyri menniskjum, men lata tað vera eitt sjónligt vørumerki á okkara lívsførslu. Men verður hendan kraftin brúkt? Spurningurin er ikki hvussu nógv eg havi fingið av Heilaga Andanum, men tað er meiri ein spurningurin hvussu nógv hevur Heilagi Andin fingið av mær? Tí einki Guds barn hevur fingið meiri av Andanum enn eitt annað. Gud gevur ikki andan eftir máli, men tað eru vit, sum geva Andanum eftir máli, og tað er har svarið er at finna, hví vit fattast kraft. SENDIHARRABOÐ Samkoman hevur fingið eina stóra uppgávu at uppfylla inntil Harrin kemur eftir henni, og hon er at fáa evangeliið um Jesu deyða og uppreisn út til fólkið. Tað er einki minni enn eini sendiharraboð, ið vit hava fingið, og vit megna ikki at vera rættir sendiharrar í hesum heimi uttan so, at vit hava kraft Heilaga Andans. Vit eiga at geva Heilaga Andanum meiri pláss í okkara lívi; og hvussu kunnu vit tað? Um vit trúfast og einfalt søkja Harran í bøn og í orði hansara, og liva eftir orðinum, og gera tað, sum vit kenna er hansara vilji í okkara lívi, tá eru vit leidd av Anda Guds, og tá kunnu vit eisini vera vís í, at Heilagi Andin er okkara POWER POINT tá eru vit POWERED BY THE SPIRIT! Poul Jóhan Djurhuus Kristin.fo Valutanavn Nationalbankens middelkurs Australske dollar 502,65 Bulgarske leva 381,50 Brasilianske real 207,65 Canadiske dollar 522,84 Schweizerfranc 709,46 Kinesiske renminbi.yuan 109,25 Tjekkiske koruna 27,590 Euro 746,14

9 Britiske pund 1059,26 Hong Kong dollar 87,52 Kuna 98,40 Ungarske forint 2,4100 Israelske new shekel 177,45 Indiske rupees 10,640 Japanske yen 5,4803 Mexicanske peso 42,190 Norske kroner 83,25 Newzealandske dollar 452,84 Polske zloty 180,97 Russiske rubel 11,810 Svenske kroner 79,11 Singapore dollar 496,47 Thailandske baht 19,520 Tyrkiske lira 248,92 US dollar 678,37 Sydafrikanske rand 54,580 Danskebank.dk Andlát Brynhild Lamhauge, Rituvík, andaðist týsmorgunin, 93 ára gomul.