Fjølmiðlanevndin - avgerðir
|
|
- Rudolph Kelley
- 5 years ago
- Views:
Transcription
1 Mál nr. : 13/00037 Fjølmiðlanevndin - avgerðir Lóg: 43 og 47 í løgtingslóg nr. 45 frá 16. mai 2006 um fjølmiðlaábyrgd. Avgerð tikin: Umbøn um uppafturtøku Samandráttur: Biðið er um uppafturtøku av avgerðini hjá nevndini um sendingina Brandfellurnar, j.nr. 12/ Nevndin hevur viðgjørt tær viðmerkingar, sum Kringvarpið hevur framført í samband við umbønina um uppafturtøku og er komin fram til, at Kringvarpið ikki hevur víst á nýggjar upplýsingar í málinum, og at grundarlag tí ikki er fyri at taka málið upp aftur til nýggja viðgerð. Biðið er um uppafturtøku av avgerðini hjá nevndini um sendingina Brandfellurnar, j.nr. 12/ Kringvarp Føroya Viðmerkingar frá Kringvarpið Føroya til málið eru í stuttum lýstar niðanfyri. Viðgerðin av eftirfylgjandi innsløgum Ført er fram, at Fjølmiðlanevndin hevur viðgjørt tey innsløg, sum fylgdu eftir sendingini Brandfellurnar. Ført verður m.a. fram, at hetta er skeivt, tí hesi innsløg eiga at vera kærd til Kringvarpið fyrst, jb. 34, stk. 3 í lógini um fjølmiðlaábyrgd. Harafturat er orðingin eftirfylgjandi innsløg óneyv, og KvF kann ikki greiða frá raðfestingunum, sum liggja aftan fyri eitt innslag, um kærarin ikki kann siga, hvat innslag talan er um. Habiliteturin hjá nevndini Ført er víðari m.a. fram, at samansetingin av Fjølmiðlanevndini ikki tryggjar eina óhefta nevnd við tað, at helvtin av nevndini er mannað við limum úr Miðlahúsinum. Víst verður á, at Miðlahúsið hevur lýst ósemjuna millum Tórshavnar Kommunu og Kvf, at stjórin fyri Miðlahúsið alment hevur argumenterað fyri, at Miðlahúsið skal hava ein part av kringvarpsgjaldinum, at Miðlahúsið fyri tíðina hevur ein dagligan stubba um tíðindaleiðara í Kvf. Harafturat verður víst á, at Miðlahúsið er í beinleiðis kapping við Kvf og hevur greið áhugamál í, at KvF fær átalur. Kriteriini fyri metingini av innslagnum í DV 22. juni 2012 Ført er fram, at høvuðssøgan í hesum innslagi var um, at borgarstjórin í TK ikki vil hava eitt bræv, hann sjálvur hevur skrivað, fram í dagsljós, og at hann nýtir hóttandi orðingar móti journalisti til tess, at hetta bræv ikki skal umrøðast. Nevndin metir innslagið út frá, hvussu tað lýsir brunatrygdina í kommununi. Víst verður á, at punkt 3.9 í leiðreglunum er relevant í hesum føri, har kriteriið er, um eitt hvørt er neyðugt til tess at avdúka eitt hvørt, ið hevur 1
2 stóran samfelagsligan týdning. KvF metti hetta at vera samfelagsliga týdningarmikið, at tað, at ein av landsins mest valdfullu monnum í sambandi við eina stórvanlukku í kommununi hevur sagt ósatt um ein borgara í kommununi (byggiharran á Ravnsoyargøtu), krevur hetta dult og hóttir journalistar. Nevndin fer út um sínar heimildir Nevndin fer út um sínar heimildir við at vera misnøgd við brunaserfrøðisligu niðurstøðurnar um vanlukkuna á Ravnsoyargøtu. Nevndin skrivar: Fjølmiðlanevndin metir, at lýsingin av orsøkini til vanlukkuna er einsíðug og átti viðgerðin av orsøkini til vanlukkuna á Ravnsoyargøtu tí at umrøtt onnur brunafyribyrgingartiltøk, ið eins møguliga kundu havt fyribyrgt syrgiligu vanlukkuna. Víst verður á, at keldurnar hjá KvF eru allar tær tríggjar brunakanningarnar, sum vóru gjørdar av vanlukkuni. Nevndin rósar enntá fakliga støðinum, og at uppáhaldið um týdningin av bjargingaropinum er væl undirbygt av fakfólki. Atlíkavæl vil nevndin hoyra um onnur viðurskiftir. Nevndin fer eisini út um sínar heimildir, tá nevndin úttalar seg um, hvat er ósakligt og óvirðiligt mótvegis teimum avvarðandi í vanlukkuni. Nevndin skrivar: er at meta sum ósakligur og óvirðiligur ( ) fyri avvarðandi. Høvdu tey avvarðandi kært, hevði hetta sjálvandi verið rætt. Men her hava tey avvarðandi ikki kært. Tey hava sent journalistinum persónligan teldupost, har tey takka fyri sendingina og rósa fyri sakligheit og virðing. Grundgevingarnar hjá nevndini hanga ikki saman Í tráð við 4.a metir journalisturin, at grundgevingarnar hjá nevndini ikki hanga saman. Á aðrari síðuni rósar nevndin fakliga støðinum at KvF hevur allar brunakanningar av vanlukkuni av Ravnsoyargøtu sum keldur men hinvegin finst nevndin at, at lýsingin er einsíðug. Nevndin skrivar: Sjónarmiðið um, at orsøkin til vanlukkuna á Ravnsoyargøtu var, at bjargingaropið var lítið, kundi metast væl undirbygt av fakfólki. Fjølmiðlanevndin metir, at lýsingin av orsøkini til vanlukkuna er einsíðug. At tosa við allar serfrøðir, sum kannaðu vanlukkuna, kann ikki kallast einsíðugt. Tað sama ger seg galdandi, tá nevndin førir fram, at konkreta dømi (vanlukkan á Ravnsoyargøtu) ikki kann nýtast at siga nakað um brunatrygdina í Tórshavnar Kommunu. 2
3 Nevndin skrivar: at undirbyggja uppáhaldið í sendingini um vantandi brunatrygd í TK við konkreta døminum um vanlukkuna á Ravnsoyargøtu.metir Fjølmiðlanevndin ikki vera í tráð við pkt. 4.1 í leiðreglunum um sakligt og umhugsað innihald. Men Brandfellurnar var ikki eitt dømi, men tríggjar case ir. Nevndin nevnir aldrig hinar case irnar. Men allar case irnar vístu, at byggiloyvir vóru givin í TK uttan at liva upp til krøvini um brunatrygd. Allar case ir eru stuðlaðar við skjølum og fakligum niðurstøðum. Innan akademiska heimin er hetta at taka fram case ir og harvið lýsa eitt størri mynstur eitt góðkent háttalag. Tað fyrikemur eisini óskiljandi, at nevndin sigur, at vanlukkan á RG ikki kann blandast upp í spurningin um brunatrygd á sethúsamarknaðinum í TK. Nevndin skrivar: sum áður nevnt metir Fjølmiðlanevndin tað ikki vera etiskt rætt, at so viðkvæmt mál verður drigið upp í brunatrygdina á sethúsamarknaðinum í TK. Her er talan um 1) eini sethús í TK, 2) sum hava fingið byggiloyvi frá TK, 3) eru bygd í TK, 4) seld, 5) brend og 6) av eftirfylgjandi kanningum staðfest sum í stríð við ásetingar um brunatrygd. Alt hetta eru grundgevingar, sum ikki hanga saman. Etikkurin í niðurstøðuni Víst verður til pkt. 1.5 í leiðreglunum um góðan fjølmiðlasið, og at ein av týdningarmiklastu og truplastu uppgávunum hjá fjølmiðlunum er at avdúka ivasom viðurskiftir í samfelagnum. At advokaturin hjá TK í desember viðgekk, at tað var at kalla lógloysi á brunabygdarøkinum er ein týdningarmikil og samfelagslig viðkomandi avdúking. Sjálv kjarnin í hesari avdúking er viðkvom. Fyritreytin fyri, at brunatrygd á sethúsamarknaðinum er viðkomandi er tað, sum rættvísger at taka hetta upp journalistiskt. Tað kann ikki vera etikkurin hjá nevndini, at mál skulu lýsast uttan case ir uttan ítøkiligar borgarar og mannalagnir. Skal alt tað viðkvæma goymast, enda vit í tí óviðkomandi. Og til tess at verja hvønn? Í londum, vit samanbera okkum við, tola vanlukkur og niðurstøður um vanlukkur dagsins ljós. Víst verður til vanlukkuna á Roskilde Festivalinum. Eisini verður framført, at etikkurin hjá nevndini beinleiðis er í stríð við pkt. 1.4 í leiðreglunum um, at fjølmiðlar skulu verja einstaklingar fyri órætti frá myndugleikunum. Víst verður til, at sendingin Brandfellurnar avdúkar, at eftirlitið á sethúsamarknaðinum er svikaligt, og at hetta er ein verja fyri borgararnar, sum svíkur. Sendingin er gjørd í samráð við tey avvarðandi, sum ynsktu málið lýst. Víst verður eisini á, at at tað í Degi og viku 22. juni verður avdúkað, at borgarstjórin í TK krevur ávís brøv, hann hevur skrivað, skulu haldast loynilig, og at hann ikki skal standa til svars fyri tey. Talan er um politiska valdsmisnýtslu, har borgarstjórin hevur sagt ósatt í sambandi við eina sera viðkvæma vanlukku upp á nakkan á einum byggiharra í 3
4 kommununi, sum borgarstjórin av órøttum hevur lagt undir at byggja í stríð við byggiloyvið. At avdúka hetta er eisini at verja einstaka borgaran móti einum órætti frá einum myndugleika. Bretski journalisturin Robert Fisk verður endurgivin: what journalism is really about is to monitor power and the centres of power. Í føroyskum høpi er TK ein av landsins størstu valdmiðdeplum, um ikki tann størsti. Tí er hetta ikki ein stovnur, sum kann loyva sær at vera meir viðbrekin enn borgararnir sjálvir. Uppgávan hjá journalistum er at eygleiða hendan valdsmiðdepil og ikki minst at vísa á dømir, sum eru viðbrekin fyri ein tílíkan valdsmiðdepil. Avgerðin hjá nevndini er hinvegin ein roynd at byggja verjugarð rundanum sterkastu myndugleikarnar í landinum. Mál, sum teir borgarar, sum eru harðast raktir av, vilja hava fram, skulu tigast burtur, tí tey eru viðbrekin fyri landsins størstu kommunu. At enda verður ført fram, at hesin grundleggjandi skeivi etikkur hjá nevndini um at halda loynilig mál, sum eru viðkvom fyri valdshavararnar í samfelagnum, er eitt beinleiðis álop á frælsi hjá fjølmiðlunum at røkja sína skyldu. Lógargrundarlagið 43 og 47 í løgtingslóg nr. 45 frá 16. mai 2006 um fjølmiðlaábyrgd. Avgerðin hjá Fjølmiðlanevndini Gegnið hjá nevndarlimi Fjølmiðlanevndin hevur 10. og 12. september 2013 viðgjørt gegnið hjá nevndarlimi Eiriki Lindenskov ávikavist at viðgera upprunaliga kærumálið og nú umbønina um uppafturtøku. Við í viðgerðini vóru Súsanna Nordendal, forkvinna, varalimur Anna Katrin Matras og Jógvan Jespersen, sum var innkallaður fyri varalim Randi Jacobsen. Orsøkin til, at nevndin av nýggjum hevur viðgjørt gegnið hjá Eirki Lindenskov at viðgera upprunaliga kærumálið er, at nevndin í sambandi við umbønina um uppafturtøkuna er vorðin varug við, at Eirikur Lindenskov luttók í fyrru viðgerðini av sínum gegni, og at hendan avgerð tí var ógildug. Spurningurin í mun til hansara gegni er, um talan er um viðurskiftir, sum kunnu vekja grundaðan iva um parthall, og vísast skal til 47, stk. 1 í lógini um fjølmiðlábyrgd. Nevndin hevur tikið støðu til gegnið hjá Eiriki Lindenskov at viðgera upprunaliga kærumálið grundað á samrøðuna, sum journalistur á Rás2 hevði við borgarstjóran í Havn á Rás2 tann 25. juni Hetta tí at Kringvarpið hevur ført fram, at hesin journalistur, sum starvast á Sosialinum, hevur virkað sum beinleiðis talurør fyri borgarstjóran. Nevndin viðmerkir, at hóast borgarstjórin fær nógva talutíð í sendingini 25. juni 2012, og ongir mótspurningar verða settir honum, er hetta ikki nóg mikið til at staðfesta eitt samband 4
5 millum Rás2 og borgarstjóran, sum er egnað at vekja iva um parthall. Tað sama er galdandi í mun til tað, sum Kringvarpið annars hevur ført fram í málinum viðvíkjandi gegninum hjá Eiriki Lindenskov. Nevndin hevur tí tikið avgerð um, at Eirikur ikki var ógegningur at viðgera upprunaliga kærumálið um sendingina Brandfellurnar, og at hann heldur ikki er ógegnigur at viðgera umbønina um uppafturtøku av hesum máli. Umbønin um uppafturtøku Fjølmiðlanevndin hevur 25. september 2013 viðgjørt umbønina um uppafturtøku. Við í viðgerðini vóru Súsanna Nordendal, forkvinna, nevndarlimur Eirikur Lindenskov, varalimirnir Randi Jacobsen og Anna Katrin Matras. At byrja við kann viðmerkjast, at grundarlag bert er fyri uppafturtøku av málinum, um víst er á nýggjar upplýsingar í málinum, sum kunnu hava við sær eina aðra niðurstøðu í málinum. Nevndin hevur viðgjørt tær viðmerkingar, sum Kringvarpið hevur framført í samband við umbønina um uppafturtøku og er komin fram til, at Kringvarpið ikki hevur víst á nýggjar upplýsingar í málinum, og at grundarlag tí ikki er fyri at taka málið upp aftur til nýggja viðgerð. Nevndin vil tó nýta hetta høvi at nágreina einstøk viðurskifti í tí avgerð, sum nevndin hevur tikið í málinum um sendingina Brandfellurnar. Tað, sum nevndin finst at viðvíkjandi sendingini Brandfellurnar, er, at sendingin verður bygd upp kring eldsbrunan á Ravnsoyargøtu. Hyggjarin fær ta fatan, at Tórshavnar Kommuna hevur ábyrgdina av, at 3 børn hava latið lív í eldsbrunanum í Ravnsoyargøtu. Tá Kringvarpið velur at staðseta ábyrgd fyri, hví børnini lótu lív, so metir nevndin, at Kringvarpið í tí viðgerðini av, hví børnini lótu lív, eigur at lýsa allar vinklarnar av júst hesum og ikki bert lýsa leiklutin hjá tí eina partinum, í hesum føri Tórshavnar Kommunu. Viðvíkjandi viðmerkingunum hjá nevndini í avgerðini um at verja einstaklingar verður hugsað um, at Kringvarpið tykist at royna at verja tey avvarðandi við ikki at vísa á teirra leiklut í mun til ábyrgdina av hendingini, men bert vísir á leiklutin hjá kommununi. Hetta er sum so væl skiljandi, tí tað er ikki rímiligt at staðseta ábyrgd í mun til tílíkar vanlukkur, sum skyldast eitt samanfall av nógvum óhepnum umstøðum, sum í hesum føri m.a. eru ein gloymd grýta á komfýrinum og manglandi brandalarmar í húsinum, herav orðið brunafyribyrgingartiltøk, ið er nevnt í avgerðini. Tá Kringvarpið hinvegin velur beinleiðis at staðseta ábyrgd, er tað ikki rætt bert at vísa á leiklutin hjá Tóshavnar Kommunu. Viðvíkjandi viðmerkingunum hjá Kringvarpinum um at viðgera nøkur innsløg, sum fylgdu eftir sendingina Brandfellurnar, so vísti kærarin í kæruni júst á, hvørji innsløg talan var um, og eru tað einans hesi innsløg, ið hava verið viðgjørd. Nevndin heldur fast við, at hesi skulu viðgerast á sama grundarlagi, sum sendingin Brandfellurnar. Hetta er grundað á, at hesi innsløg koma av sendingini Brandfellurnar, og hava tey sama útgangsstøði og endamál, sum sendingin Brandfellurnar. 5
6 Í mun til, at kærur fyrst skulu sendast til Kringvarpið, áðrenn hesar kunnu sendast til Fjølmiðlanevndina, so var sendingin Brandfellurnar og eftirfylgjandi innsløg, seinast 10. mai kærd til Kringvarpið. Kringvarpið gekk ikki kæruni á møti, men hevði eftirfylgjandi fleiri innsløg, ið stóðust av sama máli. Fjølmiðlanevndin legði í viðgerð síni til grund, at eftirfylgjandi innsløgini vóru framhald av sama máli. Vóru hesi ikki mett sum framhald av sama máli, var ivasamt um hesi hvør sær vóru í stríð við góðan fjølmiðlasið. Við tað, at Fjølmiðlanevndin metti innsløgini av vera framhald av sama máli og við tað, at Kringvarpið hevði viðgjørt kærumál um sendingina og eftirfylgjandi innsløg, og ikki tók undir við kæruni, metti Fjølmiðlanevndin ikki nakað endamál vera í at vísa kæruna frá sær við tí grundgeving, at øll innsløgini fyrst skuldu kærast til Kringvarpið. Hevði Fjølmiðlanevndin viðgjørt hvørt innslag sær og uttan samanhang við sendingina Brandfellurnar, so áttu eisini øll eftirfylgjandi innsløgini at verið kærd til Kringvarpið fyrst. Fjølmiðlanevndin legði eisini dent á, at kærarin hevur hildið seg til kærufreistina frá tí fyrsta innslagnum, ið var sjálv sendingin, og at Kringvarpið fekk alla kæruna til ummælis. Í mun til innslagið 22. juni 2012 so skal viðmerking nevndarinnar ikki lesast soleiðis, at Kringvarpið ikki kann avdúka ivasom viðurskifti, eitt nú við fjaldum myndatóli, men skal viðmerkingin síggjast í mun til samlaðu viðgerðina, sum alt málið um brunatrygdina hevði fingið, og sum var við til at geva etikkinum í samlaðu viðgerðini eina størri slagsíðu. At enda skal viðmerkjast, at viðvíkjandi samansetingini av nevndini hevur nevndin longu tikið avgerð um hesa í samband við kærumálið, og tá ongar nýggjar upplýsingar eru hesum viðvíkjandi, finnur nevndin ikki grundarlag fyri at viðgera samansetingina hjá nevndini av nýggjum. 6
Innihaldsyvirlit. til vegleiðing umsiting av kundum í FSL-debitor. seinast dagført 15. aug. 2017
Innihaldsyvirlit til vegleiðing umsiting av kundum í FSL-debitor seinast dagført 15. aug. 2017 Innihaldsyvirlit...1 Upprættan av kundum við INDIVID...2 Allar fyritøkur og persónar, ið hava føroyskt A-,
More informationWind to Hot water MILL Detailed Specifications
MILL 2700 Detailed Specifications Generator Type 3 phase generator with high-quality permanent magnets. Cast aluminium body. Generator Weight 25 kg Blade/Rotor Construction 3 Blades, Advanced injection
More informationÍ Sortudíki 31. august Eik Banki Yviri við Strond 2 Postboks 34 FO-110 Tórshavn
Í Sortudíki 31. august 2016 Eik Banki Yviri við Strond 2 Postboks 34 FO-110 Tórshavn Viðv. kæru til Kringvarp Føroya um sjónvarpssendingina Skattamálið send 24. mai 2016 sum eisini fevnir um onnur tíðindainnsløg
More informationEr natúrlig gudfrøði í stríð við serstaka opinbering?
Er natúrlig gudfrøði í stríð við serstaka opinbering? Jonhard Jógvansson, stud. theol. Himin boðar hátign Guðs, hans handaverk hválvið ger kunn (Sl 19,2). Hvussu skulu hesi orð skiljast? Her stendur, at
More informationCruise ferðandi í Føroyum
Cruise ferðandi í Føroyum Víðkað greining jan. 21 Tórshavnar Havn og SamVit (nú ) gjørdu í felag eina kanning av cruise ferðavinnuni í Føroyum. Kanningin varð gjørd í tíðarskeiðinum juni - september 28.
More informationUttanríkis- og vinnumálaráðið
Uttanríkis- og vinnumálaráðið Løgtingið Dagfesting: 22. januar 2018 Mál nr.: Skrivið her Málsviðgjørt: Skrivið her Løgtingsmál nr. xx/201x: Uppskot til broyting í løgtingslóg um trygd á sjónum, løgtingslóg
More informationNOTAT UM OLJUMARKNAÐIN Í FØROYUM
Tórshavn, tann 18. september 2015 J.nr. 2015261 NOTAT UM OLJUMARKNAÐIN Í FØROYUM P/f Effo hevur biðið meg kannað nærri viðurskiftini um (1) avtalur millum fyritøkur sum hava til endamáls ella sum fylgju
More informationViðheft er uppskoti til broyting í lóg um marknaðaføring til ummælis. Hoyringsfreistin er 16. januar. Vinaliga / Kind Regards
Fra: Andrass Holm Arge [mailto:aha@bruk.fo] Sendt: 22. desember 2010 09:26 Til: Erika Hayfield Emne: SV: Uppskot um broyting í lóg um marknaðarføring Hey Erika, Takk fyri uppskotið, sum er sent til hoyringar.
More informationLøgtingsmál nr. 74/2006: Uppskot til løgtingslóg um altjóða menningarsamstarv. Uppskot til løgtingslóg um altjóða menningarsamstarv
Løgtingið UTTANRÍKISDEILDIN 27. februar 2007 Mál: 750-025/05-104 Løgtingsmál nr. 74/2006: Uppskot til løgtingslóg um altjóða menningarsamstarv Uppskot til løgtingslóg um altjóða menningarsamstarv 1. Henda
More informationFormansfrágreiðing 2016
Føroya Skipara- og Navigatørfelag, Smærugøta 9A, FO-100 Tórshavn. Tlf.316973. Fax 318516. fsn@fsn.fo. www.fsn.fo 28.desember 2016 Formansfrágreiðing 2016 Sambært viðtøkum felagsins, skal formaðurin leggja
More information2000 árgangurin roykfríur
Spurningar um royking juni 213 Spurningarnir vórðu svarðir ónavngivnir Við í kanningini vóru 488 út av 77 næmingum í 7. flokki í øllum landinum. Nakrir vóru eru ikki við, og onkur stórur skúli valdi ikki
More informationFiskivinnutíðindi úr Íslandi og Grønlandi. Søgan um tuberklarnar og pirkuna. Føroyavinurin Óskar farin. Marin 90 ár:
Nr. 364 Hósdagur 6. apríl 2006 15,- Umframt grønlandstíðindi frá Kára við Stein hava vit fleiri frásagnir úr Íslandi. Føroyavinurin Óskar farin Síða 4 Fiskivinnutíðindi úr Íslandi og Grønlandi Marin 90
More informationHelgoland og Norðurhavsoyggjar
Helgoland og Norðurhavsoyggjar Heligoland and the Norwegian Islands in the North Atlantic Zakarias Wang Hornavegur 16, FO-188 Hoyvík, Faroe Islands. Email: zakarias@olivant.fo Úrtak Í 1814 kom friður í
More informationGóði limur í Føroya Pedagogfelag
Tema um forskúla Tíðin er ikki búgvin til forskúlar s. 5 Keldan droymir um ein fullkomnan skúla s. 6-10 Tey smáu í forskúla hjá Sankta Frans s. 11-13 Missa og fáa í for skúlanum s. 21 FØROYA PEDAGOG FELAG
More informationAvrit frá kvf.fo. Formæli. Annað árið hjá verkætlanini Savnsgull er farið aftur um bak, og væl er fingið burturúr.
15 Formæli Annað árið hjá verkætlanini Savnsgull er farið aftur um bak, og væl er fingið burturúr. Talan er um ovurstóra uppgávu, og higartil hevur dentur verið lagdur á at talgilda tíðindi og yvirlit
More informationBlað Føroysku Sjúkrarøktarfrøðinga Nr s. 18 Nýklaktir sjúkrarøktarfrøðingar. s. 6. s. 25. rættur kostur. Álitisumboð á skeiði
Blað Føroysku Sjúkrarøktarfrøðinga Nr. 1 2013 s. 18 Nýklaktir sjúkrarøktarfrøðingar s. 6 Álitisumboð á skeiði s. 25 rættur kostur Útgevari og ábyrgd: Felagið Føroyskir Sjúkrarøktarfrøðingar INNIHALDSYVIRLIT
More informationFiskahjólið hjá canadiska føroyinginum Jón. Karin virkar fyri heimsins børn. Vitjan umborð á gamla Sigurfaranum
Nr. 276 Hósdagur 12. september 2002 10,- Síða 4 Ein kendur fiskimaður verður 70 ár Síða 24 Karin virkar fyri heimsins børn FF-blaðið hevur í New York vitjað UNICEF, barnahjálpargrunnin hjá ST, og varaleiðaran
More informationLøgtingið. Tórshavn, tann 7. juli 2011 VMR j.nr.: Viðgjørt: Uppskot. til. løgtingslóg um havnaloðsing (loðslógin)
Løgtingið. Tórshavn, tann 7. juli 2011 VMR j.nr.: Viðgjørt: Løgtingsmál nr. /2011: Uppskot til løgtingslóg um havnaloðsing Uppskot til løgtingslóg um havnaloðsing (loðslógin) Kapittul 1 Endamál og allýsingar
More informationHeilsuvandi av at eta grind
Heilsuvandi av at eta grind Í november 2008 mæltu landslæknin og undirritaði frá at nýta grindahval sum mannaføði. Hetta var tí, at granskingarvirksemið á Deildini fyri Arbeiðs- og Almannaheilsu í meira
More informationÍ verksetan. public service-sáttmála
Í verksetan av public service-sáttmála Innihaldsyvirlit 4 PUBLIC SERVICE-FRÁGREIÐING 2011... 3 4.1 INNGANGUR... 3 4.2 YVIRSKIPAÐ VIÐURSKIFTI GALDANDI FYRI ALT KRINGVARPIÐ... 4 4.3 RAÐFESTINGAR INNAN ÁVÍSAR
More informationÁlvaratos who cares?
JÓGVAN Í LON JACOBSEN Álvaratos who cares? Ein samfelagsmálvísindalig kanning av hugburði og nýtslu av tøkuorðum og nýggjum orðum í føroyskum Í røðini Moderne importord i språka i Norden 2008 INNIHALDSYVIRLIT
More informationAtkomulig ferðavinna fyri øll í Útnorðurøkinum Ísland, Føroyar og Grønland
Útnorðurøkinum Tórshavn, Reykjavík, Nuuk, 2017 2017 Gjørd av: Birna Hreiðarsdóttir, ritstjóri, birna@norm.is Harpa Ingólfsdóttir, harpa@adgengi.is Ása Olsen, asa@mbf.fo Theresa Turidardóttir, theresa@torshavn.fo
More informationNýggjur "Kalsevni" og "Grímur Kamban" í flotan Tann fyrri "Grímur Kamban" endaði sum smuglara skip! Telemedisin: Betri læknahjálp til sjófarandi
Nr. 286 Hósdagur 6. februar 2003 10,- Síða 9 Elsa 75 ár Elsa hevur upplivað eitt sindur av hvørjum. Hon hevur sæð kommunismu reist seg og fallið, og hon gjørdist frá degi til annan mamma at tvíburum Fiskivinna
More informationInngangur... 2 Háttalag, avmarking og bókmentir Sigrar og tap... 6 Dreymametaforurin... 8 Ikki-harðskapur Javnaðarhugsjónin...
Innihaldsyvirlit Inngangur... 2 Háttalag, avmarking og bókmentir... 3 Sigrar og tap... 6 Dreymametaforurin... 8 Ikki-harðskapur... 9 Javnaðarhugsjónin... 10 Janus andlitið... 12 Paul s Letter to American
More informationCEDAW menniskjarættindi fyri kvinnur
CEDAW menniskjarættindi fyri kvinnur Kristianna W. Poulsen Cand. Mag. og MsC. Greinin er skrivað í 2009 eftir áheitan frá Amnesty International, tá ið Kristianna var forkvinna í Javnstøðunevndini. Greinin
More informationÁlit um vaksnamannaútbúgving og arbeiðsmarknaðardepil
Álit um vaksnamannaútbúgving og arbeiðsmarknaðardepil Álit um Vaksnamannaútbúgving og arbeiðsmarknaðardepil MENTAMÁLARÁÐIÐ 2018 Innihaldsyvirlit Álit um vaksnamannaútbúgving og arbeiðsmarknaðardepil, 2018
More informationBYGNAÐUR OG OGNARVIÐURSKIFTI Á ELORKUØKINUM Í FØROYUM
BYGNAÐUR OG OGNARVIÐURSKIFTI Á ELORKUØKINUM Í FØROYUM Januar 2015 Projektbólkur Limir í Projektbólki 2: Jákup Suni Lauritsen Hákun Djurhuus Bogi Bendtsen Ari Johanneson Sørin Pram Sørensen SEV SEV SEV
More informationTeldlanýtsla í fólkaskúlanum ein eftirmeting
Vár í Ólavsstovu og Erla Olsen Teldlanýtsla í fólkaskúlanum ein eftirmeting Tórshavn 2016 Tórshavnar Kommuna / Fróðskaparsetur Føroya Teldlanýtsla í fólkaskúlanum ein eftirmeting Vár í Ólavsstovu og Erla
More informationGransking & Menning í Føroyum Úrslit fyri samfelagið
Gransking & Menning í Føroyum 2007 Úrslit fyri samfelagið INNIHALDSYVIRLIT 1. Inngangur... 1 2. Hvør granskar og mennir?... 4 2.1 Tað almenna... 4 2.2 Vinnan... 7 3. Útreiðslur til G&M... 9 3.1 Samlaðar
More informationMiðnámsrit. Um blaðið. 15 januar 2018
Miðnámsrit 15 januar 2018 Um blaðið Afturmelding frá lærara til næmingar kann vera ein drívmegi í læringini. Men um tað skal eydnast, skal hon fáa næmingin at hugsa og geva honum meiri arbeiði, enn lærarin
More informationMiðnámsrit. Um blaðið. 17 juni 2018
Miðnámsrit 17 juni 2018 Um blaðið Næmingar eru líka ymiskir sum fólk flest. Vit seta fokus á teir stillu næmingarnar. Hvussu er at vera introvertur í dagsins skúla, har tað at vera ekstrovertur er ein
More informationFáa kvinnur og menn somu løn frá tí almenna? hava børn nakra ávirkan á lønina hjá kvinnum á almenna arbeiðsmarknaðinum?
Fáa kvinnur og menn somu løn frá tí almenna? og hava børn nakra ávirkan á lønina hjá kvinnum á almenna arbeiðsmarknaðinum? Jón Joensen Hagstova Føroya - oktobur 2009 Innihaldsyvirlit Innihaldsyvirlit...
More informationLeiðbeining. Veiðiváttan og onnur skjøl, tá fiskur og fiskavørur verða flutt inn í ES- lond
Leiðbeining Veiðiváttan og onnur skjøl, tá fiskur og fiskavørur verða flutt inn í ES- lond Fiskimálaráðið 18. desember 2009 Innihald Inngangur... 3 Veiðiváttanin... 4 Einfaldara veiðiváttanin fyri smærri
More informationSpurningar og svar frá aðalfundinum 2013
Spurningar og svar frá aðalfundinum 2013 Kunnu brúkarar uttanfyri Landsnet nýta Sharepoint? (Dømi: Nevndarlimir) Ja, hetta ber til t.d. um ein velur at gera eina almenna heima-síðuloysn, sum t.d Kunngerðarportalin.
More informationNorðurlendsk ráðstevna í Farum í Danmark september 2013 um venjaraútbúgving
Norðurlendsk ráðstevna í Farum í Danmark 18-20.september 2013 um venjaraútbúgving 1 Formæli Undirritaðu umboð fyri Fótbóltssamband Føroya, Petur Simonsen og Eli Hentze luttóku dagarnar 18-20. september
More informationMiðnámsrit. Um blaðið. 12 januar 2017
Miðnámsrit 12 januar 2017 Um blaðið Próvtøkur á miðnámi eru ikki eftirfarandi. Tað er niðurstøðan í kanning, ið byggir á samrøður við lærarar á miðnámi. Olav Absalonsen hevur skrivað grein um hetta, sum
More informationEIN HUGSKOTASKRÁ TIL UNDIRVÍSING Í NÁTTÚRU OG TØKNI VIÐ FÝRA TEMUM UM AT MINKA UM BURTURKAST LÆRARAVEGLEIÐING
EIN HUGSKOTASKRÁ TIL UNDIRVÍSING Í NÁTTÚRU OG TØKNI VIÐ FÝRA TEMUM UM AT MINKA UM BURTURKAST LÆRARAVEGLEIÐING INNIHALDSYVIRLIT 1 HVÍ UNDIRVÍSA Í AT FYRIBYRGJA BURTURKASTI? 3 2 INNGANGUR 4 2.1 Endamál og
More informationFlugur. Tann nýggi noktandi rótarboðshátturin í føroyskum. hjalmar p. petersen
IM 30 - _2009_-NOTA:Íslenskt mál 27 - _2006_-NOTA 20.2.2009 10:50 Page 141 Flugur Tann nýggi noktandi rótarboðshátturin í føroyskum hjalmar p. petersen 1. Inngangur Í føroyskum er boðsháttur í eintali
More informationLívið í Føroyum er framúr
Fólkaheilsuráðið Lívið í Føroyum er framúr Ein kanning eftir leisti hjá OECD Better Life og Gallup World Poll Tryggleiki Lívsnøgdsemi Danmark Noreg Ísland Føroyar Arbeiði/frítíð Býli 10 9 8 7 6 5 4 3 2
More informationCharles R. Darwin 200 ár
Charles R. Darwin 200 ár Ein hin mest umstríddi persónurin í nýggjari tíð, er óivað Charles Robert Darwin. Men, hvør var hann? Hvat gjørdi hann? Hví kom hann fram til niðurstøður innan náttúruvísindi,
More informationMatmentan í Føroyum. Jóan Pauli Joensen
Matmentan í Føroyum Jóan Pauli Joensen Matur og matframleiðsla úr einum granskingar- og menningarhorni: Framløgan "Matmentan í Føroyum," Jóan Pauli Joensen, professari, í Klingruni í Norðurlandahúsunum,
More informationMandy on holiday Avritssíður
Una Poulsen Mandy on holiday Avritssíður Innihaldsyvirlit Logbook Perma og frágreiðing My logbook 1 2 English words that I know Island Travelling Spæl Frágreiðing um spælið Svarlisti Spurningar 1 2 3 4
More informationMenningarástøði og hugmyndafrøði
Menningarástøði og hugmyndafrøði Brotmynd í 4 pørtum um vald og kyn við støði í bókmentaligari viðgerð e eory of Evolution and Ideology A Mosaic in Four Parts on Power and Gender Based on a Reading of
More informationKlamydiaátak Malan Egholm, Master of Public Health. November 2010
Klamydiaátak 2010 Malan Egholm, Master of Public Health November 2010 1 Klamydiaátak 2010 Síðani 1997 hevur verið kannað fyri klamydia í Føroyum, og um hugt verður eftir teimum seinastu 10 árununum, er
More informationBlað Føroysku Sjúkrarøktarfrøðinga Nr Fegin um prógvið
Blað Føroysku Sjúkrarøktarfrøðinga Nr. 1 2010 Fegin um prógvið Oddagrein: Vár í Gong, forkvinna skrivar Útgevari og ábyrgd: Felagið Føroyskir Sjúkrarøktarfrøðingar INNIHALDSYVIRLIT 03 Oddagrein: Vár í
More informationKappingarsamleiki Føroya
1 Kappingarsamleiki Føroya Frágreiðing hjá Simon Anholt 2009 Uttanríkisráðið 2 Inngangur... 3 Mál fyri verkætlanina... 4 Samleikastigið... 4 Strategi-stigið... 6 Grundleggjandi vitan um Føroyar... 10 Føroyar
More informationStarvsfólk á dagstovnum
978-99918-60-19-0 Starvsfólk á dagstovnum - ein trivnaðarkanning Karin Jóhanna L. Knudsen og Martha H. Mýri Granskingardepilin fyri Samfelagsmenning ARBEIÐSRIT NR. 26/2010 Um arbeiðsrit: Arbeiðsrit eru
More informationInnihaldsyvirlit. 4. SWOT Niðurstøða Møguligar tilráðingar Tilráðingar Almenni leikluturin 68
Innihaldsyvirlit síða Fororð 1 Inngangur 2 Meginsjónarmið 4 Framferðarháttur 5 1. Altjóða tónleikapallurin 7 Núverandi støða 7 Framtíðarútlit 9 Samandráttur 11 2. Norðurlendski tónleikapallurin 12 Svøríki
More informationBlað Føroysku Sjúkrarøktarfrøðinga Nr Felagið ynskir øllum gleðilig jól og gott nýggjár
Blað Føroysku Sjúkrarøktarfrøðinga Nr. 4 2009 Felagið ynskir øllum gleðilig jól og gott nýggjár Útgevari og ábyrgd: Felagið Føroyskir Sjúkrarøktarfrøðingar INNIHALDSYVIRLIT 03 Oddagrein: Vár í Gong Felagið
More informationFYRRA FLAGGDAGSÁLIT FRÁGREIÐING FRÁ FORMANNINUM Í GRUNDLÓGARNEVNDINI LATIN FLAGGDAGIN 2004
1 FYRRA FLAGGDAGSÁLIT FRÁGREIÐING FRÁ FORMANNINUM Í GRUNDLÓGARNEVNDINI LATIN FLAGGDAGIN 2004 1 Fyribils útgáva latin løgmanni flaggdagin 2004. Grundlógarnevndin, Tórshavn 2004. Prenttilger: cre8 Prent:
More informationÁrsrit. Ársfrágreiðing 2015
Ársrit Ársfrágreiðing 215 1 Innihaldsyvirlit Stjórin skrivar...3 Nýggj sjóvinnubrøv...5 Merkið klintrar upp eftir hvítalista...6 FAS...8 Føroyska Skipaskráin... 1 Talgildar skrásetingar... 12 Smábátar...
More informationVælkomin á pinkustovuna. Til foreldur at ov tíðliga fødda og/ella sjúka barninum
Vælkomin á pinkustovuna Til foreldur at ov tíðliga fødda og/ella sjúka barninum Vælkomin Á pinkustovuni........3 Tagnaskylda Vitjandi og reinføri..... 4 Á deildini.........5 Dagbók Gullsótt...6 Foreldrauppgávan
More informationFrá hvørsfalli til klípi
Frá hvørsfalli til klípi From genitive to linking element Hjalmar P. Petersen 1 and Renata Szczepaniak 2* 1 Føroyamálsdeildin. V. U. Hammershaimbs gøtu 16 FO-100 Tórshavn. E-mail: hjalmar@setur.fo. 2 Institut
More informationGLEÐILIG JÓL OG GOTT NÝGGJÁR
Blað Føroysku Sjúkrarøktarfrøðinga Nr. 3 2014 GLEÐILIG JÓL OG GOTT NÝGGJÁR S. 16 AV BOÐANESHEIMINUM TIL BARCELONA S. 22 EINKI FAST STARV Í FØROYUM Útgevari og ábyrgd: Felagið Føroyskir Sjúkrarøktarfrøðingar
More informationLeiðbeining um andadráttarverju
ARBEIÐSEFTIRLITIÐ Administration of Occupational Safety and Health Fútalág 1B P.O.Box 1134 FO-110 Tórshavn Faroe Islands Tlf. +298 317811 Fax +298 314489 E-mail: safety@post.olivant.fo Skrásetingar nr.:
More informationUEFA Coach Education Workshop. Raising the bar! Petur Simonsen & Eli Hentze
Raising the bar! Petur Simonsen & Eli Hentze 1 Formæli Undirritaðu umboð fyri Fótbóltssamband Føroya, Petur Simonsen og Eli Hentze, luttóku dagarnar 07-11. oktober á UEFA- ráðstevnu í Budapest um venjaraútbúgvingar.
More informationHapping í føroyska fólkaskúlanum
ISBN: 978-99918-60-11-4 Happing í føroyska fólkaskúlanum - ein spurnakanning Karin Jóhanna L. Knudsen, Martha H. Mýri & Jógvan Mørkøre Granskingardepilin fyri Økismenning ARBEIÐSRIT NR. 17/2007! "!# $
More information-Ein livandi tjóðskaparímynd og broyttur samleiki í einum refleksivum sein-moderniteti- Inngangur Nationalisma Ímyndir...
Innihaldsyvirlit Inngangur... 2 Nationalisma... 6 Ímyndir... 8 Tjóðskaparkensla- og rørsla í Føroyum... 10... 13 Mannfólkabúnin... 14 Kvinnubúnin... 20 Ímyndir í føroysku klæðunum... 24 Tjóðbúnar í grannalondunum...
More informationHervið svarar Magn kanningini Oljumarknaðurin í Føroyum, sum Kappingareftirlitið hevur gjørt.
1.0 Samandráttur Hervið svarar Magn kanningini Oljumarknaðurin í Føroyum, sum Kappingareftirlitið hevur gjørt. Í kanningini førir Kappingareftirlitið fram, at føroyski oljumarknaðurin hevur nøkur eyðkenni,
More informationVINNULIGIR MØGULEIKAR Í ARKTIS
VINNULIGIR MØGULEIKAR Í ARKTIS 19-11-2012 Føroysk vinnuáhugamál í mun til Arktis Ein frágreiðing um vinnuligar møguleikar í Arktis fyri limir í Oljuvinnufelagnum. Harafturat er ein meting um, hvussu farast
More informationBlað Føroysku Sjúkrarøktarfrøðinga Nr Felagið ynskir øllum eini gleðilig jól og eitt gott nýggjár
Blað Føroysku Sjúkrarøktarfrøðinga Nr. 3 2010 Felagið ynskir øllum eini gleðilig jól og eitt gott nýggjár Útgevari og ábyrgd: Felagið Føroyskir Sjúkrarøktarfrøðingar INNIHALDSYVIRLIT 03 Oddagrein: Vár
More informationFøroyskur førleiki. Formæli.
. Útbúgving, gransking, vinnulív og sjálvstýri........ Føroyskur førleiki. Álit til landsstýrismannin í undirvísingar- og granskingarmálum og til landsstýrismannin í sjálvstýrismálum í sambandi við ráðlegging
More informationLIMABLAÐ NR.2 JUNI Tema. Skattið vinning og arv heldur enn lønir
22 LIMABLAÐ NR.2 JUNI 2014 Tema Skattið vinning og arv heldur enn lønir STARVSBLAÐIÐ verður sent limum Starvs manna felagsins ókeypis. Loyvt er at endurgeva tilfar, ella partar av tilfari (myndir undantiknar)
More informationMai Hvalastøðin við Áir. Ávegis álit um varðveiting av hvalastøðini sum sjóvinnusavn MENTAMÁLARÁÐIÐ
Mai 2007 Hvalastøðin við Áir Ávegis álit um varðveiting av hvalastøðini sum sjóvinnusavn MENTAMÁLARÁÐIÐ Hvalastøðin við Áir Ávegis álit um varðveiting av hvalastøðini sum sjóvinnusavn Mentamálaráðið Hoyvíksvegur
More informationNr. 7 oktober 2010 MIÐ & MAGN. Føroya Skipara- og Navigatørfelag & Maskinmeistarafelagið. Mið & Magn
Nr. 7 oktober 2010 MIÐ & MAGN Føroya Skipara- og Navigatørfelag & Maskinmeistarafelagið Mið & Magn 7 2010 1 ÚTGEVARI Maskinmeistarafelagið og Føroya Skipara- og Navigatørfelag geva MIÐ & MAGN út í felag.
More informationHeildarætlan fyri sálarliga heilsu í Føroyum
HEILSU- OG INNLENDISMÁLARÁÐIÐ Heildarætlan fyri sálarliga heilsu í Føroyum Á Altjóða Sálarheilsudegnum 10. oktober 2018 INNIHALD Formæli... 2 1 Inngangur... 3 1.1 Arbeiðssetningur... 3 1.2 Arbeiðsbólkurin...
More informationTíðindi úr Føroyum tann 25. mai Tíðindi til føroyingar uttanlanda stuðla av tí føroysku sjómanskirkjuni.
Tíðindi úr Føroyum tann 25. mai 2015 Tíðindi til føroyingar uttanlanda stuðla av tí føroysku sjómanskirkjuni. Danjal av Rana 25.05.2016 (08:32) 8 til 13 stig alla vikuna Eitt hátrýst liggur komandi dagarnar
More informationDesember Orka. og umhvørvi. Strategibólkurin
Desember 2008 Orka og umhvørvi Strategibólkurin Orku og Umhvørvismál 2 Formæli Fyrr í ár skipaðu Bitland og Vinnuhúsið fyri veðurlagsráðstevnuni TACC. Hetta varð gjørt fyri at fáa lýst, hvørja ávirkan
More informationVINNUMÁLARÁÐIÐ SAMSKIFTISDEILDIN INNANHÝSIS
INNANHÝSIS Tórshavn, tann 09-09-02 J.Nr.: (at tilskila í svari) Viðgjørt: hg/dh Tilmæli viðv. samskiftisstandard til føroyskar almennar heimasíður Endamálið við hesum tilmæli er, at taka stig til at stuðla
More informationInnihald. Partafelagsupplýsingar. general informations. Content. Ársfrágreiðing Annual Report Felagið / The Company
Partafelagsupplýsingar general informations Innihald Content Felagið / The Company P/f Postverk Føroya Óðinshædd 2 FO-100 Tórshavn Skrásetingar nr. / Reg. nr. 3927 Heimstaðarkommuna / Domicile municipality:
More informationMiðnámsrit. Umleið 80% av lærutilfarinum á miðnámi er danskt, og 20% er føroyskt. Hvussu fáa vit koppað hesum á høvdið? Miðnámsrit hevur eitt boð.
Miðnámsrit 16 apríl 2018 Um blaðið Kanningar vísa, at karakterir eru skaðiligir í eini læringsgongd. Eitt hugskot er, at vit gera eitt karakterfrítt øki í Føroyum sum eina roynd. Fronsk-føroysk orðabók
More informationAlmannamálaráðið JAVNSTØÐU POLITIKKUR. tí tað loysir seg. Virkisætlan
Almannamálaráðið JAVNSTØÐU POLITIKKUR tí tað loysir seg Virkisætlan INNIHALDSYVIRLIT Inngangur til virkisætlan............................. 4 Samanumtøka: Fokusøki og átøk........................ 6 Økt
More informationUmhvørvisárinsmeting av Vindorkuverkætlan í Húsahaga
Umhvørvisárinsmeting av Vindorkuverkætlan í Húsahaga Tórshavn, apríl 2013 2 Umhvørvisárinsmeting av vindorkuverkætlan í Húsahaga 1. Inngangur SEV hevur í nógv ár arbeitt við at økja um partin av varandi
More informationIMO. - ein lýsing av felagsskapinum og konvensjónunum
IMO - ein lýsing av felagsskapinum og konvensjónunum Innihaldsyvirlit Felagsskapurin og arbeiðið III Føroyar V Nevndirnar VIII Konvensjónirnar XI - Trygd á sjónum XIV - Dálking XXVI - Ábyrgd og endurgjald
More informationMiðnámsrit. Um blaðið. 3 September Góðu lesarar!
Miðnámsrit 3 September 2014 Um blaðið Góðu lesarar! Í hesum blaði eru seks greinir. Allar hava samband miðnámsskúlaøkið. Olav hevur tvær greinir við. Tann fyrra er um meting í undirvísing og læring. At
More informationFRÁGREIÐING LØGMANS Á Ó LAVSØKU 2003
INNIHALD PARTUR I...5 FRAMLØGA LØGMANS...5 PARTUR II... 13 STJÓ RNAR- OG UTTANRÍKISMÁL... 13 SJÁLVSTÝRISMÁL...13 SAMSKIPAN AT VERA UPPI ÍALTJÓ ÐA SAMSTARVI...13 TRYGDAR- OG VERJUMÁL...14 LØGMANSFUNDIR...14
More informationFólkaflyting og fólkavøkstur
Heildarætlan Fólkaflyting og fólkavøkstur Útbúgving og gransking 2 Heildarætlan: Fólkaflyting og fólkavøkstur Útbúgving og gransking Heildarætlan Fólkaflyting og fólkavøkstur Heildarætlan: Fólkaflyting
More informationHarðskapur í parlagi og nærsambondum
Harðskapur í parlagi og nærsambondum 8. MARS 2011 VINNUMÁLARÁÐIÐ almannamálaráðið innlendismálaráðið HEILSUMÁLARÁÐIÐ Innihaldsyvirlit Formæli...2 Um heildarætlanina...3 Eitt lív við ongum harðskapi er
More informationSUMMAR FESTIVALURIN SUMMARFESTIVALBLAÐIÐ 06-08/
SUMMAR FESTIVALURIN SUMMARFESTIVALBLAÐIÐ 2015 www.sf.fo 06-08/08 2015 2 SUMMAR FESTIVALURIN 2015 06-08/08 Vælkomin á ársins Summar Festival Komandi vikuskiftið verður 12. Summar Festivalurin hildin í Klaksvík
More informationMenning av veiðumøguleikum uttan fyri føroyskt sjóøki
August 2007 Menning av veiðumøguleikum uttan fyri føroyskt sjóøki Fjarfiskiflotanevndin FISKIMÁLARÁÐIÐ Menning av veiðumøguleikum uttan fyri føroyskt sjóøki 1 1. Nevndararbeiðið Í samgonguskjalinum frá
More informationFylgiskjal 4. PW/eo. J.nr Sjúkrasystraetiska Ráðið Sjúkrasystrafelag Føroya Lucas Debesergøta Tórshavn. Tórshavn, 15.1.
Deildin fyri Arbeiðs- og Almannaheilsu Sjúkrahúsverk Føroya, Sigmundargøta 5, FO 100 Tórshavn Tlf. *298 316696 Fax *298 319708 E-mail: palweihe@sleipnir.fo Fylgiskjal 4 PW/eo. J.nr. 033-980006-3 Sjúkrasystraetiska
More informationHandilstreytir fyri virðisbrøv
Handilstreytir fyri virðisbrøv Inngangur Hesar treytir eru galdandi, tá ið tú handlar við fíggjarligum tólum harímillum virðisbrøv ígjøgnum BankNordik. Handilstreytirnar byggja á Lóg um Virðisbrævahandil
More information1. Fororð Dátueftirlitið, Ráðið og skrivstovan 3. Virksemi í árinum Ávís útvald mál í Altjóða samstarv 6.
Ársfrágreiðing 2012 1. Fororð 5 2. Dátueftirlitið, Ráðið og skrivstovan 6 2.1. Játtanin á løgtingsfíggjarlógini 6 2.2. Lógargrundarlagið hjá Dátueftirlitinum 7 2.3. Uppgávurnar hjá Dátueftirlitinum 7
More informationMenning av veðurtænastuni
Ávegis frágreiðing og fyribils tilmæli um Menning av veðurtænastuni 1. oktober 2018 Úrskurður, niðurstøða Tað verður soleiðis fyribils mett, at við eini meirupphædd uppá góðar 3 mió kr., frá einari árliga
More informationRættindi fyri atkvøður
1 / 2014 19. árg. kr. 48,- Klientilisma í føroyskum vinnupolitikki: Rættindi fyri atkvøður + Vangamynd: Landssjúkrahúsið sum granskingarstovnur + Fyri 100 árum síðani: Fleiri deyðfødd hjá støkum enn giftum
More informationNr. 11 oktober 2011 MIÐ & MAGN. Føroya Skipara- og Navigatørfelag & Maskinmeistarafelagið
Nr. 11 oktober 2011 MIÐ & MAGN Føroya Skipara- og Navigatørfelag & Maskinmeistarafelagið NORÐURLENDSKT UMHVØRVISMERKI ÚTGEVARI Maskinmeistarafelagið og Føroya Skipara- og Navigatørfelag geva MIÐ & MAGN
More informationUNGFÓLK Í FØROYUM. úrslit2012. Firouz Gaini Fróðskaparsetur Føroya & Norges Teknisk-Naturvitenskapelige Universitet
UNGFÓLK Í FØROYUM úrslit2012 Firouz Gaini Fróðskaparsetur Føroya & Norges Teknisk-Naturvitenskapelige Universitet 1 Ungfólk í Føroyum 2012 Útbúgving, mentan, ítróttur, frítíð og trivnaður Úrslit av spurnakanning
More informationHvussu ávirka aliumstøður og fóður litin á laksaflaki? Turið Mørkøre & Trine Ytrestøyl
Hvussu ávirka aliumstøður og fóður litin á laksaflaki? Turið Mørkøre & Trine Ytrestøyl Útsjónd Hvussu fær laksurin lit Karotenoidir, í høvuðsheit astaxanthin Yvir tarmin, umleið 40% í gjøgnumsnitt Í kjøtið,
More informationJarðfrøðisavnið o.fl.
Jarðfrøðisavnið o.fl. Latið tingmonnum 15. februar 2000 frá Undirvísingar- og mentamálastýrinum Tilmæli frá nevnd settari at kanna um Jarðfrøðisavnið skal gerast sjálvstøðugur kanningarstovnur og um Náttúruvísindadeildin,
More informationfrágreiðing Løgmans á ólavsøku 2018
føroya Løgmaður frágreiðing Løgmans á ólavsøku 2018 Løgmansskrivstovan www.lms.fo røða løgmans løgmansskrivstovan Harra formaður Lat meg byrja við at seta ein spurning. Hvat er tað týdningarmesta í lívinum?
More informationBORGARIN TAKAST UPP Á RÁÐ EIN HEILT SERLIGUR MAMMUBÓLKUR HVAR BLEIV POLITISKI VILJIN AT SKIPA MIÐ- NÁMSTILBOÐ TIL UNG VIÐ SERLIGUM TØRVI AV?
EIN HEILT SERLIGUR MAMMUBÓLKUR Tað strævna er bara ein brotpartur av teirra lívi Desember 2017 HVAR BLEIV POLITISKI VILJIN AT SKIPA MIÐ- NÁMSTILBOÐ TIL UNG VIÐ SERLIGUM TØRVI AV? Skulu fólk við menningartarni
More informationNr. 14 juli 2012 MIÐ & MAGN. Føroya Skipara- og Navigatørfelag & Maskinmeistarafelagið
Nr. 14 juli 2012 MIÐ & MAGN Føroya Skipara- og Navigatørfelag & Maskinmeistarafelagið NORÐURLENDSKT UMHVØRVISMERKI ÚTGEVARI Maskinmeistarafelagið og Føroya Skipara- og Navigatørfelag geva MIÐ & MAGN út
More informationFólkaheilsukanning
ol - royking - kostur - motión - alkohol - royking - kostur - motión - alkohol - royking - kostur - m ing - kostur - motión - alkohol - royking - kostur - motión - alkohol - royking - kostur - motión -
More information1. ÁRSFJÓRÐINGUR 2011 BLAÐ NR. 37 HAVNAR HANDVERKARAFELAG
1. ÁRSFJÓRÐINGUR 2011 BLAÐ NR. 37 HAVNAR HANDVERKARAFELAG ÁRSAÐALFUNDIR: 30. mars 2011 Havnar Handverkarafelag og Eftir lønargrunnur Havnar Handverkarafelags hava ársaðalfund mikudagin 30. mars 2011 kl.
More informationKanning av lívsførðsluni hjá børnum og ungum
Kanning av lívsførðsluni hjá børnum og ungum 2013 hjá 13-15 ára gomlum Mei 2014 SSP ráðgevingin Innihald: Table of Contents Innleiðing... 3 Um kanningina... 4 1. partur - Generelt um hagtølini... 6 Luttøka...
More informationEysturoyartunnilin. Partur 1. Fyrsta tilmæli um ein leist fyri Eysturoyartunnilin TILMÆLISBÓLKURIN FYRI EYSTUROYARTUNNILIN
TILMÆLISBÓLKURIN FYRI EYSTUROYARTUNNILIN Eysturoyartunnilin Fyrsta tilmæli um ein leist fyri Eysturoyartunnilin Partur 1 Arbeiðsbólkur Róaldur Jákupsson Tórir Michelsen Hans Albert Hansen Stýrisbólkur
More informationTíðindi úr Føroyum tann 25. okt Tíðindi til føroyingar uttanlanda stuðla av tí føroysku sjómanskirkjuni.
Tíðindi úr Føroyum tann 25. okt. 2015 Tíðindi til føroyingar uttanlanda stuðla av tí føroysku sjómanskirkjuni. Regn og vindur alla vikuna Fleiri lágtrýst fara komandi vikuna framvið í ein útnyrðing úr
More informationÁrsfrágreiðing og ársroknskapur 2013 / Annual Report and Annual Accounts 2013
NORÐURLENDSKT UMHVØRVISMERKI Ársfrágreiðing og ársroknskapur / Annual Report and Annual Accounts 541 705 Ársfrágreiðing og Ársroknskapur Ársaðalfundur 24. apríl 2014 Myndir: SEV og onnur Forsíðumynd: Húsahagi
More informationUNDIRVÍSINGAR- OG MENTAMÁLASTÝRIÐ MENTAMÁLADEILDIN
MENTAMÁLADEILDIN Tórshavn, tann 25-02-00 Lms. j. nr.: 523-0008/2000 Umms. j. nr.: 84410 9800552/39/JB (at tilskila í svari) Løgtingið Viðgjørt: JB/pm Tygara skriv Løgtingsmál nr. 87/1999: Uppskot til løgtingslóg
More informationRottuspjaðing. Frágreiðing 2011:3. Sjúrður Hammer ISBN:
Frágreiðing 2011:3 Rottuspjaðing Sjúrður Hammer ISBN: 978-99918-819-7-3 Umhvørvisstovan Traðagøta 38 Postboks 2048 FO-165 Argir Føroyar Tel +298 34 24 00 Faks +298 34 24 01 us@us.fo www.us.fo 1. Innihaldsyvirlit
More information