INODALE NUUS. 13 Februarie VROUE SINODALE BYEENKOMS TEKEN 3 JUNIE AAN! 2. UIT DIE KANTOOR VAN DIE NG ALGEMENE SINODE

Transcription

1 13 Februarie Teken In II Teken Uit WES-EN-SUID-KAAPLAND AMPTELIKE NUUSBRIEF Kerk en Onderwys: Skoolbeheerliggaamverkiesings Maart 2015 Kerke kan nie meer op die kantlyn kan staan as dit by belangrike publieke kwessies soos die onderwys kom nie. Maak asb n verskil waar jy kan. Neem deel aan die skoolbeheerliggaam-verkiesing in jou omgewing, vra Braam Hanekom (Publieke Getuienis). Ons onderwyswet gee baie regte aan beheerliggame, bv om die godsdiensbeleid, etos en dissiplinêre stelsels te bepaal. Belangstellendes kan onderaan meer lees. n Mediaverklaring van die Federasie van Beheerliggame van SA-Skole (FEDSAS) is ook hier beskikbaar. S INODALE NUUS 1. VROUE SINODALE BYEENKOMS TEKEN 3 JUNIE AAN! Die Sinodale Taakspan vir Vrouebegeleiding (STV) nooi alle vroue na die vierjaarlikse sinodale byeenkoms op 3 Junie Teken asb die datum van hierdie sielsverrykende ervaring GROOT aan en maak dit onder gemeentelede bekend, versoek Esther Blackaller uit die kantoor vir Vrouebegeleiding. Meer inligting oor die byeenkoms volg binnekort. 2. UIT DIE KANTOOR VAN DIE NG ALGEMENE SINODE Die Belydenis van Belhar: Teologiese Inhoud In die lig van vrae oor die NG Kerk se standpunt oor die teologiese inhoud van die Belydenis van Belhar, kan belangstellendes gerus die 1988-studiestuk wat die kerk se standpunt help vorm het, (weer) lees. Dié stuk het vorm gegee aan die aanvanklike 1990-standpunt, asook die besluit van 1998, steeds die amptelike standpunt van die Algemene Sinode: "Die Algemene Sinode aanvaar dat die Belydenis van Belhar op sigself genome nie met die Drie Formuliere van Eenheid in stryd is nie. Kry die volledige studiestuk hier. 3. ARMOEDE EN SORG BETROKKE BY HULP IN MOSAMBIEK Die Bediening vir Armoede en Sorg het saamgespan met die NG Gemeente Vredelust om ons broers en susters wat die afgelope weke erg getref is deur die vloedramp in Mosambiek, te ondersteun. Vredelust is al geruime tyd in Mosambiek betrokke, onder meer by die dinamiese Life Church lees aangeheg meer en oorweeg hoe jy dalk self ook kan help. Foto s van die vloedwaters is op Facebook te sien. 4. PREDIKANTEBEGELEIDING: WAT IS JOU VRAE?

2 n Herinnering: op 23 en 24 Februarie bied Pierre Goosen n kursus aan spesifiek vir predikante wat 10 jaar of minder in die bediening is. Na n paar bedieningsjare is dit goed om na te dink oor die vrae wat jy vra. Is dit vrae wat jou roeping in n gemeente bevestig? Vrae oor jou identiteit in Christus? Oor rol en verwagtinge? Binne die tema van veerkragtigheid ( resilience ) word gesels oor hoe jy jouself kan uitleef en verwesentlik binne vele verhoudinge met allerlei vrae en verwagtinge. Kontak Adrienne by bestera@sun.ac.za voor 16 Februarie om in te skryf. Die inskrywingsvorm en meer is hier. A 1. WAAR WERK DIE KERK? Straatwerk: 50 Jaar! LGEMENE NUUS EN INLIGTING Sedert Straatwerk se ontstaan in 1965 is hulle steeds daarop gefokus om deur n verskeidenheid van bedieninge weggooimense met Christus se liefde te gaan soek. In 2015 wil hulle dankbaar n reis van 50 jaar vier. Deur n verskeidenheid van spesiale uitreike hierdie jaar gaan hulle erkenning gee aan n nederige en toegewyde begin met n geleende kombi en n bak toebroodjies om die liefde van Christus te neem na die strate van Kaapstad. As jy in die beginjare betrokke was, kontak hulle gerus by of admin@straatwerk.org.za. Besoek ook 2. ONGEKENDE LEIERS VIR ONGEKENDE TYE: SAKEONTBYT MET PIET NAUDÉ Watter soort leierskap het SA nou nodig? Dis die onderwerp waaroor Piet Naudé, nuwe direkteur van die US Bestuurskool (USB) op Wo 11 Maart vanaf 07:00 by die Bybelgenootskap van SA se sakeontbyt by die NH Lord Charles Hotel in Somerset-Wes praat. Koste: R275pp, korporatiewe tafels van 10: R2 500 per tafel. Bespreek vroegtydig by Heila: of heilavw.liaison@gmail.com. Klik hier vir die volkleur advertensie. 3. KERK IN DIE MEDIA Ek glo die geheim rondom die idee van God is ontvouend en dit laat my toe om met altyd soekende en verantwoordbare verwondering nuwe geloofs-inhoud te ontdek wat my die troos bring dat ek nie buite geloof staan nie. So skryf Wilhelm Jordaan in sy reaksie op n seminaar oor n eietydse interpretasie van die Twaalf Artikels (Apostoliese Geloofsbelydenis). Die volledige artikel is hier. (Onthou, allerlei mediaberigte oor kerksake is hier op te lese.) 4. ASWOENSDAG OP WEG NA LYDENSTYD Die Lydenstyd in ons kerklike jaar begin op 18 Februarie met Aswoensdag. Lydenstyd is n tyd vir selfondersoek, skuldbelydenis, gebed en diens aan ander en op Aswoensdag nooi God jou: Kom tot rus by my. Dalk help die aangehegte gebed om ons harte te snaar vir die lied NG MOORREESBURG VRA HULP MET HORLOSIE!

3 Moorreesburg is baie dringend op soek na n persoon/instansie wat hulle kan help met die herstel/onderhoud van die kerkhorlosie. Enige iemand wat kan help, kan vir Carin by (kantoorure: Ma-Do 08:00-12:30 en 14:00-16:00; Vry 08:00-12:30) skakel. 6. WERK VIR JOU? Die NGK Algemene Sinode het versoek dat gebruikers van die NG Kerk se webblad ( dit beoordeel. Terselfdertyd sal ons graag voorstelle en kommentaar oor die NG Wes-en-Suid-Kaapland webblad ( wil ontvang. Lees hier en help ons asb om ons kommunikasie voortdurend te verbeter. 7. NUUT OP FACEBOOK Foto s van 11 Februarie se gebedstap ter herinnering aan Nelson Mandela. Vloedramp in Mosambiek: dramatiese foto s #imagine video van 5 minute onthou April en skryf nou in! Christo Wooding (Transkei) stuur nuus oor VGKSA Kokstad én Bambisana se nuwe sendelingpaar, Wally en Lianca, al die pad van NG Stellenberg! Volg hulle nuus hier. Gaan like en weet wat gebeur G EMEENTES BIED AAN 1. NG OOSTERSEE: TOERUSTING OM TE LEEF EN TE LAAT LEEF Vernietigende optrede is algemene nuus in die sosiale media. Nou bied dr Kobus Anthonissen (voorheen hospitaalleraar en dosent in teologie én skrywer van verskeie boeke) die kursus Lus vir Leef? aan. Dié geakkrediteerde kursus wys op die oorsake en gevolge van vernietigende gedrag... en wil jou toerus om te leef en te laat leef! Datums: 21 en 28 Maart by NG Oostersee. Registrasie om 08:30 en kursus van 09:00-12:30. Navrae: Karen (Ma, Wo en Vr 09:00-13:30) Koste: R50. VBO-punte kan verdien word. 2. NG GEMEENTE HOTTENTOTS-HOLLAND ONTVANG NICO KOOPMAN Prof Nico Koopman preek eerskomende naweek in NG Hottentots-Holland oor die tema Hoop vir die wêreld en hoop vir die kerk. Enigeen is baie welkom om hierdie dienste (Sondag 09:00 en 19:00 en Maandag 19:00) by te woon. Die kerkgebou is geleë in Gordonweg 85, Somerset-Wes. 3. NG GEMEENTE GAMKAVALLEI: LOFPRYSING-KURSUS René Potgieter stuur inligting oor n lofprysing-kursus wat op 7 Maart van 09:00-16:00 by hulle kerk aangebied word. In die kursus word gefokus op hoe lofprysing in die gemeente gelei kan word, watter rol persone speel wat liedere aankondig, die volgorde en keuse van liedere en meer. Lofprysing is deel van elke erediens en daarom sal dit leersaam wees vir almal. Koste: R100, ete ingesluit. Kontak René by

4 P REDIKANTENUUS 1. MET INNIGE SIMPATIE... Baie simpatie aan kollega Christo Landman en sy vrou Marie (NG Knysna). Hulle dogter, Gerda-Marie (32) is Sat in Pretoria na n lang stryd teen kanker oorlede. Gerda-Marie was getroud met Justin Cawood. Haar roudiens vind op Do 19 Februarie om 10:00 vanuit NG Knysna plaas en sal gelei word deur Christo self. Kom ons bid asb vir hierdie familie en gemeente in n tyd van groot hartseer. 2. DIE WAARDE VAN DIE KERKVERBAND... As Wouter van Velden (nuut by NG Welgemoed) sy kollegas in die Noord-Kaapland groet, praat hy spesifiek van die besondere waarde van die kerkverband wat hy daar ervaar het. Dat ons geheg is aan mekaar. Deel is van mekaar. Lees gerus dié mooi getuigskrif oor ons vriende in die Noord-Kaapland hier. (Met dank aan Mossie Mostert se Noord-Kaapland enuus). 3. GESONDE LIGGAAM ÉN GEES In reaksie op verlede week se navraag oor wie van ons predikante vanjaar op die een of ander manier probeer fiks bly, stuur Theo Swarts (NG Parowvallei-Oos) n foto van hom en sy seun, Ethuan. Hierdie jaar is dit die vierde keer dat hulle saam hardloop en die agste keer dat Theo die Twee Oseane-halfmaraton aandurf... en dan moet n mens net byvoeg dat Theo reeds 27 Comrades-wedlope agter die rug het! Gerugte wil dit ook hê dat van ons PSD s stilweg fluks oefen vir die Argus... en selfs fietse leen om seker te maak niks staan in hulle pad nie Meer nuus en foto s welkom by kommunikasie@kaapkerk.co.za. K EN JOU KERK(REG) SO VERSKIL PREDIKANTPOSTE Quintus Heine, die sinode se aktuarius (kenner van kerkreg), help met inligting oor die vier verskillende tipes predikantposte in die NG Kerk. Diegene wat duidelikheid oor die verskillende poste nodig het, kan onderaan verder lees. Dankie, Quintus! E KOLOGIE POUS VAARDIG EDIK OOR KLIMAATSVERANDERING UIT Omgewingsbewustes wag op Pous Fransiskus se edik (amptelike aankondiging) oor klimaatsverandering. So n edik tel onder die hoogste vlakke van n pous se gesag en beoog om die wêreld se 1.2 biljoen Katolieke in die volgende paar maande te mobiliseer. A papal encyclical is rare. It is a big deal. It aims to inform and to urge all Catholics to take action on moral and environmental grounds. The world s 5,000 Catholic bishops and 400,000 priests will each receive copies to present to their parishioners. Lees hier verder (met dank aan SAFCEI se nuusbrief van 11 Februarie).

5 N UUSBRIEWE EN PAMFLETTE 1. DECOLIGNY NUUS In hulle jongste nuusbrief skryf Willem en Annalie Botes van die twee maande wat nog vir hulle oor is in Decoligny-gemeente in die Transkei. Oorweeg asb om saam met hulle te bid vir die gemeentes waar hulle die afgelope 39 jaar gewerk het en wat binnekort vakant sal wees. Aangeheg is meer. 2. CLF NUUSBRIEF Nuwe pamflette wat onlangs by CLF die lig gesien het, is in samewerking met Amos Agrimin geskryf en fokus veral op die plaaswerkergemeenskap, maar is ewe bruikbaar in meer kontekste. Dit is soos altyd gratis, maar in beperkte hoeveelhede by CLF beskikbaar. Lees meer. F UNKSIES EN FEESTELIKHEDE 1. NG GEMEENTE SONSTRAAL: BASAAR Sonstraal hou op Sat 7 Maart vanaf 09:00 basaar by Curro-skool, Momentorylaan, Sonstraalhoogte. Carika Hanekom nooi: Kom geniet allerlei lekkernye, wat heerlike braaivleis en roosterkoeke sowel as poedings en tuisgebak insluit. Watertand kerrie-en-rys, asook 'n spesiale teetuin met 'n koektafel wat kreun van genot. Kuier rustig terwyl die kinders heerlik baljaar met gesigverf, sand art, win and spin, paintball en go-carts! Kontak Gretha Fick Sien jou daar! 2. NG GEMEENTE BRACKENFELL: WINAND OP DIE ORREL Winand Grundling voer sy 7 Dae van Skepping uit in Brackenfell Moedergemeente op 26 Februarie om 19:00. Dit is n wonderlike nuwe werk vir orrel, gemik op die wonder, maar ook die broosheid van die skepping. Bekende gesangwysies en ander klassieke melodieë word ineengeweef om die storie te vertel. Die kombinasie van orrel en slagwerk is tegelykertyd majestueus, verfrissend en dramaties. Toegang: R50, kaartjies by deure. Navrae: Marian Steyl by mariansteyl@mweb.co.za. V AKATURES VAKATURES OP KERKBODE SE WEBBLAD Heelwat vakante poste oor die land heen is tans beskikbaar. Die amptelike bekendmaking van vakatures vir predikante is by Klik by Meer Vakatures. 1. NG GEMEENTE RUYTERWACHT: KONTRAKLERAAR

6 Hiermee word die pos vir n Vastetermyn-kontrakleraar in die NG Gemeente Ruyterwacht bekendgestel. Ruyterwacht-gemeente is n multikulturele gemeenskapskerk geleë naby Epping/Elsiesrivier en grens aan die Grand West Casino. Die gemeente het 614 belydende, 180 doop- asook n aantal Engelssprekende lidmate. Sluitingsdatum: 15 Maart. Lees hier. 2. BADISA JOEY S BABIES: PROGRAMKOÖRDINEERDER Joey s Babies is ʼn program van Badisa, ʼn gesamentlike bedieningsaksie van die NG Kerk (Wes-en-Suid-Kaap) en VGKSA (Kaapland). Aansoeke van entoesiastiese persone met n deeglike kennis van voorskoolse versorging word voor 26 Februarie vir die betrekking as programkoördineerder ingewag. Meer inligting is onderaan. 3. BADISA WESKUS: GEMEENSKAPSONTWIKKELAAR Badisa is n gesamentlike bedieningsaksie van die NG Kerk (Wes-en-Suid-Kaapland) en die VGKSA (Kaapland). Aansoeke word ingewag vir n vakature by die kantoor te Badisa Weskus, Vredenburg, vir die pos van Gemeenskapsontwikkelaar. Sluitingsdatum: 27 Februarie klik hier. 4. BADISA HUIS ANDREW MURRAY: VAKATURES Huis Andrew Murray Kinder- en Jeugsorgsentrum is n program van Badisa, n gesamentlike bedieningsaksie van die NG Kerk (Wes-en-Suid-Kaap) en VGKSA (Kaapland). Aansoeke van gemotiveerde en dinamiese persone met n positiewe lewensingesteldheid teenoor kinders en jeugdiges, word vir bepaalde betrekkings ingewag. Onderaan is meer inligting; reageer voor 20 Februarie. TEN LAASTE UIT DIE PEN VAN... Hier kry n verskeidenheid stemme die kans om hulle gedagtes in woorde om te sit. Van n pastorale stem, n teologiese opmerking tot n ligte oomblik om met ander te deel. Gasskrywers neem op uitnodiging aan hierdie rubriek deel. Vir hierdie week se uitgawe het Roché Heyns ingestem om n bydrae te lewer. Hy was vroeër betrokke by Transkei Sending, predikant in Bellville-Noord, Darling, Durbanville, Durbanville-Bergsig (twee maal) en van NG Jeugorganiseerder Wes-Kaapland. Roché het in 2004 emeriteer en woon in Hermanus. Sy e- posadres: mroche@telkomsa.net. Wense vir die Erediens Ek wou graag begin het met n verhaal van Eskom, maar daar is nie die krag daarvoor nie! Een van die belangrikste afdelings van n gemeente is die erediens. Ek is nou amper tien jaar n gewone lidmaat en gee met huiwering my wense vir die inrig van die erediens.

7 1. Klein irritasies: n Leraar het op die kansel by herhaling sy linkerarm opgeskiet en dan sy vingers gewikkel. Uiteindelik is ontdek dat sy horlosieband effens los is en afskuif! Dit was sy manier om dit telkens terug te skud... Gelukkig is die dominee wat geleenthede skep vir lidmate om hom te help deur wenke te mag gee. 2. Moderne kommunikasie: Ek wens ek kon in my vroeëre jare die gebruik van n mediaprojektor gehad het. In die korporatiewe wêreld van vandag is dit ondenkbaar dat iemand n belangrike voorlegging sonder n media-projektor doen. Predikers wat dit nie gebruik vir hulle preek nie, wys vir die lidmate dat hulle êrens in die kommunikasie-wêreld van die bus afgeval het. Ongelukkig is daar soms kerkrade wat dit nie wil aankoop nie. 3. Afkondigings: Hartlike lofprysing bring my in n gewyde stemming. Hoe jammer as dit gesaboteer word deur advertensie-afkondigings oor die basaar se tafels, byeenkomste se adresse, tye ens. Gewoonlik is dit in elk geval ook op skrif. As dit moet, kan dit minder steurend aan die einde na die offergawes gedoen word. 4. Opregte eerlikheid: n Babatjie op die ma se skoot voor in die middel van die kerkbank, was irriterend huilerig. Die ma staan op en sukkel om uit die bank te kom. Die prediker sê toe ewe vroom: Suster, jy kan maar bly sit. Die baba hinder my nie. Kortaf antwoord die ma: Nee, dominee, jy hinder die kind. Sterkte vir Sondag se erediens. - Roché Heyns Goeie wense vir die naweek. Marieta Visagie NG Wes-en-Suid-Kaapland Kommunikasie Privaatsak X8, Bellville, 7535 Tel: Faks: kommunikasie@kaapkerk.co.za SKOOLBEHEERLIGGAAMVERKIESING 2015 Braam Hanekom (Publieke Getuienis) skryf: Dit is ons diepe oortuiging dat kerke nie meer op die kantlyn kan staan as dit by belangrike publieke kwessies soos die onderwys kom nie. Maak asseblief n verskil waar jy kan; raak betrokke en neem deel aan die verkiesing van die skoolbeheerliggaam in jou omgewing. Ons land se onderwyswet verleen baie regte aan beheerliggame soos bv om die godsdiensbeleid, etos, en dissiplinêre stelsels van n skool te bepaal.

8 Deel van ons verstaan van missionale kerkwees sluit juis betrokkenheid by sake soos hierdie verkiesing in, net soos ons deelname aan die nasionale en munisipale verkiesings voorstaan. Lees gerus ook Graham Bam (Federasie van Beheerliggame van Suid-Afrikaanse skole, FEDSAS) se oproep tot deelname: Die drie-jaarlikse skoolbeheerliggaamverkiesing vind vanaf 6 tot 28 Maart 2015 dwarsdeur Suid-Afrika plaas. Meer as verteenwoordigers in skole sal verkies word. Elke ouer met kinders in n publieke skool is verkiesbaar tot die Skoolbeheerliggaam en mag tydens die verkiesing stem. Dit is ouers se plig om hulle te vergewis van wat in hul kinders se skool aangaan. As hulle geroepe voel moet hulle hulself beskikbaar stel om op die Skoolbeheerliggaam te dien. Dit is slegs deur deelname en betrokkenheid dat ons onderwys in ons land kan red. Ondersteun FEDSAS se poging om die verkiesing te bevorder. Moedig ouers aan om betrokke te raak. Neem deel en maak n verskil. n Volledige mediaverklaring deur FEDSAS is op beskikbaar klik hier om dit te lees. Graham Bam Provinsiale Bestuurder FEDSAS Wes-Kaap Sel: BEDIENING VIR ARMOEDE EN SORG EN NG VREDELUST VLOEDRAMPHULP AAN GEMEENTES IN MOSAMBIEK Vredelust-gemeente het oor die laaste klompie jare in vennootskappe in Namibië (2), Swaziland, Lesotho, Malawi en Mosambiek betrokke geraak. Die kern van hierdie vennootskappe bestaan uit n jaarlikse korttermyn uitreik na hierdie kerke saam met ander vennote. Hulle is ook in vennootskap met die Life Church in Mosambiek, met hulle basis in Quelimane in die noorde van die land. Hierdie dinamiese bediening, met die klem op huiskerke en bediening van kinders (Life Child), het begin versprei oor die hele land tot in Maputo. In Maputo is daar n bediening op die universiteitskampus, asook n voedingskema in samewerking met Interkaap Busdienste.

9 Die leiers is Annmaree en Esvaldo Jorge en die volgende stukkie is twee weke gelede van hulle ontvang: The rain has been much less recently, so thanks for all your prayers. At the moment public health is a big issue due to the floods families have lost their homes and are displaced. Eight children are missing in a town 45 minutes away from Quelimane. They have found coffins with peoples' remains floating in the water and the sewage system has also been damaged, causing the water to be highly unhygienic. The first cases of cholera have been reported. Esvaldo and a group of pastors are currently visiting the flood areas and handing out food and clothes. Please pray for them and for the people that have been affected by the floods. Vredelust en die Bediening vir Armoede en Sorg het besluit om n skenking aan die Life Church te maak om die mense in hulle nood by te staan. Saam met die R bydrae van Armoede en Sorg (vanuit die Rampfonds) het Vredelust-gemeente ook R geskenk. Enigeen is welkom om ook n bydrae te maak: Vredelust se bankbesonderhede: Absa Tjekrekening Rekeningnaam: NG Kerk Vredelust Rekeningnommer: Elektroniese takkode: Verwysing: Mosambiek Dankie vir voorbidding vir almal wat deur hierdie ramp geraak word. Navrae: Leon Oosthuizen (NG Gemeente Vredelust) AUGUSTINUS SE GEBED Epiklese God van ons lewe, daar kom dae wanneer die laste wat ons dra ons skouers skaaf en ons neerdruk; wanneer die pad vorentoe droewig en eindeloos lyk, die lug vaal, troosteloos en dreigend; dae wanneer die lied uit ons lewe verdwyn

10 en ons hart eensaam is en ons siel moedeloos word. Laat dan u lig skyn op ons pad, rig ons oë op na die hemele van belofte; snaar U ons hart vir die lied; skenk ons die gemeenskap van die heiliges en helde van die eeue; en sterk so ons gees om ook ander, wat die pad saam met ons bewandel, te onderskraag tot u eer en verheerliking. Amen. (Augustinus se gebed in Gebedeboek met liturgiese voorstelle. Saamgestel deur die Sinodale Eredienskommissie van die Oos-Kaap Sinode van die NG Kerk, 2001: Redakteur Johan van der Merwe) WERK ONS WEBBLAD? Wat dink ons lesers van die NG Kerk se webblad? Die NGK Algemene Sinode het versoek dat gebruikers van die NG Kerk se webblad ( dit beoordeel. Terselfdertyd sal ons graag voorstelle en kommentaar oor die NG Wes-en-Suid-Kaapland webblad ( wil ontvang. Kommentaar oor die volgende sal welkom wees: Opmerkings oor die voorkoms van die tuisblad? Kry jy die indruk dat die tuisblad op datum gehou word? Watter inligting soek jy die meeste as jy hier aanklop? Kry jy maklik waarna jy soek? Is die blad gebruikersvriendelik? Watter inligting sou jy graag daar wou sien wat op die oomblik ontbreek? Enige voorstelle ivm die verbetering van die tuisblad? Ondersteuning en reaksie op bg vrae vir beide die webblaaie is baie welkom! Dit help ons om ons kommunikasie voortdurend te verbeter. Stuur jou reaksie asb na Marieta by kommunikasie@kaapkerk.co.za voor 2 April

11 WOUTER VAN VELDEN GROET NOORD-KAAPLAND SINODE Beste Broers en Susters van die Noord-Kaap Tot n paar dae terug het ek nog heel gemaklik van ons gepraat en verwys na Vooruitsig en die Noord-Kaap Sinode. Met n skok het ek op die 1ste Februarie agtergekom dat ek nou deel is van n nuwe ons en my verwysingsraamwerk moet nou so bietjie skuif. Vandat ek gehoor het dat ek beroep is na Welgemoed en dat n skuif op die kaarte is, het ek gevoel ek wil tog op n manier dankie sê en my waardering uitspreek vir die kollegas en vriende wat ek in die Noord-Kaap Sinode gemaak het. Gun my dus nog n laaste keer die geleentheid om ons te sê. Die eerste ding waarvoor ek wil dankie sê gaan juis oor daardie woordjie ons in die Noord-Kaap het ek die besondere waarde van verband ervaar. Dat ons geheg is aan mekaar. Deel is van mekaar. Ons is werklik ons. Ja, partykeer het jy stry met jou broers en susters, maar ten diepste is ons mense wat saam die geloofsreis aanpak. Ek kan my nie voorstel hoe dit moet wees om alleen kerk te wees nie n verlore gemeente sonder die groter verband waarvan ek ook deel is. Aansluitend daarby is die voorreg om te kon dien in die groter verband. Die grootte van die sinode maak dat mens amper noodwendig ingetrek word by sinodale kommissies en taakspanne, maar dit was vir my baie betekenisvol om daarvan deel te kon wees. Ek het baie geleer, gegroei en gelag by SKBO, JONK en my cameo by SKDG. Dankie ook vir die baie leraars met wie ek kon werk en kuier. Ek het baie by julle as kollegas geleer nie net in terme van die werking van die kerk en die teologie nie, maar ook iets van die lewe vier. Die storie vertel om n braaivleisvuur, die humor wat dikwels daarvan deel word, die genot van saam kuier sal my altyd bybly. Mag daar nog geleenthede wees waar ek met julle onder n doringboom kan sit, vuur maak en stories vertel. Seënwense Wouter (Oorgeneem uit Noord-Kaapland enuus van 10 Februarie 2015)

12 TIPES PREDIKANTSPOSTE (BEDIENAAR VAN DIE WOORD) 1. Voltyds-onbepaalde pos: Hierdie is ʼn permanente pos en die bedienaar van die Woord is voltyds in diens van die gemeente. Lees meer hieroor by reglement 13 van die Kerkorde van die Algemene Sinode. 2. Deeltyds-onbepaalde pos (Tentmaker): Hierdie is ʼn permanente pos en die bedienaar van die Woord is deeltyds in diens van die gemeente. Indien ʼn gemeente nie ʼn voltydse bedienaar van die Woord kan bekostig nie, kan hy ʼn tentmaker beroep. Reglement 14 omskryf die pos verder. 3. Vaste Termynpos: Hierdie is ʼn pos vir ʼn bepaalde termyn en die bedienaar van die Woord is voltyds in diens van die gemeente. Indien ʼn gemeente vir ʼn bepaalde tydperk ʼn bedienaar van die Woord wil aanstel, word ʼn vaste termynpos geskep. Reglement 15 vertel verder. 4. Deeltydse Vaste Termynpos: Hierdie is ʼn pos vir ʼn bepaalde termyn en die bedienaar van die Woord is deeltyds in diens van die gemeente. Die pligte en die vergoeding is ook deeltyds aangepas. (sien reglement 15). Voorbeelde is brugpredikante, hulppredikante en pastorale poste wat geskep is vir ʼn bepaalde taak. Belangrike Opmerkings: Elke gemeente behoort ʼn voltydse predikant of ʼn tentmaker predikant te hê. Vaste termynposte (voltyds of deeltyds) is bedoel as hulpposte en nie as die enigste leraarspos in ʼn gemeente nie. Die ring kan in buitengewone omstandighede na uitsonderings kyk. Geen gelegitimeerde predikant van die NG Kerk kan op ʼn ander manier by ʼn gemeente werksaam wees as in een van die vier tipe poste nie. Alle predikante wat in ʼn gemeente se diens is (voltyds of deeltyds), moet beroep word na ʼn gemeente. Beroepingsprosesse moet volgens reglement 12 van Algemene Sinode geskied. Die enigste uitsondering is as iemand in n leraar wat met verlof is, se plek aflos. Dr Quintus Heine Aktuarius heine@biblesociety.co.za NUWE LEESSTOF BESKIKBAAR BY CLF Nuwe pamflette wat onlangs by CLF die lig gesien het, is in samewerking met Amos Agrimin geskryf en fokus veral op die plaaswerkergemeenskap, maar is ewe bruikbaar in meer kontekste. Dit is soos altyd gratis, maar in beperkte hoeveelhede by CLF beskikbaar.

13 Word geld-slim Jy kan armoede oorwin, maar dan moet jy leer hoe om die geld wat jy reeds het, nog beter te gebruik. Dit help nie jy begeer n ander een se goed as jy nie getrou en verantwoordelik is met jou eie goed nie. Word geld-slim met ʼn begroting Meet om te weet leer hoe om ʼn eenvoudige begroting op te stel om jou te help om geldslim te word. Maak jou kinders groot soos die Here dit wil hê Daar is soveel riglyne in die Bybel hoe die Here wil hê ons ons kinders moet grootmaak. Dit word eenvoudig in hierdie pamflet opgesom hoe jy ʼn kind kan help met sy selfbeeld, om hom of haar te leer van waardes, hoe om jou kind te tug. Hanteer konflik op ʼn wen-wen manier As jy leer om konflik reg te hanteer, sal al jou verhoudinge, selfs deur konflik, sterker kan groei. Dan word jou verleentheid n geleentheid. As jy aanhou om konflik verkeerd te hanteer, gaan die konflik al groter word en jou probleme al meer. Sê Ja! vir versoening is ʼn tydige en nodige publikasie. Toe die Nuwe Suid-Afrika gebore is, as ons verwonderd oor die glans van die reënboognasie; ons het entoesiasties gesels oor al die verhale van versoening, oor die Suid-Afrikaanse wonderwerk! Maar nou, twintig jaar later, lyk dit of dié kleure van die reënboog aan die verdof is. Oral is daar tekens van groeiende spanning tussen individue, klasse, rasse, geloofsgroepe en selfs binne die kerk. Mense is bra sinies oor die moontlikheid van egte versoening. Daarom is hierdie boek van soveel belang. Op ʼn boeiende en helder manier word verduidelik wat versoening is en hoe mense by die punt kom om mekaar weer te omhels. Met aangrypende, ware verhale word ons oortuig: versoening is noodsaaklik én moontlik. Want vir die versoening tussen mens en God, die vrede binne ons, die vrede tussen mense en die omvattende vrede wat die aarde en ganse skepping insluit, daarvoor het Christus sy lewe gegee. Ons kan gerus maar Ja! sê vir versoening. Dit sal DV aan die einde van Februarie by CLF beskikbaar wees teen R45. Suid-Afrika, land van baie godsdienste Suid-Afrika is n land van baie godsdienste, waarin Christene, Moslems, Hindoes en Jode elke dag met mekaar skouers vryf. Dit maak die lewe interessant, maar dit laat n mens ook wonder: Wat glo Moslems en Jode? Wat is die hoofpunte van die Christelike geloof? Hoe moet ek teenoor Hindoes, Boeddhiste en Bahai i gelowiges optree? Speel die tradisionele Afrika-godsdienste nog n rol in ons land? In dié boek word elkeen van die godsdienste van Suid-Afrika aan die orde gestel, voordat daar na die dieper vrae gekyk word: Is alle godsdienste gelyk? Glo ons aan dieselfde God?

14 Kan Christene met mense van ander gelowe in gesprek tree oor hul onderskeie oortuigings en belewenisse? Watter riglyne moet in ag geneem word in die dialoog tussen mense van verskillende godsdienste? Die skrywers wat aan die publikasie meegewerk het, is vanweë doseeropdragte en praktiese ervaring, elk n kenner van sy onderwerp. Dit sal DV aan die einde van Februarie by CLF beskikbaar wees teen R220. Vir meer inligting of om van hierdie publikasies te bestel, skakel of stuur ʼn e- pos aan order@clf.co.za BID: DECOLIGNY ( ) BID: Ons besef dat ons die volgende twee maande wat nog vir ons oor is hier in Decoligny gemeente, voluit moet werk om alles reg te kry sodat die oorgang na ons vertrek so glad as moontlik sal verloop. Bid saam met ons vir volharding en toewyding te midde van pak en die afronding van ons werk. Elke Sondag is nou vir ons 'n afskeidspreek op die buiteposte. Dis ook 'n geleentheid om die lidmate te groet wie moontlik nie die groot afskeid geleentheid sal kan bywoon nie. Hierdie komende naweek is ds Jonas van Isilimela se afskeid. Hy tree ook einde Maart af en dit maak dat beide die gemeentes waar ons oor die jare gewerk het vanaf middel April vakant sal wees. Ons sal die kans kry om die ou lidmate saam met wie ons vanaf gewerk het, daar te gaan groet. Vir mama Thomas van Link wie se siekte weer hervat het. INLIGTING: Ons het vroeër genoem van 'n boek waarin die stories van talle oud en huidige werkers van die Transkei opgeneem sal word. Die boek Kruisgesante oorkant die Kei is geskryf deur Hennie Pretorius en medewerkers. Dit is uitgegee en word versprei deur Bybel- Media en het einde verlede jaar verskyn. Almal wat belangstelling het in die werk van die Here in die Transkei oor 'n tydperk van meer as 80 jaar, sal die boek baie geniet. Sam Dandala is geregistreer vir 5 modules vir die eerste semester van sy Teologiese studies by UNISA. Soos vroeër genoem, bly hy aan in die gemeente as ouderling en saam met die ander lede van die kerkraad, sal hulle leiding neem in die gemeente terwyl die gemeente vakant is. Ons is dankbaar teenoor almal wat help met die onkostes vir Sam se studies. Enige bydrae kan inbetaal word in: Bet-El, ENB , Rek Nr , Verwysing - Student. Sinethemba het tans 86 kinders en 16 personeellede. Hulle moes baie kinders wegwys omdat al hoe meer ouers die waarde besef van die onderrig wat by Sinethemba

15 gegee word. Dit gaan baie goed met hulle almal. Hulle is dankbaar vir die goeie reën wat die watertenks volgemaak het en die tuin lyk baie mooi. Van die ouer kinders het vandag die jonger kinders geleer koek bak en hulle het met trots hul handewerk vir ons gewys. Die uitnodiging na die afskeidsgeleentheid op 7 Maart is nog oop vir enige ondersteuner. Die Kerkraad vra net dat julle ons asseblief van die getalle in kennis stel teen 28 Februarie sodat dit na die reëlingskomitee deurgegee kan word. DANK: Ons is veilig terug na 'n wonderlike tyd van rus wat ons kon gebruik om by familie en vriende te kuier. n Aantal ondersteuners is ook besoek waar ons oor die toekoms van Decoligny se werk en die ondersteuning kon gesels. Ons kon ook heelwat werk aan ons huis doen wat dit soveel makliker sal maak wanneer ons in April daar intrek. Op 3 Februarie was dit 39 jaar gelede dat ons op Isilimela aangekom het om ons bediening in die Transkei te begin. Ons dank die Here vir hierdie tyd van genade en sy versorging en vir die voorreg om vir soveel jaar vir Hom hier te kon werk. Groete in Jesus Christus. Willem en Annalie Botes / wgpbotes@gmail.com NG GEMEENTE RUYTERWACHT (GEMEENSKAPSKERK) VAKATURE: VASTETERMYN KONTRAK LERAAR (Vastetermyn kontrakpos Een jaar met die opsie om die kontrak te verleng) Hiermee word die pos vir n vastetermyn-kontrakleraar in die NG Gemeente Ruyterwacht bekendgestel. GEMEENTEPROFIEL: Ruyterwacht-gemeente is n multikulturele gemeenskapskerk geleë naby Epping/Elsiesrivier en grens aan die Grand West Casino. Die gemeente het 614 belydende, 180 doop- asook n aantal Engelssprekende lidmate. Die gemeente bied baie uitdagings, maar skep ook geleentheid vir groot vervulling. Ons uitdagings vir die toekoms is om huidige lidmate, maar ook kerkvreemdes oor die hele spektrum heen (jeug, volwassenes en senior lede) te bedien en te laat inskakel by die kerk,

16 vernuwend te dink, die Engelssprekende gemeenskap verder in te skakel by die gemeente en goeie verhouding en skakeling te handhaaf, spesifiek met ons plaaslike VGK gemeente, asook buurgemeentes en ander godsdiensgroeperings. LERAARSPROFIEL n Energieke en lewenslustige gelegitimeerde predikant in die NG Kerk, in die ouderdomsgroep 35 tot 60 jaar, met sterk leierseienskappe, wat lief is vir die Here en vir die kinders van die Here, opgewonde is oor die bediening met n passie vir aktuele Woordverkondiging en wat nog kans sien vir n paar groot uitdagings. n Leraar wat n verskil kan maak in ons gemeenskap, wat goeie menseverhoudinge in n multikulturele gemeente kan bou en handhaaf. Gereelde kontak met lidmate deur middel van pastorale ondersteuning en besoeke is vir die gemeente belangrik. PLIGTE EN VERANTWOORDELIKHEDE n Pligstaat met artikel 9 van die Kerkorde as basis sal opgestel word. n Kopie van die diensooreenkoms is op aanvraag beskikbaar. Die gemeente het n jeugwerker wat die jeugaksies in die gemeente baie suksesvol koördineer en aanbied. VERGOEDING n Totale pakket van R pm kan aangebied word. Vanweë die ekonomiese en finansiële situasie van die gemeenskap en gemeente, kan geen verdere toelaes, pensioen of mediese voordele aangebied word nie. Geen pastorie is beskikbaar nie. AANSOEKE: Kandidate moet beskikbaar wees vir n onderhoud en preekbeurt. Kandidate word versoek om n volledige CV en kontakbesonderhede van minstens drie referente te stuur aan : Per pos: Die Gemeentebestuurder, mev Danita Faasen, NG Gemeente Ruyterwacht, Saldanhastraat, Ruyterwacht 7400 Per e-pos: ngkruyterwacht@telkomsa.net pa.thinus2@gmail.com SLUITINGSDATUM VIR AANSOEKE: 15 Maart 2015 NAVRAE: Ds Thinus van Vuuren (huidige leraar) Ds Gerhard van der Merwe (konsulent) of Mev Danita Faasen (skriba) of Mnr Danie van der Berg (hoofouderling) Die kerkraad behou hom die reg voor om geen aanstellings te maak nie.

17 BADISA JOEY S BABIES DAGSORGSENTRUM, GEORGE PROGRAMKOÖRDINEERDER Joey s Babies in George is ʼn program van Badisa, ʼn gesamentlike bedieningsaksie van die NG Kerk (Wes-en-Suid-Kaap) en VGKSA (Kaapland). Aansoeke van entoesiastiese persone met n deeglike kennis van voorskoolse versorging word vir die betrekking ingewag. Die aangewese kandidaat sal regstreeks aan die Beheerraad rapporteer en vir die volgende verantwoordelik wees: bestuur van die Dagsorgsentrum/Educare om sodoende n optimale versorgingsdiens aan voorskoolse kinders te lewer bestuur en ontwikkeling van personeel Bestuur van die dagsorgsentrum se finansies en begroting voorraadbeheer gehalteversekering fondsinsameling skakeling met die beheerraad, gemeenskap en ouers administratiewe pligte verantwoordelik vir die bestuur van lesmateriaal/-program. Die ideale kandidaat beskik oor: n toepaslike naskoolse kwalifikasie die vermoë om n span te lei en te motiveer, asook om probleemareas vroegtydig te identifiseer en op te los rekenaarvaardigheid en ʼn geldige rybewys bewese kennis en ervaring van die bestuur van n voorskoolse program sal as sterk aanbeveling dien. Vergoeding behels n onderhandelbare salaris, asook ruim verlofvoordele. Rig ʼn volledige CV voor 26 Februarie 2015 met duidelike vermelding van die pos waarvoor u aansoek doen, aan: Die Direkteur: Menslike Hulpbronne, Badisa, Privaat Sak X8, Bellville 7535, of per e-pos na mhb@badisa.org.za BADISA WESKUS, VREDENBURG GEMEENSKAPSONTWIKKELAAR Badisa is n gesamentlike bedieningsaksie van die NG Kerk (Wes-en-Suid-Kaapland) en die VGKSA (Kaapland). Badisa is n waardegedrewe instelling wat diensbaarheid, rentmeesterskap, uitnemendheid en geregtigheid nastreef.

18 Aansoeke word ingewag vir n vakature by ons kantoor te Badisa Weskus, Vredenburg vir die pos van Gemeenskapsontwikkelaar. Hardwerkende, kreatiewe persone wat oor die volgende beskik, kan aansoek doen: Vermoë om in n span saam te werk en vennootskappe te sluit Kennis van projekbestuur Graad 12-sertifikaat Rekenaarvaardigheid Kennis oor en vaardigheid in fondswerwing Geldige rybewys Beskikbaar om na-ure op skiktyd-basis te werk Naskoolse opleiding in Gemeenskapsontwikkeling sal as aanbeveling dien. Voordele: Vasgestelde salaris, ruim verlofvoordele Diensaanvaarding: So spoedig moontlik Navrae: Marianne Heyns Voorsien volledige CV met vermelding van minstens drie referente teen 27 Februarie 2015 aan: Posbus 372, St Helenabaai E-pos aan msheyns@telkomsa.net Of per hand by die kantoor van Badisa te Houtstraat, Vredenburg BADISA HUIS ANDREW MURRAY, WELLINGTON VAKATURES Huis Andrew Murray Kinder- en Jeugsorgsentrum is n program van Badisa, n gesamentlike bedieningsaksie van die NG Kerk (Wes-en-Suid-Kaap) en VGKSA (Kaapland). Aansoeke van gemotiveerde en dinamiese persone met n positiewe lewensingesteldheid teenoor kinders en jeugdiges, word vir die volgende betrekkings ingewag: TWEE MAATSKAPLIKE WERKERS

19 Die aangewese kandidaat sal regstreeks aan die bestuurder rapporteer en vir die volgende verantwoordelik wees: * Funksionering en samewerking binne multi-terapeutiese span * Assessering van kinders, asook die opstel en bestuur van ontwikkelingsplanne * Individuele terapie sowel as groepwerk met kinders * Statutêre dienslewering aan kinders soos bepaal deur die Kinderwet * Deelname aan gemeenskapswerkprojekte * Skakeling met ouers, vakansievriende, skole, gemeenskap en ander vakkundiges * Bestuurs- en administratiewe take. Die ideale kandidaat beskik oor n BA/BDiac graad of diploma in Maatskaplike Werk, is geregistreer by SACSSP en beskik oor n geldige rybewys. Onlangse ondervinding van kinder- en jeugsorgwerk, ontwikkelingsgerigte assessering van kinders wat sorg en beskerming benodig sowel as opleiding en ondervinding in Spelterapie sal as aanbeveling dien. Diensaanvaarding: 1 April 2015 EEN INWONENDE KINDER- EN JEUGSORGWERKER Die aangewese kandidaat sal regstreeks aan die Hoof: Versorgingsdienste rapporteer en vir die volgende verantwoordelik wees: * toesig en beheer oor, asook die ontwikkeling, opvoeding en fisiese versorging van 14 kinders in n afsonderlike huiseenheid * basiese rekordhouding en administrasie * skep van n huislike atmosfeer binne die huiseenheid. Die ideale kandidaat (tussen die ouderdom van 25 en 49) beskik oor n graad 12-sertifikaat, n geldige Kode B-rybewys en n goeie begrip en aanvoeling vir kinders. Die suksesvolle kandidaat moet voorts effektief kan organiseer, gemaklik aansluiting kan vind by kinders van alle ouderdomme en goeie interpersoonlike verhoudinge kan handhaaf. n Naskoolse kwalifikasie in Kinder- en Jeugsorgwerk asook vorige ondervinding in n Kinder- en Jeugsorgsentrum, sal as n sterk aanbeveling dien. Diensaanvaarding: So spoedig moontlik Vergoeding behels n onderhandelbare salaris, aangevul deur n mediese en aftreeskema en ruim verlof. Rig n volledige CV en dui aan vir watter pos u aansoek doen, teen 20 Februarie 2015 aan: Die Bestuurder, Huis Andrew Murray, Posbus 129, Wellington, E-pos: info@andrewmurray.org.za