Er verkfræði fyrir þig? Af hverju verkfræði við HR? Að námi loknu

Transcription

1 Verkfræði

2 Nám við tækni- og verkfræðideild HR veitir nemendum sterka fræðilega undirstöðu og sérhæfða fagþekkingu. Námið miðar að því að efla frumkvæði nemenda og sjálfstæð vinnubrögð. Aðstaða til náms er mjög góð og lögð er sérstök áhersla á góðan aðbúnað fyrir verklega kennslu. HR útskrifar flesta tæknimenntaða einstaklinga á háskólastigi á Íslandi, eða tvo af hverjum þremur sem útskrifast með tæknimenntun. Lengd náms er fimm ár. Eftir þriggja ára nám til BSc-gráðu bæta nemendur við sig tveggja ára námi til MSc-gráðu til að öðlast starfsréttindi sem verkfræðingar. Er verkfræði fyrir þig? Hefur þú gaman af að glíma við flókin verkefni? Ert þú úrræðagóð/-ur? Hefur þú gaman af stærðfræði og raungreinum? Myndir þú vilja þróa ný tæki í krabbameinsmeðferð? Viltu hanna róbot fyrir björgunarstörf? Langar þig að finna bestu útfærslu á samgöngukerfi? Vilt þú finna hagkvæmustu fjármögnun fyrir gagnaver? Af hverju verkfræði við HR? Sterk fræðileg undirstaða. Áhersla á raunveruleg verkefni sem auka skilning á námsefninu; nemendur fylgja verkefnum frá hugmynd til framkvæmdar. Framúrskarandi aðbúnaður til verklegra æfinga. Heildstæð verkfræðimenntun: greining, úrlausn og prófun. Útskrifaðir nemendur eru vel undirbúnir fyrir áframhaldandi nám eða störf á vinnumarkaði hérlendis og erlendis. Að námi loknu Verkfræðingar starfa á fjölmörgum sviðum atvinnulífsins við til dæmis stjórnun, verkefna- og gæðastýringu, hönnun og þróun kerfa, rekstur, fjármál og rannsóknir.

3 Grunnnám Verkfræði Gráða: BSc Lengd náms: 3 ár Fjöldi eininga: 180 Í verkfræðinámi læra nemendur að greina flókin og fjölbreytt viðfangsefni og þróa lausnir sem byggja á stærðfræði- og raunvísindaþekkingu. Fjármálaverkfræði Þverfagleg grein sem sameinar fjármálafræði, verkfræðilegar aðferðir, stærðfræðileg líkön, tölfræði, aðgerðagreiningu og hagnýta tölvunarfræði. Dæmi um námskeið: Áhættustjórnun, afleiður, hagfræði, fjármálamarkaðir, eignastýring. Hátækniverkfræði Fengist er við það sem stundum er kallað mekatróník (e. mechatronics). Þar er lögð áhersla á að samtvinna hönnun vélbúnaðar við nútíma skynjara og stýritækni. Dæmi um námskeið: Hönnun X, iðntölvur og vélmenni, rafeindatækni, merkjafræði, reglunarfræði, vélhlutafræði, verkfræðileg bestun. Heilbrigðisverkfræði Aðferðum verkfræðinnar er beitt á eða í mannslíkamanum til að leysa mismunandi vandamál tilkomin vegna veikinda eða slysa, eða einfaldlega til að bæta lífsgæði og öryggi. Dæmi um námskeið: Lífeðlisfræði, stoðtæki og gervilíffæri, mælitækni og lífsmörk, lífupplýsingafræði, læknisfræðileg myndgerð, klínísk verkfræði. Rekstrarverkfræði Þverfagleg grein þar sem kenndar eru verkfræðilegar aðferðir og hugmyndafræði við rekstur, ákvarðanir og stjórnun í víðtækri merkingu. Áherslusvið: Hátækni og rekstur, orka og rekstur, sjálfbærni og rekstur, tölvur og rekstur, heilbrigði og rekstur, fjármál og rekstur, nýsköpun og rekstur. Vélaverkfræði Eitt víðtækasta svið verkfræðinnar snýst um þróun hvers kyns vélrænna kerfa. Vélaverkfræðingar hafa sterkan grunn í aflfræði, varmafræði, efnisfræði, straumfræði og varmaflutningsfræði ásamt stýringum. Dæmi um námskeið: Hönnun X, vélhlutafræði, tölvustudd hönnun, reglunarfræði, jarðhiti, straumvélar, orka í iðnaðarferlum, verkfræðileg bestun. Hópavinna og samstarf við fyrirtæki HR tekur þátt í CDIO (Conceive, Design, Implement, Operate) alþjóðlegu samstarfsneti framsækinna háskóla um allan heim sem kenna tæknigreinar. Samkvæmt hugmyndafræði CDIO er árangursríkast að kenna verkfræðingum og tæknifræðingum framtíðarinnar með því að veita þeim traustan, fræðilegan grunn en vinna þar að auki raunhæf verkefni ásamt því að virkja þá í hópastarfi. Ferlið frá hugmynd yfir í hönnun, framkvæmd og rekstur er því kunnuglegt áður en útskrifaðir nemendur koma á vinnumarkað. Verkefnamiðuð námskeið hafa verið ríkur þáttur í námsframboði tækni- og verkfræðideildar HR auk þess sem margir nemendur vinna verkefni í samstarfi við fyrirtæki. Aðrir skólar í CDIO: MIT - Massachusetts Institute of Technology Aalborg University Delft University of Technology Duke University University of Michigan University of Sydney Beijing Jiaotong University Það hjálpar mikið að geta tvinnað saman bóklega námið og verklegar æfingar. Dæmi um verkefni sem ég hef fengið metið til eininga er að hanna og smíða kælibúnað sem hægt er að nota til að sjá snjókorn eða ískristalla myndast undir smásjá. Verkfræðin opnar marga möguleika en ég hugsa að mig langi að sérhæfa mig í flugvélaverkfræði. Óskar Ásgeirsson Nemi í vélaverkfræði

4 Meistaranám Verkfræði Gráða: MSc Lengd náms: 2 ár Fjöldi eininga: 120 Starfsréttindi að loknu námi: Lögverndað starfsheiti sem verkfræðingur. Rannsóknartengt framhaldsnám sem nemendur geta nýtt sér til sérhæfingar. Nemendur velja sér námsgreinar og gera einstaklingsmiðaða námsáætlun í samráði við umsjónarkennara sinn. Námið er einkum ætlað þeim sem hafa lokið BSc-prófi í verkfræði eða tæknifræði með góðum árangri, og geta þeir öðlast starfsheitið verkfræðingur að námi loknu. Af hverju meistaranám við tækni- og verkfræðideild HR? Hagnýtt nám með nútímalegum áherslum. Sterk undirstaða í viðurkenndum aðferðum. Kennarar eru í fremstu röð á sínu sviði. Fjölbreyttar rannsóknir í nánu samstarfi við atvinnulífið og vísindasamfélagið. Þverfaglegt nám í samstarfi við aðrar deildir HR og aðra háskóla. Nemendum býðst að stunda hluta af námi sínu við erlenda háskóla sem skiptinemar. Rannsóknir Við tækni- og verkfræðideild eru stundaðar alþjóðlega viðurkenndar rannsóknir. Vísindamenn og nemendur vinna að fjölbreyttum rannsóknarverkefnum í samstarfi við innlendar og erlendar rannsóknarstofnanir og fyrirtæki. Styrkir Þeir sem lokið hafa grunnnámi með mjög góðum árangri eiga kost á styrkjum sem felast í niðurfellingu skólagjalda, að hluta eða öllu leyti. Sérstakur forsetastyrkur nemur niðurfellingu skólagjalda í tvö ár. Forsetastyrkur felur í sér niðurfellingu hluta skólagjalda þannig að nemandi greiðir einungis skólagjöld grunnnáms meðan á meistaranámi stendur. Þeir sem hlotið hafa forsetastyrk ganga fyrir um launuð störf við aðstoðarkennslu. Skiptinám Nemendum býðst að stunda hluta af námi sínu við erlenda háskóla sem skiptinemar. Námsleiðir Byggingarverkfræði með sérhæfingu í mannvirkjahönnun eða steinsteyputækni Fjármálaverkfræði Heilbrigðisverkfræði Hugbúnaðarverkfræði Rafmagnsverkfræði Rekstrarverkfræði Vélaverkfræði Orkuverkfræði við Iceland School of Energy Orkuvísindi við Iceland School of Energy Í náminu hef ég unnið verkefni fyrir ýmis fyrirtæki. Ég tók þátt í að endurnýja verkferla innan Áltaks ehf., greindi þróun birgðahalds- og flutningskostnaðar fyrir Haugen Gruppen ehf., gerði drög að gæðastefnu fyrir Tollstjóra, greindi mögulegar aðgerðir í tekjustýringu fyrir Súfistann ehf. og gerði biðraðalíkan fyrir Icelandair þar sem unnið var að því að greina hagkvæmustu nýtingu sjálfsafgreiðslukassa við innritun. Í framtíðinni myndi ég helst vilja starfa við einhverskonar aðgerðarannsóknir auk þess sem birgðastýring heillar og flest allt sem viðkemur birgðahaldi. Þórey Friðrikka Guðmundsdóttir Meistaranemi í rekstrarverkfræði BSc í fjármálaverkfræði frá HR 2009

5 Raunhæf verkefni Nám við tækni- og verkfræðideild HR veitir sterka fræðilega undirstöðu í bland við sérhæfða, hagnýta fagþekkingu og nemendur eru hvattir til að nota frumkvæði og sjálfstæð vinnubrögð í raunhæfum verkefnum. Líkan sem aðstoðar við ákvarðanatöku Ein afleiðing loftslagsbreytinganna er hopun íshellunnar sem nú þekur stóran hluta Norður-Íshafsins. Vera má að aðstæður til vörusiglinga, auðlindanýtingar, ferðamennsku og annarra umsvifa mannsins breytist verulega en óvissan er mikil. Nemendur hafa gert hagnýtar rannsóknir sem notaðar eru til að smíða ákvörðunarlíkön sem eru ætluð eru til að meta hvernig þessar breytingar gætu haft efnahagsleg áhrif, t.d. á Íslandi, út frá mismunandi forsendum. Skutu upp eldflaug af Mýrdalssandi Nemendum við tækni- og verkfræðideild tókst að skjóta eldflauginni Mjölni á loft af Mýrdalssandi í maí Mjölnir er fyrsta skrefið í áætlun um að nota háskerpumyndavélar til að taka myndir af norðurljósum og mikilvægur áfangi í eldflaugarannsóknum innan deildarinnar. Eimaði olíu úr bíldekkjum Nemendur nýta verklega aðstöðu í HR til ýmissa uppfinninga. Jóhannes Einar Valberg, meistaranemi í vélaverkfræði, hannaði hitasundrunartæki sem eimar olíu úr bíldekkjum. Hann bjó fyrst til þurreimara sem eimar bíldekk svo úr verða gös og olía. Þannig gat hann endurunnið hjólbarða niður í brennanleg gös, olíu, stálvíra og kol. Olían sem fékkst var prófuð á dísilvél og virðast fyrstu niðurstöður prófana sýna að hún sé vel nýtanleg á vélar. Kepptu með kafbátnum Ægi Ægir var hannaður og smíðaður af nemendum í tækni- og verkfræðideild og tölvunarfræðideild. Níu nemendur kepptu í alþjóðlegri keppni í San Diego með Ægi og hafnaði hann í 6. sæti af 39. Kafbáturinn er sjálfráður sem þýðir að honum er ekki stýrt og hann þarf að geta leyst ýmsar þrautir; meðal annars að komast í gegnum hlið, finna baujur og skjóta pílu í skotmark. Taugabrautir prentaðar í þrívídd Nemendur í heilbrigðisverkfræði hafa prentað höfuðkúpur og taugabrautir út í þrívídd til að aðstoða lækna við undirbúning aðgerða. Með því að æfa sig á þrívíddarmódeli fyrir flóknar aðgerðir geta læknar stytt tímann sem aðgerðin tekur, þeir geta framkvæmt hana með meiri nákvæmni og náð betri árangri. Allt eykur þetta öryggi sjúklingsins. Starfsnám - dýrmæt reynsla Nemendur í verkfræði við HR geta sótt um starfsnám í bæði grunnnámi og meistaranámi. Í grunnnámi er starfsnám 6 ECTS einingar og fer fram á vorin en í meistaranámi er það viðameira, eða 14 ECTS einingar, og er stundað að hausti. Markmið með starfsnámi er að auka þekkingu nemenda á námsviði þeirra og búa þá undir störf að námi loknu. Nemendur fá einingar vegna starfsnámsins metnar. Dæmi um fyrirtæki og stofnanir sem hafa tekið við nemendum í starfsnám: Actavis Arion banki Blóðbankinn EFLA Elkem Fjármálaráðuneytið Hjartavernd ÍSOR Ikea Landsbankinn Landsnet Landspítalinn Landsvirkjun Mannvit Marel Marorka Olís Orkuveitan Raförninn Samskip Securitas Skipti (Síminn og Míla) Sjóvá Verkís Vodafone Össur

6 Skipulag náms í verkfræði Verkfræði BSc, 180 einingar Áhersla á að veita góðan undirbúning fyrir MSc/PhD nám Fjármálaverkfræði Rekstrarverkfræði Heilbrigðisverkfræði Hátækniverkfræði Vélaverkfræði 1. önn 2. önn I Fjármálaverkfræði, inngangur I Rekstur og stjórnun I Líffræði I Stöðu- og burðarþolsfræði I Stöðu- og burðarþolsfræði 3. önn Verðbréf Gagnavinnsla Framl. og birgðastýring Gagnavinnsla Lífeðlisfræði Greining rása Stafræn rafeindatækni Aflfræði Greining rása Hönnun rása Aflfræði Greining rása Tilraunastofa í aflfræði 4. önn I Aðgerðagreining I Aðgerðagreining Rafeindatækni Merkjafræði Stöðu- og burðarþolsfræði Rafeindatækni Merkjafræði Varmafræði Efnisfræði Vélhlutafræði 5. önn Hagfræði Fjármál fyrirtækja Afleiður **Verkfræðileg undirstöðugrein Hagfræði Fjármál fyrirtækja **verkfræðileg undirstöðugrein Reglunarfræði I Reglunarfræði Mechatronics I Reglunarfræði Straumfræði 6. önn Líkindafræði og slembiferlar Áhættustýring **Verkfræðileg undirstöðugrein Sjálfbærni **verkfræðileg undirstöðugrein Hermun Lífeðlisfræði Læknisfræðileg myndgerð Mælitækni og lífsmörk Efnisfræði Vélhlutafræði *Mechatronics II eða *Varmafræði Varmaflutningsfræði Tilraunastofa * Stýrt val: Nemendur á 6. önn í hátækniverkfræði taka annaðhvort T-535-MECH Mechatronics II eða T-507-VARM Varmafræði ** Það er skylda fyrir nemendur í rekstrarverkfræði og fjármálaverkfræði að taka tvö eftirfarandi 10 námskeiða: T-106-BURD Stöðu- og burðarþolsfræði; T-507-VARM Varmafræði; T-306-RAFF Greining rása; T-407-EFNI Efnisfræði; T-534-AFLF Aflfræði; T-536-RENN Straumfræði; T-501-REGL Reglunarfræði; T-401-Vélhlutafræði; T-509-RAFT Rafeindatækni; T-863-HEAT Varmaflutningsfræði Sjá nánar um námsgreinar í kennsluskrá tækni- og verkfræðideildar á hr.is/tvd.

7 Að hefja nám við HR Háskólinn í Reykjavík hefur frá upphafi stuðlað að öflugu félagslífi háskólanema. Nemendafélög deilda vinna náið saman auk þess að standa fyrir viðburðum sem eru aðeins ætlaðir meðlimum hvers og eins félags. Nemendafélag verkfræðinema heitir Pragma. Sótt er um skólavist rafrænt á vef HR. Slóðin er: hr.is/umsoknir. Upplýsingar um umsóknarfrest eru uppfærðar reglulega á vefnum. Inntökuskilyrði Umsækjendur þurfa að hafa lokið stúdentsprófi, frumgreinaprófi HR eða öðru sambærilegu prófi. Æskilegur undirbúningur er að hafa lokið a.m.k. 21 einingu (35 FEIN) í stærðfræði (þ.m.t. STÆ503 eða sambærilegt), 6 einingum (10 FEIN) í eðlisfræði (þ.m.t. EDL203 eða sambærilegt) og 3 einingum í efnafræði (EFN103 eða sambærilegt). Við mat á umsóknum er tekið tillit til einkunna, frekari menntunar, starfsreynslu og þátttöku í félagsstörfum. Umsækjendur eru því hvattir til að gera grein fyrir öllu því sem þeir telja geta orðið umsókn sinni til framdráttar. Nánari upplýsingar um inntökuskilyrði er að finna á hr.is. Skólagjöld og námslán Upplýsingar um skólagjöld má nálgast á vefnum undir hr.is/skolagjold. Upplýsingar um námslán fyrir skólagjöldum og/eða framfærslu má finna á vef Lánasjóðs íslenskra námsmanna lin.is. Styrkir til náms við HR Nýnemastyrkir: Háskólinn í Reykjavík veitir afburðanemendum nýnemastyrk sem nemur skólagjöldum á fyrstu önn námsins. Til að geta sótt um styrkinn þarf fyrst að sækja um skólavist í HR. Þeir sem eru að hefja þriggja eða þriggja og hálfs árs BA- eða BSc-nám geta sótt um styrkinn. Nýnemastyrkurinn er veittur á haustönn og vorönn. Forsetalisti HR: Styrkir fyrir afburðanemendur sem þegar eru í námi í HR. Þeir nemendur sem bestum árangri ná á hverri önn eiga kost á að komast á forsetalista og fá skólagjöld næstu annar skv. námsskipulagi niðurfelld. Aðrir styrkir: Fleiri styrkir standa nemendum til boða og er hægt að fá upplýsingar um þá á vef háskólans, hr.is/styrkir. Nánari upplýsingar: tvd@hr.is Háskólinn í Reykjavík Menntavegi Reykjavík Sími hr@hr.is