Rundskriv um KT trygd hjá stovnum landsins

Transcription

1 Rundskriv um KT trygd hjá stovnum landsins Alment 1. Upplýsingarnar í almennum KT skipanum eru týðandi virði hjá landinum, og tær eru fyritreyt fyri, at føroyska samfelagið verður munadygt rikið og fyri vælferðinai hjá einstaka borgaranum. Tað er tí alneyðugt, at landsins upplýsingar eru hóskandi vardar, so tær kunnu verða tryggjaðar móti misnýtslu og oyðileggjan. Líka mikið á hvørjum miðli upplýsingarnar eru, t.d. á pappíri, goymdar talgilt, sendar gjøgnum kaðalar ella tráðleyst ella bornar fram í talu, skulu tær verða vardar alt eftir, hvussu týðandi tær eru. Endamál o.a. 2. Endamálið við hesum rundskrivi er at: - KT nýtslan hjá landinum er trygg, - tryggja, at týdningarmiklar upplýsingar eru hóskandi vardar, - tryggja, at landið hevur fullfíggjað yvirlit yvir, hvørjar upplýsingar landið eigur, og hvar landsins upplýsingar eru goymdar. 3. Rundskrivið er galdandi fyri stovnar, sum eru: - stjórnarráð, - stovnar undir teimum, - serligir grunnar o.a. og - sjálvsognarstovnar, sum eru á fíggjarlógini javnbjóðis teimum rættiligu landsstovnunum. Stk. 2. Viðkomandi stjórnarráð hava eftirlit við, at reglurnar í hesum rundskrivi verða fylgdar og skulu fremja árliga uppfylging av hesum. Stjórnarráðið skal útnevna ein persón at fremja hesar árligu uppfylgingarnar. Stk. 3. Tað áliggur stjórnarráðunum at boða stjórum á stovnunum frá, at fær stjórnarráðið ikki váttan sambært 16, ella verða høg tilmæli sambært 14, stk. 3 ikki loyst, so fær tað setanarligar avleiðingar fyri stjóran. Stk. 4. Fylgja stovnar sambært stk. 1 ikki tí, sum er fyrisett, eigur stjórnarráðið uttan drál at taka neyðug stig til at fáa viðurskiftini í rættlag. 4. Stovnar skulu hava sett í verk KT trygd, sum byggir á KT trygdarstandardin ISO/IEC og verður settur í verk eftir ISO/IEC Aðrir KT trygdarstandardir kunnu eisini verða nýttir, um teir í minsta lagi eru á hædd við teir her nevndu, t.d. The Standard of Good Practice for Information Security hjá ISF. Flokka upplýsingar 5. Stovnar skulu flokka tær upplýsingar, teir varða av. Upplýsingarnar verða flokkaðar í tættunum trúnaður, rættleiki og atgeingi, og fyri hvønn av hesum tættunum, skal støða verða tikin til, hvussu kritiskar upplýsingarnar eru. Hetta verður gjørt eftir leisti frá Føroya Gjaldstovu. Flokkingin:

2 - er byrjanarstøði fyri teimum trygdartiltøkum, sum stovnurin skal seta í verk - skal verða endurskoðað í minsta lagi eina ferð um árið - skal verða atkomilig á stovninum. Hvar skulu upplýsingar verða goymdar 6. Meginreglan er, at allar upplýsingar, sum eru forrætningskritiskar sambært 5, ella sum koma undir lógina um persónsupplýsingar, skulu verða goymdar í Føroyum. Loysnir, har upplýsingar verða goymdar aðrastaðni enn í Føroyum, og hetta uppfyllir lóggávuna annars, skal Fíggjarmálaráðið góðkenna. Stk. 2. Treytin fyri góðkenningini er, at stovnurin: a) hevur serligan tørv, sum krevur, at upplýsingar verða goymdar uttanlands b) kann leggja fram trygdarskoðan sambært 19, stk Tað skal vera fullfíggjað yvirlit yvir loysnir/upplýsingar, sum liggja uttanfyri Føroyar, sum Føroya Gjaldstova heldur viðlíka. Stovnarnir hava upplýsingarskyldu yvirfyri Føroya Gjaldstovu um skipanir/upplýsingar, sum ikki liggja í Føroyum. 8. Sum meginregla skulu upplýsingar hjá stovnum nevndir í 3 verða goymdar á Landsneti, og stovnarnir skulu brúka postskipanina hjá Landsneti. Aðrar loysnir skal Fíggjarmálaráðið góðkenna. Stk. 2. Treytin fyri góðkenningini er, at stovnurin: a) hevur serligan tørv, sum ikki uttan munandi meirkostnað kann verða uppfyltur í Landsneti b) kann framleggja trygdarskoðan sambært 15, stk. 2. Stovnar við serliga kritiskum upplýsingum 9. Upplýsingar hjá ávísum stovnum eru serliga kritiskar fyri føroyska samfelagið og vælferðina hjá borgarum, tí eru KT-trygdarkrøvini til hesar stovnar herd, tá ið ræður um trúnað, atgeingi og rættleika. Hetta merkir eisini, at hesir stovnar skulu hava væl skipaða trygdarfunktión í dagligdegnum, og hava økt krøv til trygdarskoðan, sí 15, stk. 2. Talan er um hesar stovnar: *Akstovan, *Apotekini, *Almannaverkið, *Gjaldstovan, *Hagstovan, *Heilsufrøðiliga starvstovan, *Sjúkrahúsini, *Studni, *Stovnar, sum arbeiða við ílegum hjá føroyingum, *Stovnar, sum gera próvtøkuuppgávur t.d. Nám, *Stovnar, sum umsita næmingaprógv, *Taks, *Umhvørvistovan og *Vørn. Váðameting 10. Tað skal vera gjørd váðameting av øllum viðurskiftum viðvíkjandi upplýsingum, sum eru flokkaðar sum kritiskar sambært 5. Verjutiltøkini verða skipað í mun til sannlíkindi fyri hendingum og avleiðingunum av hesum. Váðametingin skal eisini taka fyrilit fyri teimum hóttanum, sum støðugt koma frá opna alnetinum. Føroya Gjaldstova kunnar árliga, hvørjir váðar verða mettir at verða aktuellir. Stovnarnir skulu í váðametingini í minsta lagi taka útgangstig í hesi kunning.

3 Váðametingin skal endurskoðast í minsta lagi eina ferð um árið og skal vera atkomilig á stovninum fyri viðkomandi starvsfólkum. Trygdarpolitikkur 11. Til tess at skapa álit í samfelagnum, og til tess at vinna og starvsfólk kenna, hvat stovnurin stendur fyri, tá ið ræður um KT trygd, skal stovnurin hava KT-trygdarpolitikk, sum endurspeglar váðamyndina og tey tilsvarandi krøvini til trygdarátøk hjá stovninum. Stjórin skal undirskrivað KT-trygdarpolitikkin, og hann skal endurskoðast í minsta lagi eina ferð um árið. Leiðreglur fyri brúkarar 12. Stovnurin skal hava leiðreglur fyri brúkarar, sum lýsa hóskandi KT-atburð, sum starvsfólkini skulu játta at fylgja. Starvsfólkini skulu kenna, hvussu upplýsingarnar á stovninum eru flokkaðar. Føroya Gjaldstova hevur leist til leiðreglur og váttan. Tilbúgvingarætlan 13. Skuldi tað ringasta hent, at tað ikki fæst atgongd til kritiskar upplýsingar sambært 5, tað kann vera, at skipanir eru ikki atkomiligar í longri tíð, ella upplýsingar eru skeivar, so má stovnurin hava tilbúgvingarætlan, sum kann minka um skaðan og halda virkseminum í gongd. Tilbúgvingarætlanin skal vera ein partur av skoðanini sambært 14, hon skal javnan verða nároynd, og hon skal vera atkomilig á stovninum fyri viðkomandi starvsfólkum. Trygdarskoðan 14. Vanligt er galdandi, at stovnar á hvørjum ári skulu fremja trygdarskoðan at eftirkanna, um tey generellu trygdareftirlitini eru nøktandi fyriskipað og fylgd. Vavið av skoðanini er allar upplýsingar sambært 5. Talan kann t.d. vera um Eftirlit í samandi við atgongd til net, skipanir og upplýsingar Eftirlit við menning og viðlíkahald av skipanum Stýring av broytingum í KT-umhvørvinum Trygdaravritan og endurskapan av neti, skipanum og upplýsingum Eftirlit í sambandi við rakstur av KT-umhvørvinum Stk. 2. Trygdarskoðanin skal eisini fevna um eina kanning av, um ásetingarnar verða fylgdar í Persónsupplýsingarlógini, tá stovnar viðgera persónsupplýsingar Rundskrivið um Heldina, tá stovnar hava dátusamskifti við aðrar myndugleikar Rundskrivið um KT-trygd, tvs. ásetingarnar í hesum rundskrivi Stk. 3. Har tilmæli eru um ábøtur, skulu hesi flokkast í høg, miðal og lág. Høg tilmæli skulu verða loyst uttan drál, og miðal tilmæli skulu verða loyst innan 6 mánaðir. 15. Skikkaður persónur skal gera trygdarskoðanina sambært 14, og hon skal vera skjalfest. Stk. 2. Hjá stovnum, sum koma undir 9, skulu løggildur grannskoðari og CISA góðkendur kervisgrannskoðari vátta trygdarskoðanina sambært 14.

4 16. Stjórin á stovninum skal eisini vátta trygdarstigið yvirfyri sínum stjórnarráði og skal fráboða, hvussu og nær møgulig tilmæli frá trygdarskoðanini sambært 14, sum er framd árið fyri, verða loyst. Føroya Gjaldstovu hevur leist til hesa váttan. Freistin fyri fráboðanini er 1. juli árið eftir framdari trygdarskoðan. Stjórnarráðini kunna Fíggjarmálaráðið. 17. Stovnar, sum viðgera/goyma upplýsingar fyri aðrar myndugleikar, t.d. stovnar, ráð, kommunur ella kommunal samstørv, skulu við eini trygdarváttan sanna rættleikan av upplýsingum, at upplýsingarnar eru atkomiligar, og at tær eru vardar móti óviðkomandi atgongd. Trygdarpakkin 18. Gjaldstovan samskipar trygdararbeiðið fyri stovnar í Landsneti, sum hava einfaldar KT-loysnir. Vanliga er her talan um stovnar, sum ikki eru fevndir av 9. Velja stovnar at fylgja samskipaða trygdararbeiðinum hjá Gjaldstovuni, kallað Trygdarpakkin, uppfylla stovnarnir kravið sambært 14. Ein fyritreyt er tó, at upplýsingarnar í skipanum, sum stovnurin sjálvur varðar av, eru undir skipaðum viðurskiftum. Raksturin er útveittur 19. Í teimum førum, tá ið raksturin ella partar av rakstrinum av KT-skipanum, við upplýsingum, sum eru forrætningskritiskar sambært 5, ella sum koma undir lógina um persónsupplýsingar, er útveittur, skal tað vera skrivlig tænastuavtala (SLA) við veitaran, har m.a. tænastustig, krav til uppitíð, ábyrgdarbýti og trygdarkrøv vera staðfest. Føroya Gjaldstova hevur leist til, hvussu avtalan kann síggja út. Stk. 2. Veitarin skal á hvørjum ári lata stovninum grannskoðaraváttan frá løggildum grannskoðara og CISA góðkendum kervisgrannskoðara um trygdarviðurskiftini í sambandi við tær tænastur, sum avtalan (SLA) sambært stk. 1 fevnir um. Stk. 3. Fevnir tænastan um at reka KT-skipanir, sum ikki koma undir stk. 1, t.d. ein einføld heimasíða, skal veitarin lata eina leiðsluváttan, har tað verður váttað, at veitarin lýkur trygdarkrøvini. Føroya Gjaldstova hevur leist til eina váttan til hetta. Menning og viðlíkahald av KT-skipanum er útveittur 20. Eru menning og viðlíkahald av KT-skipanum útveitt, skal tað vera skrivligur sáttmáli, sum greinar veitingina. Er talan um nýmenning, verður víst til kendar standardsáttmálar. Føroya Gjaldstova kann vegleiða í slíkum føri. Týðandi partur av menningar- og viðlíkahaldsavtalum eru trygdarkrøv. Trygdarkrøvini skulu standa mát við flokkingina av upplýsingunum, sum KT-skipanin skal viðgera. Føroya Gjaldstova hevur vegleiðandi leist til trygdarkrøv til einfaldar KT-skipanir. Stk 2. Í teimum førum, tá talan er um KT-skipanir við upplýsingum, sum eru forrætningskritiskar sambært 5, ella sum koma undir lógina um persónsupplýsingar, skal veitarin lata grannskoðaraváttan frá løggildum grannskoðara og CISA góðkendum kervisgrannskoðara um trygdarviðurskiftini í sambandi við tær tænastur, sum sáttmálin sambært stk. 1 fevnir um. Stk. 3. Er ikki talan um kritiskar skipanir sambært stk. 2, skal veitarin lata leiðsluváttan, har tað verður váttað, at veitarin lýkur trygdarkrøvini. Gjaldstovan hevur leist til slíka váttan.

5 Fráboðanarskylda 21. Stovnar sambært 3 hava skyldu, uttan drál, at fráboða Føroya Gjaldstovu, KT-trygd, um álvarsligar KT-trygdarhendingar frá internetinum á sínar skipanir ella net, t.d. álop, hakking ella virus, sum hevur ella kann hava ávirkan á Landsnet. Gildiskoma 23. Hetta rundskriv kemur í gildi dd.mm.áááá og ávirkar ikki tey trygdarkrøv, ið eru ásett í øðrum reglum. Rundskriv við dagfesting Dagført rundskriv um at seta í verk KT-trygd verður samstundis við hesum sett úr gildi.