1 Doel van die Redaksionele Riglyne. 2 Skryfstyl vir die NWU-webtuiste. 2.1 Algemene riglyne

Transcription

1 Institusionele Bevordering Redaksionele Riglyne: NWU-webtuiste 1 Doel van die Redaksionele Riglyne Om die redaksionele styl van die inhoud op die NWU-webtuiste te definieer en te dien as ʼn riglyn vir enige persoon wat inligting op die NWU-webtuiste publiseer. (Let wel: In die dokument is daar deurgaans sekere Engelse woorde in hakies of kursief aangedui, aangesien die Engelse woord of term meer algemeen gebruik word en die Afrikaans moontlik verwarrend kan wees.) 2 Skryfstyl vir die NWU-webtuiste 2.1 Algemene riglyne Mense wat webtuistes besoek is gewoonlik haastig om die inhoud wat hulle soek te kry en te lees of te gebruik. Hier is ʼn paar algemene riglyne om te volg wanneer jy skryf vir lesers wat nie tyd het om te mors nie Gebruik kort en duidelike opskrifte ʼn Goeie opskrif aan die begin van ʼn artikel vertel die leser dadelik waaroor die teks handel. Hier is ʼn paar voorbeelde: Verpligte aanlegtoetse vir eerstejaars Aansoeke vir beurse sluit 31 Desember Hoe om aansoek te doen vir toelating tot Ingenieurswese-studies Verduidelik wat afkortings beteken Moet nooit aanneem dat almal verstaan wat afkortings soos CARST, ICAS en VSS beteken nie. Dit mag dalk geredelik gebruik word binne die Universiteit, maar mense van buite wat die webtuiste besoek, is nie noodwendig bekend daarmee nie. Alle afkortings moet dus uitgeskryf word, gevolg deur die afkorting in hakies. Byvoorbeeld: Varsité Studentesisteem (VSS). Dit is veral belangrik vir spyskaart-items (menu items) Plaas unieke konsepte in konteks Soos in die geval van afkortings, moet daar nie aangeneem word dat almal konsepte verstaan wat gereeld binne die Universiteit gehoor word, maar nie elders algemeen gebruik word nie. Voorbeelde van konsepte wat uniek is tot die Universiteit, is Engenius en kommersialisasie van kundigheid, maar daar is vele meer. Vra jouself af of die konsep waaroor jy skryf algemeen bekend is of uniek is tot die Universiteitsomgewing. Indien dit ʼn unieke konsep is, verduidelik dit in een of twee sinne. Byvoorbeeld: Engenius is die Fakulteit van Ingenieurswese se beurse- en loopbaanberadingsdiens vir Ingenieurswese-studente Gebruik die mees eenvoudige woord Gebruik eenvoudige, maklik verstaanbare taal. Gebruik byvoorbeeld eerder die woord kinders as nageslag Skep bruikbare, unieke inhoud Mense soek vir inligting wat hulle nodig het. Vermy die herhaling van inligting wat elders gepubliseer is. Gedupliseerde inhoud sal jou soekresultate negatief beïnvloed. Skryf in ʼn toeganklike styl en skryf teks wat duidelik en direk is. Mik vir laer sekondêre vlak (onder Graad 10) leesvermoë. Vul teks aan met grafika wanneer dit sal help om idees, prosesse of konsepte te verduidelik. Vermy die gebruik van idiome, jargon of vreemde woorde. As jy nie anders kan nie, verduidelik of definieer hierdie terme. Redaksionele Riglyne: NWU-webtuiste 1

2 2.1.6 Gebruik die regte sleutelwoord in jou inhoud Sleutelwoorde is die term wat die onderwerp van jou bladsy beskryf. Die regte sleutelwoorde is terme waarmee jou gebruikers bekend is en wat as soekterme gebruik word Gebruik sleutelwoorde in die metadata-beskrywing Die beskrywing beïnvloed nie noodwendig soekresultate nie, maar soekenjins wys dikwels die beskrywing met sleutelwoorde in vetskrif (bold) Struktureer inhoud en merk met toepaslike HTML-merkers (tags) Organiseer jou inhoud en deel dit op deur gebruik te maak van opskrifte en sub-opskrifte. Gebruik die relevante opskrif-merker (tag) om die struktuur van jou inhoud te wys. Skryf opskrifte so dat dit die onderwerp of doel van die inhoud beskryf. 2.2 Foto s en grafika Landingsbladfoto = 620px x 320px Foto s kan en moet gebruik word om jou inhoud aan te vul Foto s kan dikwels ʼn sterker boodskap oordra as woorde, omdat dit onmiddellik die leser se oog vang. Die gebruik van foto s en grafika bied ook ʼn ruskans vir die leser se oog en brein Die foto s wat jy gebruik sal afhang van jou teikengehoor As jy skryf vir studente en jou onderwerp is interessant en prettig, sal foto s wat kleurvol en lewendig is, jou inhoud komplimenteer Foto s moet in die formaat.jpg of.png opgelaai word Onthou om jou foto s kleiner te maak voordat jy dit oplaai op Drupal. Foto s wat op die webtuiste gepubliseer word moet nie groter as 250kb wees nie Gebruik toeganklike foto s en beskrywende teks-alternatiewe Skryf ʼn teks-alternatief wat die inhoud of funksie van die foto weerspieël. Die alt -teks is ʼn vervanging vir die foto, nie ʼn beskrywing daarvan nie. Gebruik ʼn blanko teks-alternatief vir foto s wat net vir die mooi daar is of wanneer ʼn foto inligting herhaal wat reeds op die bladsy verskaf word. Vermy die gebruik van foto s waar die kleurkontras tussen die agtergrond- en die voorgrondelemente swak is. Gebruik foto-simbole (photo icons) deurgaans dieselfde en verskaf ʼn konsekwente teks-alternatief daarvoor. 2.3 Tabelle Gebruik tabelle spaarsamig en net waar nodig. Stel jou tabelle op 100% en nie ʼn spesifieke grootte nie, tensy jy wil hê dat die tabelle nie saam met die bladsy outomaties van grootte verander wanneer dit op verskillende platforms vertoon nie. 2.4 Opskrifte Die gebruik van opskrifte is noodsaaklik in die skep van web-inhoud. As dit goed gebruik word, gee dit die gebruiker ʼn algehele oorsig oor wat op die bladsy is en laat die inhoud meer toeganklik voorkom. Niks sit ʼn gebruiker vinniger af as ʼn muur van teks nie Verdeel en organiseer jou inhoud deur gebruik te maak van opskrifte Groepeer verwante paragrawe saam en etiketteer (label) dit met ʼn opskrif. Probeer om die hoofdele van jou inhoud met opskrifte te etiketteer. Gebruik ʼn opskrif ongeveer elke 2 tot 4 paragrawe; ʼn enkel paragraaf onder ʼn opskrif is nie ʼn probleem nie. Vermy dit om bladsye te skep wat geen subopskrifte het nie Gebruik woorde wat bekend is aan jou lesers in jou opskrifte Gebruik sleutelwoorde (gebruikers se soekterme), veral in hoofopskrifte. Redaksionele Riglyne: NWU-webtuiste 2

3 Vermy jargon, afkortings en akronieme tensy dit welbekend is aan jou teikengehoor Begin jou opskrifte met die woorde wat die meeste beteken Vermy egter die gebruik van dieselfde woord of frase aan die begin van elke opskrif. Gebruik opskrifte as vrae (met ander woorde, met ʼn vraagteken) spaarsamig, omdat hulle betekenisvolle woorde wegskuif van die begin van die opskrif Hou opskrifte kort Probeer om dit nie langer as agt woorde te maak nie. Opskrifte moet nie oorloop na ʼn tweede lyntjie nie Gebruik die relevante HTML opskrif-merkers (tags) (<h1>, <h2>, <h3> ensovoorts) Jou hoofopskrif moet die <h1>-merker (tag) gebruik. Gebruik <h2> vir subopskrifte. Gebruik verder (<h3>, <h4>, <h5> ensovoorts) soos nodig om die struktuur van jou inhoud te reflekteer. Moenie vlakke van opskrifte oorslaan nie; <h2> moet altyd volg op <h1>, <h3> volg op <h2> ensovoorts. Soekenjins gebruik hierdie struktuur om jou bladsy se struktuur te verstaan Skryf relevante, insiggewende opskrifte Beskryf of som elke onderwerp op, of kommunikeer die sleutelboodskap in jou opskrif of subopskrif. Probeer om eerder vrae te antwoord as om dit te stel in jou opskrif of subopskrif. Kies eerder om duidelik en insiggewend te wees as om ʼn oulike opskrif te skryf, maar vermy opskrifte wat te algemeen of vervelig is, byvoorbeeld Belangrike inligting Skryf opskrifte in sinne, moenie alles hoofletters maak nie. Elke woord moet ook nie met ʼn hoofletter geskryf word nie Gebruik sleutelwoorde in die hoofopskrif (die HTML <h1>-merker) Lesers is meer geneig om dan dadelik te besef hulle is op die regte bladsy en nie weg te navigeer nie. Sommige SEO-kundiges glo dat dit soekresultate verbeter en sommiges meen selfs dat jy ʼn verbetering kan sien as jou hoofopskrif met jou sleutelwoorde begin. 2.5 Skakels (links) Skryf duidelike en betekenisvolle skakelteks (link text) Vermy skakels soos klik hier en lees meer. Waar moontlik moet die skakelteks op sy eie die inhoud waarheen geskakel word, ten volle beskryf. Gebruik sleutelwoorde in skakelteks, wanneer moontlik. Moenie vreeslike lang skakels skryf wat vol sleutelwoorde gestop word nie. Balans is die antwoord Gebruik woorde wat bekend is aan jou leser Gebruik sleutelwoorde (lesers se soekterme) en vermy jargon, afkortings en akronieme Moet nooit teks wat nie ʼn skakel is, onderstreep nie Lesers sal dit interpreteer as ʼn skakel en kan dit frustrerend vind as die skakel nie werk nie Begin met die mees betekenisvolle woorde Moet egter nie skakels met dieselfde woorde of frases begin, soos lees meer oor nie Skryf kort en bondig Vermy lang inskrywings, soos klik hier vir meer oor.... Vermy lang skakels wat oor lyne loop of langer as een lyntjie is. Wees egter versigtig om nie jou skakels so kort te skryf dat dit nie sin maak nie. Dit is nie goeie praktyk om webadresse (URLs) as skakels te gebruik nie Vir e-pos skakels ( links), gebruik die e-pos adres as die skakelteks Om mense se name of posbeskrywings te skakel, gee nie ʼn duidelike aanduiding dat die skakel ʼn e-pos oopmaak nie. Redaksionele Riglyne: NWU-webtuiste 3

4 2.5.7 Skakels na foto s en grafika Wanneer na ʼn foto of grafika geskakel word, skryf ʼn teks-alternatief wat die inhoud op die foto of grafika duidelik omskryf Waarsku gebruikers indien die skakel ʼn dokument oopmaak Dui die tipe dokument (byvoorbeeld PDF) en lêergrootte aan in die skakelteks. Laat dokumente in ʼn nuwe venster oopmaak, sodat die leser weer by die oorspronklike inhoud kan uitkom Moet verkieslik nie skakels in ʼn nuwe venster laat oopmaak tensy jy ʼn dokument of hulpskerm oopmaak nie. Waarksu die gebruiker indien die skakel wel in ʼn nuwe venster oopmaak (behalwe waar jy reeds ʼn dokumentformaatwaarskuwing ingesluit het) Plaas jou skakels versigtig binne jou inhoud Sit net skakels in wat direk na relevante hulpbronne of ekstra inligting deurskakel. Wanneer jy ʼn bron in jou teks aanhaal, is dit ʼn goeie idee om ook na die bron deur te skakel. Probeer om nie skakels langes mekaar in ʼn sin te plaas nie, tensy jy leestekens gebruik om dit van mekaar te onderskei. Probeer om nie skakels so te plaas dat dit oor twee lyne loop nie. Moenie jou paragrawe of bladsye probeer volmaak met skakels wat orals in die teks voorkom nie. Indien jy wel baie skakels moet insit, oorweeg dit om die skakels onder die relevante paragraaf saam te groepeer, of om dit aan die einde van die bladsy bymekaar te plaas. 2.6 Paragrawe Paragrawe is die basiese boustene van jou inhoud. In web-inhoud word paragrawe effens anders benader as in die geval van gedrukte materiaal. Die volgende riglyne sal jou help om paragrawe te skryf wat werk vir die web Beperk die lengte van jou inligting As jy baie inligting het om oor te dra, probeer om die teks in kort, logiese stukkies van tussen 250 en 300 woorde op te deel, met ʼn subopskrif aan die bokant van elke stukkie. Kort stukkies teks wat op die skerm pas is meer lesersvriendelik as een lang artikel wat die leser forseer om af te beweeg (scroll down) Fokus op een onderwerp per paragraaf ʼn Kort inleiding wat die onderwerp of hoofpunte van die artikel opsom, maak dit makliker vir die leser om te besluit of hy/sy wel die teks wil lees. Begin altyd met ʼn nuwe paragraaf sodra jy ʼn nuwe onderwerp of idee bespreek. Moenie ʼn enkele idee oor verskeie enkellyn paragrawe laat loop nie Begin met die onderwerpsin Die onderwerpsin is die hoofgedagte of idee waaroor die paragraaf handel. Tweede en verdere sinne moet die onderwerp ontwikkel, verduidelik of ondersteun. Groepeer sinne binne jou paragraaf so dat die leser die mees interessante en belangrike inligting eerste kry Hou paragrawe kort Verkieslik nie meer as 50 woorde nie. Lang paragrawe kan lyk soos ʼn muur van teks wat die leser afskrik. Enkelsin paragrawe kan gebruik word as die idee net genoem moet word en nie ontwikkel hoef te word nie. Wissel die lengtes van paragrawe af. Moenie ʼn string enkelsin paragrawe skryf nie. Gebruik spasies tussen paragrawe. Inhoud met spasies tussen paragrawe is meer lesersvriendelik as teks met vreeslike lang paragrawe wat aaneen loop en dig en onleesbaar vertoon Groepeer verwante paragrawe saam Orden jou paragrawe sodat die gebruiker die mees relevante en interessante inligting eerste kry. Redaksionele Riglyne: NWU-webtuiste 4

5 As jy jou tekskonsep voltooi het, gaan terug en kyk of jy regtig jou eerste paragraaf nodig het. Indien nie, wis (delete) dit Vermy te veel skakels (links) in ʼn paragraaf Teks wat vol skakels is, is moeilik om te lees. Dit is ook moeilik om skakels te vluglees as dit oor die teks gestrooi is. Oorweeg dit daarom om skakels onder jou paragraaf saam te groepeer of aan die einde van die bladsy te plaas, veral wanneer jy baie skakels het. 2.7 Bladsytitels (Page titles) Bladsytitels (HTML <title> tags) is belangrike mikro-inhoud. Dit is nie dieselfde as jou hoofopskrif (HTML <h1> tag) nie. Wanneer ʼn leser opskrifte sien, kan hy/sy ook ander dele van die bladsy sien (handelsmerke, navigasiestruktuur, inhoud). Wanneer hy/sy titels sien, is dit al wat hy/sy kan sien. Bladsytitels is gewoonlik die skakel na jou bladsye in soekresultate. Dit is die etikette wat gebruik word in jou gunstelinge (favourites) en boekmerke (bookmarks), in jou webleser se geskiedenis (browser history) en tabs, en in sosiale mediaskakeling. Terme wat in die bladsytitels gebruik word, is ook belangrik vir SEO Dui die inhoud of doel van die bladsy duidelik aan Sluit enige kwalifiserende woorde wat konteks skep, in, soos die naam van die organisasie Gebruik bekende woorde en sluit sleutelwoorde in Vermy verkorte vorms, jargon en woorde wat nie aan lesers bekend is nie. Sleutelwoorde is gewoonlik die terme wat die hoofinhoud of onderwerp beskryf; terme wat lesers mag gebruik om na jou inligting te soek Posisioneer sleutelwoorde naby aan die begin van die bladsytitel Sleutelwoorde is makliker om te sien wanneer mense soekresultate vluglees en op ander plekke waar die bladsytitel wys, indien dit aan die begin van die titel staan. Dit sal ook beter sigbaar wees in die leser se tabs. Vermy onnodige woorde, artikels en frases soos Hoe moet ek... aan die begin van ʼn titel. Plaas die naam van die organisasie aan die einde van die titel. Die NWU se CMS, Drupal, plaas outomaties die organisasie se naam aan die einde van die titel, so webpubliseerders hoef dit nie in te sit wanneer hulle op die NWU se CMS publiseer nie Hou dit kort en bondig (60 karakters, insluitend spasies en leestekens) Soekenjins wys net die eerste karakters van ʼn titel. Titels vertoon selfs nog korter in die webleser se tabs en soms ook in boekmerke (bookmarks), gunstelinge (favourites) en jou weblesergeskiedenis (web browser history) Skryf unieke titels Elke bladsy op jou webwerf moet ʼn ander titel hê. Kyk na die titels van soortgelyke bladsye en bepaal, indien nodig, hoe om jou bladsy van ander te onderskei Verstaan die gedrag van jou inhoudbestuurstelsel (CMS) In die geval van Drupal, moet jy jou eie bladsytitel skep en seker maak dat dit die regte sleutelwoorde bevat. Drupal het ook ʼn titel en ʼn bladtitel Voeg titels by nie-html-dokumente wat aanlyn gepubliseer word PDF, Word en Powerpoint dokumente het titels. Kyk na die lêer of dokument-eienskappe (properties) en maak seker dat die dokument ʼn gepaste titel het. 2.8 Sleutelwoorde vir SEO Kies jou webwerf se sleutelwoorde Om jou sleutelwoorde te kies, klink maklik in teorie, maar daar is ʼn regte en verkeerde manier van doen wat jou sukses in terme van SEO kan maak of breek. Redaksionele Riglyne: NWU-webtuiste 5

6 Vra jouself af presies wat die doel van jou besigheidseenheid is Watter produkte of dienste verskaf julle en wie is julle teikengehoor? Byvoorbeeld: Inligtingstegnologie (IT) is ʼn ondersteuningsdiens vir personeel en studente by die NWU. Die besigheidseenheid verskaf sekere spesifieke produkte en dienste Sien dit vanuit jou leser se perspektief Wie is jou leser? Watter soekterme sal hulle in Google intik om jou te vind? Relevansie is die mees belangrike faktor wanneer jy sleutelwoorde kies As jy op soek is na die dienste wat beskikbaar is by die biblioteek van die NWU, gaan jy soek vir biblioteekdienste of vir Universiteit biblioteekdienste? Nee, hierdie soekterme is te wyd en nie presies wat jy soek nie. Noordwes-Universiteit biblioteek sal jou na die Universiteit se biblioteek-webblad neem. Maar sou jy as gebruiker dalk ook Potchefstroomkampus Universiteit biblioteek ingetik het? Spesifieke terme is die volgende belangrike faktor wanneer jy sleutelwoorde kies As jy in Matriek is en jy probeer besluit wat om volgende jaar te studeer, sal jy grade intik in Google? Heel waarskynlik nie, aangesien dit vir jou resultate gaan uitgooi vir alle grade van regoor die wêreld. Jy sal waarskynlik eerder Noordwes-Universiteit Grade, NWU Grade of selfs NWU Rekeningkunde intik. Om dit te spesifiseer kan baie help, so lank jy nie te ver gaan en op die ou end sleutelwoorde identifiseer wat glad nie deur lesers gesoek word nie Long tail SEO Om die punt verder te illustreer, kan ons kyk na long tail SEO. Eenvoudig gestel, is dit die gebruik van die laagste volume, hoogste omset sleutelwoorde. Hierdie sleutelwoorde (eintlik frases) is gewoonlik tussen drie tot vyf woorde lank en is baie spesifiek (soos potchefstroom universiteit aktuaris ). Hierdie terme word minder gereeld besoek, maar indien dit getref word, is daar ʼn groot waarskynlikheid dat die soektog in ʼn navraag omgeskakel sal word Google AdWords Nadat jy jou spesifieke en relevante sleutelwoorde vir jou gebruiker geïdentifiseer het, kan Google AdWords jou SEO-vennoot wees. Dis verniet, maklik om te gebruik en kan jou wys waarvoor mense soek en hoe gereeld, sowel as watter kompetisie jy het van ander webwerwe wat dieselfde lyk as joune Maklike stappe vir die gebruik van Google AdWords: Gaan na Tik ʼn term in die soekboks. Interpreteer die resultate: Kompetisie: dit wys hoeveel kompetisie jy het van ander webwerwe wat dieselfde soekwoorde as jy gebruik. Dit sal as hoog, medium of laag aangedui word. Hoe laer die kompetisie is, hoe beter. Hoeveelheid soektogte: hierdie is waar dinge ʼn bietjie moeilik kan raak. Lae kompetisie, hoë volume soekwoorde is gewoonlik die beste om te kies, maar lae/medium kompetisie, lae volume, long tail sleutelwoorde is goed om te gebruik indien dit relevant is tot jou produk of diens, omdat dit tipies ʼn hoë omset het VERMY hierdie vyf tipes sleutelwoorde Enkelwoorde (soos kursus ) Terme wat te wyd is (soos grafiese ontwerper ) Terme wat te spesifiek is (soos humoristiese vroulike webontwerper in Los Angeles ) Ongewilde of onbekende terme (soos neanderdal ) Hoogs kompeterende terme ( verloofring ) Onthou: dit is nie die volume verkeer wat jou webwerf kry wat tel nie, maar eerder die kwaliteit verkeer wat op jou webwerf land. ʼn Duisend trefsoeke (hits) van verskillende mense wat net vir vier sekondes op jou webwerf bly voordat hulle wegnavigeer, gaan jou nie help nie, maar net een trefsoek (hit) van ʼn gebruiker wat op soek is na jou spesifieke produk of diens, tel baie. Die waarskynlikheid dat hierdie een persoon ook deur jou webwerf gaan kyk en uiteindelik besluit om van jou produk of diens gebruik te maak, is baie groter indien jy jou sleutelwoorde relevant en spesifiek hou. Redaksionele Riglyne: NWU-webtuiste 6

7 2.8.5 Die plasing van sleutelwoorde Noudat jy navorsing gedoen het en jou sleutelwoorde gekies het, kan jy hulle op jou bladsye inwerk. Nou moet jy weet waar om dit te plaas en hoe gereeld om dit te gebruik Plasings: definisies en basiese kennis Hier volg ʼn paar basiese verduidelikings van die relevante merkers (tags): 1. Titel merkers (title tags) is wat aan die bokant van jou webleser verskyn. Dit is ook die hoofopskrif wat in soekenjinresultate vertoon word. (In Drupal editing mode word dit as Page Title gedefinieer.) 2. Metabeskrywings (meta descriptions) het geen effek op SEO nie, maar is die klein uittreksel wat onder die hoofopskrif in jou soekenjinresultate vertoon word. Hierdie dien eintlik meer van ʼn bemarkingsdoel as jou SEO en moet versigtig geskryf word dis gratis advertensie! (In Drupal editing mode kan jy klik op Meta tags om by jou Description uit te kom.) 3. H1 merkers is gewoonlik die hoofopskrif op enige webbladsy (dit staan vir Heading 1). 4. Meta sleutelwoordmerkers (meta keyword tags) is spesiale HTML-merkers wat inligting oor ʼn webbladsy verskaf, maar nie gesien kan word op jou webbladsy nie (dit beïnvloed nie die voorkoms van jou bladsy nie en is weggesteek in jou paragraaf). (In Drupal editing mode kan jy klik op Meta tags om by jou sleutelwoorde of keywords uit te kom.) 5. URL staan vir Uniform Resource Locator. In Afrikaans is dit BA vir Bronadres. Dis jou webadres, soos 6. Alt text word gebruik om ʼn teksbeskrywing by jou foto s en grafika te voeg. Jy kan dit gewoonlik doen deur op die properties van jou image dialog box te klik. 7. Body copy is die gewone teks op jou bladsy. (In Drupal editing mode is dit Body.) Densiteit van sleutelwoorde In die body copy moet jy jou gekose sleutelwoorde ten minste in die eerste twee sinne van die bladsy gebruik. Indien moontlik, moet dit heel eerste in die sin staan. Daarna kan jy jou sleutelwoorde ʼn paar keer herhaal. Wees egter versigtig om dit so te doen dat jou teks nie sin maak nie, want dit sal jou SEO negatief beïnvloed Google Analytics en ander meetinstrumente Google Analytics is ʼn baie goeie instrument om jou vordering te meet. Daar is tonne artikels en video s op YouTube wat jou sal help om Google Analytics te verstaan en verduidelik hoe om dit te gebruik. Dit is nie net effektief vir sleutelwoord-nasporing nie, maar kan jou ook wys waar jou verkeer vandaan kom en waarheen dit gaan. Gebruikers kan op een van drie maniere op jou bladsy beland: 1. Direk (tik jou bronadres direk in die webleser in) 2. Verwysing (klik op ʼn skakel na jou webbladsy van êrens anders op die web) 3. Soekenjins (land op jou blad as gevolg van ʼn soektog deur middel van ʼn soekenjin soos Google of Yahoo) Waar jou verkeer vandaan kom, is belangrik, want dit kan vir jou ʼn aanduiding gee op watter area jy moet konsentreer om meer verkeer op te wek. Nog iets wat aandag verdien, is hoe lank besoekers op jou webblad bly voordat hulle wegnavigeer (kyk na average length of visit) en die persentasie van besoekers wat net een bladsy besoek voordat hulle wegnavigeer (kyk na bounce rate). Hierdie meetinstrumente dui aan of besoekers jou webblad nuttig vind of nie. As ʼn hoë persentasie van jou besoekers net ʼn sekonde of wat op jou landingsblad is voordat hulle wegnavigeer, moet jy dalk weer na jou sleutelwoorde kyk dit mag dalk nie die bladsy goed beskryf nie. Die sleutelwoordverslag in Google Analytics kan jou ook wys watter terme besoekers gebruik om jou webblad te vind, wat jou sal help om te bepaal watter sleutelwoorde gehou kan word en watter geskrap moet word. 2.9 Nadele van die gebruik van Flashplayer op die NWU webtuiste Daar is ʼn paar nadele verbonde aan die gebruik van Flashplayer op die NWU webtuiste, wat die volgende insluit: Om ʼn Flash-webwerf te kan sien, moet die Flashplayer plug-in op jou rekenaar geïnstalleer wees, maar ʼn groot aantal gebruikers het dit nie. Dit moet ook gereeld opgedateer word en baie gebruikers het nie die nuutste weergawe op hul rekenaars nie. Jou webwerf gaan dus nie sigbaar wees vir gebruikers nie. Redaksionele Riglyne: NWU-webtuiste 7

8 Dit sal daartoe lei dat gebruikers wegnavigeer van jou bladsy, aangesien meeste mense nie die tyd sal neem op eers die plug-in te installeer om sodoende jou webwerf te kan sien nie. Hulle sal die inligting eerder elders gaan soek. Flash vat langer om af te laai as ander soortgelyke funksies en maak jou bladsye stadig. As ʼn mens in ag neem dat meeste gebruikers van die NWU webwerf nie noodwendig die nuutste en beste tegnologie met vinnige internetkonneksie op hul rekenaar het nie, verhoog dit die waarskynlikheid van gebruikers wat wegnavigeer van jou bladsy omdat dit te lank vat om te laai. Die meeste selfone en tablette sukkel om Flash-webwerwe te lees. Dit sluit Apple en BlackBerry in. Navorsing wat in 2012 deur die webkantoor gedoen is, het aangedui dat meeste studente BlackBerry selfone gebruik. Soekenjins kan nie noodwendig prentjies lees nie en sukkel soms om skakels te volg wat nie standaard- HTML is nie. Dit is waarom Flash-webwerwe negatief geaffekteer word in terme van SEO. ʼn Flash-webwerf wat in Drupal ingebed (embedded) word, gee probleme binne die CMS omdat dit nie reg vertoon nie en die skakels nie altyd werk soos dit moet nie. Indien iemand ʼn Flash-webwerf ontwerp en nie die oorspronklike leêrs in so ʼn formaat bêre dat veranderinge op die aangebring kan word nie en daardie persoon gaan weg, moet ʼn nuwe webwerf ontwerp word, aangesien dit nie moontlik is om die skakels te verander of inligting op te dateer op die ou Flash-webwerf nie. Die NWU se webspan en ITC is nie goed bekend met Flash nie en dus is die tegniese ondersteuning nie noodwendig beskikbaar vir jou om jou Flash-webwerf optimaal te benut nie Die gebruik van PDF-dokumente aanlyn PDF-dokumente is vinnig en maklik om te maak en te publiseer, maar kan probleme veroorsaak as dit nie reg ontwerp of aangewend word aanlyn nie Gebruik PDF wanneer dit die beste formaat is vir jou beplande doel Gebruik wanneer jy ʼn hulpbron wil versprei met die bedoeling dat dit uitgedruk of verder versprei moet word, of wanneer jy ʼn aflaaibare of drukbare weergawe van jou bestaande aanlyn-inhoud bied. Vermy die gebruik van PDF waar gebruikers met aanlyn-inhoud moet kan werk, of wanneer dit net gebruik word omdat dit vinniger en makliker is om te publiseer Skakel deur na die PDF vanaf ʼn poortbladsy (gateway page) Gee ʼn opsomming of verduideliking van die inhoud in die PDF op jou poortbladsy. Verwys (link) direkte HTML-skakels, skakels op jou spyskaart (menu) en soekenjins na jou poortbladsy eerder as die PDF-dokument self Maak seker inhoud en formaat is maklik om te identifiseer Gee die dokument ʼn titel. Skryf duidelike en sinvolle skakels na die dokument toe. Lig gebruikers in oor die dokument se formaat binne die skakel. As jy ʼn simbool wil gebruik, gebruik een wat algemeen bekend en maklik herkenbaar is. Sê wat die grootte van die dokument is wat oopgemaak word. Stel die skakel om ʼn nuwe venster oop te maak Breek groter dokumente op (oor 1000kb) in kleiner dele Merk die skakels na elke deel duidelik. Gee ʼn opsomming of verduideliking indien nodig. Bied ʼn enkele aflaaibare PDF. PDF-dokumente moet nie 2MB oorskry nie Neem kennis van die volgende PDF-dokumente vir die NWU webtuiste moet op die amptelike NWU Stylbladsye gesit word en moet ʼn amptelike NWU leêrplannommer bevat om eenvormigheid en professionalisme te bevorder. ʼn Call-IT kan ingesit word vir tegniese leiding rondom die gebruik van die Stylbladsye. Opleiding oor die gebruik van Stylbladsye is verpligtend. Kontak Rekordbestuur en Administrasie vir opleiding by x of x Redaksionele Riglyne: NWU-webtuiste 8

9 Die PDF-dokument self moet onder ʼn kort, maar identifiseerbare naam gestoor word in ʼn sub-leêr van die Web File Manager op Drupal 6. Word- en Excel-dokumente moet verkieslik NIE op die webwerf gepubliseer of in die Web File Manager gestoor word nie, aangesien enigiemand daarin kan werk en inligting verander. Dit is dus ʼn risiko vir die Universiteit. Onthou dus om jou Word- of Excel-dokumente om te skakel in PDF-formaat voordat jy dit oplaai. 3 Redaksionele Proses 3.1 Ontwikkel en skryf van inhoud Inhoud kan, in lyn met die gedesentraliseerde besigheidsmodel, ontwikkel en geskryf word deur: besigheidseenhede, die Bemarking- en Kommunikasiekantoor van die onderskeie kampusse, ʼn publiseerder (webinhoud-joernalis) of Institusionele Bevordering se webkantoor (Institusionele Kantoor). 3.2 Kwaliteitsversekering van inhoud (redigering) Die inhoud op die NWU webtuiste moet kwaliteitsverseker wees in terme van taalgebruik, soekenjinoptimalisering (SEO), toon, kwaliteit van foto s/grafika en relevansie vir die gebruiker. 3.3 Vertaling Nadat die inhoud geredigeer is, moet dit vir vertaling gestuur word. Indien vertaling opsioneel is, kan die eienaar van die inhoud besluit, in lyn met die kampusbestuur se implementering van die taalbeleid, of die inhoud in Afrikaans en Setswana vertaal moet word. Sentrale fondse sal beskikbaar gestel word vir die vertaling van webinhoud. 3.4 Afteken van inligting Die eienaar van die inhoud bevestig dat die inhoud korrek is en gepubliseer kan word. Gepubliseerde inhoud is dus die verantwoordelikheid van die eienaar van die inhoud. 3.5 Publiseer inhoud Publiseer beteken die inhoud is lewendig en kan deur die internetgemeenskap gesien word. Inhoud kan gepubliseer word deur die publiseerder (webinhoud-joernalis), webredakteur, Bemarking en Kommunikasie van die onderskeie kampusse of die Institusionele Bevordering webkantoor, afhangend van die situasie. Redaksionele Riglyne: NWU-webtuiste 9

10 4 Kwaliteitsversekering (redigering) en vertaling van inhoud 4.1 Redigering Die inhoud op die webtuiste moet geredigeer word in terme van taalgebruik, soekenjin-optimalisering (SEO), toon, kwaliteit van foto s/grafika en relevansie vir die gebruiker. Taalversorging: Afrikaans, Engels, Setswana Soekenjinoptimalisering (SEO) Toon en styl Grafika Video Teks Beskrywing en onderskrifte - Taalgebruik en spelling Alt-merkers Alt-merkers Sleutelwoorde en metadata Teks Grafika kwaliteit Pixels, aspek ratio Aspek ratio - Akkuraat, insiggewend, bondig Relevansie Inligting Inligting Ondersteun onderwerp Korporatiewe Identiteit/ Reputasiebestuur Verifieer feite Redaksionele stylgids KID-handleiding KID-handleiding Handelsmerkboodskap Ooreenstemmend met storie Fotogrootte, fotoresolusie, skaal Feitelik korrek Videokwaliteit, videogrootte Feitelik korrek Cascading style sheet (CSS) Institusionele Plan Ondersteunend Ondersteunend Ondersteunend In lyn met die redaksionele proses wat geïmplementeer word, sal webjoernaliste en webredakteurs verantwoordelik wees vir die redigering van inhoud voordat dit vir vertaling gestuur word. Die Kampus-webkoördineerders / webredakteurs is oorhoofs verantwoordelik om seker te maak dat inhoud geredigeer en vertaal is voordat dit finaal vir publisering op die webwerf deurgegee word. Inhoud-eienaars kan die volgende redigeerders kontak vir redigering voordat dokumente vir vertaling gestuur word: Engelse dokumente: Me Clairwyn van der Merwe by (012) of of clairwyn@telkomsa.net Afrikaanse dokumente: Me Esmé Greenfield by (028) of of knersis@maxitec.co.za 4.2 Vertalingsprosedure Redaksionele vertalingsreëls Nadat die inhoud geredigeer is, moet dit vir vertaling gestuur word. Indien vertaling opsioneel is (soos aangedui in die onderstaande tabel), kan die eienaar van die inhoud besluit, in lyn met kampusbestuur se implementering van die taalbeleid, of die inhoud in Afrikaans en Setswana vertaal moet word. Die inhoud moet altyd in Engels beskikbaar wees. Sentrale fondse sal beskikbaar gestel word vir die vertaling van die webinhoud. Navorsing Onderrig Leer Afrikaans Gemeenskapontwikkeling Kampus spesifiek* Korporatiewe inligting Institusionele Kantoor N.a.v. handelsmerkboodskap Potchefstroomkampus Altyd Altyd Altyd Altyd Altyd Altyd Altyd Altyd Altyd Altyd Redaksionele Riglyne: NWU-webtuiste 10

11 Mafikengkampus Opsioneel Opsioneel Opsioneel Opsioneel Opsioneel Opsioneel Opsioneel Opsioneel Opsioneel Opsioneel Engels Institusionele Kantoor Altyd Altyd Altyd Altyd Altyd Altyd Altyd Altyd Opsioneel Altyd Mafikengkampus Altyd Altyd Altyd Altyd Altyd Altyd Altyd Altyd Altyd Altyd Setswana Institusionele Kantoor Altyd Altyd Altyd Altyd Altyd Opsioneel Opsioneel Opsioneel Opsioneel Opsioneel Mafikengkampus Altyd Altyd Altyd Opsioneel Altyd Vaaldriehoekkampus Potchefstroomkampus Vaaldriehoekkampus Potchefstroomkampus Vaaldriehoekkampus Opsioneel Opsioneel Opsioneel Opsioneel Opsioneel Navorsing sluit in: inhoud wat met Navorsing en Nagraadse Studies verband hou. Dit sluit NIE navorsingsartikels, tesisse of dissertasies in nie (sien publikasiereël onder 4.2.2). Onderrig-Leer sluit in: enige inhoud wat te doen het met Onderrig en Leer, byvoorbeeld: kursus- en graadinligting. Kampus-spesifiek sluit in: Alumni, studentelewe en Ondersteuningsdienste Vertalingsprosedure Die Kampus-webkoördineerders is oorhoofs verantwoordelik vir die effektiewe implementering van die Web se Vertalingsprosedure. Drie reëls is van toepassing wanneer besluit word of inligting vertaal moet word: a) IO inhoudsreël: Alle IO (Institusionele Kantoor) inhoud moet in drie tale vertaal word, met die uitsondering van die Jaarverslag en die jaarlikse Navorsingsverslag, wat in Engels en Afrikaans beskikbaar sal wees. Alle ander beleide en reëls moet in drie tale vertaal word. b) Publikasiereël: Alle akademiese publikasies (byvoorbeeld: tesisse, dissertasies, akademiese artikels) sal gepubliseer word in die taal waarin dit oorspronklik geskryf is. c) Kampusreël: Vir alle kampusse geld die inhoudvertalingsreël soos dit deur die rektor van die spesifieke kampus bepaal is. Sien die bostaande tabel vir meer inligting Merk teks vir vertaling Alle teks wat vir vertaling gestuur word, moet in ʼn Word-dokument wees. Dit is die formaat waarin die vertalers verkies om te werk. Slegs Engelse teks kan na Setswana vertaal word. Indien jy Afrikaanse teks in Setswana wil laat vertaal, sal dit eers na Engels vertaal moet word voordat dit vir vertaling in Setswana gestuur kan word. Aan die bokant van die dokument, dui aan in watter taal die teks vertaal moet word. Sit dan ʼn tabel met die naam, telefoonnommer en e-pos van die inhoud-eienaar en/of die persoon wat die vertaler kan kontak indien hulle navrae het, in. Stoor die dokumente onder ʼn relevante naam en stoor twee kopieë en voeg die letter a vir Afrikaans; e vir Engels en s vir Setswana by om aan te dui in watter taal die dokument moet wees. Byvoorbeeld: Technology_Transfer_a en Technology_Transfer_e en Technology_Transfer_s is die drie dokumente wat vir publisering op die web gebruik gaan word. Dit help die Taaldirektoraat, sodat hulle weet wat met die dokumente moet gebeur. Merk (highlight) alle teks, opskrifte en skakels wat vertaal moet word, in: Redaksionele Riglyne: NWU-webtuiste 11

12 Groen vir Engels Rooi vir Afrikaans Geel vir Setswana Stuur die dokument na jou webredakteur / web-kampuskoördineerder met die vertalingsversoek en ʼn sperdatum. Hulle sal dit vir die Taaldirektoraat deurgee. Neem Kennis: Me Mpho Modupe is verantwoordelik vir die koördinering van webvertalings tussen die kampuskoördineerders en die vertalers Voorbeeld Koste van redigering en vertaling Koste vir die vertaling van webinhoud sal verhaal word van fondse wat aan die web-herontwikkelingsprojek geallokeer is en word deur die Taaldirektoraat bestuur. Koste vir redigering is vir die besigheidseenheid se eie rekening. 5 Wetlike Aspekte Neem kennis dat ENIGE inligting wat op die NWU-webtuiste gepubliseer word, ʼn wetlike implikasie vir die Universiteit inhou. Let nouliks op die volgende: Enige inligting wat op die webtuiste gepubliseer word, moet goedgekeur word deur die publiseerder se direkte toesighouer/bestuurder en die bestuurder moet ten alle tye bewus wees van die inhoud en konteks van die publiserings. Die eienaar van die inhoud moet ten alle tye bewus wees en gereelde kwaliteitsondersoeke doen op inhoud wat gepubliseer is (en die konteks daarvan) onder sy/haar besigheidseenheid. Elke bladsy MOET opgedateer word met die datum van elke opdatering of publisering en die publiseerder se naam moet onderaan die HTML-bladsy verskyn. Indien ʼn publiseerder enigsins onseker is oor die publisering van die inhoud, of die manier waarop die inhoud gefraseer moet word, is dit die publiseerder se plig om Regsdienste te nader vir bystand. Die wetlike vrywaring (bepalings en voorwaardes) op die universiteit se webtuiste mag moontlik nie die publiseerder beskerm teen die neem van wetlike aksie in alle situasies nie. Daarom moet die grootste sorg geneem word om enige foute, soos tikfoute, te vermy, veral waar die publiek bevooroordeeld mag wees. 6 Beleide en Reëls Publiseerders mag GEEN beleide en reëls op die webtuiste of die algemene web publiseer op enige bladsy of in enige formaat nie. Redaksionele Riglyne: NWU-webtuiste 12

13 Die departement Rekordbestuur en Administrasie is alleen verantwoordelik vir die publisering van goedgekeurde NWU beleide en reëls op die internet op die bladsy wat onder hul verantwoordelikheid val ( Indien ʼn publiseerder wel sekere beleide of reëls op hul webbladsy wil publiseer, kan hulle ʼn hiperskakel (hiperlink) insit na die amptelike Beleide en Reëls bladsy onder die Beheer en Bestuur besigheidseenheid onder die Ons Storie groepering op die landingsblad (sien bogaande webadres). Prosedures vir personeel wat oor interne prosesse handel (bv. finansiële prosedures) is interne rekords en nie vir publisering op die internet nie. NWU prosedures kan op die NWU intranet gepubliseer word. Vir enige navrae in hierdie verband, kontak Rekordbestuur en Administrasie by x of x Spyskaarte (menus) Tans kan spyskaarte slegs geskep of verander word deur die webredakteurs/webkampuskoördineerders van die onderskeie kampusse. Indien ʼn publiseerder ʼn skakel wil verander of byvoeg, moet die versoek aan die webredakteur/webkampuskoördineerder gerig word en ge-cc word aan die aanlyn-inhoudspesialis by die Institusionele Kantoor. In die toekoms sal daar riglyne gegee word vir die skep van spyskaarte. Moet asseblief nie direk na ʼn PDF-leêr skakel (link) vanaf ʼn skakel (link) op die spyskaart (menu) nie. Skep eerder ʼn poortbladsy (gateway page) met ʼn skakel na die PDF. 8 Deelname aan sosiale media en internetplasings Riglyne oor deelname aan sosiale media/internetplasings geld vir enigiemand wat gebruik maak van die volgende multimedia- en sosialenetwerk-webwerwe soos: Facebook, MySpace, Twitter, Yahoo!, Groups, YouTube, LinkedIn, blogs, persoonlike blogs, forums en wiki s soos Wikipedia of enige ander webwerf waar teks/kommentaar geplaas kan word. Selfs as jou sosialemedia-aktiwiteite geheel en al buite jou werksure plaasvind, kan dit wat jy sê ʼn uitwerking hê op jou vermoë om werksverantwoordelikhede na te kom, op jou kollegas se vermoë om hulle werk te doen en op die NWU se belange. 8.1 Wat om te doen Wanneer jy ʼn naam uitdink vir jou Facebook-blad, -groep of saak, dink in die eerste plek aan soekbaarheid. Soekenjins soos Google en Twitter se eie soekenjins sal rekenings opspoor op grond van, onder andere, sleutelwoordrelevansie. Kies iets wat voor-die-hand-liggend en relevant is. Hou die grafika eenvoudig wanneer jy die blad pasmaak (customise). Maak seker dat jy die korrekte weergawe van die NWU-logo gebruik indien jy dit op ʼn blad vir ʼn groep of saak wil plaas. Skakel jou grafiese departement vir meer inligting en die regte weergawe. Wees eerlik oor jou identiteit. Sê dat jy ʼn NWU-werknemer of student is wanneer jy iets plaas of kommentaar lewer op iets wat met die NWU te doen het. Wees altyd deursigtig. As jy voel dat jy ʼn waardevolle bydrae kan lewer tot ʼn bespreking, maar onseker is, vra jou toesighouer vir raad. Gebruik altyd smaakvolle en ordentlike taal. Stel dit duidelik dat die menings wat deur jou gelug word jou eie menings is en nie noodwendig dié van die NWU nie. Onthou, enigiets wat op ʼn sosialemedia-platform gesê word, is daar vir die hele wêreld om te sien. Respekteer alle individue, rasse, godsdienste en kulture. Onthou dat enigiets wat op die internet gepubliseer word, permanent is. Selfs as jy dit sou uitvee (delete), is die kans goed dat dit êrens in ʼn soekenjin se databasis geïndekseer is. As jy enige inligting op die internet raakloop wat na jou mening ʼn amptelike reaksie van die NWU verg, kontak die Institusionele Direkteur: Korporatiewe Kommunikasie (Mnr. Louis Jacobs). Hou jou sosialemedia-kanale dop op ʼn gereelde basis. Hou by die tersaaklike beleide van die NWU. Redaksionele Riglyne: NWU-webtuiste 13

14 Jy is verantwoordelik vir jou eie aksies As jy iets plaas wat potensieel die NWU se beeld kan skaad, sal dit uiteindelik jou verantwoordelikheid wees. Ons moedig jou aan om deel te neem aan die aanlyn sosiale media, maar doen terselfdertyd ʼn beroep op jou om dit reg te doen en jou goeie oordeel en gesonde verstand te gebruik. Wees bedag op die vermenging van werk- en persoonlike lewe. Aanlyn is ʼn mens se persoonlike- en werkspersoonlikhede geneig om vervleg te raak. Onthou dat personeel, kollegas, studente en belanghebbendes in baie gevalle toegang het tot aanlyn-inhoud wat deur jou gegenereer word. Hou dit in gedagte wanneer jy inligting aanlyn publiseer wat deur meer mense as net vriende en familie gesien kan word, en weet dat inligting wat oorspronklik net vir vriende en familie bedoel was, aangestuur kan word. Wees responsief: as iemand reageer op iets wat jy gesê het, volg spoedig op. Streef na akkuraatheid: maak seker van jou feite en spelling voordat jy iets plaas. Beplan: departemente behoort hul boodskappe, gehore en doelwitte in gedagte te hou, sowel as ʼn strategie om inligting op sosialemedia-platforms op datum te hou. Fotografie:foto s wat op sosialemedia-platforms geplaas word, kan maklik deur besoekers toegeëien word as hul eie. Beskerm jou intellektuele eiendom deur ʼn watermerk by te voeg of deur beelde teen 72dpi te plaas. Gaan jou sekuriteitsstelling (security settings) gereeld na op elke sosialemedia-platform: wie kan wat sien? Dit verander gereeld op sekere platforms. Verseker beskerming van enige vertroulike inligting van werknemers, studente en belanghebbendes. Moenie sonder toestemming melding maak van iemand nie en maak seker dat jy nie items soos ander mense se sensitiewe persoonlike inligting of besonderhede met betrekking tot die NWU se bedrywighede openbaar maak nie. Erken en respekteer ander mense se intellektuele eiendomsregte, met inbegrip van kopiereg. Reageer op kommentaar op ʼn professionele wyse wat die visie en missie van die NWU weerspieël. 8.2 Wat om nié te doen nie Vermy enige vorm van haatspraak. Die administrateur van die webblad sal versoek word om enige ongewense opmerkings te verwyder. Moet onder geen omstandighede namens die NWU praat nie, tensy jy behoorlik daartoe gemagtig is. Moenie enige inligting deel wat nog nie amptelik in die openbaar aangekondig is nie. Moenie jou aantekenbesonderhede of wagwoorde met enigiemand deel nie, nie eers met lede van jou gesin nie. Moet onder geen omstandighede enige van jou kollegas of medestudente se persoonlike inligting bekend maak nie. Moenie kommentaar lewer op enige negatiewe plasings of kritiek oor die NWU nie. Gee die opmerkings of plasings deur aan die Institusionele Direkteur: Korporatiewe Kommunikasie (Mnr. Louis Jacobs) of aan die kampus se Direkteur: Bemarking en Kommunikasie. Moet NOOIT nie-openbare inligting van die Universiteit bekendmaak nie (insluitend vertroulike inligting) en wees bewus daarvan dat dit konflik kan veroorsaak om aanlyn in die openbaar standpunte in te neem wat strydig is met die NWU se belange. Moenie enige tersaaklike NWU-beleid oortree nie. Jy stem in dat die Universiteit onder geen omstandighede aanspreeklik sal wees vir enige foute of weglatings in jou internetplasings of vir enige verlies of skade wat mag voortspruit uit sodanige plasings nie. Jy mag nie beweer of impliseer dat jy namens die NWU praat nie, tensy jy behoorlik daartoe gemagtig is. Jou internetplasings (soos reaksies op stories, ens.) moenie die NWU se logo s of handelsmerke insluit nie en moet voldoen aan die wette in verband met onder andere kopiereg, privaatheid, regverdige gebruik en finansiële openbaarmaking. Moenie jou eie opinies oor NWU-nuus vanuit ʼn subjektiewe perspektief aanbied nie. Jy mag die publiek inlig oor dinge wat by die NWU gebeur, maar doen dit op ʼn eerlike en objektiewe manier. Moet nooit kommentaar lewer op regskwessies, regsgedinge, of enige partye waarmee die NWU ʼn regsgeding voer nie. Redaksionele Riglyne: NWU-webtuiste 14

15 9 Internet vs Intranet Die NWU Internet en die NWU Intranet is twee verskillende omgewings. Die Internet is oop vir enigiemand om te besoek en te sien, terwyl die Intranet ʼn veilige (secure) omgewing is waar jy as NWU personeellid moet inteken om die inhoud te kan sien. Wanneer jy moet besluit waar om jou inligting te publiseer, vra jouself die volgende vrae: Wie is my teikengehoor? Is die inligting slegs bedoel vir personeel van die NWU? Is dit interne inligting wat slegs deur personeel gesien moet word of net op personeel van toepassing is? Is die inligting sensitief en nie iets wat vir enigiemand toeganklik behoort te wees nie, met die uitsondering van NWU personeel? Indien jou antwoord op enige van die boonste vrae ja is, dan moet jou inligting op die NWU intranet gepubliseer word. Die kontakpersoon vir Intranet-inligting, is Marelize Santana by (018) (Departement Institusionele Bevordering, Institusionele Kantoor). 10 Wie moet ek kontak vir hulp of navrae? Institusionele Kantoor: Departement Institusionele Bevordering, Webkantoor: Webbestuurder: Cobus Steenkamp: (018) kontak Cobus vir enige sake wat met die NWU webtuiste verband hou. Aanlyn-inhoudspesialis: Vakant kontak hierdie persoon vir enige sake wat met redaksionele inhoud op die web verband hou, oor die redaksionele stylgids of oor redaksionele webopleiding. Web-analis: Ronel Röscher: (018) kontak Ronel vir enige sake wat verband hou met webanalise (analytics) of tegniese sake. Potchefstroomkampus web-kampuskoördineerder: Pertunia Thulo: (018) Mafikengkampus web-kampuskoördineerder: Dumile Mlambo: (018) Vaaldriehoekkampus web-kampuskoördineerder: Jeremy Mooi: (016) Oorspronklike gegewens: Elmarie Engelbrecht( ) C:\Users\ \Desktop\Redaksionele Riglyne vir die NWU-webtuiste.docm 21 Oktober 2013 Redaksionele Riglyne: NWU-webtuiste 15