Heide. Van die Primaria. Beste Voornemende Heide Eerstejaar

Transcription

1 Heide Van die Primaria Beste Voornemende Heide Eerstejaar Baie geluk met jou plekkie in Heide vir 2013! Ek hoop jy besef dat dit nie net n eer is om in Heide te wees nie, maar eerder n voorreg. Dis jou verantwoordelikheid om die beste te maak van elke geleentheid wat die koshuis en die NWU-Puk oor jou pad bring. Jy gaan volgende jaar die geleentheid hê om deel te wees van 264 dinamiese dames. Hulle gaan nie net jou vriendinne word nie, maar eerder jou Heide-sussies. Koester elke oomblik en moet nooit vergeet dat jy hier is vir n rede, n doel om God se naam groot te maak nie. Heide se leuse is om waardegedrewe dinamies te lewe. Om dinamies te wees, beteken om bedrywig en vol beweging, krag en energie te wees. Dit is n akkurate beskrywing van elke meisie in die koshuis. Dis ook wat ons van elke eerstejaar verwag. Ek wil jou aanmoedig om hierdie geleentheid met albei hande aan te gryp en om n wilsbesluit te neem om die beste daarvan te maak. Dis natuurlik om nou vreemd en moontlik bang te voel. Weet dat jy nou n nuwe fase van jou lewe betree en dat elke meisie in hierdie koshuis agter jou staan en jou sal help om die beste daarvan te maak. Jeremiah 29:11 For I know the plans I have for you, declares the LORD, plans to prosper you and not to harm you, plans to give you hope and a future. Heide-groete Esmari Venter Primaria

2 Van die Huisouers Heide Brief van die Koshuisvader Aan my fantastiese nuwe Heide-dogter Wel, hier is dit nou: jy is oppad na Heide! Jy moet sommer nou al begin rondrol in die nagte van opwinding, want hier wag n lekker, spesiale en besonderse tyd vir jou in jou lewe. Ek verstaan dat jy seker bietjie angstig voel ook. Dit is heel normaal omrede jy nie lekker weet wat om te verwag nie en ek kan jou waarborg dat, selfs al dink jy jy weet wat kom, gaan daar n paar verrassings wees. Ek kan jou egter verseker dat Heide vir jou n hele paar ervarings gaan laat beleef wat jou lewe ryker en voller gaan maak. Daarmee saam gaan jy vriendinne hier maak wat baie naby aan jou hart gaan kom sit. Hier is n hele paar indrukwekkende inwoners in Heide, en van volgende jaar is jy een van hulle! Dit is vir my n voorreg om jou koshuispa te word en jy hoef nooit te huiwer om met my te kom gesels nie. As ek kan, help ek graag dis mos immers wat n pa doen! Ek wil hê dat jy lekker in Heide moet bly en dat jy gelukkig moet wees. n Mens kom universiteit toe om te floreer. En daarmee bedoel ek nie net op die akademiese gebied nie. Ek wil sien dat jy in jou volle menswees elke kans gegun word om vooruit te gaan. Jy sal vinnig agterkom dat Dinamiese Dames nie net n slagspreuk is nie. In Heide gaan jy omring wees met mense wat werklik baie begaaf, intelligent en geliefd is. Dit is n groot voorreg om in Heide te wees baie geluk! Met liefde van jou koshuispa, G.P. van Rheede van Oudtshoorn Brief van die Koshuismoeder Liewe voornemende Heide-eerstejaar Baie geluk dat jy in Heide plek gekry het! Wanneer jy die bekende moet verruil vir die onbekende sal jou maag heel moontlik vol vlinders wees Dit is alles deel van die opwindende tyd wat vir jou voorlê. Heide is jou nuwe huis en daar gaan soveel lekkertes en nuwe ervarings wees; ek bid saam met jou dat dit gevul sal wees met liefde en vreugde. Ons is die trotse ouers van twee regte kinders, Thea en Conrad, en ook 270 Heide-dogters. Gedurende die dag werk ek as n suster in Mediclinic-hospitaal, nie te ver van die kampus af nie. Jy is altyd welkom om bietjie te kom kuier as ons in die middae tuis is. Dit is n voorreg om in Heide te bly en ek glo jy sal vinnig welkom voel en inskakel waar jy kan. Probeer om elke dag te werk aan jou akademie dan kan jy steeds deelneem aan sport, kunste en natuurlik sosiale geleenthede. Hou vas aan die belofte in Deuteronomium 31:8: Die Here sal voor jou uit gaan. Hy sal by jou wees. Hy sal jou nie in die steek laat nie, jou nie alleen laat nie. Moenie bang wees nie, moenie skrik nie. Baie sterkte met die eksamen. Marisé van Rheede van Oudtshoorn

3 Heide Van die 1st jaar HK Beste voornemende eerstejaar Ek is in die bevoorregte posisie om jou eerstejaars HK-lid te kan wees en saam met jou hierdie nuwe uitdaging aan te pak. Jy en jou mede-eerstejaars is alleenlik my verantwoordelikheid en al my tyd en aandag sal volkome op julle gevestig wees. Ek en so ook al die ander HK-lede is kinderlik opgewonde om jou te ontmoet en sit al op hete kole en wag vir jou koms. Om n dinamiese Heide-dame te wees, is iets besonders, dit is n leefstyl. In Heide is daar n unieke plekkie vir elke dame, waar sy kan groei en floreer. Dit is n tuiste tydens die beste studente belewenis, wat jou sal slyp in die dame wat jy moet wees. So hoop ek dat jy ook daardie plekkie sal vind wat spesiaal vir jou is en dat die Here jou tydens hierdie nuwe lewenservaring sal lei en jou toevlug sal wees. Psalm 27:1 Die Here is my lig en my heil: vir wie sou ek vrees? Die Here is die toevlug van my lewe: vir wie sou ek vervaard wees? Ek hoop jy is baie opgewonde om deel te wees van Heide en reg is vir n wonderlike tyd. As daar enige vrae of bekommernisse is skakel my gerus by Sterkte met die eksamen, geniet die vakansie en bring emmers vol entoesiasme en energie saam. Heide-groete Nastassia Sciocatti HK: Eerstejaarsvoog

4 Huiskomitee Heide Esmari Venter Primaria, Seniors en Tug Telanie Niemand Onderprimaria, Werwing en Klerasie Anneri van Zyl Studentebelange, AKSA en Publikasies Carla Schutte Kunste Elané Botha SJGD en Finansies Luhenca Botha Sport en Sekretaresse Nastassia Sciocatti Eerstejaars en Akademie Nelri Paulsen JOOL en Instandhouding Suzaan Steyn Sosiaal en Klubhuis

5 Heide Algemene inligting Die koshuis voorsien jou van die volgende: Alle eerstejaars woon in DUBBELKAMERS Elke inwoner het n matras en stoel in die kamer. Daar is blinders voor alle vensters, m.a.w. geen gordyne word benodig nie Daar is handdoekreëlings en ingeboude verwarmers in elke kamer Wasmasjiene, tuimeldroërs en strykplanke is in die waskamers, op elke gang Gesuiwerde water, asook kookwater, is in elke gang se kombuis beskikbaar Toiletpapier word aan elke inwoner, dwarsdeur die jaar verskaf Die koshuis het rekenaars wat 24/7 beskikbaar is Bring die volgende Yskas en mikrogolf (onderhandel tussen kamermaats) Drie slotte (slot op kamerdeur, kasdeur, onder bed) Beddegoed en handdoeke Muurproppe en verlengings kabels vir elektroniese toestelle Studeerlampie, strykyster, staanwaaier, besem, skoppie, stoflap asblik, wasgoedmandjie, skottel vir skottelgoed, vadoeke, bedkassie (opsioneel). Indien jy n los matjie wil bring (± 1m x 1.5m) Geen foto s/prente mag teen mure of kaste geplak word nie, slegs op die aansteekbord teen muur Benodighede vir Ontvangs en Bekendstelling Wit tekkies (julle gaan vêr stap so maak seker dis gemaklik genoeg) Wit vissie-plakkies Vier klokkies (dit word aan jou tekkies se veters vasgemaak) n Formele rok/ Cocktail rokkie vir die Eerstejaarsdinee Netjiese, toe-swart skoene (verkieslik sonder hakkies) Netjiese, swart formele langbroek (sonder strepies of kolletjies) Energie pilletjies en/of vitamien-aanvullings aangesien ons baie besig gaan wees Enige snaakse klere (vir Tema-aksies) Bring ook asb. (nie verpligtend nie) twee blikkies kos

6 Koshuisgroet Heide Hier staan ons weer Dit se magie-gons Dit se hartjie-bons Dit loer om die hoek Dit sien n kroek Maar dan onthou dit Dis mos Heide Dis n lag, speel en werksplek Dit groet jou Heide!