Menningarhús á Akureyri. Samlokufundir í maí. TFÍ mótmælir nafni nýs skóla. Kaup á ráðgjöf. Sjávarfallavirkjanir. Kjaramál.

Transcription

1 3 4. t b l á r g Samlokufundir í maí 4 TFÍ mótmælir nafni nýs skóla 6 Kaup á ráðgjöf 8 Sjávarfallavirkjanir 10 Kjaramál 12 GPS gagnaveita Menningarhús á Akureyri Þann 23. apríl var haldið reisugildi í Menningarhúsinu Hofi á Akureyri. Tilefnið var að húsið er fokhelt og reyndar gott betur en það. Ráðgert er að starfsemi hefjist í Hofi á vordögum Arkitektar hússins eru Arkþing í samvinnu við dönsku arkitektastofuna Arkitema. Tillagan var valin í kjölfar opinnar alþjóðlegrar samkeppni árið 2004 en 33 tillögur bárust. Fyrsta skólfustungan var tekin 1. ágúst Menningarhúsið stendur í suð-vestur krika uppfyllingarinnar á mótun Strandgötu og Glerárgötu. Gólfflötur hússins er um 7500 fermetrar og er áætlaður kostnaður um 2,1 milljarður króna. Markmið hönnuðanna var meðal annars að skapa byggingu í miðbæ Akureyrar sem myndar sterkt kennileyti en tekur jafnframt mið af nærliggjandi umhverfi. Húsið er klætt íslensku stuðlabergi. Menningarhúsið Hof mun gjörbreyta aðstöðu til tónlistarflutnings og ráðstefnuhalds á Akureyri og einnig fær leiklistin sitt pláss. Aðalsalur hússins mun hýsa 500 manns en minni salur 220 manns. Að auki verður tónlistarskóli bæjarfélagsins með aðstöðu í byggingunni. Einnig verður þar upplýsingamiðstöð ferðamanna og veitingasala. Aðalhönnuðir voru eins og áður sagði Arkþing og Arkitema. Teiknistofan Óðinstorgi sá um burðarþol, VST annaðist verkfræðilegan undirbúning vegna jarðvinnu og stálþil, Verkfræðistofa Norðurlands hannaði lagnir og loftræsingu, Raftákn raflagnir og stjórnkerfi, VST/Akustikon sá um hljóðtæknihönnun og verkfræðistofa Snorra Ingimarssonar um brunahönnun. Aðalverktaki er Ístak. Mynd: Þórgnýr Dýrfjörð

2 ARGUS Taktu vaskinn með í reikninginn og láttu hann skila góðri ávöxtun! safnaðu innheimtum virðisaukaskatti á sérstakan vsk-reikning spron, þú nýtur hárra vaxta og alltaf er til fyrir vaskinum. Kynntu þér kosti VSK-reikningsins og sæktu um á spron.is nánari upplýsingar fást í þjónustuveri í síma eða í næsta útibúi spron.

3 Samlokufundir í maí Örtækni í heilbrigðisverkfræði. Á Samlokufundi 15. maí kynna starfsmenn Nýsköpunarmiðstöðvar notkun örtækni í heilbrigðisverkfræði. Framkvæmdir við Tónlistarhús og ráðstefnumiðstöð. Á Samlokufundi fimmtudaginn 29. maí mun Sigurður Ragnarsson verkfræðingur og framkvæmdastjóri verkefnisins kynna framvindu framkvæmda við nýtt Tónlistarhús og ráðstefnumiðstöð við Reykjavíkurhöfn. Fundirnir verða í Verkfræðingahúsi, Engjateigi 9 og hefjast kl. 12. Að venju fá félagsmenn ókeypis samlokur og drykkjarföng en utanfélagsmenn greiða sanngjarnt verð fyrir. Allir velkomnir. BNAM 2008 Dagana ágúst 2008 verður haldin í Reykjavík hljóðráðstefnan BNAM 2008 (Baltic-Nordic Acoustics Meeting). Þar munu hljóðsérfræðingar frá Norðurlöndunum og Eystrasaltslöndunum bera saman bækur sínar. Ráðstefnan er haldin á vegum norrænu fagfélaganna annað hvert ár. Eystrasaltslöndin hafa átt aðild að henni síðastliðinn áratug. Ráðstefnan er skipulögð af félagi um hljóðhönnun sem starfar sem faghópur innan vébanda VFÍ og TFÍ. Í undirbúningsnefndinni eru verkfræðingarnir Steindór Guðmundsson, Bergþóra Kristinsdóttir og Sigurður Karlsson. Þess má geta að Ný símanúmer faghópurinn var stofnaður í september 2006 og er opinn öllum sem hafa áhuga á hljóðhönnun og hljóðvist. Hægt er að skrá sig á póstlista faghópsins hjá skrifstofu VFÍ. Vefur ráðstefnunnar bnam2008.com. Tölvupóstföng Félagsmenn eru hvattir til að fara inn á nýja vefi TFÍ og VFÍ, skrá sig inn og athuga hvort upplýsingar um þá í félagakerfinu eru réttar. Töluverður misbrestur er á að félagsmenn láti vita um nýtt netfang, til dæmis þegar skipt er um vinnu. Netföng: vfi@vfi.is, tfi@tfi.is og sv@sv.is. Þeir sem það vilja eru settir á póstlista og minntir sérstaklega á viðburði á vegum félaganna. Ráðgert er að nýr vefur SV fari í loftið innan skamms. Efni á heimasíðurnar Þeir sem óska eftir að fá birtar tilkynningar, fréttir og annað efni á vefjumvfí, SV og TFÍ geta sent tölvupóst til ritstjóra Verktækni (sigrun@vfi.is eða sigrun@tfi.is). Athugið að hægt er að nálgast pdfútgáfu af Verktækni á heimasíðunum. Skilafrestur Ráðgert er að næsta tölublað Verktækni komi út í byrjun júnímánaðar. Þeir sem vilja koma efni í Verktækni og/eða skilaboðum til ritstjóra eru beðnir um að senda tölvupóst á sigrun@vfi.is eða sigrun@tfi.is. Athugið að skrifstofa Verkfræðingafélags Íslands, Tæknifræðingafélags Íslands og Stéttarfélags verkfræðinga hefur fengið nýtt símanúmer: og bréfsími: Beinir símar starfsmanna: Logi Kristjánsson, framkvæmdastjóri s: Sigrún S. Hafstein, sviðsstjóri útgáfu og markaðsmála s: Þrúður G. Haraldsdóttir, sviðsstjóri kjaramála s: Guðríður Ó. Magnúsdóttir, bókari/gjaldkeri s: Ingigerður Jónsdóttir, ritari (sjóðir KTFÍ og SV) s: Þórunn Árnadóttir, ritari (félagsaðild og starfsheitisleyfi) s: LEIÐARINN Lánsfjaðrir Nýlega var tilkynnt um nýtt nafn á sameinuðum skóla Fjöltækniskóla Íslands og Iðnskólans í Reykjavík. Tækniskólinn skóli atvinnulífsins, skal hann heita. Þessi nafngift kom illa við marga, eins og kemur fram í grein formanns Tæknifræðingafélagsins sem birtist hér á næstu blaðsíðu. Í lok greinarinnar hvetur hann ráðherra til að biðjast afsökunar og draga nafngiftina til baka. Tæknifræðingafélag Íslands gerði athugasemdir þegar fréttir bárust af því að hugsanlega yrði notað nafn Tækniskóla Íslands sem jafnan er kallaður Tækniskólinn. Hið sama gerðu stjórnendur Háskólans í Reykjavík enda arfleifð Tækniskólans mikilvægur hlekkur í starfsemi skólans. Formaður Tæknifræðingafélagsins taldi sig fá vissu fyrir því hjá nefndinni sem starfaði að sameiningu skólanna tveggja að horfið hefði verið frá nafngiftinni. Nýtt nafn á skólanum var því eins og blaut tuska framan í stjórn félagsins. Maður furðar sig á því hvernig forsvarsmenn Fjöltækniskólans og Iðnskólans í Reykjavík gátu látið sér í léttu rúmi liggja andstöðu tæknifræðinga og Háskólans í Reykjavík. Eins og formaður TFÍ bendir á í grein sinni þá mun þetta valda ruglingi. Nemendur Tækniskóla Íslands hafa lokið viðurkenndu háskólaprófi en þeir nemendur sem munu útskrifast frá sameinuðum Iðnskóla og Fjöltækniskóla ljúka ekki námi á háskólastigi. Þetta mun því valda fjölmörgum einstaklingum vandræðum og vonbrigðum og fyrirtæki munu eiga erfitt með að bera saman nemendur frá skólunum tveimur sem nú bera sama nafn. Hingað til hefur atvinnulífið getað treyst því að nemendur hins eina og sanna Tækniskóla eru með viðurkennt háskólapróf í tæknifræði, sem stenst samanburð við aðra tækniháskóla á Norðurlöndunum. Til að auðvelda forsvarsmönnum skólans að hverfa frá þessari nafngift þá legg ég til að nýi skólinn verði nefndur Iðntækniskólinn. Þeim sem vilja kynna sér hvaða greinar eru kenndar í hinum nýja Tækniskóla er bent á að fara inn á vef skólans: og þaðan er greið leið inn á vefi Fjöltækniskólans og Iðnskólans í Reykjavík. Sigrún S. Hafstein, ritstjóri. V E R K T Æ K N I Engjateigi Reykjavík Sími: Símbréf: Tölvupóstur: sigrun@vfi.is sigrun@tfi.is Blaðið VERKTÆKNI er gefið út af Verkfræðingafélagi Íslands, Stéttarfélagi verkfræðinga og Tæknifræðingafélagi Íslands og er dreift ókeypis til félagsmanna. Ritstjóri og ábyrgðarmaður: Sigrún S. Hafstein. Blaðnefnd: Sveinbjörg Sveinsdóttir (SV), formaður, Árni Þór Árnason (TFÍ) og Ólafur Pétur Pálsson (VFÍ), auk ritstjóra. Leyfilegt er að birta efni úr Verktækni ef heimildar er getið. Skoðanir sem settar eru fram í blaðinu samrýmast ekki endilega viðhorfum útgefenda. Prentvinnsla: Gutenberg Mynd á forsíðu: Rafn Sigurbjörnsson Aðstoð við útgáfu: Hænir Sími: utgafa@utgafa.is

4 / VERKTÆKNI Lengi skal manninn reyna! TFÍ mótmælir nafni á sameinuðum Iðnskóla og Fjöltækniskóla. Iðnskólinn í Reykjavík, undir forystu Baldurs Gíslasonar, og Fjöltækniskólinn sem áður hét Stýrimannaskólinn og Vélskólinn, undir forystu Jóns B. Stefánssonar, hafa verið sameinaðir. Er það í sjálfu sér heillaspor. Hinsvegar hafa þessir ágætu menn og þeirra samstarfsfólk stigið afdrifaríkt óheillaspor með því að kalla sameinaða menntastofnun Tækniskólann. Þessi nafngift jaðrar við ósvífni gagnvart fyrrverandi nemendum Tækniskóla Íslands og núverandi nemendum í Háskólanum í Reykjavík. Tækniháskóli Íslands, áður Tækniskóli Íslands, sameinaðist Háskólanum í Reykjavík árið Tækni- og verkfræðideildin er stærsta deild skólans og þar er boðið upp á fjölbreytt og metnaðarfullt nám í tæknifræði. Allar götur síðan Tækniskóli Íslands var stofnaður árið 1964 hefur hann í daglegu tali gengið undir nafninu Tækniskólinn. Nafnið er rótgróið í almennri umræðu og allir sem fjalla um tæknimenntun á háskólastigi eru meðvitaðir um þetta. Menntamálaráðherra, Þorgerður Katrín Gunnarsdóttir, veit að nafnið Tækniskólinn stendur fyrir ákveðin gæði menntunar á háskólastigi. Tækniháskóli Íslands og Háskólinn í Reykjavík voru sameinaðir í ráðherratíð hennar. Starfsfólki menntamálaráðuneytisins og ráðherra ætti því að vera saga skólans kunnug og gera sér grein fyrir því að ekki er verjandi að nefna nýjan skóla sama nafni og virtur og vel þekktur skóli á háskólastigi bar um áratugaskeið. Í viðræðum við Baldur Gíslason skólastjóra Iðnskólans og Jón B. Stefánsson skólastjóra Fjöltækniskólans var sjónarmiðum tæknifræðinga komið á framfæri og lögð var þung áhersla á þann vanda sem myndi skapast ef sameinuðum skóla yrði gefið nafnið Tækniskólinn. Svo virtist að þeir félagar hefðu skilning á þeim sjónarmiðum og forsvarsmenn Tæknifræðingafélagsins töldu sig hafa fullvissu fyrir því að nafnið Tækniskólinn yrði ekki fyrir valinu. Nemendur Tækniskóla Íslands hafa lokið viðurkenndu háskólaprófi en þeir nemendur sem munu útskrifast frá sameinuðum Iðnskóla og Fjöltækniskóla ljúka ekki námi á háskólastigi. Þetta mun því valda fjölmörgum einstaklingum vandræðum og vonbrigðum og fyrirtæki munu eiga erfitt með að bera saman nemendur frá skólunum tveimur sem nú bera sama nafn. Hingað til hefur atvinnulífið getað treyst því að nemendur hins eina og sanna Tækniskóla eru með viðurkennt háskólapróf í tæknifræði, sem stenst samanburð við aðra tækniháskóla á Norðurlöndunum. Með því að gefa nýrri menntastofnun heimild til að nota gamalt og rótgróið nafn er menntamálaráðherra að setja niður svo um munar. Hvers á Háskólinn í Reykjavík að gjalda? Hvers eiga þeir einstaklingar sem eru með viðurkennt háskólapróf frá Tækniskóla Íslands að gjalda? Nafnið Tækniskólinn er tengt tæknifræðingum á Íslandi og Tæknifræðingafélagi Íslands órjúfanlegum böndum. Félagið hefur alla tíð átt gott samstarf við skólann og tekið þátt í að móta og tryggja gæði náms í tæknifræði. Stjórn Tæknifræðingafélags Íslands skorar á menntamálaráðherra að biðja þá sem luku námi frá Tækniskóla Íslands afsökunar á þessum mistökum og draga nafngiftina til baka. F.h. stjórnar Tæknifræðingafélags Íslands, Bergþór Þormóðsson. Tækniskóli Íslands Merk saga í 44 ár Tækniskóli Íslands var stofnaður árið 1964 og var ætlað að bæta úr brýnni þörf atvinnulífsins fyrir tæknimenntað fólk. Upphaflegt markmið skólans var að gefa iðnaðarmönnum kost á framhaldsnámi sem væri lagað að íslenskum aðstæðum og um leið að brúa bilið milli iðnmenntunar og háskólanáms. Fyrsta starfsár skólans voru 48 nemendur skráðir í fyrri hluta tæknifræðináms og héldu þessir nemendur til Danmerkur og Noregs til að ljúka tveimur síðari námsárunum. Fyrstu tæknifræðingarnir sem útskrifaðir voru frá Tækniskóla Íslands voru byggingatæknifræðingar árið Ný lög Árið 2002 tóku gildi ný lög um Tækniskóla Íslands og var nafni hans breytt í Tækniháskóla Íslands. Með lögunum var staðfest staða skólans innan háskólakerfisins og skipulag hans lagað að háskólalögunum. Skólinn tók upp hefðbundið skipulag náms á háskólastigi, með 90 einininga BS-námi og 60 eininga mastersnámi. Þeir sem ljúka einni önn (15 einingum) til viðbótar við BS-námið útskrifast sem tæknifræðingar. Sameining THÍ og HR Síðla árs 2004 var undirritað samkomulag um sameiningu Tækniháskóla Íslands og Háskólans í Reykjavík. Nýr sameinaður skóli undir nafni Háskólans í Reykjavík tók til starfa haustið Í dag eru um 1100 nemendur í Tækni- og verkfræðideild Háskólans í Reykjavík. Deildin skiptist í fimm fagsvið: Byggingar- og véltæknisvið, fjármála- og rekstrarsvið, heilbrigðistæknisvið, hátækni- og rafmagnssvið og frumgreinasvið. Tæknifræðin Í tæknifræðináminu við Háskólann í Reykjavík er kennt til BSc-gráðu í byggingartæknifræði, vél- og orkutæknifræði og rafmagnstæknifræði. Markmiðið er að veita sérhæfða og hagnýta fagþekkingu þannig að útskrifaðir nemendur séu vel undirbúnir til þátttöku í atvinnulífinu. Áhersla er lögð á að nemendur vinni hagnýt, raunhæf verkefni sem byggja m.a. á þekkingu kennara úr atvinnulífinu enda hafa flestir kennaranna mikla starfsreynslu við hönnun, framleiðslu eða framkvæmdir. Menntunarnefnd TFÍ Eitt af stærstu verkefnum Tæknifræðingafélags Íslands er að standa vörð um starfsheitið tæknifræðingur og tryggja gæði náms í tæknifræði. Félagið hefur alla tíð tekið virkan þátt í að móta tæknifræðinámið hér á landi. Menntunarnefnd TFÍ veitir umsögn til iðnaðarráðherra varðandi umsóknir um starfsheitisleyfi tæknifræðinga og inngöngu í félagið. Að auki fylgist nefndin með þróun í menntunarmálum tæknifræðinga, s.s. inntökuskilyrði, námlengd og samsetningu námsins. Nefndin á gott samstarf við Háskólann í Reykjavík og fylgist vel með tæknifræðináminu sem þar er boðið upp á.

5 MEISTARANÁM Í VERKEFNASTJÓRNUN TVEGGJA ÁRA NÁM SAMHLIÐA STARFI Spennandi kostur fyrir þá sem hafa áhuga á mjög hagnýtu stjórnunarnámi. Alþjóðleg vottun í verkefnastjórnun í umboði alþjóðasamtaka verkefnastjórnunarfélaga (IPMA). Skemmtilegir nemendur og heimsþekktir kennarar á sviðinu. Opnar starfsvettvang víða í íslensku samfélagi og um allan heim. MEÐAL NÁMSEFNIS Stefnumótun og sóknaráætlun Verkefnaleiðtoginn: Sjálfsskilningur, þroski og þróun Raunhæft verkefni: Undirbúningur, framkvæmd og lúkning Verkefnaleiðtoginn: Siðfræði verkefnastjórnunar Upplýsingar og upplýsingatækni í verkefnum Samningar í verkefnum: Samningagerð, deilu- og áfallastjórnun Arðsemi og fjármögnun verkefna Verkefnateymi og aflfræði hópa ÞÁTTTÖKUSKILYRÐI B.A./B.S./B.Ed. eða sambærilegt Minnst þriggja ára reynsla úr atvinnulífinu Reynsla við verkefnavinnu æskileg Umsóknarfrestur er til 20. maí Master of Project Management Hjarðarhaga 6 sími mpm.is

6 / VERKTÆKNI Kaup á ráðgjöf val ráðgjafa Úrskurður kærunefndar útboðsmála 3. mars 2008 í máli nr. 20/2007 í útboði Hafnarfjarðarbæjar nefnt Yfirferð teikninga og úttektir. Umsjón með útboðinu hafði Jón Sigurðsson, verkefnisstjóri byggingareftirlits Hafnarfjarðarbæjar og gerir hann hér grein fyrir málavöxtum og sjónarmiðum sínum. Málavextir Í nóvember 2007 auglýsti Hafnarfjarðarbær eftir tilboðum í yfirferð teikninga og úttektir á húsum í nýjum hverfum í Hafnarfirði fyrir skipulags- og byggingarfulltrúa. Helstu ástæður fyrir því að farið var í þetta almenna útboð eru að erfitt hefur verið að fá tæknimenn til starfa vegna aðstæðna á vinnumarkaði verkfræðinga og tæknifræðinga undanfarin ár. Einnig liggur fyrir frumvarp til laga um mannvirki sem tekur á úthýsingu verkefna hjá byggingarfulltrúa og hefur sveitarstjórn og Byggingarstofnun heimild að ákveða að tilteknir þættir eftirlits þeirra með mannvirkjum skuli framkvæmdir af skoðunarstofum sem hafa til þess starfsleyfi frá Byggingarstofnun. Eftirlit með mannvirkjum skal framkvæmt í samræmi við ákvæði skoðunarhandbóka sem Byggingarstofnun býr til á grundvelli ákvæða mannvirkjalaga og reglugerða settra samkvæmt þeim. Í skoðunarhandbókinni skulu m.a. vera ákvæði um framkvæmd úttekta, eftirlitsaðferðir, skoðunaráætlanir og mismunandi eftirlitsstörf. Með þetta að leiðarljósi fór Hafnarfjarðarbær af stað með tveggja umslaga útboð nefnt Yfirferð teikninga og úttektir og voru útboðsgögnin m.a. unnin skv. lögum um opinber innkaup nr. 84/2007 en þar segir í 72.gr. Við val á tilboði skal gengið út frá hagkvæmasta boði. Hagkvæmasta tilboð er það boð sem er lægst að fjárhæð eða það boð sem fullnægir þörfum kaupanda best samkvæmt þeim forsendum sem settar hafa verið fram í útboðsgögnum. Óheimilt er að meta tilboð á grundvelli annarra forsendna en fram koma í útboðsgögnum. Einnig var stuðst við Leiðbeiningarrit um kaup á ráðgjöf sem gefið var út af fjármálaráðuneytinu í maí 2002 í samvinnu við opinberar stofnanir en þar segir m.a. á bls. 8: Verkkaupi skal alltaf leitast við að taka því tilboði sem hann telur hagkvæmast fyrir verkefnið í heild. Hagkvæmasta tilboð er það boð sem fullnægir þörfum kaupanda best samkvæmt þeim forsendum sem settar hafa verið fram í útboðsgögnum. Þegar metið er hagkvæmasta tilboðið er litið til hæfni og lausnar auk annarra þátta, s.s. þóknunar. Í töflu 3: Forsendur fyrir vali á ráðgjöfum þá er heimilt að meta hæfni allt að 80%. Í útboði Hafnarfjarðarbæjar við mat á ráðgjöfum var stuðst við þau gögn sem bjóðendur lögðu fram í umslagi 1 og var ákvörðun á stigum fyrir hæfni eftirfarandi: Verktilhögun Starfsmenn sem sinna verkefninu Reynsla bjóðanda af eftirliti Almenn reynsla bjóðanda Gæðakerfi (verkferlar) 20 stig 40 stig 20 stig 10 stig 10 stig Bjóðandi þarf að fá að lágmarki 60 stig út úr mati á hæfni, til þess að verðtilboð hans komi til álita. Af sjö bjóðendum voru fimm sem náðu 60 stigum, þ.m.t. Vökull ehf., sem kærir útboðið og krefst þess að kærði (Hafnarfjarðarbær) endurtaki stigagjöf tilboða og byggir kæru sína m.a. á því að hann hafi ekki verið nægilega hátt metinn en kærandi var með næsthæstu heildarstigagjöfina. Hæfni var metin 40% og verðtilboð (umslag 2) 60% í mati á einkunn bjóðenda. Almennt við yfirferð tilboða og fylgigagna í tveggja umslaga úboði er eftirfarandi skoðað: 1. Er tilboðið gilt/ógilt? 2. Er bjóðandi hæfur/óhæfur? 3. Mat á hagkvæmasta tilboði t.d. verð, lausnir, reynsla o.s.frv. Það er augljóst að ekki er hægt að nota sömu forsendur fyrir vali á ráðgjöfum við hönnun/byggingu mannvirkis og val á ráðgjöfum við yfirferð teikninga og úttektir þegar um er að ræða tveggja umslaga útboð með það að markmiði að finna hagkvæmasta tilboðið. Ráðgjafar við hönnun/byggingu mannvikis eru fyrst skoðaðir m.t.t. tæknilegrar og fjárhagslegrar getu, þ.e. hæfur/óhæfur. Síðan er lausn á verkefninu metin s.s. efnisval og frágangur, skipulag húsnæðis, tæki og búnaður, arkitektúr o.s.frv. og gefin stig til að finna hagkvæmasta tilboðið Ráðgjafar við yfirferð teikninga og úttektir eru fyrst skoðaðir m.t.t. tæknilegrar og fjárhagslegrar getu, þ.e. hæfur/ óhæfur. Síðan er reynsla úr sambærilegum verkefnum, skipulag og stjórnun, gæðakerfi o.s.frv. metið og gefin stig til að finna hagkvæmasta tilboðið. Hafnarfjarðarbær metur það svo að ráðgjafi með meiri reynslu, þekkingu og færni til að sinna verkefnum skipulags- og byggingarfulltrúa fullnægir þörfum þeirra best samkvæmt þeim forsendum sem settar hafa verið fram í útboðsgögnum. Kærunefnd útboðsmála úrskurður Niðurstaða kærunefndar útboðsmála í máli nr.20/2007 dags. 3. mars 2008 er eftirfarandi: Kærunefnd útboðsmála telur óþarft að fjalla um kröfur kæranda (Vökuls ehf.) en skv.

7 verktækni / 97.gr.laga nr.85/2007 hefur nefndin ekki heimild til að skylda Hafnarfjarðarbæ til slíks endurmats. Öllum ákæruatriðum kæranda er því hafnað. Kærunefnd útboðsmála telur hins vegar að í þessari kröfu felist í raun krafa um að upprunalegt mat verði fellt úr gildi og í framhaldi af því verði Hafnafjarðarbæ gert að meta hæfni að nýju. Þrátt fyrir að nefndin hafi ekki heimild til að kveða á um endurmat getur nefndin tekið til umfjöllunar þann hluta sem felur í sér kröfu um að felld verði út gildi ákvörðun kærða um stigagjöf bjóðenda. Stigamatskerfi útboðsins var þannig ólögmætt og af því leiðir að ákvörðun kærða um stigafjölda, sem byggir á kerfinu, er ólögmætt. Samkvæmt því ber að fella úr gildi ákvörðun kærða um hæfni bjóðenda í útboði Hafnarfjarðarbæjar nefnt Yfirferð teikninga og úttektir. Sjónarmið verkefnisstjóra byggingareftirlits Samkvæmt þessum úrskurði kærunefndar í máli nr.20/2007 þá er ekki heimilt að nota mat á hæfni bjóðenda s.s. reynslu úr sambærilegum verkefnum, skipulag og stjórnun, gæðakerfi o.s.frv. til að finna hagkvæmasta tilboðið. Verkefnisstjóri byggingareftirlits telur þetta stangast á við lög um opinber innkaup nr. 84/2007 og einnig Leiðbeiningarrit um kaup á ráðgjöf sem gefið var út af fjármálaráðuneytinu í maí 2002 og staðfest var af þáverandi fjármálaráðherra, Geir Haarde. Mælst er sérstaklega til í inngangi ritsins að farið verði eftir þessum leiðbeiningum, en hvernig er það hægt ef úrskurðarnefndin dæmir þær ómerkar og ólögmætar? Opinber innkaup heyra undir fjármálaráðherra sem fer með framkvæmd þeirra og því hlýtur ráðuneytið að grípa til skjótra aðgerða varðandi þennan úrskurð. Fjöldi ráðgjafarverkefna eru bæði í auglýsingu og á samningsstigi um allt land í dag. Nákvæmlega sama aðferðafræði er notuð við val á ráðgjöfum og var hafnað af kærunefnd í úrskurði í máli nr. 20/2007. Ljóst er að þessi úrskurður er fordæmisgefandi og verða opinberir aðilar að breyta þeim starfsháttum við val ráðgjafa sem hingað til hafa verið viðhafðir og fengið blessun Ríkiskaupa og fjármálaráðuneytisins. Skv. lögum um opinber innkaup nr. 84/2007 gr. 98 þá er hægt að höfða dómsmál til ógildingar á úrskurðum kærunefndar útboðsmála en þar segir: Nú vill kærandi, varnaraðili eða annar aðili sem lögvarinna hagsmuna á að gæta ekki una úrskurði kærunefndar útboðsmála og getur hann þá höfðað mál til ógildingar hans fyrir dómstólum. Mál skal höfðað innan sex mánaða frá því að aðilinn fékk eða mátti fá vitneskju um ákvörðun kærunefndar. Engar ákvarðanir hafa verið teknar að hálfu Hafnarfjarðarbæjar um að höfða mál til ógildingar úrskurði kærunefndar útboðsmála, en staðan er að engu síður áhugaverð og þarf vandlegrar skoðunar við áður en næstu skref verða tekin. Það er þó álit lögfróðra að kærunefndin hafi ekki heimild til að úrskurða um annað en þær kröfur sem lagðar voru inn til hennar og hún hafi ekki sjálfstæða heimild til að úrskurða um mál sem ekki eru lögð fyrir hana. Sú niðurstaða kærunefndarinnar að ákvörðun kærða, Hafnarfjarðarbæjar, um hæfnismat í útboðinu, falli ekki innan úrskurðarheimilda kærunefndar sé því haldinn slíkum formgalla að komi til þess að málið verði kært áfram verði framangreindur úrskurður felldur úr gildi. Kærunefndin hefði átt að láta sér nægja að vísa kröfum kærenda frá með vísan til kröfugerðar. Afar mikilvægt er að verkfræðingar og tæknifræðingar, ásamt lögfræðingum og aðrir þeir sem standa að kaupum á ráðgjöf og vali á ráðgjöfum, viti hvernig þeir eigi að standa að málum án þess að eiga von á kærum og töfum af hálfu stjórnvalds sem veit ekki í hvorn fótinn það á að stíga. Við verðum að fá skýrari reglur sem fjármálaráðuneytið og kærunefnd útboðsmála staðfesta að unnið skuli eftir af verkkaupum og opinberum aðilum. Erfitt er að átta sig á niðurstöðu kærunefndar því að í einu orði má þetta en í öðru er það bannað. Leiðbeiningarrit um kaup á ráðgjöf sem gefið var út af fjármálaráðuneytinu í maí 2002 og var áður nefnt er úrelt rit sem heldur ekki, a.m.k. ekki gagnvart þessum úrskurði og verður að krefjast þess að fjármálaráðuneytið sendi frá sér yfirlýsingu um breyttar forsendur við kaup á ráðgjöf og val á ráðgjöfum. Jón Sigurðsson, byggingartæknifræðingur, verkefnisstjóri byggingareftirlits hjá Hafnarfjarðarbæ. Verkfræðideild Háskóla Íslands: Tvær alþjóðlegar ráðstefnur Um mánaðamótin ágúst-september verður haldin í Reykjavík 11. alþjóðaráðstefnan um hita- og kæliveitur (The 11th International Symposium on District Heating and Cooling). Ráðstefnan er skipulögð af Verkfræðideild Háskóla Íslands í samvinnu við Norrænar orkurannsóknir og Samorku. Sjá nánar Um miðjan ágúst verður haldin stór alþjóðleg ráðstefna um varma- og straumfræði (19th International Symposium on Transport Phenomena). Ráðstefnan er skipulögð af Verkfræðideild Háskóla Íslands. Sjá nánar Umhverfisvænn þakdúkur fyrir íslenskar aðstæður

8 / VERKTÆKNI Sjávarfallavirkjun á Breiðafirði? Geir Guðmundsson verkfræðingur og verkefnisstjóri hjá Nýsköpunarmiðstöð Íslands flutti nýverið erindi á Samlokufundi VFÍ og TFÍ. Í fyrri hluta erindis síns fjallaði Geir almennt um virkjun sjávarfalla og þá tækni sem notuð er og er í þróun. Í seinni hlutanum beindi hann sjónum hingað heim og sagði frá stöðu verkefnis sem snýr að rannsóknum á virkjun sjávarfalla í Breiðafirði. Sjávarfallaorka Hægt er að virkja sjávarföll með tvennum hætti. Annars vegar með því að stífla sund og firði og virkja þannig hæðarmun sjávarfalla, hins vegar með því að virkja hreyfiorku straumsins þegar sjávarföll þrýsta sér í gegnum sund og þrengingar. Stíflurnar hafa oft neikvæð umhverfisáhrif og skaða lífríkið. Bretar hafa lengi haft áform um að virkja við ósa árinnar Severn en í dag yrði slík virkjun mjög umdeild vegna mikilla umhverfisáhrifa. Dæmi um sjávarfallavirkjanir í rekstri sem byggja á stíflum er 240 MW virkjun í La Rance í Frakklandi og 18 MW virkjun í Fundry Bay í Kananda. Til eru nokkrar tegundir straumvirkjana allt eftir gerð hverflanna. Þegar skrúfuhverflar eru notaðir er snúningsásinn í stefnu straumsins. Í gegnumstreymishverflum er snúningsásinn þvert á straumstefnuna, ýmist lóðrétt eða lárétt. Einnig eru til svokallaðar skötuvirkjanir en sú tækni byggir á vængjum sem hreyfast í straumnum. Frumgerð að skötuvirkjun var reynd í Skotlandi árið 2002 en óvíst er um framtíð þeirrar tækni. Einnig hefur verð prófuð tækni þar sem eins konar hákarlsuggi sveiflast til hliðanna og tekur upp orku sjávarstraumsins. Dæmi um tilraunavirkjun þar sem notaðir eru skrúfuhverflar er við Kvalsund, nálægt Hammerfest í norður Noregi. Þar var tilraunahverfli komið fyrir á 50 metra dýpi í 400 metra breiðu sundi. Þar er meðal straumhraði 1,8 m/sek og mesti straumhraði 2,5 m/sek. Víða er unnið að tilraunum með straumvirkjanir. Marine Current Turbines í Bretlandi er um þessar mundir að setja upp 1.2 MW virkjun í Strangford Lough á Norður Írlandi þar sem notaðir eru skrúfuhverflar og prófanir á frumgerðum af nýjum virkjunum standa yfir hjá European Marine Energy Center á Orkneyjum. Gorlov hverflar Svokallaðir Gorlov gegnumstreymishverflar hafa vakið nokkra athygli og lofa góðu. Um er að ræða nýtt afbrigði af Darrieus hverflum sem eykur nýtnina úr 23% í 35%. Auk meiri nýtni þá er hönnunin ódýr. Hverfillinn snýst alltaf í sömu átt Geir Guðmundsson. óháð stefnu straums og því hentar hann vel fyrir sjávarfallastrauma og hvorki titringur né þreytubrot hafa komið fram sem var vandamál í fyrirrennara hans. Þá þolir Gorlov hverfillinn meiri straumhraða en skrúfuhverflar. Kostir virkjana með Gorlov hverflum eru meðal annars að hægt er að hafa þær alveg í kafi og því hægt að sigla yfir þær og áhrifa veðurs gætir lítið. Allt bendir til að þær hafi lítil áhrif á lífríkið. Röstin er á við 100 Ölfusár Breiðafjörður er talinn hagkvæmasti kosturinn til virkjunar sjávarfalla á Íslandi. Þar er mesti hæðarmunur flóðs og fjöru hér á landi, getur orðið yfir 5 metrar, og mikill fjöldi eyja og skerja mynda þröng sund sem sjávarföllin þröngva sér í gegnum. Hvammsfjörður er 350 ferkílómetrar að flatarmáli og flóðhæð um 2,5 metrar í stórstreymi en 1 metri í smástreymi. Sterkir straumstrengir myndast í Röstinni inn í Hvammsfjörðinn en 80-90% af streyminu inn í fjörðinn er í gegnum hana. 875 milljón rúmmetrar af sjó flæða um mynni fjarðarins á 6,2 tímum eða tæplega 40 þúsund rúmmetrar á sekúndu í stórstreymi að meðaltali, sem jafnast á við rennsli 100 Ölfusáa. Til samanburðar þá er heildar ferskvatnsrennsli á Íslandi metið vera um 5 þúsund rúmmetrar á sekúndu. Hagkvæmnin Straumhraðinn er lykilatriði þegar hagkvæmni straumvirkjana er metin. Aflið, og þar með orkan, vex í þriðja veldi við straumhraðann. Fjárfesting á kílówattstund er háð straumhraða í 1,5 2 veldi. Tvöföldun í straumhraða þýðir 3-4 sinnum meiri fjárfestingu en hins vegar áttfaldast aflið. Fjárfesting á uppsett afl lækkar því með auknum straumhraða og framleiðslukostnaður snarlækkar sömuleiðis. Flestar áætlanir um sjávarfallavirkjanir gera ráð fyrir hámarksstraumhraða á bilinu 2,5-4 m/sekúndu. Miðað við núverandi og fyrirsjáanlega tækni er gert ráð fyrir að framleiðslukostnaður sé frá 4-10 krónum á kílówattstundina en fari lækkandi. Til samanburðar er framleiðslukostnaður rafmagns á Íslandi 1,7 2,5 krónur á kílówattstundina. Því er ljóst að sjávarfallavirkjanir eru ekki samkeppnishæfar hér á landi ef hámarks straumhraðinn er 2,5 4 metrar á sekúndu. Orkan í Breiðafirðinum Eins og áður sagði er straumhraðinn lykilatriði en einnig skiptir stærð virkjanlegs svæðis máli, þ.e. þverskurðarflatarmál fljótsins. Engar áreiðanlegar upplýsingar eru um straumhraða í Breiðafirði en hann er sagður vera frá 4 upp í 10 metrar á sekúndu. Mesti straumhraði í stórstreymi hefur mælst um 13 hnútar, eða 6-7 m/sek. Mjög erfitt er að segja til um magn orkunnar fyrr en ítarlegar mælingar liggja fyrir og gerð hafa verið tölvulíkön. Árið 2001 var stofnað fyrirtækið Sjávarorka ehf. í Stykkishólmi. Markmiðið

9 verktækni / er að kanna möguleika á virkjun sjávarfalla í Breiðafirði og hafa forystu um virkjun. Gerðar hafa verið dýptar- og straummælingar og kort af svæðinu. Verkfræðistofan Vista og Sjómælingasvið Landhelgisgæslunnar hafa unnið að mælingum á straumhraða og dýpt. Verkfræðistofan VST, nú VST-Rafteikning, hefur gert sjávarfalla- og straumfræðilíkan af væntanlegu virkjanasvæði og því verki er að ljúka. Sjávarorka ogiðntæknistofnun, forveri Nýsköpunarmiðstöðvar, hafa sótt um styrk til Tækniþróunarsjóðs en ekki fengið. Hugmyndir Sjávarorku Fyrstu hugmyndir Sjávarorku voru að leggja brú yfir utanverðan Hvammsfjörð og hafa hverfla frá Blue Energy neðan í brúnni. Horfið var frá þeirri hugmynd vegna umhverfisástæðna og lélegrar orkunýtingar Darrius hverfla sem ætlunin var að nota. Nú ganga hugmyndir út á að virkja alfarið neðansjávar og dreifa hverflum um svæðið. Gert er ráð fyrir að virkjanagarðurinn yrði byggður upp í áföngum yfir lengri tíma. Ýmsir óvissuþættir eru í verkefninu. Þeir helstu eru óræður fjárfestingarkostnaður og tæknilega er þessi möguleiki ekki sannprófaður. Einnig er straumhraðinn mikill og lítið dýpi þar sem hann er mestur. Þá eru áhrif á lífríkið óviss. Ljóst er að miklar sveiflur yrðu í framleiðslunni á sex tíma fresti og milli daga og erfitt að selja svo ótrygga orku. Því er nauðsynlegt að jafna sveiflurnar út með vatnsaflsvirkjunum eða finna leiðir til að geyma orku í miklu magni. Erlendis eru algengar svokallaðar pumped storage sem er vatnsaflsvirkjun sem getur dælt vatni upp í uppistöðulón þegar umframorka er í raforkukerfinu og virkjað vatnsfallið þegar eftirspurnin er meiri. Slík dæluvirkjun gæti t.d. verið reist við hlið Sigölduvirkjunar. Þrátt fyrir þá óvissuþætti sem hér hafa verið nefndir sagði Geir að það væri sjálfsagt að halda áfram að prófa og rannsaka þá kosti sem eru í stöðunni og bjóða erlendum fyrirtækjum og stofnunum að taka þátt í verkefninu. Í deiglunni er líka að koma á fót samstarfsvettvangi allra aðila á Íslandi sem tengjast rannsóknum á virkjun sjávarorku, þ.e. sjávarfalla-, öldu- og seltuorku. Spurt var um möguleika á virkjun við Borgarfjarðarbrúna og í Gilsfirði. Geir sagði að Gilsfjörður hafi verið skoðaður,þá sem stífluvirkjun, en telja megi fullvíst að áhrif á lífríki yrðu umtalsverð. Bretar standa framarlega Um miðjan aprílmánuð stóðu breska sendiráðið, Nýsköpunarmiðstöð Íslands, Iðnaðarráðuneytið og Orkuveita Reykjavíkur fyrir málþingi um nýjungar í endurnýjanlegri orku. Þar fjallaði Geir um möguleika á virkjun sjávarfalla á Íslandi og hugsanlegar ölduvirkjanir í framtíðinni. Sue Whitbread frá ráðgjafafyrirtækinu PWX Limited kynnti hvað er að gerast í öldu- og sjávarfallavirkjunum í Bretlandi og stefnu stjórnvalda þar í landi að auka mjög hlut endurnýjanlegra orkugjafa. Bretar horfa mikið til sjávarorku og telja að hún gæti annað allt að 20% af raforkuþörf Breta. Bretar eru leiðandi í heiminum í þróun virkjanatækni fyrir öldur og sjávarstrauma og kynnti Sue möguleika á tæknisamstarfi milli landanna þar sem Ísland sé mjög áhugaverður kostur fyrir virkjun sjávarfallaog ölduorku. Í kjölfar málþingsins átti Sue Whitbread fund með Iðnaðarráðuneytinu þar sem rætt var um möguleika á samstarfi á sviði orkurannsókna, ekki bara rannsóknir á sjávarorku, heldur einnig annarra lausna og hugmynda sem eru í þróun hérlendis. Áhugaverðir vefir fyrir þá sem vilja kynna sér betur virkjun sjávarfalla: Eini staðurinn Í lok fundarins voru fyrirspurnir. Þá kom fram að aðrir staðir en Breiðafjörðurinn koma varla til greina hér á landi því það er einfaldlega ekki nægur straumhraði annars staðar. Um framhald verkefnisins í Breiðafirði sagði Geir að Sjávarorka vinni nú að því að fá rannsóknaleyfi fyrir virkjun sjávarfalla í Breiðafirði og muni bráðlega kynna fyrstu niðurstöður rannsókna undanfarinna ára. Einnig eru hugmyndir um að leita til erlendra fyrirtækja þróa sjávarfallavirkjanatækni um að prófa frumgerðir af virkjunarbúnaði í Breiðafirði og rannsaka þá í leiðinni umhverfisáhrif slíkra virkjana. Guðmundur Oddur, eða Goddur, við altaristöfluna sem sýnir leyndarmálið út á hvað ímyndir ganga./ Ljósm. Gunnar Torfason. Ímynd verkfræðinga Guðmundur Oddur Magnússon, prófessor í grafískri hönnun við Listaskóla Íslands var nýlega gestur á morgunverðarfundi Kvennanefndar VFÍ. Umfjöllunarefnið var ímynd verkfræðinga. Á fundinum uppljóstraði hann leyndarmálinu út á hvað ímyndir almennt ganga. Það er óhætt að segja að Goddur, eins og hann er jafnan kallaður, hafi verið skemmtilegur og náð að hrista upp í þeim sem hlustuðu. Ríflega 40 manns sóttu fundinn.

10 Af kjaramálum SV og KTFÍ Staða kjarasamninga Kjarasamningsviðræður tæknifræðinga og verkfræðinga við ríkið standa yfir og hefur lítið miðað. Nokkur stéttarfélög háskólamenntaðra hafa vísað viðræðunum til Ríkissáttasemjara og eru viðræður hafnar undir verkstjórn hans. Enn er óljóst hvaða stefnu viðræður við ríkið taka í því óvissuástandi sem ríkir. Samninganefnd SV og KTFÍ mun halda sínu striki í viðræðunum. Viðræður við ohf fyrirtækin og sambærileg eru hafnar þar á meðal við Orkuveitu Reykjavíkur. Það miðar hægt í viðræðum við Orkuveituna þrátt fyrir reglulega fundi. Kjarakönnun SV Þátttaka í kjarakönnun Stéttarfélags verkfræðinga 2008 varð í ár hin sama og liðin tvö ár eða um 420 svör. Það var nauðsynlegt að ná þessum árangri til að könnunin nýtist sem verkfæri í upplýsingagjöf til félagsmanna varðandi kjör þeirra í launaviðtölum eða við samningaborðið. Einnig var nauðsynlegt að geta lokið könnuninni í apríl til að niðurstöður lægju fyrir undir lok maí. Við stefnum einörð að því að niðurstöður kjarakönunarinnar birtist á heimasíðu félagsins í lok þessa mánaðar. Við þökkum verkfræðingum fyrir þátttökuna og að bregðast vel við. Efni í Árbók VFÍ/TFÍ Ráðgert er að gefa út Árbók VFÍ/TFÍ 2008 í nóvember næstkomandi. Efni í hana þarf að berast tímanlega. Menn eru vinsamlega beðnir um að hafa eftirfarandi í huga: Vísindagreinar VFÍ og TFÍ er mikið kappsmál að á Íslandi sé gróska í tækniframförum og áhugi félagsmanna á vísindum sem mestur. Árbókin er réttur vettvangur fyrir tækni- og vísindagreinar félagsmanna og eru þeir hvattir til að senda greinar í Árbókina. Vísindamönnum er gefinn kostur á að fá birtar eftir sig ritrýndar greinar og eru þær ritrýndar af tveimur sérfræðingum á því sviði sem vísindagreinin nær til. Greinar fást ekki birtar nema þeir telji þær birtingarhæfar sem ritrýndar. Þessar greinar jafngilda vísindagreinum sem fást birtar í virðulegum erlendum tímaritum. Þættir úr sögu félaganna Fróðlegt væri að fá frásagnir af mönnum og málefnum frá fyrri tíð er varða tækni eða sögu félaganna. Kynning fyrirtækja og stofnana Í Árbókinni er kafli þar sem fyrirtæki og stofnanir fá tækifæri til að gefa yfirlit um starfsemi sína og segja frá markverðum atburðum með tilliti til verkfræði og tæknifræði í víðum skilningi. Auglýsingar Hægt er að nálgast tæknimenn á einfaldan hátt í Árbók VFÍ/TFÍ. Markhópurinn er skýr og afmarkaður og auðvelt að koma skilaboðum til hans. Vörumerki - lógó Þeir sem aðeins vilja minna á sig birta gjarnan vörumerki sitt í Árbókinni. Styrktarlínur Styrktarlínur eru vel þegnar. Vinsamlegast gangið frá tækni- eða vísindagreinum sem allra fyrst og alls ekki síðar en í júní næstkomandi. Sömuleiðis er æskilegt að kynningargreinar eða auglýsingar berist sem fyrst. Blaðsíðufjölda Árbókarinnar er haldið innan vissra marka og er því takmarkað rými fyrir greinar. Því má segja: Fyrstir koma, fyrstir fá. Allar nánari upplýsingar veitir Ragnar Ragnarsson, ritstjóri Árbókarinnar. Heimasími/fax: GSM: Tölvupóstfang: rara@simnet.is Einnig er hægt að hafa samband við skrifstofu VFÍ og TFÍ sem kemur skilaboðum til ritstjóra. Ragnar Ragnarsson, ritstjóri Árbókar VFÍ/TFÍ. Hærri styrkir hjá sjóðum SV Vísinda- og starfsmenntunarsjóður hjá Ríki Á stjórnarfundi þann 15. apríl sl., var ákveðið að hækka hámarksstyrk í kr Réttur til styrks vex því um kr á ári þar til hámarksréttindum er náð. Einnig var ákveðið að hækka tölvustyrk í kr Skilyrt er að minnst fjögur ár líði á milli styrkveitinga til tölvukaupa. Umsóknir eru teknar fyrir á stjórnarfundum sem haldnir eru reglulega, að jafnaði síðasta miðvikudag mánaðanna mars, júní, september og um miðjan desember. Umsóknareyðublöð má nálgast á heimasíðu SV ( Valin er stikan Vísindasjóður, vinstra megin. Styrkir eru veittir til að sækja námskeið og ráðstefnur, til kaupa á bókum o.fl. Aðild að sjóðnum eiga verkfræðingar sem starfa hjá ríkinu. Starfsmenntunarsjóður hjá Reykjavíkurborg og sveitarfélögum Á stjórnarfundi Starfsmenntunarsjóðs SV þann 23. apríl sl., var ákveðið að hækka hámarksstyrk í kr Réttur til styrks vex því um kr á ári þar til hámarksréttindum er náð. Einnig var ákveðið að hækka tölvustyrk í kr Þeir sem ekki hafa fengið tölvustyrki áður, hafa forgang að þessum styrkjum. Styrkirnir eru tengdir afkomu sjóðsins þannig að aðrar umsóknir hafa forgang. Umsóknir eru afgreiddar á stjórnarfundum sem haldnir eru reglulega, að jafnaði síðasta föstudag mánaðanna mars, júní, september og um miðjan desember. Vakin er athygli á því að þeir verkfræðingar sem starfa hjá sveitarfélögum sem gefa Launanefnd sveitarfélaga umboð til samninga við SV eiga aðild að sjóðnum. Umsóknareyðublöð má nálgast á heimasíðu SV, Valin er stikan Starfsmenntunarsjóður vinstra megin. Styrkir eru veittir til að sækja námskeið og ráðstefnur, til kaupa á bókum, tölvum o.fl. Upphæð tölvustyrkja er að hámarki kr Aðild að sjóðnum eiga verkfræðingar sem starfa hjá Reykjavíkurborg eða öðrum sveitarfélögum. Danfoss tengigrindur Fyrir neysluvatns-, ofnhita-, gólfhitaog snjóbræðslukerfi og fl. Sérhannaðar fyrir íslenskar aðstæður Áratuga reynsla stjórnbúnaðar við íslenskar hitaveituaðstæður Við erum leiðandi í hönnun og framleiðslu á stjórnbúnaði og tengigrindum fyrir hitakerfi Danfoss stjórnbúnaður fyrir hitakerfi fæst í öllum helstu lagnaverslunum landsins Danfoss hf Skútuvogi Reykjavík Sími

11 Lið vél- og orkutæknifræðinema HR sem sigraði í hönnunarkeppni verkfræðideildar HÍ í febrúar TÆKNIFRÆÐI VIÐ HR HAGNÝTT NÁM - FRÁBÆR ATVINNUTÆKIFÆRI Boðið er upp á nám í Rafmagnstæknifræði Rafmagnstæknifræði er spennandi og einkar víðfermt hátæknisvið. Starfssvið rafmagnstæknifræðinga er fjölbreytt, hvort heldur sem unnið er við hönnunarverkefni, framkvæmdir eða stjórnun og eftirlit. Vél- og orkutæknifræði Námið byggist á bóklegum námskeiðum og vinnu nemenda í raunhæfum verkefnum í tengslum við véla- og orkuiðnað, m.a. undir leiðsögn sérfræðinga úr atvinnulífinu. Starfssvið vél- og orkutæknifræðinga er fjölþætt, s.s. störf við stjórnun, eftirlit, ráðgjöf, hönnun og þróun. Byggingartæknifræði Í byggingartæknifræði er fengist við hönnun mannvirkja og framkvæmdir á borð við húsbyggingar, vegagerð og virkjanir. Flestir byggingartæknifræðingar starfa sem hönnuðir á verkfræðistofum eða sem stjórnendur byggingarframkvæmda hjá verktakafyrirtækjum eða sveitarfélögum. Tökum við umsóknum núna Kynntu þér námið á

12 12 / VERKTÆKNI Hraðvirk myndgreining með NI Vision Builder AI Vision Builder for Automated Inspection (AI) frá NI er nú útbúinn með hinni frábæru hugbúnaðarstöðuvél sem gerir myndgreiningarforritun og gangsetningu myndvinnslukerfa auðveldari en nokkru sinni. Og, nú er hægt að tengjast öðrum iðnaðarstjórnkerfum og skiptast á upplýsingum. NÝTT Vision Builder AI n n n Tölvusjón sett upp af valmyndum Engin forritun nauðsynleg Tengingar við þúsundir myndavéla Þjónustuaðili á Íslandi Mælibúnaður hf Höfðabakki 9c 110 R sala@maelibunadur.is n s Ísmar með GPS gagnaveitu Í marsmánuði tók Ísmar formlega í notkun svokallað VRS kerfi (Virtual Reference System), sem er GPS gagnaveita sem þjónar suðvesturhorni landsins. Kerfið byggir á fjórum föstum GPS stöðvum á Selfossi, Keflavíkurflugvelli, Borgarnesi og í Reykjavík. Gagnaveitan þjónar einkum framkvæmdaaðilum við mælingar fyrir mannvirkjum auk hefðbundinna landmælinga s.s. vegna landamerkja, kortagerðar o.fl. Kerfið er byltingarkennt að því leyti að hvar sem er á svæðinu er hægt að komast í samband við móðurtölvu í gegnum GPRS kerfi símafélaganna og fá leiðréttingagögn í rauntíma frá stöðvum kerfisins. Þetta gerir mögulegt að mæla fyrir vegum og öðrum mannvirkjum með allt að eins sentímetra nákvæmni. VRS kerfið getur sparað notendum umtalsverða fjármuni því það kemur í staðinn fyrir viðmiðunarstöð sem framkvæmdaaðilar og aðrir hafa hingað til þurft að kaupa til að vinna á móti GPS mælistöðvum. Víða erlendis eru VRS kerfi notuð og jafnvel heilu löndin vædd slíkum kerfum. Má til dæmis nefna Danmörku þar sem umboðsaðili Trimble hefur rekið slíkt kerfi í nokkur ár. Þar í landi er nú litið á slíkar gagnaveitur sömu augum og rafmagns-, síma- eða vatnsveitur og eru hluti af almennu þjónustukerfi. Í fréttatilkynningu frá Ísmar segir að sökum smæðar markaðarins hér sé í talsvert mikið ráðist af hálfu fyrirtækisins að setja upp slíkt kerfi. Ísmar hafi til margra ára verið leiðandi í landmælingatækni og annarri hátæki fyrir framkvæmdaaðila. Kristján L. Möller samgönguráðherra við opnun kerfisins. Flestir sem nýti sér slíka tækni á annað borð hérlendis, séu viðskiptavinir fyrirtækisins. Því hafi þótt eðlilegt að bæta þessu kerfi við aðra þjónustu fyrirtækisins. Til viðbótar við kerfið á suðvesturhorni landsins, hefur Ísmar sett upp sjálfstæða stöð á Akureyri til að þjóna því svæði og eru fleiri stöðvar á vegum fyrirtækisins í farvatninu. Öllum þessum stöðvum er stjórnað frá tölvukerfi sem Ísmar hefur sett upp og keyrir mjög fullkominn hugbúnað frá Trimble. Hugbúnaður þessi ræður við mun stærra kerfi en nú er lagt upp með. Segir það sína sögu um áform fyrirtækisins í uppbyggingu kerfisins á landsvísu. Sérhæfingu Ísmar í nútíma landmælingatækni má rekja aftur til ársins 1986 þegar fyrirtækið varð umboðsaðili hér á landi fyrir Trimble, sem er stærsti framleiðandi búnaðar á þessu sviði í heiminum. Trimble býður breiða línu búnaðar, hvort heldur er fyrir jarðvísindamenn, landmælingamenn, sveitarfélög eða verktaka. >> Fáið 30 daga reynsluútgáfu hjá ni.com/vision/vbai 2008 National Instruments Corporation. All rights reserved. National Instruments, NI, and ni.com are trademarks of National Instruments. Other product and company names listed are trademarks or trade names of their respective companies

13 GRUNNNÁM VIÐ TÆKNI- OG VERKFRÆÐIDEILD HR Tækni- og verkfræðideild HR býður upp á grunnnám í TÆKNIFRÆÐI BSc í byggingartæknifræði BSc í rafmagnstæknifræði BSc í vél- og orkutæknifræði VERKFRÆÐI BSc í fjármálaverkfræði BSc í hátækniverkfræði BSc í heilbrigðisverkfræði BSc í rekstrarverkfræði Nám í tæknifræði og verkfræði hefur löngum verið verðmætt veganesti þeirra sem vilja starfa í fremstu víglínu atvinnulífsins. Vægi tæknináms er sífellt að aukast og á tæknimenntað starfsfólk afar stóran hlut í velgengni margra íslenskra fyrirtækja á alþjóðamarkaði. Innan tækni- og verkfræðideildar eru tæknifræði og verkfræði byggðar upp sem sjálfstæðar greinar í grunnnámi og halda með því móti sérkennum sínum. Tækni- og verkfræðideild er stærsta deild Háskólans í Reykjavík og ein stærsta háskóladeild landsins. Deildin leggur áherslu á framúrskarandi kennslu, öflugar rannsóknir og sterk tengsl við atvinnulífið. Fræðimenn tækni- og verkfræðideildar hafa þegar markað spor sín í vísindasamfélagið og nemendur deildarinnar eru þekktir á atvinnumarkaði fyrir trausta undirstöðu og víðtæka faglega þekkingu. Umsækjendur í grunnnám í tæknifræði og verkfræði þurfa að hafa lokið stúdentsprófi eða hafa sambærilega menntun og með haldgóða þekkingu í stærðfræði, raungreinum, íslensku og ensku. Miðað er við að nemandi hafi lokið a.m.k. 21 einingu í stærðfræði og 6 einingum í eðlisfræði. Umsóknarfrestur er til 30. maí Kynntu þér námið á

14 Sími: Skútuvogi 6 - Sími Suðurlandsbraut 4, 108 Reykjavík Sími , fax Vefsíða Netfang fjarhitun@fjarhitun.is Stórhöfða Reykjavík Sími: Fax: fjolhonnun@fjolhonnun.is Súðarvogi Reykjavík Sími Fax fjoltaekni@fjoltaekni.is Iðnaðar- og eldvarnarhurðir Ármúla 42, 108 Rvk. S: glofaxi@simnet.is HITAVEITA SUÐURNESJA HF. Ármúla Reykjavík Sími: Fax: hitastyring@hitastyring.is Pósthólf Reykjanesbær S: F: hs@hs.is Netf. forst.: julius@hs.is hnit@hnit.is, Suðurlandsbraut 4a 108 Reykjavík Sími Fax lh@lh.is Keldnaholti 112 Reykjavík Norðurslóð 600 Akureyri Suðurgötu 12, 400 Ísafirði Sími , bréfsími Grenásvegi 1, 108 Reykjavík Sími / Fax: mannvit@mannvit.is / Stangarhyl 1A 110 Reykjavík Sími Fax rafstjorn@rafstjorn.is Virkni loftræstikerfa er okkar fag STJÓRN- OG EFTIRLITSKERFI LOFTRÆSISAMSTÆÐUR - LOFTRÆSIBÚNAÐUR Kirkjuvegi 23 Vestmannaeyjum Verkfræ istofa Sími Jóhanns tpzp@eyjar.is Indri asonar Sí umúla Reykjavík Sími SÍMI: FAX: varmi@varmi.is Austurvegi Selfoss Sími Fax verksud@verksud.is Bíldshöfða 14 sími: Grenásvegi 1, 108 Reykjavík Sími / Fax: mannvit@mannvit.is /

15

16 bmvalla.is argus Tíminn vinnur með okkur Hjá BM Vallá er samankomin áratugareynsla og þekking í framleiðslu fyrir íslenska byggingaraðila. Nú hafa Smellinn húseiningar bæst í hóp þeirra lausna sem BM Vallá býður viðskiptavinum sínum og úrvalið aldrei verið meira og valið einfaldara BM Vallá. smellinn FORSTEYPT EININGAHÚS :: bmvalla.is