ÁRSSKÝRSLA annual report SAMEINUMST Í ÞÁGU BARNA

Transcription

1 ÁRSSKÝRSLA 2010 annual report SAMEINUMST Í ÞÁGU BARNA

2 Barnahjálp Sameinuðu þjóðanna, UNICEF, var stofnuð árið 1946 og hefur starfsemi samtakanna vaxið jafnt og þétt á þessum rúmlega sex áratugum. Samtökunum var í fyrstu ætlað að hjálpa börnum í Evrópu eftir síðari heimsstyrjöldina en þau standa í dag vörð um líf barna í nær 160 löndum. UNICEF sinnir bæði neyðaraðstoð og langtímaþróunaraðstoð og starfar ætíð með hag barna að leiðarljósi. Árið 1965 fékk UNICEF friðarverðlaun Nóbels og svo aftur árið 2001 sem stofnun innan vébanda Sameinuðu þjóðanna. UNICEF Í STUTTU MÁLI Forgangsatriði UNICEF eru: Lífsafkoma og þroski ungra barna að sjá til þess að yngstu börnin komist vel af stað í lífinu, veita börnum lífsnauðsynlegar bólusetningar og aðra heilsugæslu. Menntun og jafnrétti að veita öllum börnum, jafnt stúlkum sem drengjum, góða grunnmenntun og ýta undir jafnrétti kynjanna. HIV/alnæmi að fyrirbyggja HIV-smit, veita smituðum börnum umönnun og sjá til þess að börn, sem orðið hafa munaðarlaus af völdum alnæmis, fái stuðning og vernd. Barnavernd að stuðla að öruggu umhverfi fyrir börn, koma í veg fyrir að þau séu misnotuð, beitt ofbeldi eða vanrækt. Réttur barna og þátttaka að auka þátttöku barna í samfélaginu og fræðslu um réttindi þeirra. Forgangsatriðin fimm eru í samræmi við Þúsaldarmarkmið Sameinuðu þjóðanna um þróun (e. Millennium Development Goals) sem samþykkt voru á allsherjarþingi Sameinuðu þjóðanna árið Með markmiðunum er ætlast til að hægt verði að ná fram mælanlegum árangri í þróunaraðstoð fyrir árið Þar á meðal eru sett fram mikilvæg markmið um að draga úr barnadauða og tryggja öllum börnum grunnmenntun. Prentvinnsla: Oddi, umhvefisvottuð prentsmiðja UNICEF starfar þar sem þörfin er mest UNICEF treystir eingöngu á frjáls framlög einstaklinga, fyrirtækja og ríkisstjórna. Fjármunum UNICEF er ráðstafað eftir því hvar þörfin er mest hverju sinni. Þegar þörf er metin er meðal annars tekið tillit til tíðni ungbarnadauða og þjóðartekna í tilteknu landi en einnig er litið til þess hversu mörg börn eru vannærð, hversu mörg börn þurfa á bólusetningum að halda, hve mörg börn hafa misst foreldra sína, sérstaklega vegna HIV/alnæmis, og hve stór hluti íbúanna hefur ekki aðgang að hreinu vatni. Landsnefndir UNICEF eru nú 36 talsins, en þær sjá um fjáröflun og fræðslu um réttindi barna. Saman safna þær einum þriðja af heildarinnkomu UNICEF um heim allan. Landsnefnd UNICEF á Íslandi var stofnuð í mars 2004.

3 UNICEF/ Josh Estey EFNISYFIRLIT Frá stjórnarformanni... 4 Fjáröflun... 5 Innanlandsstarf... 9 Á vettvangi Fjármál Framlög íslenska ríkisins til UNICEF Overview of the year Við erum UNICEF á Íslandi... 18

4 UNICEF / Giacomo Pirozzi UNICEF / Marta Ramoneda Frá stjórnarformanni Mjög jákvæð þróun varð á starfi UNICEF á Íslandi á árinu Þrátt fyrir erfitt efnahagsástand heima fyrir skilaði UNICEF á Íslandi hærri framlögum til hjálpar bágstöddum börnum en nokkru sinni fyrr. Heimsforeldrum fjölgaði umtalsvert í afar vel heppnaðri fjáröflun á degi rauða nefsins og eru nú orðnir nærfellt talsins. Þetta eru rösk 5% af íslensku þjóðinni sem er einstakt þegar borið er saman við hlutfall reglulegra stuðningsaðila annarra landsnefnda UNICEF víða um heim. Á árinu var gert sérstakt átak til að bæta upplýsingamiðlun og samband UNICEF við heimsforeldrana sem eru sá sterki grunnur sem hjálparstarfið byggir á. Sannar gjafir er ný leið til fjáröflunar, sem kynnt var til sögunnar, auk þess sem haldið var áfram að kynna mikilvægi starfs UNICEF og réttindi barna á grunni Barnasáttmálans. Virkjun ungs fólks, samstarf við skóla, upplýsingamiðlun um réttindi og stöðu barna og aðhald gagnvart stjórnvöldum eru allt mikilvægir þættir í starfi UNICEF hér á landi. UNICEF á Íslandi er stolt af því að vera hluti af stærstu barnahjálparsamtökum heims samtökum sem breyta lífi milljóna barna á hverju ári. Í nærfellt 65 ár hefur UNICEF verið leiðandi í hjálparstarfi fyrir börn og samtökin starfa á vettvangi í hátt í 160 löndum. Á árinu 2010 dreifði UNICEF sem dæmi 2,3 milljörðum skammta af bóluefnum í 86 löndum og einn milljarður barna var bólusettur gegn taugaveiki. Það er ekki auðvelt að ná utan um svo stórar tölur og skilja jafnframt þær einstöku mannlegu aðstæður sem liggja að baki hjá hverju og einu barni. Sem skýrara dæmi um dýrmætan árangur sem náðst hefur í þróunaraðstoð og hjálparstarfi á síðustu tveimur áratugum má nefna tvennt: Með samstilltu átaki hefur tekist að fækka um þriðjung þeim börnum í heiminum sem deyja áður en þau ná 5 ára aldri. Hér spila margir þættir inn í, svo sem bólusetningar og 4 bætt heilsugæsla, malaríuvarnir og bætt menntun mæðra. Árangur hefur náðst í öllum heimshlutum einnig í sumum af fátækustu löndum heims. Mest hefur dregið úr barnadauða í norðurhluta Afríku og austurhluta Asíu. Gott dæmi er Malaví en landið er á góðri leið með að ná þúsaldarmarkmiðinu um að draga úr barnadauða um 2/3 á tímabilinu 1990 til En verkefnið hvað varðar barnadauða er enn gríðarlega brýnt. Hæsta tíðni barnadauða er sem fyrr í sunnanverðri Afríku þar sem eitt af hverjum átta börnum lætur lífið af fyrirbyggjanlegum ástæðum fyrir fimm ára aldur. Annað verulegt áhyggjuefni er hvað illa gengur að ná til þeirra barna sem allra verst eru stödd. Þessi hópur telur u.þ.b. fimmtung barna, sem búa í fátækustu löndunum og jafnvel mörgum þeirra ríkja sem betur eru stödd, og virðast enn verða eftir þrátt fyrir að meðaltalsþróunin sé í rétta átt. Stefna UNICEF er skýr í þessu efni og byggist á að leggja ofurkapp á að ná til þessa hóps og stuðla þannig að auknum jöfnuði í þessum samfélögum öllum til hagsbóta. Í öðru lagi er ánægjulegt að sjá hve mikill árangur hefur náðst hvað varðar aðgengi barna að menntun. Þrátt fyrir að börnum í heiminum sem þurfa á grunnmenntun að halda hafi fjölgað í heild voru 86 milljónir árið 2008 án grunnmenntunar í samanburði við 106 milljónir árið UNICEF einsetur sér að standa vörð um réttindi sérhvers barns hvar sem það kann að finnast og við hvers kyns aðstæður það kann að búa. Markmiðið er sannarlega háleitt en að sama skapi ófrávíkjanlegt. Fyrir hönd stjórnar UNICEF á Íslandi þakka ég þeim þúsundum Íslendinga sem styðja starfið mánaðarlega. Sömuleiðis fyrirtækjum og opinberum aðilum; öllu því góða fólki sem stutt hefur verkefni UNICEF með einstökum framlögum í formi fjármuna, aðstoðar eða vinnu og lagst á eitt við að gera þessa mikilvægu heimssýn að veruleika. Svanhildur Konráðsdóttir stjórnarformaður UNICEF á Íslandi

5 UNICEF / Roger LeMoyne UNICEF / Shehzad Noorani Fjáröflun Aðalhlutverk íslenskrar landsnefndar UNICEF er að afla styrkja til starfs samtakanna svo þau megi beita sér í þágu þeirra barna heimsins sem mest þurfa á stuðningi að halda. Árið 2010 gekk það verkefni vonum framar. Á aðalfundi UNICEF í maí 2011 fékk UNICEF á Íslandi viðurkenningu frá UNICEF alþjóðlega fyrir mestan vöxt framlaga árið Verðlaunin voru veitt í flokki smærri landsnefnda. Á liðnu ári sendi íslenska landsnefndin sem nam sex Bandaríkjadölum á hvern Íslending til hjálparstarfs. Fjáröflunarverkefni UNICEF eru af ýmsum toga og gegna heimsforeldrar þar lykilhlutverki. Árið 2010 var engin undantekning. Safnanir vegna neyðarstarfs á Haítí og í Pakistan settu óneitanlega einnig svip sinn á árið, auk þess sem verkefninu sönnum gjöfum var hleypt af stokkunum í desember. Hápunktur ársins var hins vegar án vafa dagur rauða nefsins, sjónvarpssöfnun þar sem áhorfendur fá meðal annars tækifæri til að kynnast börnum sem njóta góðs af verkefnum UNICEF. Fjölmargir einstaklingar og fyrirtæki réttu einnig bágstöddum börnum hjálparhönd með stuðningi sínum, að ógleymdum velgerðasjóðnum Auroru sem hélt áfram dyggum stuðningi við menntun barna í Síerra Leóne. Heimsforeldrar Heimsforeldraverkefnið er hjartað í starfsemi UNICEF á Íslandi. Fyrsta heimsforeldrið var skráð vorið 2004 og síðan þá hafa mörg þúsund Íslendingar slegist í hópinn. Í lok árs 2010 voru íslenskir heimsforeldrar talsins. Hér til hliðar má sjá upplýsingar um samsetningu hópsins. Mikilvægi heimsforeldra verður seint ofmetið og námu styrkir í gegnum heimsforeldraverkefnið 71,4% allra framlaga til UNICEF á Íslandi árið Einnig hefur sýnt sig að heimsforeldrar eru einkar gjafmildir þegar kemur að annarri fjáröflun UNICEF. Þannig bregst stór hluti heimsforeldra iðulega vel við þegar neyðarástand kemur upp og styður ötullega við neyðarsafnanir. Þá hefur undangenginn efnahagssamdráttur á Íslandi leitt í ljós að heimsforeldrar eru afar stöðugur styrktarhópur. Heimsforeldrar styrkja starf UNICEF með föstum mán - Virkir heimsforeldrar í árslok 2010 eftir skráningarári Konur Heimasíða Dagur rauða nefsins Heimsóknir Annað Netauglýsingar Fyrirtæki Virkir heimsforeldrar í árslok 2010 eftir kyni Karlar Nýir heimsforeldrar árið 2010 eftir skráningarleiðum 5

6 UNICEF / Roger LeMoyne UNICEF / Roger LeMoyne 6 aðar legum framlögum og í lok árs 2010 var meðalmánaðarframlag íslenskra heimsforeldra krónur. Alls bættust heimsforeldrar í hópinn á árinu (1.725 konur, 814 karlar og 16 fyrirtæki) og munar þar mest um manns sem skráðu sig á degi rauða nefsins. Aðrar skráningar komu meðal annars í gegnum netmiðla og götukynningu, þar sem gengið var í hverfi á höfuðborgarsvæðinu í þeim tilgangi að kynna UNICEF og þá sérstaklega heimsforeldraverkefnið. Á síðunni hér á undan má sjá skráningu nýrra heimsforeldra á árinu 2010 eftir mismunandi nýskráningarleiðum. Á Íslandi eru hlutfallslega flestir heimsforeldrar, eða rúm 5% prósent allra Íslendinga. Alls námu framlög heimsforeldra rúmum 210 milljónum á árinu og renna þeir fjármunir til langtímaþróunarverkefna UNICEF í þágu barna um allan heim. Á árinu 2010 voru bein samskipti við heimsforeldra aukin. Markmiðið er að leiða heimsforeldrum enn betur fyrir sjónir en hingað til hve mikilvægt framlag þeirra er. Hafa þau samskipti verið afar gefandi og starfsfólki UNICEF á Íslandi innblástur í starfi sínu. Söfnun vegna neyðaraðstoðar Árið 2010 varð heimurinn vitni að skelfilegum afleiðingum náttúruhamfara af óvenjulegri stærðargráðu, bæði á Haítí og í Pakistan. UNICEF á Íslandi leitaði í kjölfarið eftir stuðningi hjá almenningi á Íslandi til hjálparstarfs í þágu barnungra fórnarlamba hamfaranna. Íslendingar brugðust að venju vel við og styrktu neyðarstarf UNICEF í löndunum tveimur af örlæti. Nánar má lesa um afleiðingar þessara voðaatburða á bls 8. Velgerðasjóðurinn Aurora Aurora velgerðasjóður hefur á undangengnum árum styrkt umfangsmikið verkefni á sviði menntunar í einu af fátækustu ríkjum heims: Síerra Leóne. Í mars 2010 tilkynnti stjórn Auroru um þá ákvörðun að úthluta 40 milljónum til viðbótar til verkefnisins og hafði þar með ráðstafað alls 156 milljónum, að meðtöldum 36 milljónum króna sem stofnendur sjóðsins lögðu í byggingu 50 skóla í fátækustu héruðum landsins árið Fjöldi fullbúinna skóla hefur risið í krafti verkefnisins, á annað hundrað kennarar hafa hlotið viðeigandi menntun, samfélagið hefur verið virkjað með stofnun foreldrafélaga við skólana og mæðraklúbba og þannig mætti áfram telja. Ljóst er að saman hafa Aurora og UNICEF breytt lífi mörg þúsund barna á liðnum árum. Sannar gjafir Í desember var verkefninu sönnum gjöfum ýtt úr vör. Aðrar landsnefndir hafa nú um tveggja ára bil boðið upp á slíka styrktarleið undir heitinu Inspired Gifts og er það orðið fastur og mikilvægur þáttur í fjáröflun landsnefnda UNICEF. Um er að ræða fjáröflunarmöguleika þar sem fólki gefst kostur á að kaupa í gegnum vefverslun óvenjulega tækifærisgjöf; gjafir á borð við moskítónet, lyf við ormum í iðrum, bólusetningu gegn mislingum og fleira. Kaupandi gjafarinnar fær fallegt gjafakort til staðfestingar á því hvers konar hjálpargögn hafi verið keypt og í nafni hvers. Vörurnar sem keyptar eru á þennan hátt eru sendar frá vöruhúsi UNICEF í Kaupmannahöfn til barna um allan heim. Sannar gjafir eru einföld og áhrifarík leið til að kaupa gjöf og styðja við starfsemi UNICEF á skemmtilegan og gefandi hátt. Segja má að um nokkurs konar prufuverkefni hafi verið að ræða árið 2010 sem gefur góð fyrirheit um möguleika sannra gjafa. Alls söfnuðust krónur á þeim þremur vikum sem verkefnið var starfrækt árið Sala á jólakortum og gjafavörum Áralöng hefð er fyrir því að UNICEF á Íslandi selji jólakort, gjafavöru og leikföng í aðdraganda jólanna. Aðdráttar afl gjafanna frá UNICEF felst ekki einungis í hinu góða starfi sem styrkt er með kaupunum heldur eru vörurnar bæði vandaðar og fallegar. Jólakortin voru til sölu í verslunum Pennans Eymundsson, á pósthúsum Íslandspósts og í verslunum A4. Jólakort og gjafavara UNICEF var seld í bókabúð Máls og menningar. Í fyrsta sinn í sögu UNICEF á Íslandi framleiddi landsnefndin sérstök jólakort með íslenskri hönnun. Fjórir klárir krakkar, þau Vilhjálmur Yngvi Hjálmarsson, Drífa Atladóttir, Guðjón Viðarsson og Sigurbjörg Ásta Ólafsdóttir unnu með hönnuðunum Haraldi Civelek, Rán Flygenring, Ragnheiði Ösp Sigurðardóttur og Ragnari Frey Pálssyni að

7 UNICEF / Kristófer Lund UNICEF / Kristófer Lund Dagur rauða nefsins Stærsti viðburður ársins 2010 var án vafa dagur rauða nefsins. Þetta var í þriðja skiptið sem dagurinn var haldinn hátíðlegur á Íslandi og nú annað árið í röð. Árangurinn varð framar björtustu vonum. Aðalmarkmið dags rauða nefsins er að skrá nýja heimsforeldra og gengu hvorki fleiri né færri en um einstaklingar og fyrirtæki í hópinn. Auk þess seldust um trúðanef en sem fyrr voru nefin seld í verslunum Hagkaups og Bónuss auk útibúa Íslandsbanka. Einnig lögðu einstaka skáta- og íþróttafélög söfnuninni lið í fyrsta sinn með sölu nefjanna á fjölförnum stöðum. Hápunktur söfnunarátaksins var sjónvarpsútsending á Stöð 2 þann 3. desember. Margir af helstu skemmtikröftum landsins brugðu á leik auk þess sem áhorfendur fengu að kynnast aðstæðum barna í fátækari löndum heims og rétta fram hjálparhönd. Leikkonan Halldóra Geirharðsdóttir var áberandi fyrir og á meðan á átakinu stóð. Halldóra heimsótti verkefni UNICEF í Afríkuríkinu Úganda og hafði margar sögur að segja við heimkom una. Í þakkarbréfi til nýrra heimsforeldra eftir dag rauða nefsins sagði hún meðal annars: Í október síðastliðnum heimsótti ég Úganda í tengsl um við söfnunina. Í þessu gróðursæla og fallega Afríku ríki varð ég vitni að skelfilegum aðstæðum sem börn búa við í kjölfar stríðs. Stundum fylltist ég vonleysi en á sama tíma varð ég vitni að eldmóði og metnaði starfsfólks UNICEF á vettvangi. Víða er starf samtakanna börnum lífsbjörg og sem heimsforeldri tekur þú núna þátt í því. Fjöldi fólks átti þátt í að gera dag rauða nefsins að veruleika, þar á meðal leikarar, listamenn, kvik - myndatökufólk og starfsfólk samstarfsfyrirtækja UNICEF. Eiga allir þessir aðilar bestu þakkir skyldar. myndræn um hugmyndum að þessum fallegu kortum. Það má því segja að krakkarnir hafi verið listrænir stjórnendur verkefnisins. Allir þessir aðilar gáfu vinnu sínu við gerð kortanna og kann landsnefndin þeim bestu þakkir fyrir vel unnið starf. Alls seldust jólakort og gjafavara fyrir krónur á árinu Þar af eru rúmar tvær milljónir króna útistandandi sem krafa í þrotabú Bókabúðar Máls og menningar. Fyrirtækjasamstarf Að venju lögðu mörg íslensk fyrirtæki íslensku landsnefndinni lið árið Í flestum tilvikum var um að ræða styrki í formi ókeypis vöru og þjónustu eða afsláttar, en slík velvild skiptir miklu fyrir starf UNICEF á Íslandi og hjálpar við að halda rekstrarkostnaði lágum. Of langt mál væri að telja upp öll þau fyrirtæki sem árið 2010 sýndu UNICEF velvild með þeim hætti, en þó má sérstaklega nefna Prentsmiðjuna Odda sem prentar fréttabréf og ársyfirlit heimsforeldra endurgjaldslaust ásamt ársskýrslu landsnefndarinnar og fleira efni. Þá hafa Stöð 2 og Vodafone á Íslandi tekið þátt í degi rauða nefsins frá upphafi og hefur samstarfið við þessi fyrirtæki verið UNICEF á Íslandi bæði verðmætt og afar ánægjulegt. Loks má nefna Microsoft á Íslandi sem hefur haft milligöngu um allan hugbúnað án endurgjalds. Það sparar landsnefndinni umtalsverðan rekstrarkostnað. Nokkur fyrirtæki hafa svo staðið með beinum hætti að fjáröflunarverkefnum í samstarfi við landsnefndina og styrkt þannig verkefni UNICEF alþjóðlega. Fjáröflunarverkefni Te & Kaffi og UNICEF hélt áfram á árinu, en þar býðst fyrirtækjum að kaupa Fazenda da Lagoa gæðakaffi og styrkja um leið UNICEF um sem nemur hluta söluandvirðisins. Stefna framleiðenda kaffisins gengur út á stuðning við bændur, jafnt með samfélagslegum verkefnum sem og stuðningi við kaffirækt þeirra. Alls runnu tæpar 3 milljónir til UNICEF vegna sölunnar árið 2010 en ríflega helmingur söluteknanna bókfærist árið Te & Kaffi býður einnig viðskiptavinum kaffihúsa sinna að styðja starf UNICEF með kaupum á sérstökum styrktarspjöldum. Vöruhönnunarfyrirtækið Tulipop hélt áfram samstarfi 7

8 UNICEF / Shehzad Noorani UNICEF / Shehzad Noorani sínu við landsnefndina árið Tulipop seldi páskaegg í fagurlega hönnuðum umbúðum sem á var að finna upplýsingar um starf UNICEF, en innan í páskaeggjunum voru málshættir um börn. Helmingur af ágóða eggjanna rann til UNICEF. Árið 2008 hófu Pampers og UNICEF viðamikið alþjóðlegt samstarf sem felur í sér að á ákveðnu tímabili á hverju ári rennur andvirði einnar bólusetningar gegn stífkrampa til samtakanna af hverri seldri pakkningu af Pampersbleyjum. Á árinu 2010 söfnuðust krónur vegna verk efnis ins hérlendis. Þar sem verkefnið er alþjóðlegt fer sú fjárhæð hins vegar ekki í gegnum bókhald íslensku landsnefndarinnar. Í nóvember 2010 hóf IKEA um allan heim söfnunar átakið mjúkdýraleiðangurinn. Leiðangurinn stóð til 23. desember og gaf IKEA eina evru fyrir hvert mjúkdýr sem seldist í verslunum fyrirtækisins á tímabilinu. Söfnunarféð rann jafnt til UNICEF og Barnaheilla Save the Children. Í átaki IKEA á Íslandi söfnuðust evrur fyrir UNICEF, sem jafngildir krónum. Þetta dýrmæta framlag mun nýtast í verkefnum samtakanna á sviði menntunar. Önnur framlög Auk þeirra verkefna sem þegar hafa verið nefnd barst UNICEF á Íslandi styrkur úr ýmsum áttum á árinu Þá rann hluti áheita í Reykjavíkurmaraþoni Íslandsbanka til UNICEF en fjölmargir hlauparar völdu UNICEF sem sitt góðgerðarfélag og hvöttu vini og vandamenn til að heita á sig. Framlög vegna gjafabréfa og minningarkorta eru einnig meðal tekna UNICEF á Íslandi sem og önnur óvænt framlög frá einstaklingum og fyrirtækjum. Vatnsflaumur og hrunin hús Þann 12. janúar 2010 hristist Haítí og skalf, veggir gengu til og hús hrundu. Jarðskjálfti hafði orðið 7,0 á Richter. Höfuðborgin Port-au-Prince lagðist nánast í rúst, sem og byggðarlög í nágrenninu. Börn urðu afar illa úti og raunar var ástandið á Haítí að stórum hluta neyð barna. Nærri 40 prósent íbúa landsins eru yngri en 14 ára. UNICEF brást hratt við og tók meðal annars þátt í að bólusetja tvær milljónir barna gegn lömunarveiki, mislingum og öðrum sjúkdómum sem óttast var að brytust út. Samtökin komu yfir moskítónetum til íbúa á svæðum þar sem malaría er landlæg og dreifðu vatni til mörg hundruð þúsund manns á hverjum degi. UNICEF / Roger LeMoyne UNICEF / Marta Ramoneda Haustið 2010 urðu mestu flóð í Pakistan í manna minnum. Óvenjumiklar rigningar urðu frá því seint í júlí og fram í miðjan september og var vatnsmagnið slíkt að stíflur og varnargarðar brustu. Vatn flæddi yfir heilu þorpin og lá að sjö viknum liðnum yfir fimmta hluta landsins. Þá voru tvær milljónir manna orðnar heimilislausar. UNICEF hafði þegar starfað í Pakistan í sextíu ár og þekkti því vel til. Eftir flóðin var meðal annars sett í forgang að útvega ómengað vatn, reyna að koma í veg fyrir vannæringu barna, bólusetja þau gegn lífshættulegum sjúkdómum og veita aðra aðkallandi heilbrigðisþjónustu. 8

9 UNICEF / Sibonelo Khumalo UNICEF / Giacomo Pirozzi Innanlandsstarf Barnasáttmáli Sameinuðu þjóðanna UNICEF á Íslandi hefur í gegnum tíðina staðið að fjölda verk efna sem miða að því að vekja athygli á innihaldi Barnasáttmála Sameinuðu þjóðanna. Eitt af því er náms vefurinn sem unninn hefur verið í samstarfi við umboðsmann barna, Barnaheill og Námsgagnastofnun. Þar geta börn á fyrsta stigi grunnskóla unnið gagnvirk verkefni sem fræða þau um réttindi sín eins og þau birtast í greinum sáttmálans. Árið 2010 var unnið að efni fyrir miðstig grunnskóla og gert er ráð fyrir að það verði tekið í notkun árið Einnig er kennsluvefurinn Allir eiga rétt áfram að gengilegur og nýttur af kennurum um allt land. Kennsluefnið er sniðið að efri bekkjum grunnskóla og er ætlað að auka þekkingu ungmenna á mannréttindum og draga úr fordómum. Samkvæmt tölum frá Námsgagnastofnun er vefurinn mikið heimsóttur og er það gleðiefni. Velferðarvaktin Árið 2010 hélt UNICEF á Íslandi áfram starfi sínu með barnahóp velferðarvaktarinnar. Félagsmálaráðuneytið kom velferðarvaktinni á fót fyrrihluta árs 2009 og er ætlað að fylgjast með félagslegum og fjárhagslegum afleiðingum bankahrunsins fyrir fjölskyldur og einstaklinga í landinu. Henni er ennfremur ætlað að leggja fram tillögur til úrbóta. Stýrihópur velferðarvaktarinnar setti saman vinnuhópa um sex viðfangsefni, auk ráðgjafarhóps um rannsóknir. UNICEF á fulltrúa í hópnum sem fylgist með börnum og barnafjölskyldum. Fulltrúi UNICEF er Stefán Ingi Stefánsson. Ungmennaráð UNICEF Í 12. grein Barnasáttmálans er kveðið á um að börn eigi að hafa áhrif á málefni sem þau varða. Ein af aðaláherslum í starfi UNICEF um allan heim er þátttaka og virkni ung menna í samfélaginu. UNICEF á Íslandi starfrækir ungmennaráð sem hefur tækifæri til að hafa áhrif á stefnu íslensku landsnefndarinnar og ákvarðanir, ásamt því að framkvæma eigin verkefni. Hildur Hjörvar tók á árinu við sem formaður ungmennaráðs. Metár hjá UNICEFhreyfingunni Grunnskólaverkefni UNICEF á Íslandi, UNICEF-hreyf ingin, eflist með hverju árinu sem líður. Árið 2010 var metár en þá tóku tæplega fjögur þúsund nemendur þátt. Hvorki meira né minna en 23 skólar og frístundaheimili skráðu sig til þátttöku. UNICEF-hreyfingin er skemmtilegt verkefni fyrir skóla þar sem kennarar nota fræðsluefni frá UNICEF til að fræða nemendur um jafnaldra þeirra í öðrum heimshlutum. Skólinn skipuleggur síðan íþróttadag þar sem nemendur safna fé fyrir starfsemi UNICEF með því að safna áheitum hjá sínum nánustu. Börnin hlaupa þannig og iðka ýmsar íþróttir og styrkja með því börn í öðrum löndum. Helsta markmið UNICEF með verkefninu er að það stuðli að vitundarvakningu meðal barna og ungmenna um þróunarmál, réttindi barna, og lífsskilyrði barna víðs veg ar í heiminum. Markmiðið er einnig að verkefnið sé valdefling fyrir íslensk skólabörn og tækifæri fyrir þau til að sýna vilja sinn í verki þegar kemur að réttindamálum barna. Þannig er hugmyndin að opna á umræðu um þróunarmál og réttindi barna og kenna íslenskum börnum að grípa til aðgerða þegar þau standa andspænis vandamálum. Þess utan er verkefnið virk fjáröflun fyrir starf UNICEF í þágu þurf andi barna um allan heim, en rúmlega þrjár milljónir króna söfnuðust í gegnum verkefnið á UNICEF / Sjálandsskóli síð asta ári. 9

10 UNICEF / Tom Pietrasik UNICEF / Olivier Asselin Á vettvangi UNICEF eru stærstu barnahjálparsamtök heims og sinna hjálparstarfi í 156 löndum og svæðum í heiminum. Á hverjum degi vinna yfir starfsmenn UNICEF að verkefnum sem miða að því að standa vörð um líf og velferð barna. Árið 2010 starfaði fjöldi Íslendinga á vettvangi við ýmis verkefni á vegum UNICEF. 10 Mansal á börnum í Gíneu-Bissá UNICEF áætlar að árlega gangi yfir ein milljón barna kaupum og sölu í heiminum. Árið 2010 kom út skýrsla á vegum UNICEF á Íslandi um mansal á börnum í Gíneu-Bissá, einu fátækasta ríki Vestur-Afríku. Skýrslan byggir á rannsókn sem gerð var að ósk UNICEF í Gíneu-Bissá. Markmiðið var að varpa skýrara ljósi á umfang og eðli mansals þar í landi og nýta skýrsluna til að tryggja að framkvæmd verkefna sem tengdust mansali á börnum hefðu raunveruleg og varanleg áhrif. Höfundar skýrslunnar voru þau Jón - ína Einarsdóttir, prófessor í mannfræði við Háskóla Íslands, Geir Gunnlaugsson landlæknir, Gunnlaugur Geirsson laganemi og Hamadou Boiro mannfræðingur. Skýrslan var gefin út á ensku og þýdd á portúgölsku. Henni var dreift hér á landi, í Gíneu-Bissá og víðar. Sólrún Engilbertsdóttir, Bandaríkjunum. Sólrún starfar í höfuðstöðvum UNICEF í New York þar sem hún hefur umsjón með alþjóðlegri rannsókn á fátækt barna, Þar er fátækt barna ekki eingöngu mæld út frá tekjum heimilisins heldur einnig aðgengi barna að grunnmenntun, heilsugæslu, næringarríkum mat og fleiru. Áður vann Sólrún meðal annars fyrir UNICEF í Kenía. UNICEF / UNICEF Ísland UNICEF / UNICEF Ísland

11 UNICEF / Tom Pietrasik UNICEF / Rana Baker Ólöf Magnúsdóttir, Pakistan. Ólöf fór til Islamabad haustið 2010 og starfar þar á upplýsingasviði, við skýrslugjöf. Ólöf hefur unnið á vegum UNICEF um víða veröld, meðal annars í Georgíu, Palestínu og Síerra Leóne. Hún fór upprunalega út á vegum Íslensku friðargæslunnar. Þorvarður Atli Þórsson, Jórdaníu. Þorvarður hóf störf í febrúar 2009 á svæðisskrifstofu UNICEF fyrir Mið-Austurlönd og norðurhluta Afríku. Skrifstofan er staðsett í höfuðborg Jórdaníu, Amman. Þorvarður var sendur til Amman á vegum Íslensku friðargæslunnar og var þar þangað til í september Sveinn H. Guðmarsson, Jemen. Sveinn var upplýsingafulltrúi UNICEF í höfuðborg Jemen, Sanaa, og dvaldi þar um sex mánaða skeið á vegum Íslensku friðargæslunnar. Starfið fólst í að safna og miðla upplýsingum um ástandið í landinu og áhrif þess á aðstæður barna, en Jemen er fátækasta ríki Mið-Austurlanda. Alistair Gretarsson, Indlandi. Alistair hefur starfað sem upplýsingafulltrúi hjá UNICEF í Nýju- Delhi á Indlandi síðan árið Hann sér um alþjóðlega upplýsingamiðlun um málefni indverskra barna og starf UNICEF þar í landi. Á Indlandi býr um fimmtungur allra barna heims og fátækt er gríðarleg. Því má segja að verkefni UNICEF á Indlandi séu óþrjótandi. Bergsteinn Jónsson, Laos. Bergsteinn var ráðgjafi hjá UNICEF í Laos í þrjá mánuði og var styrktur af UNICEF á Íslandi. Hann bjó í höfuðborginni, Vientiane og starfaði einnig víðsvegar um landið. Verkefni Bergsteins fólust í aðstoð við langtímastefnumótun og úttekt á verkefnum, með áherslu á þátttöku barna og ungmenna. Laos er eitt af fátækustu ríkjum Asíu. 11

12 UNICEF / Lika Okropiridze UNICEF / Shehzad Noorani Fjármál Tekjur á árinu 2010 námu rúmum 323,8 milljónum en kostnaður við fjáröflun, innanlandsverkefni, kynningarmál, sölu og rekstur skrifstofu nam rúmum 85,6 milljónum, þar af er launakostnaður tæpar 35,3 milljónir. Vegna beinna rekstrarframlaga var hins vegar einungis 21% af söfnunarfé varið til rekstrar. Eins og undanfarin ár var framlag heimsforeldra stærsti tekjuliður UNICEF á Íslandi. Heildartekjur af verkefninu námu rúmlega 210 milljónum. Ráðstöfun til hjálparstarfs nam tæpum 186 milljónum. Þar af var rúmlega 84,5 milljónum varið til reglubundinna verkefna UNICEF og nýtast í þeim löndum þar sem þörfin er mest, m.a. með tilliti til tíðni ungbarnadauða, fjölda barna, læsi og landsframleiðslu á mann. Af tekjum ársins 2010 verður tæplega 64 milljónum varið til hjálparstarfs á árinu Rúmlega 84,7 milljónir runnu til eflingar menntunar í Síerra Leóne. Munar þar mest um 40 milljóna framlag frá velgerðasjóðnum Auroru. Það er þriðja framlag sjóðsins af fimm til menntunar í landinu. Einnig komu til framlög frá fjölda fyrirtækja eða svokölluðum UNICEF-verndurum. Auk þess var hluta af stuðningi heimsforeldra varið til menntaverkefnisins í Síerra Leóne. UNICEF á Íslandi stóð fyrir neyðarsöfnun fyrir Haítí og Pakistan og söfnuðust rúmlega 10 milljónir króna. Auk þess voru 5 milljónir króna sendar frá heimsforeldrum til Pakistan. Samkvæmt lögum UNICEF á Íslandi er stofnfé stofnunarinnar ein milljón. Í lok árs 2008, í kjölfar efnahagsþrenginga á Íslandi, ákvað stjórn UNICEF á Íslandi að 20 milljónir skyldu settar í sérstakan varasjóð og hefur honum ekki verið ráðstafað. Óráðstafaðar tekjur þar með talið varasjóður og óráðstafaðar tekjur til hjálparstarfs námu því tæpum 84 milljónum í lok árs Ráðstöfun tekna árið 2010/ Allocation of income Framlög til hjálparstarfs 2010/ Allocation to development assistance 16% 1% 3% 5% 25% 34% 1% 4% 2% 12 75% Framlög til hjálparstarfs/allocation to development assistance Fjáröflun/Fundraising cost Kostnaður við sölu vara/cost of sold goods Innanlands- og kynningarstarf/advocacy and communication Annar rekstur/other expenditure 34% Reglubundin verkefni UNICEF/Regular resources UNICEF Síerra Leóne/Sierra Leone UNICEF Haítí/Haiti UNICEF Pakistan UNICEF Laos Verður ráðstafað til hjálparstarfs árið 2011/ To be allocated to development assistance in 2011

13 UNICEF / Olivier Asselin UNICEF / Shehzad Noorani HELSTU TEKJUR OG GJÖLD Ráðstöfun til hjálparstarfs Reglubundin verkefni UNICEF UNICEF Síerra Leóne UNICEF Haítí UNICEF Pakistan UNICEF Laos Alls Ráðstöfun til hjálparstarfs flutt til ársins 2011 Verður ráðstafað árið Útgjöld Kostnaður við fjáröflun Kostnaður v/sölu korta og gjafa Kynningarmál og innanlandsstarf Annar rekstur Alls Söfnunarfé og framlög Bakhjarlar og aðrir rekstrarstyrkir Heimsforeldrar Framlög frá fyrirtækjum Sala á kortum og gjafavöru Önnur framlög Aðrar tekjur Vaxtatekjur Alls Allar upphæðir eru í íslenskum krónum. Deloitte annaðist endurskoðun á ársreikningi UNICEF á Íslandi. Ársreikninginn má nálgast á skrifstofu UNICEF á Íslandi. KEY FINANCIAL FIGURES Allocation to development assistance Regular resources, UNICEF projects UNICEF Sierra Leone UNICEF Haiti UNICEF Pakistan Staff secondment to Unicef LaoPDR Total Allocation to development assistance transferred to 2011 Will be allocated in Expenditure Fundraising cost Sales cost Communication and advocacy Other expenditure Alls Donations Core sponsors and other operational contributions Global Parents Corporate donations Sales of cards and gifts Other donations Other income Finance income and exchange rate gain Total All figures are in Icelandic kronur. Deloitte audited the finances of UNICEF Iceland. For further information please contact UNICEF Iceland. 13

14 Framlög íslenska ríkisins til UNICEF Utanríkisráðuneytið hefur markað þá stefnu að efla samstarf við UNICEF og hefur framlag íslenskra stjórnvalda tífaldast frá upphafi árið Á síðustu árum hafa Þúsaldarmarkmið Sameinuðu þjóðanna um þróun verið höfð að leiðarljósi í stefnu utanríkisráðuneytisins í þróunarsamvinnu. Sérstök áhersla hefur verið lögð á menntun stúlkna og barna. Verkefni UNICEF falla því vel að markmiðum íslenskrar þróunarsamvinnu. Í skýrslu Össurar Skarphéðinssonar, utanríkisráðherra, sem lögð var fyrir Alþingi í maí 2010 og fjallaði um utanríkis- og alþjóðamál, var bent á að tíu ár væru liðin frá samþykkt Þúsaldarmarkmiðanna. Fimm ár væru þangað til þau ættu að hafa náðst. Þúsaldarmarkmiðin mörkuðu tímamót í alþjóðlegu þróunarstarfi og á síðasta áratug hefur mikill árangur náðst í baráttunni gegn fátækt og hungri. En betur má ef duga skal. Á mörgum sviðum, svo sem á sviði mæðraverndar og menntunar stúlkna, þarf að gera sérstakt átak í aðstoð við þróunarríki, auk þess sem standa þarf vörð um að alþjóðlega fjármálakreppan grafi ekki undan árangri sem hefur áunnist á ýmsum sviðum, stendur í skýrslunni. Verkefni víða um heim Fjórða Þúsaldarmarkmiðið fjallar um barnadauða og stefnt er að því lækka dánartíðni barna yngri en fimm ára um tvo þriðju á árabilinu Í Gíneu-Bissá í Vestur-Afríku er dánartíðni barna ein sú hæsta í heimi. Utanríkisráðuneytið hefur stutt myndarlega við heilsugæsluverkefni UNICEF þar í landi. Verkefnið snýst um að draga úr dauðsföllum barna yngri en fimm ára og felst meðal annars í bólusetningum, malaríuvörnum, vernd gegn umskurði, vernd gegn mansali og fræðslu um hreinlæti og sjúkdóma. Utanríkisráðuneytið hefur að auki styrkt verulega hinar ýmsu undirstofnanir Sameinuðu þjóðanna í Miðausturlöndum og er það liður í aðgerðaáætlun stjórnvalda fyrir svæðið. Árið 2010 veitti ráðuneytið UNICEF í Palestínu 11,5 milljóna króna styrk til almennra verkefna samtakanna og árið áður rann þangað svipuð upphæð. UNICEF í Palestínu leggur mikla áherslu á vernd og umönnun barna sem líða fyrir ástandið á hernumdu svæðunum. Nefna má að næringarskortur er útbreiddur og börn slasast og láta lífið af völdum jarðsprengna. Líkamlegt ofbeldi er einnig algengt og mörg börn þjást af kvíðaröskun og þunglyndi. Verkefni UNICEF á svæðinu felast meðal annars í bólusetningum, menntun, sálgæslu og fræðslu um næringu og hreinlæti. Árið 2010 sat Ísland í stjórn UNICEF ásamt 35 öðrum aðildarríkjum Sameinuðu þjóðanna. Hlutverk stjórnarinnar er að hafa eftirlit með starfsemi stofnunarinnar og fjalla um stefnumið, aðgerðaáætlanir fyrir einstök lönd og fjárhagsáætlanir. Íslenska friðargæslan Samstarf Íslensku friðargæslunnar og UNICEF var form fest með samningi í febrúar Síðan þá hefur fjöldi Íslendinga verið sendur á vettvang til starfa fyrir UNICEF. Þeir hafa gegnt margvíslegum störfum, allt frá birgðastjórnun til barnaverndar. Árið 2008 tók Íslenska friðargæslan þátt í nýju samstarfsverkefni með UNICEF. Um var að ræða stofnun viðbragðslista sem gert hefur UNICEF kleift að senda upplýsingafulltrúa á vettvang þegar neyðarástand brýst út eða þar sem brýn þörf er á slíkum fulltrúum. Níu Íslendingar sóttu námskeið sem UNICEF hélt í Reykjavík í september 2008 og tveir námskeið í Kaupmannahöfn árið eftir. Í kjölfarið hafa sjö stöður upplýsingafulltrúa á vegum UNICEF verið mannaðar Íslendingum í tvo til sex mánuði í senn; Í Georgíu, Jerúsalem/Palestínu, Srí Lanka, Tadjikistan, Súdan, Pakistan og Jemen. Á árinu 2010 voru þrír sérfræðingar að störfum hjá UNICEF í stöðum styrktum af Íslensku friðargæslunni. Einn var í Pakistan, annar í Jórdaníu og sá þriðji í Jemen. Nánar má lesa um störf þeirra á bls hér á undan. 14 Skipting framlaga íslenska ríkisins til UNICEF árið % 37% 54% Almennt framlag Verkefni í Gíneu-Bissá Verkefni í Palestínu Framlag íslenska ríkisins til verkefna UNICEF (í milljónum króna): Almennt framlag 46, ,2 44,1 Neyðaraðstoð 16,9 7,4 Verkefni gegn barnahermennsku 6,9 Verkefni í Gíneu-Bissá ,9 64,8 Verkefni í Palestínu 12,1 11,5 Ungliðaverkefni 17,1 47,2 Samtals: 87,1 124,6 158,2 120,3

15 UNICEF / Olivier Asselin UNICEF / Marta Ramoneda UNICEF / Shehzad Noorani 15

16 UNICEF / Marco Dormino UNICEF / Shehzad Noorani Overview of the year Fundraising In May 2011, UNICEF Iceland won the National Committe for UNICEF Financial Performance Award for largest growth in per capita income in The prize was given in the Small Committe Category. In 2010, the National Committee in Iceland gave the equivalence of six US dollars for every Icelander to development assistance. Fundraising efforts were very successful in 2010 and as usual the Global Parent pledge programme was at the heart of UNICEF Iceland s fundraising operations with 2,555 new global parents recruited (1,725 women, 814 men and 16 companies). UNICEF Iceland has more pledge donors per capita than any other National Committee in the world; a fact we are tremendously proud of and thankful for. Over 5% of Icelanders have registered as Global Parents. The Global Parents have shown themselves to be a steady source of support for UNICEF s long term projects for children in need around the world. The average monthly donation from Global Parents is 1,302 ISK. Other fundraising activities included the continuing sale of UNICEF s cards and gifts, in memoriam cards and gift certificates, and an emergency appeal for Haiti and Pakistan, to name but a few. In December, UNICEF Iceland started selling so-called Inspired Gifts which give people the opportunity of buying unusual presents such as mosquito-nets and vaccines. Goods that are bought in this manner are then shipped to destinations where they are needed the most. In only three weeks in December a total amount of 824,334 ISK was raised. In addition, the UNICEF-movement project, which encourages primary school children to raise awareness and funds for UNICEF through sponsored runs, continued with almost 4,000 students participating from 23 primary schools and after school care centres. 16 Sponsored Projects In recent years the Aurora foundation has supported an extensive and comprehensive education project in Sierra Leone, one of the poorest countries in the world. In March 2010, the board of the Aurora Foundation pledged a total of 40 million ISK in support of UNICEF projects in Sierra Leone. The total contribution of the Foundation to education in Sierra Leone now amounts to 156 million ISK. Over fifty fully equipped schools have risen and more than a hundred teachers have been fully trained. Local communities have been activated through the founding of parent associations and mother s clubs in the schools which has a positive effect on student retention and child protection in general. Together, Aurora and UNICEF have changed the lives of thousands of children and families in Sierra Leone. Advocay and Development In keeping with one of UNICEF s core aims of enabling and encouraging the participation of children in society, UNICEF Iceland has an active youth council which supports and inspires the work of the National Committee. The youth council has developed many projects of its own and is becoming increasingly more involved in UNICEF Iceland s advocacy work each year. UNICEF Iceland has since its launch published two sets of web-based educational materials. The first is the teaching kit Everyone has rights which is written for 13 to 16 year old students with the aim of increasing rights awareness and decreasing prejudice among youth. The web was widely used by teachers in UNICEF Iceland has also worked in partnership with others on an educational website on the Convention of the Rights of the

17 UNICEF / Tom Pietrasik UNICEF / Roger LeMoyne 2010 Child, The first phase of the website was launched in 2009 and in 2010 the work on the second phase took place. Corporate partners A number of Icelandic companies cooperated with and supported UNICEF Iceland in In most cases the support was in the form of free or discounted goods and services, such as with Oddi printing company. Such goodwill is tremendously important for the work of the National Committee as it serves to minimise the overhead costs of the operation. UNICEF Iceland is also collaborating with companies on direct fundraising activities. Sale of coffee to companies through a cause related telemarketing project with Te & kaffi generated for example 3 million ISK for UNICEF. Te & kaffi also offered their customers the chance to support UNICEF through sales of inspired gift cards. In 2010 Tulipop, a product design company, continued its co-operation with the National Committee. Tulipop sold Easter eggs in beautifully designed packaging of which half of the proceeds went to UNICEF s projects for children in need. In addition, Pampers continued their sales of diaper packs in support of UNICEF s tetanus vaccination campaigns. First of November 2010, IKEA launched its annual Soft Toy Campaign. IKEA gave one Euro for each soft toy which was sold in its stores globally during a certain period. In Iceland, the funds raised went equally to UNICEF and Save the Children. UNICEF Iceland received 15,537 Euros or 2,392,698 ISK. The Icelandic government The Icelandic government continued its support for UNICEF in Since 2004, the contribution has increased ten times. In 2010, a total of million ISK went to regular projects within UNICEF, as well as to UNICEF-projects in Guinea-Bissau and Jerusalem/OPT. Three UNICEF-positions were also paid for by the Icelandic Crisis Response Unit, one in Jordan, one in Yemen and one in Pakistan. See key financial figures on page 13. Successful Red Nose Day On the third of December 2010 the Red Nose Day was celebrated for the third time in Iceland. The main goal was to raise the number of Global parents as well as raising awareness of the public, media, government and companies, of the need for development aid for children. The results exceeded expectations by far: Around 1,700 new Global Parents were registered. In addition, 3,500 red noses were sold. They could be bought in the stores of Hagkaup and Bónus but were also sold on the street by individual scout- and sport clubs. The highlight of the campaign was a TV gala that was broadcast on Channel 2 on December the third. Many of Iceland s most beloved performers entertained and viewers got to see compelling stories of UNICEF s work for children in need and give their support. A host of individuals took part in making Red Nose Day 2010 a reality, artists, filmcrew, and staff from UNICEF s corporate partners. To all these we extend our most heartfelt thanks. 17

18 Við erum UNICEF á Íslandi UNICEF / UNICEF Ísland Stjórn UNICEF á Íslandi Stjórnarfólk kemur víða að úr samfélaginu og tekur virkan þátt í að móta starf landsnefndarinnar. Frá vinstri Stefán Ingi Stefánsson, framkvæmdastjóri UNICEF á Íslandi, Jóhanna Vilhjálmsdóttir, Eiður Guðnason, Svanhildur Konráðsdóttir, Karl Blöndal, Hildur Hjörvar, Brynja Runólfsdóttir og Bragi Guðbrandsson. Á myndina vantar Jónu Hrönn Bolladóttur, Kristínu Jóhannesdóttur og Margréti Hallgrímsdóttur. Stjórnarformaður Svanhildur Konráðsdóttir Varaformaður Karl Blöndal Gjaldkeri Eiður Guðnason Meðstjórnendur Bragi Guðbrandsson Brynja Runólfsdóttir Jóhanna Vilhjálmsdóttir Jóna Hrönn Bolladóttir Kristín Jóhannesdóttir Margrét Hallgrímsdóttir Formaður ungmennaráðs Hildur Hjörvar Á árinu hætti Kristín Árnadóttir í stjórn og Þórunn Sigurðardóttir sem formaður. Eru þeim færðar bestu þakkir fyrir vel unnin störf. Starfsfólk Framkvæmdastjóri Stefán Stefánsson Fjármálastjóri Dröfn Guðmundsdóttir Fræðslufulltrúi Bergsteinn Jónsson Fjáröflunarfulltrúi Flóki Guðmundsson Fjáröflunarfulltrúi Jóhanna Guðmundsdóttir Verkefnastjóri Eva Hrönn Steindórsdóttir Tengiliður heimsforeldra Bryndís Lúðvíksdóttir Upplýsingafulltrúi Sigríður Víðis Jónsdóttir Ráðgjafi Lovísa Arnardóttir 18

19 UNICEF / Shehzad Nooran UNICEF / Shehzad Noorani UNICEF / Roger LeMoyne Takk! Stjórn og starfsfólk UNICEF á Íslandi á mikið að þakka þeim fjölmörgu góðu aðilum sem koma að starfi landsnefndarinnar með einum eða öðrum hætti. Bæði fyrirtæki og einstaklingar hafa sýnt UNICEF mikinn velvilja og stuðning. Margir hafa veitt afslætti og stutt þannig við reksturinn og aðrir hafa veitt beinan fjárhagslegan stuðning. Fjöldi fólks lagði UNICEF á Íslandi lið með óeigingjörnu starfi sínu og má þar helst nefna listamenn og tæknifólk sem komu að degi rauða nefsins. Við þökkum þeim fjölmörgu fyrirtækjum, samstarfsaðilum og einstaklingum sem lögðu okkur lið á árinu 2010 og gerðu þar með heiminn aðeins betri fyrir þau sem reiða sig á starf UNICEF á hverjum degi bágstödd börn. UNICEF / Riccardo Gangale UNICEF / Jinnatun Nesa UNICEF / UNICEF Ísland

20 UNICEF Ísland Laugavegur Reykjavík Sími: