ÁRSSKÝRSLA annual report. UNICEF Ísland. Laugavegur Reykjavík Sími:

Transcription

1 ÁRSSKÝRSLA 2012 annual report UNICEF Ísland Laugavegur Reykjavík Sími: SAMEINUMST Í ÞÁGU BARNA

2 Barnahjálp Sameinuðu þjóðanna, UNICEF, var stofnuð árið 1946 og hefur starfsemi samtakanna vaxið jafnt og þétt á þessum 67 árum. Við berjumst fyrir réttindum barna á heimsvísu og sinnum bæði langtímauppbyggingu og neyðaraðstoð. UNICEF treystir eingöngu á frjáls framlög og hefur að leiðarljósi þá bjargföstu trú að öll heimsins börn eigi rétt á heilsugæslu, menntun, jafnrétti og vernd. Við erum á vettvangi í yfir 190 löndum og leggjum áherslu á að ná til allra barna hvar sem þau eru. Árið 1965 fékk UNICEF friðarverðlaun Nóbels og svo aftur árið 2001 sem stofnun innan vébanda Sameinuðu þjóðanna. UNICEF Í STUTTU MÁLI Forgangsatriði UNICEF eru: Baráttan gegn barnadauða að sjá til þess að yngstu börnin komist vel af stað í lífinu, veita börnum lífsnauðsynlegar bólusetningar og aðra heilsugæslu. Menntun og jafnrétti að veita öllum börnum, jafnt stúlkum sem drengjum, góða grunnmenntun og ýta undir jafnrétti kynjanna. HIV/alnæmi að fyrirbyggja HIV-smit, veita smituðum börnum umönnun og sjá til þess að börn, sem orðið hafa munaðarlaus af völdum alnæmis, fái stuðning og vernd. Barnavernd að stuðla að öruggu umhverfi fyrir börn, koma í veg fyrir að þau séu misnotuð, beitt ofbeldi eða vanrækt. Réttindagæsla að auka þátttöku barna í samfélaginu og fræðslu um réttindi þeirra. Forgangsatriðin fimm eru í samræmi við Þúsaldarmarkmið Sameinuðu þjóðanna um þróun (e. Millennium Development Goals) sem samþykkt voru á Allsherjarþingi Sameinuðu þjóðanna árið Með markmiðunum er ætlast til að hægt verði að ná fram mælanlegum árangri í þróunaraðstoð fyrir árið Þar á meðal eru sett fram mikilvæg markmið um að draga úr barnadauða og tryggja öllum börnum grunnmenntun. Prentvinnsla: Oddi, umhvefisvottuð prentsmiðja UNICEF starfar þar sem þörfin er mest Fjármunum UNICEF er ráðstafað eftir því hvar þörfin er mest hverju sinni. Þegar þörf er metin er meðal annars tekið tillit til tíðni ungbarnadauða og þjóðartekna í tilteknu landi en einnig er litið til þess hversu mörg börn eru vannærð, hversu mörg börn þurfa á bólusetningum að halda, hve mörg börn hafa misst foreldra sína, sérstaklega vegna HIV/alnæmis, og hve stór hluti íbúanna hefur ekki aðgang að hreinu vatni. Landsnefndir UNICEF eru nú 36 talsins, en þær sjá um fjáröflun og fræðslu um réttindi barna. Saman safna þær einum þriðja af heildartekjum UNICEF um heim allan. Landsnefnd UNICEF á Íslandi var stofnuð í mars 2004.

3 UNICEF / Wishwanathan EFNISYFIRLIT Frá stjórnarformanni... 4 Fjáröflun... 5 Innanlandsstarf... 9 Á vettvangi Fjármál Framlög íslenska ríkisins til UNICEF Overview of the year Við erum UNICEF á Íslandi... 18

4 UNICEF / Mawa UNICEF / Than Frá stjórnarformanni Starf UNICEF, Barnahjálpar Sameinuðu þjóðanna, snýst um ófrávíkjanleg mannréttindi. Öll börn eiga óskoraðan og meðfæddan rétt til lífs og þroska. Barnasáttmáli Sameinuðu þjóðanna gerir aðildarríkjum skylt að virða og tryggja þau réttindi sem skráð eru í sáttmálann, svo sem að börn fái notið menntunar og heilsugæslu, þau fái að lifa við aðstæður sem gera þeim kleift að nýta hæfileika sína til fullnustu, til dæmis með virkri samfélagslegri þátttöku og þeim sé tryggð vernd gegn líkamlegu og andlegu ofbeldi, vanrækslu og hvers kyns illri meðferð. Þegar litið er yfir árangurinn af starfinu árið 2012 er sannarlega yfir ýmsu að gleðjast. UNICEF er starfandi í yfir 190 löndum; við leitumst við að koma til aðstoðar hvar sem réttindum barna er ógnað og erum jafnan fyrst á vettvang þegar neyðarástand hefur skapast hvort sem er af manna völdum eða vegna náttúruhamfara. UNICEF heldur síðan áfram eftir að það versta er yfirstaðið og styður við uppbyggingu og langvarandi úrbætur fyrir börn á svæðinu. Bestu tíðindin árið 2012 voru að fleiri börn upplifðu 5 ára afmælisdaginn sinn en nokkru sinni fyrr. Árið 1990 létust árlega 12 milljónir barna yngri en 5 ára nú látast 6,9 milljónir barna á hverju ári. Talan er enn skelfilega há en baráttan gegn barnadauða hefur ótvírætt skilað árangri, ekki síst í ljósi þess að jarðarbúum hefur fjölgað á sama tímabili. Enn látast um börn á hverjum degi af ástæðum sem koma mætti í veg fyrir t.a.m. með bólusetningum, heilsugæslu, aðgengi að hreinu vatni, bættri næringu og menntun mæðra. Í ársskýrslunni eru rakin fleiri dæmi um árangur af starfsemi UNICEF á árinu Á árinu beindi UNICEF kastljósinu að bágbornum aðstæðum barna í fátækrahverfum stórborga. Bent var á að hundruð milljóna barna í þéttbýli nytu engrar 4 grunnþjónustu og að hrikalegan ójöfnuð væri víða að finna. Fjölmennustu ríki heims eru nú komin í hóp svokallaðra millitekjuríkja, s.s. Kína og Indland. Þótt meðaltalstölur um aðbúnað þarlendra barna þróist sem betur fer í jákvæða átt er ljóst að 70% af fátækasta fólki heims býr í þessum ríkjum og misskipting hefur vaxið gríðarlega. Þörfin fyrir staðfastan málsvara fyrir fátækustu börnin hefur sjaldan verið meiri. Landsnefndir UNICEF, sem eru alls 36 talsins, safna orðið þriðjungi af þeim fjármunum sem UNICEF ver til að bjarga lífi barna og verja réttindi þeirra um allan heim. Þrátt fyrir þá dapurlegu þróun að framlög ríkisstjórna til þessara brýnu verkefna hafi dregist saman um 7% á heimsvísu varð 3% vöxtur í heildarfjáröflun UNICEF á árinu. Það er ekki síst landsnefndum og almenningi í efnameiri ríkjum heims að þakka. Starfsemi UNICEF á Íslandi hvílir áfram á traustum grunni þeirrar breiðfylkingar sem íslenskir heimsforeldrar, fjölmörg fyrirtæki og styrktarsjóðir mynda. Á árinu bættust hátt á sjötta þúsund heimsforeldra í hópinn, sem taldi í árslok tæplega manns. Á sjötta hverju íslensku heimili er því að finna dýrmætan liðsmann UNICEF og mannréttindabaráttu barna. Enn heldur Ísland auk þess þeirri virðingarstöðu meðal landsnefnda að hvergi annars staðar kjósa hlutfallslega fleiri að leggja bágstöddustu börnum heims lið. Fyrir þetta erum við innilega þakklát. Svanhildur Konráðsdóttir stjórnarformaður UNICEF á Íslandi

5 UNICEF / Bindra UNICEF / Nakibuuka Fjáröflun UNICEF treystir alfarið á frjáls fjárframlög og stuðningur sem við fáum frá einstaklingum, fyrirtækjum, sjóðum og félagasamtökum er því forsenda þess að við getum staðið fyrir öflugu hjálpar- og þróunarstarfi og knúið fram réttindabætur fyrir börn um allan heim. Fjáröflun skipar þar af leiðandi stóran sess í starfi okkar. Við erum einstaklega stolt af því að miðað við höfðatölu lagði engin landsnefnd jafnmikið til verkefna UNICEF í fyrra og sú íslenska. Framlög frá Íslandi námu 7,23 Bandaríkjadölum á hvern landsmann en næst á eftir voru Svíþjóð með 6,67 Bandaríkjadali og Hollendingar með 3,99. Alls aflaði UNICEF á Íslandi rúmra 437 milljóna króna á árinu sem gerir 16,5% vöxt á milli ára. Af slíkum vexti njóta þúsundir barna góðs. Ástæðan fyrir þessum árangri er einföld. Almenningur á Íslandi og forsvarsmenn fyrirtækja og sjóða hérlendis deila með okkur þeirri sannfæringu að börn hafi ófrávíkjanleg réttindi hvar í heimi sem þau fæðast. Árangurinn Framlag á hvern íbúa hjá tíu efstu landsnefndunum (í Bandaríkjadölum) Landsnefnd USD Ísland 7,23 Svíþjóð 6,67 Holland 3,99 Andorra 3,31 Finnland 2,95 Danmörk 2,75 Lúxemborg 2,66 Sviss 2,59 Noregur 2,18 Hong Kong 1,99 endurspeglar einnig það mikla traust sem UNICEF nýtur. Fyrir það traust erum við hjartanlega þakklát. Heimsforeldrar Heimsforeldrar eru hjartað í starfsemi UNICEF á Íslandi. Styrkir frá heimsforeldrum árið 2012 voru 68% af heildarframlögum til landsnefndarinnar eða 298 milljónir króna. Heimsforeldrar styrkja verkefni UNICEF með föstum mánaðarlegum framlögum og gerir reglulegur og stöðugur stuðningur þeirra okkur kleift að skipuleggja starf okkar til lengri tíma. Slíkur stuðningur skiptir miklu máli þegar tryggja skal varanlegan árangur fyrir börn. Alls bættust íslenskir heimsforeldrar í hópinn á árinu; konur, karlar og 30 fyrirtæki. Að árinu 2006 undanskildu hafa aldrei fleiri kosið að gerast heimsforeldrar á einu ári. Í lok árs 2012 voru íslenskir heimsforeldrar alls með meðalmánaðarframlag Fjöldi heimsforeldra Heildarfjöldi í lok hvers árs. 25,000 21,729 20,000 15,633 17,247 16,339 15,000 13,591 13,518 11,756 10,000 6,026 5,000 2,

6 UNICEF / Sokol UNICEF / Haque Nýir heimsforeldrar 2012 eftir skráningarleiðum. 1, ,267 Úthringingar Dagur rau a nefsins Heimasí a Anna upp á krónur. Þetta þýðir að tæp 7% prósent landsmanna eru heimsforeldar og eru þeir hlutfallslega hvergi jafnmargir. Þessi fjölmenni hópur samanstendur af fólki úr öllum aldurshópum hvaðanæva að af landinu sem á það sameiginlegt að vilja leggja sitt af mörkum til að bæta heiminn. Miðað við þennan fjölda má gera ráð fyrir að heimsforeldri sé að finna á sjötta hverju íslensku heimili. Neyðarsafnanir Mörg þúsund einstaklingar og hundruð fyrirtækja svöruðu ákalli okkar í apríl og september þegar við vöktum athygli á sárri neyð barna á Sahel-svæðinu í Vestur-Afríkur og síðar í Sýrlandi. Með allsherjarátaki landsnefnda UNICEF um allan heim tókst að beina kastljósi fjölmiðla að ástandinu á Sahel-svæðinu og söfnuðust rúmar 26,4 milljónir króna hérlendis. Tæplega 4,5 milljónir söfnuðust fyrir hjálparstarf UNICEF í Sýrlandi þar sem stigvaxandi átök hafa um langt skeið ógnað lífi og velferð fjölda barna. Ótal börn hafa neyðst til að flýja heimahagana ásamt fjölskyldum sínum. Um þriðjungur framlagsins kom frá framhaldsskólanemum sem stóðu meðal annars fyrir söfnunarátaki í nær öllum skólum landsins undir lok ársins. Söfnun fyrir neyðarstarfið í Sýrlandi var haldið áfram árið Það er gaman að geta hjálpað börnum í neyð og hvatt aðra til góðra verka um leið. Andrea Benediktsdóttir, nemi í lyfjafræði, blaðberi og heimsforeldri síðan Í hverjum mánuði gefur Andrea öll blaðberalaun sín til UNICEF. Heimsforeldri er fallegt orð sem lýsir þeirri sameiginlegu ábyrgð sem við berum hvert á öðru og þá sérstaklega á öllum börnum, hvar sem þau fæðast. Gunnar Hansson, leikari og heimsforeldri síðan Ég veit að styrkurinn frá mér til UNICEF fer í að bjarga þeim börnum í heiminum sem þurfa mest á hjálp að halda. Ég vil láta gott af mér leiða af því að ég get það og ég veit að það er virkilega þörf á því að veita stuðning út um allan heim. Sigfríður Friðþjófsdóttir, fjármálastjóri, kaupandi sannra gjafa og heimsforeldri síðan Börnin og starfsfólkið í Flataskóla tók þátt í UNICEFhreyfingunni í fyrra og nutum við þess mjög að gefa af okkur um leið og við bæði skemmtum okkur og styrktum kroppinn. Ólöf Sigurðardóttir, skólastjóri Flataskóla. Við viljum leggja okkar af mörkum í því metnaðarfulla og mikilvæga verkefni UNICEF að gera heiminn að betri stað fyrir börn. Róbert Wessman, forstjóri Alvogen. Til að koma börnum í skóla sem búa við erfiðar félagslegar og efnahagslegar aðstæður þarf að huga að öllum mögulegum þáttum sem nauðsynlegir eru til að verkefnið gangi upp og skili árangri. Allt þetta hefur UNICEF gert mjög vel og við teljum að verkefnið hafi skilað ótvíræðum árangri í einu verst stadda landi heims þegar kemur að málefnum barna. Við hjá Auroru Velgerðasjóði lítum á það sem forréttindi að hafa átt möguleika á að styðja við þetta verðuga verkefni. Ingibjörg Kristjánsdóttir, stjórnarformaður Aurora Velgerðarsjóðs og heimsforeldri frá árinu 2004.

7 UNICEF/Cranston UNICEF/Nakibuuka Dagur rauða nefsins Föstudaginn 7. desember stóðum við fyrir degi rauða nefsins í fimmta sinn. Ótal manns tóku þátt í að gera þetta umfangsmikla fjáröflunar- og vitundarátak að veruleika og ljóst er að án sjálfboðavinnu listafólks og góðvilja helstu samstarfsaðila í hópi fyrirtækja væri ekki hægt að halda upp á daginn. Meginmarkmiðið með degi rauða nefsins er að hvetja fólk til að gerast heimsforeldrar. Alls hlýddu manns kallinu á þeim tveimur vikum sem átakið stóð yfir, þar af skráðu sig í metnaðarfullri sjónvarpsútsendingu á Stöð 2 að kvöldi dags rauða nefsins. Rúmlega manns tóku auk þess þátt í símaleik og á sjötta hundrað aðilar hétu stökum styrkjum að andvirði 3,5 milljónum króna. Um rauð nef voru seld á völdum sölustöðum. Í þættinum var meðal annars sýnt frá heimsókn leikarans og heimsforeldrisins Gunnars Hanssonar til Búrkína Fasó þar sem hann kynnti sér aðstæður barna og starf UNICEF. Landslið grínara, skemmtikrafta og listamanna kom auk þess fram í þættinum allt í sjálfboðavinnu. Verðskuldaða athygli vakti dýfingakeppni fræga fólksins þar sem nokkrir kunnir landsmenn lögðu líf og limi í hættu. Loks ber að nefna að lagið Öll í kór, sem hljómsveitin FM Belfast samdi sérstaklega fyrir daginn hljómaði á útvarpsstöðvum landsins. UNICEF færir hjartans þakkir öllum þeim fjölmörgu sem gerðu dag rauða nefsins 2012 að veruleika. Sjóðir: Aurora og Fatíma Velgerðasjóðurinn Aurora hefur frá árinu 2008 stutt við uppbyggingu menntunar og barnaverndarstarfs í Síerra Leóne. Árið 2012 úthlutaði stjórn Auroru hvorki meira né minna en 40 milljónum króna til verkefnisins. Heildarstuðningur sjóðsins við verkefni UNICEF nemur þar með alls 239,5 milljónum, að meðtöldum 36 milljónum sem stofnendur sjóðsins lögðu í byggingu 50 skóla árið Stuðningur Auroru hefur skipt sköpum fyrir mörg þúsund börn sem hafa í krafti hans átt kost á að öðlast menntun í öruggu og barnvænu umhverfi. Slíkt tækifæri getur gjörbreytt framtíðarhorfum barns og er auk þess lykillinn að framþróun samfélagsins alls. Um mitt ár styrkti Fatímu-sjóðurinn UNICEF um þrjár milljónir króna. Framlagið rann til heilsugæslu- og næringarverkefna í einu fátækasta ríki Mið-Austurlanda: Jemen. Aðstæður barna í Jemen eru víða afar bágbornar og tíðni bráðavannæringar er skelfilega há. Styrkur Fatímu-sjóðsins var því einkar kærkominn. Fyrirtækjasamstarf Í desember hét Alvogen, alþjóðlegt lyfjafyrirtæki undir forystu Róberts Wessman, því að styrkja UNICEF um að lágmarki 30 milljónir króna fram til ársins Fyrsta skrefið í þessu verðmæta samstarfi var tekið þegar Alvogen styrkti lífsnauðsynlegar neyðaraðgerðir UNICEF á Sahel-svæðinu í Vestur-Afríku, dag rauða nefsins og fleiri verkefni um samtals 7,5 milljónir. Á næstu þremur árum mun Alvogen meðal annars leggja sitt af mörkum til að börn á Madagaskar fái notið menntunar ekki síst stúlkur en á Madagaskar ganga mun færri stúlkur en drengir í skóla. Farsælu samstarfi við nokkur fyrirtæki sem hafa í gegnum tíðina sýnt UNICEF mikinn velvilja var haldið áfram á árinu. Sala til vinnustaða á sérstöku gæðakaffi frá Te & Kaffi skilaði UNICEF til að mynda rúmum 4 milljónum króna en verkefnið hefur staðið yfir frá Prentsmiðjan Oddi gaf uppsetningu og prentun kynningarefnis eins og verið hefur frá stofnun landsnefndarinnar. Afar hagstæður leigusamningur við fasteignafélagið Reiti var endurnýjaður á árinu. Um 1,8 milljón safnaðist hérlendis í alþjóðlegu samstarfsverkefni með IKEA og rúmlega krónur í alþjóðlegu samstarfi með Disney, en þær fjárhæðir fara þó ekki í gegnum reikninga íslensku landsnefndarinnar. Þá studdu MP banki og Valitor við dag rauða nefsins. Sem endranær stóðu Stöð 2, Saga Film og Vodafone auk þess þétt við bakið á UNICEF á degi rauða nefsins. Fjölmörg önnur fyrirtæki lögðu okkur lið og birtist velvild þeirra með margvíslegum hætti. Ófá fyrirtæki aðstoðuðu okkur til að mynda við að halda rekstrarkostnaði 7

8 UNICEF / Froutan UNICEF / Barongo í lágmarki með ókeypis vöru og þjónustu eða veglegum afsláttarkjörum. Önnur veittu beina fjárstyrki í tengslum við einstök fjáröflunarverkefni, svo sem neyðarsafnanir og dag rauða nefsins. Þá keyptu fyrirtæki og vinnustaðir jólakort, sannar gjafir og rauð trúðanef, seldu vöru til styrktar UNICEF, stóðu fyrir söfnunum meðal viðskiptavina og starfsfólks og svona mætti lengi halda áfram. Öllum þessum fyrirtækjum kunnum við hjartans þakkir. Sannar gjafir Fjöldi fólks nýtti sér möguleikann á að kaupa sannar gjafir UNICEF á árinu. Um er að ræða hjálpargögn sem keypt eru í nafni þess sem gjöfina fær en gögnin sjálf nýtast í starfi UNICEF fyrir börn um allan heim. Allar sannar gjafir eru hlutir sem bjarga lífi barna, vernda þau gegn sjúkdómum eða stuðla að menntun þeirra og þroska. Á Íslandi voru keyptar sannar gjafir fyrir 3,6 milljónir króna árið Þær gjafir gerðu meðal annars að verkum að hægt var að útvega skammta af vítamínbættu jarðhnetumauki fyrir vannærð börn, rúma skammta af bóluefni gegn mislingum og vatnshreinsitöflur. Þá voru keyptir yfir skammtar af lyfi við iðraormum, bólusetningar gegn mænusótt, hátt í 400 moskítónet og skólagögn fyrir tæplega börn. Önnur framlög og rekstrarstyrkir Auk þeirra verkefna og styrkja sem þegar hafa verið nefndir barst UNICEF á Íslandi stuðingur víðs vegar að á árinu. Um er að ræða stök framlög á degi rauða nefsins, framlög frá grunnskólanemendum sem tóku þátt í UNICEF hreyfingunni (sjá bls. 9), áheit á hlaupara í hinu árlega Reykjavíkurmaraþoni, sölu yfirstrikunarpenna til fyrirtækja, ágóða af tombólum dugmikilla barna, sölu á minningarkortum, auk mikils fjölda óvæntra gjafa frá einstaklingum og fyrirtækjum. Samtals námu önnur framlög og rekstarstyrkir 47 milljónum króna. Þá seldust að auki jólakort og gjafavara fyrir 6 milljónir. Viðvörunarbjöllum hringt Vorið 2012 hringdi UNICEF viðvörunarbjöllum um allan heim vegna hættuástands sem skapast hafði í átta ríkjum á Sahel-svæðinu í Vestur- og Mið-Afríku. Varað var við því að ótal börn gætu látið lífið næstu vikur og mánuði bærist þeim ekki hjálp. Á Sahel-svæðinu ríkti þögul neyð sem fengið hafði litla sem enga fjölmiðlaathygli. Ástæðan var meðal annars þurrkar og uppskerubrestur. UNICEF biðlaði til umheimsins að veita svæðinu athygli og láta það ekki verða að manngerðum hamförum. Undirstrikað var að hér væri um eitt fátækasta svæði veraldar að ræða og að tíminn væri naumur. Neyðarsöfnun var hrundið af stað á sama tíma um allan heim. Almenningur á Íslandi og íslenskir fjölmiðlar tóku afar vel við sér og hvergi safnaðist hlutfallslega meira en hér á landi. Yfir manns styrktu söfnunina á Íslandi og meira en tvö hundruð fyrirtæki lögðu henni lið. UNICEF á Íslandi hlaut í kjölfarið fjölmiðlaverðlaun landsnefnda UNICEF fyrir árið Fjölmiðlaverðlaununum deildi landsnefndin með UNICEF / Asselin UNICEF í Bretlandi sem fékk velgjörðasendiherra sinn, Ewan McGregor, til að fylgja UNICEF eftir við að flytja lífsnauðsynleg bóluefni fyrir börn til nokkurra af afskekktustu stöðum heims. Með því vakti leikarinn athygli á því hvernig UNICEF vinnur og hvernig áherslan er á að ná til allra barna hvar sem þau eru. Á árinu 2012 meðhöndlaði UNICEF meira en börn gegn alvarlegri bráðavannæringu á Sahel-svæðinu. 8

9 UNICEF / Markiz UNICEF / Nakibuuka Innanlandsstarf Innanlandsstarf UNICEF á Íslandi efldist mjög árið Verkefnin voru fjölbreytt og má þar nefna umsagnir um ný lög og yfirlýsingar og álit vegna réttinda barna. Meðal umsagna sem UNICEF á Íslandi gaf var um frumvarp til lögfestingu Barnasáttmála Sameinuðu þjóðanna. UNICEF-hreyfingin Grunnskólaverkefni UNICEF á Íslandi, UNICEF-hreyfingin, hélt siglingu sinni áfram. Árið 2012 tóku tæplega nemendur þátt úr 27 skólum. UNICEF-hreyfingin er verkefni fyrir grunnskóla þar sem kennarar nota fræðsluefni frá UNICEF til að fræða nemendur um jafnaldra þeirra í öðrum heimshlutum. Skólinn skipuleggur síðan íþróttadag þar sem nemendur safna fé til styrktar UNICEF með áheitasöfnun meðal sinna nánustu. Helsta markmið UNICEF með verkefninu er að stuðla að vitundarvakningu meðal barna um þróunarmál og mannréttindi. Þess utan er verkefnið virk fjáröflun fyrir starf UNICEF í þágu þurfandi barna en um 4,3 milljónir króna söfnuðust árið Barnasáttmáli Sameinuðu þjóðanna UNICEF á Íslandi hefur staðið að fjölda verkefna sem miða að því að vekja athygli á Barnasáttmála Sameinuðu þjóðanna. Eitt af því er námsvefurinn is sem unninn hefur verið í samstarfi við umboðsmann barna, Barnaheill og Námsgagnastofnun. Einnig er kennsluvefurinn Allir eiga rétt áfram aðgengilegur á vef Námsgagnastofnunnar og vel nýttur af kennurum. Kennsluefnið er sniðið að efri bekkjum grunnskóla og er ætlað að auka þekkingu ungmenna á mannréttindum og fjölmenningu. Samstarf við fagfólk og börn Í kjölfar útgáfu skýrslunnar Staða barna á Íslandi 2011 ákvað UNICEF á Íslandi að fylgja niðurstöðum hennar eftir og rannsaka nánar ofbeldi gegn börnum hér á landi. Í apríl og maí 2012 boðaði UNICEF til níu funda með fagaðilum. Fundina sóttu aðilar frá ráðuneytum, sveitarfélögum, háskólum, félagasamtökum, lögreglu og mennta-, heilbrigðis- og barnaverndarkerfum. Á fundunum voru forvarnir vegna ofbeldis gegn börnum ræddar ítarlega og lagðar fram tillögur um hvernig koma megi í veg fyrir ofbeldi og bæta öll viðbrögð. UNICEF á Íslandi safnaði saman þeim tillögum og hugmyndum sem fram komu á fundunum og samþætti 16 tillögur fyrir stjórnvöld. UNICEF leitaði ennfremur til Barnaverndarstofu, Barnahúss og barnaverndarnefndar Reykjavíkurborgar til að nálgast börn sem hafa verið beitt ofbeldi. Tilgangur þess var að setja á stofn sérfræðihóp barna til ráðgjafar um tillögur fagaðilanna. Í samstarfi við Barnahús var settur saman sex manna sérfræðihópur barna sem hefur orðið fyrir kynferðislegu ofbeldi og hefur verið í meðferð í Barnahúsi. Sérfræðingarnir voru ára og komu reglulega saman til að ræða ofbeldi gegn börnum og hvernig koma megi í veg fyrir það. Sérfræðihópurinn setti fram eigin tillögur sem birtast í skýrslu UNICEF, Réttindi barna á Íslandi: ofbeldi og forvarnir sem gefin var út árið

10 Á vettvangi UNICEF er á vettvangi í yfir 190 löndum og hefur að leiðarljósi þá bjargföstu trú að öll heimsins börn eigi rétt á heilsugæslu, menntun, jafnrétti og vernd. Fjöldi Íslendinga hefur unnið á vegum UNICEF, þar á meðal Margrét Rögn Hafsteinsdóttir á Gaza. Hús úr húsi á Gaza Margrét Rögn Hafsteinsdóttir er hjúkrunarfræðingur og vann í tvö ár hjá UNICEF í Palestínu. Staða hennar var kostuð af Íslensku friðargæslunni. Meirihluta tímans bjó Margrét á Gaza. Ungbarna- og mæðradauði hefur í gegnum tíðina verið hár á Gaza. Flestar konur sem gengið hafa í gegnum eðlilega fæðingu fara heim af sjúkrahúsi skömmu eftir fæðinguna jafnvel klukkutíma síðar. Mesti áhættutíminn eftir fæðingu fyrir konur og nýbura er því án faglegs eftirlits. Til að vinna að Þúsaldarmarkmiðum SÞ um að lækka tölur um barnadauða og mæðradauða ákvað UNICEF að styrkja heilbrigðisráðuneytið á Gaza til að efla eftirlit og fræðslu hjúkrunarfræðinga og ljósmæðra til nýbakaðra mæðra sem fyrst eftir fæðingu. Markmiðið var að draga úr ungbarna- og mæðradauða með ráðgjöf og eftirliti. Margrét vann með hópi palestínskra hjúkrunarfræðinga og ljósmæðra sem hún þjálfaði upp og fór með í heimahús. Hún heimsótti því fjölskyldur vítt og breitt á Gaza og kynntist mörgum. Nú er hún komin aftur heim eftir rúmlega tveggja ára dvöl. Ég er ánægð að geta farið frá þessu vitandi að góður árangur hefur náðst, segir hún. Starfssystur mínar á Gaza eiga heiður skilinn, þær eru fullar af áhuga og vilja halda verkefninu áfram. Það var vel sýnilegt í stríðinu í nóvember; þá fóru margar þeirra í hús fótgangandi þar sem bílarnir voru uppteknir við að flytja særða. Þær lögðu sig í hættu til þess að komast heim til mæðra sem þær vissu að þyrftu á þeim að halda. Fæðingar Helstu orsakir mæðradauða á Gaza eru sýkingar, blæðingar, blóðtappar og hjartasjúkdómar. Helstu orsakir nýburadauða á Gaza eru sýkingar, fæðingargallar, fyrirburafæðingar og léttburafæðingar, segir Margrét. Talið er að í yfir 90% tilvika sé hægt að fyrirbyggja fylgikvilla fæðinga með reglubundnu eftirliti á meðgöngu, í fæðingu og eftir hana. Þessi stúlka var fyrsta barn foreldra sinna og mikil eftirvænting eftir henni, segir Margrét. Brjóstagjöf Þar sem hættuástand er viðvarandi, líkt og á Gaza, getur brjóstagjöf skilið á milli þess hvort ungabarn kemst af eða ekki. Annað verkefni sem Margrét vann að var að aðstoða tvo fæðingarspítala á Gaza við að innleiða verkefnið Baby Friendly Hospital Initiative. Stofnanir þurfa að undirgangast mikla þjálfun til að fá þann gæðastimpil sem verkefnið veitir. Það þýðir m.a. að fræðsla og stuðningur við brjóstagjöf sé til staðar og farið sé eftir 10 skrefum til árangursríkrar brjóstagjafar sem verkefnið byggir á, segir Margrét. 10

11 Mæðra- og ungbarnadauði Mæðradauði hefur lækkað umtalsvert á síðustu tveimur árum á Gaza og stendur nú í þeirri tölu sem markmiðið var sett á fyrir Opinberar tölur hafa ekki verið birtar yfir ungbarnadauða en heilbrigðisráðuneytið segir að þær tölur hafi einnig lækkað umtalsvert. Það er því mikilvægt að halda boltanum á lofti og styðja áfram við þessi mikilvægu verkefni, segir Margrét. Hér er systkinahópur sem hún hitti í einni af fjölmörgum heimsóknum sínum. Sálrænn stuðningur Börn, hvar sem þau eru fædd í heiminum, eiga að fá að alast upp við öryggi. Á Gaza alast upp börn kynslóð eftir kynslóð við ógn um stríð. Eftir stríðið í nóvember 2012 hefur nærri því hver einasta barnssál á Gaza upplifað stríðsátök, segir Margrét. UNICEF er með afar umfangsmikið starf í Palestínu og aðstoðar börn og foreldra þeirra meðal annars við að vinna úr þessari upplifun með sálrænum stuðningi. Öryggi Ár hvert drukkna börn í skólpkerfinu á Gaza. Þriðja hvert heimili tengist ekki við skólpkerfi og skólp safnast því í tjarnir oft mjög nálægt íbúabyggð. Börn dragast að þessum tjörnum og þær verða að lífshættulegum leiksvæðum, segir Margrét. UNICEF vinnur ásamt yfirvöldum að forvörnum með því að girða svæðin af og fræða börn og foreldra þeirra um hættuna. Með fræðslu og þjálfun hefur UNICEF auk þess virkjað unglinga í 16 hverfum til að vekja athygli á hættunni. 11

12 UNICEF / Ferouz UNICEF / Holmes Fjármál Tekjur á árinu 2012 námu rúmum 437,4 milljónum króna en kostnaður við fjáröflun, kynningarmál, sölu og rekstur skrifstofu nam rúmum 118,3 milljónum, þar af var launakostnaður rúmar 42 milljónir. Vegna beinna rekstrarframlaga var hins vegar einungis 22,4% af söfnunarfé varið í kostnað. Söfnunarfé var varið þannig að af hverjum 100 krónum sem gefnar voru til UNICEF fóru 3,4 krónur í rekstur og stjórnun, 1,6 króna í kynningarmál og 17,4 krónur í að safna næstu 100 krónum og hjálpa enn fleiri börnum. Eins og undanfarin ár var framlag heimsforeldra stærsti tekjuliður UNICEF á Íslandi. Heildartekjur af verkefninu námu 298 milljónum króna. Ráðstöfun til hjálparstarfs nam rúmri 341 milljón. Þar af var um 268,1 milljón varið til reglubundinna verkefna UNICEF og nýtist því í þeim löndum þar sem þörfin er mest. Af tekjum ársins 2012 verður 21,5 milljón varið til hjálparstarfs UNICEF á árinu Alþjóðleg verkefni UNICEF árið 2012/ Allocation to development assistance in Að auki var 9,7 milljónum króna varið í réttindagæslu og verkefni fyrir börn á Íslandi. 40 milljónir króna runnu til eflingar menntunar í Síerra Leóne en það er framlag frá velgerðasjóðnum Auroru. Það er fimmta framlag sjóðsins til menntunar í landinu. Vorið 2012 stóð UNICEF á Íslandi fyrir neyðarsöfnun fyrir Sahel-svæðið í Vestur-Afríku og námu framlög til þeirrar söfnunar rúmum 26,4 milljónum króna. Um haustið var hrundið af stað neyðarsöfnun fyrir Sýrland og námu framlög til þeirrar söfnunar tæplega 4,5 milljónum króna árið Söfnunin hélt áfram árið Samkvæmt lögum UNICEF á Íslandi er stofnfé samtakanna ein milljón króna. Í lok árs 2008, í kjölfar efnahagsþrenginga á Íslandi, ákvað stjórn UNICEF á Íslandi að 20 milljónir skyldu settar í sérstakan varasjóð og hefur honum ekki verið ráðstafað. Óráðstafaðar tekjur þar með talið varasjóður og óráðstafaðar tekjur til hjálparstarfs námu því rúmum 42,5 milljónum króna í lok árs Ráðstöfun söfnunarfjár árið 2012/ Allocation of donations % 12% 9% 17% 2% 3% 2% 78% 76% 12 Reglubundin verkefni UNICEF UNICEF í Síerrara Leóne UNICEF í Jemen Ney ara sto Fjáröflun Rekstur Al jó leg verkefni UNICEF Kynningarmál Réttindagæsla og verkefni á Íslandi

13 UNICEF / Pirozzi UNICEF / Ferouz HELSTU TEKJUR OG GJÖLD Tekjur Heimsforeldrar Rekstrartekjur Verkefnastyrkir Sjóðir og fyrirtæki Sala á kortum og gjafavörum Neyðarsafnanir Önnur framlög Vaxtatekjur Alls Útgjöld Kostnaður við fjáröflun Kynningarmál Kostnaður v/ sölu korta og gjafa Annar rekstur Alls Ráðstöfun til hjálparstarfs Erlend verkefni Reglubundin verkefni UNICEF UNICEF í Síerra Leóne UNICEF í Jemen UNICEF í Austur-Afríku, Sahel og Sýrlandi Til erlendra verkefna alls Innlend verkefni Réttindagæsla og verkefni á Íslandi Til innlendra verkefna alls Alls til verkefna UNICEF Ráðstöfun til hjálparstarfs flutt til ársins 2013 Verður ráðstafað árið Allar upphæðir eru í íslenskum krónum. Deloitte annaðist endurskoðun á ársreikningi UNICEF á Íslandi. Ársreikninginn má nálgast á skrifstofu UNICEF á Íslandi. KEY FINANCIAL FIGURES Donations Global Parents Operational support Project support Corporates and foundations Sales of cards and gifts Emergency appeals Other donations Finance income and exhange rate gain Total Expenditure Fundraising cost Communication Sales cost from cards and gifts Other expenditure Total Programme allocation International projects Regular resources, UNICEF projects UNICEF Sierra Leone UNICEF Yemen UNICEF Horn of Africa, Sahel and Sýrland Total international projects Domestic projects Child rights advocacy and domestic programmes Total domestic projects Total UNICEF projects Allocation to programmes transferred to 2013 Will be allocated in All figures are in Icelandic krona. Deloitte audited the finances of UNICEF Iceland. For further information please contact UNICEF Iceland. 13

14 Framlög íslenska ríkisins til UNICEF UNICEF er samkvæmt þingsályktun Alþingis um áætlun um alþjóðlega þróunarsamvinnu Íslands ein af fjórum lykilstofnunum í þróunarsamvinnu Íslands. Árið 2012 samþykkti Alþingi að hækka framlög Íslands til þróunarsamvinnu um einn milljarð í nýju fjárlagafrumvarpi fyrir árið Þróunarhjálp er okkar leið til að láta af höndum rakna til örsnauðs fólks í fátækustu ríkjum heims. Hún beinist ekki síst að mæðrum og börnum, skrifaði utanríkisráðherra í aðsendri grein í Fréttablaðinu í tilefni af þessu. Þróunarhjálp er meðal þeirra þátta sem ég hef lagt mesta áherslu á í starfi mínu sem utanríkisráðherra. Þess vegna gleðst ég einlæglega, eins og örugglega allir Íslendingar, yfir þessum sögulega áfanga. Framlög til UNICEF aukast Framlög íslenska ríkisins til UNICEF alþjóðlega hækkuðu um rúm 10,6% á milli áranna 2011 og Meirihluta þess fjár, um 54%, var varið til svokallaðra almennra framlaga. Slík framlög gera UNICEF meðal annars kleift að sinna hjálparstarfi á svæðum sem njóta engrar fjölmiðlaathygli og berjast fyrir réttindum barna á heimsvísu. Íslensk stjórnvöld styrktu hjálparstarf UNICEF í Sýrlandi og nágrannaríkjunum með 11,5 milljóna króna framlagi árið Staðan í Sýrlandi hríðversnaði á árinu og straumur flóttamanna fór vaxandi. Börn eru helmingur flóttafólksins og því var starf UNICEF gríðarlega umfangsmikið á svæðinu. Árið 2012 veitti utanríkisráðuneytið UNICEF í Palestínu 12,9 milljóna króna styrk til almennra verkefna samtakanna og var það fjórða árið í röð sem slíkt var gert. UNICEF í Palestínu leggur áherslu á vernd og umönnun barna sem líða fyrir ástandið á hernumdu svæðunum og verkefni UNICEF felast meðal annars í bólusetningum, menntun, sálgæslu og fræðslu um næringu og hreinlæti. Íslenska ríkið hélt auk þess áfram stuðningi sínum við samstarfsverkefni UNICEF og UNFPA sem miðar að því að afnema limlestingu á kynfærum kvenna og stúlkna. Samstarf UNICEF og UNFPA felur í sér heildstæða nálgun og markmiðið er að hraða afnámi limlestinga á kynfærum kvenna. Alþjóðaheilbrigðismálastofnunin telur að 140 milljónir kvenna hafi orðið fyrir limlestingu á kynfærum sínum og UNICEF áætlar að árlega eigi þrjár milljónir stúlkna á hættu að hljóta sömu örlög. Fjármagni var einnig varið til stöðu ungs sérfræðings (e. Junior Professional Officer) í menntaverkefnum hjá UNICEF í Malaví. Viðkomandi hefur störf árið Loks ber að nefna að árið 2011 gerðu utanríkisráðuneytið og UNICEF á Íslandi með sér samstarfssamning til þriggja ára. Fyrsta árið veittu yfirvöld landsnefndinni 5 milljóna króna styrk og árið 2012 nam hann 5,5 milljónum króna. Landsnefndin sinnir á móti fræðslu og upplýsingagjöf er snertir starf UNICEF alþjóðlega. Aðrar upphæðir frá íslenskum yfirvöldum fara ekki í gegnum bókhald landsnefndarinnar. Samstarf við íslensku friðargæsluna Samstarf Íslensku friðargæslunnar og UNICEF var formfest með samningi í febrúar Síðan þá hefur fjöldi Íslendinga verið sendur á vettvang til starfa fyrir UNICEF. Þeir hafa gegnt margvíslegum störfum og meðal annars verið í Georgíu, Srí Lanka, Tadjikistan, Súdan, Pakistan og Jemen. Guðrún Þorgeirsdóttir var á árinu 2012 á vegum Íslensku friðargæslunnar á Sómalíuskrifstofu UNICEF í Keníu. Margrét Rögn Hafsteinsdóttir hjúkrunarfræðingur, var auk þess að störfum hjá UNICEF í Palestínu. Margrét byggði upp verkefni um heilsuvernd nýbura og mæðra þeirra á Gaza-svæðinu, og hóf störf í febrúar Nánar má lesa um störf hennar á bls Skipting framlaga ríkisins til UNICEF árið % 13% 10% Almennt framlag Neyðaraðstoð Verkefni í Palestínu Verkefni í smvinnu við UNFPA Ungir sérfræðingar Landsnefnd UNICEF á Íslandi 54% 10% 9% Framlög íslenska ríkisins til verkefna UNICEF (í milljónum króna): Almennt framlag 40 24,2 44,1 76,9 69,8 Neyðaraðstoð 7,4 11,5 Verkefni í Gíneu-Bissá ,9 64,8 Verkefni í Palestínu 12,1 11,5 11,3 12,9 Verkefni í samvinnu við UNFPA 24,2 12,9 Ungir sérfræðingar 47,2 17,3 Landsnefnd UNICEF á Íslandi 5 5,5 Samtals: 124,6 158,2 120,3 117,4 129,9

15 UNICEF / Vishwanathan UNICEF / Dicko UNICEF / Sibiloni 15

16 UNICEF / Markisz UNICEF / Fannona Overview of the year Fundraising UNICEF Iceland was awarded 1st runner up for UNICEF Financial Performance Award for largest growth in per capita income in Each year the National Committee in Iceland gives the equivalent of 7,23 US dollars for every Icelander to development assistance. Fundraising efforts were very successful in 2012 and as usual the Global Parent pledge programme was at the heart of UNICEF Iceland s fundraising with 5,511 new Global Parents recruited (3,165 female, 2,316 male and 30 companies). UNICEF Iceland has more pledge donors per capita than any other National Committee for UNICEF in the world; a fact we are tremendously proud of and thankful for. Almost 7% of Icelanders have registered as Global Parents. The Global Parents have shown themselves to be a steady source of support for UNICEF s long term projects for children in need around the world. At the end of 2012, there were 21,754 Global Parents in Iceland, and the average monthly donation was 1,414 ISK. Other fundraising activities included the continuing sale of UNICEF s cards and gifts, in memoriam cards and gift certificates, and an emergency appeal for the Sahel region and Syria, to name but a few. Sales of the so-called Inspired Gifts also continued in 2012, and a total of 3.6 million ISK was raised through the project. Through Inspired Gifts, over 12,000 children received vaccination against measles and polio from Icelanders and 1,000 children received school supplies. Other items include mosquito nets, therapeutic food and milk for malnourished children. Sponsored Projects In recent years the Aurora foundation has supported an extensive and comprehensive education project in Sierra Leone, one of the poorest countries in the world. In 2012, 16 the board of the Aurora Foundation pledged a total of 40 million ISK in support of UNICEF projects in Sierra Leone. The total contribution of the Foundation to education in Sierra Leone now amounts to million ISK. Schools have been constructed and over a hundred teachers have been fully trained. Local communities have been activated through the founding of parent associations and mother s clubs in the schools which has a positive effect on student retention and child protection in general. Together, Aurora and UNICEF have changed the lives of thousands of children and families in Sierra Leone. Advocacy and Education for Development UNICEF Iceland, the Ombudsman for Children in Iceland, Save the Children and The National Centre for Educational Materials teamed up and created the website www. barnasattmali.is with the aim to make educational material on the Convention of the Rights of the Child accessable to teachers and children in secondary school. The UNICEF-movement project, which encourages primary school children to raise awareness and funds for UNI- CEF through sponsored runs, also continued with over 4,500 students participating from 24 primary schools and after school care centres. Not only creating awareness among children on UNICEF s work the world over, the UNICEF-movement is also an active part of UNICEF s fundraising, raising 4,3 million ISK with the project in After UNICEF Iceland s report, State of Children in Iceland 2011, a decision was made to follow up its main results and take a closer look at violence against children in Iceland. In April and May 2012 UNICEF sought the opinion of experts from ministries, the education system, the child welfare system as well as the police and many more. A

17 UNICEF / Brooks UNICEF / Sokol 2012 series of meetings was held with the experts where the main threats to children in Iceland were discussed. Following those meetings a set of proposals was formed calling on immediate response from the authorities to prevent all kinds of violence against children. The need for a centralized approach to funding, research and knowledge management was also addressed. UNICEF s report: Child Rights in Iceland: Violence and prevention will be out in Corporate partners A number of Icelandic companies co-operated with and supported UNICEF Iceland in In most cases the support was in the form of free or discounted goods and services, such as with Oddi printing company and the property company Reitir which renewed a very generous letting agreement with UNICEF Iceland. Such goodwill is tremendously important for the work of the National Committee as it serves to minimise the overhead costs of the operation. IKEA launched its annual Soft Toy Campaign collecting 1,8 million ISK and UNICEF Iceland continued its successful co-operation with the sale of coffee to companies through a cause related telemarketing project with Te & Kaffi. MP bank and Valitor sponsored the Red Nose Day campaign and several companies and corporates supported the work of UNICEF in one way or another in The Icelandic government The Icelandic government raised its continued support for UNICEF in 2012 by 10,6% with funds being allocated to regular projects within UNICEF, as well as to UNICEF-projects in Syria, Palestine, and a joint programme with UNFPA aiming at ending female genital mutilation/ cutting. Two UNICEF-positions were also paid for by the Icelandic Crisis Response Unit, one at the Somalia-office in Kenya and one in Palestine. Funds for the hiring of a Junior Professional Officer for education programmes in Malawi were also allocated in In 2011 the ministry of foreign affairs and UNICEF made a three year donation agreement. In 2012 UNICEF received the second donation from the ministry of 5.5 million ISK. Key financial figures See tables and graphs on p Successful Red Nose Day On December 7th 2012 the Red Nose Day was celebrated for the fifth time in Iceland. The main goal was to raise the number of Global Parents as well as raising awareness of the public, media, government and companies, on the need for development assistance for children. The results were great: 1,583 new Global Parents registered! Over 4,000 red noses were sold, over 9,000 people participated in a text message lottery and the Red Nose Day song of the year by FM Belfast performed by fourteen Icelandic singers became highly popular. In the TV gala broadcasted on Channel 2 many of Iceland s most beloved performers entertained, and viewers got to see compelling stories of UNICEF s work for children in need and give their support. To all the people who made the Red Nose Day 2012 a reality we extend our most heartfelt thanks. 17

18 Við erum UNICEF á Íslandi Stjórn UNICEF á Íslandi Stjórnarfólk kemur víða að úr samfélaginu og tekur virkan þátt í að móta starf landsnefndarinnar. Frá vinstri: Pétur Einarsson, Jóna Hrönn Bolladóttir, Ragna Sigurðardóttir, Guðrún Ögmundsdóttir, Margrét Hallgrímsdóttir, Svanhildur Konráðsdóttir, Bragi Guðbrandsson og Karl Blöndal. Á myndina vantar Jóhönnu Vilhjálmsdóttur. Stjórnin starfar í sjálfboðavinnu og kann UNICEF stjórnarmeðlimum bestu þakkir fyrir vel unnin störf. Stjórn Stjórnarformaður Svanhildur Konráðsdóttir Varaformaður Karl Blöndal Meðstjórnendur Bragi Guðbrandsson Guðrún Ögmundsdóttir Jóhanna Vilhjálmsdóttir Jóna Hrönn Bolladóttir Margrét Hallgrímsdóttir Ragna Sigurðardóttir Pétur Einarsson Starfsfólk Framkvæmdastjóri Stefán Stefánsson Fjármálastjóri Dröfn Guðmundsdóttir Fjáröflunarstjóri Flóki Guðmundsson Kynningarstjóri og fjölmiðlafulltrúi Sigríður Víðis Jónsdóttir Verkefnastjóri Bergsteinn Jónsson Fjáröflunarfulltrúar Helga Ólafsdóttir Hrafnhildur Helgadóttir Jóhanna Guðmundsdóttir Kynningarfulltrúi Sólveig Jónsdóttir Margmiðlunarhönnuður Andrea Hyldahl Ráðgjafi í innanlands- og réttindamálum Lovísa Arnardóttir Formaður ungmennaráðs Ragna Sigurðardóttir Bókari Arnheiður Þorsteinsdóttir Tengiliður heimsforeldra Bryndís Lúðvíksdóttir 18

19 UNICEF / Bindra UNICEF / Haque UNICEF / Alcock Takk! Stjórn og starfsfólk UNICEF á Íslandi á mikið að þakka þeim fjölmörgu góðu aðilum sem koma að starfi landsnefndarinnar með einum eða öðrum hætti. Bæði einstaklingar og fyrirtæki hafa sýnt UNICEF mikinn velvilja og stuðning. Margir hafa gefið afslætti og stutt þannig við reksturinn og aðrir hafa veitt beinan fjárhagslegan stuðning. Við þökkum öllum þeim ótal mörgu sem lögðu okkur lið á árinu 2012 og gerðu þar með heiminn aðeins betri fyrir þau sem reiða sig á starf UNICEF: Bágstödd börn. UNICEF / Bindra UNICEF / Khuzaie Nesa UNICEF / Mawa

20 ÁRSSKÝRSLA 2012 annual report UNICEF Ísland Laugavegur Reykjavík Sími: SAMEINUMST Í ÞÁGU BARNA