Ned Geref Gemeente Lyttelton-Oos DIE HEROUT Sondag, 11 September 2011 Hartlik welkom in die erediens vanoggend

Transcription

1 Ned Geref Gemeente Lyttelton-Oos DIE HEROUT Sondag, 11 September 2011 Hartlik welkom in die erediens vanoggend Webtuiste: SONDAG, 11 SEPTEMBER 09:00 Erediens: Freddie Schoeman Tema: Hoe om in liefde en vrede met ander te leef) 18:00 Aanddiens 18:45 Kategese/Ouers kuier saam 19:30 Gesinne kuier/speel saam MAANDAG, 12 SEPTEMBER 19:00 Bedryfspanvergadering DINSDAG, 13 SEPTEMBER 09:00 Sustersbiduur/Bybelstudie WOENSDAG, 14 SEPTEMBER 17:00 Biduur (soos gereël) DONDERDAG, 15 SEPTEMBER 09:00 Bybelstudie Senior Lidmate VRYDAG, 16 SEPTEMBER 18:30 Gemeenskapsete SATERDAG, 17 SEPTEMBER PARKNAVAL SONDAG, 18 SEPTEMBER Deurkollekte Jeug 09:00 Erediens: Freddie Schoeman (Tema: Hoe om in liefde en vrede met ander te leef) 18:00 Aanddiens 18:45 Kategese/Ouers kuier saam 19:30 Gesinne kuier/speel saam MAANDAG, 19 SEPTEMBER 19:00 Bedieningspanvergadering DINSDAG, 20 SEPTEMBER 09:00 Sustersbiduur/Bybelstudie WOENSDAG, 21 SEPTEMBER 17:00 Biduur DONDERDAG, 22 SEPTEMBER 09:00 Bybelstudie Senior Lidmate VRYDAG, 23 SEPTEMBER Jeug: Bash SATERDAG, 24 SEPTEMBER Erfenisdag NUWE INTREKKERS Ons wil julle graag so gou moontlik tuis laat voel en deel maak van ons geloofsgesin! Bly gerus na die diens agter dan ontmoet ons mekaar voor die kansel. Julle kan ook ds Freddie Schoeman ( ) of Max Amsenga ( ) skakel. VOORBIDDING Telana Crafford, Van Riebeeckln 196 wat hierdie week in die hospitaal was (Blok 2). Elsa Roos Krugerlaan 102 wat tuis aansterk na n beroerte (Blok 3). Stephen en Mauriza Swart (DF Malanln 121) met Mauriza se pa wat ernstig siek in die hospitaal is (Blok 3). Rachel Martens, Hans Strijdomln 204 wat n hand-operasie ondergaan het. Adolf Crafford, Hans Strijdomln 182 is tuis en dit gaan goed. Hy sal nog vir geruime tyd onder observasie wees (Blok 2). ANDRIES KRIEK Andries, n oud-lidmaat van Lyttelton- Oos en ook n oud-burgemeester, tans woonagtig in Protea Aftree-oord 57, is ernstig siek. Ons dink aan hom en sy familie en bid hulle sterkte toe. MEEGEVOEL Ons betuig graag meegevoel met Fransie en Tony Engelbrecht, Hans Strijdomlaan 21, met die afsterwe van Fransie se moeder Maandag. Mag julle in hierdie dae en die dae wat kom God se nabyheid en liefde intens ervaar.

2 PREEK : SONDAG 4 SEPTEMBER REEKSTEMA: HOE OM IN LIEFDE EN VREDE MET MEKAAR TE LEEF Om hierdie tema te illustreer, is ons besig om te kyk na die verhaal van Jakob. Die tweede hoofstuk van die verhaal kom vandag aan die beurt. Verlede week het ons gekyk na die eerste hoofstuk van hierdie verhaal. Dit het die fondament gelê vir die res van die verhaal. Die res van die verhaal bou baie sterk op dít wat in die eerste hoofstuk aan die orde gestel word: Isak trou met Rebekka, n vrou uit Padan-Aran, die suster van Laban hierdie feit gaan later n groot rol speel in die res van die verhaal Jakob en Esau se geboorte met Jakob wat aan Esau se hakskeen vashou. Die naam Jakob klink baie soos die Hebreeuse woord vir hakskeen. Ons sal vandag hoor van nog n betekenis van Jakob se naam. Die beskrywing van hoe Esau gelyk het: harig. Dit gaan n groot rol speel in die vandag se hoofstuk. Die feit dat die gesin verdeel was: Isak se gunsteling was Esau want Esau het gereeld wildsvleis vir hom gebring terwyl Rebekka weer meer van Jakob gehou het. Die tweede hoofstuk van die Jakobverhaal kry ons in hoofstuk 27 van Genesis. (Die eerste hoofstuk was in Genesis 25. Genesis 26 vertel n greep uit Isak se lewe voordat ons in hoofstuk 27 weer op Jakob se spoor kom.) Dit bestaan uit n sestal tonele. EERSTE TONEEL In die eerste toneel is Isak en Esau op die verhoog, met Rebekka wat afluister (Genesis 27:1-5a): Toe Isak baie oud en al blind was, het hy sy oudste seun, Esau, geroep en vir hom gesê: My seun! en Esau het geantwoord: Hier is ek! 2 Isak het vir hom gesê: Kyk, ek is al oud en ek weet nie wanneer ek gaan sterf nie. 3 Vat nou jou skietgoed, jou pyl en boog, en gaan veld toe en skiet vir my n stukkie wild. 4 Kom maak dit dan vir my lekker gaar soos ek daarvan hou en bring dit vir my dat ek dit kan eet en jou kan seën voor ek sterf. 5 Rebekka het gehoor wat Isak met sy seun Esau praat... Hier is iets verkeerd: die normale is dat n pa sy seuns nader roep wanneer hy op die punt is om te sterf en almal seën. Jakob is Esau se tweelingbroer hoekom word hy uitgesluit? TWEEDE TONEEL In die tweede toneel is Rebekka en Isak op die verhoog:... en toe Esau veld toe is om te gaan jag, 6 het sy met haar seun Jakob gepraat en vir hom gesê: Luister, ek het gehoor jou pa praat met jou broer Esau. Hy het vir hom gesê: 7 Gaan haal vir my n stukkie wild en maak dit vir my lekker gaar dat ek dit kan eet en ek jou dan in die teenwoordigheid van die Here kan seën voor ek sterf. 8 Nou moet jy na my luister, my seun, en doen wat ek jou sê. 9 Gaan na die kleinvee toe en bring vir my twee vet bokkies. Dan sal ek hulle lekker gaarmaak soos jou pa 2

3 daarvan hou. 10 Jy moet dit dan vir hom vat dat hy dit kan eet en jou kan seën voor hy sterf 11 Toe sê Jakob vir sy ma Rebekka: Maar my broer Esau is harig en ek is glad. 12 Miskien sal Pa aan my voel en dan dink ek skeer die gek met hom, en so sal ek n vervloeking oor my bring en nie n seën nie. 13 Sy ma het vir hom gesê: As daar n vervloeking is, sal dit oor my kom, my seun. Luister jy net na my en loop vang die bokkies vir my. 14 Hy het die bokkies gaan vang en vir sy ma gebring, en sy het hulle lekker voorberei soos sy pa daarvan hou. 15 Toe vat Rebekka haar oudste seun Esau se beste klere wat sy by haar in die huis gehad het en trek dit vir haar jongste seun Jakob aan. 16 Sy het die bokvelletjies om sy hande en om sy kaal nek vasgemaak 17 en die lekkerny en die kos wat sy voorberei het, vir Jakob gegee. Rebekka wou gehad het dat haar gunstelingseun die vader se seën ontvang, en nie Esau nie. Jakob maak beswaar teen die plan. Jakob se beswaar was nie omdat hy gedink het Rebekka se plan was moreel en eties verkeerd nie, maar sy beswaar was oor die uitvoerbaarheid sê nou maar dit werk nie? Hy was meer bekommerd oor die moontlikheid dat hy uitgevang sou word as oor die feit dat dit verkeerd was. DERDE TONEEL In die derde toneel is Isak en Jakob op die verhoog: 18 Hy het toe na sy pa toe ingegaan en gesê: Pa! Toe sê hy: Ja, watter seun is jy? 19 Jakob het sy pa geantwoord: Ek is Esau, Pa se oudste seun. Ek het gedoen wat Pa gesê het. Kom sit nou regop en eet van my wildsvleis sodat Pa my dan kan seën. 20 Maar Isak het vir hom gevra: Hoe het jy dan die wild so gou gekry, my seun? en Jakob het geantwoord: Die Here u God het my dit laat raakloop. 21 Toe sê Isak vir Jakob: Kom nader dat ek aan jou kan voel, my seun, of jy my seun Esau is of nie. 22 Jakob het nader gegaan na sy pa Isak toe, en toe hy aan hom voel, sê hy: Die stem, dis Jakob se stem, maar die hande, dis Esau se hande. 23 Isak het nie vir Jakob herken nie, want sy hande was harig soos sy broer Esau s n. Isak het toe vir Jakob geseën. 24 Isak het vir hom gesê: Jy is tog my seun Esau! en Jakob het gesê: Ek is. 25 Toe sê Isak: Gee die wild aan dat ek daarvan kan eet, my seun, en jou dan kan seën. Hy het dit vir hom aangegee en Isak het geëet, en Jakob het vir hom wyn gebring, en hy het dit gedrink. 26 Isak het vir hom gesê: Kom nader en soen my, my seun! 27 Hy het nader gekom en hom gesoen, en toe hy die reuk kry van die klere wat Jakob aan het, het Isak hom geseën en gesê: Kyk, die reuk van my seun is soos die veld se reuk, die veld wat deur die Here geseën is. 28 God gee aan jou dou uit die hemel, die rykdom van die aarde: koring en wyn in oorvloed. 3

4 29 Volke sal jou dien, nasies sal voor jou buig; oor jou familie sal jy heers, jou broers sal voor jou buig. Wie n vervloeking oor jou uitspreek, sal self vervloek wees, wie jou seën, sal geseën wees. Hierdie toneel is vol spanning. Dit lyk eers asof die plan nie gaan werk nie. Isak is net te suspisieus. Jakob probeer hard om hom te oortuig. Hy praat te veel. Toe Isak sê die hande is Esau se hande maar die stem is Jakob s n hou Jakob op praat! Hy besef sy stem gaan hom weggee. Die spanning word eers gebreek toe Isak die seën uitspreek. VIERDE TONEEL In die vierde toneel is Jakob en Esau op die verhoog. Esau en Isak ontdek dat hulle altwee verkul is. 30 Toe Isak vir Jakob klaar geseën het, en hy nog skaars by sy pa Isak uit was, kom sy broer Esau terug van die jag af. 31 Ook hy het n lekker ete voorberei en dit vir sy pa gevat. Esau het vir sy pa gesê: Sit regop, Pa, en eet van Pa se seun se wildsvleis sodat Pa my dan kan seën. 32 Toe vra sy pa Isak: Wie is jy? en hy antwoord: Pa se seun Esau, Pa se oudste. 33 Isak was toe baie ontsteld en hy vra: Maar wie het dan die wild geskiet en vir my gebring? Ek het daarvan geëet net voor jy gekom het. Ek het hóm geseën, en hy sal geseën bly. 34 Toe Esau hoor wat sy pa sê, het hy hard en bitter begin skree en by sy pa gepleit: Pa, seën my tog ook! 35 Maar Isak sê vir hom: Jou broer het my kom bedrieg en toe het hy jou seën gevat. 36 Esau het geantwoord: Hy word tereg Jakob genoem. Hy het my nou al twee keer bedrieg : hy het my reg as eersgeborene gevat en nou het hy my seën gevat. Toe vra Esau: Het Pa nie nog n seën vir my ook nie? 37 Isak het vir hom gesê: Ek het hom alreeds aangestel om oor jou te heers en ek het sy hele familie vir hom as onderdane gegee. Ek het hom van koring en wyn voorsien. Daar is niks wat ek vir jou kan doen nie, my seun. 38 Esau het toe vir sy pa gesê: Pa, het Pa dan net een seën? Seën my tog ook, Pa! Toe Esau daarna begin huil, 39 sê sy pa Isak vir hom: Jou woonplek sal ver van die aarde se rykdom af wees, en ook ver van die dou uit die hemel af. 40 Jy sal van oorlog leef en jy sal jou broer dien, maar as jy jou kans afwag, sal jy sy juk van jou nek afgooi. 41 Esau het vir Jakob gehaat oor die seën wat sy pa aan hom gegee het, en Esau het by homself gesê: My pa se dood is nie meer ver nie, dan maak ek my broer Jakob 4

5 dood. Esau se seën is die spieëlbeeld van Jakob s n en eintlik nie n seën nie maar n vervloeking. Esau is woedend. Hy word tereg Jakob genoem want hy het my nou al twee keer bedrieg. Die woord Jakob klink nie net soos die Hebreeuse woord vir hakskeen nie, maar klink ook soos die Hebreeuse woord vir bedrieër. VYFDE TONEEL In die vyde toneel is Jakob en Rebekka op die verhoog. Sy probeer Jakob oortuig om te vlug: 42 Daar is aan Rebekka vertel wat haar oudste seun gesê het. Sy het toe haar jongste seun Jakob laat roep en vir hom gesê: Pas op! Jou broer Esau is op wraak uit. Hy wil jou vermoor. 43 Luister, my seun! Vlug Haran toe, na my broer Laban toe, 44 en bly n ruk by hom tot jou broer se woede oor is. 45 As sy bui oor jou gesak het en hy vergeet het wat jy hom aangedoen het, sal ek stuur en jou daarvandaan laat haal. Waarom moet ek julle altwee op een dag verloor? Rebekka voorsien nie n lang verblyf vir Jakob in Haran nie. Ons weet dat Jakob op die ou end baie lank daar gebly het omdat Laban vir Jakob bedrieg het (!). Dit lyk asof Jakob onwillig is om te gaan. Daarom moet Rebekka n ander plan maak. Sy gaan na Isak toe met n storie. 46 Rebekka het vir Isak gesê: Ek is nou siek en sat van hierdie Hetitiese vrouens van Esau. As Jakob ook met Hetitiese meisies trou, met meisies soos hulle uit hierdie land, kan ek net sowel sterf. SESDE TONEEL 28 Toe roep Isak vir Jakob en neem van hom afskeid en sê vir hom: Jy mag nie met n Kanaänitiese meisie trou nie. 2 Gaan na Paddan-Aram toe, na die huis van jou ma se pa Betuel toe, en trou daar met n dogter van jou oom Laban. 3 God die Almagtige sal jou seën: Hy sal jou vrugbaar maak en jou n groot nageslag gee. Jy sal n baie groot volk word. 4 Hy sal jou die seën laat toekom wat Hy aan Abraham gegee het: jy en jou nageslag sal die land waarin jy woon, as besitting ontvang, die land wat God aan Abraham gegee het. 5 So het Isak toe vir Jakob weggestuur, en hy is na Paddan-Aram toe, tot by die Arameër Betuel se seun Laban, broer van Rebekka die ma van Jakob en Esau. Rebekka raak melodramaties in haar poging om Isak te oortuig om Jakob weg te stuur. Sy weet as sy dit nie regkry is haar gunsteling seun Jakob in gevaar. Een van die grootste struikelblokke in die weg van goeie verhoudings met mense is eiebelang en selfsug. Dit is gebaseer op n wantroue in die Here. Dit is gebaseer op die valse idee dat ons en ons alleen verantwoordelik is vir ons versorging en voorbestaan. As die Here en niemand anders vir ons gaan sorg nie dan moet ons vir onsself sorg. (If it s to be, it s up to me). Dit was wat Jakob gemotiveer het as hy dit gaan maak in die lewe of nie, hang slegs van hom af. Ander mense word dan in een van twee kategorieë geplaas: Nuttige gebruiksartikels mense is net belangrik as hulle vir jou iets kan gee / as hulle jou kan help om bo uit te kom. As hulle nie meer nuttig is 5

6 nie, skuif jy hulle uit jou lewe. Jy help hulle net as hulle jou kan help. (Rebekka) Struikelblokke mense wat in jou pad is en wat met alle mag en mening uit die pad gestoot moet word al moet jy hulle belieg en bedrieg. (Isak en Esau) Indien mense nie in een van hierdie twee kategorieë geplaas kan word nie is hulle van geen belang nie. Hulle nood, hulle behoeftes gaan by jou verby want dit raak jou nie. Goeie menseverhoudings begin by n grondige vertroue in die Here se voorsiening. ( Moenie bekommerd wees... Matt 6) As ons dit weet en glo dan maak dit ons vry om mense as mense te sien. Dit maak ons vry om mense te sien vir wie hulle is as skepsels van die Here vir wie die Here oneindig lief is. Ons kan dan mense vanuit die oë van die Here begin sien. Dan ontstaan daar n deernis en n diep omgee in ons harte vir mense maar ook n baie diep respek teenoor almal sonder uitsondering. Ek luister hierdie week na n praatjie van iemand wat vertel dat hy op ʼn vliegtuig langs iemand beland het met wie hy aan die gesels geraak het. Uiteindelik vra hy vir die persoon wat hy doen vir n lewe en hy sê dat hy n FBI agent is. Toe hy hom vra wat sy rol in die FBI is, sê hy dat hy n hostage negotiator is hy onderhandel met mense wat ander mense as gyselaars aanhou. Hy vra hom toe wat die eerste ding is wat hy moet doen as hy in n gyselaarsituasie kom. Secure the perimeter m.a.w. sper die gebied af sodat ander nie kan inkom of kan uitgaan nie. Tipiese FBI antwoord! Die tweede ding? Kry n kommunikasiekanaal in plek telefoon, tweerigting radio ens. Dit klink ook FBI. En die derde ding? Gaan na n stil plek en berei voor vir die onderhandeling ontwikkel n diep respek in sy hart teenoor die persoon wat die ander as gyselaar aanhou. Wat???? Dit klink glad nie soos n FBI ding om te doen nie! Hoekom? Die antwoord is eenvoudig, sê hy toe. Alle mense het n ingeboude respek-radar. Ons kan vinnig optel wanneer iemand nie respek vir ons het nie. En wanneer n krimineel beleef dat jy nie respek vir hom het nie, dan is dit neusie verby jy kan glad nie met hom onderhandel nie. Dit is die geval met al ons verhoudings. Liefde en respek. As jy met iemand praat en jy weet daardie persoon is vir jou lief en respekteer jou, dan is jy oop, dan voel jy veilig. Dan is daar vertroue. Ons moet dit veilig maak vir mekaar deur respek en liefde vir mekaar te hê. Jy respekteer iemand wanneer sy belange, behoeftes en begeerte vir jou belangrik is. In die verhaal van Isak en Rebekka, Jakob en Esau is daar min daarvan. Dit is waarom die gesin disfunksioneel is. Dit is waarom daar wedywering en konflik is. Hoe handhaaf n mense goeie verhoudings? Hoe herstel jy gebroke verhoudings? Hoe leef jy in liefde en in vrede saam met mekaar? Dit begin alles by hoe jy die ander sien: naamlik as mense met behoeftes, begeertes en belange. Wanneer jy so na mense kyk, dan respekteer jy hulle. Wanneer daar wedersydse respek is, dan is die grondslag gelê vir goeie verhoudings. Ds Freddie Schoeman 6

7 PREEKREEKS Indien daar lidmate is wat die preekreeks nie kon bywoon nie is daar die geleentheid om dit te bekom en sodoende die waarde daarvan ervaar. Johan Freysen plaas van elke diens ʼn opname op CD en lidmate kan dit by hom aankoop. Die preekreekse word die volgende Sondag in Die Herout geplaas. Persone wat nie ʼn kopie tydens die diens ontvang het nie kan met Max n reëling maak om dit by haar af te haal. Johan: ; Max: VETKOEK BY MAKRO Ons gemeente het die geleentheid om n aantal Saterdae hierdie jaar n vetkoekstalletjie by Makro Centurion te behartig vir eie fondse. Die volgende datums en groepe wat gevra word om te help is voorlopig as volg vasgestel: 29 Oktober (Dames) 26 November (Manne). Gesels solank met mekaar en tref reëlings. Kobus Badenhorst ( ) en Arie Roos ( ) het meer inligting. KAARTJIES- / JEUGKANTOOR Hierdie lokaal in die Gemeentesentrum is deur die Kerkraad aan die jeug toegeken. Persone wat enige voorraad in hierdie lokaal huisves, word gevra om dit asseblief dringend te verwyder / ʼn reëling met Schalk Meyer te maak ( ). Baie dankie vir u samewerking. 7

8 Wil jy graag dien maar jy weet nie waar nie? Wil jy weet wat jou talente en spesiale vermoëns is? ONTDEK JOU POTENSIAAL Kom vind uit waarmee die Here jou toegerus het Ontdek jou onontginde natuurlike vermoëns en talente en jou unieke samestelling Kry duidelikheid oor jou beroepskeuse Leer hoe om talente om te sit in areas van uitnemendheid Verneem waar jy n unieke bydrae kan lewer Die volgende werkswinkel hierdie jaar is: 12 November 2011 (08:30 15:00) Koste: R290 (NG Lyttelton-Oos lidmate slegs R190) (Sluit in: n internet-toets wat vooraf gedoen moet word; kursusmateriaal, verversings en n middagete) Skryf in deur: n SMS te stuur aan Helét van der Merwe ( ) n Terugvoervorm te voltooi Bywoning op ons Facebook bladsy aan te dui (soek vir NG Gemeente Lyttelton-Oos) BOOMSLOPING EN SNOEI VAN BOME EN STRUIKE KONTAK: ERNST

9 VERPLEGINGSPERSONEEL: RUSOORD CENTURION Hierdie gevestigde organisasie in Centurion benodig dringend die volgende persone Geregistreerde verpleegkundige (Dagdiens) Stafverpleegster (Dagdiens) Ons bied aangename werksomstandighede. Markverwante onderhandelbare salaris plus byvoordele. Sluitingsdatum: 23 September Aansoekers wat teen 30 September 2011 geen terugvoer ontvang het nie,kan aanvaar dat hulle aansoeke onsuksesvol was. Faks verkorte CV (maks 2 bladsye Geen sertifikate ens) aan: Epos: rusoordontvangs@lantic.net. Navrae Tel: Matrone Labuschagne. BOODSKAP VIR ELKE VROU Dit is so maklik om net te leef en nie te beleef nie; om ʼn toeskouer eerder as ʼn speler te word. Om net te is! Die belangrikste is dat ons nie tou opgooi nie; dat ons mekaar aanmoedig, ondersteun en herinner aan jou verantwoordelikheid om die lewe in al sy fasette te beleef. Elke vrou behoort vas te klou aan haar drome. Want as ons nie aan die onmoontlike glo nie, sal dit moontlik ons lewe tog so voorspelbaar maak. Elke vrou behoort onbevange in die wêreld in te vaar, haar nie te bekommer oor kind of kraai, man of meraai nie. En te weet wanneer die tyd ryp is om terug te kom. Elke vrou behoort soms kliphard te lag. Al is dit vir ʼn simpel rede. En vere voel oor wie dink wat. Elke vrou behoort ʼn keer in die maanlig te dans met die sand onder haar voete, die wind in haar hare en ʼn hart wat warm teen haar bors klop. Elke vrou behoort te swem met die koel water teen haar vel, onbevange, ongebonde, onverskrokke! Elke vrou behoort haarself op die skouer te klop. Elke vrou behoort vir haarself te kan lag. Elke vrou behoort die wonder van stilte te leer ken. Elke vrou moet soms sê wat sy dink, sonder om te dink wat sy sê! Elke vrou moet ʼn opregte vriendin hê. Dis ʼn verhouding sonder verwagtinge, omvangryk en rentevry. Elke vrou moet die waarde van nou met ewe groot agting bejeen as die moontlikhede van môre en die verganklikheid van gister. Elke vrou moet haar verbeelding gebruik wat anders kan jy daarmee doen! Elke vrou moet haar hart volg, haar instinkte vertrou. Elke vrou moet kan vergewe en vergeet. Sy moet ook weet dat haar geluk van niemand behalwe haarself afhang. Elke vrou behoort nou en dan in die reën te loop, ʼn kind se hand vas te hou en ʼn babakat se maag te kielie. Elke vrou moet trots wees op haar ouderdom. Dis die myle en nie die jare nie wat tel. Elke vrou moet besef haar adres, haar man se status en haar kind se prestasies weerspieël niks van haar eie verdienstelikheid as mens nie! Elke vrou moet kan sê vergeet dit! Elke vrou sal wanneer sy op ʼn donker aand haar kop hemelwaarts draai, ʼn boodskap tussen die sterre lees wat net vir haar geskryf is. (OORGENEEM) 11

10 GRACE MANNA Ek was honger, en julle het My iets gegee om te eet - Jesus (Matteus 25:35) Ons gee elke Dinsdag, Woensdag en Vrydagoggend sop en broodjies vir honger mense. Hoe kan jy betrokke raak? Help met die bediening in die oggende Help met die voorbereiding van die sop en die broodjies Help met skenkings van bestanddele Belangrike bedieningsgeleentheid: Ons is op soek na iemand wat in die oggende net n gebed kan doen vir diegene wat dit nodig het. Skakel Kobus Badenhorst by D DELTAKURSUS 13 Oktober 1 Desember 2011 Elke Donderdagaand Agt sessies 19:00 21:30 Lees en verstaan die Bybel beter. Hoor God se stem duideliker. Leer wat dit is om n dissipel te wees. Skryf in: Skakel of stuur n sms aan Helét van der Merwe by Kostes: R250 (sluit verversings en kursusmateriaal in.) ONS SOEK... na banke, stoele en koffietafel wat ons in sitkamer van jeug kan gebruik. Tree in verbinding met Schalk Meyer (Kantoor: ) e-pos: maintenance@m.co.za Na ure: Baie dankie. Jeug Lyttelton-Oos 12

11 HERMANN MEIER SE STALLETJIE PARKNAVAL 2011 Hermann Meier het gevra dat lidmate wat hom wil help plantjies maak vir sy stalletjie nou reeds daarmee moet begin. Hy vra ook boeke, en enige ander items waaraan u kan dink asseblief nie tydskrifte nie. U kan met Hermann in verbinding tree by of DANKOFFER PER INTERNET Lidmate is welkom om hulle maandelikse dankoffer / geloofoffer per internet oor te plaas. Die gemeente se rekeningbesonderhede is as volg: ABSA Lyttelton / Takkode: Gemeentefonds (vir dankoffers) Geloofoffer: Jy kan ook ons webtuiste besoek by en op die GivenGain ikoon klik om dankofferoordrag te vergemaklik Daar is ook edebietordervorms in die konsistorie beskikbaar kom vra vir een na die diens of skakel Sexta Maree by (012) Maandae of Woensdae of op haar sel of vra een aan by ngk@lytteltonoos.org.za. Vanweë die veiligheidsituasie is dit nie meer wenslik om by huise te kollekteer nie. CENTURION HOSPICE LADIES TEA Theme: Your Heritage Great prizes for the best dressed table. Date: Saturday 24 th September Venue: NG Church Hall, Monument Road, Lyttelton (Opposite Lyttelton Primary School) Time: 9:30 for 10:00 Guest Speaker: Ivy Sutton Tickets: R p.p - Hostess are free If you would like to be a Hostess, please contact us limited tickets available. For more info please contact Marlise or Ina on or

12 CMR VOEDSELPAKKIES Septembermaand is Lyttelton-Oos se beurt om pakkies aan die CMR te skenk. Hier volg n lys van items wat benodig word. Dit kan by die Kerkkantoor of die CMR-kantore afgelewer word. Merk ASSEBLIEF u skenking CMR TOILETWARE Koekies gesigwasseep Sjampoe Tandepasta 1 kg pakke waspoeier Koekies sunlightseep Bottels skottelgoedwasseep KRUIDENIERSWARE NIE BEDERFBARE ITEMS 750 ml bottels kookolie 100 g pakkies melkpoeier 10 2,5 kg pakke mieliemeel Pakke rys of stampmielies Pakke kapokaartappels of spaghetti of makaronie 10 Pakkies/blikkies sop Blikke koffie of tee/rooibostee 5 2,5 kg pakke suiker Blikkies sardyne Blikkies tuna/sardiens/kerrievis Blikkies weenseworsies 5 Blikkies frikkadelle Blikkies gemengde groente/kerriegroente Blikkies suikermielies Blikkies uie en tamaties Blikkies sousboontjies/ertjies/groenboontjies Blikkies spaghetti Baie dankie vir u bydraes. 14

13 VAKANSIE JOLYT! Halfdag Programme By NG Kerk Lyttelton-Oos 08h30-14h Oktober 2011 BESPREKINGS VOORAF IS NOODSAAKLIK!!! BRING JOU OUER/VOOG SAAM OM JOU IN TE SKRYF! NAVRAE: Susan Dry:

14 VERJAARSDAE 11 TOT 17 SEPTEMBER /11 JACQUES MARTINS KRUGERLN 112 Blok 3 09/11 JOEY WOEKE HANS STRIJDOMLN 110 Blok 3 09/12 MICHAEL JANSE VAN RENSBURG SMUTSLN 116 Blok 3 09/12 LYN DE BRUIN KRUGERLN 187 Blok 2 09/12 DANIËLLE HAYWOOD VAN RIEBEECKLN 136 Blok 3 09/15 FRANCIEN ZEELIE VAN RIEBEECKLN 278 Blok 1 09/16 SEAN BOTHMA DE LA REYWEG 16 Blok 4 09/16 COBUS VENTER HANS STRIJDOMLN 212A Blok 2 09/16 CHANTÉ KRITZINGER VAN RIEBEECKLN 172 Blok 2 09/17 CHRISTIAN DRY VAN RIEBEECKLN 47 Blok 4 09/17 MAUD VAN LOGGERENBERG KRUGERLN 290. Blok 1 09/17 WENA GREYLING HANS STRIJDOMLN 292A Blok 1 SPESIALE VERJAARSDDAG Hartlik geluk aan Maud van Loggerenberg, Krugerln 290 ( ) wat Saterdag 17 Augustus haar 85ste verjaarsdag herdenk. Mag die Here haar ryklik seën in die nuwe lewensjaar en mag sy die Here se liefde en genade ryklik ervaar. HUWELIKHERDENKINGS MAANDAG 12DE SEPTEMBER TONY EN MARETHA PICCOLI DE LA REYWEG 26. Blok 4 VRYDAG, 16 SEPTEMBER STEPHEN EN WANDA NAUDÉ DORISSTR 363 Blok 1 GRACE ARTS Vir alle raamwerk bekostigbaar Retha Wessels / Krugerlaan 177 Skakel my vir die koop en verkoop van eiendomme in Lyttelton, Kloofsig en Pierre van Ryneveld (na-ure beskikbaar)