voeg lewe by jou jare

Transcription

1 voeg lewe by jou jare SAVA NUUSBRIEF Nommer 144 November 2018 Vrae wat jy nie kan beantwoord nie is gewoonlik baie beter vir jou as antwoorde wat jy nie kan bevraagteken nie. Yuval Noah Harari SAVA JAAREIND-SLUITING Ons sal teen die middag van 14 Desember 2018 sluit en terug wees op kantoor op 7 Januarie Hierdie is die laaste nuusbrief vir die jaar. Terwyl ons gesluit is, onthou asseblief om op die SAVA-webtuiste te kyk vir inligting oor ʼn verskeidenheid onderwerpe. Die volgende nuusbrief sal nommer 145 wees en teen 09:00 op Maandag 28 Januarie 2019 versprei word. WATER IS LEWE SPAAR DIT! Stad van Kaapstad persvrystelling: Kaapstad se damvlakke nader 70% van hulle bergingskapasiteit as gevolg van goeie reënval aan die begin van die winter en die merkwaardige besparingspogings van Kapenaars. Waterbeperkings en die verwante tariewe sal dus in die tussentyd vanaf 1 Oktober 2018 konserwatief tot vlak 5 verlaag word Kaapstad het droë tydperke in November, Desember, Januarie, Februarie en Maart volgens weather-and-climate.com Aan my is gesê dat Kaapstad se Oktober-reënval minder as 10% van die langtermyngemiddeld gemeet het. Waarom word die beperkings dan vanaf 1 Oktober verlaag? 1

2 SASSA - SOSIALE TOELAES JANUARIE SOSIALE TOELAES BETALINGS KENNISGEWING Januarie 2019 toelaes sal nie in die ou wit SASSA kaarte inbetaal word nie, u kaarte moet verander word voor 14 Desember Die nuwe kaarte kan vanaf enige poskantoor verkry word. U benodig slegs die volgende: U bestaande SASSA kaart ID boekie Duime SAVA-NUUS JOU REDES Nuwe lede Ons webtuiste-statistiek toon dat 65% van nuwe lede sê dat hulle by bestaande lede van ons gehoor het. Ek wil graag jou redes hoor waarom jy by SAVA aangesluit het en/of waarom jy SAVA-lidmaatskap vir jou vriende sou aanbeveel. Laat weet my asseblief by ray@saarp.net. Dit sal ons help om te verseker dat ons meer effektief aan jou behoeftes kan voldoen. GELUKKIGE KAMPEERDERS Vier baie gelukkige lede Ek wil julle net laat weet dat Alexander Forbes my eis ten volle betaal het, sonder enige bybetaling, vir die wiele wat verlede Vrydag van my motor af gesteel is. 2

3 Weereens dankie vir julle hulp om na hulle toe oor te skakel. Die vlak van diens was regtig goed, en die feit dat ʼn eis in die huidige tydsgewrig binne ʼn week uitbetaal en in my rekening inbetaal is, is regtig indrukwekkend. Dankie vir al julle hulp, julle is super doeltreffend! Baie dankie vir julle onverbiddelike kliëntediens. Julle is goed met wat julle doen, en ek wil hê julle moet weet ons waardeer julle. Baie dankie dat julle die situasie noukeurig dopgehou het. Die saak is afgehandel en in die boedelrekening inbetaal. As dit nie vir julle toedoen was nie, sou ons waarskynlik nog steeds gewag het. Ek is so dankbaar vir julle vriendelikheid en bystand. Dankie aan ons Anne en Beverley. SAVA SOSIALE KLUB NUUS Dit is die tyd van die jaar wanneer die klubs almal hulle Kersfees- feeste hou. Hier is nuus oor sommige van hierdie byeenkomste. Ons innige dank aan die komiteelede wat hierdie uitstappies organiseer: SAVA en julle lede is regtig trots op julle! PORT ELIZABETH-WES Ons Kersfees-middagete is op Dinsdag 27 November Ons beperk dit tot 200, as gevolg van die lokaalgrootte. Ons borg ons lede met R40 per persoon. Ons het ʼn uitstekende donasie vir hierdie middagete vanaf Warwick gekry. SEDGEFIELD Omdat Sedgefield vir die grootste deel van Desember en tot in Januarie deur vakansiegangers oorstroom word, beplan ons gewoonlik nie ʼn Kersfees-middagete nie. Daar sal doodgewoon nie ʼn eetplek wees wat gewillig gedurende hierdie tyd vir die publiek sal sluit nie. Hierdie jaar is ons egter deur ons plaaslike Rock-/dans-/partytjieorkes, Cloud 9, versoek om by hulle aan te sluit en ʼn Nuwejaarsaand-partytjie by Scarab Village Red Shed te reël. Dit is ʼn gewilde byeenkomplek omdat dit oop is aan die kante vir warm weer maar heeltemal toe met gordyne indien dit sou reën die hemel behoed ons! Ons het beplan om tafels voor te berei; hulle sê daar kan 10 sit, maar ons skat 8. Ons het egter 192 kaartjies om te verkoop. Lede kry natuurlik afslag, maar die publiek en gaste betaal die volle prys. Sover verkoop hulle goed. ʼn Vriend van my het inderwaarheid 32 kaartjies uitgeboek en stuur haar vriendinne in om vir hulle te betaal soos wat ons voortgaan. Ons hoop om helfte lede en helfte publiek te wees. AMANZIMTOTI 3

4 Hierdie jaar het ons net 90 lede wat bywoon, maar die byeenkomplek is net reg om maksimum 100 by Lords and Legends te akkommodeer. 4

5 SAVA-DIENSTE MOTORHUUR Ons het al ons kontrakte met die maatskappye opgesê. Hulle het ʼn prys vir SAVA-lede kwoteer en op die dag toe die lid bel om die motor te kry, is die prys verlaag en het hulle geweier om die gekontrakteerde prys na die daaglikse prys te verlaag. Hierdie verlaging van pryse is as gevolg van ʼn oorversadiging van motors by daardie huurpunt. BOOTREIS-AANBIEDINGS Kontak Lifestyle Cruises om te bespreek by , besoek lifestylecruises.co.za of e-pos Naam van Pakket: QUEEN MARY 2 SINGAPOER NA HONG KONG Vertrekdatum: 9 Februarie 2019 Pakket sluit in Retoer Ekonomieseklasvlugte &-belastings 2 Nagte Hotelverblyf in Singapoer 7 Nagte Volle Losies Vaart met Cunard QM2 2 Nagte Hotelverblyf in Hong Kong Vaart Hawe- en Bagasieheffings Vaart-reisplan Singapoer (oornag) Op See Hue of Da Nang (toere vanaf Chan May) Op see Hong Kong, China (Oornag) Hong Kong, China Koste Binne Buite Balkon Suite pps pps pps pps SAVA-lede kry R1 000 afslag per persoon van ons Geadverteerde Volle Vaart-pakette. T & V s geld. SAVA-VAKANSIEKLUB SAVA-Vakansieklub Dit was so gewild dat ons al ons beskikbare punte vir die jaar opgebruik het. Vakansies met korting sal eers volgende jaar beskikbaar wees en sal in die Januarie 2019-uitgawe van die nuusbrief geadverteer word. 5

6 NOVEMBER IS WÊRELD-DIABETES-BEWUSTHEIDMAAND DIABETES Bewustheid van tipe 2 Hier is ʼn paar wenke om te voorkom dat jy dit kry: Beheer jou gewig. Oormatige liggaamsvet, veral as dit rondom die maag geberg word, kan die liggaam se weerstand teen die hormoon insulien verhoog. Oefen gereeld. Matige fisiese aktiwiteit op die meeste dae van die week help om gewig te beheer, verlaag bloedglukosevlakke en mag ook bloeddruk en cholesterol verbeter. Eet ʼn gebalanseerde, gesonde dieet. Verminder die hoeveelheid vet in jou dieet, veral versadigde en trans-vette. Eet meer vrugte, groente en hoëveselkosse. Eet minder sout. Beperk wegneem- en geprosesseerde kosse. Geriefsmaaltye bevat gewoonlik baie sout, vet en kilojoules. Dit is beter om vir jouself te kook en vars bestanddele te gebruik waar moontlik. Beperk jou alkoholinname. Te veel alkohol kan tot gewigstoename lei en mag jou bloeddruk- en trigliseriedvlakke verhoog. Mans behoort nie meer as twee standaard drankies per dag te drink nie, en vroue nie meer as een nie. Hou op rook. Rokers sal twee keer meer waarskynlik as nie-rokers diabetes ontwikkel. Beheer jou bloeddruk. Die meeste mense kan dit doen met gereelde oefening, ʼn gebalanseerde dieet, en deur ʼn gesonde gewig te handhaaf. In sommige gevalle mag jy medikasie wat deur jou dokter voorgeskryf is, benodig. Verminder jou risiko vir hartvatsiekte. Diabetes en hartvatsiekte het baie risikofaktore in gemeen, insluitende swaarlywigheid en fisiese onaktiwiteit. Sien jou dokter vir gereelde roetine-ondersoeke. Soos wat jy ouer word, is dit ʼn goeie idee om jou bloedglukose, bloeddruk en bloedcholesterolvlakke gereeld te laat nagaan. GESONDHEID GEBREEKTE BENE Vyf mites daaroor As jy dit kan beweeg, is dit nie gebreek nie Jy kan inderwaarheid soms ʼn gebreekte been beweeg, dus is dit nie een van die hooftekens waarvoor gekyk moet word om te besluit of jy ʼn beenbreuk het nie. Die drie belangrikste simptome van ʼn beenbreuk is pyn, swelling en misvorming. As dit gebreek is, het jy onvermydelik pyn Nie noodwendig nie. Baie mense vertel stories dat hulle gestruikel het en dan die hele dag deurgebring het met ski, stap of selfs dans, sonder dat hulle besef het hulle het ʼn beenbreuk. Meer dikwels as nie is gebreekte bene baie seer, maar as ʼn breuk klein is, mag jy dit nie opmerk nie. Wanneer jy ontdek het dat ʼn been gebreek is, is dit belangrik om professionele hulp te kry om te verseker dat die bene behoorlik belyn en in plek 6

7 gehou word terwyl hulle gesond word om infeksie en permanente misvorming te voorkom. Ouer wit vroue moet bekommerd wees oor gebreekte bene as gevolg van osteoporose Kom ons begin by ouderdom. Dit is waar dat ouer vroue meer waarskynlik as jonger vroue bene mag breek. Die hormoonveranderings van die menopouse kan lei tot vinnige beenverlies en die gereelde beenbreuke wat by osteoporose gesien word. Wanneer dit by etnisiteit kom, in die VSA is daar twee keer meer heupbeenbreuke by wit vroue as by swart vroue. ʼn Aantal faktore is voorgestel as redes vir die verhoogde beensterkte by swart vroue, insluitende hoër beenmassa gedurende die kinderjare en ʼn laer koers van beenomset, wat tot ʼn stadiger agteruitgang in beenmineraaldigtheid met ouderdom kan lei. Dit het geen sin om ʼn dokter te sien vir gebreekte tone nie, omdat hulle niks kan doen nie. Dit is waar dat jy nie in gips mag eindig nie, maar ʼn gebreekte toon moet steeds ondersoek word. Mediese personeel moet die aard van die beenbreuk vasstel om langtermynpyn of -misvormings te voorkom, wat in die toekoms skoene ongemaklik mag maak of later in die lewe tot gewrigsontsteking kan lei as ʼn beenbreuk nie glad gesond geword het nie. Nadat ʼn gebreekte been gesond geword het, is dit sterker as voorheen Dit klink te goed om waar te wees en, op die langtermyn, is te goed om waar te wees. Daar is ʼn mate van waarheid in die korttermyn. Terwyl dit gesond word, vorm ʼn mansjet of eelt van ekstra sterk nuwe been om die beenbreuk om dit te beskerm. Dit is dus waar dat, vir ʼn paar weke tydens die helingsproses, die been by die breuk sterker as ʼn normale been is. Uiteindelik verminder die mansjet egter, en ʼn paar jaar later word jy gelaat met ʼn been wat so goed soos nuut is, maar wat nie sterker is as die soortgelyke bene rondom nie. Claudia Hammond, BBC SLEGS MANS Prostaatkanker Hospitale sien en behandel meer mans met prostaatkanker, deels te danke aan beroemde persone wat bewustheid van die siekte wek deur oor hulle eie ervarings te praat, sê die hoof van die NHS Die hoof van die NHS, Simon Stevens, sal vandag die voormalige BBC-ontbytaanbieder, Bill Turnbull, en die uitsaaier Stephen Fry bedank vir die werk wat hulle gedoen het om mans aan te moedig om vir hulp na vore te kom. 7

8 De verhoogde vraag val saam met mediadekking dat die aantal mense wat van prostaatkanker sterf, sterftes weens borskanker verbysteek. Wat is die simptome? Daar kan min simptome van prostaatkanker in die vroeë stadiums wees, en as gevolg van die ligging daarvan word die meeste simptome verbind met urinering: Moet meer dikwels urineer, veral snags. Moet toilet toe hardloop. Moeite om te begin urineer. Swak urienvloei, of dit neem lank om te urineer. Gevoel dat jou blaas nie heeltemal leeg geword het nie. Mans met manlike familielede wat prostaatkanker gehad het, swart mans en mans oor 50 loop ʼn groter risiko om die siekte te kry. BBC NS My uroloog sê: Daar is twee soorte mans. Dié wat prostaatprobleme het, en dié wat dink dat hulle dit nie het nie. Ray 8

9 LEEFSTYLE GELUK 4 lesse Die Harvard-studie van Volwasse Ontwikkeling het die lewens van 724 mans vir 78 jaar gevolg. Die studie het tot dusver meer as 100 gepubliseerde geskrifte opgelewer, en die psigiater Robert J. Waldinger, die studie se direkteur en hoofnavorser, het ʼn paar van die hooflesse in ʼn gewilde TED-praatjie gedeel. Hier is vier van hulle: 1. Gelukkige kinderjare het baie langdurige uitwerkings. Hartlike verhoudings met ouers tydens die kinderjare was ʼn goeie voorspeller dat jy hartliker en meer geborge verhoudings met diegene naaste aan jou sal hê wanneer jy ʼn volwassene is. Gelukkige kinderjare het die krag om oor dekades heen uit te brei om meer geborge verhoudings van mense met hulle gades in hulle 80 s te voorspel, asook beter fisiese gesondheid gedurende volwassenheid regdeur tot in bejaardheid. Dit is nie net ouerbande wat saak maak nie: ʼn Hegte verhouding met ten minste een kind in die kinderjare het voorspel watter mense minder waarskynlik teen die ouderdom van 50 depressief sou raak. 2. Maar mense met moeilike kinderjare kan in die middeljare daarvoor opmaak. Mense wat in uitdagende omgewings opgroei byvoorbeeld in chaotiese gesinne of met ekonomiese onsekerheid word minder gelukkig ouer as diegene wat gelukkiger kinderjare gehad het. Teen die tyd dat mense egter die middeljare bereik (gedefinieer as ouderdomme 50-65), was diegene wat hulle besig gehou het met wat sielkundiges generatiwiteit of ʼn belangstelling in die vestiging van en leiding aan die volgende geslag noem, gelukkiger en beter aangepas as diegene wat dit nie gedoen het nie. 3. Leer om stres goed te hanteer, het ʼn lewenslange positiewe effek. Ons het almal maniere ontwikkel om stres te beheer en angs te verlig en Waldinger en sy span het bevind dat party maniere groter langtermynvoordele as ander het. Onder die aanpassende hanteringsmetodes het hulle sublimasie (voorbeeld: jy voel jou werkgewer het jou onredelik behandel, daarom begin jy ʼn organisasie wat help om werkers se belange te beskerm), altruïsme (jy worstel met verslawing en help om sober te bly deur ʼn borg vir ander verslaafdes te wees), en onderdrukking (jy is bekommerd oor werkvermindering by jou maatskappy maar sny daardie bekommernisse uit jou gedagtes totdat jy iets kan doen om vir die toekoms te beplan). Wanaangepaste hanteringstrategieë sluit in, ontkenning, dramatisering, of projeksie. 4. Tyd saam met ander beskerm ons teen die kneusings van lewenskommelings. Waldinger sê: Dit is die kwaliteit van ons verhoudings wat saak maak. Dit is ʼn belangrike boodskap van die studie. Wel, die navorsers het bevind dat hoeveelheid ook saak maak. Mense wat op hulle lewens teruggekyk het, het gesê dat tyd wat met ander deurgebring is, meer betekenisvol was en die deel van hulle lewens waarop hulle die trotste was. Tyd met ander deurgebring het deelnemers aan die studie gelukkiger 9

10 gemaak van dag tot dag, en veral tyd met ʼn maat of gade het geblyk hulle te beskerm teen gemoedskommelings wat saam met veroudering se fisiese pyne en siektes kom. Robert Waldinger en Daryl Chen TED VERANDER DIE WÊRELD BOEK ʼn Nuwe siening van langer leef Ek het twee jaar gelede die boek Disrupt Aging: A Bold New Path to Living Your Best Life at Every Age geskryf om die gesprek oor wat dit beteken om ouer te word, te verander. Ek glo ons moet ʼn nuwe ingesteldheid oor veroudering ontwikkel ʼn nuwe manier van dink oor moontlike oplossings wat ons kan help om beter te leef soos wat ons oud word. Met die vrystelling van die sagtebanduitgawe van Disrupt Aging hierdie maand was dit bemoedigend om veranderings in houdings, gedrag en kultuur te sien omdat mense regdeur die wêreld uitgediende houdings en stereotipes uitdaag en nuwe oplossings wek wat die potensiële geskiedkundige voordele van langer leef erken. Waar leiers voorheen na die groeiende verouderende bevolking gekyk het en net afgetredenes gesien het, begin hulle nou ʼn nuwe tipe ervare, gevestigde werksmag sien. Waar hulle voorheen slegs duur kostes gesien het, begin hulle nou ʼn ontploffende verbruikersmark sien wat ons ekonomieë ʼn hupstoot gee. En waar hulle voorheen net ʼn groeiende poel van afhanklikes gesien het, begin hulle nou intergeslagtelike gemeenskappe met nuwe en verskillende sterkpunte sien. Al wat ons moet doen, is om rond te kyk om te sien wat besig is om te gebeur. Vooruitgang in navorsing en tegnologie dryf hernuwing in feitlik elke veld wat ons vermoë om goed te leef terwyl ons verouder, affekteer. Entrepreneurs en vernuwers skep ʼn ongelooflike reeks produkte en dienste gerig op mense soos hulle verouder. Wetenskap maak langer lewens moontlik, en ons begin nou die geleenthede wat daardie langer lewens bied, realiseer. Mense herskep werk, soek vir ʼn doel, omhels tegnologie, en maak oop vir nuwe ervarings. Hier by AARP omhels ons ʼn kultuur van herskepping. Ons werk saam met universiteite, gesondheidsorgstelsels, banke, entrepreneurs, studente, programmeerders, gemeenskapsleiers en meer om maniere te vind om meer mense te bemagtig om beter te leef soos wat hulle verouder. Wanneer jy Disrupt Aging lees, sal jy ontdek dat dit gaan oor die omhelsing van veroudering as iets waarna uitgesien kan word, nie iets om te vrees nie. Dit gaan oor sien van onsself en ander as bydraers tot die samelewing, nie laste nie. Dit gaan nie net oor jare byvoeg tot die einde van die lewe nie; dit gaan oor die skep van ʼn moedige nuwe pad om jou beste lewe op elke ouderdom te leef. Disrupt Aging: A Bold New Path to Living Your Best Life at Every Age deur Jo Ann Jenkins Amazon.com Kindle - $ Takealot.com - Adobe DRM epub R209 Paperback R

11 AGE Ouderdom Dit is nie ʼn verstandelike agterstand nie As jy ooit vrees dat jy reeds te oud is om ʼn nuwe vaardigheid aan te leer, onthou Priscilla Sitienei, ʼn vroedvrou van Ndalat in Kenia. Sy het sonder gratis laerskoolonderwys opgegroei en gevolglik nie leer lees of skryf nie. Soos wat sy haar skemerjare begin nader het, wou sy haar ervarings en kennis opteken om dit na die volgende geslag oor te dra. Sy het begin om lesse by die plaaslike skool by te woon saam met ses van haar agter-agterkleinkinders. Sy was 90 op daardie stadium. Baie mense neem aan dat ʼn mens eenvoudig nie ʼn ingewikkelde nuwe vaardigheid soos lees of skryf op die ouderdom van 90, ná ʼn leeftyd van ongeletterdheid, kan aanleer nie. Die jongste studies van sielkunde en neurowetenskap toon dat hierdie buitengewone prestasies nie die uitsondering hoef te wees nie. Hoewel jy ʼn paar ekstra uitdagings op 30, 50 of 90 mag hê, het jou brein steeds die verbasende vermoë om baie nuwe vaardighede te leer en te bemeester, wat ook al jou ouderdom. En die poging om ʼn nuwe dissipline te bemeester mag meer lonend wees in die handhawing en bevordering van jou algemene verstandelike gesondheid. BBC LET WEL: NS Professor JP van Niekerk hou vol, soos wat ek doen, dat om ʼn doel te hê, die sleutel tot ʼn gesonde verouderingsproses is. LEEFSTYL EKONOMIE Inflasie vs. werklike prysverhogings Waarde van 1969 Suid-Afrikaanse Rand vandag R1 in 1969 = R70.27 in 2018 Die inflasiekoers in Suid-Afrika tussen 1969 en vandag was 6,926.88%, wat neerkom op ʼn totale toename van R Dit beteken dat 1 rand in 1969 gelykstaande is aan rand in Met ander woorde, die koopkrag van R1 in 1969 is gelyk aan R70.27 vandag. Die gemiddelde jaarlikse inflasiekoers was 8.88%. In daardie geval, hoe verduidelik ons: In 1969 het ʼn BarOne-sjokolade 5c gekos. In terme van die bogenoemde behoort dit vandag R3.52 te kos en die 2018 BarOne weeg ongetwyfeld minder as die weergawe. Waarom kos dit dan R9.99? Foodlovers Market N1 City, Cape Town) Verstaan ekonome werklik waaroor hulle babbel? 11

12 LEEFSTYL LEES Hierdie is die persentasies van mense per ouderdomsgroep wat vir plesier of selfvervulling op ʼn tipiese dag lees: Bron: US Government Survey LET WEL: Ek wonder wat die persentasies van ons lede is. Kan iemand vir my sê? BEVOLKING VRUGBAARHEIDSKOERS Lewende geboortes per vrou Daar was ʼn merkwaardige afname in die getal kinders wat vroue het, met die gevolg dat byna die helfte lande nou ʼn afname in geboortes in die gesig staar, bedoelende dat daar onvoldoende kinders is om hulle bevolkingsgrootte te handhaaf. Navorsers sê die bevindings was ʼn groot verrassing en dat dit diepgaande gevolge sal hê vir gemeenskappe met meer grootouers as kleinkinders. Die wêreldwye gemiddeld is 2.4, terwyl die gemiddeld in baie lande 1.3 is; Nigerië is boaan die lys met

13 Die daling in die vrugbaarheidskoers is nie te wyte aan spermtellings of die dinge wat in die gedagte opkom wanneer aan vrugbaarheid gedink word nie. Dit word eerder aan drie sleutelfaktore toegeskryf: Minder sterftes in die kinderjare beteken vroue het minder babas. Groter toegang tot geboortebeperkingsmiddels. Meer vroue in opvoeding en werk. Op baie maniere is dalende vrugbaarheidskoerse ʼn suksesverhaal. BBC WÊRELDWYE WEB BOEK Gedagtestimulerend Ek lees ʼn baie interessante boek: Click Here to Kill Everybody: Security and Survival in a Hyper-connected World deur Bruce Schneier. Hier is ʼn paar uittreksels (vertaal uit Engels): Jou slimfoon het ontwikkel in ʼn gesentraliseerde sekuriteitsmiddelpunt vir omtrent enigiets. Dit is waar jy toegang tot al jou rekenings kan kry: jou e-pos, jou kletskliënte, jou sosiale netwerk-tuistes, jou bank- en kredietkaarttuistes. Dit is ook ʼn sentrale beheermiddelpunt vir die Internet van Dinge (IvD). As jy ʼn IvD-iets het, is die kans dat jy dit via jou slimfoon beheer, van jou Tesla tot jou termostaat tot jou Internet-gekoppelde speelgoed. En al hierdie stelsels maak staat op die foon se verifikasie. Jy hoef nie apart aan te teken op jou e-pos, Facebook, Tesla, of termostaat nie. Die maatskappye aanvaar dat wanneer jy toegang tot jou foon het, jy jy is. Dit is ʼn groot enkele punt van mislukking. ʼn Kuberkraker kan ʼn selverskaffer soos Verizon of AT&T oortuig om beheer van ʼn slagoffer se foonnommer oor te dra na ʼn toestel onder die kuberkraker se eie beheer. Wanneer hulle eers slaag en dit is verbasend maklik om te doen kan hulle al die slagoffer se rekenings wat die telefoonnommer vir rugsteun gebruik, herset: Google, Twitter, Facebook, Apple. Hulle sal bankrekenings herset en dan al die geld steel. In die 13

14 toekoms sal ons alles moet verifieer ons motors, ons toestelle, ons omgewing wat die effek van kompromitering aansienlik maak. SO Omdat wagwoorde gewoonlik jou enigste beskerming is, moet jy: so ʼn lang wagwoord as wat jy kan hanteer, gebruik ten minste meer as agt karakters; Hoof- en kleinletters met simbole en syfers meng; probeer om nie maklik raaibare woorde te gebruik nie die name van jou kinders, gade, troeteldiere, gunsteling sportspanne, ensovoorts; die deel van wagwoorde met ander mense vermy; en verskillende wagwoorde vir verskillende tuistes en dienste gebruik. Let wel: Jy kan gebruik om die sterkte van jou wagwoorde te toets. Hier is vier voorbeelde: RaYhAt1! 74% RaYhAt1943! 100% (Apple het gedink hierdie wagwoord is nie sterk genoeg nie ) 10MareeStreetCapeTown 100% Raymond % Die meng van hoofletters, syfers en lengte is byna verpligtend. En, vir die stouteres onder julle: Ons selfone onthul waar ons ten alle tye is: waar ons woon, waar ons werk, met wie ons tyd spandeer. Hulle weet wanneer ons wakker word en wanneer ons gaan slaap omdat die nagaan van ons fone dikwels die eerste en laaste ding is wat ons op ʼn dag doen. En omdat almal selfone het, weet hulle by wie ons slaap. Pasop NIEU SEELAND VERBLYFREG Termynvereistes Nieu Seeland en Australië het tans die laagste verblyfregvereistes in die OECD teen 10 jaar vir toegangsreg tot die staatspensioen, terwyl die gemiddeld oor die OECD 26 jaar is. ʼn Wetsontwerp wat deur Nieu Seeland se Eerste LP Mark Patterson voorgelê is, kan dit egter verander, indien dit die steun van die ander politieke partye kry. Patterson se wetsontwerp stel die verhoging van minimum verblyf van 10 tot 20 jaar ná die ouderdom van 20 voor wat beteken kinderjare in Nieu Seeland deurgebring sou nie vir die kwalifikasie geld nie. Patterson het gesê die verhoging van verblyf na 20 ná 20 sou verseker dat ʼn persoon vir ʼn aansienlike deel van hulle volwasse lewens in Nieu Seeland gewoon en gewerk het. Hy het ook gedui op navorsing BERL, wat beraam dat verandering van verblyf na 20 jaar besparings van $4.4 miljard oor 10 jaar sou genereer. 14

15 SAVA-DIENSTE Gaan asseblief na en klik op die Voordele-skakel om ons reeks dienste vir lede te sien: Kontak ons by SAVA Tel: Faks: Skakel ons en ons sal u terugskakel om u telefoonkoste te spaar E-pos: info@saarp.net Of sien dit alles by SAVA, sy verskaffers, uitgewer, drukker en bydraers het geen bedoeling om spesifieke mediese of ander advies te voorsien nie, maar mag lesers eerder voorsien van inligting ingevolge sy regte onder die Konstitusie van Suid-Afrika. Inligting wat hier verskaf word, is nie 'n plaasvervanger vir professionele advies van enige aard nie, meer spesifiek mediese advies, sorg, diagnose of behandeling. Dit is ook nie ontwerp om enige mediese praktyk of behandeling, program of produk wat in die redaksionele inhoud van die Bulletin of webtuiste of soortgelyke platform geadverteer of genoem word, te bevorder of te onderskryf nie. Bykomend en soortgelyk bied SAVA nie professionele advies op enige terrein aan nie, insluitende maar nie beperk nie tot regsake en finansies. In alle gevalle, sou lesers advies benodig, behoort hulle 'n behoorlik geakkrediteerde en gekwalifiseerde spesialis op die terrein te raadpleeg. ALLEDAAGSHEDE BROKKIES In 2017 was daar meer as 8.85 miljoen Meksikane 65 jaar en ouer, volgens gegewens van die Wêreldbank en hierdie getal sal voortdurend styg. (Vir perspektief, dit is ʼn toename van meer as twee miljoen oor die afgelope dekade.) Soos Mexiko se verouderende bevolking groei, vind hulle dit moeilik om werk te kry, afgesien van die behoefte om ʼn inkomste in te bring. BBC In reaksie op ʼn leser wat te kenne gee dat sy streng vegetariese dieet geen diere martel nie, het ʼn Spectator-leser, ʼn boer, voorgestel dat hy tyd op ʼn plaas moet deurbring en bewerkbare gewasse verbou, en gesê, Ek sou hom ʼn ding of twee kon wys oor die verpligting om diere dood te maak. Dit is omdat die roofvoëls wat die oesinsamelaars volg. ʼn fees het op die hase, muise, skilpaaie, klein 15

16 voëltjies ensovoorts wat teen wil en dank deur die oesinsamelaars doodgemaak word. (Dit is, as die plaagdoders dit nie alreeds gedoen het nie.) GLIMLAG Badkamers ʼn Man het ses items in sy badkamer: tandeborsel en tandepasta, skeerroom, skeermes, ʼn koekie seep, en ʼn handdoek. Die gemiddelde getal items in die tipiese vrou se badkamer is 337. ʼn Man sou nie in staat wees om 20 van hierdie items te identifiseer nie. AANHALING (Vertaal uit Engels) Ons het die aarde ondersoek, uitgegrawe, verbrand, goed daaruit geskeur, goed daarin begrawe, sy woude afgesaag, sy heuwels gelyk gemaak, sy waters vertroebel, en sy lug besoedel. Dit pas nie by my definisie van ʼn goeie bewoner nie. As ons hier moes wees op ʼn dag-tot-dag basis, sou ons lankal uitgegooi gewees het. Rose Bird, Hoofregter van die Hooggeregshof van Kalifornië (2 Nov ) STOF TOT NADENKE 1 Ons dink ons weet baie, al weet ons individueel baie min, omdat ons kennis in die verstande van ander hanteer asof dit ons eie is. Dit is nie noodwendig sleg nie. Ons vertroue op groepdink het ons meesters van die wêreld gemaak, en die kennis-illusie stel ons in staat om deur die lewe te gaan sonder om gevang te word in ʼn onmoontlike poging om self alles te verstaan. Vanuit ʼn evolusionêre perspektief het vertroue in die kennis van ander uiters goed vir Homo sapiens gewerk. Nietemin, soos baie ander menslike kenmerke wat in vorige eeue sin gemaak het maar in die moderne eeu moeilikheid veroorsaak, het die kennis-illusie sy negatiewe kant. Die wêreld word toenemend meer ingewikkeld, en mense besef nie hoe oningelig hulle is oor wat aangaan nie. Harari, Yuval Noah. 21 Lessons for the 21st Century (Kindle Locations ). Random House. Kindle-uitgawe. STOF TOT NADENKE 2 "Een telefoon is nutteloos, en twee is marginaal bruikbaar, maar ʼn hele netwerk van telefone is bruikbaar. Dieselfde ding is waar van faksmasjiene, e-pos, die Web, teksboodskappe, Snapchat, Facebook, Instagram, PayPal, en al die ander goed. Hoe meer mense hulle gebruik, hoe bruikbaarder is hulle. En hoe magtiger die maatskappye wat hulle beheer, word, hoe meer beheer kan daardie maatskappye op jou uitoefen. Click Here to Kill Everybody: Security and Survival in a Hyper-connected World" deur Bruce Schneier 16

17 FEESTELIKE GROETE Kersfees is ʼn tyd vir onthou was ʼn hartseer jaar vir ons sosiale klubs. ʼn Aantal wonderlike toegewyde voorsitters, komiteelede en lede is na hoër diens geroep. Ons onthou egter hulle toewyding, dryfkrag, nederigheid en entoesiasme en probeer om hierdie karaktertrekke in onsself lewendig te hou. Ons sien die wonder in die oë van die kinders rondom ons. Mag hierdie sin van bewondering met julle almal wees. Ons wens julle geluk, aanvaarding en bowena Liefde vir julle medemens toe in hierdie spesiale tyd van die jaar. Julie Hattingh Ray Hattingh VAN ONS ALMAL HIER BY SAVA ONS WENS JOU EN JOU GELIEFDES N WERKLIK VROLIKE KERSFEES TOE EN N GESONDE, LONENDE EN BEVREDIGENDE 2019 GEVUL MET WONDER MOENIE DRINK EN BESTUUR NIE DIE LEWE WAT JY RED, MAG JOU EIE WEES NS Goeie verhoudings hou ons gelukkiger en gesonder, en eensaamheid maak dood. Daryl Chen Kontak ons by SAVA Tel: Faks: Skakel ons en ons sal u terugskakel om u telefoonkoste te spaar E-pos: info@saarp.net Of sien dit alles by voeg lewe by jou jare 17