GRATIS Uitgawe No 7 - April 2013 Tel: /4114

Transcription

1 GRATIS Uitgawe No 7 - April 2013 Tel: /4114 Ons groet. Na meer as dertig jaar in die gemeente het dit tyd geword om te groet en het dit oorstaptyd geword. In hierdie tyd het ses predikante na die gemeente oorgekom en sewe het weer vertrek. Ons is die agste predikant wat DV aan einde van 2013 die gemeente gaan verlaat en die tweede predikant wat in die gemeente emeriteer, aftree, sedert sy ontstaan. Daar was moeilike tye veral met die wegbreek van n leraar, n aantal kerkraadslede en lidmate na die Afrikaanse Protestantse Kerk en tye wat ons alleen die wa deur die drif moes trek. In daardie tyd het die kerkraad ons getrou bygestaan en ondersteun en kon ons steeds op die Here bly vertrou dat Hy steeds Sy doel met ons gemeente sal bereik. Ons dank u daarvoor. Die gemeentegetalle het weliswaar gedaal oor die jare heen toegeskryf aan die aantal lidmate wat ons verloor het na ander kerke, dalende geboortes, Maleoskop en die myne wat toegemaak het, persele wat saamgesmelt het en die politieke veranderinge sedert Daarby moet ook die soms moeilike en ongewilde Sinodebesluite genoem word. Ten spyte hiervan het die kerkbywoning na verhouding redelik konstant gebly en was die persentasie bo die gemiddeld van die Algemene Sinode. Daar bly vir ons as gesin net aangename herinneringe van hierdie gemeente oor. U het ons gekoester deur die jare, ons op die hande gedra, soms met ons eie hartseer, ons verdra met ons swakhede en foute. Ons het saam met baie van u moeilike tye beleef, dikwels met groot hartseer, maar ook in aangename tye. Ons kon saam met baie van u n pad loop in die geestelike lewe, die verwerking van siekte en pyn, van hartseer en vreugde. Soveel dinge saam met u beleef. Daarvoor dank ons u. Ds Jannie Groet Saam met baie van u het ons langs die siekbed en oop graf gestaan, saam met u die hartseer deurgewerk tot weer die lewe in die oë kyk. Daar was die Bybelstudiegroepe waar almal se lief en leed gedeel kon word en die intensiewe studie ons lewens kon verryk en die saambid en omgee. Die kinders en die jongmense met hulle vrae en borrelende energie wat n ding kon vat en daarmee loop, kategese, die staptoere en kampe. Die senior burgers met hulle wysheid, dankbaarheid en entoesiasme met elke biduur en uitstappies in die natuur. Die Avontuurgroep wat soveel sake onder hom geneem het en saamgedink en gedoen het, die bejaardes, gestremdes, die kampe en uitstappies ver in die bosse en by die see vir gesinne waar ons saam kon lag en speel, die potjiekosaande, die skoustalletjies, 4x4 geleenthede en ander uitstappies en braaie in die natuur. En vanaand waar ons kopstukke kon gesels oor God se skepping en die natuur en hoekom is ons hier. Dit was lekker. En die Basaars waar ons vleis kon bewerk en heerlik saam kon werk en met mekaar kon verkeer. Die konserte, die gemeente etes en kuiers. Ons gaan dit mis! Maar ons moet aanbeweeg.. Ons dank u dat u met geduld en liefde na ons preke geluister het, vrae daaroor kon vra en dit kon bespreek. Dit was vir ons elke keer n verrykende ervaring. Vir die kere wat ons u in die steek gelaat het, dalk seergemaak of nie genoegsaam by u uitgekom het nie. Ons is jammer daaroor. Ons dank aan die kerkkantoordames vir hulle hulp en vriendelikheid, die lekker koppies tee en verversings. Die kosters en die terreinpersoneel. Dankie aan die kerkraad en elke lidmaat wat met ons saamgewerk het aan God se koninkryk, vir die saambid en gebede wat getrou vir ons opgegaan het. Dankie vir die verdraagsaamheid en die geduld waarmee u ons hanteer het. Dankie vir u gedurige belangstelling in ons as gesin deur al die jare. Ons het altyd, maar altyd u liefde ervaar waarmee ons oorval is. Dankie vir die voorsiening vir ons trek na ons aftreeplek. Dit word waardeer. Vir die vrouediens vir daardie fynere dingetjies wat hulle dikwels gedoen het in die stilte. Die verjaardag ruikers, etes, onderskraging en so baie wat vir ons 1 gedoen is in moeilike tye vir ons as gesin. Ons het dit raakgesien en waardeer dit. Laaste, maar nie die minste: Ds Hendrik, Jossie en gesin: Dankie vir die saamwerk en geduld, al het dit soms moeilik gegaan. Vir die respek en liefde waarmee julle ons behandel het. Ek het baie geleer in hierdie tydjie van saamwerk in die gemeente en beskou dit as toerusting wat die Here voorsien het op die pad vorentoe. Ons gaan nog aanbly in die gemeente tot aan die einde van 2013 aangesien ons nog n matrikulant in die huis het. Vir hierdie vergunning dank ons vir Solly Ferreira, die Ondersteuningsdienste en die kerkraad. Ons sal so hier en daar nog n preek of wat waarneem na aftrede, maar andersyds besig wees met wortels uittrek en inpak. DV verhuis ons dan vroeg 2014 na Vleesbaai (Naby Mosselbaai) waar ons gaan aftree aangesien ons daar belange het. Vir eers gaan ons huisbou en daarna probeer doen waarvoor ons nooit tyd gehad het nie. U sal altyd welkom wees om by ons te kom inloer as u in die omgewing is. Ons kontaknommer sal dieselfde bly of beskikbaar wees by die kerkkantoor. Ons grootste dank gaan egter aan ons hemelse Vader wat ons tot hierdie diens geroep en ons trou gelei het in waaraan ons, ons lewe gewy het. Aan Hom al die eer. Mag die genade van ons Here Jesus Christus, die liefde van God ons Vader en die gemeenskap van die Heilige Gees met u wees en bly. ONS GROET U MET DIE LIEFDE VAN ONS HERE JESUS CHRISTUS Ds Jannie, Madeleine en gesin.

2 GOD se Mandjie Ek het hierdie boodskap gekry by 'n goeie en dierbare vriendin en moet dit net met julle deel. "GOD het aan haar gesê dat Hy aan elkeen van ons 'n mandjie gee, nie n tas of rugsak of trollie nie, 'n mandjie. Daarin kan ons elke dag al ons sorge en probleme, hartseer, vrees, onsekerheid, pyn net mooi alles, wat vir ons swaar en moeilik is pak. Hoe meer ons inpak hoe groter word ons mandjie...en natuurlik ook swaarder. Saam met hierdie mandjie gee GOD ook aan ons 'n uitnodiging om elke dag by Sy voete te kom sit en daardie mandjie uit te pak. Hy verwag nie van ons om daardie mandjie wat groot en swaar geword het, oral met ons saam te dra nie, Hy sê, kom dra jou mandjie net tot by My voete en kom pak alles daar by My uit. En soos ons uitpak krimp ons mandjie weer tot hy lig en klein is en maklik is vir ons om op te tel en verder te dra. Ons mag ook soveel keer as wat ons wil op 'n dag met ons mandjie by Sy voete gaan sit. Daar is geen beperking op nie, net so is daar geen beperking op GOD se genade en vergifnis nie. Is dit nie wonderlik nie? Vat jou "mandjie en dra dit, dit gaan van jou afhang of jy dit vir jou-self gaan moeilik maak en n swaar mandjie rond dra en of jy daagliks jou mandjie" by GOD se voete gaan sit en leeg maak, daar op te staan en alles wat jy daar uitgepak het, by Sy voete te los jou mandjie te vat en verder te loop...maar kom ons onthou ook, dat wanneer dit met ons goed gaan ons dit ook in ons mandjie sal pak sodat wanneer ons mandjie groot en swaar word van goedheid en guns ons dit ook voor GOD sal bring om vir Hom daarvoor dankie te sê. GOD is so lief vir ons en Hy wil ons nie sien swaar kry nie. Al wat Hy vra is, kom na My toe...mag GOD elkeen wat hier lees Seën en toevou in Sy wonderlike liefde.. Probleme Sorge Liewe liewe Jesus, Ek hoop nie ek is te laat met my briefie nie, want oupa is baie siek. Nou wil ek net gou-gou vir Liewe Jesus vertel wat oupa van hou, sodat as hy in die hemel kom, als reg sal wees. Liewe Jesus, sê tog vir ouma sy moet die afval en doekpoeding reghou, want ek dink oupa sal honger wees as hy daar kom. Jesus weet mos self hoe ver is die Hemel van die aarde af en as mens so ver gery het, is mens baie honger. Sorg asseblief dat daar baie boeke is, want oupa het graag gelees toe hy nog jonk was. Hy hou niks van katte nie, want hy sê dit laat sy bors toetrek. Hy is mal oor honde, so dit sal goed wees as liewe Jesus Brak wat verlede jaar dood is, daar kan hê. O ja, Liewe Jesus, oupa snuif net Singleton, dit sal nie help om anner snuif te koop nie, Liewe Jesus gaan net die geld mors. Dan een laaste ou gunsie: My oupa het nooit van blink goeters gehou nie, en ek lees in die Bybel die strate in die hemel is van goud. Ag Jesus, dis nie dat oupa ondankbaar is nie, maar hy sal eerder daarvan hou om in die veld tussen die voëltjies en diere te bly. So asseblief, as ouma daar in die blink strate bly, laat sy asseblief dadelik bos toe trek, want as oupa daar kom, sal sy by hom wil wees. Ek dink ek het nou als gesê wat ek moet. Stuur hierdie xxxx vir ouma. Ek lief Liewe Jesus duisend. Die fondament is Jesus Christus of dit goud, silwer, edelstene, hout of straal is waarmee iemand op die fondament bou, elkeen se werk sal aan die lig kom. Die dag wanneer Christus kom, sal dit duidelik word. Die dag kom met vuur, en die vuur sal die gehalte van elkeen se werk toets. 1 Kor 3 : 11b 15 As iemand se bouwerk bly staan, sal hy beloon word: As iemand se werk verbrand, sal hy self gered word, Maar soos iemand wat uit die vuur geruk is. # # # Jesus het gesê: Kyk, Ek kom gou! Ek bring die loon saam met My om elkeen te beloon vir wat hy gedoen het. Openb 22:12 2

3 WAT GELD KAN DOEN Geld kan baie dinge koop: n bed maar nie slaap nie; boeke maar nie verstand nie; kos maar nie n eetlus nie; n huis maar nie n tuiste nie; medisyne maar nie gesondheid nie; luukshede maar nie geluk nie ontspanningsgeleenthede maar nie verlossing nie; n reiskaartjie na enige plek maar nie hemel toe nie. Paaseiers Bekend is die paaseier wat random hierdie deel van die seisoen verkoop word. Die eier kom in die meeste ou volke se godsdienstige feeste voor, byvoorbeeld die Perse, Egiptenaars, Grieke en Romeine. Vir hulle was dit 'n simbool van vrugbaarheid en opstanding. Almal het eiergode, eierfeeste en eierspele gehad. Die ou Rabbyne het beveel dat die Jode in die nag van die Pasga eiers moet eet. Sommige wil die gebruik van die Christene om op Paasfees eiers te eet van hierdie gewoonte aflei, dog die kerklike historici van die eerste eeue gee geen spoor hiervan nie. Eers later word hiervan in 'n erediens melding, gemaak. Vir jou.. Al gesels ons net soms is jy nog altyd my vriendin En n deel van jou gee aan my lewe sin Op hierdie dag herdenk jy die dag waarop jy die lug kon inasem n teken dat God oor jou sal waak So al raak jy soms bang as jy dink oor n ernstige saak Onthou God sal jou omvou al lyk dit of die ruite opwasem Mag jy Sy liefde ervaar in elke tree wat jy gee Hou jou oë gefokus na voor op jou weë Voel Sy aanraking in n vriend se hand na jou gestrek Hoor Sy liefdeswoorde in elke privaat gesprek Sien Sy wonderdade in elke opdrag wat jy uitvoer Glo in Sy belofte met elke dag se sonstraal wat vir jou loer Spreek van Sy nabyheid in elke woord wat jy sê En jy sal alles kry wat jy vir die dag nodig mag hê Mag jy woorde kry wat sag is om na te luister Mag jou stem sag en liefdevol wees soos n fluister Mag jou oë net die mooi dinge raak sien Mag jou hande handel was bewys dat jy God dien Mag jou voete loop op die pad soos deur Jesus vir ons gewys Mag jou gedagtes jou vul om Sy liefde aan jou te bewys Mag jou lewenswyse spreek van die Heilige Gees se werking in jou. Geskryf deur Leen Waarskynlik het die eerste predikers dit gevind by die offermaaltye van Ostera, aan wie eiers geoffer is. By die Germane was die eier 'n sinnebeeld van die teelkrag van die aarde, of die aarde self, daar dit rond soos aarde is en die kiem van 'n nuwe skepsel in sy binneste omdra. Die sendelinge het die Germane hul eiers laat behou, maar deur die metode van aanpassing 'n Christelike inhoud daaraan probeer gee, naamlik die gedagte van opstanding en nuwe lewe. Die paaseier het egter tot growwe bygeloof gelei. Die priesters het dit gewy om genesende en onheilwerkende krag daaraan te gee. In kerke is hulle geoffer, klerke en skoolmeesters is daarmee vereer of ontvang dit as beloning. Die eiers is met allerlei kleure geverf volgens die kleur van die altaar. Vandag nog eet ons kinders gekleurde paaseiers; in Duitsland pryk dit op die tafels, soms beskilder met allerlei figure van voëls en blomme. Die Paashaas Net soos die paaseier vind die paashaas sy oorsprong in heidense tradisies. Die haas was verbind met die maan in Egiptiese legendes. Soos die maan vir die nag bestem is, so die haas wat in die nag sy voedsel soek. As gevolg van die ooreenkoms tussen die Egiptiese woord vir haas: un en die woord periode, word die haas verbind met die gereelde terugkeer, in hierdie geval die periodieke terugkeer van die maan in sy siklus, maar ook met die nuwe lewe in seuns en dogters. Dit sien op die vrugbaarheid en vernuwing van die lewe. Die tweede Paasdag of Maandag is vroeër gekenmerk deur dartelheid en brassery. Wat op die vorige Sondag deurgeskemer het, kom nou tot volle openbaring. Die aansienlikes het maaltye aangerig en vriende en familie uitgenooi, wat deur sommige Christens as Belsasar se maaltye en sataniese geregte beskryf is. Baie burgers het die dag in hotels en met dobbel- en kaartspel deurgebring, en aan hul inhibisies vrye teuels gegee. Geen wonder dat die Hervorming met hierdie Roomse paaspraktyke niks te doen wou hê nie. Eers deur die provinsiale sinode van Dordrecht (1574) het die juiste viering daarvan vaste vorm begin kry. Paasfees behoort vandag nog by uitnemendheid 'n groot fees te wees, trouens die moeder van al ons Christelike feesdae. Die Oosterse kerke maak ook veel daarvan, want by hulle is die kruis nie so sentraal nie, maar eerder die opstanding van die Here. Dit was die sentrale tema van die prediking van die apostels: deur Sy verrysenis staan dit onteenseglik vas dat Jesus die Seun van God is. In die verkondiging van die hede word die aksent gelê op die eskatalogiese betekenis: En God het ook die Here opgewek en sal ons opwek deur Sy krag" (I Kor. 6:14 OV). Sy opstanding is die sekere waarborg vir die opstanding van diegene wat in Hom glo. Paasfees beteken verder die deurbraak van die nuwe lewe. Dit is nog maar vir 'n oomblik, maar eendag sal die gelowige 'n verheerlikte liggaam ontvang wat die verheerliking van die ganse skepping sal meebring. Prof. H.D.A du Toit 3

4 The old paths I liked the old paths, when moms were at home. Dads were at work, brothers went into the army, and sisters got married BEFORE having children! Crime did not pay hard work did, and people knew the difference. Moms could cook, dads would work, children would behave. Husbands were loving, wives were supportive and children were polite. Women wore the jewelry and men wore the pants. Women looked like ladies, men looked like gentlemen, and children looked decent. People loved the truth and hated a lie They came to church to get IN, not get OUT. Hymns sounded Godly, sermons sounded helpful Rejoicing sounded normal and crying sounded sincere. Cursing was wicked, drugs were for illness and divorce was unthinkable. The flag was honoured, Zimbabwe was beautiful and God was welcome! We read the Bible in public, prayed in school and preached from house to house. To be called a Zimbabwean was worth dying for; To be called a Christian was worth living for; To be called a traiter was a shame! Kerkwees in 2013 n perspektief vanuit die NG Kerk (Voorblad van die Weeklikse nuusbrief van die ehervomer) Ek het grootgeword in n huis waar Hervormde lidmate van ons gesin se nouste vriende was. Tydens my studies aan Tukkies het ek ook goed bevriend geraak met tokkelokke van Afdeling A. In Weltevredenpark was die Hervormde leraar meer as net n kollega, want ons gesinne is vriende en ons seuns het saam besluit om teologie te studeer en is albei nou predikante in ons Kerke. In my huidige opset werk ek ten nouste saam met teologiedosente van die Hervormde Kerk. Een van die groot vreugdes is die studente, vir wie ek besondere waardering het. Hierdie noue bande dien geensins as kwali kasie om allerhande insigte oor die Hervormde Kerk kwyt te raak nie, maar bevestig tog my diep waardering vir ons nabye familie. As iemand my sou vra om my indrukke van die Hervormde Kerk vinnig op te som, sal ek ten minste n paar dinge graag wil deel: Ek is diep onder die indruk van die intellektuele integriteit en akademiese vaardigheid van leraars en lidmate. Ek sien dit by predikante en studente, maar ervaar ook iets daarvan by vergaderings van ringe en veral ook die Algemene Kerkvergadering. Ek is net so diep onder die indruk van die Kerk se lotsverbondenheid met Afrikaners, veral in die noorde van ons land. Ek dink die geskiedenis is getuie van die Hervormde Kerk se passie om hulle geestelik te versorg en by te staan in moeilike tye. My blootstelling aan toegewyde lidmate het my ook diep onder die indruk gebring van die geweldige bydrae wat stoere Hervormers tot hul plaaslike geloofsgemeenskappe en ook Afrikaners se gemeenskapslewe gemaak het Dit lyk vir my of die NG Kerk en Hervormde Kerk in baie opsigte dieselfde soort uitdagings die hoof moet bied: Albei moet gewoond raak om as n klein minderheid oor die evangelie te getuig. Albei is besig om in terme van getalle en vermoëns te krimp. Ons moet die nuwe Groot Trek van ons lidmate na stede en voorstede hanteer. In baie plattelandse gemeenskappe gaan daar binnekort net uiters klein NG en Hervormde gemeentes oor 4 Preachers preached because they had a message; And Christians rejoice because they had the VICTORY! Singers sang from the heart and sinners turned to the Lord to be SAVED! A new birth meant a new life; salvation meant a changed life; following Christ led to eternal life. Being a preacher meant you proclaimed the word of God; Being a deacon meant you would serve the Lord; Being a Christian meant you would live for Jesus; And being a sinner meant someone was praying for you! Laws were based on the Bible, homes read the Bible and churches taught the Bible. God was worshiped, Christ was exalted and the Holy Spirit was respected Church was where you found Christians on the Lord s day, rather than in the garden on the river bank, on the golf course, or being entertained somewhere else. I STILL LIKE THE OLD PATHS THE BEST! wees. Hoe lyk hul pad saam vorentoe? Lidmate in ons Kerke het nog steeds allerhande wroegings in die afskeid van apartheid en die omhelsing van die nuwe werklikhede van Suid-Afrika. Hoe lyk geregtigheid en ware versoening in ons land? Ons wonder almal oor ons noue verbondenheid aan blanke Afrikaanssprekendes en wat dit vir ons kerkwees beteken as ons meer erns maak met die feit dat die kerk van Jesus Christus in haar wese missionaal is. Daar sal diep en ernstig gedink moet word oor die betekenis en praktiese aard van eenheid in die kerk. Die feit dat die Hervormde Kerk se teoloë goed vertroud is met Karl Barth, en die oplewing in nadenke oor die implikasies van die Triniteit vir kerkwees, gaan hierdie proses sekerlik help. As kind het ek nogal gewonder hoekom ons twee kerke is. Ons Hervormde vriende het baie dieselfde as ons gedink oor godsdiens en kerkwees. Ek was bewus dat eredienste in die Hervormde Kerk so n bietjie anders was, maar ook nie juis baie anders nie. Ons het mekaar soms geterg, maar het mekaar altyd as ons mense gesien. Dit het dalk veroorsaak dat ek op universiteit my sterk uitgespreek het oor die verdeeldheid tussen die drie Afrikaanse susterkerke, soos ons toe daaroor gepraat het. Ek het selfs groot byeenkomste daaroor gereël en een maal was die hele am teater op Tukkies volgepak vir n debat tussen die groot kanonne (kerkleiers) van die drie kerke ongelukkig is daar meer op mekaar geskiet as wat eenheid gebou is. Ek sal ontrou aan lewenslange oortuigings wees as ek nie weer n keer n pleidooi lewer vir volle eenheid tussen ons twee Kerke nie. Die bestaande ooreenkoms tussen die NG Kerk en Hervormde Kerk lê n goeie basis. Ek dink die Protestantse Kerk in Nederland se eenheidsmodel kan ons baie help. Ek dink die evangelie eis dit van ons. Ek dink die werklikhede van ons land maak dit onafwendbaar Prof Nelus Niemandt, Voorsitter: Dagbestuur, Algemene Sinodale Kommissie, NG Kerk.

5 Die Reus wat Dawid en Simson verslaan het - Solly Osrovech n Man was besig om te hengel op een van die groot mere van die VSA. Skielik het n arend soos n pyl uit n boog uit die hoogte op die water neergeskiet, sy kloue diep in die groot vis ingeslaan en daarmee begin opstyg. Hoe hoër hy gestyg het, hoe stadiger het dit gegaan totdat dit gelyk het asof hy stilstaan. Toe begin hy val, vinniger en vinniger tot selfvernietiging met prooi en al. Die hengelaars ontdek toe dat die gewig van die vis vir die arend te veel geword het en toe hy dit wou laat los, ontdek hy dat sy kloue so diep daarin geslaan is, dat dit vir hom onmoontlik was. So is hy saam met sy prooi vernietig. Dawid het die reus Goliat roemryk verslaan, maar die reus Wellus het Dawid roemloos verslaan. (Lees daarvan in 1 Sam 11: 1-12:23). Simson was met sy geboorte aan God gewy, n verlosser van sy mense, n doring in die sy van die Filistyne en gespierd soos Rambo. Hierdie heldefiguur sterf tragies vanweë sy swakheid wellus. Hy het n Timna en n Gasa in die geheime deel van sy lewe gehad waar hy homself in onbeteulde wellus aan n verraderlike Delila oorgegee het. Die Bybel is pynlik eerlik met sy mensebeskrywings. Vratte en karbonkels word nooit weggelaat nie. Dis om vir ons n waarskuwing te wees, soos die skedel en kruisbene op dinamietkiste. Wellus is soos dinamiet dit lyk heeltemal onskadelik, maar doen ongelooflike vernietigingswerk. Wellus kom ons harte deur ons oë binne. Dawid sien teen die aand vir Batseba waar sy besig was om op haar huis se dak te bad. Dit was die kortpad na wellus (2 Sam 11:2)! Die eerste woorde van Simson aan sy ouers wat ons in die Bybel lees, is: Ek het n vrou in Timna gesien. (Rig 14:2). Wellus gaan gewoonlik oor uiterlike voorkoms en nie innerlike karakter nie. Van Urija se vrou Batseba lees ons: Sy was n baie mooi vrou. So mooi dat Dawid gewillig was om Urija te vermoor deur hom in die voorste linie te laat veg. So sneeubal die sonde van wellus altyd. Jy kan nie vurige kole in jou skoot dra sonder om jouself te verbrand nie. Dawid vermoor sy gewete en Urija; Simson verloën sy wydingsbelofte en sy God. Salomo (en wie sou meer van vroue weet as hy!) het n waarskuwing hieroor uitgespreek: Die oortreding van die goddelose agterhaal hom, hy draai hom vas in sy sonde. Hy sterf deur sy gebrek aan selfbeheersing, sy dwaasheid het hom op die verkeerde pad gebring (Spr 5:22 en 23). Die grootste enkele gevaar van wellus, is dat jy jou doelbewus of onbewus sal losmaak van God. Dawid bid na sy val in hierdie slagyster: Moet my tog nie van U af wegdryf en u Heilige Gees van my af wegneem nie. Laat my weer die blydskap ervaar van iemand wat deur U verlos is. (Ps 51: 13 en 14). Simson tragiese waarheid het nie besef dat die Here hom verlaat het nie. (Rig 16:20) Met onbeheerste wellus verloor jy uiteindelik alles wat kosbaar is: Simson het eers sy selfbeheersing verloor, toe sy hare, sy krag, sy oë, sy Here. En sy lewe! Soos Milton in Samson Agonistes sê: All passions spent! Die oplossing? Metanoia draai om! Bekeer jou! Draai na Christus toe. Hy is ons enigste toevlug in die aanslag. Of weet julle nie dat ons almal wat in Jesus Christus gedoop is, in sy dood gedoop is nie! Deur die doop is ons immers saam met Hom in sy dood begrawe, sodat soos Christus deur die heerlike magsdaad van die Vader uit die dood opgewek is, ons ook so n nuwe lewe kan lei (Rom 6:3-4) Slaan die deur na wellus toe, Staan met n dubbelloophaelgeweer daaragter. Trek die volle wapenrusting aan wat God jou gee. Die deur mag nie eers op n skrefie oopstaan nie die duiwel is listig en kom soos Houdini in. Josef het met die dowwe lig van die Ou Testament reeds geweet hoe om met wellus n straatgeveg aan te knoop. (Sien Gen 39). Vlug, dit was sy aanvalswapen al moes hy sy baadjie op die gevegsterrein agterlaat. Hierdie geveg kan jy nie wen nie. Stuur Christus om vir jou te veg. Verloor liewer jou baadjie as jou lewe! Dawid en Simson het gedink hulle kon die reus Wellus vertroetel sonder om oneindig seer te kry. Sonder sy oë, sou Simson nooit weer vir n vrou kon knik nie. Die reuk van parfuum is vervang met die muwwe reuk van n tronk van die gehate vyand waarin hy ingekerker is. Sy krag het weggevloei soos water in woestynsand en sy toewyingsbelofte het n bespotting geword. Nog n grafskrif in die kerkhof van wellus: Hier lê Simson, met sy geboorte aan God toegewy. Hy het gedink dat hy die vlam van wellus kon aanblaas sonder om te brand! Simson sou dit met eie hand onderteken. Al is hy nou dood, praat hy nog altyd: Oppas vir die reus WELLUS! Stapler Bad mood Sweet 16 Apprentice Facelift Casual wear Taxi Make-up Tissue Old lady Hangover Toi-toi Blind date Nerd Softy Back seat driver EIETYDSE AFRIKAANSE WOORDE Papiervampier Perdebui Druktyd Moerjoggie Hysbakkies Saterdrag Sardyntrein Jeugdeeg Bloplappie Hekeltannie Bewerlewertjie Vakbondvastrap Mog dit trof Fundivakie Noodlehare Skouervlieg 5

6 Die jaar 2013 het aangebreek en lê onbekend voor ons uitgestrek. Tog het die 1ste termyn se uurglas in n oogwink leeggeloop en is die eerste skof van die Vrouebediening agter die rug. Dit was n heerlike samesyn: die kuiermiddae, Wêreldbiddag vir Vroue en ook die saam dien geleenthede, maar ongelukking was net 10 persent van ons dames meelewend binne die Vrouebediening in hierdie afgelope termyn. Watter dames maak deel uit van die Vrouebediening? Is die bediening slegs bedoel vir n gekose groepie vroue, is dit dalk n opsie, of moet jy n sekere ouderdom bereik voordat jy lid kan word van dié bediening. Nee, die seisoene van ons lewens, is nie noodwendig gekoppel aan ons ouderdom om binne die vrouebediening te funksioneer nie. Dit is ook nie net vir n elite groepie vroue of n opsie nie. Maar, of jy nou die voor-oorlogse uitgawe of n Baby Boomer is en of jy uit die Generasie X spruit, elke vrou is outomaties deel van Groblersdal NG Gemeente se Vrouebediening. Hoe was ons vroue lidmate betrokke in die afgelope termyn? Die meeste vroue se betrokkenheid behels die bywoning van ons kuiermiddae (die 1ste Woensdag van elke maand, tensy anders vermeld) wat aangebied word, maar ook die organisasie van die dienswerk aan en van die vrouelidmate. Sommige was ook betrokke by die fisiese dienswerk van die vrouediens soos kinderbediening, besoeke aan bejaardes, en die voedingsprojek. Ons het ook n suksesvolle Wêreldbiddag vir Vroue aangebied, wat deur heelwat van die ander kerke se dames, asook ons eie dames bygewoon is. Dit was n geseënde oggend, en die wat kon, het agterna heerlik saam gekuier. Die Sparstalletjies het gesorg vir saamwerk en dien geleenthede. Ons het hard gewerk, baie warm gekry, máár ons het elke oomblik geniet, want ons het gesorg vir ligte oomblike vol lag en humor. Ons kuiermiddae is ontspanne, prettig, leersaam en met baie omgee liefde. As jy dit nog nie bygewoon nie, mis jy baie. Onthou ons hou nie vergadering op sulke middae nie, deel ook nie werk uit nie, vra nie van jou geld nie en verwag ook nie jy moet Sondae teeskink na die erediens nie. Als wat jy wil doen is vrywillig en uit dankbaarheid vir dit waarmee God jou seën. Hoekom vra ek dat jy dit bywoon of betrokke raak? Prediker 4:9-12 sê: Twee vaar beter as een. Hulle inspanning kom tot iets. As die een val, kan die ander hom ophelp. Maar as een val wat alleen is, is daar niemand om hom op te help nie. Daarom kuier, leer, dien en lag ons saam, dan groei ons saam en het ons baie omgee liefde vir mekaar. Hoe raak ek betrokke sonder geld, sonder vaardighede, sonder lewenskrag, sonder die moed om te wil? Bid vir die insluitende liefde van ons Here. Here u ken my Wat is U opdrag aan my? Bid vir ander mense, ook vir dié in wie jy n weersin het. Reik uit slegs deur n glimlag en belangstelling. Luister sonder om te praat. Verstaan sonder om te kritiseer. Leef positief, die enigste sekerheid is dat ons saam op die koms van ons Here wag. Woon kuiermiddae by, dáár kry jy kos vir die siel, omgee liefde en woema om aan te gaan. Here, ek is onbevoeg, te oud, te jonk, te moeg, te.. Ons as vroue vergelyk onsself met die vrou van Spreuke 31 en dan voel ons, ons skiet te kort. Daar is n paar beginsels wat ons uit Spr 31 kan neem en sien dat die standaard wat daar gestel word nie buite ons bereik is nie. Die belangrikste wat ons van hierdie vrou kan sien is dat sy die Here vrees. Hierdie vrees spreek van n begeerte om God nie teleur te stel nie, om Hom alleen te behaag. Is dit nie ook jou begeerte nie? Ons is gehoorsaam aan God juis omdat ons nie wil teleurstel nie, juis om Hom te behaag, en ons gehoorsaamheid aan God is n demonstrasie van ons liefde (Joh14:15 en 21). Dan verander die te in ek wil, ek kan, ek sal en ek gaan!. Leef jou droom Ons laat dit toe dat ons omstandighede droomdiewe word. Soms as gevolg van ons omstandighede leef ons nie die droom wat God in ons harte geplaas het uit nie. Ons omstandighede vang God nie ontkant nie en verander nie Sy plan vir ons lewens nie. God is in beheer. Rus in hierdie wete en begin jou droom te LEEF! As jy jou droom só leef gaan jy lus wees om mee te leef en betrokke te raak by die Vrouebediening! Kom wees deel van, deel in, en deel jou droom met die ander dames van die Vrouebediening. Ons wil jou baie graag daar hê omdat jy en jou gawes en talente (al is dit net n mooi glimlag) uniek is, sal dit n verlore skakel in die bediening voltooi. Sien jou by ons volgende kuiermiddag.. 2de Termyn April 2013 Woens 10de Vrouebedieningsmiddag Alle dames Son 14de Teeskink na erediens Vryw. skinkers Son 21ste Teeskink na erediens Vryw. skinkers Son 28ste Teeskink na erediens Vryw. skinkers Donderdae 11, 18, 25 Voedingsprojek Alet O Connel Mei 2013 Son 5de Teeskink na erediens Vryw. skinkers Woens 8ste Vrouebedieningsmiddag Alle dames Son - Don 12de- 16de Verversings en teeskink na pinksterdiens Vryw. skinkers Dames, kom help asb. teeskink op n Sondag na die erediens. Niemand word ingedeel vir spesifieke Sondae nie, dis absoluut vrywillig. Kom ons maak dit n geleentheid om mekaar te leer ken en dien. Son 19de Teeskink na erediens Vryw. skinkers Son 26ste Gemeente ete Afskeidpreek Ds. Jannie Alle blokke Don 2, 9, 16, 23, 30 Voedingsprojek Alet O Connel Junie 2013 Son 2de Teeskink na erediens Vryw. skinkers Woens 5de Vrouebedieningsmiddag Alle dames Son 9de Teeskink na erediens Vryw. skinkers Donderdag 6, 12, 20 Voedingsprojek Alet O Connel Alle Sondae: blomme in die kerk Zanet du Plessis Groete Esther Dempsey 6

7 PINKSTER 2013 Pinkster is net om die draai, vanaf 12 Mei tot 16 Mei. Die kerkraad het Ds Louis van der Walt genader om die Pinkster dienste vir ons te lei. Hy was lank leraar by die Scottburgh gemeente en het nou afgetree. Ek was een jaar gedurende Pinkster met vakansie in Scottburgh en ek het die Pinkster reeks bygewoon met die tema: Ontmoetings met Jesus verander jou lewe. Daardie Pinkster het n geweldige invloed op my geestelike lewe gehad en die Kerkraad het dit goedgedink om hom te nooi om daardie boodskap aan ons oor te dra. Ons nooi u uit na n ontmoeting met Jesus dit sal u lewe verander, nooi ook u vriende saam. Ds Hendrik sal dieselfde tyd ook n kinderpinkster aanbied vir die laerskool kinders. Die kerkraad vra dat ons noual voorbidding sal doen vir hierdie belangrike week. Bid vir Ds van der Walt vir sy reis hierheen en terug. Bid dat sy prediking deur die werking van die Heilige Gees die hart van elke persoon sal aanraak. Bid dat die Heilige Gees vooruit sal gaan en mense wat hierdie boodskap nodig het sal begelei om hierdie week se dienste by te woon. Bid vir al die reëlings rondom hierdie week. Bid vir Ds Hendrik met die kinderpinkster, dat die boodskap soos die Here aan hom opgedra het in ons kinders se hartjies sal kom vaslê. TEMA VIR PINKSTER 2013 (12 Mei tot 16 Mei) 1. Sondagoggend Ontmoeting wat jou lewe verander Eks 3:4-6; Gen 12:1-4; Hand 9: Sondagaand n Ontmoeting wat jou dors les. Joh 4: Maandagaand n Ontmoeting wat my blootstel Joh 4:15-18, Dinsdagaand n Ontmoeting wat lei tot aanbidding Joh 4: Woensdagaand n Ontmoeting wat ander se lewe verander Joh 4: Donderdagaand n Ontmoeting deur die Heilige Gees Hand 2:1-13 Piet en Engela Winterbach groet In elkeen van ons se lewens is daar n tyd om te groet. Totsiens is nie altyd lekker nie maar die tyd het vir ons aangebreek om Marloth Park toe te verhuis. Groblersdal was vir baie jare deel van ons lewe gewees, waar ons die voorreg gehad het om kinders te kon voorberei vir n toekoms, vriendskappe kon sluit maar meer nog om saam te kon aanbid. Ons sê totsiens maar nie vaarwel nie, julle sal altyd in ons gedagtes en gebede wees. Seën vir elkeen Piet en Engela Winterbach 7

8 Elke uur van die horlosie het n boodskap... EENUUR: Sê vir my ek leef net eenmaal en daarom moet ek die lewe waardeer en my tyd hier op aarde reg gebruik. TWEE-UUR Sê ek het twee ouers wat ek moet eer en liefhê en gehoorsaam DRIE-UUR Herinner my aan die Drie- Enige God wat ek met my hele hart moet dien. VIERUUR Herinner my aan die vier windstreke en dat ek waar ek ookal mag gaan, ek die Hemel se kompas (Die Bybel) nodig het om vir my rigting aan te dui. SESUUR VYFUUR Dui op die vyf vingers aan elke hand waarmee ek moet werk om my brood eerlik te verdien en diensbaar moet wees vir die Here. Sê vir my ek moet my pligte getrou nakom en ses dae van die week werk. SEWE-UUR Sê vir my dat ek op die sewende dag moet rus en kerk toe moet gaan. AGTUUR Laat my dink aan die agt siele in Noag se ark wat in die Sondvloed behoue gebly het, en dat ek net so behoue sal bly as ek by Christus skuiling soek. NEGE-UUR Herinner my aan die nege melaatses wat nie teruggekom het om die Here te bedank nadat hulle gesond geword het nie en maan my om dankbaar te wees vir al die goeie dinge wat ek uit Sy hand ontvang. TIENUUR Herinner my aan tien jong meisies waarvan vyf nie gereed was toe die Bruidegom gekom het nie en waarsku my om nie so dwaas soos hulle te wees nie. ELFUUR Herinner my aan so baie mense wat tot elfder uur uitstel om hulle te bekeer en dan onverwags te sterwe kom. Dit maan my om altyd gereed te wees om die Here te ontmoet. TWAALFUUR Sê vir my die genadetyd is haas verby. Om middernag kom die Bruidegom en ek moet sorg dat ek nie agterbly as Hy Sy kinders kom haal nie. ELKE TIK VAN DIE HORLOSIE, ELKE KLOP VAN DIE HART BIED N GELEENTHEID, GEBRUIK DIT TOT EER VAN DIE HERE. Dr Peter en Ria Conradie se totsiens Aan die NG lidmate sê ons totsiens. Die afgelope jare kon ons nie die eredienste bywoon nie. Dit was n groot gemis in ons lewens. Die mooi boodskappe was siele kos vir ons. Ons was beide ook bevoorreg om op die kerkraad te dien. Peter as ouderling en ek as diaken. Spesiale dank aan ds van Eeden vir sy gereelde besoeke in tye van siekte aan ons, asook sy mooi gebede. Die hartlikheid van die platteland sal ons mis. Ons het altyd gevoel soos een van n groot familie. Ons sê totsiens Dr Peter en Ria Conradie 8

9 Spoorwegman se Gebed O, Here, noudat ek die vlag gestryk het, bid ek U, neem my voete van die nuwe spoorbaan af en plaas hulle veilig bo-op die trein van redding. Laat wysheid my handlamp wees en die Bybel my hooflig. Laat die trein gekoppel wees met die sterk skakel van liefde. En, Hemelse Vader, hou alle wissels gesluit wat na sylyne uitdraai, en veral die wat lei na n doodloopspoor. O, Here, as dit U wil is, laat elke sinjaal langs die lyn die witlig van hoop vertoon sodat ek die lewensreis kan aflê sonder om stil te hou. En, Here, laat U gebod my rooster wees. En wanneer ek die reis volgens roostertyd afgelê het en in die groot donker stasie van die dood ingetrek het, mag die Superintendent van die Heelal sê: Mooi so goeie en getroue dienaar, kom teken die betaalstaat en ontvang jou loon van ewige geluksaligheid. 9

10 HEBRON CHRISTIAN CHURCH And you shall know the truth, and the truth shall set you free. JOHN 8:32 THE SILENT SERMON A member of a certain church, who previously had been attending services regularly, stopped going. After a few weeks, the preacher decided to visit him. It was a chilly evening. The pastor found the man at home alone, sitting before a blazing fire. Guessing the reason for his preacher s visit, the man welcomed him led him to a comfortable chair near the fireplace and waited. The preacher made himself at home but said nothing. In the grave silence, he contemplated the dance of the flames around the burning logs. After some minutes the preacher took the fire tongs, carefully picked up a brightly burning ember and placed it to one side of the hearth all alone, then he sat back in his chair, still silent. The host watched all this in quiet contemplation. As the one lone ember s flame flickered and diminished, there was a momentary glow and then its fire was no more. Soon it was cold and dead. Not a word had been spoken since the initial greeting. The preacher glanced at his watch and realized it was time to leave. He slowly stood up, picked up the cold, dead embewr and placed it back in the middle of the fire. Immediately it began to glow, once more with the light and warmth of the burning coals around it. As the preacher reached the door to leave, his host said, with a tear running down his cheek: Thank you so much for your visit and especially for the fiery sermon. I will be back in curch next Sunday. Paassangdiens M Ferreira Nou die aand met ons Paassangdiens, het ek opnuut weer gedink aan die gebeure voor en rondom die kruisiging van Jesus, die God-mens. In Getsemane het Hy bloed gesweet. In doodsangs het Hy as mens Sy Vader gevra om die lydensbeker by Hom te laat verbygaan as dit sy Vader se wil is, maar Sy Vader het nie gehelp nie Hy moes die volle prys end uit vir die sondes van die wêreld betaal. Dink aan die vernedering en pyn in Sy hart toe Judas, een van die dissipels wat Hyself gekies het, Hom met n soen verraai. Simon Petrus, een van Sy dissipels die naaste aan Hom, drie keer ontken het dat hy Hom ken. Dink aan die vernedering en spot wat Hy moes verduur voor die Joodse Raad, Pilatus, Herodus, die skare wat net voor dit, palmtakke en hul klere op die grond voor Hom neergegooi het toe Hy op die donkie Jerusalem ingery het en Hosanna geskree het nou skree hulle Kruisig Hom! Die soldate het Hom gespot, n doringkroon is op sy kop gesit (dink aan die pyn). Ook het pyn toe Hy aan die kruis hang met die spykers deur Sy hande en voete. Deur die pyn het Hy afgekyk en Sy moeder en Johannes en die ander vroue aan die voet van Sy kruis met betraande oë en seer harte na Hom staan en opkyk. Hy vergeet haar nie Hy vra Johannes om haar te versorg en in sy huis in te neem. Hoe sou Hy ook sy moeder kon vergeet, dit was immers sy, geseënde vrou wat deur God uitgekies is om sy God-menskind in die wêreld te bring, nie n prinses of koningin nie, maar n gewone meisie, soos een van ons eie meisies. Maria moes Hom voed, vertroetel en versorg (soos enige mamma seker ook maar seer vingertjies en toontjies gesond soen!) tot op dié dag dat sy aan die voet van Sy kruis gestaan het, (Hy, Seun van God, ook haar verlosser) en n HOE KRY JY HULLE SO VER? swaard deur haar siel gegaan het, soos Simeon in die tempel vir haar voorspel het. Die ergste straf wat Hy toe moes verduur, was toe Hy, as mens, uitgeroep het: My God, my God, waarom het U My verlaat? Dit was die vreeslikste. Ek weet net van een plek waar iemand deur God verlate is, en dit is die hel. Eers toé het Hy die volle prys vir ons sondes betaal. Na sy opstanding die derde dag was Hy nie meer God-mens nie, maar God. Hy het belowe dat elkeen wat glo dat Hy die Seun van God is, en verlossing van sondes ontvang het, eendag saam met Hom sal gaan, dié dag wat Hy op die wolke kom om ons te kom haal. Watter wonderlike vooruitsig is dit nie! Hoe kry jy tog reg om jou kinders Sondae kerk toe te laat gaan? vra die moedelose ouer aan n vriendin. Ek laat hulle nie gaan nie, antwoord sy. Maar dis mos nie waar nie. Jou seun het dan netnou vertel waaroor die dominee vandag en twee weke gelede gepreek het! Ja, hulle gaan kerk toe, antwoord die ma, Maar ek LAAT hulle nie gaan nie. Ek neem hulle saam met my. 10

11 Dankie vir nog n Argusfietstoer Dit was die 16de keer dat ek hierdie jaar die Argusfietstoer in die Kaap kon gaan ry en as ek terugkyk, is dankie maar n baie klein woordjie vir soveel seën en genade wat ek ontvang het van die Here. Dis voorwaar n voorreg om deel te wees van die grootste eendag fietstoer ter wêreld waar al 34500(2013) deelnemers se tyd geneem word. Ek kon elke keer die fietstoer suksesvol klaarmaak en het nie eers n pap wiel gekry nie. Daar was wel n paar noue ontkomings soos die jaar toe die wind so gewaai het,dat jy jou fiets onderdeur die burgersentrum waar ons wegspring, moes gestoot het anders het die wind jou omgewaai en toe die wind n meisie met haar fiets en al voor my ingewaai het, en ek wild moes remme aanslaan om n botsing te vermy. Wat maak die Agusfietstoer so besonderse belewenis dat jy jaar vir jaar oefen en spaar om weer die 109km roete te gaan doen? Dis inderdaad die roete, die gees en die dankbaarheid as jy klaarmaak. Maar dis eintlik n lewenservaring, want die Argus fietstoer is baie soos jou toer deur die lewe. Dis om saam met jou groep van 500+ weg te spring en verby die hospitaal te 50kmpu en dan dankie te sê dat jy heel is en al jou ledemate werk. Dis altyd so gerustellend om te weet dat jy deel is van God se kerk en saam is ons in hierdie wedloop tot Sy eer en daar is soveel om voor dankbaar te wees vir ons gemeente al is die pas soms redelik vinnig, help ons mekaar om by te bly. Dis om teen die 1ste styl opdraande van 1km uit te trap onder toejuiging van vrolike toeskouers en jy kry die 1ste gestremde wat op sy rug lê en met sy arms en hande die trapwerk doen,net om weer dankie te sê dat jou bene werk. Dis juis die ondersteuning van medelidmate wat jou teen die opdraendes van die lewe uithelp en wat ook waar is van ons gemeente. Dan val jy rustig agter jou bondel in en vat die 55kmpu tot by Muizenberg waar die see jou met n vars briesie groet. Dis die lekker van ons gemeente dat daar soveel mense is wat bereid is om ook partykeer voor te loop en dan kan jy sommer net die saamloop geniet. Vir die volgende 30km trap jy met die see aan jou linkerkant en die bergpieke aan jou regterkant met die mooiste pad en getuig jy met dankhaarheid oor God se handewerk. Dit maak so groot indruk op jou dat jy nie te vinnig hier wil verby nie, want jy wil net kyk en bewonder. Dis hoe dit soms ook voel as jy deur die vallei ry van die een boer na die ander en elkeen begroet jou vanuit die vreugde van hul handewerk. As jy om die draai kom by Simonstad sorg jy weer dat jy agter in die bondel is,want die wind begroet jou met n harde druk. Soms soek ons ook maar skuiling by mekaar as die winde van die lewe jou so van voor begroet. Anderkant Simonstad moet jy uitkyk vir die waaghalsige bobbejane wat nie altyd by die voetgangerreels hou nie en kyk wat kan hulle aas. By Millerspunt draai die pad en die goeie nuus is dat die wind van agter is,maar daar wag die 1ste styl 5km opdraande en jy besef hoe klein jy daar op jou fiets teen die geweldige berghang is. Dit laat jou opnuut jou afhanklikheid besef as jy deel vorm van God se groot plan vir Sy wêreld. Dis asof God hierdie bergpieke so met sy hande spesiaal gevorm het en hier en daar maak die rotsformasies die mooitste prentjies. Die see raak ver weg onder die berghang en ek ry met die wind van 65kmpu verby die natuurreservaat waar jy vinnig moet kyk om n paar bokkies raak te sien. Dan draai ek links af na Misty Cliffs waar n lekker koue mistige windjie jou begroet en die helder see sy branders egalig op die witsand uitstoot. Die lighuis vertel die verhaal van die ruwe rotsriwwe wat deur die see gevorm is. So is ons kerk telkemal die lighuis in my lewe wat my op die mooi en die gevare wys. Deur Noordhoek soek ek weer die bondel en spaar my bene vir die eintlike opdraande van die dag, die asemrowende Chapmanspeak waar jy 170m in 9km klim. Voor jy die opdraande vat,kyk jy terug op Noordhoek se pragtige strand en dan klim jy kronkelend al langs die see op en op,soms onder die berghang deur en soms net-net aan die kant en as jy bo-oor Chappies gaan dan slaan die uitsig oor Houtbaai jou asem weg. So is die lewe ook maar soos n opdraende en as jy bo deurbreek dan slaan God se voorsienigheid vir die opdraende jou asem weg.dan vat jy die lang welverdiende 65kmpu en as jy om die 11 kort draaie gaan trek jy n paar G s en voel jy of jy so teen jou fiets vasgedruk word. Dis wanneer jy die afdraendes en lekker tye in die lewe sam met God geniet. Deur Houtbaai gaan dit vinnig en dan wag die laaste opdraande van die dag,suikerbossie, lank en reguit en styl vir 6km. Dis hier waar die toeskouers jou aandag van die lang opdraande af hou en vir 6km staan hulle langs die pad en moedig jou teen die opdraande uit. Dan is dit die laaste 15km afdraande al kronkelend langs die see af in die skaduwee van Tafelberg en verby die pragtige strand van Kampsbaai tot by Groenpunt waar jy met blydskap en groot dankbaarheid die eindpunt sien, maar ook half jammer is al die mooi is verby tot n volgende keer. Met so belewenis deur God se wonderlike natuur op paaie wat die wonder van die skepping net verder laat oopbloei, word fietsry n verhoudingsbelewenis saam met God wat by ons is. En eendag weet ons gaan ons die eindstreep op aarde bereik wat vir ons die beginstreep in die hemel sal word. Argusgroete Ds Hendrik. Hoekom is n Coke blikkie rooi?

12 Die Paradoks van die tyd waarin ons leef Ons het vandag groter huise en kleiner families. Meer gerieflik, maar minder tyd. Ons het meer grade maar minder gesonde verstand. Meer kennis, maar het minder goeie oordeel. Ons het meer deskundiges, maar baie meer probleme. Meer medisyne maar minder heel mense. Ons spandeer te roekeloos; Lag te min, Ry te vinnig, Word te gou kwaad, Gaan slaap te laat, Lees te min, Kyk te veel televisie, en ons Bid te min! Ons vermenigvuldig ons besittings, Maar ons waardes verminder. Ons praat te veel, luister te min, en het minder lief. Ons het geleer om n bestaan te maak maar nie hoe om te leef nie. Ons het jare by ons lewe gevoeg maar nie lewe by ons jare nie. Ons het hoër geboue, maar korter humeure; Wyer snelweë, maar enger standpunte. Ons koop meer, maar geniet dit minder. Ons was maan toe en terug, maar sukkel om oor die straat te loop om ons nuwe bure te ontmoet. Onsoorwin die buitenste ruimtes, maar nie ons innerlike nie. Ons kan n atoom vernietig, Maar ons vooroordele bly. Ons skryf meer maar leer minder; beplan meer maar kry minder reg. Ons het geleer om gou te maak, maar nie om te wag nie. Ons het hoër inkomstes maar laer morele standaarde. Ons is gesteld op kwantiteit, Maar gee nie oor kwaliteit om nie. Groter mans met kleiner integriteit. Ons bou meer rekenaars met meer gigagrepe wat meer informasie kan stoor, sodat ons meer kan sê, maar ons het minder kommunikasie. Meer ontspanning en minder plesier; Meer soorte kos, maar minder voedingswaarde. Twee salarisse, maar meer egskeidings. Mooier huise maar meer gebroke huise. Die lewe is opeenvolgende geleenthede om te geniet, dit gaan nie oor oorlewing nie. Gebruik daardie kristalglase nou. Waarvoor bêre jy jou beste parfuum, gebruik dit so dikwels as jy kan en wil. Verwyder uit jou woordeskat frases soos een van die dae of eendag. Skryf daardie brief wat jy al oorweeg het om te skryf, of maak daardie oproep. Sê vir jou familie en vriende hoe lief dat jy hulle regtig het. Moenie die geleentheid om te lag en nou bly te wees laat verbygaan nie. Elke dag, elke jaar en elke minuut is spesiaal. Jy weet nie of dit jou laaste is nie. Glo my, Een van die dae is mens dalk nie meer hier nie. Verwerk deur Sors Geldenhuys. Onthou om Dankie te Se... Ds Petrus Etsebeth Dankie is n klein woordjie hoe dikwels vergeet ons NIE die HERE as dit goed gaan met ons nie. As dit egter droog is dan roep ons gou na die Here. Selfs die beeste en diere roep tot God vir hulle kos. Die Here sê in Jesaja 43:20 : Die wilde diere van die veld sal My eer, die jakkalse en die voltruise, omdat Ek water gee in die woestyn. So dikwels soek ons die skuld by ander mense en nie by onsself nie. Ander moet vir ons jammer kry en vir ons help, in plaas daarvan dat ons, ons hulp by die Here gaan soek. 1 Tess 5:14 sê: Bid sonder ophou. God sal antwoord, As ons nie moeg word om te bid nie. Hy word nie moeg vir ons nie. Iemand het gesê ons moet nou al dankie sê vir dit wat die Here vir ons wil gee. Ek moet met n gesindheid van dankbaarheid na die huis van die Here gaan. Nie net om te ontvang nie, maar om aan Hom die lof en die eer en dank te bring vir alles wat ek uit Sy hand ontvang, elke dag. Die Here skuld vir niemand iets nie. Die son en die wind en die reën behoort aan die Here, nie aan ons as swakke en nietige mense nie, want ons sou dit nooit kon beheer nie. Hy gee dit aan ons, soos wat ons dit nodig het, en nie al die reën op een dag nie. Daarom mag ons tot Hom bid as ons iets nodig het. Ons gaan nie net na die huis van die Here om te ontvang nie, maar ook om aan Hom dankie te sê vir al Sy goeie gawes wat ons ontvang het. Rom 8 37 sê: maar in al hierdie dinge is ons meer as oorwinnaars deur Hom wat vir ons lief het. (N.V). Laat ons op die Here vertrou elke dag en net DANKIE sê. 12

13 REDAKSIONEEL Die uitstorting van die Heilige Gees bly n wonder waaroor gelowiges alleen maar in diepe ootmoed voor God kan buig. Daardeur het God self immers by sy kerk en in sy kinders kom woon. Die pinksterfees is daarom minstens net so n belangrike fees as Goeie Vrydag. Sonder die verligting en die oorredingswerk van die Gees van God sou niemand Jesus se woorde en sterwe ter harte geneem het nie, en sou ons almal verlore wees:.niemand kan sê: Jesus, is die Here nie, behalwe deur die Heilige Gees, skryf Paulus in 1 Kor 12:3. Laat tog die Gees van God toe om ook vandag met sy heerlike werk in en deur jou lewe voort te gaan! LEES ONS ALTYD DIE FYNSKRIF Nou die dag ry ek in die dorp en by 'n stopstraat stop ek agter 'n motor en agter op die motor is 'n plakker wat se Psalms 128: 1-6 Dadelik wonder ek wat wil die persoon vir my se wat staan in Psalm 128. Daardie aand met stilte tyd blaai ek na Ps 128 Die Vrug van jou arbeid sal jy geniet 'n Pelgrimslied 1 Dit gaan goed met elkeen wat die Here dien en sy wil doen 2 Die vrug van jou arbeid sal jy geniet, gelukkig en voorspoedig sal jy wees 3 Jou vrou is in jou huis soos 'n vrugbare winderdstok, jou seuns is rondom jou tafel soos jong olyfboompies 4 Kyk, so word die man geseën wat die Here dien 5 Mag die Here jou seën uit Sion, dat jy die voerspoed van Jerusalem kan aanskou al die dae van jou lewe 6 en dat jy jou kindskinders mag sien. Mag daar vir Israel vrede wees! Toe ek Ps 128 klaar gelees het wonder ek of daardie person wat die Ps 128 plakker op sy voertuig geplak het, net hierdie wonderlike een van die Here vir hom begeer, of het hy die fynskrif raak gelees dat alle seën begin by die diens aan die Here en Sy wil, en of hy bereid is om eers dienskneg en all wat diens in hou te doen voordat hy seën kan verwag. Ek het maar net gewonder, Solly Ferreira 13 Psalms 128: 1-6