Reënmakers en Prutpotte

Transcription

1 kaleideo junie 2013 Kwartaalfokus p2&3 Ek vra maar net p4 and het eendag u en dat niks dit ooit sal kan oopsluit nie. aarom nie? Want die mens aan wie daardie talente, ideale en drome behoor sien, môre en eendag is woorde waarmee ons self die gat vir ons talente, ideale en drome baie die s denke het Môre en Eendag, wonderwerk-woorde geword. Môre bring die horlosie op die regte uur, Eendag aak omstandighede perfek. Môre gaan meer ure in die dag hê, Eendag sal daar bome groei met geld. Maar dis illusie-woorde, prut-woorde en uiteindelik doodmaak-woorde. Jy moet verstaan dat dié twee woorde oor die vermoë beskik om jo dínk dat jou drome en ideale nog lewendig is, (jy bepeins dit immers eeld) en dat jou talente net wag totdat jy als van alles af weet ( mers na en oefen so nou en dan?) Totdat jy op n dag besef dat gekook sit in jou Uitstel prutpot met onbruikbare aanbrandsels ideale en talente as sitgenote. En onder jou prutpot, die koue vu en Eendag. Dit is waaroor hierdie uitgawe van Kaleideo Chat gaan ons wil j om die prutpot-sindroom uit jou lewe te verban en n Reënmaker Dit is mense wat daad by die woord voeg, wat oorgaan tot aksie, sigbaar maak, wat ideale n realiteit laat word en talente gebruik erdie donker wêreld lig te skyn sodat Sy koninkryk in mense se kom! Reënmakers en Prutpotte Toets jou Bybelkennis p10 Kreatief p8 Ons gesels met Agterblad

2 Johan se... Wat is n Reënmaker? Daar is drie soorte mense: 1. Mense wat dink iets het gebeur; 2. Mense wat weet iets het gebeur; 3. Mense wat dinge laat gebeur. Mense wat dinge laat gebeur, word reënmakers genoem. Paulus bid dat elke gelowige n reënmaker sal wees. Hy bid dat geestesoë so verhelder sal word om die geweldige groot krag wat God in ons wat glo uitoefen, raak te sien. Hy sê: Dit is dieselfde kragtige werking van Sy mag wat Hy uitgeoefen het toe Hy Christus uit die dood opgewek het (Ef 1:18-20) Opstandingskrag is n sterker krag as skeppingskrag. Opstandingskrag werk in die aangesig van vyande en teen die grootste teenstand. Satan wou Jesus in die dood vashou maar God wek Hom op. Daardie selfde krag is werksaam in jou lewe as jy glo dat Jesus jou Redder is. Ontdek hierdie geweldige gesag en weet vir seker dat jy n verskil kan maak waar jy jou ook al bevind. Geen teenstand kan jou keer om in jou wêreld n verskil te maak nie. In Kaleideo glo ons: Kleur jou wêreld met die wysheid van God! Word n reënmaker in jou omstandighede en laat iets gebeur. Emille Chat... Wie ken nie die gebruik van beloftes wat nie nagekom word nie? Jy het n belofte gemaak en dit nie nagekom nie, of iemand anders het n belofte aan jou nie nagekom nie en ons voel dikwels nie eers sleg daaroor nie, want ons woord is nie meer ons eer nie. Hierdie gewoontes loop oor na ons geestelike lewens ook. Dis nie meer vir ons belangrik om ons beloftes teenoor God na te kom nie. Klink die volgende bekend? Hierdie week gaan ek elke dag bid, Ek het die Here belowe dat ek dit nooit weer sal doen nie, maar die beloftes is... leë beloftes. Die probleem is dat ons almal graag reënmakers wil wees. Elkeen van ons het n begeerte om deur God gebruik te word en n verskil te maak in die wêreld en mense om ons. Paulus skryf vir ons die volgende: Ek doen dus n beroep op julle, ek wat n gevangene in diens van die Here is: Leef n lewe wat pas by die waardigheid van die roeping waarmee julle geroep is. (Ef. 4:1 NLV) In hierdie vers lê die antwoord om n verskil te maak. Om n reënmaker te wees. Almal is geroep deur God Hy het n plan met jou lewe! Paulus beklemtoon dat hierdie nie sommer enige roeping is nie dit is n roeping wat veronderstel is om so belangrik in jou lewe te wees dat dit jou manier van leef en funksioneer beïnvloed. Jy behoort n lewe te leef wat pas by dit wat God van jou verwag en Hy wil dat jy n getuie, n ambassadeur, die beeld van Homself sal wees. Jy is God se boodskap aan jou vriende, familie en kollegas. Die Here het ons in n lewe ingenooi waar ons reënmakers kan wees, maar dit sal nie gebeur as ons nie ons lewens leef soos mense wat God ken nie. Die eerste stap na reënmaker is om bloot jou woord te hou. As jy jou beloftes teenoor God, jouself en ander kan nakom, is jy alreeds besig om die vogbelaaide reënwolke bymekaar te maak. Wees iemand wat n verskil maak. Wees iemand wie se ja, ja is en wie se nee, nee is. fok junie kaleideo Junie 2013

3 us R E D A K S I O N E E L Iemand het eendag gesê dat die begraafplaas n skat van talente, onvervulde drome en ideale in sy skoot toegesluit hou en dat niks dit ooit sal kan oopsluit nie. Waarom nie? Want die mens aan wie daardie talente, ideale en drome behoort, het sélf die graf toegemessel. Jy sien, môre en eendag is woorde waarmee ons self die gat vir ons talente, ideale en drome baie diep grawe. In ons denke het Môre en Eendag, wonderwerk-woorde geword. Môre bring die horlosie op die regte uur, Eendag maak omstandighede perfek. Môre gaan meer ure in die dag hê, Eendag sal daar bome groei met geld. Maar dis illusie-woorde, prutwoorde en uiteindelik doodmaak-woorde. Jy moet verstaan dat dié twee woorde oor die vermoë beskik om jou te laat dínk dat jou drome en ideale nog lewendig is, (jy bepeins dit immers nog gereeld) en dat jou talente net wag totdat jy als van alles af weet (jy lees darem gereeld en oefen so nou en dan). Totdat jy op n dag besef dat jy droog-gekook sit in jou Uitstel prutpot met onbruikbare aanbrandsels van drome, ideale en talente as sitgenote. En onder jou prutpot, die koue vuur van Môre en Eendag. Dit is waaroor hierdie uitgawe van Kaleideo Chat gaan ons wil jou uitdaag om die prutpot-sindroom uit jou lewe te verban en n Reënmaker te word. Dit is mense wat daad by die woord voeg, wat oorgaan tot aksie, wat drome sigbaar maak, wat ideale n realiteit laat word en talente gebruik om in hierdie donker wêreld lig te skyn sodat Sy koninkryk in mense se lewens kan kom! Carina Francke WOORD DINAMIET Hosea 6:3 Kom ons wy ons aan Hom toe, kom ons streef daarna om ons aan die Here toe te wy. Die Here sal verskyn, so seker as die son opkom, Hy sal ons verkwik soos lentereens die grond verkwik. ( Die Bybel in Praktyk) SKRIFSKERP Maar waarmee sal Ek hierdie geslag vergelyk? Dit is net soos kindertjies wat op die markte na hulle maats roep en sê: Ons het vir julle op die fluit gespeel, en julle het nie gedans nie; ons het vir julle n klaaglied gesing, en julle het nie getreur nie. (Matt11:17) Hierdie Skrifteks, sonder inagneming van die konteks waarin dit geskryf is, is een van die beskrywende beelde van potprutters en reënmakers. In jou en my leefwêreld ontmoet ons byna daagliks mense wat twee soorte musiek vir ons speel. Die fluitmense speel vrolike, ritmiese, jeukvoetdansnote deur hulle gesindheid en hoe hulle doen, praat en leef. Dis n leefstylklank wat n wekroep is vir elkeen wat dit hoor, want dit herinner ons dat ons ook lééf en dat ons hierdie één lewe moet gebruik om n verskil in ander se lewens te maak. Ons moet saam met hulle reënmusiek begin maak en op maat van die reënfluite dinge laat gebeur. Die klaagliedsangers weer, neurie hoorbaar op hulle beurt die weemoedige note van n lied wat vertel van hartseer, verlatenheid, armoede en hopeloosheid, in die verwagting dat die wat hoor, emosie sal toon by die aanhoor van die lied. Maar niemand wil hoor nie. Niemand treur nie. En niemand doen iets nie. Almal prut net saam in die pot van doodgaan passiwiteit. Wanneer dít ons reaksie is, is die skrif aan die muur: ook vir ons gaan die prutpot uiteindelik droog kook. Jy en ek het n keuse: ons kan reënmakers of prutpotte wees. Carina Francke Junie 2013 kaleideo 3

4 Ek vra maar net...? v Is dit verkeerd om permanente grimering te laat doen, a dit is immers dieselfde konsep as tatoeëring? Lev 19:28 Hierdie gedeelte moet binne die konteks van heidense begrafnispraktyke gelees word. Die heidene het hulle hare geskeer om hulleself te vermom sodat bose geeste hulle nie sou herken en na hulle toe kom nie. Die doel van die tatoeëring was om bose geeste weg te dryf. Daarom kan vandag se tatoeëring nie beoordeel word aan die Skrif nie. Tattoeëring en permanente grimering verkondig n boodskap. Is die boodskap tot eer van God of nie? Paulus sê in 1 Kor 10:31 dat alles wat ons DOEN moet tot eer van God wees. Ons moet so optree dat ons die goed bevorder en nie die kwaad nie. Linda Marx v Is dit verkeerd om saam te bly voordat ons getroud is? a (Word bymekaar slaap nie maar die gebruik nie?) Saamslaap van twee mense beteken noodwendig dat daar seksuele aantrekkingskragte begin werk. God het die man en vrou so geskape dat daar n fisiese aangetrokkenheid ontwikkel al is daar soms nie regtig liefde tussen die partye nie. Hierdie soeke na die teenoorgestelde geslag begin reeds in die puberteitsjare en word soms met liefde verwar. Om saam te slaap met iemand van die teenoorgestelde geslag laat begeertes en liggaamsreaksies ontwikkel wat baie moeilik raak om te beheer en eindig in meeste gevalle in seksuele gemeenskap. Indien die bostaande nou plaasvind tussen twee getroude mense is dit mooi en reg en vorm dit deel van die vervulling wat God vir n man en vrou in die huwelik ingebou het, MAAR Indien hierdie saamslaap, en die gepaardgaande begeertes en opwinding wat daarop volg, nou gebeur tussen twee mense wat NIE GETROUD is nie en net saamwoon, vind daar n paar dinge plaas wat rampspoedige gevolge kan hê, naamlik: Veral die dame/vrou raak sielkundig baie geheg en verbind aan die man; Daar ontstaan sielsbande ( soul ties ) tussen die man/vrou wat hulle vir jare aanmekaar bind al is hulle lank reeds nie meer bymekaar nie. Hierdie sielsbande benadeel n volgende verhouding of huwelik; Dis te maklik om hierdie saamblyverhouding te verbreek en die resultaat is emosionele pyn, verwerping en soms n gevoel van minderwaardigheid. Dit laat ook een of beide van die persone met n gevoel van ek was net gebruik; dus n gevoel van goedkoop wees, en; Soms word daar kinders uit hierdie voorhuwelikse saamslaap gebore en sou die persone nie trou nie, beleef die kind dieselfde verwerping en verwarring as wat kinders uit egskeidings beleef. Nou Wat Nou??? Ek sou sê: Al is daar mense wat jou wil wysmaak dat dit nou mode is om as ongetroudes saam te bly en dat dit die regte ding is om te doen dit bly verkeerd as gevolg van die geweldige emosionele pyn, verwerping en depressie wat dit veroorsaak. Dit is verder ook teen God se plan vir die man en vrou. God het die huwelik ingestel om geluk, liefde en vervulling vir die man en vrou te bring. Saambly is nie n huwelik nie en daarom kan mens nooit die seën van n huwelik daarop verwag nie!! Frik Botha 4 kaleideo Junie 2013

5 B E S T U U R S R A A D Bestuursraad sê... By Kaleideo strewe ons daarna om beide konserwatiewe asook moderne denkwyses te akkommodeer. Belangriker as dit, is dat ons effektief sal wees met ons Godgegewe werk in die liggaam van Christus. Kaleideo is geseënd met n bekwame en toegewyde bedieningspan wat ons lidmate en hulle behoeftes as prioriteit beskou. Meer as dit, hulle spreek ook dikwels behoeftes buite ons gemeente aan, ten bate van die Koninkryk. Dit beteken dat ons bedieningspanlede by geleentheid uitstedig is. Getrou aan die Kaleideo visie, beskou die Bestuursraad dit as n voorreg om ons wêreld op so n manier te kleur met die wysheid van God. Wanneer jy by geleentheid n bedieningspanlid vermis, dank die Here saam met ons dat hulle bereid is om op so n onbaatsugtige manier elders te dien. Kom ons bid gereeld vir ons bedieningspan om effektief te wees. Dawie Brink Bestuurshoof Titus Touch... n Reënmaker Droogte is lelik, vaal en doelloos. Droogte spel dood. Droogte het geen hoop nie. In tye van droogte smag elke mens na n paar druppels reën om lewegewende water te bring. Titus Touch kurrikulum (eenjaar kursus) het in 2013 vir 25 vroue presies dit geword... lewegewende water wat vanuit die hart van God uitgestort is om groei, verandering en voorspoed vir elke vrou te bring. My hart is vol reëndruppels van dankbaarheid oor elke vrou wat saam met my in hierdie tyd verander het, gegroei het en die Here beter leer ken het. Lynette Steyn - Kursusleier Hierdie kursus is n móét kursus vir elke vrou wat geestelik wil groei. Elke aspek van vrouwees word aangespreek, uitgelig, aangeraak, oopgevlek en oopgebreek. Jy word gekonfronteer met jou nukke en grille, met jou pyn, met jou menswees op alle vlakke en met dit wat God vir jou wil gee. Die kursus laat jou elke emosie wat daar is, beleef en as jy bereid is om te leer en te verander, kom jy anderkant uit as `n sinvoller, ryker mens. Die beste is dat jy telkens van Jesus se omgee, liefde, wysheid en genade bewus raak. Verder leer jy ons het n wonderlike Vader wat ons baie lief het. Sophia Smit - Kursusganger Hierdie kursus rus toe, motiveer en inspireer. Vroue deel hul ervarings en probleme met mekaar en gevolglik vind persoonlike en geestelike groei, sowel as emosionele genesing plaas. Vroue het ook die opsionele geleentheid om opleiding te ontvang om self groepe te lei en so hul bedieninge uit te leef. Romeine 12:2 spreek van die vorming van nuwe denkpatrone dit het in my lewe gebeur nadat ek myself beskikbaar gestel het vir vernuwing deur God se Gees. Terwyl ons die onderwerp van visioene en drome behandel het, het God my iets geskenk wat ek altyd begeer het - n lewensvisie, n nuwe rigting vir my lewe. Sedertdien skryf ek hierdie dinge neer en hou nou drie boeke as tasbare bewys van my hartsverandering in my hande vas. Charmaine Reed - Kursusganger Titus Touch het my geleer om te vertrou, om te fokus op my huwelik en gesin sowel as my skeppingsdoel. My selfvertroue is herstel en ek kyk na myself deur God se bril. Ek dink en praat anders omdat ek myself nou meet aan God se prentjie van my. Dis `n vreugde om vroue saam met my te sien groei en loskom uit die greep waarin die vyand ons wil vashou. Die gevoel van vryheid, as jy vergewe, is soos kettings wat afval. Ek beveel hierdie kursus vir elke getroude en ongetroude dame aan. Cynthia Botha - Kursusganger Junie 2013 kaleideo 5

6 Youth Connection Antisosiaal, nuwe normaal? Deesdae kan n mens hordes vriende aanlyn versamel en selfs met wildvreemdes wêreldwyd gesels, maar tog sukkel ons om verhoudings met dié naaste aan ons te bou. Dit lyk asof tegnologie tog n invloed op ons menseverhoudings het Soos meeste mense soggens nie sonder hulle koffie kan opstaan nie, gee die Y-generasie (breedweg die wat gebore is tussen 1976 en 2001 en wat die opkoms van massakommunikasie beleef het) Facebook en Mxit n mis en skuif agter die sel- of rekenaarskerm in Kommunikasie tegnologie maak dat jong mense meer en meer tyd op hul eie in hul eie virtuele sosiale gemeenskappe bestee. Die tyd vir gesinskuiers raak al hoe minder en hulle raak al hoe meer afgesonder. Dit is soos n verslawing Moderne kommunikasietegnologie verander die psige van mense, sê Pieter de Villiers, n besigheidskonsultant wat spesialiseer in hoe die sakewêreld van die toekoms gaan lyk. Let op hoeveel mense is op hul selfone terwyl hulle uiteet. Ons raak al meer individualisties: Ek en my tegnologiewêreld het nie geselskap nodig nie, sê hy. Jou skermvriend Tegnologie het tot gevolg dat toekomstige gemeenskappe verhoudingsdom gaan wees. Aan die ander kant ontwikkel ons mense wat skerm-intilligent is. Dit het geweldige implikasies. Ons gaan in die toekoms sien hoe mense al hoe meer sukkel om mens-tot-mensverhoudings suksesvol te bedryf. Dit kan wees dat die gebruiker van sosiale media vir hulself n fantasiewêreld skep selfs n persona wat heeltemal anders is as wie hy of sy werklik is. Pa en ma, word tegnoslim wees op hoogte van watter tegnologie jou kinders gebruik, leer dit self aan, sodat jy kan weet wat aangaan. Onkunde en naïwiteit kan jou en jou kind duur te staan kom. Maak reëls oor die gebruik van tegnologie. Sekere tye (soos met etes, huisvergaderings, doen van huiswerk, ens) is kommunikasie op selfone of rekenaars n taboe. Gebruik die tegnologie, maar moenie dat dit die plek inneem van persoonlike kontak / verhoudinge met jou geliefdes nie. (Artikel verkort) Magda Banksitter of betrokkene in die gemeente? Jesus het vir ons sondes gesterf en opgestaan sodat ons die ewige lewe kan hê, maar dit is nie al nie... ons lewe hier op aarde moet ook sinvol en roepingsbewus wees. Jy kan nie net jou eie ding doen en n selfgerigte lewe lei nie... jy moet kies dat die Vader jou lei sodat die doel waarvoor Hy jou geskep het, na vore kan kom in jou lewe. Dan is dit mos onmoontlik om n banksitter wees! Banksitters hoor, betrokkenes luister met aandag. Banksitters sien, maar betrokkenes kyk in diepte. Banksitters kyk rond, betrokkenes kyk na binne. Banksitters kan ruik, maar betrokkenes versprei n aangename geur. Banksitters haal asem, maar betrokkenes asem Woord in. Banksitters bid net vir hulself, betrokkenes bid vir ander... Sophia Smit 6 kaleideo Junie 2013

7 Verskil Tussen Potprutters & RAInMAKErS Veilig op my stoep stap my gedagtes hierheen: Iewers moet daar n ekwilibrium tussen Potprutters en Rainmakers wees. Of dwing ons onsself om so te glo? Laat ek verduidelik. n Potprutter? As jy nou al ooit die voorreg gehad het om jou tande aan n Karooskaapskenkel pot te slaan dan sal jy weet. As daardie pot nie vir n goeie wyle gestaan en prut het nie, is dit soms makliker om die bene sag te kou as wat dit is om die vleisies tussen jou tande uit te flos. Prut hy te lank, word potjiekos sop. Wat n teleurstelling.. veral vir die kok van die pot. In kort, n Potprutter sit totdat hy so sag is dat jy hom nie meer kan aansien vir dit wat/wie hy was nie. n Rainmaker Daar word gesê dat die inheemse Rooi Indiane van Amerika n 100% suksessyfer gehad het wanneer dit by hulle reëndans kom. Die rede hiervoor? Hulle het aanhou dans en sing en werk totdat dit gereën het... soms vir maande aaneen. Die verskil tussen die twee: Een sit en prut tot hy so sag is dat hy homself nie meer herken nie en kla dan omdat hy nie is wat hy wou gewees het nie. Die ander een weet wie hy is en dans, sing en werk totdat iets gebeur en buig daarna in dankbaarheid neer voor die Een wat dinge laat gebeur... Kan jy die ironie hierin sien? Of belangriker,kan jy jou self hierin sien? Het die kerk nie ook vir sommige van ons n eksperimentele toets van potpruttery geword, terwyl n handjie vol ander die ekwilibrium reg trek met die spreekwoordelike Raindance nie? Verwag die Here dan nie van elkeen ewe veel nie? Hy verwag dat ons sal dans totdat dit reën (gebed) Hy verwag dat ons sal sing totdat dit reën (lofprysing) Hy verwag dat ons sal werk totdat dit reën (diensbaarheid) Is jy n Rainmaker of n Potprutter? Kobus Boshoff my s p a s i e Gebed vir Kinderloosheid Here ons vra U vir n kind. Vir U is alles moontlik. Here, laat U wil geskied. U weë is nie ons weë nie. Wat U besluit is reg. Ons onderwerp ons aan U wil, maar ons vra ook met vrymoedigheid want U is ons Vader. Leef in vreugde en hoop. God is goed en God is getrou en God is steeds almagtig en in beheer al sou daar nooit n baba wees nie. Moenie toelaat dat die duiwel julle vreugde steel nie en moenie onder sy veroordeling en beskuldigings leef nie. Anzelle Dankie vir my huweliks maat Vader, dankie vir my huweliks maat. Dankie vir n huwelik waar ek gemaklik voel en tuis is. Ons huwelik is heilig, want U t ons bymekaar gebring. Dankie dat ek n maat het met wie ek alles kan deel. Dankie dat ons altwee ons verbind het tot hierdie verhouding deur in die huwelik bevestig te word. U is ons Rots en standvastigheid. Saam verbind ons onsself aan U. Ek weet U seën hierdie verhouding van ons, dankie. Ek bid dat ons mekaar, soos wat U ons liefhet, ook onvoorwaardelik sal liefhê. Ek bid dit in Jesus se Naam, Amen! Totsiens aan Frik Botha As Bestuurshoof (Gemeentesekretaris en tesourier) van Kaleideo het Frik n reuse bydrae gemaak tot die vestiging en uitbou van administratiewe strukture in die gemeente. Die gemak en takt waarmee hy met alle mense omgegaan het, is n rare kwaliteit in die hedendaagse beroepswêreld. Ons wens jou baie sukses in jou nuwe beroep toe! Redaksie Junie 2013 kaleideo 7

8 8 Today is just one of those days that You feel just a little bit far And my arm is just to short in reaching for that star. The Battle Reën n Druppel en nog n druppel val die reën musieksag uit die Vader se hart val die reën skoon, suiwer uit die hemelskat val die reën Your face is turned away, but You haven t let me go, While the grip You have around me, is releasing very slow. I m losing my balance, falling to the side, Into all of the tears, one by one, I cried. Didn t You feel Your hand, getting a little wet? Or did You even realize every tear I shed Would You lift me up, so I can see what s going on, On the other side of Your back, Your shoulder, what lies beyond I wait another little while in the agony of just the noise And then You reassure me with Your soothing, calming voice: Rest assure my Child, your battle is being fought. I haven t forgotten about you, not even a single thought. Just be patient, the enemy is still a little strong, But don t you worry, I m fixing what they ve done wrong. The noise diminish, the silence grow large, But still here and there, a soldier to march. I feel my body rise, in His hands up in the air. He fought the battle for me, without any pain to share. First thing over His shoulder, the fresh smell of the fight, With only dead corpses, blood and victory in sight. Turning to say thank you, a tear roll down His cheek. Have you seen the gashes in His back, isn t that the reason we should seek. But no, there comes the smile, from one cheek to another, Saying: I ll always fight for you, the next battle and another. stroom die voedende krag reën uit die Vader se hand. Sophia Smit Dit is U Liefde Here, dit is U liefde. Dit kom tot binne my seer. U liefde is nie net voorsiening in my behoeftes, dit is meer. Dit maak n hart van klip sag, dit gee my krag. U liefde Heer, sê U het my aanvaar. Dit regverdig my. My skuld is betaal, deur die kruis is dit klaar! U liefde bring vrede, maak my vry. Meer as my drome, meer as my swaarkry, so is u liefde, soete strome. Dit laat my vlieg en gee hoogtes vir my. U liefde is ewig, Hier wil ek bly. Christo 8 kaleideo Junie 2013

9 Die Reenmaker Dit was droog. Alles met 4 bene het omgeval en bly lê. Op Postmasburg, was dit biddag vir reën! Almal was daar. Als was toe; winkels, skool, poskantoor, die bank. Als. Ons sit almal in die 40 grade hitte in die klipkerk. Dominee was van die huil-soort. Lekker hard, geskreeu. Die kinders was altyd wakker in sy diens en het nie maklik vergeet waaroor dit gegaan het nie. Na die laaste trekkerige gesang, Lewenstorme breek in woede, alles om my heen is nag, spreek hy die laaste seën uit en huil. God, gee reën!!!! Meteens hoor ons die swaar druppels val. Soos koeëls klap dit van ver af op die sinkdakke, nader en nader tot die kerk se dak antwoord gee. Almal staan verwonderd en wikkel deure toe om dit te aanskou. Dis n storting soos in geen jare nie. Die watervore word vol, die nat word nog natter en die die koel lafenis hang om ons. Na die reën styg die stoom van die dorpstrate op, asof in n gebaar van dankbaarheid teenoor die Gewer van die reën. Die plat, vaal toktokkie, Vermufte Jan, kom seker nou onder sy klip uit en die kinders wil almal gaan kyk. Orals sal hulle wees, genoeg. Vir elke kind een om mee te speel. Ons juig en lag en skud hande en druk mekaar. Dis reën van dié Reënmaker en ons glo dit nie! Ons vra dan daarvoor. Hoekom is ons so verbaas en kleingelowig? Lê ons swaarkry en kleingelowigheid nie net hier nie? Hier waar ons klaar gevra het en dan, na die Amen, vergeet ons dat ons moet wag op die Here, want Hy gee oor en oor en meer en meer. As ons net kan leer om te glo dat God luister en sál voortbring, sal ons minder hê om oor te prut. Sy seën sal op jou neerstort, want Sy beloftes is Ja en Amen! Matt. 5:45: God laat reën op dié wat reg doen en oor dié wat verkeerd doen. God se liefde is die kenmerk van sy Vaderskap en as Sy kinders behoort dit ook in ons lewens sigbaar wees. Magda Smit Kaleideo se kinders presteer Baie geluk aan ons Kaleideo kinders wat op skool presteer: - Damian van Goeverden is Onderhoofseun van Kruinsig Laerskool - Carla Loot s is hoofdogter van Kruinsig Laerskool - Danicke du Plessis is n leier van Kruinsig Laerskool en kaptein van die eerste Net balspan - Clarissa Marais is hoofdogter van van Laerskool Birchleigh en het SA kleure in die o/13 Jukskeispan verwerf. - Nico Henning is hoofseun van Laerskool Birchleigh - Zanie Labuschagne is leier by Kruinsig Laerskool en het derde plek behaal in die 800m op die Laerskole S.A At letiek Kampioenskappe Clarissa Marais Damian Van Goeverden Danicke Du Plessis Ons wil graag erkenning gee aan kinders in ons gemeente wat op verskeie gebiede presteer. As jou kind op enige gebied presteer, sal ons baie graag daarvan wil weet. Junie 2013 kaleideo kaleideo 7 9 Nico Henning Zanie Labuschagne Carla Loots 9

10 B i b l e Facts You can trust the Bible According to Dr James Kennedy, who has made a study of prophecy in the Bible, there are over 2000 prophecies in the Old Testament alone that have already been fulfilled. Fulfilled prophecy is a sure indication that the Bible is a miracle book, authored supernaturally by God Himself through His Spirit (2 Tim 3:16) Numerous archaeological discoveries have validated the accounts we read in the Bible as true. For example, an Egyptian inscription describes a battle between Egypt and Israel in roughly 1209 BCE in the land of Canaan, much like the Bible portrays. Other inscriptions attest to the Israelite kings mentioned in the Old Testament. Indeed, so many documents from ancient Egyptian, Hittite, Canaanite, Assyrian, and Babylonian cultures parallel accounts from the Old Testament that one prominent Jewish archaeologist stated, No archaeological discovery has ever controverted a biblical reference. Scores of archaeological findings have been made which confirm in clear outline or exact detail historical statements made in the Bible. www. exploringgod.com People all over the world have found that when they turn their lives over to God, He places within them a power that makes it possible for them to live closer each day to the ideal life that the Bible holds out for them. Toets Jou Bybelkennis! Wat was die eerste beroep wat in die Bybel genoem word? Met watter beroep kan ons Dorkas assosieer? Die gebruik van watter werktuig het Dawid in sy jeug vervolmaak? Watter man was uitgewys as die profeet van God terwyl hy geploeg het? Wat was Demetrius se beroep? Met watter taak was Jakobus en Johannes besig toe Jesus hulle geroep het? Met watter materiaal het Hiram van Tirus by die tempel gewerk? 7. Brons 6. Regmaak van vissersnette Talente kan dood prut of reën laat val - Magda Smit God het elkeen van ons met talente bekroon. Wat verhinder ons dan om dit te gebruik? Vrees vir die kritiek van ander, geligde wenkbroue oor die manier waarop jy n storie vertel of die holruggeryde verskoning van gebrek aan tyd. Uitstel tot n beter dag is aktiewe passiwiteit wat nooit tot aksie oorgaan nie en jou talente en drome kan laat dood prut. En dit terwyl ons net nou tot ons beskikking het. Lewe jy jou drome en passies en gebruik jy jou talente? Of skuif jy dit oor na Eendag wanneer ons skip inkom. Dan s daar nuus vir jou: Die Eendag skip is n spookskip en skepe wat nie bestaan nie, kan nooit in n hawe vasmeer nie. Talente is n gawe van God en die uitleef daarvan stem n mens rustig, verminder stres, vang gedagtes vas en vernuwe die brein. Dit tem jou road rage, dit stil jou irritasie oor die nonsens wat om jou aangaan en as jy dit uit jou hart uitleef, fokus dit jou gedagtes op jou Maker, jou Meester, jou Heiland. Dis Hy wat jou inspireer om wonderlike dinge met Sy talente te vermag sodat ander Sy reën deur jou op hulle kan voel val. (geredigeer) 5. Silwersmid 4. Elisa 3. Slingervel 2. Naaldwerkster 1. Tuinier 10 kaleideo Junie 2013

11 A Sunday school teacher asked, Johnny, do you think Noah did a lot of fishing when he was on the Ark? No, replied Johnny. How could he, with just two worms? Vergifnis: Prut jy of maak jy Reën? Het jy al ooit geruik hoe ruik n yskas wanneer jy die deur oopmaak en die kos binne in die yskas het sleg geword? Dit stink ongelooflik. Buiten dat dit stink, is dit ook n groot teleurstelling wanneer n mens die yskas met n verwagting oopmaak en al wat jy kry is stink en vrot. Onvergewensgesindheid maak van mense prutters. Prutters se harte is soos yskaste wat vol is van bederfde kos buite vertoon hulle so belowend en uitnodigend, maar o wee, sodra jy die deur oopmaak, slaan die stank jou onderstebo! Hulle harte is volgemaak deur gebeure uit die verlede en omdat hulle dit nooit hanteer nie, maar dit toelaat om te prut, gee dit later net soos die kos in die yskas, n onaangename reuk af. Vir jare word die seer gebêre en vertroetel - prut jy daaroor - tot die stank daarvan jou lewe begin oorheers. Wanneer laas het jy die yskasdeur van jou hart oopgemaak en gekyk of daar nie dalk n paar dinge is wat besig is om te verrot nie? Mense wat vergewe is soos reënmakers hulle haal die slegte dinge uit hulle harte uit en laat God toe om dit vir hulle skoon te maak en weg te was net soos wat reën die stof en kieme op die aarde wegwas. Om te vergewe is ook soos om die yskasdeur oop te maak en die verrotte goed uit te haal en daarvan ontslae te raak. Vergifnis maak jou skoon en reën genade oor ander, maar veral oor jouself. G in die emeenska P Kaleideo stig Gateway to Kalmykia (GTK) Sou jy vir n duisend mense vra waar is Kalmykia, dan sal jy verbaas wees as daar iemand is wat regtig weet. Kalmykia is n staat binne Rusland en is die enigste Boeddhistestaat in die hele Europese Asië. Die bevolking van Kalmykia is ongeveer met minder as 0.01% Christene, n totaal onbereikte groep mense. Swart See Irak Oekraine Iran Kaspiese See Kalmykia Kazakhstan Rusland Daar het n nuwe beweging onder die jong mense van Kalmykia tot stand gekom, by name BLX en dit staan vir The Young Buddhist Leadership. Hulle beywer hulle en maak gereed om Boeddhisme oral te bevorder en volgens hulle moet Boeddhisme in die hele wêreld verkondig word sodat mense in vrede en harmonie kan saamleef. Hulle sê hulle beleef vrede, geluk en blydskap; hulle leef in vrede met ander saam, mediteer en streef na n beter lewe. Hulle mag dalk al hierdie dinge hê, maar hulle het nie Jesus Christus nie en is verlore! Gateway to Kalmykia (GTK) se visie is om: Die Kerk in Kalmykia te ondersteun, Leierskap te vestig en toe te rus om kerke te plant, S e n d e l i n g e t e s t u u r s o d a t K a l m y k i a g e ë v a n g e l i s e e r k a n w o r d e n m e n s e gered word. Gateway to Kalmykia (GTK) is n strategiese netwerk wat vanuit Suid Afrika funksioneer en in verhouding staan met die Kerk in Kalmykia. Die spilpunt van die netwerk en ook die ankergemeente, is Kaleideo. Gemeentes en individue kan vennote word en deel hê in die ontwikkeling, kerkplanting, plasing en ondersteuning van sendelinge in Kalmykia. Van tyd tot tyd sal uitreikings na Kalmykia gereël word en spanne sal geleentheid kry om in Kalmykia te bedien. Vergifnis is nie opsioneel nie, maar is n opdrag van Jesus self: As jy dan jou gawe na die altaar bring en dit jou daar byval dat jou broeder iets teen jou het, laat jou gawe daar voor die altaar en gaan versoen jou eers met jou broeder, en kom dan en KALLIE CALITZ WêRELD EVANGELISASIE bring jou gawe. (Matt 5:23-24) As jou broer verkeerd opgetree het teen jou, gaan wys hom tereg waar julle eenkant staan. As hy na jou luister, het jy jou broer terug gewen. (Matt 18:15) Leoné Kruger Junie 2013 kaleideo 11

12 Ons gesels met Dawie Brink Sedert 1 April 2013 het Kaleideo n nuut aangestelde Bestuurshoof in die persoon van Dawie Brink. As baie aktiewe lidmaat (dalk sal ledemaat n beter beskrywing wees) het Dawie se bekwaamhede en toegewyde werkswyse van hom n onmisbare leier gemaak. Deur middel van hierdie paar vrae hoop ons dat jy as leser en gemeentelid hom beter sal leer ken. Wie is Dawie Brink? Ek het aanvanklik my studierigting afgeskop met Siviele Ingenieurswese maar interessant genoeg later opgeëindig by Teologie. My loopbaan het opwindende draaie gaan maak by onder andere konfigurasiebestuur, grafiese ontwerp en ook later my eie onderneming, waarna ek onlangs voltyds by Kaleideo betrokke geraak het. In my vrye tyd hou ek myself graag besig met fotografie, staptoere, teken van spotprente, fietsry en reis. Ek belê graag in mense, vier dikwels fees en is passievol oor goeie koffie en keurige biltong! Jou aanstelling as Kaleideo se Bestuurshoof het nie as n verrassing gekom nie. Die aanloop daartoe het reeds n jaar of drie gelede begin. Gesels kortliks hieroor. As vrywilliger by Kaleideo vir etlike jare, het Kaleideo se belange nog altyd naby aan my hart gelê. My ondervinding in besigheid, bestuursvaardighede en passie vir bediening vorm uiteraard n kombinasie wat tereg vir meer as 4 jaar lank reeds ter sprake is. Al wat toe oorgebly het was om die Here se tydsberekening hiermee te ontdek. Wat behels jou werkverpligtinge as Bestuurshoof? Kaleideo is veel meer as n tradisionele gemeente. Behalwe al die bedieningsfasette en geestelike versorging, vind daar ook heelwat opwindende aktiwiteite plaas op terrein, in ons kantore asook in die gemeenskap. As Bestuurshoof sien ek om na die operasionele kant van die organisasie wat finansiële bestuur, menslike hulpbronne en fasiliteitsbestuur insluit. Op watter kwaliteite in n werksopset plaas jy n hoë premie? Dinamiese, produktiewe en passievolle mense gaan ongetwyfeld hemel toe! Dit was nog altyd vir my belangrik om n voortreflike produk te lewer. Soveel te meer behoort ons in die Koninkryk, gekrediteerde ambassadeurs te wees wat ten alle tye met integriteit, dissipline en liefde die wêreld kan verower. Waaroor droom jy? ( vir jou en Paula en vir die gemeente?) Ek droom oor reuse impak in die liggaam en in die samelewing. Dat selfs die regerings van die dag na die kerk sal kyk vir raad. Dat ons nie net die temperatuur sal meet nie, maar die temperatuur sal bepaal. Carina Francke Beste Redakteur... Baie dankie vir n puik tydskrif! Ek love die kleurvolheid en die artikels is baie waardevol en toepaslik vir elke dag se knope! Kan julle dit nie dalk ook elektronies beskikbaar stel nie? Ek sal dit graag vir my vriende wil e-pos? Elize (Red. Die Kaleideo Chat word reeds op die webblad van Kaleideo gemeente geplaas). Kaleido Chat is iets om na uit te sien! Dis vars. Dit kikker my dag op en! Dis n blaadjie wat ek graag wil deel met mense om my! Magda Biermann Ai ek love die tydskrif. Daar is soveel cool artikels en die temas is skerp en op die man af. Hou so aan. Die tydskrif maak my lus om die gemeente te besoek. Johan Redaksielede: Carina Francke, Anzelle Heyns, Sophia Smit, Leoné Kruger, Frik Botha Medewerkers vir die uitgawe: Magda Smit, Kobus Boshoff, Dawie Brink Taalversorgers: Susan Smit Grafiese Ontwerp & Uitleg: Louwrie Badenhorst Vrywaring: Alhoewel ons poog om in alle artikels die Bybelse riglyne as gesaghebbend te aanvaar, weerspieël bydraes van individue in sommige artikels nie noodwendig die oortuiging van Kaleideo Gemeente nie. Tel: E-pos: info@kaleideo.co.za Webblad: Dankie vir almal se reaksie. Ons hoor graag jou terugvoer Kaleideo Chat is immers jou blad ook! Chat groete, Redaksie Bydraes vir die blad: C. Francke: carina@kaleideo.co.za