Haute Route Chamonix Zermatt. Afmælistúr Halldórs Hafsteinssonar HD Haute Route mars 2010 Verð:

Transcription

1 Haute Route Chamonix Zermatt Þessi heimsfræga leið milli tveggja þekktustu fjallaþorpa Alpana er í senn krefjandi og ógleymanleg upplifun. Á sex dögum er skíðað í gegnum eitthvert stórbrotnasta landslag Evrópsku Alpana þar sem að hver 4000m tindurinn á fætur öðrum blasir við, Matterhorn, Mont Blanc og Dent Blanche eru nöfn sem margir þekkja og í þessari ferð komumst við í návígi við þessa risa. En það sem að gerir Haute Route að frægustu fjallaskíðaleið heims er ekki hvað síst sú samblanda af villtri náttúru og þeirri mögnuðu fjallamenningu sem einkennir Alpana. Skálaupplifunin er stór hluti ferðarinnar, þar sem við hittum annað fjallaskíðafólk víðsvegar að úr heiminum og fögnum góðum dögum með kjarnmiklum máltíðum og góðum drykkjum hvert einasta kvöld. Afmælistúr Halldórs Hafsteinssonar HD Haute Route mars 2010 Verð: ISK per pax Dagur 1-21 Mars: Mæting til Les Collons þar sem við hittumst, förum yfir planið og tökum einn léttan snúning á barnum til að undirbúa okkur andlega fyrir erfiði næstu daga. Leiðsögumaðurinn fer yfir búnað og græjar það sem ekki er klárt hjá mannskapnum. Dagur 2-22 Mars Upphitunardagurinn mikli. Við skíðum að öllum líkindum Vallee Blanche í Chamonix eftir að hafa tekið kláfinn uppá Aig d Midi í 3842m. Þetta er fínasta hæðaraðlögun og svo skemmir ekki fyrir að geta rennt sér að öllum líkindum alla leið til Chamonix rétt rúma 3000 metra af skíðun. Um kvöldið snæðum við saman í Chamonix og göngum frá öllum lausum endum fyrir sjálfan túrinn. Dagur 3 23 Mars Leggjum snemma í hann til Argentiére þaðan sem við tökum Grand Montets lyftuna uppí 3500m hæð. Við tekur fínasta rennsli niður á Argentiére jökulinn og svo brött uppferð uppá Trient hásléttuna þar sem við gistum í hinum margrómaða Trient skála í 3170m. Dagur 4 24 Mars Það eru margir sem vilja meina að besta skíðuninn á Haute Route sé frá Trient skálanum og niður til Champex og það er kannski ekki langt frá lagi. Frá Champex þorpinu tökum við taxa til Verbier skíðasvæðisins þaðan sem við náum til Mont Fort skálans sem er innan þessa heimsfræga skíðasvæðis.

2 Dagur 5 25 Mars Frá Mont Fort skálanum klifrum við Rosablanche 3386m og rennum okkur svo niður til Prafleurie skálans sem liggur í 2980m hæð, þetta er nýr og stórskemmtilegur skáli í stórkostlegu umhverfi. Dagur 6 26 Mars Við byrjum daginn á stuttu klifri uppí Col de Roux skarðið og skíðum svo niður að Lac des Dix stífluvatninu. Höldum svo sem leið liggur meðfram vatninu og uppí Dix skálann í 2928m Dagur 7 27 Mars Í dag skíðum við einn af hápunktum ferðarinnar Pigne d Arrolla 3796m. Á björtum degi sést til allra átta og flestir af hæstu tindum alpana svo sem Mont Blanc, Matterhorn, Dent Blanche og hundruðir annarra blasa við. Við skíðum svo niður í Vignettes skálann í 3194m. Dagur 8 28 Mars Stærsti dagur ferðarinnar á nokkurs vafa og jafnframt sá flottasti. Við skíðum yfir 30km, gegnum 3 stór fjallaskörð og 7 jökla og endum á að renna okkur niður fram hjá norðurveggnum á hinu víðfræga Matterhorn alla leið til Zermatt. Þennan turbo dag skíðum við 1100m upp og tæpa 2500m niður. Þegar við komum til Zermatt smellum við okkur á eitt nett Apre Haute Route Ski og drífum okkur svo í lestina og alla leið í HD höfuðstöðvarnar í Les Collons. Kvöldið verður svo að öllum líkindum ógleymanlegt eða gleymanlegt eftir því hverjir eiga í hlut. Dagur 9 29 Mars Þessi dagur er til vara ef ske kynni að við verðum stopp einhversstaðar á leiðinni og þurfum að sitja af okkur storm í cozy fjallaskála yfir rjúkandi drykk eða þá norpandi útí stórhríðinni..já þetta er jú ævintýri sem allir verða að undirbúa sig fyrir bæði andlega og líkamlega. Ef allt gengur að óskum og menn og konur eru í ástandi þá getur þessi dagur nýst vel til off piste leiðangurs í nágrenni HD Höfuðstövanna í Les Collons. Frekari upplýsingar Innifalið í verði: Leiðsögn faglærðra UIAGM fjallaleiðsögumanna alla ferðina (Hámark 6 farþegar per leiðsögumann) Gisting 1 nótt á hóteli í Chamonix með kvöldmat og morgunmat Gisting 5 nætur í fjallaskálum með morgunmat og kvöldmat Allar kláf, lyftuferðir og annað transport milli Chamonix og Zermatt Ekki innifalið í verði: Ferðir til og frá Les Collons, Chamonix og Zermatt Hádegis nesti og annað snarl í skálunum. Drykkir svo sem flösku vatn og aðrir drykkir í skálunum Aukanótt og matur í skála fyrir vara daginn Tryggingar Útbúnaðarleiga

3 Greiðsluskilmálar 30% af heildarverði ferðar á mann ISK greiðist við bókun en eftirstöðvarnar ISK ekki síðar en 90 dögum fyrir brottför eða 22 desember Sjá heimasíðu Bergmanna. Matur og Gisting Í Chamonix gistum við á Hóteli í miðbænum þaðan sem stutt er í allar lyftur, búðir og almenningssamgöngur. Við munum snæða kvöldverð og morgunmat á Hótelinu áður en við leggjum í ferðina. Skálarnir bjóða allir uppá veitinga og bar þjónustu ásamt því sem þar er hægt að kaupa helstu nauðsynjar eins og t.d súkkulaði, vatn o.f.l Kvöldverðir eru yfirleitt þrírétta, súpa, kjötréttur og desert en morgunverðurinn er öllu lítilfjörlegri, yfirleitt þurrt brauð, sulta og kaffibolli. Gistingin er í kojum í misstórum herbergjum, yfirleitt 8-24 manna. Nauðsynlegt er að vera með þunnan lakpoka til að sofa í en skálarnir eru allir með sængum, teppum og koddum. Sturtur er aðeins að finna í einum af skálunum. Hádegisnesti verður hver og einn að taka með sér fyrir alla ferðina. Best er að vera með sambland af orkustykkjum, súkkulaði, osti og pylsum því samlokur endast illa í þetta löngum túr. Einnig er eins og áður sagði hægt að kaupa heita smárétti í flestum skálanna ásamt öðru snarli en þetta er þó eitthvað sem ekki er hægt að gera ráð fyrir. Líkamleg geta, þrek og þor: Haute Route leiðin þótt vinsæl sé er ekki gefins hvorki líkamlega né andlega. Við klifrum m eða 4-6 klst upp á hverjum degi í 6 daga með bakpoka sem kemur til með að vega 6-10kg. Það er því nauðsynlegt að fólk sé í góðu líkamlegu formi og hafi reynslu af nokkurra daga fjallaskíðaferðum við misjafnar aðstæður. Fólk þarf einnig að geta skíðað í mjög misjöfnu færi, ís, skara, púðri, og krapa með bakpoka. Góð grunn kunnátta á almennri fjallaskíðatækni, svo sem spark beygjum, skíðabrodda notkun, skinna umhirðu, snjóflóðaleit og almennri vetrarfjallamennsku er forsenda fyrir vel heppnaðri Haute Route ferð. Fyrir þá sem ekki hafa farið í nokkurra daga fjallaskíðaferð mælum við sterklega með 2 daga crash course á Tröllaskaganum áður en lengra er haldið. Búnaður: Best er að allir þátttakendur séu með sinn eigin búnað sem þeir eru vanir að nota og vita að virkar. Annars er hægt að leigja allan sérhæfðan fjallaskíðabúnað hjá Bergmönnum, í Sion eða Chamonix. Skoðið meðfylgjandi útbúnaðarlista vel og munið að rétt val á útbúnaði getur skipt sköpum um hvort ferðin er vel heppnuð eða ekki. Það sem helst þarf að huga að er léttleiki og styrkur, í svona langri ferð þar sem að þú skíðar með allt á bakinu skiptir hvert gram máli, t.d saga tannburstann í tvennt, taka bara 30cm af tannþráði o.s.f.v

4 - - Útbúnaðarlisti fyrir Haute Route og aðrar fjallaskíða traversur Útbúnaður: ( ) Bakpoki lítrar með festingum fyrir skíði, ísexi, góðri mittis og brjóst ól. ( ) Létt Ísexi cm löng með beinu skafti, blaði og skarexi. (Mæli með Petzl-Snowracer eða Black Diamond-Raven Ultra ( ) Léttir Mannbroddar. 10 eða 12 gadda, smellu eða blanda af smellu og óla festingum með anti snjóplötum undir iljum. (Mæli með Petzl-Charlet Irvis, Black Diamond Neve, Grivel Air Tech Light) ( ) *Klifur belti. Þægilegt belti með stillanlegum mittis og lærólum ( ) *Karabínur o.f.l. 2 læstar karabínur og einn tvöfaldan nælon sling eða borða ( ) *Fjallaskíði eða Telemark í góðu lagi ásamt bindingum ( ) *Skíðastafir. Stillanlegir stafir eða heilir ( ) *Skinn með góðu lími sem passa á skíðin ( ) *Skíðabroddar. Sem passa á bindingarnar og breidd skíðanna (Það verða allir að vera með skíðabrodda, engar undantekningar) ( ) Snjóflóðastöng, skófla og ýlir Fatnaður: Höfuð ( ) Húfa. Fleece eða ullar, verður að passa vel yfir eyru og skýla gegn vindi ( ) Derhúfa Sólhattur. ( ) Lambhúshetta. Þunn fleece lambhúshetta getur reynst vel á toppunum ef það er næðingur. ( ) Sólgleraugu. Mjög dökk jöklagleraugu með fullri UV vörn og ekki of opinn á hliðum. ( ) Skíðagleraugu. Með dökkum linsum og fullri UV vörn, ómissandi ef það er skafrenningur Fatnaður: Efri hluti ( ) Ullarbolur eða gerviefni. Langerma og ekki verra ef hann nær vel uppí háls (Mæli með þunnu og þykku Cintamani ullar bolunum) ( ) Millilag. Þunn Fleece eða ullar flík sem millilag ( ) Peysa. Fleece eða Soft shell peysa (Mæli með Cintamani Úlfur peysunni) ( ) Jakki - Skel. Vind og vatnsheldur jakki sem andar og er með góðri hettu ( ) Úlpa. Dún eða fiber (Ég mæli með Prima Loft fiber jökkum) ( ) Auka Ullarbolur Fatnaður: Neðri hluti ( ) Nærbuxur. Ullar eða gerviefni (ATH Alls ekki bómull) ( ) Síðar Nærbuxur. Ull eða gerviefni. (Mæli með þunnu Cintamani ullar buxunum) ( ) Skíðabuxur. Soft shell eða fleece (Mæli með Cintamani Tómas buxunum) ( ) Hlífðar buxur Skel. Vind og vatnsheldar með öndun og helst með rennilás á hliðum ( ) Auka nærbuxur eða síða Fatnaður: Hendur ( ) Þykkir hanskar. Vatnsvarðir, sterkir og mjög hlýir. Best að það sé leður í lófum. ( ) Þynnri hanskar. Fleece eða ull og ekki verra að það séu einhverjar styrkingar í lófum ( ) Auka Hanskar í milliþykkt

5 Fatnaður: Fætur ( ) Skíðasokkar. 2-3 pör góðir skíðasokkar ( ) Skíðaskór. Mæli með milliléttum skóm t.d Scarpa Spirit 3 Annað: ( ) Höfuðljós. Gott ljós og aukabatterí (Mæli með Petzl Tikka XP) ( ) Vatnsflöskur - Hitabrúsar. Samtals fyrir a.m.k 2 lítra, ekki verra að þær séu með víðum stút til að auðvelda blöndun með orkudrykk og þá frýs ekki í stútnum. Ef þú ert með slöngu system að þá verður slangan að vera einangruð því annars frýs í henni. ( ) Hádegisnesti og snarl fyrir ferðina ( ) Sólarvörn fyrir andlit, búk og varir. SPF 30 með vatnsvörn virkar best ( ) Sjúkrataska. Þín persónulega litla taska með öllum þeim meðölum, hælsærisplástrum og tilheyrandi sem þú gætir þurft á að halda í ferðinni. Gott að vera með blóðþynnandi verkja lyf eins og Aspirín. Magakveisu töflur eins og Immodium og bólgueyðandi, t.d Ibufen eða Ibuprofen. ( ) Eyrnatappa fyrir skálahrotu kórinn ( ) Svartan ruslapoka frá Íslandi til að hafa ofan í bakpokanum til vatnsvarnar. Íslenskir ruslapokar eru einfaldlega bestir í heimi!!! Gott að hafa nokkra misstóra Zip lock poka til að pakka auka dóti. ( ) Snyrtidót. Tannbursti, tannkrem, tannþráður og nokkrar blautþurrkur. Muna að þarna er hægt að skera niður vigt, saga tannburstann í tvennt, taka bara 32cm af tannþráð o.s.f.v ( ) Klósettpappír eða þurrkur og sótthreinsandi gel fyrir hendur eftir salernisferðir ( ) Lakpoki. Þunnur silki eða gerviefna poki til að sofa í undir skálateppunum sem eru úr grófri ull ( ) Myndavél ( ) Veski. Persónuskilríki t.d vegabréf, trygginga pappíra, Svissneska franka ( ) Viðgerðarkitt. Góð hugmynd fyrir þá sem eru t.d með eins bindingar er að koma sé upp varahlutum í þá tegund, auka skrúfum, skrúfjárni o.s.f.v, smá lími, vír bút og öðru sem reynst gæti ómissandi þegar á hólminn er komið. Önnur góð hugmynd er að vefja nokkrum metrum af duct tape utanum skíðastafinn því það er hægt að gera við allt með duct tape. Tvö svona kitt í 12 manna hóp er fínt en þess fyrir utan eru leiðsögumennirnir einnig með viðgerðarkitt. Búnað sem merktur er með stjörnu * er hægt að fá leigðan hjá Bergmönnum gegn sanngjörnu gjaldi. Allur tæknilegur skíða búnaður, skóbúnaður og fatnaður verður að vera samþykktur af leiðsögumanninum áður enn ferð hefst og hann getur neitað fólki um að nota búnað sem ekki uppfyllir gæða og öryggisstaðla. Ef einhverjar spurningar vakna um búnað þá ekki hika við að hafa samband Besta búðin á Íslandi fyrir alvöru fjallabúnað er Fjallakofinn í Hafnarfirði því þótt ekki sé alltaf allt til að þá er mjög gott að sérpanta í gegnum þá. Þeir sem vilja fylgjast meira með og taka með sér kort, hæðarmæli, áttavita eða GPS eru hvattir til þess.