Verklagsreglur og leiðbeiningar um meistararitgerðir við lagadeild Háskólans í Reykjavík

Transcription

1 Verklagsreglur og leiðbeiningar um meistararitgerðir við lagadeild Háskólans í Reykjavík Lagadeild Háskólans í Reykjavík September 2011

2 1. Almennar verklagsreglur 1.1 Allir nemendur í meistaranámi skulu skrifa meistaraprófsritgerð, 30 eða 60 ECTS. Nemandi sem lýkur prófi af alþjóðasviði skal skrifa meistaraprófsritgerð á alþjóðasviði ECTS ritgerð skal uppfylla eftirfarandi skilyrði: Fjalla um lögfræðilegt viðfangsefni eða viðfangsefni sem tekur til lögfræðilegra álitaefna auk álitaefna á öðrum fræðasviðum. Fela í sér fræðilega notkun frumheimilda og afleiddra heimilda í fræðilegum tilgangi eftir því sem viðfangsefni ritgerðarinnar gefur tilefni til. Uppfylla þau markmið sem nemandinn hefur sett sér áður en vinnan hófst og leiðbeinandi hefur fallist á. Markmiðin skulu koma skýrt fram í inngangi ritgerðarinnar. Efnistökin skulu vera með þeim hætti að ljóst sé að ekki liggi færri en 600 vinnustundir að baki ritgerðinni. 1.3 Nemandi í meistaranámi, sem fengið hefur til þess samþykki umsjónarkennara, getur sótt um til Námsþróunarráðs að skrifa 60 ECTS meistararitgerð í stað 30 ECTS ritgerðar. Ritgerðin skal þá uppfylla eftirfarandi skilyrði: Fjalla um lögfræðilegt viðfangsefni eða viðfangsefni sem tekur til lögfræðilegra álitaefna auk álitaefna á öðrum fræðasviðum. Fela í sér markvert og sjálfstætt framlag til þess eða þeirra sviða sem hún fjallar um. Fela í sér prófun á tilgátu, sem nemandinn hefur sett fram um svar við rannsóknarspurningu, sem er útgangspunktur ritgerðarinnar. Frumheimildir og afleiddar heimildir skulu notaðar til að styrkja eða hrekja tilgátu nemandans um svar við rannsóknarspurningu hans. Efnistök skulu vera með þeim hætti að ljóst sé að ekki færri en vinnustundir liggi að baki ritgerðinni. 1

3 1.4 Vinna við 30 ECTS ritgerð svarar til náms á einni önn og 60 ECTS ritgerð svarar til náms á tveimur önnum. Nemandi skal leitast við að haga vali sínu á kjörgreinum, málstofum og öðrum námsþáttum þannig að vinna við 30 ECTS meistaraprófsritgerð dreifist á allt síðara námsárið. Sé um 60 ECTS ritgerð að ræða skal miða við að vinna við ritgerð dreifist á síðustu þrjár annir námsins. Nemandi skal tilgreina einingafjölda sem unninn er í ritgerð á hverri önn. 1.5 Nemandi skal greina Námsþróunarráði frá ákvörðun sinni um efni meistararitgerðar og samþykki umsjónakennara fyrir 10. júní á því ári sem síðara námsár hefst. Nemandi skal fylla út þar til gert eyðublað þar sem fram koma upplýsingar um efni ritgerðar og undirritað samþykki leiðbeinanda. Eyðublaðinu skal skilað til verkefnastjóra lagadeildar fyrir 10. júní. Ofangreindur frestur fyrir nema sem hefja meistaranám um áramót skal vera 15. nóvember. 1.6 Val á ritgerðarefni er á ábyrgð nemanda en háð samþykki leiðbeinanda, sem getur hafnað tillögu að ritgerðarefni eða sett skilyrði fyrir samþykki þess. Afstaða leiðbeinanda í þessum efnum skal liggja fyrir innan tveggja vikna frá því að tillaga berst honum. 1.7 Leiðbeinandi meistararitgerðar skal vera einn af föstum kennurum lagadeildar, stundakennari eða annar sérfræðingur sem deildin hefur samþykkt sem leiðbeinanda. Leitast skal við að valinn sé leiðbeinandi sem er sérfróður á því fræðasviði sem nemandinn ritar á. 1.8 Vinna við ritgerð skal byggð á sjálfstæðri vinnu nemanda undir handleiðslu og eftirliti leiðbeinanda. Samning ritgerðarinnar er alfarið á ábyrgð nemanda. Leiðbeinandi og nemandi koma sér saman um form samskipta og viðtalstíma. Leiðbeinanda ber að setja nemanda fyrirmæli um milliskil eftir því sem ritun ritgerðar vindur fram og nemanda ber að standa skil á efni til leiðbeinanda á tilsettum tíma. Dagsetning lokaskila er tilkynnt á heimasíðu 2

4 ML-ritgerða á innraneti HR. Ekki er tekið við ritgerð eftir útgefna dagsetningu. 1.9 Deildarforseti skipar prófdómara og skulu leiðbeinandi og prófdómari sameiginlega leggja mat á ritgerð nemanda. Séu leiðbeinendur fleiri en einn, leggja þeir sameiginlega mat á ritgerðina og er þá ekki þörf á prófdómara Hafi Námsþróunarráð fallist á umsókn nemanda um að skrifa 60 ECTS meistararitgerð, tilnefnir forseti lagadeildar sérstaka nefnd er samanstendur af leiðbeinanda nemandans og tveimur sérfróðum mönnum á því fræðasviði sem ritgerðinni er ætlað að fjalla um. Skal meirihluti nefndarmanna hafa lokið meistaraprófi, sambærilegu námi eða æðri háskólagráðu. Skal nefndin leggja mat á ritgerð nemandans og auk þess prófa hann munnlega úr efni ritgerðarinnar í opinni málstofu. Einkunn skal gefin fyrir ritgerðina með sama hætti og fyrir námskeið við lagadeild Eftirfarandi yfirlit má hafa til hliðsjónar um framvindu ritgerðarskrifa: 7.5 ECTS. Rannsóknaspurning nokkuð afmörkuð, heimildasöfnun vel á veg komin, þ.e.a.s. kortlagning heimilda langt komin. Drög komin að 1. kafla. Efnisyfirlit farið að taka á sig nokkuð góða mynd. 15 ECTS. Efnistök mótuð, nærri helmingur kafla til í drögum ECTS. Heildstæð lokadrög að ritgerð Við mat á ritgerð hefur leiðbeinandi eftirfarandi þætti einkum í huga: 1. Uppsetning og skipulag: Flæði ritgerðarefnis og uppsetning; Titlar í samræmi við efni kafla; Málfræði og stafsetning; Viðeigandi orðanotkun og málfar; Samræmi. 2. Efnistök: Afmörkun álitaefnis; Efnistök álitaefnis; 3

5 Meginmál endurspegli álitaefni; Inngangur endurspegli álitaefni og meginmál; Niðurstaða endurspegli álitaefni og meginmál; Skilningur á viðfangsefni. 3. Rökstuðningur: Röksemdafærsla og stuðningur heimilda; Meðferð/tilvísun til andstæðra sjónarmiða/heimilda. 4. Heimildanotkun: Viðeigandi heimildir við viðfangsefni; Ásættanlegur fjöldi heimilda; Rétt meðferð heimildaskráningarstaðals; Meðferð beinna tilvitnana; Sleppa heimildum sem koma málinu ekki við; Trúnaðarupplýsingar; Ritstuldur (fall). Athugið að miðað við BA-ritgerðir er gerð meiri krafa í ML-ritgerðum til þess að nemendur dragi sjálfstæðar ályktanir. Sömuleiðis eru gerðar auknar kröfur til heimildarvinnu og að tekin sé afstaða til þeirra heimilda sem notaðar eru Heimildatilvísun þarf að vera fyrir nánast öllu sem ekki er frá nemanda beinlínis komið, þó ekki þegar vísað er til sjálfsagðra og alþekktra staðreynda. Ritstuldur er alvarlegt mál. Í því felst í raun að ekki má gera hugmyndir annarra að sínum. Ávallt þarf því að vísa til heimilda, beinar tilvitnanir eiga að vera innan gæsalappa og það er ekki nóg að hnika bara til einu og einu orði í endursögn. Allt sem stendur fyrir ofan heimildatilvísun (t.d. neðanmálsgrein nr. 6) er komið úr viðkomandi heimild upp að næstu tilvísun fyrir ofan (þá neðanmálsgrein nr. 5). Þannig á alltaf að vera hægt að rekja heimildir. Það sem er án heimildatilvísunar er frá ykkur komið (t.d. fyrir neðan tilvísun nr. 6 að lokum málsgreinar). Það gæti verið ályktun og afstaða ykkar til þess sem segir í heimildunum (fræðigreinunum) sem unnið er með og vísað hefur verið til, eða samandregin greining á t.d. lagaákvæðum eða dómum sem fjallað hefur verið um. Reglur um heilindi í vinnubrögðum og viðurlög við brotum á þeim er að finna í Almennum náms og prófareglum HR 4

6 ( og í Siðareglum HR ( Heimildarýni er hugtak sem nær yfir það að meta hvort heimild er góð eða vond heimild. Til dæmis eru dagblaðsgreinar að öllu jöfnu ótraustar heimildir einar og sér, en ritrýndar fræðigreinar eru góðar heimildir. Einnig ber alltaf að nota frumheimild þegar það á við, þ.e. vísa beint í lagatexta eftir grein og númeri laga en ekki í gegnum stuðningsheimild s.s. kennslubók Munið að halda öllum heimildum til haga við ritgerðarskrifin, t.d. í ljósriti, því vera má að leiðbeinandi vilji sjá þær. 5

7 2. Leiðbeiningar um form og frágang 2.1 Forsíða meistararitgerðar Á forsíðu skal koma fram heiti ritgerðar, nafn nemanda, nafn leiðbeinanda og skiladagur ritgerðar. Sniðmát (template) af forsíðu geta nemendur sótt á heimasíðu námskeiðsins. Ekki er leyfilegt að setja myndir á forsíðu og skal allur texti vera svartur. Staðlaða kápu, sem nemendum er skylt að nota fyrir innbindingu, er hægt að fá í afgreiðslu í Sólinni, Menntavegi Útdráttur Hverri ritgerð skal fylgja útdráttur á íslensku og ensku (abstract), orð hvor um sig. Útdráttur á ensku skal vera á annarri blaðsíðu en sá íslenski. Mikilvægt er að í útdrætti komi fram rannsóknarspurning nemanda, meginefni ritgerðar og helstu niðurstöður. Útdrættirnir skulu vera fremst í ritgerð, strax á eftir forsíðu og fyrir framan efnisyfirlit (án blaðsíðutals og ekki tilteknir í efnisyfirliti). Útdrættir teljast ekki með í heildarorðafjölda. Nota skal línubil 1. Fyrir framan útdrátt skal koma fram heiti ritgerðar á íslensku og ensku. Sé nemandi í vafa um þýðingu á ensku heiti ber honum að ráðfæra sig við leiðbeinanda. 2.3 Lengd Lengd 30 ECTS ritgerðar skal vera á bilinu orð, eins og þau teljast í ritvinnslukerfi. Ritgerð til 60 ECTS skal vera orð, eins og þau teljast í ritvinnslukerfi. Er þá átt við allt efni ritgerðar fyrir utan útdrætti, heimildaskrá og aðrar skrár eftir atvikum. Aðeins er tekið við ritgerðum sem eru innan þeirra marka sem eru gefin upp. 2.4 Leturgerð Heimilt er að nota eftirfarandi leturgerðir: Arial, Times New Roman eða Calibri. Leturstærð skal vera 12 punkta. Neðanmálsgreinar skulu vera tíu punkta. Spássía ritgerðar skal vera 2,54 cm til hliðar við texta og 2,54 cm að ofan og neðan (sem er venjuleg uppsetning í Word). Almennt línubil skal vera 1,5 og 6

8 línubil inndregins texta 1, sem og í neðanmálsgreinum. Blaðsíðutal skal vera neðst á síðu í miðju. Leturstærð blaðsíðutals skal vera tíu punkta. 2.5 Tölur, punktar, kommur, skammstafanir, styttingar og gæsalappir Tölur frá einum og upp í tíu skulu skrifaðar með bókstöfum en hærri tölur að jafnaði með tölustöfum. Dæmi: Um þetta efni hafa átta dómar fallið. Alls voru 18 greinargerðir skrifaðar um efnið. Átök um landgrunnið hörðnuðu á áttunda áratugi síðustu aldar. Hins vegar skal rita: Deilt var um 4-5 þúsund kr. upphæð. Í dómnum sátu 4-6 dómarar, eftir atvikum hverju sinni. Sjá þó þennan mun á notkun talna: Einn nemandi notar línubil 1 en tveir vilja nota línubil 2. Tafla 2 sýnir þennan mun Punktar eru notaðir til að greina að þúsundir og milljónir en komma til að tákna tugabrot. Dæmi: Mannfjöldi á Íslandi árið 1901 var og bjuggu þá 18,3% landsmanna í þéttbýli Skammstafanir skal nota sparlega í meginmáli og rita orð frekar; skrifa til dæmis frekar en t.d. Í skammstöfunum eru punktarnir jafnmargir skammstöfuðu orðunum og í styttingum orða er settur punktur á eftir styttingunni. Dæmi: o.s.frv., þ.á m., þ.e.a.s. kr., gr., Stjtíð. Á eftir styttingum orða í metrakerfinu er þó ekki settur punktur, sjá dæmi: kg, m, dl Ávallt skal nota tvöfaldar neðri gæsalappir við upphaf beinnar tilvitnunar og tvöfaldar efri gæsalappir við lok hennar. Punktar, kommur og önnur greinarmerki koma eftir að gæsalappir lokast, nema þau séu mikilvægur 7

9 hluti tilvitnunarinnar (til dæmis spurningarmerki eða upphrópunarmerki) eða ef tilvitnunin er heil setning. Sjá dæmi: Aðalsteinn Jónasson telur að þrátt fyrir bankahrun hafi mikilvægi verðbréfamarkaðarins ekki minnkað til lengri tíma litið. Þrátt fyrir þessar hremmingar hefur mikilvægi verðbréfamarkaðarins ekki minnkað til lengri tíma litið. Rán Tryggvadóttir spyr hvort útvíkkun ákvæðis 12. gr. höfundalaga nr. 73/1972 nái til allrar eintakagerðar sem fellur undir starfsemi menntastofnana? 2.6 Fyrirsagnir Nemendur hafa val um form fyrirsagna, svo lengi sem samræmis er gætt. Kaflar geta t.d. verið tölusettir í númeraröð 1, 2, 3, o.s.frv. Ef aðalköflum fylgja undirkaflar eru þeir merktir 1.1, 1.2 o.s.frv., og síðan 1.1.1, 1.1.2, o.s.frv. Ekki skal vera aukalínubil milli fyrirsagnar og texta Skrár Gera skal skrár yfir lög, dóma, úrskurði, ákvarðanir og álit sem vísað er til í ritgerð. Sérstaka skrá skal gera fyrir hvert lögsagnarumdæmi eða hvern dómstól eða úrlausnaraðila. Ef aðeins er vísað til fárra slíkra heimilda er þó heimilt að hafa þær saman í einni skrá, hugsanlega kaflaskiptri. Röð heimilda innan skráa skal fylgja stafrófsröð. Nemendur eiga val um tvennskonar tilvísanahátt þegar vísað er til íslenskra dóma, úrskurða, ákvarðana og álita, sjá kafla hér að neðan. Velji þeir tilvísanahátt sem lætur aðila máls eða heitis máls ógetið, skal röð heimilda innan skráar skal styðjast við tímaröð. Ef myndir eða töflur eru notaðar skulu þær tölusettar og sérstök myndaskrá og töfluskrá gerð. Allar skrár koma fremst í ritgerð, á eftir útdrætti og efnisyfirliti Prentun og skil Lokaútgáfu ritgerðar skal skilað í fjórum útprentuðum eintökum og á rafrænu formi. Aðeins skal prenta öðrum megin á hvert blað. Háskólinn varðveitir ritgerðir nemenda á bókasafni HR í prentuðu og rafrænu formi. Nemendur skila rafrænu eintaki háskólans í varðveislusafn íslenskra háskólabókasafna, Skemmuna Staðfesting á rafrænum skilum sem nemendur fá senda í tölvupósti frá Skemmunni þarf að fylgja prentuðu eintaki 8

10 bókasafns. Ritgerðir skulu vera aðgengilegar þeim sem áhuga hafa á að kynna sér efni þeirra. Afhending ritgerðar til einkunnagjafar og varðveisla hennar á bókasafni HR skoðast sem opinber birting í skilningi höfundalaga. 9

11 3. Heimildaskráningarstaðall 3.1 OSCOLA Fylgja skal Oxford Standard for the Citation of Legal Authorities (OSCOLA), nema annað sé tekið sérstaklega fram í köflum 3.2 og 3.3 hér á eftir. Athugið að sérstakar leiðbeiningar fyrir þjóðarétt er einnig að finna í OSCOLA 2006: Citing International Law. Staðalinn má finna á Þóra Gylfadóttir upplýsingafræðingur á bókasafni HR getur veitt nánari leiðbeiningar og upplýsingar um staðalinn og rafræn heimildaskráningarforrit sem aðlöguð eru að honum. 3.2 Almenn aðlögun OSCOLA að íslenskum rithætti Aðlaga skal OSCOLA að íslenskum rithætti. Lista yfir íslenskan rithátt algengra orða og skammstafana er að finna hér að neðan. Athugið að samkvæmt OSCOLA er notkun punkta, komma og annarra greinarmerkja í lágmarki í heimildatilvísunum og heimildaskrá. Því er þar ekki notaður punktur í lok styttra orða. Þessu skal breytt og aðlagað að íslenskum rithætti, þannig að punktur komi ávallt í lok styttinga orða (sbr. til dæmis styttingarnar gr., mgr., rg. og ritstj.). Í heimildaskrá skal fylgja reglum OSCOLA, kafla 1.7, þó þannig að íslenskra höfunda skal getið með fullu nafni og þeim raðað í stafrófsröð eftir fornafni. enska merking íslenska accessed skoðað (um vefheimildir) skoðað art grein grein eða gr. arts greinar greinar eða gr. cf samanber samanber eða sbr. ch kafli kafli eða k. chs kaflar kaflar eða k. col dálkur dálkur cols dálkar dálkar ed ritstjóri ritstj. edn útgáfa (þegar seinni útgáfur er að ræða) útg. eds ritstjórar ritstj. forthcoming væntanleg (um væntanlegar greinar og rit) væntanleg ibid sama heimild og í næstu neðanmálsgrein að ofan sama heimild n neðanmálsgrein (í millitilvísunum) n. eða nmgr. note umfjöllun um dóm í fræðiriti (á eftir tilvísun í dóm) umfjöllun 10

12 para málsgrein málsgrein eða mgr. paras málsgreinar málsgreinar eða mgr. reg reglugerð reglugerð eða rg. regs reglugerðir reglugerðir eða rg. rev edn endurskoðuð útgáfa endursk. útg. see sjá sjá supp viðauki viðauki thesis ritgerð (um óútgefnar meistara-/doktorsritgerðir) meistararitgerð eða doktorsritgerð tr Þýðandi þýð. trs þýðendur þýð. v gegn (í tilvísunum til dóma) gegn eða g. vol árgangur árg. 15(1)(b) b-liður 1. málsgreinar 15. greinar grein eða gr. 15(1)(b) eða b-liður 1. mgr. 15. gr. quotation bein tilvitnun bein tilvitnun (tvöfaldar efri/neðri gæsalappir) 3.3. Nokkrar sérreglur Kaflar í OSCOLA eiga einungis við um breskar frumheimildir, en einnig getur OSCOLA vísað sérstaklega til rita eða ritraða sem ekki eru aðgengileg á Íslandi. Því þarf að gæta að nokkrum sérreglum við beitingu staðalsins. Er gerð grein fyrir þeim í köflum hér á eftir Íslensk lög og stjórnvaldsfyrirmæli Vísa skal til laga, reglugerða og annarra stjórnvaldsfyrirmæla eftir heiti þeirra og stjórnartíðindanúmeri. Ekki þarf að tilgreina sérstaklega hvort um A- eða B- deild Stjórnartíðinda er að ræða. Meginreglan er að full tilvísun kemur fram í meginmáli ritgerðar og er þá óþarfi að vísa einnig til laga, reglugerða og stjórnvaldsfyrirmæla í neðanmálsgrein: Heiti laga, númer Heiti reglugerðar, númer Heiti reglna, númer Dæmi: Almenn hegningarlög, nr. 19/1940. Reglugerð um rafrænar undirskriftir, nr. 780/2011. Strax í kjölfar fyrstu tilvísunar má bæta við sviga með styttu heiti viðkomandi laga eða reglugerðar, til dæmis (hegingarlög), (hgl.) eða (HGL). Í síðari tilvísunum til sömu laga eða reglugerðar má þá láta duga að vísa í hið stytta heiti. 11

13 3.3.2 Íslensk lögskýringargögn Nemendur eiga val um það hvort þeir vísa til lögskýringargagna í prentaðri útgáfu eða í vefútgáfu Alþingistíðinda. Velja skal aðra aðferðina og gæta samræmis innan ritgerðar. Hafa þarf í huga að í prentaðri útgáfu umræðuhluta Alþingistíðinda (B-deild nú; B, C og D-deild áður fyrr) er texti settur í dálka og þarf því að vísa til dálks en ekki blaðsíðutals. Orðið Alþingistíðindi er stytt í Alþt. og orðið þingskjal er stytt í þskj. Grunnþættir tilvísunar til prentaðrar útgáfu A- og B-deildar eru þessir: Alþt. ártal, deild, baðsíðutal EÐA dálkur. Dæmi: Alþt , A-deild, Grunnþættir tilvísunar til vefútgáfu A-deildar (þingskjöl) eru þessir: Alþt. ártal, deild, þskj. númer númer máls. Þegar vísa þarf til ákveðins staðar innan þingskjals í vefútgáfu þarf tilvísunin að vera að öðru leyti nógu nákvæm til þess að unnt sé að finna textann sem vísað er til. Þannig gæti til dæmis bæst við fyrir aftan kommu á eftir málsnúmerinu: almennar athugasemdir, kafli 4 eða þess háttar. Sé kaflinn sem vísað er til lengri en ein útprentuð blaðsíða þarf að telja fjölda málsgreina og vísa til númers málsgreinar innan hans. Dæmi: Alþt , A-deild, þskj mál. Alþt , A-deild, þskj mál, almennar athugasemdir, kafli 4(a). Alþt , A-deild, þskj mál, athugasemdir við 5. gr., mgr. 7. Grunnþættir tilvísunar til vefútgáfu B-deildar (umræður) eru þessir: Alþt. ártal, deild, númer máls, númer fundar (ræðumaður). Sé ræðan lengri en ein útprentuð blaðsíða, skal fyrir aftan kommu á eftir nafni ræðumanns einnig vísa til númers málsgreinar innan ræðunnar. Dæmi: 12

14 Alþt , B-deild, 78. mál, 43. fundur (Mörður Árnason). Alþt , B-deild, 78. mál, 43. fundur (Mörður Árnason), mgr Íslenskir dómar Nemendur eiga val um það hvort þeir vísa til dóma í prentaðri útgáfu eða í vefútgáfu. Velja skal aðra aðferðina og gæta samræmis innan ritgerðar. Ef vísað er til prentaðrar útgáfu eru grunnþættir tilvísunar þessir: Dómur nafn dómstóls ártal, blaðsíðutal. EÐA Nöfn aðila, dómur nafn dómstóls ártal, blaðsíðutal. Notuð er styttingin Hrd. fyrir dóma Hæstaréttar Íslands. Vísað er til fyrstu blaðsíðu dómsins, en þegar vísað skal nánar tiltekið til ákveðinnar blaðsíðu innan dómsins er það gert með sama hætti og í öðrum tilvísunum til prentaðra heimilda, þ.e. rituð er komma á eftir upphafsblaðsíðutali og síðan hið nánar tilgreinda blaðsíðutal. Sjá dæmi: Hrd. 1999, Jón Jónsson g. Jónu Jónsdóttur, Hrd. 1999, Hrd. 1999, 2015, Jón Jónsson gegn Jónu Jónsdóttur, Hrd. 1999, 2015, Ef vísað er til vefútgáfu eru grunnþættir tilvísunar þessir: Dómur nafn dómstóls dagsetning í máli nr. EÐA Nöfn aðila, dómur nafn dómstóls dagsetning í máli nr. Þegar vísa þarf til ákveðins staðar innan vefútgáfu dóms þarf tilvísunin að vera að öðru leyti nógu nákvæm til þess að unnt sé að finna textann sem vísað er til. Þannig gæti til dæmis bæst við fyrir aftan kommu á eftir málsnúmerinu: kafli IV eða þess háttar. Sé kaflinn sem vísað er til lengri en ein útprentuð blaðsíða þarf að telja fjölda málsgreina og vísa til númers málsgreinar innan hans. Sjá dæmi: Hrd. 19. desember 2000 í máli nr. 125/2000. Dómur Héraðsdóms Reykjavíkur 1. júní 2005 í máli nr. E-2566/2004. Tryggingastofnun ríkisins g. Öryrkjabandalagi Íslands, Hrd. 19. desember 2000 í máli nr. 125/

15 Tryggingastofnun ríkisins gegn Öryrkjabandalagi Íslands, Hrd. 19. desember 2000 í máli nr. 125/2000, kafli IV, mgr Úrskurðir, ákvarðanir og álit stjórnvalda Grunnþættir tilvísana til úrskurða, ákvarðana og álita stjórnvalda eru eftirfarandi: Úrskurður/ákvörðun/álit nafn stjórnvalds númer úrskurðar/ákvörðunar/álits dagsetning í máli nr. EÐA Nöfn aðila/heiti máls, úrskurður/ákvörðun/álit nafn stjórnvalds númer úrskurðar/ákvörðunar/álits, dagsetning í máli nr. Velja skal aðra aðferðina og gæta samræmis innan ritgerðar. Sé númer úrskurðar/ákvörðunar/álits eða málsnúmer ekki gefið upp í heimildinni skal því sleppt. Vanti bæði skal ávallt getið um nöfn aðila máls eða heiti máls, þannig: Nöfn aðila/heiti máls, úrskurður/ákvörðun/álit nafn stjórnvalds dagsetning. Að öðru leyti gilda sömu reglur og um vefútgáfur dóma, sjá kafla Dæmi: Úrskurður úrskurðarnefndar almannatrygginga 9. desember 2009 í máli nr. 103/2009, niðurstaða, mgr. 7. Ákvörðun Samkeppniseftirlitsins nr. 28/2011, 18. ágúst 2011, kafli III(2), mgr. 5. Álit kærunefndar húsamála 24. mars 2011 í máli nr. 19/2010, niðurstaða, mgr A g. Tryggingastofnun ríkisins, úrskurður úrskurðarnefndar almannatrygginga 9. desember 2009 í máli nr. 103/2009, niðurstaða, mgr. 7. Yfirtaka Landsbankans hf. á Sólningu Kópavogi ehf., ákvörðun Samkeppniseftirlitsins nr. 28/2011, 18. ágúst A gegn landlækni, úrskurður velferðarráðuneytisins 30. maí Álit umboðsmanns Alþingis Nemendur eiga val um það hvort þeir vísa til álita umboðsmanns Alþingis í prentaðri skýrslu umboðsmanns Alþingis eða í vefútgáfu. Velja skal aðra aðferðina og gæta samræmis innan ritgerðar. Stytta má heiti embættis umboðsmanns Alþingis í UA. Grunnþættir tilvísana til prentaðrar útgáfu eru eftirfarandi: Álit umboðsmanns Alþingis dagsetning í máli nr. (SUA ártal, blaðsíðutal) 14

16 Vísað er til fyrstu blaðsíðu álitsins, en þegar vísað skal til ákveðinnar blaðsíðu innan álitsins er það gert með sama hætti og í öðrum tilvísunum til prentaðra heimilda, þ.e. rituð er komma á eftir upphafsblaðsíðutali og síðan hið nánar tilgreinda blaðsíðutal. Sjá dæmi: Álit umboðsmanns Alþingis 27. apríl 2009 í máli nr. 4919/2007 (SUA 2009, 103). Álit UA 27. apríl 2009 í máli nr. 4919/2007 (SUA 2009, 103, 121). Grunnþættir tilvísana til vefútgáfu álita umboðsmanns Alþingis eru eftirfarandi: Álit umboðsmanns Alþingis dagsetning í máli nr. Að öðru leyti gilda sömu reglur og um vefútgáfur dóma, sjá kafla Dæmi: Álit umboðsmanns Alþingis 1 júlí 2008 í máli nr. 444/2007. Álit umboðsmanns Alþingis 1 júlí 2008 í máli nr. 444/2007, kafli IV(2), mgr Þjóðréttarsamningar sem Ísland er aðili að Kafli 1 í OSCOLA 2006: Citing International Law fjallar um alþjóðlega þjóðréttarsamninga (t.d. á vegum Sameinuðu þjóðanna) en kafli 2 fjallar um svæðisbundna þjóðréttarsamninga (t.d. á vegum Evrópusambandsins og Evrópuráðsins). Fylgið reglum þeirra. Þegar um alþjóðlega þjóðréttarsamninga er að ræða er mælir OSCOLA með því að vísað sé til opinberrar frumútgáfuraðar, svo sem United Nations Treaty Series (UNTS). Einnig má vísa til slíkra samninga í opinberri útgáfuröð aðildarríkja. Þjóðréttarsamningar sem Ísland er aðili að eru birtir í C-deild Stjórnartíðinda. Velja skal aðra aðferðina og gæta samræmis innan ritgerðar. Orðið Stjórnartíðindi er stytt í Stjtíð. Grunnþættir tilvísunar eru eftirfarandi: Fullt nafn sáttmála (samþykktur dagsetning, tók gildi dagsetning) Stjtíð. C, númer. Athugið að strax í kjölfar fyrstu tilvísunar, en áður en vísað er til ákveðinnar greinar samningsins, má bæta við sviga með styttu heiti viðkomandi alþjóðlegs eða svæðisbundins þjóðréttarsamnings, til dæmis (Mannréttindasáttmálinn) eða (MSE). Í síðari tilvísunum til sama þjóðréttarsamnings má þá láta duga að vísa í hið stytta heiti. Sjá dæmi: 15

17 Samningur um afnám allrar mismununar gagnvart konum (samþykktur 18. desember 1979, tók gildi 3. september 1981) Stjtíð. C, 5/1985. Samningur um afnám allrar mismununar gagnvart konum (samþykktur 18. desember 1979, tók gildi 3. september 1981) Stjtíð. C, 5/1985 (kvennasáttmáli SÞ), 5. gr Dómar Mannréttindadómstóls Evrópu Samkvæmt kafla í OSCOLA skal vísa til útgefinna dóma Mannréttindadómstóls Evrópu annað hvort í opinberri útgáfu þeirra (Series A til 1996, en Reports of Judgments and Decisions, stytt sem ECHR, frá 1996) eða í ritröðinni European Human Rights Reports (stytt sem EHRR). Þar sem ritröðin EHRR er almennt ekki aðgengileg á Íslandi skal ekki styðjast við hana við tilvísanir til útgefinna dóma Mannréttindadómstólsins. Fylgið annars reglum kafla í OSCOLA. Þegar dómur hefur verið fundinn á leitarvél Mannréttindadómstólsins er hægt að finna hvort og hvar hann hefur verið gefinn út í opinberri útgáfu undir liðnum notice. Sérreglur gilda um tilvísanir til óútgefinna dóma, sjá OSCOLA, kafla