SAMANTEKT Á EIGINLEIKUM LYFS

Size: px

Start display at page:

Download "SAMANTEKT Á EIGINLEIKUM LYFS"

Natalie Grant
5 years ago
Views:

1 SAMANTEKT Á EIGINLEIKUM LYFS 1. HEITI LYFS Azyter 15 mg/g augndropar, lausn í stakskammtaíláti. 2. INNIHALDSLÝSING Hvert g lausnar inniheldur 15 mg af azitrómýsíntvíhýdrati sem jafngildir 14,3 mg af azitrómýsíni. Stakskammtaílát með 250 mg af lausn inniheldur 3,75 mg af azitrómýsíntvíhýdrati. Sjá lista yfir öll hjálparefni í kafla LYFJAFORM Augndropar, lausn í stakskammtaíláti. Tær litlaus til fölgulur, olíukenndur vökvi. 4. KLÍNÍSKAR UPPLÝSINGAR 4.1 Ábendingar Azyter 15 mg/g augndropar, lausn í stakskammtaíláti er ætlað til staðbundinnar læknandi meðferðar á tárubólgu af völdum næmra stofna baktería (sjá kafla 4.4 og 5.1): Tárubólga með grefti af völdum baktería hjá börnum (frá nýfæddum til 17 ára) og fullorðnum. Yrjuaugnkvef (trachomatous conjunctivitis) af völdum Chlamydia trachomatis hjá börnum (nýfæddum til 17 ára) og fullorðnum (sjá kafla 4.4 Notkun hjá nýburum ). Taka á tillit til opinberra leiðbeininga um rétta notkun sýklalyfja. 4.2 Skammtar og lyfjagjöf Skammtar Fullorðnir Dreypið einum dropa í tárahvolf tvisvar sinnum á sólarhring, kvölds og morguns í þrjá daga. Ekki er nauðsynlegt að gefa meðferðina lengur en í þrjá daga. Mikilvægt er að fylgja skammtaáætlun til þess að meðferðin skili árangri. Aldraðir Skammtaaðlögun er ekki nauðsynleg. Skammtaaðlögun er ekki nauðsynleg (sjá kafla 4.4 og 5.1). Lyfjagjöf Til notkunar í augu. 1

2 Sjúklingnum skal ráðlagt að; - þvo hendur vandlega fyrir og eftir notkun, - forðast að snerta augað eða augnlokin með oddinum á stakskammtaílátinu, - farga stakskammtaílátinu eftir notkun og geyma það ekki til síðari notkunar. 4.3 Frábendingar Ofnæmi fyrir azitrómýsíni, öðrum makrólíðum eða einhverju hjálparefnanna sem talin eru upp í kafla Sérstök varnaðarorð og varúðarreglur við notkun Hvorki má sprauta né gleypa augndropalausnina. Augndropalausnina má ekki nota til að sprauta umhverfis augu eða í augu. Ef ofnæmisviðbrögð koma fram skal hætta meðferðinni. Upplýsa skal sjúkling um að ekki er nauðsynlegt að nota augndropalausnina áfram þegar þriggja daga meðferð er lokið, jafnvel þó enn séu einkenni um tárubólgu af völdum baktería. Minnkun einkenna kemur vanalega fram innan 3 daga. Ef ekki eru merki um bata eftir 3 daga skal endurmeta sjúkdómsgreininguna. Sjúklingar með tárubólgu af völdum baktería skulu ekki nota augnlinsur. Tilkynnt hefur verið um svæsna lifrarbólgu við altæka notkun azitrómýsíns sem hugsanlega getur leitt til lífshættulegrar lifrarbilunar. Við notkun í augu skiptir þessi hætta ekki máli þar sem altæk útsetning fyrir virka efninu er hverfandi (sjá kafla 5.2). Ofnæmi Eins og við á um erýtrómýsín og aðra makrólíða hefur í mjög sjaldgæfum tilvikum verið greint frá alvarlegum ofnæmisviðbrögðum, þar með talið ofnæmisbjúg (angioedema) og bráðaofnæmi (mjög sjaldan banvænt) og húðviðbrögðum svo sem bráðum útbreiddum graftarútþotum (acute generalised exanthematous pustulosis (AGEP)), Stevens Johnson heilkenni, eitrunardreplosi húðþekju (mjög sjaldan banvænt) og lyfjaútbrotum með eósínfíklafjöld og altækum einkennum (drug reaction with eosinophilia and systemic symptoms (DRESS)). Sum þessara viðbragða við azitrómýsíni hafa leitt til þrálátra einkenna sem kallað hafa á eftirlit og meðferð í lengri tíma. Ef ofnæmisviðbrögð koma fram á að hætta notkun lyfsins og hefja viðeigandi meðferð. Læknar þurfa að hafa í huga að ofnæmiseinkenni geta komið fram á ný þegar meðferð við þeim er hætt. Vegna meðferðar yrjuaugnkvefs (trachomatous conjunctivitis) hafa ekki verið gerðar samanburðarrannsóknir á verkun og öryggi Azyter 15 mg/g augndropa hjá börnum yngri en eins árs, en ekki er vitað um öryggisþætti eða mismun í framgangi sjúkdómsins sem útiloka notkun hjá börnum yngri en eins árs við þeirri ábendingu, ef höfð er í huga klínísk reynsla hjá börnum eldri en eins árs sem fá meðferð við yrjuaugnkvefi og ef höfð er í huga reynsla af Azyter hjá börnum frá fæðingu við tárubólgu með grefti af völdum baktería. Notkun hjá nýburum Með hliðsjón af alþjóðlegu samkomulagi um sjúkdóma augna og kynfæra sem borist geta til nýfæddra barna, krefst smit tárubólgu sem ekki er af toga augnyrju (non-trachomatous), vegna Chlamydia trachomatis og tárubólga vegna Neisseria gonorrhoeae altækrar meðferðar. 2

3 Hjá nýburum og ungbörnum yngri en 3 mánaða getur tárubólga fylgt altækri sýkingu (t.d. lungnabólgu, blóðsýkingu) af völdum Chlamydia trachomatis. Ef grunur leikur á því er þörf á altækri meðferð. Ekki skal nota þessa meðferð fyrirbyggjandi við tárubólgu af völdum baktería hjá nýfæddum börnum. 4.5 Milliverkanir við önnur lyf og aðrar milliverkanir Ekki hafa verið gerðar neinar rannsóknir á milliverkunum Azyter. Í ljósi þess að ekki er unnt að mæla azitrómýsín í plasma eftir notkun Azyter í augu (sjá kafla 5.2) er ekki búist við milliverkunum augndropalausnarinnar við önnur lyf eins og lýst er fyrir azitrómýsín til inntöku. Ef önnur augndropalausn er notuð samhliða eiga að líða 15 mínútur á milli notkunar lausnanna. Azyter skal nota síðast. 4.6 Frjósemi, meðganga og brjóstagjöf Meðganga Ekki er búist við neinum áhrifum á meðgöngu þar sem altæk útsetning fyrir azitrómýsíni er hverfandi. Azyter má nota á meðgöngu. Brjóstagjöf Takmarkaðar upplýsingar gefa til kynna að azitrómýsín berist í brjóstamjólk, en ef haft er í huga hve skammturinn er lítill og altækt aðgengi lítið er skammturinn sem ungbarn fær hverfandi. Því er brjóstagjöf möguleg meðan á meðferð stendur. Frjósemi Upplýsingar frá dýratilraunum benda ekki til að meðferð með azitrómýsíni hafi áhrif á frjósemi karlog kvendýra. Upplýsingar frá mönnum liggja ekki fyrir. Hins vegar er ekki búist við neinum áhrifum á frjósemi þar sem altæk útsetning fyrir azitrómýsíni er hverfandi. 4.7 Áhrif á hæfni til aksturs og notkunar véla Ekki hafa verið gerðar rannsóknir á áhrifum á hæfni til aksturs og notkunar véla. Tímabundin þokusýn getur komið fram eftir notkun. Í slíkum tilvikum skal ráðleggja sjúklingi að forðast akstur og notkun véla þar til sjón er aftur orðin eðlileg. 4.8 Aukaverkanir Meðan á klínískum rannsóknum stóð og samkvæmt upplýsingum um öryggi Azyter augndropalausnar eftir markaðssetningu var tilkynnt um eftirfarandi meðferðartengd teikn og einkenni: Ónæmiskerfi Sjaldgæfar ( 1/1.000, <1/100) Ofnæmisbjúgur*, ofnæmi. 3

4 Augu Mjög algengar ( 1/10) Óþægindi í augum eftir notkun (kláði, brunatilfinning, stingir). Algengar ( 1/100, <1/10) Þokusýn, slímkennd (klístur) í auga, tilfinning fyrir aðskotahluti í auga eftir notkun. Sjaldgæfar ( 1/1.000, <1/100) Tárubólga*, ofnæmistárubólga*, glærubólga*, exem á augnlokum*, bjúgur á augnlokum*, ofnæmi í augum*, blóðsókn í táru, aukin táramyndun eftir notkun, roði í augnlokum. Húð og undirhúð Tíðni ekki þekkt (ekki hægt að áætla tíðni út frá fyrirliggjandi gögnum) Eitrunardreplos húðþekju $, lyfjaútbrot með eósínfíklafjöld og altækum einkennum $, Stevens Johnson heilkenni $, skinnflagningsbólga $, bráð útbreidd graftarútþot $. *Aukaverkun kom ekki fram í klínískum rannsóknum á Azyter. Aukaverkunar getið vegna upplýsinga eftir markaðssetningu. Tíðniflokkun er gerð á grundvelli 3/X þar sem X samsvarar heildarþýði í öllum klínískum rannsóknum og rannsóknum sem skipta máli, sem er 3/879 og gefur niðurstöðuna sjaldgæfar. $ byggt á framreikningi altækrar útsetningar Í klínískum rannsóknum hjá börnum var öryggi svipað og hjá fullorðnum og engar nýjar aukaverkanir komu fram. Öryggi var einnig svipað hjá mismunandi undirhópum barna (sjá kafla 5.1). Tilkynning aukaverkana sem grunur er um að tengist lyfinu Eftir að lyf hefur fengið markaðsleyfi er mikilvægt að tilkynna aukaverkanir sem grunur er um að tengist því. Þannig er hægt að fylgjast stöðugt með sambandinu milli ávinnings og áhættu af notkun lyfsins. Heilbrigðisstarfsmenn eru hvattir til að tilkynna allar aukaverkanir sem grunur er um að tengist lyfinu til Lyfjastofnunar, Ofskömmtun Heildarmagn azitrómýsíns í stakskammtaíláti, sem inniheldur nægjanlegt magn til að meðhöndla bæði augu, er of lítið til að valda aukaverkunum eftir slysagjöf í bláæð eða inntöku. 5. LYFJAFRÆÐILEGAR UPPLÝSINGAR 5.1 Lyfhrif Flokkun eftir verkun: sýklalyf, ATC-flokkur: S01AA26 Verkunarháttur Azitrómýsín tilheyrir annarri kynslóð sýklalyfja af flokki makrólíða sem kallast azalíðar. Það hamlar nýmyndun próteina í bakteríum með bindingu við 50S undireiningu ríbósóma og hindrar yfirfærslu peptíða. 4

5 Myndun ónæmis Tilkynnt hefur verið að almennt myndist ónæmi ólíkra bakteríutegunda fyrir makrólíðum með þrenns konar verkunarhætti í tengslum við breytingu á verkunarstað, breytingu á sýklalyfi eða flutningi sýklalyfs (útstreymi). Hjá bakteríum hefur ýmsum útstreymispumpum verið lýst. Hjá streptókokkum er mikilvægu útstreymiskerfi miðlað með mef-genum sem leiðir til ónæmis sem einskorðast við makrólíða (M svipgerð). Breytingu á verkunarstað er stjórnað af erm-kóðuðum metýlasa (MLS B svipgerð) og leiðir til krossónæmis við nokkra flokka sýklalyfja (sjá neðar). Algert krossónæmi er þekkt milli erýtrómýsíns, aztrtómýsíns, annarra makrólíða, linkósamíða og streptogramin B og Streptococcus pneumoniae, beta-hemólítískum streptókokkum af flokki A, Enterococcus spp. og Staphylococcus aureus, að meticillínónæmum S. aureus bakteríum meðtöldum (MRSA). Hægt er að velja fyrir fáum ~10-7 cfu sívirkum stökkbrigðum ónæmra stofna með erm(a) eða erm(c) in vitro ef azitrómýsín er til staðar. Næmismörk Eftirfarandi listi örvera er valinn vegna ábendinganna (sjá kafla 4.1). Athugið að næmismörk og verkunarsvið in vitro sem getið er um hér er það sem er notað við altæka notkun. Næmismörk þurfa ekki að eiga við staðbundna notkun lyfsins í augu því staðbundin þéttni sem næst og eðlisefnafræðilegt ástand getur haft áhrif á heildarverkun lyfsins á notkunarstað. Samkvæmt EUCAST (European Committee on Antimicrobial Susceptibility Testing) hafa eftirfarandi næmismörk verið skilgreind fyrir azitrómýsín: - Haemophilus influenzae : S 0,12 mg/l og R > 4 mg/l - Moraxella catarrhalis: S 0,5 mg/l og R > 0,5 mg/l - Neisseria gonorrhoeae: S 0,25 mg/l og R > 0,5 mg/l - Staphylococcus spp*: S 1,0 mg/l og R > 2,0 mg/l - Streptococcus pneumoniae: S 0,25 mg/l og R > 0,5 mg/l - Streptococcus A, B, C, G: S 0,25 mg/l og R > 0,5 mg/l *spp felur í sér alla stofna ættkvíslarinnar EUCAST leyfir að fyrir aðrar tegundir megi nota erýtrómýsín til að ákvarða næmi baktería á listanum fyrir azitrómýsíni. Algengi áunnins ónæmis valdra tegunda getur verið mismunandi eftir landsvæðum og tíma og staðbundnar upplýsingar um ónæmi eru ákjósanlegar, sérstaklega við meðferð svæsinna sýkinga. Nauðsynlegt er að leita ráða um staðbundið ónæmi hjá sérfræðingum þar sem draga má notagildi lyfsins í efa við sumar gerðir sýkinga. Tafla: Sýklavirkni azitrómýsíns fyrir tegundir baktería sem hafa þýðingu fyrir ábendingar Almennt næmar tegundir Loftháðað Gram-neikvæðar Moraxella (Branhamella) catarrhalis Neisseria gonorrhoeae 1 Haemophilus influenzae $ Haemophilus parainfluenzae $ Aðrar örverur Chlamydia trachomatis* Tegundir þar sem áunnið ónæmi getur verið vandamál Loftháðar Gram-jákvæðar Staphylococcus aureus (meticillin ónæmar og meticillin næmar) 5

6 Staphylococcus, kóagúlasa neikvæðar (meticillin ónæmar og meticillin næmar) Streptococcus pneumoniae Streptococcus pyogenes Streptococci viridans Streptococcus agalactiae Streptococcus G hópur Tegundir sem frá náttúrunnar hendi eru ónæmar Loftháðar Gram-jákvæðar Corynebacterium spp. Enterococcus faecium Loftháðar Gram-neikvæðar Pseudomonas aeruginosa Acinetobacter Enterobacteriaceae * Sýnt fram á klíníska verkun fyrir samþykktar ábendingar með einangruðum næmum örverum. $ Minnkað næmi frá náttúrunnar hendi. 1 Altæka meðferð þarf vegna tárubólgu af völdum Neisseria gonorrhoeae (sjá kafla 4.4). Upplýsingar úr klínískum rannsóknum - Yrjuaugnkvef (trachomatous conjunctivitis) af völdum Chlamydia trachomatis. Azyter var rannsakað í tveggja mánaða slembiraðaðri tvíblindri rannsókn sem bar saman Azyter og einn skammt af azitrómýsíni til inntöku vegna meðferðar yrjuaugnkvefs hjá 670 börnum (1-10 ára). Aðalspurning um verkun var klínísk lækning á degi 60, þ.e. gráða TF0 (einfaldaður gráðuskali frá WHO). Hlutfall klínískrar lækningar með Azyter gefið tvisvar sinnum á dag í 3 daga á degi 60 (96,3%) var jafngilt azitrómýsíni til inntöku (96,6%). Í opinni einarma fjölsetra IV. stigs rannsókn var klínísk verkun Azyter (gefið tvisvar sinnum á dag í 3 daga) metin í yfirgripsmikilli læknandi og fyrirbyggjandi meðferð á yrjuaugnkvefi (frá fæðingu) hjá heilli þjóð á norðlægu svæði í Cameroon ( þátttakendur). Rannsóknin var gerð í þremur árlegum meðferðarlotum. Aðalspurningin um verkun var algengi virks yrjuaugnkvefs, þ.e. nabbaaugnyrjubólga (trachomatous inflammation-follicular (TF)) eða veruleg augnyrjubólga (trachomatous inflammation-intense (TI)) (TF+TI0 eða TF+TI+). Greining var gerð með klínísku mati á yrjuaugnkvefi ár hvert í þýði barna á aldrinum 1 og <10 ára, valið með slembun. Algengi virks augnyrjukvefs (TF+TI0 eða TF+TI+) var 31,1% í upphafi (fyrir gjöf Azyter) og minnkaði í 6,3% eftir 1 ár, í 3,1% eftir 2 ár og var 3,1% eftir 3 ár. Ekki komu fram neinar alvarlegar aukaverkanir tengdar rannsóknarlyfinu hjá þátttakendum. - Tárubólga með grefti af völdum baktería. Azyter var rannsakað í slembiraðaðri rannsókn sem var blinduð gagnvart rannsakendum sem bar saman Azyter, gefið tvisvar sinnum á dag í 3 daga og tóbramýsín 0,3% augndropa, sem gefnir voru á tveggja klukkustunda fresti í 2 daga, síðan fjórum sinnum á dag í 5 daga sem meðferð við tárubólgu með grefti af völdum baktería hjá sjúklingum sem áætlað var að fengju meðferð (ITT), þ.m.t. 109 börn allt að 11 ára aldri, þar af 5 nýburar (0 til 27 daga) og 38 ungbörn og smábörn (28 daga til 23 mánaða). Í meðferðaráætlun (Per Protocol set) (n=471) voru engir nýburar og aðeins 16 ungbörn og smábörn. Klíníska rannsóknin var gerð á mismunandi svæðum í Evrópu, Norður-Afríku og á Indlandi. Aðalspurningin um verkun var klínísk lækning eftir 9 daga, skilgreind sem skor 0 fyrir þrota í táru og útferð á greftri. Eftir 9 daga var hlutfall bakteríuhjöðnunar með Azyter (87,8%) jafngild tóbramýsíni (89,4%). Örverufræðilegar niðurstöður Azyter voru sambærilegar við tóbramýsín. 6

7 Sýnt var fram á verkun og öryggi Azyter hjá börnum 18 ára í slembiraðaðri rannsókn sem blinduð var gagnvart rannsakendum hjá 282 sjúklingum sem greindir voru með tárubólgu af völdum baktería með greftri (þ.m.t. 148 sjúklingar í undirhópi á aldrinum 0 daga til < 24 mánaða). Sjúklingar fengu anað hvort Azyter, gefið tvisvar sinnum á dag í 3 daga, eða tóbramýsín 0,3% augndropa á tveggja klukkustunda fresti í 2 daga og síðan fjórum sinnum á dag í 5 daga. Aðalendapunktur verkunar var klínísk lækning eftir 3 daga í því auga sem var verra hjá þeim sjúklingum sem voru með jákvæða ræktun á bakteríum á upphafsdegi. Azyter sýndi tölfræðilega marktæka yfirburði klínískrar lækningar í því auga sem verra var eftir 3 daga (47%) yfir tóbramýsín (28%). Eftir 7 daga voru 89,7% sjúklinga sem fengu Azyter læknaðir samanborið við 78% fyrir tóbramýsín. Ekki var tölfræðilegur munur á bakteríuhjöðnun í hópunum eftir 7 daga. Azyter (gefið tvisvar sinnum á dag í 3 daga) þoldist vel í öllum aldurshópum í þessari yfirgripsmiklu rannsókn hjá börnum. Tilvikin sem fram komu hjá undirhópi barna voru hliðstæð þeim sem áður höfðu komið fram hjá fullorðnum; engar nýjar aukaverkanir voru greindar hjá undirhópi barna. Auk þess komu ekki fram nein einkenni tengd aldri sem ollu klínískum áhyggjum. Bæði börn og foreldrar kunnu að meta hve meðferð með azitrómýsíni 1,5% tekur stuttan tíma, hve sjaldan þarf að gefa lyfið og hve auðvelt er að gefa börnum augndropa. 5.2 Lyfjahvörf Eftir notkun Azyter í ráðlögðum skömmtum var azitrómýsín ekki greinanlegt í blóði sjúklinga með tárubólgu af völdum baktería (greiningarmörk: 0,0002 µg/ml af plasma). Lyfjahvarfarannsóknir hafa aðeins verið gerðar hjá fullorðnum. 5.3 Forklínískar upplýsingar Hjá dýrum olli azitrómýsín afturkræfri fosfólípíðósu. Þessi áhrif komu fram við útsetningu eftir inntöku á 300 sinnum hámarksútsetningu hjá mönnum eftir notkun í augu sem bendir til að það hafi litla þýðingu við klíníska notkun. Raflífeðlisfræðilegar rannsóknir hafa sýnt að azitrómýsín lengir QT-bil. Krabbameinsvaldandi áhrif Ekki hafa verið gerðar langtímarannsóknir í dýrum til að meta hugsanleg krabbameinsvaldandi áhrif. Eiturverkun á erfðaefni Engar vísbendingar voru um hugsanlegar stökkbreytingar á erfðaefni eða litningum í in vivo og in vitro tilraunalíkönum. Eiturverkun á æxlun Engin vansköpunaráhrif komu fram í rannsóknum á fósturvísum hjá rottum eftir inntöku azitrómýsíns. Í rottum geta 100 mg/kg og 200 mg/kg azitrómýsinskammts tafið lítillega beinmyndun í fóstrum og þyngdaraukningu móður. Í fæðingar- og eftirburðarrannsóknum hjá rottum sást lítillega heftur þroski eftir meðferð með 50 mg/kg/dag og stærri skömmtum af azitrómýsini. Þessi áhrif sáust við útsetningu eftir inntöku sem var um sinnum meiri en hámarksskammtur hjá mönnum við notkun í augu. Vegna hárra öryggismarka bendir þetta ekki til áhættu fyrir æxlun manna sem skiptir máli. Eiturverkun á augu Notkun Azyter í augu hjá dýrum, tvisvar sinnum eða þrisvar sinnum á dag í 28 daga sýndi ekki nein merki um staðbundin eða altæk eituráhrif. 7

8 6. LYFJAGERÐARFRÆÐILEGAR UPPLÝSINGAR 6.1 Hjálparefni Þríglýseríð, meðallöng. 6.2 Ósamrýmanleiki Á ekki við. 6.3 Geymsluþol 18 mánuðir Eftir að stakskammtaílátið hefur verið opnað skal nota augndropana, lausnina strax. Farga skal opnuðu stakskammtaíláti strax eftir fyrstu notkun. 6.4 Sérstakar varúðarreglur við geymslu Geymið við lægri hita en 25 C. Geymið stakskammtaílátin í pokanum til að verja þau ljósi. 6.5 Gerð íláts og innihald Stakskammtaílát úr lágþéttni pólýetýleni, hvert inniheldur 0,25 g, pakkað í poka. Pakkningastærð: Askja með sex stakskammtaílátum. 6.6 Sérstakar varúðarráðstafanir við förgun Engin sérstök fyrirmæli. 7. MARKAÐSLEYFISHAFI LABORATOIRES THEA 12, rue Louis Blériot CLERMONT-FERRAND CEDEX 2 FRAKKLAND 8. MARKAÐSLEYFISNÚMER IS/1/14/084/01 9. DAGSETNING FYRSTU ÚTGÁFU MARKAÐSLEYFIS / ENDURNÝJUNAR MARKAÐSLEYFIS Dagsetning fyrstu útgáfu markaðsleyfis 9. október DAGSETNING ENDURSKOÐUNAR TEXTANS 22. nóvember

SAMANTEKT Á EIGINLEIKUM LYFS

SAMANTEKT Á EIGINLEIKUM LYFS 1. HEITI LYFS Oftaquix 5 mg/ml augndropar, lausn stakskammtaílát 2. INNIHALDSLÝSING Einn ml af augndropum, lausn, inniheldur 5,12 mg af levofloxacín hemihýdrati samsvarandi