ESAITP ESTUDO DE SUSTENTABILIDADE

Transcription

1 Firmado por: NOMBRE VILAS RODRIGUEZ MARIA ESAITP 1/35 MARTA - NIF A Motivo: Arquitecto COAG 1752 Localización: rúa Santiago 7 baixo Vigo Fecha y hora: :23:11 ESAITP ESTUDO DE SUSTENTABILIDADE AMBIENTAL, IMPACTO TERRITORIAL E PAISAXÍSTICO Fase: Aprobación Inicial Figura desenvolvemento: PERI Ámbito: APR A-5-31 Poulo. Vigo Iniciativa: Concello de Vigo Director Equipo Redactor: Marta Vilas Rodríguez, Arquitecto Equipo Redactor: Anxo de la Puente Fernández, Eva Filgueira García, Antonio Davila Alonso, César Jiménez López, Luis Meijide Rico, Jesús Cordeiro Rodríguez: Arquitectos; Diego Gómez Pérez: Jurídico 1 ANTECEDENTES 1.1 AVALIACIÓN AMBIENTAL ESTRATÉXICA (AAE) Consonte a Resolución de 10 de setembro de 2007, da Dirección Xeral de Desenvolvemento Sostible, pola que se establecen os requisitos para declarar a inviabilidade do sometemento do plan xeral de ordenación municipal do concello de Vigo ós trámites previstos no artigo 7 da lei 9/2006, todo planeamento de desenvolvemento do PXOM de Vigo debe someterse a Avaliación Ambiental Estratéxica (AAE) consonte á Lei 9/2006 sobre avaliación dos efectos de determinados planes e programas no medio ambente. Este procedemento comeza co denominado Documento de Inicio, que é unha diagnose da situación actual e unha análise dos diversos escenarios posibles segundo a execución do PERI. O Documento de Inicio sométese ó organismo ambiental competente, neste caso a Xunta de Galicia, quen comunica a intención de elaboración do PERI e solicita os informes oportunos aos entes

2 ESAITP 2/35 afectados e competentes, entre os que se consideran as organizacións medioambientais; sométeo a exposición pública para a formulación de alegacións; e decide a planificación da AAE, seus campos de análise e fondura dos mesmos; nesta decisión cabe a posibilidade de considerar que o PERI non ten unha repercusión ambiental relevante e que é suficiente coa documentación e tramitación legal preceptiva de índole xeral, quedando así excluído de someterse a AAE. No DOG do publícase o Anuncio do , da Secretaría Xeral de Calidade e Avaliación Ambiental (SXCAA), polo que se fai pública a Decisión do de non someter o PERI ao procedemento de avaliación ambiental estratéxica. Polo tanto non se precisa dunha avaliación, protección e seguimento específicos máis aló dos informes e documentación legal preceptiva. 1.2 ELABORACIÓN DO ESAITP O Estudo de Sustentabilidade Ambiental, Impacto Territorial e Paisaxístico (ESAITP), é o documento que se leva a cabo para a análise e ponderación dos efectos da execución e desenvolvemento das determinacións do planeamento sobre os recursos naturais e o medio físico, así como a adopción das medidas necesarias para minimizar os seus impactos, e a valoración da adecuación das infraestruturas e servizos necesarios para garantir o novo desenvolvemento en condicións de calidade e sustentabilidade ambiental; así como a coherencia cos obxectivos de protección do dominio público natural e a análise da paisaxe. O ESAITP non xurde da lexislación sobre avaliación ambiental, senón coma esixencia da Lei 9/2002, de ordenación urbanística e protección do medio rural de Galicia (LOUGA): cando un planeamento queda eximido da AAE debe redactarse o ESAITP. A lexislación sobre avaliación ambiental (Lei 1/1995 e mailos seus decretos de desenvolvemento d-442/1990, d-327/1991 e d-133/2008) considera a avaliación de impacto, efecto ou incidencia ambiental coma unha clasificación do grao das posibles repercusións ambientais. O PERI non se considera efecto ou incidencia ambiental consonte este marco legal, o que ven refrendado pola exclusión da AAE, nin conforme os criterios establecidos polo Anexo II da Lei 9/2006, sen menoscabo de que as actividades ou instalacións que se desenvolvan no ámbito do PERI teñan que someterse os controis medioambientais legalmente establecidos. Serva este preámbulo para aclarar que cando neste ESAITP fálase de impacto, efecto ou incidencia, non se está a referir ós mesmos desde a aplicación das normas mediambientais citadas, senón como meras repercusión ambientais posibles. Xunto a esta aclaración terminolóxica cómpre salientar que non existe norma que regulamente ou precise os contidos do ESAITP, polo que será a propia disciplina medioambiental a que rexa a oportunidade das análises específicas e maila súa profundidade.

3 ESAITP 3/35 Ademais, neste PERI séguese o dictado no artigo 6.2 da lei 9/2006 de Avaliación ambiental estratéxica: Cuando los planes y programas se estructuren en distintos ámbitos jerárquicos de decisión de una misma Administración pública, la evaluación ambiental en cada uno de ellos deberá realizarse teniendo en cuenta la fase del proceso de decisión en la que se encuentra el plan o programa, para evitar la duplicidad de evaluaciones, aplicando lo dispuesto en el artículo 8. A revisión da normativa de avaliación ambiental que da como resultado a AAE pon o seu énfase na sustentabilidade como converxencia das dinámicas económicas, da protección ambiental e do fomento da cohesión social, formulando un procedemento aberto e dinámico fundamentado na esixencia de rigor, celeridade, xerarquía, publicidade e universalidade da bagaxe sobre o coñecemento ambiental, seguemento postimplantación e participación cidadán. Con istas premisas, especialmente coas medidas de seguemento e participación cidadán, a xerarquía flexibilízase permitindo en calquera momento reconducir o proceso ante calquera incidencia ou novidade que xurda. O ESAITP redáctase consonte a planificación urbanística establecida polo propio Concello de Vigo a través do seu PXOM. É por iso que o punto de partida deste ESAITP é, e debe ser, o propio ESAITP do PXOM, polo que este ESAITP débese entender coma unha precisión para o ámbito do ESAITP do PXOM, que o rexe xerarquicamente e que contén as avaliacións xerais que serven de base para establecer criterios sobre a oportunidade e fondura das análises a realizar. Débese ter en conta tamén que na tramitación e exposición pública do Documento de Inicio para a AAE non houbo ningunha alegación e tan só Augas de Galicia foi quen de esixir certas precisións que se desenvolven neste ESAITP. Por último, queda a garantía da exposición pública do propio PERI, momento no que se poderán facer tamén alegacións ós contidos deste ESAITP e, como xa se indicou máis arriba, o seguemento do mesmo: do seu cumprimento e das novidades que lle poidan afectar. 1.3 AVALIACIÓN XERAL DO ÁMBITO CONTIDA NO ESAITP DO PXOM Resúmense aquí os aspectos cualificadores do ámbito segundo o ESATIP do PXOM. Clinometría: 20-30% de pendente. Orientación: vento oeste. Usos e coberturas: urbanización agrícola difusa. Avaliación de unidades ambientais: cualificado como baixo. Áreas protexidas: solo sen protección a carón dun área de protección forestal. Sistemas xerais e infraestructuras: ubica o ámbito no inicio norte da nova rolda estructurante que será a Ronda de Vigo. Capacidade de acollida: a aptitude dos terreos para a súa urbanización cualifícase como "alta" e polo tanto sen restriccións á construción. Clasificación urbanística do solo: zona inserida na estructura da cidade urbanizada ou cuasi-urbanizada, en concreto clasifícase como solo

4 ESAITP 4/35 urbano non consolidado. De seguido extráese do ESAITP do PXOM a cartografía que recolle os factores de estudo para o análise ambiental: Clinometría

5 ESAITP 5/35 Orientación Usos e coberturas

6 ESAITP 6/35 Avaliación de unidades ambientais Áreas protexidas

7 ESAITP 7/35 Sistemas xerais e infraestructuras Capacidade de acollida

8 ESAITP 8/35 Clasificación urbanística do solo 2 MARCO LEGAL DE REFERENCIA O marco legal para a redacción deste ESAITP é a lei 9/2002, de ordenación urbanística e protección do medio rural de Galicia (LOUGA) e mailo ESAITP do PXOM. Ademais, considéranse as normas de rango xeral do ámbito ambiental: Europeas Directiva 85/337/CEE do Consello, do 27 de xuño, relativa a avaliación das repercusións de determinados proxectos públicos e privados sobre o medio ambiente Directiva 2001/42/CE do Parlamento e do Consello, do 27 de xuño, relativa á avaliación dos efectos de determinados planes e programas no medio ambente Directiva 2004/35/CE do Parlamento e do Consello, do 21 de abril, sobre responsabilidade medioambiental en relación coa prevención e reparación de danos medioambientais Directiva 92/43/CEE do Consello, do 21 de maio, relativa á conservación dos hábitats naturais e da fauna e flora silvestres Directiva 2002/49/CE do Parlamento e do Consello, do 25 de xuño, sobre avaliación e xestión do ruído ambiental Recomendación da Comisión, do 6 de agosto de 2003, relativa ás Orientacións sobre os métodos de cálculo provisionais revisados para o

9 ESAITP 9/35 ruído industrial, procedente de aeronaves, do tráfico rodado e ferroviario, e os datos de emisións correspondentes [notificada con el número C(2003) 2807] Estatais Decreto 449/1973, do 22 de febreiro, polo que se colocan baixo a protección do Estado os hórreos ou cabazos antigos existentes en Asturias e Galicia Lei 9/2006, do 28 de abril, sobre avaliación dos efectos de determinados planes e programas no medio ambente Real decreto lexislativo 1/2008, do 11 de xaneiro, polo que se aproba o texto refundido da lei de avaliación ambiental de proxectos Lei 26/2007, do 23 de outubro, de responsabilidade medioambiental Lei 34/2007, do 15 de novembro, de calidade do aire e protección da atmósfera Lei 42/2007, do 13 de decembro, do patrimonio natural e da biodiversidade Lei 37/2003, do 17 de novembro, do Ruído Real decreto 1513/2005, do 16 de decembro, polo que se desenvolve a Lei 37/2003, do 17 de novembro, do Ruído, no referente á avaliación e xestión do ruído ambiental Real decreto 1367/2007, do 19 de outubro, polo que se desenvolve a Lei 37/2003, do 17 de novembro, do Ruído, no referente a zonificación acústica, obxectivos de calidade e emisións acústicas Real decreto 1066/2001, do 28 de setembro, polo que se aproba o Regulamento que establece condicións de protección do dominio público radioeléctrico, restricciones ás emisións radioeléctricas e medidas de protección sanitaria fronte a emisións radioeléctricas Real Decreto 223/2008, do 15 de febreiro, polo que se aproban o Regulamento sobre condicións técnicas e garantías de seguridade en liñas eléctricas de alta tensión e as súas instruccións técnicas complementarias ITC-LAT 01 a 09 Autonómicas Lei 9/2002, do 30 de decembro, de ordenación urbanística e protección do medio rural de Galicia (LOUGA) Lei 8/1995, do 30 de outubro, de patrimonio cultural de Galicia Orde do 3 de abril de 1991, da Consellaría de Ordenación do Territorio e Obras Públicas, pola que se dispón a aprobación e entrada en vigor dos proxectos de revisión das normas complementarias e subsidiarias de planeamento das provincias da Coruña, Lugo, Ourense, e Pontevedra Lei 7/2008, do 7 de xullo, de protección da paisaxe de Galicia Lei 1/1995, do 2 de xaneiro, de protección ambiental de Galicia Decreto 124/2005, do 6 de maio, polo que se regula a figura de espazo natural de interese local e a figura de espazo privado de interese natural Lei 3/2007, do 9 de abril, de prevención e defensa contra os incendios forestais de Galicia

10 ESAITP 10/35 Decreto 105/2006, do 22 de xuño, polo que se regulan medidas relativas á prevención de incendios forestais, á protección dos asentamentos no medio rural e á regulación de aproveitamentos e repoboacións forestais Lei 9/2010, do 4 de novembro, de augas de Galicia Lei 7/1997, do 11 de agosto, de protección contra a contaminación acústica Resolución de 10 de setembro de 2007, da Dirección Xeral de Desenvolvemento Sostible, pola que se establecen os requisitos para declarar a inviabilidade do sometemento do plan xeral de ordenación municipal do concello de Vigo ós trámites previstos no artigo 7 da lei 9/2006 Locais Ordenanzas xerais de protección do medio ambiente, aprobadas polo Pleno da Corporación na sesión do 26 de maio de 1994 Modificación das disposicións comúns ás ordenanzas municipais de protección do medio ambiente (Exp. 5739/306), aprobadas polo Pleno do Concello en sesión do 26 de maio de 2008 Ordenanza municipal de protección do medio contra a contaminación acústica (Exp. 4664/306), aprobada polo Pleno do Concello o 5 de marzo de 2007 Declaración de zonas acusticamente saturadas (ZAS) e protocolo de actuacións (Exp. 4848/306), aprobada polo Pleno do Concello en sesión do 25 de febreiro de 2008 Ordenanza municipal reguladora das condicións urbanísticas de localización, instalación e funcionamento dos elementos e equipos de telecomunicación no termo municipal de Vigo (Exp. 5609/411), aprobada polo Pleno do Concello en sesión do 26 de febreiro de DIAGNOSE DA SITUACIÓN ACTUAL DO ÁMBITO O ámbito do PERI APR A-5-31 Poulo é o delimitado no PXOM, nos planos 2, 3, 6, e 7 da serie 1, de clasificación de solo (escala 1/5.000), e nos 5O, 5P, 6O, e 6P da serie 2, de ordenación (escala 1/2000). Pertence á parroquia de Teis e queda delimitado, aproximadamente e só como referencia, pola Rúa Rorís ó Norte, a Rúa Cantabria ó Oeste e Sur, e ó Este pola Rúa Vista do Mar e Camiño Fonte das Mozas. A superficie delimitada polo plan ronda as 13 Ha.

11 ESAITP 11/35 Ambito segundo o PXOM Reportaxe fotográfica: ademais da seguinte reportaxe fotográfica, na fase de información elaborouse unha ficha por cada parcela que inclúe plano de ubicación e fotografía. Foto guía

12 ESAITP 12/35 Foto 1 Foto 2 Foto 3

13 ESAITP 13/35 Foto 4 Foto 5 Foto 6

14 ESAITP 14/35 Foto 7 Foto 8 Foto 9

15 3.1 MEDIO ESAITP 15/35 FÍSICO CLIMA Vale o dito no estudo de sustentabilidade ambiental do PXOM: clima morno, con escasas xeadas, moderada amplitude térmica anual e diaria, suavidade das temperaturas, precipitación elevadas e con certa seca estival; clima oceánico de transición ó mediterráneo; os microclimas locais gardan relación principalmente coa orientación e o relevo. Respecto do ámbito concreto do PERI, débese salientar a súa orientación oeste noroeste da aba que, se ben protexe dos ventos dominantes do sur e suroeste, non permite o mellor asollamento desexable para a edificación MORFOLOXÍA E TOPOGRAFÍA O ámbito esténdese nunha aba oeste-noroeste de forte pendente, sendo maioritarias as zonas de pendente superior ó 10% e tamén as que superan o 25%. A implantación nos estremos este e oeste de dous tramos da Ronda de Vigo repercute negativamente sobre a xa estraordinaria clinometría do ámbito XEOLOXÍA E XEOTÉCNIA Zona tectónica de metasedimentos, de rochas metamórficas con esquistosidade de Fase I, dirección cara o alto da aba e buzonamento 20: paragneises con plaxioclasa e biotita e micaesquistos. Na zona alta, pero xa fóra do ámbito, cambia a gneis de biotita (ortogneises). Sen fallas supostas na zona do ámbito HIDROLOXÍA O río máis próximo é o Arnela que discorre pola zona do Paraixal. Seu ámbito de protección atópase fóra da delimitación do PERI, e aínda o separa del una ampla franxa de terreo clasificada polo PXOM como solo rústico de protección forestal, como se ve no plano seguinte.

16 ESAITP 16/35 Hidroloxía Dentro do ámbito atopamos un manancial nunha finca privada, tamén unha fonte na praza da Pouleira (baixo a traza da Ronda) e outra no camiño Rorís, perto pero fóra do ámbito. Todo o ámbito, como a maior parte de Vigo, Nigrán e ata Baiona, está nunha zona de risco potencial de asolagamento de prioridade media que non afecta á súa capacidade edificatoria xa que o Plan Hidrolóxico de Galicia-Costa non contempla actuacións no ámbito. O ámbito, en forte pendente, é susceptible de escorrentías hoxendía mitigadas pola escasa urbanización e a capacidade absorbente do terreo natural. Tampoco existe risco de inundacións segundo o "Estudo preliminar do risco en Galicia-Costa" que está a elaborar a Consellería de Medio Ambiente Territorio e Infraestructuras da Xunta de Galicia. (Documento para consulta pública. Agosto 2011)

17 ESAITP 17/ ESPAZOS PROTEXIDOS O ámbito carece de espazos protexidos e queda fóra das áreas de influenza de espazos protexidos sexan do medio natural, medioambiental, hidrolóxico ou do patrimonio cultural. 3.2 MEDIO BIÓTICO VEXETACIÓN E FAUNA O ámbito comprende dúas zonas, a máis baixa provén dun solo urbanizable non programado que non chegou a desenvolverse, e polo tanto mantén un uso agrícola máis ben en abandono dadas as espectativas de desenvolvemento da zona. A zona alta provén de solos urbanos nos que se pretendía a súa reforma interior, pero non se chegou a aprobar ningún plan especial. Atopámonos pois nun territorio moi humanizado aínda que falto de ordenación, onde o carácter natural intrínseco é inexistente: a vexetación ou ben é de cultivo ou ben de xardín, sen evidencia do autóctono e a fauna é a propia desta merma do espacio natural. O ámbito non se atopa en zona natural protexida. A avaliación ambiental recollida polo estudo de sustentabilidade ambiental do PXOM é de cualificación baixa dada a falla de valores naturais intrínsecos e valores culturais USOS DO SOLO O ámbito correspóndese cun rururbano en transformación: edificación illada con terreos máis ou menos duros, zonas de cultivo abandonadas ou mínimamente mantidas.

18 ESAITP 18/35 Non existen zonas verdes públicas, nin equipamentos, pero o ámbito vese atravesado por innumerables liñas aéreas de distribución eléctrica que parten da subestación do Troncal, así como o discurrir das liñas principais de abastecemento de auga da cidade, que deu lugar á coñecida como senda da auga. Do estudo gráfico da edificación, dedúcese que estamos nun ámbito bastante edificado ó longo dos camiños existentes, e que no entorno (fóra do PERI) conviven a tipoloxia de vivienda unifamiliar, o edifico de vivenda colectiva (na marxe da Tavesía de Vigo), e os espazos comerciais de grande entidade. 3.3 PATRIMONIO CULTURAL Cómpre salientar (Planos 07, 08 e 09 de información sobre o soporte físico) a existencia dun elemento catalogado polo concello de Vigo, o hórreo na rúa Rorís ( ), e dous inmobles públicos tradicionais de titularidade municipal, que se corresponden cos lavadoiros da Pouleira (L00102) e de Poulo (L00204). O elemento catalogado é a conservar, namentres que os lavadoiros teñen un interese máis antropolóxico, da memoria do lugar. En todo caso, a proximidade dos tres elementos á nova Ronda de Vigo prevista polo PXOM requerirá seu traslado dentro do propio ámbito do PERI. Cómpre despexar as dúbidas sobre o outro hórreo identificado nos planos de información: decir que é de recente construción, máis ben decorativo e que non reúne as características para catalogalo ou protexelo dalgún xeito. 3.4 BENS MATERIAIS O ámbito na súa zona baixa está pouco edificado ó manter ata o de agora o uso rústico aínda que pouco produtivo e en semi abandono. A zona alta xa ten un tecido máis denso, de vivenda unifamiliar, maioritariamente illada e totalmente urbana. Ista zona, a máis edificada, vese moi afectada polo trazado da Ronda, o que obrigará a demoler. Na documentación da fase de información recóllese no plano 03 as afeccións de partida polo viario previsto no PXOM e no plano de ordenación 1.3 amósanse as afeccións definitivas consonte o PERI. Na documentación da fase de información recóllense graficamente os usos do terreo e maila edificación, os peches, a idade das construcións e, ademais, incorpora unha ficha individualizada de cada parcela co detalle estes datos. 3.5 MEDIO SOCIO-ECONÓMICO Os datos físico-ambientais vense complementados polo estudo das consecuencias sociais e económicas do desenvolvemento do PERI elaborado pola Oficina Municipal de Vivenda e Solo. O estudo municipal incorpora precisións sobre o estado actual relativas a: poboación: residentes: 175 habitantes densidade: 13,53 hab/ha (media de toda a cidade de Vigo 27,11 hab/ha) distribución por sexo: 47%Muller/53%Home (Vigo 52%M/48%H)

19 ESAITP 19/35 distribución idades: 7%(0-14anos) / 68%(15-64) / 25%(65-+) (Vigo 13/70/17) nivel educativo: 4% analfabeto; 19% ler e escribir; 61% ensino primario; 11% bacharelato e FP; 5% universitarios composición da unidade familiar: 20x1membro; 13x2; 10x3; 9x4; 10x5+ réxime de acceso á vivenda: 55% aluguer ou cesión; 45% propiedade edificación: vivendas existentes: 79 densidade: 6,11 viv/ha vivendas ocupadas: 53 (67%) idade media: 50 anos superficie media: 201,10 m2 vivendas afectadas pola Ronda: 14 (18%) Como consecuencias do desenvolvemento do PERI, o estudo municipal salienta as vivendas afectadas pola Ronda e o cumprimento dos obxetivos previstos na ficha do PERI. 3.6 MOBILIDADE A mobilidade baséase no uso do automóbil privado favorecido polo escaso desenvolvemento urbano da zona que propicia a sensación de illamento, a escasa densidade de poboación e maila precariedade da urbanización combinada coa forte pendente, que non aporta vías acaídas para o peón ou a bici. A rede viaria existente apóiase en catro eixos fundamentais: o de rúa Cantabria e rúa Rorís; Camiño Pouleira; rúa Pouleira e camiño Fonte das Mozas; e rúa Vista do Mar e camiño Poulo. Estes eixos son de titularidade pública e soportan o tráfico e as redes de subministro local. Aínda así, seu grao e calidade de urbanización é precaria, con largos de 4, 6, 8, 12 m, sen beirarrúas nen zonas acaídas para o estacionamento de vehículos. A rúa é o espazo asfaltado entre peches de fincas ou as mesmas fachadas das casas. Esta rede principal, que asume tanto o tráfico local e de acceso ás edificacións como o tráfico de tránsito, complétase cunha serie de camiños menores de distribución local, de calidade urbana semellante, pero máis estreitos e que na maioría dos casos non están recoñecidos como propiedade pública municipal. Respecto dos servizos de transporte público, no ámbito existen dúas paradas de bus: na rúa Cantabria perto do entronque coa rúa Pouleira e na rúa Vista do Mar, perto da praza Pouleira. A proximidade da travesía de Vigo favorecería teoricamente o uso do transporte urbano que acolle, mais como xa se explicou, a zona máis edificada é a máis alta, lonxe da travesía e cunhas vías de acceso totalmente inapropiadas para o uso peonil.

20 ESAITP 20/ INFRAESTRUCTURA Non existen zonas verdes públicas nin equipamentos, pero o ámbito vese atravesado por innumerables liñas aéreas de distribución eléctrica que parten do Troncal, así como o discurrir das liñas principais de abastecemento de auga da cidade, que deu lugar á coñecida como senda da auga. O viario existente é inadecuado, estreito, de forte pendente, carente de beirarrúas e mal iluminado. Tampouco existen zonas axeitadas para aparcadoiros. É o resultado dunha colonización non planificada baseada nos camiños tradicionais e da traída da auga que non foron creados para as intensidades de uso agora existentes e que tampouco se transformaron á espera da execución dun plan especial. Hai dúas paradas de bus urbano. Existen os subministros urbanos de abastecemento de auga, saneamento, electricidade e telecomunicacións, pero non alcanzan a tódalas edificacións. Na documentación da fase de información recóllense en planos específicos o trazado das infraestructuras e subministros. Incidencia de infraestructuras xerais no ámbito

21 ESAITP 21/35 4 PROPOSTA DE ORDENACIÓN Imaxe final da proposta O PERI ten coma obxectivo a renovación urbana integral da área por mor da previsión de implantación do Sistema Xeral Viario (Ronda), que aconsella modificar a intensidade e a tipoloxía edificatoria, ofertando importantes e necesarias dotacións urbanísticas hoxe inexistentes na zona. O ámbito vese flanqueado por dous tramos da Ronda de Vigo (determinación que provén xa do PXOM) que discurren: un polo límite oeste (parte máis baixa) e outro en parte polo límite este (parte máis alta), atravesa o ámbito do PERI e sae polo sur. Entrambos tramos queda unha franxa central para a reintensificación do uso residencial coas súas necesarias dotacións de viario, zonas libres e equipamento. Esta franxa limita ó norte cunha zona urbana de vivenda unifamiliar e polo sur cun ámbito a desenvolver de características parellas a este. A porción de ámbito ó este do tramo alto da Ronda linda cunha zona urbana de vivenda unifamiliar coroado por un solo rústico forestal.

22 ESAITP 22/35 O ámbito, próximo as 13 Ha, ten asignada unha edificabilidade bruta de 0,8 m2c/m2s, uso global característico residencial 100%, tipoloxía edificatoria característica mistura de edificación illada ou en bloque aberto de ata seis alturas e unifamiliar. As dotacións son as regulamentarias para estes usos e intensidades. A ordenación proposta tenta minimizar a ocupación da edificación en altura para liberar zonas o máis amplas posibles para espazos libres verdes. Esta edificación sitúase a dous nivéis na banda central da aba e confórmase coma cómaros de xeito que as zonas verdes sexan o máis utilizables ó suavizar a súa pendente e engadir o atractivo das vistas sobre a ría. O equipamento e a vivenda unifamiliar serven de conexión cos ámbitos urbanos consolidados de vivenda unifamiliar, resolvendo deste xeito as transicións de escala e volume. As características da implantación veñen recollidas nos planos de ordenación, facilitándose tamén un plano de imaxe final. 5 SUSTENTABILIDADE AMBIENTAL DO PERI O apartado 4 do ESAITP do PXOM define as pautas xerais a considerar como elementos fundamentais dunha planificación urbanística sustentable e seguidamente concreta os obxectivos de sustentabilidade do PXOM. Cómpre pois xustificar o PERI fronte a tales pautas para que sexa considerado sustentable. 5.1 MODERACIÓN NO CONSUMO DE RECURSOS A intensificación da edificación neste ámbito xa transformado permite a preservación do territorio máis natural noutras zonas. Esta intensificación vén dada xa desde o PXOM, que impón os parámetros de edificabilidade, uso principal, bases tipolóxicas, porción de vivenda unifamiliar, porción de vivenda de protección e altura máxima; todo elo calibrado de xeito que o crecemento previsto contribúa ás necesidades do concello (fundamentalmente residencia e infraestructuras) sen menoscabar a súa viabilidade. A execución do PERI non pode actuar sobre o trazado da Ronda, polo que os derrubos previstos exceden ó normal dun PERI apoiado nas trazas preexistentes do seu desenvolvemento. Este inconveniente compénsase cunha ordenación que aproveita ó máximo as característica intrínsecas do ámbito (pendente e vistas) para formular un desenvolvemento comprometido coa paisaxe, a escena urbana e as conexións cos ámbitos circundantes: Optimiza o uso do solo para espazos libres verdes de posición e proporcións acaídas para o seu verdadeiro uso e disfrute Ubica os equipamentos de xeito que poidan ser compartidos por unidades consolidadas limítrofes e carentes destes servizos Usa a edificación en altura como contrafortes que permiten o aterrazamento do terreo, acción esta necesaria para atenuar as

23 ESAITP 23/35 pendentes dos espazos libres Dota ó ámbito dunha rede viaria acaída para o seu uso peonil e de bici Planifica a súa implantación de xeito que os realoxos poidan darse no propio ámbito facilitando a súa xestión e exeución. 5.2 NECESIDADE DE VIVENDA, PROXIMIDADE E TIPOLOXÍA DE VIVENDAS O PERI desenvolve estrictamente as determinacións do PXOM. 5.3 COHESIÓN SOCIAL E MELLORA DAS CONDICIÓNS DE VIDA As accións formuladas no PERI respecto da cohesión social son: Redensificación con variedade tipolóxica de vivendas e cun alto porcentaxe de vivenda protexida propiciando a mistura de clases e sectores sociais Mistura de usos que permitan as dinámicas sociais de barrio no que a propia veciñanza provee de servizos á comunidade Dotación de equipamentos, que inciden na conciencia de unidade social Dotación de espazos libres atractivos que permitan seu uso xeralizado Previsión de realoxos no propio ámbito, permitindo así a transmisión da memoria e dando continuidade ó lugar, o que propicia a creación de raíces identificativas 5.4 CONSERVACIÓN DA BIODIVERSIDADE E DO PATRIMONIO NATURAL A calidade ambiental do existente é baixa. Co desenvolvemento do PERI non se afecta negativamente a elementos naturais, que son inexistentes. Si se considera o seu impacto paisaxístico, incorporando a este ESAITP un apartado específico ó respecto no que se xustifica a idoneidade da proposta de ordenación. 5.5 PROTECCIÓN DO CICLO DA AUGA Consonte as apreciacións formuladas por Augas de Galicia ó Documento de Inicio da Evaluación Ambiental Estratéxica, neste ESAITP incorpórase un apartado específico respecto da protección das augas. 5.6 PREVENCIÓN E CORRECCIÓN DA CONTAMINACIÓN ACÚSTICA, LUMÍNICA E ELECTROMAGNÉTICA E MELLORA DA CALIDADE DO AIRE E A XESTIÓN DE RESIDUOS Consonte as determinacións do PXOM, incorpóranse a este ESAITP estudos específicos sobre protección respecto da contaminación acústica e electromagnética. Respecto da contaminación lumínica, mellora da calidade do aire e xestión de residuos, estase ó disposto na normativa específica.

24 5.7 INTEGRACIÓN ESAITP 24/35 DA PAISAXE NOS PROCESOS DE PLANEAMENTO URBANÍSTICO DESDE UNHA PERSPECTIVA DE SUSTENTABILIDADE No estudo de impacto paisaxístico integrado como apartado específico deste ESAITP desenvólvese polo miúdo a caracterización da paisaxe existente e as afeccións da execución do PERI respecto da paisaxe, xustificando o acaído da súa ordenación. 5.8 PROMOCIÓN DENDE O PLAN URBANÍSTICO A MOBILIDADE SUSTENTABLE O PERI recolle as determinacións do PXOM respecto da encesidade de itinerarios peonis e viais para bicis, propiciando así a mobilidade por estes medios. Isto unido á mistura de usos, dotación de equipamentos e espazos de lecer propiciará que o ámbito e mailo seu entorno poida funcionar cunha dinámica propia que non requira do constante desprazamento a ámbitos máis lonxanos e en automóbil. Respecto do transporte público, a súa implantación na Ronda propiciará a posibilidade de desprazamentos máis lonxanos neste medio. 5.9 FACILITACIÓN DA PARTICIPACIÓN CIDADÁN A participación cidadán queda garantida polo inicio da Avaliación Ambiental Estratéxica, as exposición públicas do planeamento esixidas pola lei, os mecanismos de seguemento previstos para as disposicións ambientais e pola constitución da entidade de conservación IMPULSO DE RELACIÓNS HOLÍSTICAS, INTEGRADAS E SUSTENTABLES PARA A ECONOMÍA E O EMPREGO Non compete desde un PERI a incidencia directa en políticas económicas e de emprego. Nembargantes, non hai dúbida do pulo económico que todo desenvolvemento ofrece, e isto dentro dunha sustentabilidade económica das facendas públicas que, por mandato legal, exise a elaboración dun documento específico que acompaña á documentación deste PERI. Por outra banda, é propio do urbanismo o análise da incidencia do planificado sobre as condicións de vida. A este respecto a ordenación proposta aposta pola radicación de pequenos e medianos negocios tal e como se indica na ordenaza de usos. Ista radicación inspira tamén os parámetros de configuración urbana mediante unhas ordenanzas de edificación que fan dos viais de acceso ás vivendas unifamiliares verdadeiras rúas no senso tradicional de territorio das actividades humanas. Na edificación en altura a posibilidade doutros usos ademais do residencial tamén é viabel.

25 ESAITP 25/35 6 IMPACTO TERRITORIAL DO PERI 6.1 IMPACTOS E CAPACIDADE DE ACOLLIDA A análise de impacto territorial e capacidade de acollida para os ámbitos de desenvolvemento vén recollida no ESAITP do PXOM como medio de convalidación das determinacións (edificabilidade, uso, alturas, tipoloxías edilicias) do PXOM para o seu desenvolvemento. Dado que os datos manexados no ESAITP coinciden coa realidade do ámbito do PERI, non procede realizar un estudo singularizado ou máis pormenorizado. Recóllese no que segue a metodoloxía e avaliación feita polo ESAITP. O ESAITP do PXOM evalúa o valor ambiental do ámbito e a súa aptitude para ser urbanizado. Para ista avaliación considera uns factores restrictivos que confiren ó ambito unha alta cualificación e que deben ser basicamente preservados (praias, dunas e areais; rochedos costeiros; encoros; zonas húmidas; sistemas de ribeira). Considéranse, ademais, os seguintes factores: a proximidade de zonas construídas, a distacia ás vias de comunicación, o valor ambiental (unha matización que elude o restrictivo si/non), as restriccións xeolóxicas á construcción e a pendente. Os impactos que analiza son os derivados directamente da acción urbanizadora, isto é: a transformación dun medio rústico ou medianamente urbanizado nun medio urbano. Da superposición das accións (que se identifican con ámbitos de desenvolvemento) e as capacidades de acollida identifícase o impacto territorial. O ámbito do PERI ten unha capacidade de acollida global alta, polo que seu desenvolvemento considérase un impacto compatible cos obxectivos ambientais do PXOM e sen restriccións. O ESAITP do PXOM analiza tamén a incidencia ambiental da Ronda de Vigo, dando unhas características xerais sobre a idoneidade do seu trazado e aplicando diretamente coma xustificación o seu paso por unidades ambientais de valor baixo e medio (como no ámbito deste PERI). A análise determina que o seu impacto é asumíbel. 6.2 MEDIDAS AMBIENTAIS PREVENTIVAS, CORRECTORAS E PROTECTORAS Dado que o impacto da acción urbanizadora do PERI considérase compatible, a súa recuperación non precisa de prácticas protectoras ou correctoras intensivas, requerindo a consecución das condicións ambientais iniciais de certo tempo. Para este tipo de impacto, o propio ESAITP do PXOM impón unha serie de medidas protectoras e correctoras que deberán ser cumpridas e que atinxen ó proceso urbanizador. Ademais, para certos ámbitos, se establecen medidas particulares, non sendo o caso do PERI A-5-31 Poulo. Remitímonos pois ó exposto no estudo de sustentabilidade ambiental do PXOM nos seus apartados 8. Medidas ambientais protectoras e correctoras, e 10. Plan de seguimento da sustentabilidade.

26 ESAITP 26/35 7 IMPACTO PAIXASÍSTICO DO PERI 7.1 INTRODUCCIÓN Segundo a Lei 7/2008 de protección da paisaxe Galega, son os proxectos que deban someterse a avaliación de impacto ambiental os que deben incluír un estudo de impacto e integración paisaxística. Aínda que a execución deste PERI carece desta obriga, formúlase o seguinte estudo tendo en conta os conceptos da lei e a metodoloxía do estudo de impacto paisaxístico integrado no ESAITP do PXOM. A paisaxe defínese como calquera parte do territorio tal e como a percibe a poboación, cuxo carácter sexa o resultado da acción e da interacción de factores naturais e humanos. O concepto paisaxe aplícase, polo tanto, a todo o territorio, xa sexan áreas naturais, rurais, urbanas e periurbanas, así como aqueloutras áreas de elevado valor ambiental e cultural, e incluso as paisaxes degradadas, comprendendo así mesmo as zonas terrestres, marítimo-terrestres e as augas interiores. Toda actuación no terriotoio debe atender, cando menos, os seguintes fins relativos á paixase: A protección da paisaxe: entendida como todas aquelas accións que teñan como fin a preservación e conservación dos elementos máis significativos e característicos dunha paisaxe, xustificados polo seu valor patrimonial como resultante da súa configuración natural ou da intervención humana sobre o medio A xestión da paisaxe: entendendo como tal aquelas accións que desde unha perspectiva de uso sostible do territorio garantan o mantemento regular da paisaxe, co fin de guiar as transformacións inducidas polos procesos sociais, económicos e ambientais A ordenación da paisaxe: que serán todas aquelas accións que presenten un carácter prospectivo particularmente acentuado con vistas a manter, mellorar, restaurar ou rexenerar paisaxes A metodoloxía empregada no estudo de impacto paisaxístico do ESAITP do PXOM establece as unidades paisaxísticas ou ámbitos territoriais de características intrínsecas semellantes respecto de parámetros fisiográficos, da vexetación e das intervencións antrópicas. A calidade de cada unidade paisaxística defínese como calidade visual intrínseca e valórase cunha escala do 1 ó 5 (de moi baixa a moi alta). Seguidamente faise unha avaliación da fraxilidade visual do territorio que é a posibilidade de que unha intervención humana modifique a situación de calidade visual existente nun punto e que este feito sexa moi aparente. A fraxilidade visual valórase coa mesma escala do 1 ó 5. Cómpre facer unha aclaración sobre a especificidade da paisaxe urbana. No propio estudo do ESAITP do PXOM a unidade paisaxística correspondente ó núcleo densificado da cidade (UP4-Vigo Cidade) carece de valoración final respecto da súa calidade dado o seu grado de total antropización e ausencia de

27 ESAITP 27/35 elementos naturais. Si se valora a súa fraxilidade visual, dado que o medio urbano ten unha incidencia paisaxística a nivel territorial, pero no que respecta á súa calidade (calidade visual intrínseca) a paisaxe urbana analízase segundo uns atributos, descriptores e variables diferentes ó medio natural ou medianamente antropizado. Aplícase a metodoloxía urbanística de análise da escena urbana, que recolle aspectos históricos, culturais, topolóxicos (modos de asentamento), tipoloxícos (edificación), configuración do espazos libres, infraestructuras e ordenación de usos, sendo as ordenanzas de urbanización, edificación e usos a síntese de protección, xestión e ordenación desta paisaxe singular. No seguinte estudo séguese a mesma metodoloxía de análise e valoración aplicada no estudo de impacto paisaxístico do ESAITP do PXOM cingúindonos ó ámbito do PERI co fin de verificar a súa pertenza á unidade paisaxística na que se encadra e matizar a súa calidade e fraxilidade. Finalmente analízanse as afeccións da execución do PERI sobre a paisaxe e as medidas adoptadas para minimizalas. 7.2 UNIDADES PAISAXÍSTICAS DO ÁMBITO O ámbito do PERI APR A-5-31 Poulo encádrase no ESAITP do PXOM na Unidade Paisaxística A Madroa (UP9-A Madroa). Ista caracterízase por ser unha zona alta de borde da cidade e que conforma o seu perfil. A zona foi perdendo seus valores naturais pola presión do crecemento da cidade en torno á travesía de

28 ESAITP 28/35 Vigo (estrada de Pontevedra) e avenida do Aeroporto de xeito que a ocupación tradicional de cultivos en ladeira e outeiro arboreado vese deturpada pola aparición de asentamentos espontáneos e fendas das infraestructuras (abastecemento de auga, tendidos de alta tensión, ferrocarril, autopista, cidade deportiva); ista depredación da paisaxe veuse favorecida ó permitirse a edificación residencial ocupando o espazo intersticial entre infraestructuras ó amosar a oportunidade de aproveitar os viais existentes para un residencial próximo á cidade e as vías de comunicación e cunhas vistas excelentes sobre a ría, a cidade e mesmo o val do Fragoso. Chegáse así á paradoxa de potenciarse os factores negativos da instalación de infraestructuras no lugar de tentar minimizalos. O ámbito do PERI, correspóndese perfectamente con esta paisaxe, localizándose fóra do ámbito forestal e presentando nas cercanías da travesía de Vigo unha bolsa de terreo de cultivo en abandono apenas edificada ó ser preservada polo planeamento urbanístico para un desenvolvemento de crecemento que nunca se deu. 7.3 VALORACIÓN DA CALIDADE E FRAXILIDADE VISUAL A valoración do ámbito do PERI no que respecta a calidade e fraxilidade faise seguindo a metodoloxía do ESAITP do PXOM singularizando os valores acadados para as características particulares do PERI. Deste xeito, poderase avaliar a calidade e fraxilidade do ámbito en valores homoxeneizados co PXOM e así suliñar a pegada que terá o PERI tanto na súa propia unidade paisaxística como no conxunto do concello CALIDADE DA PAISAXE Para a valoración das unidades paisaxísticas, o ESAITP do PXOM analiza a calidade visual intrínseca (a derivada das características existentes na unidade paisaxística) a partir das súas singularidades, da diversidade da vexetación natural e formas de ocupación do chan, e da porcentaxe de ocupación de elementos naturais. Deste análise, a UP9-A Madroa cualifícase como de calidade baixa e caracterízase por unha baixa singularidade (escasa rede hídrica, sen vexetación de ribeira, e sen fitos ou outros elementos singulares agás os elementos catalogados), unha baixa diversidade (ou alta monotonía en especies naturais e uniformidade de ocupación), e unha naturalidade media grazas a unha ocupación das superficies construídas do 20%. O ámbito do PERI mantén basicamente estas características intrínsecas, se ben increméntase a porcentaxe de superficie antropizada caracterizada polo cultivo en abandono, a edificación residencial e a presenza absoluta de torretas e tendidos eléctricos. Desta pormenorización do ámbito, a cualificación da calidade paisaxística debe rebaixarse de nivel respecto á media de toda a unidade da Madroa e cualificala como moi baixa.

29 ESAITP 29/ FRAXILIDADE VISUAL Respecto da fraxilidade visual ou posibilidade de que unha intervención humana modifique a situación de calidade visual existente nun punto e que este feito sexa moi aparente, o ESAITP do PXOM analiza a fraxilidade visual intrínseca (función das características propias do medio: relevo, vexetación e usos do solo) e a fraxilidade visual extrínseca (función da capacidade de visualización desde o exterior e por moita xente). A UP9-A Madroa cualifícase cunha fraxilidade visual intrínseca baixa nos outeiros e media nas zonas de ladeira. O ámbito do PERI encádrase todo el na zona de fraxilidade media, se ben do análise pormenorizado resultan uns matices. Respecto da fraxilidade en función da vexetación e usos do solo, sendo unha zona de urbanización agrícola difusa, a fraxilidade é media. Respecto do relevo, a pendente (20%-30%) supón unha fraxilidade alta, namentres que a orientación (NE) e a altitude (100m-200m) supóñenlle unha fraxilidade baixa; así pois, logo do cruzamento destes resultados, a fraxilidade visual intrínseca do PERI respecto do relevo é media. E en definitiva, o PERI presenta unha fraxilidade visual intrínseca media. Para o cálculo da fraxilidade visual extrínseca, aplícase tamén a mesma metodoloxía do ESAITP do PXOM, promenorizando segundo as características propias do ámbito do PERI, sendo valorada a súa fraxilidade visual extrínseca como alta/moi alta dependendo se é a zona baixa ou a alta.

30 ESAITP 30/35 Cruzando as cualificacións de fraxilidade intrínseca (media) e extrínseca (sexa alta ou moi alta), a fraxilidade visual da paixase do ámbito do PERI é alta. 7.4 AFECCIÓNS SOBRE A PAISAXE Atopámonos nun ámbito de calidade paisaxística moi baixa e de fraxilidade visual alta. Isto quere decir que a intervención que se faga deberá elevar a calidade tendo en conta que terá un gran impacto visual. Poderíase optar por unha reversión da calidade paisaxística devolvendo ó territorio as súas características primixenias ou, cando menos, menos antropizadas (cultivos). Ista opción vén descartada xa polo propio PXOM e ratificada pola resposta do órgano ambiental competente ó Documento de Inicio da Avaliación Ambiental Estratéxica onde se discutiron os diversos escenarios posibles de desenvolvemento e defendíase a oportunidade de actuar nun ámbito xa transformado para así, por medio da súa ordenación e redensificación, mellorar a súa calidade, ofertar residencia necesaria, ofertar equipamento, completar os tecidos existentes. O PERI supón así unha variación da paisaxe no seu ámbito; modificación desexada e programada dende o PXOM, co fin de transformar un área degradada nun área urbana que condense parte do pulo da cidade sen necesidade de transformar outras zonas de carácter natural e paisaxístico de maior calidade, nun proceso de redensificación mais atinado dende parámetros mediombientais que a alternativa de crecemento hacia áreas aínda non ocupadas polas edificacións. A execución do PERI integra definitivamente o ámbito na cidade densificada de xeito que os criterios de calidade paisaxística seguidos ata o de agora xa non son aplicables por mor da absoluta antropización do medio urbano, aínda que os criterios de fraxilidade visual permanecen. 7.5 MEDIDAS PARA MINIMIZAR O IMPACTO DA PROPOSTA A proposta de ordenación do PERI non tenta minimizar o seu impacto na calidade do ámbito, pois partindo dunha calidade intrínseca moi baixa o que se consegue é unha escena urbana de máxima calidade xustificada na propia proposta de ordenación e nas ordenazas de usos e edificación: A ordenación proposta tenta minimizar a ocupación da edificación en altura para liberar zonas o máis amplas posibles para espazos libres verdes Esta edificación sitúase a dous nivéis na banda central da aba e confórmase coma cómaros de xeito que as zonas verdes, ás que se vinculan diretamente, sexan o máis utilizables ó suavizar a súa pendente e engadir o atractivo das vistas sobre a ría ó fraccionar as bandas de edificación e posibilitar mediante ordenanza maior fraccionamento O equipamento e a vivenda unifamiliar serven de conexión cos ámbitos urbanos consolidados de vivenda unifamiliar, resolvendo deste xeito as transicións de escala e volume Os tramos da Ronda de Vigo perden a súa presenza polo tratamento de bordo con talúdes e vexetación

31 ESAITP 31/35 Os viais de acceso ás vivendas unifamiliares configúranse como rúas de tecido urbano vello, onde a mistura de usos elude a sensación de barrio residencial dormitorio e a vexetación non tenta ser un aroma de medio natural senón unha necesidade consciente da percepción do urbano respetuoso co medio natural Respecto do impacto visual, dada a fraxilidade alta do ámbito, tívose en conta a súa posición de borde urbano para mellorar a transición coa masa forestal coa que limita. A execución do PERI supón unha forte transformación do ámbito, mais a nivel da paixase supón unha compleción da cidade afectando positivamente á súa paixase e sen afectar negativamente ós espazos de arbolado e núcleos consolidados do entorno O PERI resolve a transición do frente urbano de Travesía de Vigo ata a masa forestal no alto da aba. A posición baixa e acomarada da edificación en altura e a proporcionada altura desta (seis plantas) impide a súa percepción coma fitos, integrándose na paixase urbana de escalonamento gradual dun xeito máis propio dun ámbito de menor pendente. Isto deixa espazo e frente visible para resolver a transición paisaxística ó forestal coa vivenda unifamiliar, que mantén a tipoloxía espontánea do ámbito consolidado limítrofe no que a construción escala coa pendente natural sen imporse e misturando as zonas ocupadas e verdes sen unha regra predeterminada que podería remarcar o límite con trazados duros, artificiosamente lineais Finalmente, a desaparición no ámbito das torretas e tendidos eléctricos volve afectar positivamente á súa percepción paisaxística 8 PROTECCIÓN DAS AUGAS 8.1 LEITOS E CORRENTES NATURAIS EXISTENTES NO ÁMBITO O ámbito carece de leitos e correntes naturais agás un estanque-manancial que integrarase nunha ampla zona verde. 8.2 ZONAS DE SERVIDUME E POLICÍA E REGULAMENTACIÓN DE USOS O ámbito está fóra das zonas de servidume e policía de calquera cauce, polo que non se precisa regulamentar os usos nestas zonas. Rego de Paraixal 8.3 ABASTECEMENTO E SANEAMENTO Consonte o propio PXOM, os avances dos Planes Directores de Abastecemento e Saneamento de Vigo garanten a capacidade de subministro no horizonte poboacional do Plan, e polo tanto, máis para os desenvolvementos do primeiro cuadrienio como é iste.

32 ESAITP 32/35 Na memoria de infraestructuras e redes de servizos urbanos do PXOM detállanse os obxectivos, medios e prazos para o desenvolvemento de todo o plan CONSUMO PREVISTO O PXOM, consonte o Plan Hidrolóxico Galicia Costa, establece unha dotación xeral para o municipio de litros por habitante e día, e establece tamén unha correlación de 3 habitantes por cada cen metros cadrados edificables. Así pois, a estes efectos, pódese considerar unha poboación final no PERI de habitantes, cunha demanda total de m3 por día. Se temos en conta a poboación existente (175 habitantes), o incremento de consumo a considerar é de m3 diarios. Esta dotación de auga ten en conta as necesidades globais da cidade por habitante, e é moi superior as necesidades estrictas do eido da vivenda, que, segundo datos do INE para Galicia, require dunha dotación de 152 litros por habitante e día (un 40% da dotación xeral) ORIXE, CAUDAL, PUNTO DE TOMA E SISTEMA DE CAPTACIÓN DA AUGA O ámbito engancharase á rede municipal de subministro que actualmente aprovisiónase do Zamáns. Os importantes e próximos depósitos do Casal son o nodo de referencia do servizo. O Plan Auga da Xunta de Galicia prevé a desconxestión do embalse de Zamáns e maila ETAP de Valadares, que usaranse preferentemente para o abastecemento de Nigrán, Gondomar e reforzo de Baiona. Para esta desconxestión prevese a captación no Embalse de Eiras e seu conexionado có ETAP Casal, que ampliará a súa capacidade actual de m3 e ampliarase tamén, xa para esixencias futuras, a capacidade de depuración. O Plan Auga e mailo PXOM son coincidentes nas súas análises, propostas e horizontes de tempo, tendo previsto o PXOM a planificación local das obras e recursos necesarios para un subministro suficiente e de calidade SISTEMA DE SANEAMENTO E VERTIDO O sistema de saneamento será separativo, vertendo á EDAR do Lagares mediante o colector de Marxe da Ría e seu tributario de Travesía de Vigo. 8.4 RÉXIME HIDROLÓXICO E CALIDADE DA AUGA INCIDENCIA ESPACIAL O desenvolvemento do PERI carece incidencia respecto do réxime hidrolóxico e calidade da auga no ámbito en que se inxire. A calidade da auga para a saúde humana vén garantida polo abastecemento municipal RÉXIME DE CORRENTES, AFECCIÓN A TERCEIROS DE ESCORRENTÍAS E ZONAS DE RISCO DE ASOLAGAMENTO O ámbito do PERI vese altamente afectado polos tramos da Ronda de Vigo, sistema xeral de comunicación, pero o PERI non ten capacidade legal para

33 ESAITP 33/35 deseñar ou definir a Ronda. O PERI deséñase cun mínimo de ocupación de viais (fóra a Ronda) e zonas construídas co fin de premitir nas zonas valeiras verdes a máxima permeabilidade do solo de xeito que non se produzan escorrentías alleas ó medio existente. Asimesmo, o sistema separativo de saneamento permite que as augas de escorrentía sexan revertidas aos cauces públicos, previo tratamento no seu caso. 9 PREVENCIÓN DA CONTAMINACIÓN ACÚSTICA 9.1 DATOS DE PARTIDA. MAPAS DE RUÍDO E ESTUDO ACÚSTICO Segundo o mapa estratéxico de ruído do plan sectorial de carreteras , todo o ámbito está na zona de afección da autoestrada do Atlántico AP-9, consignándose isófonas de ata 65 db na zona máis próxima a Travesía de Vigo, e cuns niveis sonoros nocturnos Ln de dba para esta parte máis baixa e de dba no resto. Segundo o mapa de ruídos de Vigo, o nivel sonoro nocturno Ln para o ámbito sería de dba e só na parte baixa. Rebaixa así o indicado polo mapa estratéxico sectorial da AP-9, e tamén confirma a nula incidencia na zona do ramal de autoestrada pola Madroa. Se consideramos o ruído representativo medio de todo o día, o mapa de ruídos de Vigo asigna á zona baixa un nivel sonoro Lden de dba na parte baixa e dba no resto do ámbito. Independentemente destes mapas, realizouse un estudo acústico específico elaborado pola consultoría Lagares e que se incorpora como anexo a este ESAITP. O estudo analiza a situación actual (pre-operacional) e a prevista segundo a ordenación proposta (post-operacional). Como metodoloxía de análise fixéronse medicións in situ e modelizacións informáticas que analizan a influenza do relevo, dos tipos de superficies (capacidade de atenuación), das edificacións, e do tráfico. Este estimouse partindo de densidades de tráfico actuales proporcionadas polo concello. A equipa redactora do PERI, para a Ronda de Vigo, fai unha estimación de vehículos/día por ramal no ámbito do PERI. Esta carga de tráfico é considerable, pois tendo en conta que son dous ramais dentro do ámbito, estase a estimar unha carga total da Ronda fóra do ámbito de vehículos/día, polo que a Ronda teríase que considerar como un vial de gran capacidade (máis de tres millóns de vehículos ó ano) e requeriría da elaboración dun estudo acústico específico para a súa implantación. A proposta de ordenación do PERI propón un paso peatonal entre as dous rotondas propostas no trazado da Ronda Vigo, paso imprescindible en base a criterios de conectividade e accesibilidade, o que provoca unha ralentización do tráfico considerada nos cálculos. Por outra banda, o deseño de zonas verdes interpostas entre a Ronda de Vigo e as edificacións, permitiría engadir medidas