Edificio Administrativo San Lázaro SANTIAGO DE COMPOSTELA Teléfono: Fax:

Transcription

1 ANTEPROXECTO DE DECRETO xx/2016, do de, polo que se regula a formación do persoal que realiza actividades hixiénico sanitarias de mantemento das instalacións susceptibles de propagar a legionella, de tatuaxe, micropigmentación e piercing e de centros de bronceado artificial mediante radiacións ultravioleta. As actividades formativas en materia de prevención da lexionelose aparecen reguladas esencialmente na Orde do 14 de abril de 2004 (modificada por outras dúas ordes de 9 de febreiro de 2005 e de 15 de abril de 2008). Dita disposición estableceu un réxime autorizatorio para as entidades de formación, así como os contidos mínimos de dita formación. Esta regulación foi tamén abordada pola Orde SCO 317/2003, do 7 de febreiro, que estableceu o procedemento para a homologación dos cursos de formación do persoal que realiza as operacións de mantemento hixiénico-sanitario das instalacións obxecto do Real Decreto 909/2001, de 27 de xullo, e determinou o contido mínimo da formación a impartir, se ben esta última disposición foi posteriormente derrogada polo Real decreto 865/2003, do 4 de xullo, polo que se establecen os criterios hixiénico-sanitarios para a prevención e control da lexionelose. No eido da formación en tatuaxe, micropigmentación e piercing, a regulación contense na Orde do 22 de xullo de 2004, que tamén optaba pola técnica autorizatoria para as entidades de formación, e remitía, no relativo ao contido do programa formativo, ao anexo II do Decreto 13/2004, do 15 de xaneiro, polo que se establecen os requisitos e condicións sanitarias mínimas aplicables ás prácticas de tatuaxes, micropigmentación e piercing. O mesmo sucede coa formación do persoal dos centros de bronceado artificial mediante radiacións ultravioleta, regulada na Orde do 2 de decembro de 2004, que tamén establece a necesaria autorización administrativa para as entidades formadoras, remitindo ao Anexo I do Decreto 253/2004, do 7 de outubro, polo que se regulan as actividades de bronceado artificial mediante radiacións ultravioleta, no relativo ao contido mínimo da formación a impartir. O 28 de decembro de 2006 entrou en vigor a Directiva 2006/123/CE do Parlamento Europeo e do Consello, de 12 de decembro de 2006, relativa aos servizos no mercado interior. 1

2 Segundo o espírito da citada Directiva, a mera invocación do interese xeral non abonda para xustificar a esixencia a priori de determinadas autorizacións, posto que o control administrativo pode levarse a cabo mediante o procedemento de declaración responsable e a vixilancia posterior. O Estado traspuxo, dita normativa mediante a Lei 17/2009, de 23 de novembro, sobre o libre acceso ás actividades de servizos e o seu exercicio, e a Lei 25/2009, de 22 de decembro, de modificación de diversas leis para a súa adaptación á lei sobre o libre acceso ás actividades de servizos e o seu exercicio. Por outra banda, a Lei 20/2013, do 9 de decembro, de garantía da unidade de mercado, establece no seu artigo 3 que "ningunha disposición de carácter xeral, actuación administrativa ou norma de calidade que se refira ao acceso ou ao exercicio de actividades económicas poderá conter condicións nin requisitos que teñan como efecto directo ou indirecto a discriminación por razón de establecemento ou residencia do operador económico". O artigo 16 da citada lei, contén o principio de libre iniciativa económica, de xeito que "o acceso ás actividades económicas e o seu exercicio será libre en todo o territorio nacional e só se poderá limitar segundo o establecido nesta Lei e ao disposto na normativa da Unión Europea ou en tratados e convenios internacionais". Este principio reflíctese no artigo 18 da mesma Lei 20/2013, cando considera como actuacións limitativas das liberdades de establecemento e libre circulación o establecemento de "requisitos de obtención dunha autorización, homologación, acreditación, calificación, certificación, cualificación ou recoñecemento, de presentación dunha declaración responsable ou comunicación ou de inscrición nalgún rexistro para o exercicio da actividade no territorio dunha autoridade competente distinta da autoridade de orixe". Tendo en conta a normativa regulamentaria que disciplina a actividade formativa nos eidos concretos a que se refire a presente disposición, así como os cambios normativos que vimos de citar, cómpre axustar aquela a fin de simplificala e racionalizala, eliminando aqueles trámites autorizatorios que resultan innecesarios por non incidir significativamente na mellora das garantías da actividade, nin da salvagarda do interese público protexido, que 2

3 pode ser satisfeito mediante outras técnicas e dispositivos administrativos sen necesidade de condicionar a priori o exercicio da actividade formativa. Con esta finalidade, a presente disposición substitúe a autorización de entidades de formación pola presentación dunha declaración responsable por parte dos titulares de ditas entidades de formación, así como a facilitación de documentación á administración en caso de solicitude, comunicación de cursos e establece como anexos os contidos mínimos da formación nos distintos eidos de actividade a que esta norma se refire. En cumprimento do disposto no Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes, na propia Directiva de Servizos e na Lei 11/2007, do 2 de xuño, de acceso electrónico dos cidadáns aos servizos públicos, tamén se facilita a presentación das declaracións responsables e da comunicación de inicio de curso por medios telemáticos na sede electrónica da Xunta de Galicia. En relación co seu contido e estrutura, dispón de dezaoito artigos estruturados en cinco capítulos. O capítulo I, contén as disposicións xerais. O obxecto e o ámbito de aplicación que comprende á formación do persoal que realice as operacións de mantemento hixiénicosanitario das instalacións de risco de propagar a legionella, as prácticas de de tatuaxe, micropigmentación, e piercing, así como calquera outra práctica de decoración corporal que implique a perforación da pel, mucosa ou tecidos e as actividades de bronceado artificial mediante radiacións ultravioleta, así como as exclusións á realización desta formación ás titulacións con competencias e coñecementos axeitados, así como a non aplicación a centros ou establecementos sanitarios debidamente autorizados. O capítulo II recolle a presentación da declaración responsable, as condicións das entidades de formación, os seus supostos particulares e as alteracións ou falsidade dos datos declarados, así como a referencia á protección de datos. O capítulo III, refírese á formación e a súa acreditación. 3

4 O capítulo IV está integramente adicado ao rexistro de entidades de formación hixiénico sanitaria. O capítulo V contén o réxime sancionador. O texto complétase con dúas disposicións adicionais, unha derrogatoria e catro derradeiras así coma sete anexos. Na súa virtude, por proposta conxunta dos conselleiros de Sanidade e de Economía, Emprego e Industria, de conformidade co ditame do/oído o Consello Consultivo de Galicia, e logo de deliberación do Consello da Xunta de Galicia, na súa reunión do de. de dous mil, DISPOÑO CAPÍTULO I Disposicións xerais Artigo 1. Obxecto Este decreto ten por obxecto: a) Establecer o réxime de declaración responsable para as entidades de formación ás que se refire o artigo 4. b) Establecer as condicións mínimas e o contido da formación do persoal que realice as funcións descritas no seu ámbito de aplicación. c) Determinar os requisitos, responsabilidades e obrigas das entidades de formación que desenvolvan a súa actividade na comunidade autónoma de Galicia. d) Crear o Rexistro de Entidades de Formación Hixiénico-sanitaria. Artigo 2. Ámbito de aplicación 1. O disposto neste decreto resultará de aplicación á formación do persoal que realice as seguintes funcións: 4

5 a) Operacións de mantemento hixiénico-sanitario das instalacións fixas ou móbiles que utilicen auga no seu funcionamento, produzan aerosois e se atopen situadas no interior ou exterior de edificios de uso colectivo, instalacións industriais, ou medios de transporte, que supoñan risco de propagación da legionella. b) Practicas de tatuaxe, micropigmentación, e piercing, así como calquera outra práctica de decoración corporal que implique a perforación da pel, mucosa ou tecidos. c) Actividades de bronceado artificial mediante radiacións ultravioleta. 2. Queda excluída do ámbito de aplicación deste decreto a formación do persoal que realice as operacións as que se refire o punto anterior, cando probe estar en posesión dun título universitario, cualificación profesional ou título de formación profesional que acredite a obtención das competencias e coñecementos axeitados para a realización das actuacións hixiénico-sanitarias nos correspondentes ámbitos de actividade descritos no punto 1 deste artigo. 3. As disposicións deste decreto non serán de aplicación cando as actividades referidas nos apartados b) e c) do punto 1 deste artigo se realicen en centros, servizos ou establecementos sanitarios debidamente autorizados. CAPÍTULO II Declaración responsable, entidades de formación e protección de datos Artigo 3. Declaración responsable 1. A presentación dunha declaración responsable por parte das entidades de formación ás que se refire o artigo 4 considerarase condición suficiente para o inicio da actividade e o seu exercicio por tempo indefinido, sen prexuízo das facultades de comprobación, control e inspección que poidan levarse a cabo con posterioridade pola autoridade competente. 2. As entidades de formación deberán presentar unha declaración responsable individual para cada un dos establecementos físicos que radiquen na Comunidade Autónoma de Galicia, de xeito que virán obrigadas a declarar a situación dos establecementos físicos ou 5

6 instalacións de que dispoñan na Comunidade Autónoma de Galicia e nos que se vaian a levar a cabo as accións formativas previstas neste decreto. 3. Cada entidade de formación presentará o modelo de declaración responsable establecido no Anexo I deste decreto, dirixido á unidade con competencia en saúde pública da consellería competente en materia de sanidade. As declaracións responsables deberán presentarse preferiblemente por vía electrónica a través do formulario normalizado dispoñible na sede electrónica da Xunta de Galicia, de acordo co establecido nos artigos 27 da Lei 11/2007, do 22 de xuño, de acceso electrónico dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes. Para a presentación das declaracións responsables será necesario o documento nacional de identidade electrónico ou calquera dos certificados electrónicos recoñecidos pola sede electrónica da Xunta de Galicia. Opcionalmente, tamén se poderán presentar as ditas declaracións en soporte papel en calquera dos lugares e rexistros establecidos no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común, utilizando o formulario normalizado dispoñible na sede electrónica da Xunta de Galicia. 4. A documentación complementaria que as persoas físicas ou xurídicas interesadas consideren oportuno incorporar poderá presentarse electrónicamente utilizando calquera procedemento de copia dixitalizada do documento orixinal. Neste caso, as copias dixitalizadas presentadas garantirán a fidelidade co orixinal baixo a responsabilidade da persoa solicitante ou representante. A Administración poderá requirir a exhibición do documento orixinal para o cotexo da copia electrónica presentada segundo o disposto nos artigos 35.2 da Lei 11/2007, do 22 de xuño, e 22.3 do Decreto 198/2010, do 2 de decembro. As copias dos documentos gozarán da mesma validez e eficacia que os seus orixinais sempre que exista constancia de que sexan auténticas. 6

7 Artigo 4. Entidades de formación. 1. As entidades que se dediquen á formación do persoal que realice as operacións a que se refire este decreto, deberán contar coa estrutura necesaria para o desenvolvemento das accións formativas, ademais de dispoñer dun programa de formación e dos recursos materiais e humanos axeitados para impartir os contidos previstos e dun sistema que posibilite a actualización constante do persoal docente en relación cos avances científicos e técnicos propios de cada sector. 2. As entidade deberán comunicar á xefatura territorial da consellería con competencia en materia de sanidade da provincia onde se pretenda realizar a parte teórica/presencial da formación, a realización da actividade de que se trate, cun mínimo dunha semana de antelación, para elo cubrirán o Anexo II deste decreto, que poderase presentar nas mesmas condicións que se especifican nos puntos 3 e 4 do artigo 3 para a declaración responsable. Artigo 5. Supostos particulares. 1. As entidades de formación legalmente establecidas noutras comunidades autónomas ou noutros Estados membros da Unión Europea, poderán exercer a súa actividade na Comunidade Autónoma de Galicia. No caso de dispoñer de establecementos físicos ou instalacións nesta comunidade nos que vaian realizar as actividades formativas, deberán comunicalo á Xefatura Territorial da consellería con competencia en materia de sanidade da provincia na que estean situados os establecementos mediante o modelo de Anexo I deste decreto. 2. Cando as entidades de formación legalmente establecidas noutras comunidades autónomas ou noutros Estados membros da Unión Europea non dispoñan de locais ou instalacións físicas na comunidade autónoma de Galicia deberán comunicar á Xefatura Territorial da consellería con competencia en materia de sanidade da provincia onde se pretenda realizar a formación, a realización da actividade de que se trate, cun mínimo dunha semana de antelación, segundo modelo de Anexo II deste decreto. 7

8 Artigo 6. Alteración ou falsidade dos datos declarados A inexactitude, falsidade ou omisión, de carácter esencial, en calquera dato, manifestación ou documento que se acompañe ou incorpore á declaración responsable, ou a non presentación ante a Administración competente da declaración responsable, determinará a imposibilidade de continuar co exercicio da actividade afectada desde o momento en que se teña constancia de tales feitos, sen prexuízo das responsabilidades penais, civís ou administrativas a que houber lugar. Artigo 7. Protección de datos. De conformidade coa Lei Orgánica 15/1999, do 13 decembro, de protección de datos de carácter persoal, os datos persoais recollidos na tramitación desta disposición, cuxo tratamento e publicación autorízase polas persoas interesadas mediante a presentación das solicitudes ou comunicacións, serán incluídos nun ficheiro denominado Sistema de información e vixilancia de puntos de risco para á saúde pública creado por Orde do 14 de xuño do O órgano responsable deste ficheiro é a Consellería de Sanidade. Os dereitos de acceso, rectificación, cancelación e oposición poderanse exercer ante dita consellería, mediante o envío dunha comunicación ao seguinte enderezo: Consellería de Sanidade, Edificio Administrativo S. Lázaro s/n, Santiago de Compostela CAPÍTULO III Da formación e a súa acreditación Artigo 8. Da formación. 1. A formación do persoal a que se refire o artigo 2 cumprirá os respectivos criterios recollidos nos Anexos III, IV e V. 2. A dita formación poderase impartir de forma presencial ou semipresencial, de conformidade co contido formativo mínimo establecido no Anexo VI, sen prexuízo das necesarias prácticas presenciais correspondentes. 8

9 Artigo 9. Acreditación da formación A superación da formación á que se refire este decreto acreditarase mediante certificación individual, expedida pola entidade de formación, que deberá incluír como mínimo a seguinte información: a) Identificación do alumno/a b) Denominación do curso. c) Entidade de formación e número de inscrición no Rexistro de Entidades de Formación Hixiénico-sanitaria. d) Número de horas teóricas e prácticas. e) Data de expedición. f) Sinatura do coordinador do curso ou do titular da entidade de formación. g) Selo da entidade de formación. h) Programa de formación coas horas correspondentes. CAPÍTULO IV Rexistro de Entidades de Formación Hixiénico-sanitaria Artigo 10. Rexistro de Entidades de Formación Hixiénico-sanitaria. 1. Créase o Rexistro de Entidades de Formación Hixiénico-sanitaria, no que se inscribirán as entidades que impartan formación ao persoal que realice as actividades hixiénico sanitarias a que se refire o presente decreto. 2. O dito rexistro, que ten natureza administrativa, dependerá organicamente da unidade con competencia en saúde pública da consellería competente en materia de sanidade. Sen prexuízo do anterior, manterase a debida coordinación e intercambio de información co Rexistro de centros de bronceado artificial mediante radiacións ultravioleta da Comunidade Autónoma de Galicia, dependente da consellería con competencias en materia de Industria. 3. Terán carácter público os seguintes datos do rexistro: a) Nome comercial das entidades de formación inscritas. b) Enderezo postal das mesmas. 9

10 4. A protección de datos persoais vinculados a dito rexistro rexerase pola Lei orgánica 15/1999, do 13 de decembro, de protección de datos de carácter persoal, e as disposicións que o desenvolvan. 5. A información esixida no artigo 20.2 da citada Lei orgánica 15/1999, atópase contemplada no Anexo VII. Artigo 11. Finalidade do rexistro. O Rexistro de Entidades de Formación Hixiénico-sanitaria ten os seguintes fins: 1. Dispor da información básica das entidades de formación. 2. Servir como instrumento para o exercicio das facultades de inspección e control que teñen atribuídas as autoridades sanitarias. 3. Servir de instrumento de coordinación nas actuacións relacionadas coas actividades de mantemento das instalacións e das prácticas a que se refire este decreto, co obxecto de que a prestación de ditos servizos se desenvolva por persoal cualificado, debidamente formado e sen afectación para a saúde das persoas. Artigo 12. Organización do rexistro A información do Rexistro de Entidades de Formación Hixiénico-sanitaria estruturase nas seccións seguintes: 1. Sección de formación en actividades de mantemento das instalacións susceptibles de propagar a legionella. 2. Sección de formación en actividades de bronceado artificial mediante radiacións ultravioleta. 3. Sección de formación en actividades de tatuaxe, micropigmentación e piercing. 10

11 Artigo 13. Contido. O Rexistro de Entidades de Formación Hixiénico-sanitaria conterá os seguintes datos básicos: a) Nome ou razón social da entidade. b) Número de identificación fiscal. c) Domicilio, teléfono, fax e correo electrónico, no seu caso. d) Apelidos, nome e número de documento nacional de identidade da persoa titular ou representante legal da entidade de formación. e) Número de inscrición no rexistro Artigo 14. Número de asento da inscrición. No momento da inscrición asignarase un número de asento formado por tres partes: de dous, cinco e un díxito, co seguinte significado: a) Dous díxitos correspondentes á provincia na que o establecemento ten a súa razón social A Coruña - 27 Lugo - 32 Ourense - 36 Pontevedra b) Cinco díxitos correspondentes ao número de asento rexistral propio da entidade de formación. c) Un díxito correspondente ao código de actividade da sección do rexistro que corresponda segundo o artigo 12: - 1 Sección de formación en actividades de mantemento das instalacións susceptibles de propagar a legionella. - 2 Sección de formación en actividades de bronceado artificial mediante radiacións ultravioleta. 11

12 - 3 Sección de formación en actividades de tatuaxe, micropigmentación e piercing. Artigo 15. Procedemento de inscrición. 1. A inscrición no rexistro dunha entidade de formación realizarase de oficio a partires da declaración responsable presentada de conformidade co previsto no Anexo I. 2. Unha vez recibida a declaración responsable procederase a efectuar a inscrición no rexistro, outorgándolle o correspondente número de asento, e comunicaráselle á entidade inscrita. Artigo 16. Modificación e cancelación de inscricións 1. A efectos da modificación dos asentos, as entidades de formación interesadas comunicarán calquera cambio que se produza nos datos declarados, así como a súa vontade de causar baixa ou cancelar a inscrición, presentando o documento que figura como Anexo I. As modificacións producidas comunicaranse ao órgano administrativo que efectuou a inscrición, no prazo dun mes desde que se produza a devandita modificación. O incumprimento desta obriga poderá dar lugar á cancelación e baixa de oficio da entidade no rexistro correspondente. 2. A falsidade ou inexactitude dos datos así como a imposición de sancións firmes pola comisión de infraccións cualificadas como graves ou moi graves, poderá dar lugar á cancelación da inscrición. Asemade, o cese voluntario da actividade deberá ser comunicado pola entidade de formación interesada á unidade con competencia en saúde pública da consellería competente en materia de sanidade no prazo dun mes, e conlevará a cancelación da súa inscrición. 12

13 CAPÍTULO V Inspección e réxime sancionador Artigo 17. Inspección e control. 1. Sen prexuízo das competencias atribuídas a outros órganos ou departamentos da administración xeral ou do sector público autonómico de Galicia, a consellería competente en materia de Sanidade levará a cabo as funcións de inspección das entidades de formación, así como o control do cumprimento das obrigas esixibles a estas. Para tal efecto, os seus servizos oficiais de inspección poderán: a) Realizar inspeccións ou controis periódicos ás entidades de formación, en relación ao cumprimento das obrigas e requisitos esixibles no desenvolvemento da súa actividade formativa. b) Supervisar calquera das accións formativas realizadas polas entidades de formación. 2. As Xefaturas Territoriais da Consellería competente en materia de sanidade poderán habilitar, mediante a correspondente credencial, ao persoal que consideren necesario para exercer ditas funcións. Artigo 18. Réxime sancionador. As infraccións ao disposto neste decreto terán carácter de infraccións administrativas á normativa sanitaria, de conformidade co disposto na Lei 14/1986, de 25 de abril, xeral de Sanidade, e na Lei 8/2008, do 10 de xullo, de saúde de Galicia, sendo aplicable o réxime de infraccións e sancións contido en ditas leis. Tamén será de aplicación, no que proceda, o Decreto 9/2001, do 11 de xaneiro, polo que se regulan os criterios sanitarios para a prevención da contaminación por legionella nas instalacións térmicas, o Decreto 13/2004, de 15 de xaneiro, polo que se establecen os requisitos técnicos e condicións sanitarias mínimas aplicables ás prácticas de tatuaxes, micropigmentacións e piercing, e o Decreto 253/2004, do 7 de outubro, polo que se regulan as actividades de bronceado artificial mediante radiacións ultravioleta, e demais normativa sectorial aplicable. Disposición adicional primeira. Exención de presentación da declaración responsable. As entidades de formación que na data de entrada en vigor deste decreto dispuxesen da correspondente autorización, inscribiranse de oficio no Rexistro de Entidades de Formación 13

14 Hixiénico-sanitaria e estarán exentas da presentación da declaración responsable prevista na presente disposición, sen prexuízo da obriga de comunicar as alteracións ou cambios que se produzan na súa actividade asi como o cesamento da mesma. Disposición adicional segunda. Recoñecemento de certificados. Recoñécese validez aos certificados de formación expedidos por entidades de formación legalmente establecidas no territorio nacional ou da Unión Europea. Disposición derrogatoria única. Derrogación normativa. Quedan derrogadas as disposicións de igual ou inferior rango en canto se opoñan ao establecido neste decreto e, en particular as seguintes: a) Orde do 14 de abril de 2004, pola que se regula a formación do persoal que realiza operacións de mantemento hixiénico-sanitario das instalacións susceptibles de propagar a lexionelose e o procedemento para a autorización das entidades de formación, así como as disposicións que a modifican. b) Orde do 22 de xullo de 2004, pola que se regula a formación do persoal que realiza prácticas de tatuaxe, micropigmentación e piercing e o procedemento para a autorización das entidades de formación. c) Orde do 2 de decembro de 2004, pola que se regula a formación do persoal dos centros de bronceado e o procedemento para autorización das entidades de formación. Disposición derradeira primeira. Modificación do Decreto 253/2004, do 7 de outubro, polo se regulan as actividades de bronceado artificial mediante radiacións ultravioleta. O Decreto 253/2004, do 7 de outubro, polo se regulan as actividades de bronceado artificial mediante radiacións ultravioleta, queda modificado como segue: Un. O artigo 1 queda redactado como segue: Artigo 1. Obxecto. 14

15 Este decreto ten por obxecto establecer as funcións dos distintos departamentos da Xunta de Galicia con competencias en materia de bronceado artificial mediante radiacións ultravioleta, regular os requisitos de funcionamento dos centros de bronceado artificial mediante radiacións ultravioleta, e crear o Rexistro de Centros de bronceado artificial mediante radiacións ultravioleta da Comunidade Autónoma de Galicia. Dous. O número 2 do artigo 2 queda redactado como segue: 2. Correspóndelle á consellería competente en materia de sanidade a verificación e control da formación dos operadores de aparellos de bronceado artificial mediante radiacións ultravioleta e a inscrición das entidades de formación no Rexistro de Entidades de Formación Hixiénico-sanitaria, creado polo Decreto xx/2016, do de, polo que se regula a formación do persoal que realiza actividades hixiénico-sanitarias de mantemento das instalacións susceptibles de propagar a legionella, de tatuaxe, micropigmentación e piercing e de centros de bronceado artificial mediante radiacións ultravioleta. Así mesmo, corresponde á dita consellería a vixilancia e control das condicións hixiénico-sanitarias dos centros de bronceado artificial mediante radiacións ultravioleta e da prohibición da utilización dos aparellos de bronceado artificial mediante radiacións ultravioleta cando as persoas consumidoras ou usuarias sexan menores de dezaoito anos. Para estes efectos, as persoas titulares das Xefaturas Territoriais da consellería competente en materia de sanidade poderán habilitar, mediante a correspondente credencial, ao persoal que consideren necesario para exercer ditas funcións. Tres. Suprímense os artigos 4, 5 e o Anexo I do Decreto 253/2004, do 7 de outubro, polo se regula as actividades de bronceado artificial mediante radiacións ultravioleta. Catro. O artigo 6 queda redactado como segue: Artigo 6. Rexistro de centros de bronceado artificial mediante radiacións ultravioleta. 1. Créase o Rexistro de centros de bronceado artificial mediante radiacións ultravioleta da Comunidade Autónoma de Galicia. 15

16 2. O dito rexistro ten natureza administrativa e depende orgánicamente da consellería competente en materia de industria, e será xestionado polas súas xefaturas territoriais. 3. Terán carácter público os seguintes datos do rexistro: a) Nome comercial do centro b) Enderezo postal do centro 4. A protección dos datos persoais vencellados a dito rexistro rexerase polo disposto na Lei orgánica 15/1999, do 13 de decembro, de protección de datos de carácter persoal e a súa normativa de desenvolvemento. A información esixida no artigo 20.2 de dita Lei orgánica está contida no anexo III deste decreto. 2. Apróbase o Regulamento do Rexistro de Centros de Bronceado artificial mediante radiacións ultravioleta da Comunidade Autónoma de Galicia, que se inclúe como anexo II deste decreto. Cinco. O artigo 7, punto 2, queda redactado como segue: 2. As revisións serán realizadas por un organismo de control acreditado para actuar no campo de instalacións con aparellos de bronceado mediante radiacións ultravioletas. Cinco. O Anexo II queda redactado como segue: Anexo II. Regulamento do Rexistro de centros de bronceado artificial mediante radiacións ultravioleta da Comunidade Autónoma de Galicia. Artigo 1. Obxecto. Este regulamento ten por obxecto regular o Rexistro de centros de bronceado artificial mediante radiacións ultravioleta da Comunidade Autónoma de Galicia. Artigo 2. Ámbito de aplicación. Este regulamento será de aplicación aos centros de bronceado artificial mediante radiacións ultravioleta, entendendo como tales os definidos no artigo 2 do Real decreto 1002/2002, do 27 de setembro. 16

17 Artigo 3. Fins. O rexistro de centros de bronceado artificial mediante radiacións ultravioleta da Comunidade Autónoma de Galicia ten os seguintes fins: a) Dispor da información básica dos centros de bronceado artificial mediante radiacións ultravioleta. b) Servir de instrumento de coordinación entre as distintas consellerías nas actuacións relacionadas co bronceado artificial mediante radiacións ultravioleta e, en concreto, coa seguridade das máquinas de radiacións ultravioleta, a prestación de ditos servizos e a saúde das persoas. Artigo 4. Organización do rexistro. A información do rexistro de centros de bronceado artificial mediante radiacións ultravioleta da Comunidade Autónoma de Galicia terá unha única sección, relativa aos centros existentes no seu ámbito territorial. Artigo 5. Contido. O rexistro de centros de bronceado artificial mediante radiacións ultravioleta da Comunidade Autónoma de Galicia terá os seguintes datos básicos: a) Nome ou razón social da entidade propietaria do centro. b) Número de identificación fiscal. c) Domicilio social, teléfono, fax e enderezo de correo electrónico, no seu caso, da entidade propietaria. d) Apelidos, nome e número de documento nacional de identidade do representante legal da entidade propietaria. e) Número de identificación do centro, que coincidirá co de inscrición no rexistro. f) Nome comercial do centro. g) Datos de localización do centro: enderezo, teléfono, fax e enderezo de correo electrónico, no seu caso. h) Actividade económica principal e actividades secundarias do centro, no seu caso. i) Persoa responsable do centro. j) Relación do persoal con formación acreditada para operar con aparatos de radiacións ultravioleta. 17

18 k) Relación e características técnicas de cada un dos equipos de radiación ultravioleta, especificando número de serie, marca, modelo, fabricante e data de instalación. Artigo 6. Procedemento de inscrición. 1. A inscrición no rexistro dun centro de bronceado artificial mediante radiacións ultravioleta realizarase de oficio a partires da declaración que acredite a descrición técnica dos aparellos e materiais dos que dispón. A dita declaración realizarase ante a persoa titular da xefatura territorial da consellería competente en materia de industria da provincia na que se atope emprazado o centro, segundo o modelo incluído no anexo II-a do presente regulamento. 2. A xefatura territorial da consellería competente en materia de industria procederá a efectuar a inscrición no rexistro, outorgándolle o correspondente número de asento. Artigo 7. Número de asento da inscrición. No momento da inscrición no rexistro, asignarase un número de asento formado por dúas partes: de dous e cinco díxitos, co seguinte significado: a) XX: díxitos correspondentes á provincia na que se efectúe a inscrición. b) YYYYY: díxitos correspondentes ao número de asento rexistral propio do centro na correspondente provincia. Artigo 8. Modificación de datos. Calquera modificación ou cambio nas circunstancias acreditadas nos documentos presentados, sobrevida con posterioridade á inscrición, deberase comunicar ao órgano da administración que efectuou a inscrición, no prazo dun mes desde que se produza a dita modificación ou cambio. Artigo 9. Cancelación de inscricións. A comunicación do cese de actividade do centro comportará a cancelación da súa inscrición no rexistro. Seis. O Anexo III queda redactado como segue: 18

19 Anexo III. Rexistro de centros de bronceado artificial mediante radiacións ultravioleta da Comunidade Autónoma de Galicia. Rexistro de centros de bronceado artificial mediante Nome e descrición do ficheiro radiacións ultravioleta da Comunidade Autónoma de Galicia Dispor da información básica dos centros de bronceado artificial mediante radiacións ultravioleta existentes na Comunidade Autónoma de Galicia e servir de instrumento Finalidade de coordinación das distintas consellerías nas actuacións relacionadas co bronceado artificial mediante radiacións ultravioleta e, en concreto, coa seguridade das máquinas de radiacións ultravioleta, a prestación dos citados servizos e a saúde das persoas. Control das actividades dos centros de bronceado Usos previstos Órgano responsable do ficheiro Persoas e colectivos sobre os que se pretenden obter datos Servizos ou unidades ante os que poden exercitar os dereitos de acceso, rectificación, cancelación e oposición Nivel do ficheiro Procedencia e procedemento de artificial mediante radiacións ultravioleta e do cumprimento dos requisitos de seguridade dos aparellos de seguridade dos aparellos de radiación. Consellería de Economía, Emprego e Industria Entidades propietarias de centros de bronceado artificial mediante radiacións ultravioleta, representantes legais das mesmas, e centros. Delegacións territoriais da Consellería de Economía, Emprego e Industria Básico Declaración realizada polas persoas responsables dos recollida de datos centros e actas de inspección. Datos de carácter identificativo das persoas Tipos de datos de carácter representantes das entidade responsable do centro: persoal (Categorías de datos) nome e apelidos, DNI/NIF,... Encargado do tratamento Consellería de Economía, Emprego e Industria Sistema de tratamento... Comunicacións e cesións de As que poidan requirir outros órganos da administración datos Transferencias internacionais de datos a terceiros países para a finalidade propia do rexistro Non se prevén. 19

20 Disposición derradeira segunda. Modificación do Decreto 13/2004, do 15 de xaneiro, polo que se establecen os requisitos técnicos e condicións sanitarias mínimas aplicables ás prácticas de tatuaxe, micropigmentación e piercing. O Decreto 13/2004, do 15 de xaneiro, polo que se establecen os requisitos técnicos e condicións sanitarias mínimas aplicables ás prácticas de tatuaxe, micropigmentación e piercing, queda modificado como segue: Un. O artigo 8 queda modificado como segue: Artigo 8. Formación dos profesionais. As persoas que realicen tatuaxes, micropigmentación e piercing disporán dun nivel de coñecementos suficientes para realizar unha prevención efectiva dos riscos para a saúde asociados ás actividades obxecto deste decreto. Para estes efectos, deberán estar en posesión da titulación ou cualificación profesional previstas para ditas actividades no Decreto.../..., do... de..., polo que se regula a formación do persoal que realiza actividades hixiénico- sanitarias de mantemento das instalacións susceptibles de propagar a legionella, de tatuaxe, micropigmentación e piercing e de centros de bronceado artificial mediante radiacións ultravioleta. Dous. Suprímese o Anexo II. Disposición derradeira terceira. Desenvolvemento e aplicación Autorízase ás persoas titulares das consellerías con competencias en materia de Industria e Sanidade para ditar, no eido das súas respectivas competencias, cantas disposicións sexan necesarias para a aplicación e desenvolvemento do disposto neste decreto. Disposición derradeira cuarta. Entrada en vigor. Este decreto entrará en vigor aos vinte días da súa publicación no Diario Oficial de Galicia. 20

21 ANEXO I PROCEDEMENTO DECLARACIÓN RESPONSABLE DAS ENTIDADES DE FORMACIÓN DO PERSOAL ENCARGADO DA REALIZACIÓN DE OPERACIÓNS DE MANTEMENTO HIXIÉNICO-SANITARIO DE: INSTALACIÓNS SUSCEPTIBLES DE PROPAGAR A LEXIONELOSE, PRÁCTICAS DE TATUAXE, MICROPIGMENTACIÓN E PIERCINGE OUTRA PRÁCTICA DE DECORACIÓN CORPORAL QUE IMPLIQUE A PERFORACIÓN DA PEL, MUCOSA OU TECIDOS. E APARELLOS DE BRONCEADO ARTIFICIAL MEDIANTE RADIACIÓNS ULTRAVIOLETA CÓDIGO DO PROCEDEMENTO AA000A DOCUMENTO DECLARACIÓN RESPONSABLE DATOS DA PERSOA SOLICITANTE NOME E APELIDOS/RAZÓN SOCIAL NIF TIPO NOME DA VÍA NUM BLOQ ANDAR PORTA CÓDIGO POSTAL PROVINCIA CONCELLO LOCALIDADE TELÉFONO FAX CORREO ELECTRÓNICO E, NA SÚA REPRESENTACIÓN (deberá acreditarse a representación fidedigna por calquera medio válido en dereito) NOME PRIMEIRO APELIDO SEGUNDO APELIDO NIF ENDEREZO PARA EFECTOS DE NOTIFICACIÓN (non é necesario se coincide co anterior) TIPO NOME DA VÍA NUM BLOQ ANDAR PORTA CÓDIGO POSTAL PROVINCIA CONCELLO LOCALIDADE TELÉFONO FAX CORREO ELECTRÓNICO DATOS DO ESTABLECEMENTO (non é necesario se coincide co anterior) RAZÓN SOCIAL NIF TIPO NOME DA VÍA NUM BLOQ ANDAR PORTA CÓDIGO POSTAL PROVINCIA CONCELLO LOCALIDADE TELÉFONO FAX CORREO ELECTRÓNICO DATOS ESPECÍFICOS DO PROCEDEMENTO INICIO DA ACTIVIDADE MODIFICACION DE DATOS DA ANTERIOR DECLARACIÓN/AUTORIZACIÓN DE DATA.de.de 2.. CO N.º DE REXISTRO CESE DE ACTIVIDADE. DECLARACIÓN/AUTORIZACIÓN DE DATA.de.de 2.. CO N.º DE REXISTRO... 21

22 ANEXO I (continuación) TIPO DE FORMACIÓN FORMACIÓN EN ACTIVIDADES DE MANTEMENTO DAS INSTALACIÓNS SUSCEPTIBLES DE PROPAGAR A LEXIONELA.. FORMACIÓN EN ACTIVIDADES DE TATUAXE, MICROPIGMENTACIÓN E PIERCING OUTRA PRÁCTICA DE DECORACIÓN CORPORAL QUE IMPLIQUE A PERFORACIÓN DA PEL, MUCOSA OU TECIDOS.... FORMACIÓN EN ACTIVIDADES DE BRONCEADO ARTIFICIAL MEDIANTE RADIACIÓNS ULTRAVIOLETA... A PERSONA SOLICITANTE OU REPRESENTANTE DECLARA: 1. Que todos os datos contidos nesta declaración son certos. 2. Que a entidade de formación cumpre cos requisitos establecidos na normativa aplicable. 3. A entidade dispón e comprométese a facilitar á Administración a documentación que así o acredita e a manter dito cumprimento durante a vixencia da actividade. 4. A entidade ou persoa titular ou representante comprométese a comunicar calquera variación das condicións declaradas, así como calquera incidencia que puidese afectar á calidade das actividades formativas. 5. No caso de entidades inscritas ou comunicadas noutras comunidades autónomas ou en Estados Membros da Unión Europea, posuír o certificado ou documento acreditativo da citada inscrición. En cumprimento do disposto no artigo 5 da Lei orgánica 15/1999, do 13 de decembro, de protección de datos de carácter persoal, infórmaselle de que os datos persoais recollidos neste formulario quedarán rexistrados nun ficheiro de titularidade da Consellería de Sanidade,cuxa finalidade é a Xestión e Rexistro deste procedemento. A persoa interesada pode exercer os dereitos de acceso, rectificación, cancelación e oposición ante a Consellería de Sanidade, como responsable do ficheiro, solicitándoo mediante o envío dun correo ao seguinte enderezo: Consellería de Sanidade, Edificio Administrativo S. Lázaro s/n, Santiago de Compostela. LEXISLACIÓN APLICABLE Decreto do de de, polo que se regula a formación do persoal que realiza actividades hixiénico-sanitarias de mantemento das instalacións susceptibles de propagar a lexionela, de tatuaxe, micropigmentación e piercing e de centros de bronceado SINATURA DA PERSOA SOLICITANTE OU REPRESENTANTE Lugar e data Dirección Xeral de Saúde Pública 22

23 PROCEDEMENTO CÓDIGO DO PROCEDEMENTO COMUNICACIÓN DE INICIO DE CURSOS DAS ENTIDADES DE FORMACIÓN DO PERSOAL ENCARGADO DA REALIZACIÓN DE OPERACIÓNS DE MANTEMENTO HIXIÉNICO-SANITARIO DE: INSTALACIÓNS SUSCEPTIBLES DE PROPAGAR A LEXIONELOSE, PRÁCTICAS DE TATUAXE, AA000A MICROPIGMENTACIÓN E PIERCINGE OUTRA PRÁCTICA DE DECORACIÓN CORPORAL QUE IMPLIQUE A PERFORACIÓN DA PEL, MUCOSA OU TECIDOS. E APARELLOS DE BRONCEADO ARTIFICIAL MEDIANTE RADIACIÓNS ULTRAVIOLETA DATOS DA PERSOA SOLICITANTE NOME E APELIDOS/RAZÓN SOCIAL ANEXO II NIF DOCUMENTO COMUNICACIÓN DE INICIO DE CURSO TIPO NOME DA VÍA NUM BLOQ ANDAR PORTA CÓDIGO POSTAL PROVINCIA CONCELLO LOCALIDADE TELÉFONO FAX CORREO ELECTRÓNICO E, NA SÚA REPRESENTACIÓN (deberá acreditarse a representación fidedigna por calquera medio válido en dereito) NOME PRIMEIRO APELIDO SEGUNDO APELIDO NIF ENDEREZO PARA EFECTOS DE NOTIFICACIÓN (non é necesario se coincide co anterior) TIPO NOME DA VÍA NUM BLOQ ANDAR PORTA CÓDIGO POSTAL PROVINCIA CONCELLO LOCALIDADE TELÉFONO FAX CORREO ELECTRÓNICO DATOS DO ESTABLECEMENTO (non é necesario se coincide co anterior) RAZÓN SOCIAL NIF TIPO NOME DA VÍA NUM BLOQ ANDAR PORTA CÓDIGO POSTAL PROVINCIA CONCELLO LOCALIDADE TELÉFONO FAX CORREO ELECTRÓNICO TIPO DE FORMACIÓN FORMACIÓN EN ACTIVIDADES DE MANTEMENTO DAS INSTALACIÓNS SUSCEPTIBLES DE PROPAGAR A LEXIONELA... FORMACIÓN EN ACTIVIDADES DE TATUAXE, MICROPIGMENTACIÓN E PIERCING OUTRA PRÁCTICA DE DECORACIÓN CORPORAL QUE IMPLIQUE A PERFORACIÓN DA PEL, MUCOSA OU TECIDOS.... FORMACIÓN EN ACTIVIDADES DE BRONCEADO ARTIFICIAL MEDIANTE RADIACIÓNS ULTRAVIOLETA... PRESENCIAL TELEFORMACIÓN 23

24 ANEXO II (continuación) CONDICIÓNS LEGAIS DA ENTIDADE DATA DE PRESENTACIÓN DA DECLARACIÓN RESPONSABLE/AUTORIZACIÓN EN GALICIA.de.de 2.. CO N.º DE REXISTRO, de non ser así PAIS DA UNIÓN EUROPEA OU COMUNIDADE AUTÓNOMA NA QUE A ENTIDADE ESTÁ LEGALMENTE ESTABLECIDA DATA DA LEGALIZACIÓN./../.. DATOS ESPECÍFICOS DO PROCEDEMENTO DATA DE INICIO DO CURSO / /. DATA DE FIN DO CURSO / /. LUGAR DE REALIZACIÓN DA PARTE TEÓRICA/PRESENCIAL DO CURSO TIPO NOME DA VÍA NUM BLOQ ANDAR PORTA CÓDIGO POSTAL PROVINCIA (será a XT onde dirixir esta comunicación) CONCELLO LOCALIDADE LUGAR DE REALIZACIÓN DA PARTE PRÁCTICA DO CURSO (non é necesario se coincide co anterior) RAZÓN SOCIAL TIPO NOME DA VÍA NUM BLOQ ANDAR PORTA CÓDIGO POSTAL PROVINCIA CONCELLO LOCALIDADE CRONOGRAMA DO CURSO TEMA DO CURSO NOME DO POÑENTE DIA HORA INICIO HORA FIN 24

25 ANEXO II (continuación) A PERSONA SOLICITANTE OU REPRESENTANTE DECLARA: 1. Que todos os datos contidos nesta comunicación son certos. 2. A entidade ou persoa titular ou representante comprométese a comunicar calquera variación das condicións declaradas, así como calquera incidencia que puidese afectar á calidade das actividades formativas. 3. No caso de entidades inscritas noutras comunidades autónomas ou en Estados Membros da Unión Europea, posuír o certificado ou documento acreditativo da citada inscrición. En cumprimento do disposto no artigo 5 da Lei orgánica 15/1999, do 13 de decembro, de protección de datos de carácter persoal, infórmaselle de que os datos persoais recollidos neste formulario quedarán rexistrados nun ficheiro de titularidade da Consellería de Sanidade,cuxa finalidade é a Xestión e Rexistro deste procedemento. A persoa interesada pode exercer os dereitos de acceso, rectificación, cancelación e oposición ante a Consellería de Sanidade, como responsable do ficheiro, solicitándoo mediante o envío dun correo ao seguinte enderezo: Consellería de Sanidade, Edificio Administrativo S. Lázaro s/n, Santiago de Compostela. LEXISLACIÓN APLICABLE Decreto do de de, polo que se regula a formación do persoal que realiza actividades hixiénico-sanitarias de mantemento das instalacións susceptibles de propagar a lexionela, de tatuaxe, micropigmentación e piercing e de centros de bronceado SINATURA DA PERSOA SOLICITANTE OU REPRESENTANTE Lugar e data Xefatura territorial de Sanidade de.. (Provincia onde realiza a parte teórica/presencial do curso) 25

26 ANEXO III REQUISITOS PARA A FORMACIÓN HIXIÉNICO-SANITARIA DO PERSOAL QUE ACTÚA NAS INSTALACIÓNS DE RISCO DE PROPAGACIÓN DA Legionella 1. O curso de formación inicial terá unha duración de 25 horas co seguinte programa de formación: 1. Importancia sanitaria da lexionelose (tres horas) - Bioloxía e ecoloxía do axente causal. - Cadea epidemiolóxica da enfermidade. - Sistemas de vixilancia epidemiolóxica. - Instalacións de risco. 2. Ámbito lexislativo (tres horas) - Introducción ás bases xurídicas da responsabilidade das empresas na prestación de servicios para a prevención da lexionelose, incluíndo a formación actualizada dos seus traballadores. - Normativa relacionada coa prevención e control da lexionelose, as substancias e preparados perigosos, auga de consumo humano, praguicidas e biocidas, instalacións térmicas de edificios e verteduras industriais. 3. Criterios xerais de limpeza e desinfección(tres horas) - Coñecementos xerais da química da auga. - Boas prácticas de limpeza e desinfección. -Tipos de productos: desinfectantes, antiincrustantes, antioxidantes, neutralizantes, etc. - Rexistro de productos. Desinfectantes autorizados. - Outros tipos de desinfección: físicos e fisicoquímicos. 4. Saúde Pública e Saúde Laboral (dúas horas) - Marco normativo. - Riscos derivados do uso de productos químicos. - Danos para a saúde derivados do uso de productos químicos.medidas preventivas. 5. Instalacións de risco incluídas no ámbito de aplicación da normativa de referencia (catro horas) -Deseño, funcionamento e modelos. -Programa de mantemento e tratamento. - Toma de mostras. - Controis analíticos. 6. Identificación de puntos críticos. Elaboración de programas de control (dúas horas) 7. Prácticas (sete horas) - Visitas ás instalacións. - Tomas de mostras e medicións «in situ». - Interpretación da etiqueta de produtos químicos. - Preparación de disolucións de produtos a distintas concentracións. - Formalización de follas de rexistro de mantemento. 8. Avaliación Proba escrita sobre os contidos do curso (1 hora). 2. O persoal deberá realizar unha actualización da formación cada 5 anos, cunha duración mínima de 10 horas, co obxecto de adecuar os seus coñecementos aos avances científico- técnicos dos contidos do programa do curso inicial. O programa de formación se manterá actualizado na páxina web da consellería competente en sanidade. 3. O programa de formación será impartido por docentes que teñan formación e experiencia profesional acreditada e axeitada aos contidos establecidos no programa de formación, así como experiencia práctica en mantemento de instalacións con risco de propagar a legionella. 26

27 ANEXO IV. REQUISITOS DA FORMACIÓN HIXIÉNICO-SANITARIA DO PERSOAL QUE REALIZA PRÁCTICAS DE TATUAXE MICROPIGMENTACIÓN E PIERCING E OUTRA PRÁCTICA DE DECORACIÓN CORPORAL QUE IMPLIQUE A PERFORACIÓN DA PEL, MUCOSA OU TECIDOS 1. O curso de formación inicial terá unha duración de 25 horas co seguinte programa de formación, que incluirá tamén formación práctica de todo o aprendido e proba escrita : 1. Pel e mucosas. -Anatomía e fisioloxía básica da pel e as mucosas. 2. Microbioloxía básica. -Concepto de infección. -Microorganismos patóxenos e oportunistas. -Microorganismos de transmisión hemática. -Microorganismos de transmisión cutánea. 3. Conceptos de desinfección e asepsia. -Desinfección de pel e mucosas. -Campos cirúrxicos. 4. Enfermidades de transmisión hemática. -Hepatite. -SIDA. 5. Riscos destes procedementos. 6. Prevención e protección persoal. -Recomendacións xerais. -Limpeza de mans. -Protección de feridas e lesións da pel. -Vacinas. -Seguridade no traballo. 7. Medidas preventivas na aplicación de tatuaxe, micropigmentación e piercing. -Normas sanitarias. -Pautas de actuación ante posibles complicacións: vómitos, afogamento, síncope, etc. -Soporte vital básico. 8. Locais e instalacións. -Condicións hixiénico-sanitarias. -Limpeza e desinfección dos locais. 9. Utensilios e material de uso. -Pistolas. -Agullas e xiringas. -Rasurado e afeitado. -Limpeza e desinfección dos utensilios. 10. Residuos. -Concepto. -Tipoloxía. -Xestión. 11. Esterilización e desinfección. -Métodos de esterilización. -Métodos de desinfección. 2. O persoal deberá realizar unha actualización da formación cada 10 anos, cunha duración mínima de 10 horas, co obxecto de adecuar os seus coñecementos aos avances científico- técnicos dos contidos do programa do curso inicial. O programa de formación se manterá actualizado na páxina web da consellería competente en sanidade. 3. O programa de formación será impartido por docentes que teñan formación e experiencia profesional acreditada e axeitada aos contidos establecidos no programa de formación, así como experiencia práctica. 27

28 ANEXO V. REQUISITOS DA FORMACIÓN HIXIÉNICO-SANITARIA DO PERSOAL DOS CENTROS BRONCEADO MEDIANTE RADIACIÓN ULTRAVIOLETA. 1. O curso de formación inicial terá unha duración de 25 horas co seguinte programa de formación, que incluirá proba escrita e prácticas : I. Módulo de coñecementos físico-técnicos. Tema 1. Natureza e características físicas das radiacións ultravioleta (UV). Tema 2. Clasificación dos aparellos emisores de radiacións ultravioleta. Aparellos de bronceado con fins estéticos. II. Módulo de coñecementos sanitarios. Tema 3. Estrutura e función da pel. Tema 4. Efectos biolóxicos da radiación ultravioleta. Concepto de fototipo. Tema 5. Efectos adversos das radiacións UV: fotosensibilización, fotoenvellecemento, fotocarcinoxénese. Tema 6. Contraindicacións para a exposición ás radiacións UV: afeccións conxénitas, enfermidades previas, tratamentos médicos e outras. Tema 7. Normas de seguridade e fotoprotección do usuario. Tema 8. Condicións hixiénico-sanitarias. Tema 9. Educación sanitaria ao usuario. III. Módulo de normativa. Tema 10. Lexislación da Unión Europea, estatal e autonómica sobre radiacións UV. Tema 11. Prevención de riscos laborais. IV. Módulo de formación práctica. Tema 12. Manexo e prácticas de aparellos de bronceado. 4. O persoal deberá realizar unha actualización da formación cada 10 anos, cunha duración mínima de 10 horas, co obxecto de adecuar os seus coñecementos aos avances científico- técnicos dos contidos do programa do curso inicial. O programa de formación se manterá actualizado na páxina web da consellería competente en sanidade. 5. O programa de formación será impartido por docentes que teñan formación e experiencia profesional acreditada e axeitada aos contidos establecidos no programa de formación, así como experiencia práctica 28