SMIÐJUR Í NORÐLINGASKÓLA Samþætt nám í list- og verkgreinum, náttúrufræði og samfélagsgreinum í bekk
|
|
- Amie Goodman
- 5 years ago
- Views:
Transcription
1 Ingvar Sigurgeirsson Ágúst Ólason Sif Vígþórsdóttir Áfangaskýrsla um þróunarverkefnið SMIÐJUR Í NORÐLINGASKÓLA Samþætt nám í list- og verkgreinum, náttúrufræði og samfélagsgreinum í bekk
2 Efnisyfirlit INNGANGUR... 3 MARKMIÐ VERKEFNISINS... 3 UNDIRBÚNINGUR... 4 FRAMKVÆMD... 5 DÆMI UM SMIÐJUR... 6 NÁMSMAT Í SMIÐJUM MAT Á STARFINU LOKAORÐ
3 INNGANGUR Í þessari skýrslu er gerð grein fyrir þróunarverkefninu Smiðjum í Norðlingaskóla skólaárið Smiðjurnar eru nokkurs konar verkstæði þar sem nemendur vinna að samþættum verkefnum í aldursblönduðum hópum. Verkefnið naut styrks úr Þróunarsjóði grunnskóla Reykjavíkur. Markmiðum verkefnisins er lýst, fjallað um undirbúning þess og framkvæmd, gefin eru dæmi um nokkrar smiðjur, gerð grein fyrir tilhögun námsmats og mat lagt á starfið. MARKMIÐ VERKEFNISINS Markmið þróunarverkefnisins Smiðjur í Norðlingaskóla er að móta heildstætt skipulag um samþættingu verk- og listgreina við samfélags- og náttúrufræði. Megináhersla hefur verið lögð á verklega og skapandi vinnu þar sem list- og verkgreinar eru samþættar við aðrar námsgreinar, einkum náttúrufræði og samfélagsgreinum, en einnig íslensku og stærðfræði og ekki síst lífsleikni. Hugmyndin að baki smiðjunum byggist m.a. á því að móta samþætt nám sem felur í sér að nemendur nái markmiðum Aðalnámskrár í þessum greinum á þriggja ára tímabili. Námið er byggt á námseiningum, í fyrsta lagi fyrir 1. til 4. bekk, í öðru lagi fyrir 5. til 7. bekk og í þriðja lagi 8. til 10. bekk. Í þessu verkefni er athygli beint að smiðjum á miðog unglingastigi. Vert er þó að hafa í huga að vegna aldursblöndunar ná smiðjurnar fyrir mið- og unglingastig einnig oft til yngstu aldurshópanna. Smiðjunum er ætlað að styrkja stefnu skólans um einstaklingsmiðað nám en með því er átt við að starf skólans taki mið af því að börnin eru misjafnlega þroskuð, af margbreytilegum uppruna og hafa öðlast margháttaða og misjafna leikni, reynslu og þekkingu áður en þau hefja nám í grunnskóla. Einnig er mjög misjafnt hverjar eru sterkar og veikar hliðar þeirra. Í Norðlingaskóla er lögð áhersla á að búa nemendum 3
4 skilyrði til að læra og þroskast á eigin forsendum, veita þeim öryggiskennd, sjálfstraust og stuðla að því að þeir öðlist jákvæða sjálfsmynd. Sérstök áhersla er lögð á að sérhver nemandi fái námsaðstæður og viðfangsefni við sitt hæfi. Skólastarfið á að koma til móts við ólíkar þarfir, getu, námsstíl og áhuga allra nemenda. Þróunarverkefninu er ætlað að renna styrkari stoðum undir smiðjurnar, skapa ráðrúm til að útfæra þær betur og tengja þær markmiðum aðalnámskrár. Þá er stefnt að því að taka saman lýsingar á sem flestum smiðjum með markmiðum, skipulagi, kennsluaðferðum, verkefnum og mati. Þegar hefur verið hafist handa við að birta þetta efni á heimasíðu skólans, bæði til almennrar kynningar fyrir foreldra og skólafólk, en eins svo efnið geti nýst kennurum í öðrum skólum sem áhuga kunna að hafa á að þróa þessi vinnubrögð. UNDIRBÚNINGUR Skipaður var hópur (stefnumörkunarteymi) til að leggja drög að þessari vinnu. Í teyminu voru Arna Gná Gunnarsdóttir, Birna Hjaltadóttir, Elvar Þór Friðriksson, Hanna Mjöll Káradóttir, Íris Eva Backmann og Kolbrún Kristleifsdóttir. Stefnumörkunarteymið skilaði af sér tillögum og var þar m.a. var miðað við að hverri smiðju yrði lýst með eftirfarandi hætti: 1. Tímafjöldi 2. Innihaldslýsing a. Hvert er þemað? b. Tenging við námsefni c. Tenging við Aðalnámskrá grunnskóla d. Markmið e. Kennsluaðferðir f. Þverfaglegar tengingar g. Þáttur verkgreina 3. Gögn 4
5 a. Efni og áhöld 4. Mat á smiðjum a. Hvað skal meta? b. Nemendur v.s. smiðjan sjálf c. Hvernig verður nám nemenda metið, t.d. i. einstaklingsmat ii. námsmappa iii. jafningjamat iv. sjálfsmat Teymið lagði til að gögnum um smiðjurnar yrði safnað saman í lok hvers smiðjutímabils í gagnagrunn eða hugmyndabanka sem skyldi vera öllum starfsmönnum aðgengilegur, bæði í áþreifanlegu og rafrænu formi. Þá var hugmyndin að skipaðir yrðu sérstakir smiðjustjórar til að halda utan um þessi verkefni og mat á þeim. Þeirri skipan var frestað en að öðru leyti farið að tillögum hópsins. Ákvarðanir um hvaða smiðjur eru í boði eru teknar af öllum starfshópnum sameiginlega. Kennarar setja fram hugmyndir, þær eru ræddar og lokaákvarðanir teknar. Hópar kennara taka síðan að sér útfærslu á hverri smiðju. Verkefni þeirra er að setja smiðjunum markmið, ákveða inntak þeirra og fyrirkomulag og huga að námsmati í samræmi við þá forskrift sem mótuð var (sjá hér á undan). Sérstaklega er gætt að tengslum hverrar smiðju við Aðalnámskrá grunnskóla. Þá skoðar teymið hvernig smiðjan getur t.d. tengst útikennslu, tónlist, myndlist, leiklist, lífsleikni, heimilisfræði, kvikmyndagerð, upplýsinga- og tæknimennt, hönnun, dansi og íþróttum. FRAMKVÆMD Skólaárinu er skipt niður í sex til átta tímabil sem starfsmenn í Norðlingaskóla kalla sín á milli smiðjutímabil. Hvert smiðjutímabil spannar fjórar til sex vikur og í hverri viku eru smiðjur í boði í tvo daga, tvær sjötíu mínútna kennslulotur hvorn dag, eða sem jafngildir sjö kennslustundum á viku. Rök fyrir því að hafa loturnar 70 mínútna langar eru einkum að það eykur líkur á því að nemendur geti sökkt sér niður í viðfangsefni sín. 5
6 Mynd 1 sýnir dæmigerða stundatöflu og staðsetningu smiðjanna í henni. Mynd 1 Stundatafla 6. bekkjar (vika í janúar 2009) Smiðjurnar eru alltaf aldursblandaðar en misjafnt er eftir tímabilum hvaða árgangar vinna saman hverju sinni. Þá er mismunandi eftir tímabilum hversu margar smiðjur eru í boði hverju sinni. Þó er ekki fjarri lagi að ætla að nemandi fari á hverju skólaári í um 30 ólíkar smiðjur. DÆMI UM SMIÐJUR Á síðasta skólaári voru eftirfarandi smiðjur í boði. Fyrir bekk: Ævintýrasmiðja Jólasmiðja ( bekkur) Árshátíðin - Eniga Meniga Landnámssmiðja 6
7 Landafræði Íslands Jafnréttissmiðja ( bekkur) o Jafnrétti kynja o Jafnrétti kynþátta o Jafnrétti með tilliti til fötlunar Fyrir bekk: Sjálfsþekkingar- og samskiptasmiðja Samfélagsfræðismiðja Skapandi hugur og hönd: o Tálgun og útskurður o Prjón og hekl o Ljósmyndun o Tónsmíðar og upptaka o Kvikmyndagerð o Textíl Jólasmiðja ( bekkur) Ritunarsmiðja Jafnréttissmiðjur ( bekkur) Til að gefa gleggri hugmynd um uppbyggingu smiðjanna verða hér tekin tvö dæmi: Landnámssmiðja ( bekkur) Meginmarkmið landnámssmiðjunnar, sem tók fimm vikur, var að kenna nemendum um landnám Íslands samkvæmt markmiðum Aðalnámskrár grunnskóla. Að smiðjunni komu bæði umsjónarkennarar nemenda og list- og verkgreinakennarar. Meðan á smiðjuvinnunni stóð var sagan Vítahringur eftir Kristínu Steinsdóttur lesin fyrir nemendur í sérstökum bókmenntatímum. Með hliðsjón af Aðalnámskrá var efninu skipt í fjóra flokka: Stjórnarfar, daglegt líf, vopn og deilur, og trú og tákn. Nemendum var skipt í fjóra aldursblandaða hópa. Hver smiðjueining var tvískipt. Í fyrri hluta var fyrirlestur og umræður, en í þeim seinni var fengist við fjölbreytt verkefni. 7
8 Stjórnarfar Áhersla var m.a. lögð á frásagnir af landnámi Ingólfs Arnarsonar, stéttaskiptingu í landinu, skiptingu landsins í goðorð, hvernig Alþingi kom til sögunnar og hvernig Alþingi var stjórnað. Mikil áhersla var lögð á að tengja fræðsluna og umræðuna við stétt og stöðu sögupersóna í bókinni Vítahring sem lesin var samhliða smiðjunum. Í seinni hlutanum unnu nemendur stóra veggmynd af sögupersónum úr Vítahring og var áhersla lögð á að nemendur notuðu eigin stærð sem viðmið. Nemendum voru kenndar nýjar aðferðir við notkun lita oghvernig verklag á við þegar stór veggmynd er búin til. Vopn og deilur Rætt var um landnámið af hverju landnámsmenn komu hingað og hvaðan. Hvernig menn helguðu sér land hvernig menn leystu ýmis mál sín á milli, um Alþingi og Lögréttu. Nemendur lærðu um fóstbræðralagið (lýsing í Gíslasögu) og nokkrir nemendur voru fengnir til að leika það. Því næst var talað um hefndir og sagan Hvalrekinn lesin fyrir nemendur. Eftir umræðurnar kynnti smíðakennari þau verkefni sem í boði voru. Gátu nemendur valið um að smíða sverð eða skjöld. Þeir sem völdu að búa til skjöld lærðu aðferð við að teikna hring með bandspotta og nagla en hún var notuð fyrr á öldum. Sverðið var svo búið til úr tveimur bútum, límt saman og bundið. Vopnin voru skreytt með brennipenna og nýttu nemendur vitneskju sína um rúnaletur sem þeir höfðu lært í smiðjunni um Trú og tákn. Daglegt líf Eftir samræður var verkum skipt. Nemendur tóku til við byggingarvinnu annarsvegar og eldamennsku hinsvegar. Sá hópur sem eldaði hlóð hlóðir og kveikti eld. Á stórri pönnu steikti hópurinn brauðmeti og í keðju hékk ketill sem í var soðið vatn. Byggingarhópurinn safnaði timbri og þurfti sjálfur að finna leiðar til að flytja það á staðinn. Reyndi það mjög á útsjónarsemi. Sumir hópar báru níðþunga stofna í fanginu og hjálpuðust þá allir að, aðrir drógu timbrið með köðlum og einn hópur fleytti því áfram á tilhöggnum bútum. Því næst súrraði hópurinn saman þrjá og þrjá stofna og reisti turna. Utan á turnana voru súrraðar þverspýtur og utan á allt settur strigi. Trú og tákn Fyrstu tvær loturnar voru teknar undir trúarbrögð á landnámsöld. Notast var við myndir úr bókinni Huginn og Muninn sem settar höfðu verið á glærur var varpað upp á vegg og kennari sagði sögur af ásunum út frá hverri mynd fyrir sig. Miklar umræður sköpuðust og var mikið lagt upp úr að nemendur tækju þátt í frásögninni. Í lok seinni lotunnar fengu nemendur kynningu á rúnaletrinu Fúþark og kynningu á verklega þættinum en hann fólst í því að búa til merkispjald úr tré með nafninu sínu á Fúþark og venjulegum stöfum. Einnig var spjaldið skreytt með táknum og myndum í víkingaaldarstíl. Þeir sem kláruðu snemma gátu unnið skartgripi í anda víkinga úr vír, leðri, perlum og fleira tilfallandi efni. 8
9 Námsmat byggði á mati á skrifum nemenda, virkni, sjálfstæði í vinnubrögðum og hópvinnu (sjálfsmat, kennaramat). Þá var farið í spurningaleik (Landnámsleik) í Björnslundi sem einnig gilti til mats. Sjá nánar um þetta verkefni á þessari slóð: Ritunarsmiðja ( bekkur) Markmið: Að nemendur efli færni í ritun á fjölbreyttan hátt. Nemendur kynnist kvikmyndarýni, túlkun á myndlist, þjálfist í skapandi skrifum og bréfaskrifum (bæði formlegum og persónulegum). Auk þess eiga nemendur að skrifa um eigin upplifun á kvikmynd, gera teiknimyndasögur og búa til bók fyrir sín verkefni. Nemendum er skipt í fjóra hópa, tvo stelpuhópa og tvo strákahópa og hver hópur fer einu sinni á hverja stöð. Að auki eru þrjú verkefni sem allir nemendurnir vinna saman á sama tíma. Þeir færniþættir sem smiðjan tekur á eru skynjun með hlustun og áhorfi, tjáningu með ritun, gagnrýn hugsun, ögun, vandvirkni, handverk o.fl. Kennt verður á miðvikudögum í 2. og 3. lotu og á fimmtudögum í 2. og 3. lotu. Í boði eru eftirfarandi stöðvar: Bíóhúsið: Kennari kynnir ákveðin kvikmyndarýni- og bókmenntahugtök fyrir nemendum og þeir horfa síðan á kvikmynd með þessi hugtök í huga. Úrvinnsla er í þriðja tíma þar sem nemendur gagnrýna kvikmyndina sem horft var á. Listasafnið: Nemendur fara í vettvangsferð og skoða myndlistarsýningu. Þeir nýta fimmtudagstímann til úrvinnslu á ferðinni og skrifa um eigin upplifun á sýningunni í heild, um listamanninn eða eitthvað ákveðið verk sem hafði áhrif á þá. Hús skáldsins: Nemendur æfa skapandi skrif og skrifa smásögu eða örsögu. Stefnt er að því að hafa samkeppni með verðlaunum og fá starfandi rithöfunda til að dæma. Pósthúsið: Nemendur læra um bréfaskriftir og skrifa ýmsar gerðir af bréfum; formleg bréf, mótmælabréf, persónuleg bréf o.fl. Nemendur kynnist bréfum Vestur Íslendinga, skoði vef Vesturfarasetursins og skoði bókina Bréf Vestur Íslendinga eftir Böðvar Guðmundsson. Sameiginleg verkefni unnin í lok apríl og í maí. Bókargerð: Allir nemendur vinna að bókargerð á síðasta vetrardag (22/4). Unnið verður í flæði í fjórum kennslustofum. Teiknimyndasögur: Nemendur 8. og 9. bekkjar vinna teiknimyndasöguverkefni meðan 10. bekkingar þreyta samræmd próf. Draumalandið: Allir nemendur fara að sjá kvikmyndina Draumalandið og skrifa um kvikmyndina og hvaða áhrif hún hafði á þá. 9
10 Fyrir bekk voru eftirfarandi smiðjur í boði á síðasta skólaári: Vísindasmiðja o Vatn Tilraunir o Vatn - Bátagerð o Loft - Flugdrekar o Loft - Svif o Land - Myndlist o Land - Smíði Enskusmiðja Vináttan Jólasmiðja ( bekkur) Heimilisfræði Leiklist - Rauðhetta Tákn með tali Páskasmiðja Umhverfis- og ferðasmiðja Jafnréttissmiðja ( bekkur) o Jafnrétti kynja o Jafnrétti kynþátta o Jafnrétti með tilliti til fötlunar Lýsingar á smiðjum er að finna á heimasíðu Norðlingaskóla á þessari slóð: NÁMSMAT Í SMIÐJUM Mikil umræða hefur verið um fyrirkomulag námsmats í smiðjum. Afar áríðandi er að þannig sé hugað að námsmati í smiðjum þannig að það sé fjölbreytt og áreiðanlegt. Í upphafi var leitast við að samræma námsmatið en fljótlega kom í ljós að þær voru innbyrðis svo ólíkar að það reyndist erfitt og óæskilegt. Því var farin sú leið að þróa hugmyndabanka með fjölbreyttum námsmatsaðferðum sem henta ólíkum smiðjum. 10
11 Dæmi um fyrirkomulag námsmats í smiðjum er að finna á heimasíðu skólans á þessari slóð: MAT Á STARFINU Mat okkar af námi og starfi í smiðjum er í heild mjög jákvætt. Mikil ánægja er með hvernig til hefur tekist. Ekki verður um villst að smiðjurnar veita nemendum kærkomið tækifæri til að nálgast námsefni á fjölbreyttan og skemmtilegan hátt og vekja þannig áhuga þeirra. Smiðjurnar eru að verða einn af meginþáttum skólastarfsins og hafa vakið athygli utan skólans. Benda má á að námið í smiðjunum höfðar til mismunandi greinda og færni nemenda og oft hefur mátt sjá nemendur verða gagntekna af viðfangsefnum sínum og gleyma stund og stað. Aldursblöndunin sem byggt er á í smiðjunum hefur sérstakt gildi. Hún hefur félagslegt gildi í þá veru að nemendur kynnast vel þvert á aldurshópa. Þá má oft sjá nemendur á mismunandi aldri læra hver af öðrum, þeir eldri kenna þeim yngri og öfugt. Í þessu felst vitaskuld mikil lífsleikni, en í skólanum er lögð áhersla á að hún sé samofin öllu starfi. Starfsmenn hafa verið beðnir um að leggja mat á hvernig til hefur tekist við þróun smiðjanna og er afstaða þeirra mjög jákvæð. Jákvætt mat kennara á smiðjum felst m.a. í því að í smiðjunum kynnast þeir mjög mörgum nemendum og hitta jafnvel alla nemendur skólans. Ekki fer á milli mála að þetta hefur jákvæð áhrif á skólabrag. Fyrirkomulagið leiðir til þess að á einu skólaári fá starfsmenn skólans tækifæri til að vinna í smiðju með öllum öðrum. Þessi samvinna er líka þýðingarmikil fyrir skólamenninguna. Þá eru starfsmenn í smiðjunum oft að fást við viðfangsefni sem þeir 11
12 hafa sjálfir mikinn áhuga á sem vitaskuld er smitandi. Sem dæmi um viðhorf kennara til smiðjanna má nefna þessi: Sú djörfung að leggja fimmtung kennsluvikunnar í Norðlingaskóla undir smiðjur, allt árið, finnst mér aðdáunarverð og er ein aðalástæða þess hvað mér finnst gaman að vinna í þessum skóla. Mér hefur virst starfsfólki skólans vaxa ásmegin með hverju árinu sem líður að skipuleggja skemmtilegar, markvissar og árangursríkar smiðjur. Að sama skapi uppfylla smiðjurnar fleiri og fleiri markmið aðalnámskrár með hverju árinu. Í unglingadeild hefur orðið kúvending á viðhorfi nemenda til smiðjuvinnunnar. Fyrir aðeins tveimur árum var ríkjandi sú skoðun að smiðjur væru ekki alvöru" kennslustundir heldur frekar eins konar leikur, uppbrot eða tilbreyting. Þetta hefur nú breyst og má sjá mikinn metnað lagðan í alla vinnu nemenda í smiðjutímum á þessum vetri. Mín skoðun er sú að smiðjur bæti skólastarfið, þær bjóða upp á meiri fjölbreytileika í námi. Nemendur sýna jákvætt viðhorf og áhuga á náminu. Smiðjur er skemmtileg vinna þar sem mikið, fjölbreytt, faglegt og gott nám fer fram. Viðhorf nemenda til smiðjanna eru mjög jákvæð. Haldnir hafa verið fundir með öllum aldurshópum þar sem þeir hafa verið beðnir um að leggja mat á smiðjurnar. Nemendur í öllum árgöngum voru sammála um að smiðjurnar væru sérstaklega skemmtilegar og gæfu þeim tækifæri til að læra á annan hátt en úr bókunum. Ráðgjafi verkefnisins hefur spurt nemendur um uppáhalds viðfangsefni þeirra í Norðlingaskóla og eru smiðjurnar lang oftast nefndar. Kemur fram í svörum þeirra að verkefnin séu áhugavekjandi og að þau fái svo mikið skemmtilegt að gera. Mat foreldra hefur einnig verið mjög jákvætt og þeir látið í ljós ánægju sína með ýmsum hætti bæði í samtölum og í tölvupósti. LOKAORÐ Eins og fram hefur komið í þessari skýrslu eru starfsmenn og nemendur Norðlingaskóla mjög sáttir við hvernig til hefur tekist við smiðjurnar á þessu skólaári. Erfitt er að taka eitt atriði fram yfir annað þegar litið er til þeirra þátta sem jákvæðir eru en nefna má 12
13 mikla fjölbreytni, sköpun, virkni og áhuga nemenda og samstarf starfsfólks við undirbúning og framkvæmd smiðjanna. Það sem helst má betur fara er að gögnum sé haldið betur til haga ekki síst lýsingum og skýrslum um hverja smiðju sem og öll gögn (skjásýningar, verkefni, leiðbeiningar, námsmatsgögn, eyðublöð). Á næsta skólaári verður skipaður sérstakur smiðjustjóri til að halda betur utan um starfið og þá sérstaklega lýsingar og mat á smiðjunum. Skólaárinu verður skipt niður í fjögur aðaltímabil. Í hinu fyrsta verður umhverfið aðalþema, annað tímabilið verður opið, þ.e. ekki verður eitt ákveðið heildarþema, á því þriðja verður leiklist rauður þráður í öllum smiðjum og í því síðasta verður lífríkið aðal þema. Þá verður leitast við að kynna smiðjustarfið betur fyrir foreldrum, t.d. með kynningarbæklingum, með því að bjóða þeim að koma í skólann og fylgst með starfinu, með því að hluti af smiðjuvinnunni fari fram á heimilunum og með sýningu. Loks verður stefnt að fjölbreyttara námsmati í smiðjunum. Stefnt er að því að sækja um styrk í Sprotasjóð leik-, grunn- og framhaldsskóla en hlutverk sjóðsins er að styðja við þróun og nýjungar í skólastarfi. 13
Ritstuldarvarnir. Sigurður Jónsson
Ritstuldarvarnir Sigurður Jónsson sigjons@hi.is Aðgangur að Turnitin 1. Beint í Turnitin á www.turnitin.com 2. Gegnum Moodle-námskeið Kennarar og nemendur halda sig í Moodleumhverfinu Fá frumleikaskýrslu
More informationPart 66. Requirements for exercising privileges Highlights of New Part 66 rule
Part 66 Requirements for exercising privileges Highlights of New Part 66 rule Part 66.A.20(b) privileges The holder og an aircraft maintenance licence may not exercise its privileges unless: 1. In compliance
More informationTilraunahúsið Úrræði fyrir raungreinakennslu
Tilraunahúsið Úrræði fyrir raungreinakennslu Ari Ólafsson dósent í tilraunaeðlisfræði Eðlisfræðiskor HÍ og Raunvísindastofnun Háskólans Tilraunahúsið p.1/18 Sýnishorn af markmiðum ríkisvalds í menntamálum
More informationVIKA VIÐFANGSEFNI EFNISTÖK NÁMSEFNI ANNAÐ
Kennsluáætlun vor 2017 Enska 8. bekkur Kennsluáætlun þessi tekur mið af hæfniviðmiðum sem fram koma í Aðalnámskrá Grunnskóla og skólanámskrá Grunnskóla Grindavíkur VIKA VIÐFANGSEFNI EFNISTÖK NÁMSEFNI ANNAÐ
More informationRannsóknarstofa í fjölmenningarfræðum. Raddir fjölbreyttra kennarahópa
Rannsóknarstofa í fjölmenningarfræðum Raddir fjölbreyttra kennarahópa Sólveig Karvelsdóttir, lektor, HÍ Hafdís Guðjónsdóttir, dósent, HÍ Rannsóknin er hluti af tveimur rannsóknum Fjölbreyttir kennarahópar
More informationSamanburður vindmæla. Samanburðarmælingar í mastri LV v/búrfell 15. ágúst 30.sept 2011
Samanburður vindmæla Samanburðarmælingar í mastri LV v/búrfell 15. ágúst 30.sept 2011 Haustþing Veðurfræðifélagsins 2011 Tegundir vindmæla Til eru margar mismunandi gerðir vindmæla sem byggja á mismunandi
More informationRannsóknarskýrsla í sálfræði 103 á vorönn 2008 um. viðhorf nemenda til nokkurra þátta í skólastarfi ME.
í sálfræði 103 á vorönn 2008 um viðhorf nemenda til nokkurra þátta í skólastarfi ME. Rannsóknin á að gera grein fyrir afstöðu nemenda við Menntaskólanum á Egilsstöðum til nýgerða breytinga á stoðtímakerfi
More informationNámsmat í þágu hvers? Skýrsla um þróunarverkefni um einstaklingsmiðað námsmat í Ingunnarskóla og Norðlingaskóla
Ingvar Sigurgeirsson Ágúst Ólason Guðlaug Erla Gunnarsdóttir Námsmat í þágu hvers? Skýrsla um þróunarverkefni um einstaklingsmiðað námsmat í Ingunnarskóla og Norðlingaskóla 2006 2009 Lokaskýrsla Október
More informationMöguleg útbreiðsla trjátegunda með hækkandi hitastigi á Íslandi
Möguleg útbreiðsla trjátegunda með hækkandi hitastigi á Íslandi Björn Traustason og Þorbergur Hjalti Jónsson, Mógilsá Fagráðstefna 25.mars 2010 Inngangur Landfræðileg greining til að meta útbreiðslu nokkurra
More informationNý tilskipun um persónuverndarlög
UT Messa SKÝ, 9. febrúar 2012 Hörður Helgi Helgason Um fyrirlesara 1999 2000-03 2003-06 2006- Héraðsdómslögmaður Persónuvernd Ráðgjafi, evrópsk persónuv.lög LM lögmenn -> Landslög munið #utmessan Boligen
More informationMikilvægi samræmdrar svæðisbundinar kortlagningar Hvað fangar hug og hjarta ferðamannsins
Morgunverðarfundur Ferðamálastofu Grand hótel, Reykjavík 14. apríl 2011 Mikilvægi samræmdrar svæðisbundinar kortlagningar Hvað fangar hug og hjarta ferðamannsins Dr. Edward H. Huijbens Forstöðumaður /
More informationSNERTIFLETIR ÍSLANDSSTOFU VIÐ FLUGREKENDUR
SNERTIFLETIR ÍSLANDSSTOFU VIÐ FLUGREKENDUR Ingvar Örn Ingvarsson Verkefnisstjóri, ferðaþjónusta og skapandi greinar Samgöngufundur á Norðurlandi, 19. nóvember 2015 Meginstoðir stefnu og lykilárangursþættir
More informationKönnunarverkefnið PÓSTUR
Könnunarverkefnið PÓSTUR Þáttakenndur í verkefninu UM PÓST Rauði hópur Vor 2010 Börn fædd 2005 Hópstjóri: Tatjana Lind Jónsson Unnið var með Könnunaraðferðinni (The Project Approach). Stuðst var við bókina
More informationHvað felst í menntun til sjálfbærrar þróunar og hvernig getur hún verið þungamiðja skólastarfs?
Hvað felst í menntun til sjálfbærrar þróunar og hvernig getur hún verið þungamiðja skólastarfs? Ingólfur Ásgeir Jóhannesson Hvernig getur málefni sem ekki er skilgreint sem námsgrein í grunnskóla eða námssvið
More informationÉg vil læra íslensku
Ég vil læra íslensku 16 Föt Föt Évlí - 16 föt 1 hlusta Generated by Foxit PDF Creator Foxit Software benda lita teikna klippa líma strákur stelpa ekki stelpa/ekki strákur hugsa Évlí - 16 föt 2 hlusta íslenskur
More informationAkureyrarbær Starfsmannakönnun 2015
Akureyrarbær Starfsmannakönnun 2015 Q1. Ert þú karl eða kona? Karl 229 19.83% Kona 926 80.17% Fjöldi 1155 Q2. Á hvaða aldursbili ert þú? 30 ára eða yngri 190 16.42% 31-40 ára 257 22.21% 41-50 ára 312 26.97%
More informationRannsókn á Byrjendalæsi: Markmið, snið, gögn og úrvinnsla
Læsi til samskipta og náms Ráðstefna MSHA um læsi 13. september 2014 Rannsókn á Byrjendalæsi: Markmið, snið, gögn og úrvinnsla Rúnar Sigþórsson Háskólanum á Akureyri runar@unak.is Örstutt um Byrjendalæsi
More informationSnælandsskóli Haustönn 2017 Námsgrein Enska Bekkur 10. bekkur Kennari: Hafdís Ágúst ágúst
Snælandsskóli Haustönn 2017 Námsgrein Enska Bekkur 10. bekkur Kennari: Hafdís Ágúst 15. 18. ágúst 21. 25. ágúst 28. ág 1. sept. 15. skipulagsdagur 16. skipulagsdagur 17. Skipulagsdagur 18. skipulagsdagur
More informationOPEN DAYS 2011 LOCAL EVENTS COUNTRY LEAFLET. East Iceland / Austurlands ICELAND / ÍSLAND
OPEN DAYS 2011 LOCAL EVENTS COUNTRY LEAFLET East Iceland / Austurlands ICELAND / ÍSLAND INDEX I. Regional Partnerships Official Partners of the OPEN DAYS 2011 East Iceland... 3 Austurlands... 5 2 I. Regional
More informationViðhorf erlendra söluaðila. Spurningakönnun framkvæmd í desember 2016 á meðal erlendra söluaðila á póstlista Íslandsstofu sem telur 4500 aðila.
Viðhorf erlendra söluaðila Spurningakönnun framkvæmd í desember 2016 á meðal erlendra söluaðila á póstlista Íslandsstofu sem telur 4500 aðila. Viðhorf erlendra söluaðila desember 2016 VIÐMIÐ TEGUND FYRIRTÆKIS
More informationLEIÐARVÍSIR UM ÞÁTTTÖKUNÁM (Service Learning)
LEIÐARVÍSIR UM ÞÁTTTÖKUNÁM (Service Learning) Frásagnir úr námsferð fræðslustjóra með skólastjórum í Reykjavík, starfsmönnum Fræðslumiðstöðvar og fulltrúum úr fræðsluráði á ráðstefnu og í skólaheimsóknir
More informationLeiðbeiningar um notkun XML-þjónustu Veðurstofu Íslands fyrir norðurljós
Leiðbeiningar um notkun XML-þjónustu Veðurstofu Íslands fyrir norðurljós XML-þjónustan veitir aðgang að nýjum norðurljósagögnum Veðurstofunnar sem birt eru á www.vedur.is. Slóð XML-þjónustunnar er http://xmlweather.vedur.is/aurora?op=xml&type=index
More informationGreinabundin kennsla greinabundið nám í Hvassaleitisskóla
SKÓLAÞRÓUNARSVIÐ KENNARADEILDAR HÁSKÓLANS Á AKUREYRI ÞINGVALLASTRÆTI 23 600 AKUREYRI Greinabundin kennsla greinabundið nám í Hvassaleitisskóla Mat á skólastarfi Birna María Svanbjörnsdóttir Jenný Gunnbjörnsdóttir
More informationValgreinar fyrir 8. bekk skólaárið
Valgreinar fyrir 8. bekk skólaárið 2016-2017 1 Efnisyfirlit Kennslulýsingar... 3 Valgreinar utan skóla (félagsstörf eða sérskólanám)... 3 Valgreinar í Síðuskóla... 4 Bíó, bókmenntir og menning... 4 E-twinning...
More informationAðalnámskrár grunnskóla og samræmd könnunarpróf í íslensku
Aðalnámskrár grunnskóla og samræmd könnunarpróf í íslensku 2011 2015 Ýr Þórðardóttir Júní 2017 Lokaverkefni til M.Ed.-prófs Kennaradeild Aðalnámskrár grunnskóla og samræmd könnunarpróf í íslensku 2011
More informationFRAMKVÆMDARREGLUGERÐ FRAMKVÆMDASTJÓRNARINNAR (ESB) nr. 489/2012. frá 8. júní 2012
Nr. 28/32 EES-viðbætir við Stjórnartíðindi Evrópusambandsins FRAMKVÆMDARREGLUGERÐ FRAMKVÆMDASTJÓRNARINNAR (ESB) nr. 489/2012 2013/EES/28/07 frá 8. júní 2012 um framkvæmdarreglur vegna beitingar 16. gr.
More information2. Stefnur og hugmyndafræði sem hafa haft áhrif á listkennslu
Ágrip Í þessari ritgerð, sem er lokaverkefnið mitt til B.Ed gráðu, mun ég fjalla um samvinnu á milli myndlistarskóla og grunnskóla. Í því samhengi mun ég skoða Billedskolen i Tvillingehallen og Myndlistarskólann
More informationSjónarhorn View. Outline view - Yfirlitshamur. Normal view (2000)/Notes Page View (Office97) - minnispunktahamur
Power Point leiðbeiningar Sjónarhorn View Normal view (2000)/Notes Page View (Office97) - minnispunktahamur Outline view - Yfirlitshamur Hér er hægt að rita minnispunkta við hverja glæru fyrir þann sem
More informationVIKA VIÐFANGSEFNI EFNISTÖK NÁMSEFNI ANNAÐ
Kennsluáætlun vor 2017 Enska 9. bekkur Kennsluáætlun þessi tekur mið af hæfniviðmiðum sem fram koma í Aðalnámskrá Grunnskóla og skólanámskrá Grunnskóla Grindavíkur VIKA VIÐFANGSEFNI EFNISTÖK NÁMSEFNI ANNAÐ
More informationHafnarfjörður Grunnskólar Hafnarfjarðar Skólanámskrá. 3. bekkjarnámskrá. Skólanámskrá Hraunvallaskóla
Hafnarfjörður Grunnskólar Hafnarfjarðar Skólanámskrá 3. bekkjarnámskrá Skólanámskrá Hraunvallaskóla Skólaárið 2018-2019 Skólanámskrá Hraunvallaskóla. Útgefin 2016. Skólanámskrá er útgefin á rafrænu formi
More informationSamstarf heimila og skóla frá sjónarhorni kennara á Íslandi og í Englandi
Lokaverkefni til B.Ed. prófs Samstarf heimila og skóla frá sjónarhorni kennara á Íslandi og í Englandi Eru ánægðir foreldrar bestu bandamenn kennara? Halldóra Gísladóttir 300955-5419 Kennaraháskóli Íslands
More informationHafnarfjörður Grunnskólar Hafnarfjarðar Skólanámskrá. 8. bekkjarnámskrá skólanámskrá Hraunvallaskóla
Hafnarfjörður Grunnskólar Hafnarfjarðar Skólanámskrá 8. bekkjarnámskrá skólanámskrá Hraunvallaskóla Skólaárið 2017-2018 Skólanámskrá Hraunvallaskóla. Útgefin 2017. Skólanámskrá er útgefin á rafrænu formi
More informationSkóli án aðgreiningar og einstaklingsmiðað nám
Skóli án aðgreiningar og einstaklingsmiðað nám Námsferð kennsluráðgjafa Fræðslumiðstöðvar Reykjavíkur, Korpuskóla, Víkurskóla og Borgaskóla til New Brunswick 28. 31. október 2003 Ritstjórn: Ágústa Bárðardóttir
More informationVIKA VIÐFANGSEFNI EFNISTÖK NÁMSEFNI ANNAÐ
Kennsluáætlun vorönn 2018 Enska 9. bekkur Kennsluáætlun þessi tekur mið af hæfniviðmiðum sem fram koma í Aðalnámskrá Grunnskóla og skólanámskrá Grunnskóla Grindavíkur VIKA VIÐFANGSEFNI EFNISTÖK NÁMSEFNI
More informationVal í bekk Sjálandsskóla
al í 8. - 10. bekk Sjálandsskóla alfög í 8.-10. bekk Sjálandsskóla skólaárið 2013-2014 eru kennd á námskeiðum. Hvert námskeið er tvær stundir á viku í 8-9 vikur. Hver nemandi er í þrem valnámskeiðum í
More informationLotukerfi í list- og verkgreinum
Netla Veftímarit um uppeldi og menntun Menntavísindasvið Háskóla Íslands Ritrýnd grein birt 31. desember 2013 Yfirlit greina Arngunnur Hafstað Sigurþórsdóttir Lotukerfi í list- og verkgreinum Námsgreinin
More informationValgreinar og samvalsgreinar
Valgreinar og samvalsgreinar Skólaárið 2015-2016 9. og 10. bekkur Kennslulýsingar Námsgreinar í 9. og 10. bekk skiptast í kjarna sem er 29 kennslustundir á viku og valgreinar sem eru 8 kennslustundir á
More informationCHEMISTRY. Efnajöfnur. Efnajöfnur. Kafli 3. Kafli 3. Hlutfallareikningur: AðA. reikna út fnum. Efnajöfnur. Efnajöfnur. Efnajöfnur
CHEMISTRY The Central 9th Edition Hlutfallareikningur: AðA reikna út frá formúlum og efnajöfnum fnum Lavoisier: Massi varðveitist í efnahvörfum. : lýsa efnahvörfum. Efnajafna : Hvarfefni og myndefni: 2H
More informationSkóli Ísaks Jónssonar INNRAMAT Í SKÓLANUM. Skýrsla fyrir skólaárið
Skóli Ísaks Jónssonar INNRAMAT Í SKÓLANUM Skýrsla fyrir skólaárið 2016-2017 Efnisyfirlit Efnisyfirlit... 2 1. Inngangur... 3 2. Markmið og tilgangur matsins... 3 3. Aðferðir og framkvæmd matsins... 3 4.
More informationMánudaga - föstudaga KEF - Airport» Reykjanesbær» Keilir» Fjörður» Reykjavík/HÍ
/ 1004720-1004720-3-ABC 2.1.2018 09::16 Mánudaga - föstudaga KEF - Airport» Reykjanesbær»»» Reykjavík/HÍ 06:42 06:44 06:45 06:47 06:51 06:52 06: 07:17 07:18 07:22 07:28 07:29 07:31 07:32 07:34 07:36 07:38
More informationNemandinn í forgrunni
Ingvar Sigurgeirsson, María Pálmadóttir og Kristín H. Thorarensen í samvinnu við stýrihóp og kennara Öldutúnsskóla Nemandinn í forgrunni Þróunarverkefni í Öldutúnsskóla skólaárið 2005 2006 Lokaskýrsla
More informationBekkjarnámskrá Grunnskóla Hornafjarðar bekkur
Bekkjarnámskrá Grunnskóla Hornafjarðar 2016 7. bekkur Efnisyfirlit Lykilhæfni... 3 Íslenska... 4 Stærðfræði... 11 Samfélagsgreinar... 15 Landafræði... 19 Saga... 19 Lífsleikni... 20 Náttúrufræði... 21
More informationSkólanámskrá og Starfsáætlun Dalvíkurskóla
Dalvíkurbyggð 2017 Skólanámskrá og Starfsáætlun Dalvíkurskóla Þekking og færni Virðing og vellíðan 2017-2018 Efnisyfirlit Saga og þróun skólahalds... 5 Stefna skólans... 5 Grunnþættir menntunar... 6 Læsi...
More informationValgreinar í 6. bekk
Valgreinar í 6. bekk 2012-2013 Nemendur í II-deildum geta valið 3-9 tíma á viku úr eftirtöldum valgreinum. 6 tíma valgreinar verða líklega á mánudags-, miðvikudags- og föstudagsmorgnum kl. 8:10-9:35 en
More informationHUGPRÓ Betw Be ar tw e ar QA & Agile
HUGPRÓ Betware QA & Agile 26.02.2010 Head Quarters Betware Reykjavík Betware DK Copenhagen Denmark Betware Solutions CA Kamloops, BC Betware Madrid Spain Certus Odense Denmark Betware Sp. z o.o. Warsaw
More informationSæmundarskóli heildarmat á skólastarfi
Sæmundarskóli heildarmat á skólastarfi Janúar 2014 Skóla og frístundasvið Reykjavíkur Ritstjóri: Birna Sigurjónsdóttir Ritun skýrslu og fylgiskjala: Birna Sigurjónsdóttir Guðrún Edda Bentsdóttir Hildur
More informationMilli steins og sleggju
Netla Veftímarit um uppeldi og menntun Menntavísindasvið Háskóli Íslands Ritrýnd grein birt 31. desember 2017 Yfirlit greina Guðbjörg Ólafsdóttir og Berglind Rós Magnúsdóttir Milli steins og sleggju Hugmyndir
More information2. bekkur bekkur bekkur bekkur bekkur Bekkur bekkur bekkur bekkur...
2. bekkur... 1 3. bekkur... 1 4. bekkur... 2 5. bekkur... 3 6. bekkur... 5 7. Bekkur... 6 8. bekkur... 8 9. bekkur... 9 10. bekkur... 11 2. bekkur Enska Markmið kennslunnar er að kynna ensku fyrir nemendum,
More informationIngvar Sigurgeirsson. Skólabragur sem geðrækt Heilsueflandi skólar Grand hótel, 2. september 2011
Ingvar Sigurgeirsson Skólabragur sem geðrækt Heilsueflandi skólar Grand hótel, 2. september 2011 details how school climate is associated with and / or promotes safety, healthy relationships, engaged learning
More informationEES-viðbætir við Stjórnartíðindi EB
ÍSLENSK útgáfa EES-viðbætir við Stjórnartíðindi EB I EES-STOFNANIR 1. EES-ráðið 2. Sameiginlega EES-nefndin 3. Sameiginlega EES-þingmannanefndin 4. Ráðgjafarnefnd EES ISSN 1022-9337 Nr. 54 8. árgangur
More informationTungumálatorgið - fræðin og veruleiki á vettvangi. Þorbjörg St. Þorsteinsdóttir: kennsluráðgjafi og verkefnastjóri Tungumálatorgsins,
Tungumálatorgið - fræðin og veruleiki á vettvangi Þorbjörg St. Þorsteinsdóttir: kennsluráðgjafi og verkefnastjóri Tungumálatorgsins, tobba@hi.is Menntakvika 2013 Erindið Segja sögur Sýna myndir Setja í
More informationStóra myndin. Uppbygging þekkingarsamfélags. Kristrún Frostadóttir, hagfræðingur Viðskiptaráðs Aðalfundur SFS 19. maí 2017
Stóra myndin Uppbygging þekkingarsamfélags Kristrún Frostadóttir, hagfræðingur Viðskiptaráðs Aðalfundur SFS 19. maí 2017 Bakgrunnur Viðskiptaráð Íslands 1 Yfirlit 1. Hvað eru þekkingarkjarnar? 2. Hvað
More informationSkóli án aðgreiningar
Skóli án aðgreiningar Viðhorf sérkennara í grunnskólum til stefnunnar skóli án aðgreiningar Rannveig Klara Matthíasdóttir Lokaverkefni til M.Ed.-prófs Háskóli Íslands Menntavísindasvið Skóli án aðgreiningar
More informationLónsöræfi. Leyndarmál í ríki Vatnajökuls. Verkefni 10. bekkjar Grunnskóla Hornafjarðar
Lónsöræfi Leyndarmál í ríki Vatnajökuls Verkefni 10. bekkjar Grunnskóla Hornafjarðar Summary The elementary school Grunnskóli Hornafjarðar, has for some years been working to connect it s curriculum to
More informationNámsflokkar Hæfniviðmið Kennsluhættir Námsmat Getur fundið lykilupplýsingar í. Lesskilningur æfður uppúr textum úr stuttum texta með nokkuð ríkulegum
Bekkur: 8.bekkur Námsgrein: Enska Kennarar: Helga Lára Bæringsdóttir og Guðmundur Ásgeir Sveinsson Tímafjöldi: 4 Námsgögn: Lykilhæfni: Námsgreinin kemur inn á alla þætti lykilhæfni sem unnið er út frá
More informationLISTGREINAKENNSLA Í GRUNNSKÓLUM REYKJAVÍKUR
LISTGREINAKENNSLA Í GRUNNSKÓLUM REYKJAVÍKUR Starfshópur um listgreinakennslu September 2009 Skýrsla starfshóps um listgreinakennslu í grunnskólum Reykjavíkur September 2009 Formaður hóps: Anna Margrét
More informationSamstarf HR og IGI. Ólafur Andri Ragnarsson
Samstarf HR og IGI Ólafur Andri Ragnarsson Leikjaiðnaðurinn 2021 Leikjaiðnaðurinn 2021 5.000 störf 70 milljarðar í heildarútflutningstekjur ef... Photo Ian Parker http://parkerlab.bio.uci.edu/nonscientific_adventures/iceland_man.ht
More informationNámsferð til Ulricehamn Svíþjóð, mars 2013
Námsferð til Ulricehamn Svíþjóð, mars 2013 Svíþjóð - stjórnsýslan Þrjú formleg stjórnsýslustig Sveitarfélög, 290 talsins (Local level) Lén, 20 talsins (Regional level) Landsstjórn, 349 þingmenn (National
More information- Samvinna um tónlistarnám - Kennaralaun í alþjóðlegu samhengi - Something old, something new... Félagsfærni lærist ekki af sjálfu sér
Félagsfærni lærist ekki af sjálfu sér BLS 18 Spjaldtölvur í skólastarfi? BLS 32 3.TBL. 11.ÁRG. 2011 - Samvinna um tónlistarnám - Kennaralaun í alþjóðlegu samhengi - Something old, something new... VIÐ
More informationValgreinar
Valgreinar 2016-2017 1 Efnisyfirlit Valgreinar innan Naustaskóla 2016-2017... 4 Áætlun / námstækni 8. 10. bekkur... 4 Bakstur 8. - 10. bekkur... 4 Fatasaumur 8.- 10.bekkur... 4 Heimilisfræði 8. 10. bekkur...
More informationVirk námskrá í íslensku í 6. og 7. bekk grunnskóla í ljósi samræmda íslenskuprófsins
Ritrýnd grein Tímarit um menntarannsóknir / Journal of Educational Research (Iceland) 8, 2011, 124.-143. Virk námskrá í íslensku í 6. og 7. bekk grunnskóla í ljósi samræmda íslenskuprófsins í 7. bekk Rúnar
More informationFramhaldsskólapúlsinn
Framhaldsskólapúlsinn Mat á líðan og skólabrag í framhaldsskólum Málþing um geðrækt í framhaldsskólum 20. september 2013 Almar M. Halldórsson Skólapúlsinn Skólapúlsinn er veflægt sjálfsmatskerfi fyrir
More informationInngangur og yfirlit yfir rafmagnsvélar
1 Inngangur og yfirlit yfir rafmagnsvélar Introduction to rotating machines 2 Grunnhugtök og meginþættir Klassískar gerðir véla Riðstraumsvélar Samfasavél (synchronous machine) Spanvél (induction machine
More informationGÆÐASTARF Í GRUNNSKÓLUM. Viðmið og framkvæmd ytra mats grunnskóla
GÆÐASTARF Í GRUNNSKÓLUM og framkvæmd ytra mats grunnskóla GÆÐASTARF Í GRUNNSKÓLUM og framkvæmd ytra mats grunnskóla ISBN 978-9979-0-??????? Ritstjóri: Þóra Björk Jónsdóttir Málfarsyfirlestur: Ingólfur
More informationÞróun kennslu læknanema á síðustu áratugum
Kristján Erlendsson læknir dósent kennslustjóri læknadeildar HÍ, yfirlæknir á vísinda- og þróunarsviði Landspítala krerlend@landspitali.is Þróun kennslu læknanema á síðustu áratugum Á síðustu þremur áratugum
More informationÁhrif lofthita á raforkunotkun
Áhrif lofthita á raforkunotkun Orkuspárnefnd Júlí 2017 Áhrif lofthita á raforkunotkun Orkuspárnefnd Orkustofnun Júlí 2017 Útgefandi: Orkustofnun, Grensásvegi 9, 108 Reykjavík Sími: 569 6000, Fax, 568
More informationLeiðbeinandi á vinnustað
Work Mentor Leiðbeinandi á vinnustað Leonardo da Vinci, Transfer of Innovation verkefni sem VMA sótti um að stýra. Kynning maí 2011. Jóhannes Árnason 1 Work Mentor Leonardo da Vinci Transfer of Innovation
More informationEinstaklingsmunur og þróun læsis hjá fjögra til sjö ára börnum
Menntavísindasvið Háskóla Íslands Grein birt 31. desember 2010 Freyja Birgisdóttir Einstaklingsmunur og þróun læsis hjá fjögra til sjö ára börnum Kynntar verða niðurstöður langtímarannsóknar á þroska,
More informationErindi. Skriða 9:.00 til 9:15 Setning ráðstefnu Hr. Guðni Th. Jóhannesson, forseti Íslands
Erindi Skriða 9:.00 til 9:15 Setning ráðstefnu Hr. Guðni Th. Jóhannesson, forseti Íslands 9:15 til 10:15 Application of the Componential Model of Reading for Assessment and Intervention R. Malatesha Joshi,
More informationName of the University: Copenhagen University Names of the student: Helga Sæmundsdóttir Exchange semester: Vor 2011
Name of the University: Copenhagen University Names of the student: Helga Sæmundsdóttir Exchange semester: Vor 2011 I GENERAL INFORMATION ABOUT THE SCHOOL 1. Describe the school and its surroundings very
More informationLeikskólar Dalvíkur, Krílakot og Kátakot. Leikskólar Dalvíkur. Krílakot og Kátakot Námskrá
Leikskólar Dalvíkur Krílakot og Kátakot Námskrá 2015-1 - Efnisyfirlit Inngangur...- 4 - Leikskólinn Krílakot...- 5 - Leikskólinn Kátakot...- 5 - Yfirstjórn skólans...- 6 - Fræðslusvið...- 6 - Grundvöllur
More informationTengsl íþróttaiðkunar og námsárangurs
B.Sc. lokaverkefni í íþróttafræði Tengsl íþróttaiðkunar og námsárangurs Maí 2018 Nafn nemanda: Svanfríður Birna Pétursdóttir Kennitala: 210493 2559 Leiðbeinendur: Margrét Lilja Guðmundsdóttir og Sveinn
More informationFjölmenningarráð Reykjavíkurborgar Frambjóðendur. Multicultural Council of Reykjavik Candidates
Fjölmenningarráð Reykjavíkurborgar Frambjóðendur Multicultural Council of Reykjavik Candidates Aleksandra Chlipala Hversu lengi búið á Íslandi: Have been a resident of Iceland: Pólsk Polish aleksandrachlipala@gmail.com
More information20 ÁRA AFMÆLISRIT FLATAR 2013 / 1 FLATARMÁL
20 ÁRA AFMÆLISRIT FLATAR 2013 / 1 FLATARMÁL FLATARMÁL 1 / 2013 20 ÁRA AFMÆLISRIT FLATAR Flatarmál 1. tbl., 20. árg. 2013 rit Flatar, samtaka stærðfræðikennara 2013 Flatarmál Útgefandi Flötur, samtök stærðfræðikennara
More informationÁrsskýrsla Grunnskóla Vestmannaeyja
2017-2018 Ársskýrsla Grunnskóla Vestmannaeyja Efnisyfirlit Innihald Formáli... 4 Inngangur... 4 Hagnýtar upplýsingar... 5 Skólastjórnendur... 5 Nefndir og ráð... 5 Skólaráð... 5 Foreldrafélag... 5 Nemendaverndarráð...
More informationSkólanámskrá Waldorfskólans Sólstafa
Skólanámskrá Waldorfskólans Sólstafa Inngangur. Segja má að allt starf Waldorfskólans Sólstafa undirstriki mikilvægi þess að ná jafnvægi á milli þeirra þriggja mismunandi leiða sem manneskjan tengist heiminum;
More informationHlutverk skólastjóra í menntun til sjálfbærni
Menntavísindasvið Háskóla Íslands Ritrýnd grein birt 31. desember 2010 Auður Pálsdóttir og Allyson Macdonald Hlutverk skólastjóra í menntun til sjálfbærni Reynsla af þróunarstarfi í fjórum grunnskólum
More informationGÆÐASTARF Í GRUNNSKÓLUM. Viðmið og framkvæmd ytra mats grunnskóla
GÆÐASTARF Í GRUNNSKÓLUM og framkvæmd ytra mats grunnskóla GÆÐASTARF Í GRUNNSKÓLUM og framkvæmd ytra mats grunnskóla ISBN 978-9979-0-2314-2 Ritstjóri: Þóra Björk Jónsdóttir Málfarsyfirlestur: Ingólfur Steinsson
More informationHeilsuleikskólinn Fífusalir
Heilsuleikskólinn Starfsáætlun 18-19 Ágúst 18 Efnisyfirlit 1 Inngangur... 3 2 Um leikskólann... 3 2.1 Gerð leikskóla, húsnæði lóð og rými... 3 2.2 Námskrá, stefna, uppeldislegar áherslur, skipulag... 3
More informationFélagsþjónusta sveitarfélaga Municipal social services
2011:1 27. maí 2011 Félagsþjónusta sveitarfélaga Municipal social services Samantekt Frá árinu 1987 hefur Hagstofa Íslands leitað upplýsinga frá sveitarfélögum árlega um fjárhagsaðstoð, félagslega heimaþjónustu
More informationLeikskólinn Heklukot Ársskýrsla
Leikskólinn Heklukot Ársskýrsla 2011-2012 Efnisyfirlit 1 Almennar upplýsingar... 3 1.1 Gerð leikskóla, húsnæði, lóð... 3 1.2 Viðhald/Breytingar... 3 2. Starfsgrundvöllur... 3 2.1 Skipulag... 3 2.2 Uppeldislegar
More informationLokaorð Heimildaskrá Viðauki I Myndaskrá Viðauki II... 40
Ágrip Íslenskar barnateikningar á upplýsingaöld hafa ekki fengið verðskuldaða athygli. Þær eru dýrmætir upplýsingagjafar um þroskastig, hugarheim, áhugamál, upplifanir og reynslu einstaklinga, innsýn í
More informationVopnafjarðarskóli. Kennsluáætlanir haust bekkur. Kennarar. Ása Sigurðardóttir: íslenska. Sólrún Dögg Baldursdóttir: stærðfræði og lego - val
Vopnafjarðarskóli Kennsluáætlanir haust 2016 9. bekkur Kennarar Ása Sigurðardóttir: íslenska Sólrún Dögg Baldursdóttir: stærðfræði og lego - val Svava Birna Stefánsdóttir: enska Aðalbjörn Björnsson: danska
More informationHugarhættir vinnustofunnar
Uppeldi og menntun 21. árgangur 1. hefti 2012 RÓSA KRISTÍN JÚLÍUSDÓT TIR KENNARADEILD HÁSKÓLANS Á AKUREYRI Hugarhættir vinnustofunnar Lois Hetland, Ellen Winner, Shirley Veenema og Kimberly M. Sheridan.
More informationAðalnámskrá grunnskóla, hæfni og hæfnimiðað námsmat
Aðalnámskrá grunnskóla, hæfni og hæfnimiðað námsmat Hæfnimiðað nám og námsmat Málþing í Brekkuskóla 12. ágúst 2016 Rúnar Sigþórsson prófessor kennaradeild HA OECD: Þrjú meginsvið hæfni 2 Sjálfstæði í persónulegum
More informationKæling uppsjávarfisks fyrir vinnslu?
Upphaf mælinga í uppsjávarskipum Sigurjón Arason Yfirverkfræðingur Matís ohf. og Prófessor, Háskóli Íslands Dr. Magnea G. Karlsdóttir; Fagstjóri, Matís ohf. Ásbjörn Jónsson; Verkefnastjóri, Matís ohf Magnús
More informationRannsóknin sem hér er lýst og nefnd hefur verið
I INNGANGUR Gerður G. Óskarsdóttir Rannsóknin sem hér er lýst og nefnd hefur verið Starfshættir í grunnskólum var samstarfsverkefni fjölda aðila á árunum 2008 2013 með aðsetur á Menntavísindasviði Háskóla
More informationTölvu- og upplýsingatækni í fjórum grunnskólum Garðabæjar
Tölvu- og upplýsingatækni í fjórum grunnskólum Garðabæjar Sólrún Ársælsdóttir Lokaverkefni til B.Ed.-prófs Kennaradeild Tölvu- og upplýsingatækni í fjórum grunnskólum Garðabæjar Sólrún Ársælsdóttir Lokaverkefni
More informationMenntun til sjálfbærni og samstarf skóla og samfélags
Menntavísindasvið Háskóla Íslands Grein birt 31. desember 2010 Eygló Björnsdóttir og Stefán Bergmann Menntun til sjálfbærni og samstarf skóla og samfélags Sameinuðu þjóðirnar hafa lýst áratuginn 2005 2014
More informationÍslenskukennsla útlendinga við Háskóla Íslands
ÞÓRA BJÖRK HJARTARDÓTTIR Íslenskukennsla útlendinga við Háskóla Íslands 1. Fjöldi erlendra stúdenta Á liðnum áratug hefur erlendum stúdentum fjölgað gríðarlega við Háskóla Íslands. Haustið 2000 voru skráðir
More informationMaðurinn í málverki. eftir Ragnar Þórisson. Listaháskóli Íslands Myndlistardeild B.A.-ritgerð (janúar 2010) Leiðbeinandi: Ragna Sigurðardóttir
1 Maðurinn í málverki eftir Ragnar Þórisson Listaháskóli Íslands Myndlistardeild B.A.-ritgerð (janúar 2010) Leiðbeinandi: Ragna Sigurðardóttir 2 Efnisyfirlit INNGANGUR 3 ABSTRAKTMYNDIR 3 Þrír málarar abstrakt
More informationÍslenska 7 kennslustundir á viku Lestur, málfræði, stafsetning, ritun, ljóð, bókmenntir, skrift, hlustun, tjáning.
4. bekkur Markmið náms og kennslu í Áslandsskóla í öllum námsgreinum byggja á markmiðum Aðalnámskrár. Hægt er að finna Aðalnámsskrá grunnskóla í heild sinni á vef Menntamálaráðuneytisins: www.mrn.stjr.is
More informationNotkun á dýrum í listsköpun: Dýr sem list og list sem dýr
Notkun á dýrum í listsköpun: Dýr sem list og list sem dýr Listamaðurinn Heimir Björgúlfsson Svana Björg Ólafsdóttir Ritgerð til BA-prófs í listfræði Maí 2016 Háskóli Íslands Hugvísindasvið Háskóli Íslands
More informationNámsvísar Hvolsskóla. Elsta stig GLEÐI, VIRÐING, VINÁTTA
Námsvísar Hvolsskóla Elsta stig GLEÐI, VIRÐING, VINÁTTA 2015-2016 2 Efnisyfirlit Inngangur... 3 Íslenska... 3... 4 Stærðfræði... 3 Samfélagsfræði... 5 Náttúruvísindi... 6 Enska á elsta stigi... 7 Danska...
More informationEfnahagshrunið og skólastarf í tveimur íslenskum sveitarfélögum
Menntavísindasvið Háskóla Íslands Ritrýnd grein birt 31. desember 2012 Sigurlína Davíðsdóttir, Guðný Guðbjörnsdóttir, Anna Kristín Sigurðardóttir, Arna H. Jónsdóttir, Börkur Hansen, Ólafur H. Jóhannsson
More informationUNGT FÓLK BEKKUR
UNGT FÓLK 16 8.. BEKKUR Menntun, menning, tómstundir, íþróttaiðkun, heilsuhegðun, heilsuvísar, líðan og framtíðarsýn ungmenna í framhaldsskólum á Íslandi. ÆSKULÝÐSRANNSÓKNIR FRÁ 1992 Ungt fólk 16 Grunnskólar
More informationDagskrá Kaffihlé Málstofur 2 lotur Samantekt í lok dags og námstefnuslit
á vegum Miðstöðvar skólaþróunar við Háskólann á Akureyri 16. september 2016. Námstefnan er haldin í tengslum við ráðstefnuna Læsi skilningur og lestraránægja. Dagskrá 12.30 Skráning og afhending gagna
More informationEFLA Verkfræðistofa. STUÐLAR UM AFHENDINGU RAFORKU Árin Reykjavík, júní 2014
EFLA Verkfræðistofa STUÐLAR UM AFHENDINGU RAFORKU Árin 2004-2013 Reykjavík, júní 2014 2014, hf - Vinnslu efnis og frágang texta annaðist Kolbrún Reinholdsdóttir fyrir Verkfræðistofuna EFLU hf. ISSN ISBN
More informationStarfsþróun eflir nemendamiðaða faglega forystu. (Professional Development for Student Centered Leadership) Lokaskýrsla Erasmus+ verkefnis
Starfsþróun eflir nemendamiðaða faglega forystu (Professional Development for Student Centered Leadership) Lokaskýrsla Erasmus+ verkefnis 2017-2018 Menntaskólinn við Sund Project Summary The main elements
More informationNý persónuverndarlöggjöf 259 dagar til stefnu Alma Tryggvadóttir
Ný persónuverndarlöggjöf 259 dagar til stefnu Alma Tryggvadóttir Sérfræðingur í persónurétti Yfirlit Stóra myndin Skyldur GDPR Aðlögunarferli Áskoranir og praktísk ráð 2 3 Yfirlit: Hvað er GDPR?» GDPR
More information