Mensual independente da Ulloa Ano 7. Nº 77. Setembro O instituto de estudos ulloáns recibe o Premio Son d Aldea 2018

Transcription

1 Crónicas da Comarca Mensual independente da Ulloa Ano 7. Nº 77. Setembro 2018 PORtOMARÍN PALAS DE rei Polo seu labor cultural no eido do mundo rural O instituto de estudos ulloáns recibe o Premio Son d Aldea 2018 O Premio Son d Aldea 2018 foi concedido ao Instituto de Estudos Ulloáns (IEU) polo seu labor cultural no eido do mundo rural. Un premio entregado no marco da segunda xornada do festival Son d aldea 2018, celebrado en Santiago de Albá (Palas de Rei) o pasado 1 de setembro. O Instituto de Estudos Ulloáns ten como principal obxectivo o estudo, divulgación e protección do patrimonio cultural da comarca da Ulloa. Páx. 6 PALAS DE rei Pablo Taboada, alcalde Para min non existen partidos, o único que existe empeza por P e se chama Palas de Rei Pablo Taboada, alcalde de Palas de Rei, conversa con Crónicas da Comarca na antesala da celebración das festas grandes do seu municipio. Amósase agradecido coa veciñanza por todas as mostras de apoio que recibiu nos últimos tempos así como tamén moi recompensado pola confianza que os veciños amosan na súa persoa. Asegura con satisfacción plena que cumprimos case coa totalidade do noso programa, se ben remarca que para min non existen partidos, o único que existe empeza por P e se chama Palas de Rei. Sobre as festas, asegura que son humildes, acordes coa vila nas que se aproveita para as xuntanzas familiares e para un tempo de ocio en Palas, ao tempo que agradece a colaboración extraordinaria por parte dos veciños este ano. Páxs. 4 e 5 A Xunta remata a mellora do firme da estrada lu-612 entre Portomarín e Guntín Páx. 3 PAlAS de Rei A deputación rehabilitará máis de cinco quilómetros en tres estradas de Palas de Rei Páx. 11 MONteRROSO A deputación destina máis dun millón de euros a melloras no concello Páx. 2 comarca Promoven a creación do primeiro centro de interpretación da emigración de lugo Páx. 14 estreamos páxina web toda a información da comarca da ulloa e da provincia de lugo a un só click en:

2 2 Crónicas da Comarca - Setembro 2018 TABOADA A conselleira Ángeles Vázquez visitou á sociedade cooperativa galega Aira, beneficiaria destas axudas As axudas para o uso de maquinaria agrícola en común benefician a 63 entidades galegas A conselleira Ángeles Vázquez percorreu as instalacións de Aira SCG Un total de 63 entidades galegas, entre cooperativas e sociedades agrarias de transformación, benefícianse este ano das axudas da Consellería do Medio Rural para a utilización de maquinaria agraria en común, tal e como anunciou a conselleira Ángeles Vázquez durante unha visita ás instalacións da sociedade cooperativa galega Aira, adxudicataria desta liña de achegas. Trátase do exercicio no que máis expedientes se aprobaron da última década. A conselleira lembrou que o pasado mes de xullo se ampliou o crédito orzamentario para esta liña de subvencións ata os 4,8 millóns de euros, un 61% sobre o presuposto inicial, co fin de dar así resposta a todas as solicitudes que cumprían os requisitos establecidos na orde. Desta forma, salientou, o investimento realizado por estas entidades ascende a máis de 12 millóns de euros, entre compra de maquinaria e gastos derivados de estudos técnico-económicos de viabilidade. Se analizamos os datos por provincias, tal e como publica hoxe o Diario Oficial de Galicia, un total de 29 beneficiarios son da provincia da Coruña, 18 de Lugo, 15 de Pontevedra e 1 de Ourense. Todos eles teñen de prazo ata o vindeiro 31 de outubro para xustificar o investimento realizado. Ángeles Vázquez destacou a importancia destas axudas, pois permiten fomentar o uso de maquinaria agrícola en réxime asociativo na comunidade, co fin de introducir novas tecnoloxías no emprego deste tipo de equipamentos, á vez que se racionalizan os custes de mecanización, se reducen as emisións contaminantes e se fomenta o aforro enerxético. Nos últimos dez anos, a consellería destinou preto de 29 millóns de euros a esta liña de subvencións, chegando así a máis de 420 beneficiarios. Aira SCG Precisamente a sociedade cooperativa galega Aira recibirá unha cantidade de euros para un orzamento mobilizado de euros para a compra dun tractor, autocargador, dous cabezais de herba, un carro mesturador, unha macroempacadora, unha pala telescópica e unha segadora rotativa. A Sociedade Cooperativa Galega Aira é unha entidade de primeiro grao dende o día 1 de xaneiro de 2018, procedente da fusión das sociedades Aira, Icos, Agris, Coelplan e Cogasar. O valor contable do parque de maquinaria que ten actualmente é de preto de 5 millóns de euros, que permite dar cobertura e servizo a máis de gandeiros e agricultores. MONTERROSO As melloras beneficiaron aos veciños e veciñas da vila A Deputación de Lugo destina máis dun millón de euros a melloras en Monterroso A Deputación de Lugo fai balance dos cartos investidos no municipio de Monterroso ao longo destes tres últimos anos, a cifra económica ronda o millón e medio de euros cos que se executaron melloras que facilitaron a vida dos veciños e veciñas da vila. Non só se mellorou nas insfraestruturas senon tamén nas políticas sociais, no fomento do emprego ou na cooperación do organismo provincial co ente local para o aforro de gastos correntes, entre outros. Así, durante o ano 2015, os datos reflicten que o Concello de Monterroso adquiriu máis de euros para financiar os custos laborais das persoas contratadas no DepuEmprego, ou o reforzó con máis de euros para o Servizo a Domicilio. No tocante ás infraestruturas o importe que a Deputación destinou ao POS neste ano foi de preto de euros. O Plan de Tics e o Plan de Aforro, deixou euros e euros respectivamente na localidade. Monterroso recibiu cartos provinciais para financiar os gastos da Escola Municipal de Música, para o acondicionamento sonoro do escenario do Auditorio Municipal e para financiar as Escolas Deportivas Municipais. Dende o organismo provincial relsaltan o investimento da rehabilitación do inmoble anexo á residencia da terceira idade e centro de día ou a inversión no alumeado público. A maiores, foi ese ano tamén, en consonancia con anos anteriores, cando se lles entregaron fondos públicos a colectivos e asociacións da vila. Foi no ano 2017, cando se destinaron preto de euros ao concello monterrosino por parte da Deputación de Lugo. O Plan Único, co que se mellorou a pavimentación e os accesos a moitos núcleos rurais estivo dotado dun orzamento de euros. Para o impulso do medio rural, destináronse preto de euros e os fondos do emprego ese ano superaron os euros creando un total de 12 postos de traballo. Para benestar, que comprende a teleasistencia gratuita e o servio de benestar, o importe que se destinou foi de case euros. Tamén houbo fondos para destinados á cultura ese ano por importe de máis de euros, para o turismo de e para o deporte de euros. Aínda sen rematar o 2018, a Deputación de Lugo leva investido xa no Concello de Monterroso preto de euros. Os investimentos nas estradas provinciais e o acondicionamento da área recreativa da Peneda. No servizo de axuda ao fogar lévase investido euros que permiten neste presente ano prestar atención profesional a máis de persoas da Comarca. No correspondente ao Depuemprego destínanse para a contratación de desempregados da vila. Tamén se destinaron euros para a administración electrónica, que facilitará aos veciños os trámites do Concello a través de internet. Para cultura e deportes o importe é de 8000 euros para cada área e a Feira de Santos xa ten adxudicado unha axuda por importe de euros.

3 Crónicas da Comarca - Setembro PORTOMARÍN Nas obras se investiron máis de euros A Xunta remata a mellora do firme da estrada LU-612 entre Portomarín e Guntín A Consellería de Infraestruturas e Vivenda rematou as obras de mellora do firme da estrada LU-612 ao seu paso polos concellos de Portomarín e Guntín, nas que investiron máis de euros. O delegado territorial da Xunta en Lugo, José Manuel Balseiro, comprobou o resultado da actuación e explicou que, entre outros traballos, renovouse a capa de rodaxe con mestura asfáltica en quente nos preto de dez quilómetros que separan a travesía de Lousada (Guntín) e a ponte do río Ferreira en Portomarín. Conservación Segundo indicou Balseiro, tamén se rehabilitou o firme nas zonas deterioradas, renovouse a sinalización e acometéronse outras actuacións de seguridade viaria. Precisamente, indicou, só resta ultimar a sinalización horizontal coa instalación de resaltes termoplásticos en ambas beiravías, que axudan a evitar saídas de vía dado que son máis visibles e emiten ruído cando as pisa un vehículo. Balseiro explicou que se actuou en case 10 quilómeros: desde o inicio da travesía de Lousada ata a ponte do río Ferreira O delegado afirmou que o Goberno galego continúa a traballar no obxectivo prioritario de conservar a rede de estradas autonómica en óptimas condicións e coa fin de incrementar a seguridade viaria e proporcionar aos usuarios unhas vías cómodas que melloren os seus desprazamentos. Xornadas divulgativas da Capela de San Antoiño de Toques A Capela de San Antoiño, na parroquia de Santa María da Capela (Toques), abrirá as súas portas ao público durante os meses de xuño, xullo e agosto. A Capela contén nas súas fachadas vestixios de Arte pre-románico e no seu interior pódense ver pinturas murais do século XV e a imaxe do Calvario (século XII) coas explicacións oportunas a cargo dun especialista en Historia e Arte. O horario de apertura será: Sábados de 11:00 a 13:00 h. e de 17:00 a 20:00 h. Domingos de 11:00 a 13:00 h. Máis información: / Organizan: Concello de Toques

4 4 Crónicas da Comarca - Setembro 2018 ENTREVISTA Pablo Taboada, alcalde de Palas de Rei, amósase moi satisfeito porque, a falta de menos dun ano de mandato, Para min non existen partido existe empeza por P e se cham Pablo Taboada, alcalde do Concello de Palas de Rei, conversa con Crónicas da Comarca na antesala da celebración das festas grandes do seu municipio. Amósase agradecido coa veciñanza por todas as mostras de apoio que recibiu nos últimos tempos así como tamén moi recompensado pola confianza que os veciños amosan na súa persoa. Asegura con satisfacción plena que cumprimos case coa totalidade do noso programa, se ben remarca que para min non existen partidos, o único que existe empeza por P e se chama Palas de Rei. - Xa queda menos para o fin da lexislatura, como valora este tempo de goberno? - Quen normalmente valora a miña xestión son os veciños. Nós presentámonos cun programa de goberno no 2015 e a día de hoxe máis do 95% dese programa está cumprido. Só queda unha cousa que é a residencia da terceira idade, da que xa temos o edificio feito, construído polo goberno local de Palas de Rei, e está funcionando ao 50%, o que se corresponde ao Centro de Día e falta a parte residencial que estamos esperando por parte da Deputación de Lugo para que estea lista e que nos dean un trato similar ao que están dando a outros concellos. Satisfacción plena porque cumprimos así coa totalidade do noso programa. - Que retos lle quedan por cumprir antes de chegar a 2019? - Do noso programa electoral, só falta a apertura da residencia da terceira idade. E é algo que non depende unicamente do Concello de Palas de Rei. Estamos agardando tamén o que pode ser unha nova xestión das ITVs en Galicia que pode favorecer a nosa vila, temos avanzada algunha cousiña, pero o que realmente queda por cumprir do noso programa e que a residencia da terceira idade sexa unha realidade na vila. Satisfacción plena porque cumprimos case coa totalidade do noso programa Pablo Taboada lembra que só queda unha cousa, que é a residencia da terceira idade, a que a temos o edificio feito - Que lle pediría á Deputación neste final de mandato? - Pedímoslle un trato similar ao que reciben outros concellos da provincia. Queremos que nos axude coa apertura da residencia da terceira idade de Palas de Rei. Aprobouse esa axuda no Pleno de abril cos votos a favor do BNG, do PP e do deputado no adscrito, en contra o PSOE. Pero nós queremos velar polos intereses dos veciños, afastando calquer tema partidista e entendemos que a residencia de Palas xa tiña que estar aberta hai tempo. Fixemos un esforzo moi grande, cunha inversión de máis de dous millóns de euros por parte do Concello. Pedimos á Deputación de Lugo o mesmo trato que se lle deu a outros concellos que é cofinanciar as prazas da nosa residencia e colaborar así na xestión da nosa residencia. É sabido por todos os veciños de Palas que a nosa petición é que o organismo provincial colabore con nós ao igual que o fixo con outros concellos. - E á Xunta de Galicia? - Pedimos o mesmo que a Deputación, axuda para abrir a nosa residencia. Xa falamos con eles, pola súa parte colaboraron no último convenio mellorando o equipamento. Queremos poñer en marcha esta importante infraestrutura para o noso concello. - Xa levamos tempo coa autovía aberta, afectoulle negativamente a Palas de Rei a súa apertura como se dicía inicialmente? - Palas de Rei ten autovía, outros concello non teñen autovía. Esperemos que pronto a teñamos todos porque é importante que se remate o seu treito a Santiago de Compostela. Temos a sorte de dispoñer dun centro de conservación que dispón Hoxe en día o noso polígono empresarial conta con máis de douscentos empregados dun volume de traballo importante e en breve construirase a primeira área de servizo da A-54 que dispoñerá de máis de 30 postos de traballo. Por outra banda, pensamos que non afecta negativamente para nada, nos últimos anos, consideramos que deixou en Palas de Rei preto de dezaseis millóns de euros coas expropiacións. - Como vai a ampliación do polígono de Palas de Rei? - A segunda ampliación do polígono foi mercada por unha empresa local, e x atemos a terceira ampliación sobre a mesa na que xa hai parcelas reservadas. Como publica o estudio Ardán, a Ulloa é unha das comarcas galegas onde máis medra

5 Crónicas da Comarca - Setembro cumprimos case coa totalidade do noso programa s, o único que a Palas de Rei a riqueza das súas empresas. Iso significa moito. Traballamos nesa terceira fase, da que xa hai persoas interesadas en parcelas, que en breves se culminará. Quen o diría en Palas de Rei hai dez anos e hoxe o noso polígono conta con máis de 200 empregados. - Como valora a enquisa que realizou Crónicas da Comarca onde o Partido Popular, con vostede a cabeza, revalidaría a maioría? - Pablo Taboada soamente responde ante os veciños de Palas de Rei. Son eles os que determinan quen rexe o goberno. Estou agradecido e só me debo aos veciños da miña vila e non a ningún partido político, única e exclusivamente aos veciños de Palas de Rei, e dende aí, chegado o momento verase se podemos ou non podemos, é coñecida situación do noso equipo do Pedimos apoio para abrir a nosa residencia. Queremos poñer en marcha esta importante infraestrutura goberno. De todas formas, o meu agradecemento aos veciños de Palas, por depositar en min a súa confianza, seguramente tiven erros, pero o que sempre pretendín foi mellorar a situación económica do concello e intentar que o rural continuara vivo. Aquí seguiremos se os veciños deciden que este ten que ser o noso sitio. - Contempla a posibilidade de volver a ser candidato á alcaldía nas vindeiras eleccións? - O tempo o dirá, en todo caso en Palas hai moitísima xente que pode chegar á Alcaldía e pode facelo mellor ca min. Eu ao fin e ao cabo son un humilde traballo da vila ao que só lle interesan os intereses de Palas de Rei a diferencia de outros nos que priman os intereses particulares. Para min non existen partidos, o único que existe empeza por P e chámase Palas de Rei. Pablo Taboada fai un chamamento á veciñanza do municipio, así como de concellos próximos, a que participen nas Festas de Palas de Rei Nas festas contamos coa colaboración da maioría da veciñanza - Palas de Rei, está a piques de vivir as súas festas grandes, que supoñen para a economía palense? - Son unhas festas humildes, acordes coa vila nas que se aproveita para as xuntanzas familiares e para un tempo de ocio en Palas. Contamos este ano coa colaboración da maioría dos veciños, Teño que darlle as gracias porque este ano foi unha colaboración extraordinaria por parte dos veciños, superior a anos anteriores cunhas cotas acordes coas súas necesidades. O 90% dos negocios colaboraron con estas festas. Convido a todos os veciños e veciñas de Palas de Rei, así como tamén ás persoas doutros concellos, a achegarse a Palas de Rei durante esta fin de semana para gozar coas festas grandes. Unhas festas cun programa completo no que todo o mundo está representado, tanto pequenos como maiores, poderemos desfrutar da nosa comarca e da nosa gastronomía, dos nosos valores arquitectónicos e paisaxísticos. Para a economía local, Palas de Rei é final de etapa do Camiño de Santiago, este aspecto é un dos principais puntos a ter en conta no dinamismo da nosa vila. As festas complementan, non é unha parte principal do ano, pero si unha parte importante. Prima máis o reencontro coas nosas familias e o desfrute. Claro está, se a repercusión económica é positiva pois mellor que mellor. Agardo que todos os establecementos de Palas de Rei teñan un bo final de temporada turística, eu creo así está sendo. - Por último, cal é o esforzo que fai o Concello de Palas para que estas festas poidan celebrarse? - O Concello de Palas de Rei colabora con toda a infraestrutura. Hai unha ampla maioría que colaborou con estas festas, máis do 90%. Teño que darlle as gracias porque este ano foi unha colaboración extraordinaria, superior a anos anteriores. A minoría que non puido achegar a súa aportación, tamén lle agradezo e dalgunha forma, quizais este ano non participaron pero que o ano que ven que si o fagan e que se unan a este movemento. Que desfruten todos as festas, porque esta celebración non é de Pablo Taboada senón de todos os veciños e calquera interpretación de eido político está fóra de lugar. Son unhas festas humildes, acordes coa vila nas que se aproveita para as xuntanzas familiares e para un tempo de ocio en Palas

6 6 COMARCA A Xunta comenza as obras de mellora do firme na LU-212 e LU-642, en Monterroso e Taboada Crónicas da Comarca - Setembro 2018 PORTOMARÍN Sairá a licitación por un importe de euros A Xunta escolle Portomarín para o estudo dos plans de acción da paisaxe A Consellería de Infraestruturas e Vivenda comezou a finais de agosto as obras de mellora do firme nas estradas LU-212 e LU- 642, ao seu paso polos concellos de Monterroso, Sarria, O Incio e Taboada. Estas actuacións, cuxo remate se prevé antes de que finalice este mesmo ano, forman parte dun contrato máis amplo que se licitou por un importe de máis de euros. O proxecto contempla actuacións de mellora na estrada LU- 212, que conecta Taboada e Monterroso. O treito da actuación abrangue, en concreto, desde o PQ ao , reparando o firme nos puntos que presentan deformacións, mediante o fresado e reposición da capa de rodadura. Ademais, renovarase a sinalización. Neste contrato tamén se inclúe a LU-642, entre Oural e O Incio, onde está previsto mellorar a seguridade viaria e as condicións de circulación do tráfico rodado en 8,3 Km desta vía, en concreto, dende o punto quilométrico ao Nesta estrada construiranse cunetas tendidas de seguridade nalgúns puntos, ademais de renovar a sinalización e as barreiras onde é preciso. Reforzo do firme A Xunta de Galicia, coa execución deste tipo de traballos de mellora, continúa co desenvolvemento do Plan de reforzos de firme, que nos Orzamentos para 2018 incrementa de modo moi importante a súa dotación de 15 a 20 millóns de euros. O Goberno galego segue a traballar no obxectivo prioritario de conservar a rede viaria autonómica en óptimas condicións coa fin de incrementar a seguridade viaria e proporcionar aos usuarios unhas vías cómodas que melloren a súa calidade de vida, potenciando o desenvolvemento económico e social dos municipios galegos. A Consellería de Infraestruturas e Vivenda está a realizar importantes esforzos en materia de conservación de estradas, con actuacións que non só se limitan ás tarefas ordinarias de conservación, senón que ademais se complementan con obras de conservación extraordinarias. PALAS DE REI O Instituto de Estudos Ulloáns recibe o Premio Son D Aldea 2018 polo seu labor cultural no rural O Premio Son d Aldea 2018 foi concedido ao Instituto de Estudos Ulloáns (IEU) polo seu labor cultural no eido do mundo rural. Un premio entregado no marco da segunda xornada do festival Son d aldea 2018, celebrado en Santiago de Albá (Palas de Rei) o sábado 1 de setembro. O IEU é unha asociación cultural fundada segundo o modelo do Seminario de Estudos Galegos, pero coa particularidade de que é o único Instituto de Estudos que naceu nunha palleira, neste caso dunha pequena aldea da Ulloa. Os seus obxectivos son o estudo, a divulgación e a protección do patrimonio cultural da comarca da Ulloa (Palas de Rei, Antas de Ulla e Monterroso), onde desenvolve as súas variadas actividades culturais (ver E é esa a razón pola que lle foi concedido o premio: polo achegamento á cultura popular e ao mundo rural dende unha perspectiva académica. A Consellería de Medio Ambiente e Ordenación do Territorio licitará nos próximos días dous estudos piloto para deseñar propostas de mellora e integración paisaxística nun núcleo rural de Portomarín e nunha área urbana localizada entre Arteixo e A Coruña. Estes serán os primeiros concellos nos que se sentarán as bases para a elaboración dos futuros plans de acción da paisaxe, un dos catro instrumentos de planificación e xestión previstos pola Lei de Protección da Paisaxe de Galicia. O obxectivo da Xunta é dar un paso máis dentro da Estratexia da Paisaxe Galega coa realización de intervencións concretas de mellora e integración paisaxística en lugares que responden a algunha das peculiaridades identificadas polo Catálogo das Paisaxes de Galicia (periferias urbanas, zonas rurais de singular valor, etc.). Precisamente, as dúas zonas escollidas polo Instituto de Estudos do Territorio, dependente da Consellería de Medio Ambiente, cumpren estas premisas: por un lado, Estibada, unha área urbana paisaxisticamente degradada por diferentes causas, e por outro, Castromaior, un ámbito rural de importantes valores naturais, patrimoniais e culturais. Para lograr este obxectivo, é necesario realizar en primeiro lugar un estudo paisaxístico dos ámbitos de intervención co fin de obter a información precisa para poder chegar a un diagnóstico da situación actual da paisaxe. Esa análise previa será a que se utilice como base para avanzar, no seguinte paso, nunha proposta de actuacións enfocadas á protección, á mellora e á integración paisaxística de cada unha destas áreas. Castromaior Os dous estudos, que se sacarán a licitación nos próximos días por un importe global de euros, teñen un carácter de actuacións piloto, tanto porque serán os primeiros que se fan en Galicia, como porque servirán de referencia para a elaboración dos futuros plans de acción da paisaxe. Por esta razón, a súa execución requirirá dun equipo multidisciplinar con experiencia na elaboración de estudos ou plans de paisaxe. Cartel da última edición do Son D Aldea O estudo da contorna do núcleo de Castromaior sairá a licitación por euros. Trátase dunha zona cun asentamento de poboación e cun alto interese paisaxístico, que pode ser posto en valor potenciando os importantes valores culturais e naturais xa existentes. Neste ámbito territorial, ademais de conservarse edificacións tradicionais de interese patrimonial, está localizado o castro de Castromaior, dun gran valor cultural e paisaxístico, co cal se podería conectar o núcleo para configurar un lugar de especial interese paisaxístico e turístico. De feito, trátase dunha zona na que pode resultar eficaz a aplicación das distintas guías de integración paisaxística elaboradas pola Consellería de Medio Ambiente, como a Guía de cor e materiais, a Guía de caracterización e integración paisaxística de valados ou a Guía de boas prácticas para a intervención nos núcleos rurais, e na que se combinan os valores naturais, panorámicos e culturais con elementos susceptibles de mellora, como certos aspectos do núcleo e das explotacións agrarias e forestais da contorna.

7 crónicas da comarca - Setembro COMArCA Inleit ou Entrepinares entre as beneficiarias Os novos proxectos de tres industrias lácteas mobilizarán 38,5 millóns ActuAlidAde A Consellería de Medio Rural concedeu tres axudas a outras tantas industrias lácteas radicadas en Galicia por 12,6 millóns de euros. Estes fondos permitirán movilizar un investimento global de case 38,5 millóns de euros. As beneficiarias son Inleit, Queserías Entrepinares e Corporación Alimentaria Peñasanta. As axudas son para realizar investimentos en activos fixos materiais para a creación, ampliación e modernización das súas instalacións, destinadas á transformación ou comercialización de produtos agrarios. Estas axudas encádranse no Programa de desenvolvemento rural (PDR) para o período , cofinanciado pola Unión Europea a través do Fondo Europeo Agrícola de Desenvolvemento Rural (Feader). Esta medida ten unha repercusión directa sobre os cidadáns, porque contribúe ao sostemento do sector lácteo e ao mantemento dun eido estratéxico para Galicia, ao fomentar a transformación do leite producido en produtos de valor engadido. inleit Inleit, empresa de recente constitución, está construíndo na actualidade unha planta industrial para a obtención de proteínas lácteas por técnicas de filtración no polígono de Curtis-Teixeiro (A Coruña). O proxecto obxecto desta axuda ten por finalidade a obtención dun produto (permeato en po) destinado á industria alimentaria para a elaboración de chocolates, pastelaría, sopas, salsas e outros produtos lácteos. Os investimentos que se realizarán para acadar eses obxectivos superan os 12,5 millóns de euros e recibirán unha subvención de 4,4 millóns. QuESErÍA ENTrEPiNArES No caso de Queserías Entrepinares, o proxecto pretende ampliar as liñas de fabricación das instalacións da empresa situadas en Vilalba (Lugo), introducindo novos formatos para o envasado e lascado de queixo e elaborando novos produtos. Para iso a empresa realizará investimentos en instalacións e maquinaria destinadas a ese fin por valor de 10,4 millóns de euros, recibindo unha achega de 3,6 millóns por parte da Xunta. Con esta iniciativa, a empresa, que dá emprego a 97 traballadores, ten previsto incrementar nun 50% a súa produción de queixo. PEÑASANTA Por último, o proxecto de Corporación Alimentaria Peñasanta busca ampliar a industria láctea situada en Lugo coa instalación dunha nova liña de envasado de leite UHT en botella de polietileno de alta densidade, para mellorar a produtividade da planta e aumentar a súa versatilidade. Esta liña permitirá adaptarse ás novas demandas do mercado de leite, contribuíndo con iso a garantir a viabilidade da fábrica, aumentando o volume de leite recollido e mellorando o emprego na zona. O investimento subvencionable supera os 15,4 millóns de euros, cunha axuda de 4,6 millóns. Nos tres casos, os investimentos iniciaranse neste ano e está previsto que rematen no PALAS DE rei O Concello renovará os vestiarios do campo de fútbol O Concello de Palas renovará os vestuarios do campo de fútbol dos Chacotes. Unha vez concluidas as obras de acondicionamento dun céspede artificial de nova xeneración e acondicionamento e mellora do perimetral do campo de fútbol que supuxo unha inversión de preto de euros e que fixo que Palas de Rei posea, na actualidade, dun dos mellores campos de herba sintética da Comarca. Tras estas obras, procederase á renovación da cuberta, instalacións de fontanería e eléctrica ao que virá unido, as obras do ano pasado, esta nova inversión no campo de fútbol palense ronda os euros. ABERTO DE MARTES A DOMINGO Horario de verán (do 1 de abril ao 31 de outubro) De 11:00 a 14:00 horas De 16:00 a 20:00 horas Horario de inverno (do 1 de novembro ao 31 de marzo) De 12:00 a 17:30 horas

8 8 Crónicas da Comarca - Setembro 2018 COMARCA A empresa lalinense Taboada y Ramos SL foi a encargada de executar as obras A Deputación acometeu unha importante actuación de bacheo de estradas na zona A empresa lalinense Taboada y Ramos SL vén de executar durante estes últimos meses un intenso traballo de bacheo para a recuperación das estradas provinciais na zona 4, a correspondente aos municipios de Monterroso, Antas de Ulla, Portomarín, Páramo, Sarria, Paradela, Guitiriz, Begonte, Friol, Guntín e Palas de Rei. Esta zona 4 é unha das oito áreas nas que a Deputación Provincial de Lugo divide o territorio lucense para acometer o seu Plan de Conservación de estradas, que leva executando dende o ano Unha iniciativa coa que o Goberno da Deputación pretende que a rede viaria da provincia estea nas condicións adecuadas en calquera época da ano para poder transitar por ela, ao tempo que se incrementa a seguridade para os condutores que no seu día a día utilizan algún treito desta rede viaria. TRABALLOS REALIZADOS Podemos resaltar que o principal traballo realizado entre a segunda quincena do mes de abril de 2018 até finais de xuño de 2018 foi o arranxo de fochancas mediante mestura bituminosa en frío, traballo realizado en practicamente todas as estradas englobadas na zona 4. Mais non foron éstes os únicos traballos realizados para a conservación das estradas, Taboada y Ramos SL tamén realizou limpezas nas cunetas para mellorar a visibilidade de condutores e aumentar así a seguridade nestes treitos. Así mesmo, a empresa concesionaria destes traballos tamén tivo tempo para acometer varias melloras na estrada LU-P 2403, entre os puntos quilométricos 0+00 ao 0+220, no concello de Guntín. Unhas melloras que incluiron o reforzo do firme esta vía. CALIDADE DE VIDa Finalmente, Taboada e Ramos SL tamén acometeu distintos traballos de mantemento normais, como poden ser a retirada de arbores ou a atención aos accidentes Todas estas melloras, executadas pola firma lalinense Taboada y Ramos SL e que foron promovidas e financiadas pola Deputación Provincial de Lugo, repercutiron nunha mellor seguridade viaria así como da calidade de vida dos numerosos veciños e veciñas que a cotío utilizan estas estradas. Diversas actuacións de bacheado que levou a cabo a empresa Taboada y Ramos SL durante estes últimos meses

9 Crónicas da Comarca - Setembro PALAS DE REI Un grupo de xaponeses da Asociación do Camiño en Shikoku Henro visitaron o municipio Palas de Rei promove o Camiño de Santiago en Xapón Un grupo de xaponeses pertencentes a Asociación do Camiño en Shikoku Henro entrevistáronse co alcalde de Palas, Pablo Taboada de cara a colaboración, nunha ruta de peregrinación (versión corta da xa establecida en Xapón Shikoku Henro), a realizar para 2019, que percorrerá 135 quilómetros de templo en templo, estímase unha duración de 6 días por grupo de participantes maioritariamente mozos e mozas da Universidades e Bacharelato xaponeses, unha vez completada outórgaselles aos participantes un certificado personalizado. O alcalde palense, que acolleu con agrado a idea de cara a promoción de Palas de Rei e os seus recursos, paisaxísticos, histórico-artísticos, culturais e incluso gastronómicos, entre a sociedade xaponesa, así como, amosou a dispoñibilidade do Concello de Palas de Rei de cara a colaboración con esta Asociación de Camiñantes Xaponeses e incluso concretaron un punto de emprazamento dun marco do irmandamento de culturas. Actualmente a ruta xaponesa Shikoku Henro ten quilómetros de distancia e abrangue cidades xaponesas como: Kanonji e a de Takamatsu.

10 10 PALAS DE REI A Festa dos Maiores terá lugar o 21 de setembro no pavillón dos Chacotes Un ano máis, o Concello de Palas de Rei organiza a Festa dos maiores, que se celebrará o vindeiro venres 21 de setembro no Pavellón Municipal dos Chacotes. Un acto ao que están convidados todos os maiores naturais do termo municipal de Palas de Rei. Tan só teñen que confirmar asistencia nas dependencia do Concello. A Festa, que arranca cunha misa solenme, contará cun variado menú, e animación musical. Tamén habrá agasallos para o home e muller máis lonxevos presentes nos actos PALAS DE REI O Concello mellorará a cuberta da Casa da Cultura O Concello de Palas de Rei vén de informar que nos próximos días comezará coas obras de melloras da cuberta da Casa de Cultura. Uns traballos que están destinados a mellorar a estructura do edificio e evitar a aparición de pingueiras e posibles filtracións de auga no inmoble en época de choivas. Crónicas da Comarca - Setembro 2018 MONTERROSO A Xunta instala unha pasarela na LU-221 para mellorar a seguridade A Consellería de Infraestruturas e Vivenda da Xunta de Galicia vén de instalar unha pasarela peonil na estrada autonómica LU-221 no punto quilométrico 0,800, a escasos metros do casco urbano de Monterroso. O orzamento desta actuación de seguridade viaria ascendeu a euros. O delegado territorial da Xunta en Lugo, José Manuel Balseiro, explicou que se trata dunha medida de seguridade viaria para evitar que os peóns se vexan obrigados a invadir a estrada neste punto, que é moi utilizado polos transeúntes pola súa proximidade á poboación. Balseiro engadiu que así se da resposta a unha necesidade dos veciños, que atopaban que neste espazo de 70 metros de lonxitude non había amplitude suficiente para camiñar pola beiravía. Solución Como solución, instalouse adosada á plataforma da estrada unha pasarela peonil de pino vermello tratado, de 68 metros de lonxitude e que discorre paralela á beiravía pola marxe esquerda; conta cunha anchura de 1,50 metros e varandas de protección a ambos os lados. A pasarela conta con varandas de protección a ambos lados PALAS DE REI Melloras nos accesos entre San Breixo e o Castelo de Pambre O Concello de Palas de Rei vai mellorar os accesos entre San Breixo e o Castelo de Pambre cunha axuda de euros da Secretaria Xeral para o Turismo, complementada con euros de fondos propios. As obras, que teñen un prazo de execución dun mes, que consistirán no adoquinado e no formigonado ornamental do acceso que conduce de Pambre a San Breixo. Crónicas da Comarca Crónicas da Comarca. Edición da comarca da Ulloa. Depósito Legal: C Director: Antonio Vázquez Fernández. Telf: Redacción: cronicadacomarca@gmail.com Imprime: Publicaciones Tameiga SL

11 Crónicas da Comarca - Setembro PALAS DE REI O Goberno Provincial investirá euros no municipio A Deputación rehabilitará máis de cinco quilómetros en tres estradas de Palas O deputado de Relacións Institucionais, Álvaro Santos Ramos, informou da aprobación en Xunta de Goberno dos plans de seguridade e saúde no traballo, un documento imprescindible para poder iniciar as obras, para melloras en 37,5 quilómetros de 17 estradas provinciais en 8 Concellos da provincia, que contan cun investimento da Deputación de 1,1 millóns de euros. Logo da aprobación deste documento, os traballos comezarán nas vindeiras semanas. En Palas de Rei contémplase a rehabilitación de 5,127 quilómetros en 3 estradas, cun investimento de euros. Son a LU-P-4005 Ferradal Novo (N-547) Igrexa de Vilar de Donas, entre os puntos quilométricos 0 e 1,302; a LU-P-4006 Palas de Rei (N-547) Quindimil, dos puntos quilométricos 0 e 0,525, e na LU- P-4008 Leilón (LU-P-4001) Pambre Batán (Límite Provincia), do punto quilométrico 0 a 3,3. Resto de actuacións O resto de actuacións terán lugar nas Nogais (rehabilitación de 4,7 quilómetros de 2 estradas, con Álvaro Santos presentou os acordos do Goberno da Deputación de Lugo euros) e en Carballedo (rehabilitación de 6,8 quilómetros de 2 estradas, con euros). No Páramo rehabilitaranse 2,2 quilómetros de 1 estrada, con euros; mentres que en Vilalba actuarase en 6,5 quilómetros de 3 estradas, con euros. En Lugo procederase á rehabilitación de 7,6 km de 4 estradas, con euros; mentres que no Vicedo rehabilitaranse 3,5 km de 1 estrada, con euros. Por último, en Negueira de Muñiz investiranse euros na rehabilitación de 1 quilómetro da estrada LU-P MONTERROSO A Xunta ten previsto obras e servizos por importe de 1,3 millóns de euros na localidade José Manuel Balseiro visitou Monterroso acompañado polo alcalde De aquí a final de ano a Xunta ten previsto mobilizar investimentos por valor de 1,3 millóns de euros para impulsar distas obras ou servizos a favor da veciñanza do Concello de Monterroso. Así o explicou o delegado territorial da Xunta, José Manuel Balseiro, durante unha visita na que estivo acompañado do alcalde, Miguel Rico, e doutros representantes municipais e na que se aproveitou para presentar unha das obras futuras de maior importancia polo seu importe: a mellora dos accesos ao polígono industrial. Con todo, estes son os investimentos, xa confirmados, poden engadírselle investimentos adicionais en función de novas axudas que poidan resolverse nos próximos meses. A Xunta financiará con euros (o 80% do orzamento total) estas obras, pensadas especialmente para garantir a capacidade de manobra do tráfico pesado, ao ensanchar a entrada dende a N-640 dos 5 metros de anchura actual aos 13,50 metros de anchura futura, o que contribuirá a mellorar a comodidade e seguridade ao tráfico. Entre outros traballos, será preciso demoler as aletas de formigón do actual paso inferior que conecta con Seteiglesias para reconstruílas cunha disposición que permita ampliar o acceso, o que convela a escavación en roca dos terreos anexos e reposición dos servizos de abastecemento, media tensión, gas ou telecomunicacións afectados. Pero tamén hai outras actuacións previstas, por exemplo no ámbito rural, con achegas directas da Xunta, por un importe total de euros, para a mellora de estradas e camiños municipais, ou con axudas directas para agricultores e gandeiros locais por importe de euros. Tamén no ámbito das infraestruturas os proxectos a acometer nos vindeiros meses inclúen a mellora da estrada autonómica LU-212, Monterroso-Taboada, que conta cun orzamento de euros. Recentemente a Xunta cumpría unha petición veciñal, e instalaba unha pasarela peonil na estrada autonómica LU-221 a escasos metros do casco urbano de Monterroso, e na que se investiron euros. A Xunta tamén achega de cara aos próximos seis meses o financiamento necesario para o sostemento do servizo de axuda no fogar para persoas dependentes, con euros, ou os recursos do Fondo de Cooperación Local, que non son finalistas e que o concello pode destinar con liberdade a aquelas obras ou servizos que estime acaídas ata un total de euros.

12 12 Crónicas da Comarca - Setembro 2018 COMARCA Os traballos foron executados pola empresa lalinense Construcciones Rafer SL Máis dun millón de euros para manter e conservar as estradas provinciais na zona A Deputación de Lugo executa un Plan de Conservación de estradas dende o ano 2015 co que se pretende que a rede viaria da provincia este nas condicións adecuadas en calquera época da ano para poder transitar por ela. Con esta iniciativa increméntase a seguridade para os condutores que no seu día a día utilizan algún treito desta rede viaria. Para poder levar a cabo este plan, a Deputación de Lugo dividiu o territorio lucense en oito zonas. A zona 8 é a correspondente aos municipios de Chantada, Carballedo, O Saviñao, Taboada, Monforte, Pobra de Brollón, Sober e Pantón nos que se realiza un investimento neste período de euros. Os traballos foron executados pola empresa lalinense Construcciones Rafer SL. TRABALLOS REALIZADOS Ao longo do ano 2018 foron moitos os traballos realizados para a conservación das estradas dos municipios da zona 8. A empresa encargada de executar os traballos realizou limpezas nas cunetas para mellorar a visibilidade de condutores e aumentar así a seguridade nestes treitos. Tamén se realizaron actuacións nos días de temporais que consistiron en manter limpa de maleza e restos de árbores as estradas para que os veciños puidesen utilizalas con total normalidade. Todas as melloras que foron realizadas repercutiron nunha mellor calidade de vida dos veciños e veciñas que a cotío utilizan estas estradas.

13 Crónicas da Comarca - Setembro PUBLICIDADE

14 14 crónicas da comarca - Setembro 2018 XeNte daquí COMArCA Ubicarase na casa dos Castro, no municipio de Láncara Promoven a creación do primeiro centro de interpretación da emigración de lugo Deputación Provincial de Lugo, Concello de Láncara e Asociación da Amizade únense polo obxectivo común A Deputación, o Concello de Láncara e a Asociación de Amizade e Solidariedade promoven a creación do primeiro Centro de interpretación da Emigración na provincia de Lugo con sede nun lugar tan simbólico como é a casa da familia Castro. Así o avanzaron o presidente da Deputación, Darío Campos Conde; o alcalde de Láncara, Darío Piñeiro; o secretario da CEL, Jaime López; xunto a representantes da Asociación da Amizade e da Solidariedade, e un familiar directo dos Castro, María Teresa López; na visita feita ao municipio lancarés. Logo da cesión da casa dos Castro á Asociación da Amizada e Solidariedade, fixáronse os pasos a seguir, que deben arrancar coa necesidade máis urxente de rehabilitar a vivenda, que se atopa abandonada desde fai varias décadas. Para afrontar esa actuación de conservación e acondicionamento do inmoble é importante a implicación tanto das administracións como da iniciativa privada. É por iso que a Asociación será a encargada da redacción desta proxecto básico para, de seguido, determinar as posibles vías de financiamento. O presidente destacou que a posta en marcha do Centro de interpretación é un proxecto moi importante para o Concello de Láncara e o seu contorno, pero tamén para toda a provincia de Lugo e de Galicia, xa que servirá para recordar, agradecer e recoñecer a valentía e compromiso de todos os galegos que unha vez, tiveron que abandonar a súa terra, as súas raíces, na busca dun futuro máis próspero. Ademais, Campos Conde apuntou o importante pulo turístico que implicará dispor do Centro de interpretación da Emigración neste municipio lucense, o que da axudará a dinamizar e desestacionalizar o turismo, ao tempo que creará riqueza. POSTA EN valor O alcalde de Láncara puxo en valor que as boas relacións entre o Concello e o Goberno de Cuba, especialmente coa familia Castro, o que permitirá a construción no nos Concello deste centro. Agora toca concretar o proxecto para o que debemos ir da man da Asociación e da familia que xa nos anunciou a súa intención de involucrar ao prestixioso historiador Eusebio Leal. O presidente da Asociación sinalou que a creación do Centro persegue poñer en valor a traxectoria e impacto do pobo galego en América debido ao fenómeno migratorio, partindo dunha familia cuxos membros teñen un papel destacado na historia mundial. A casa dos Castro simboliza moito para Láncara, e agora aínda máis. O secretario da CEL apuntou que a creación do Centro, á marxe do plano social e cultural, tamén pode ser unha gran oportunidade para tender pontes no ámbito comercial e empresarial. Láncara, coa creación do Centro pode converterse na porta de entrada para os empresarios galegos en xeral e os lucenses en particular nos mercados latinoamericanos. Alicatados Albañilería en general JOSE MANUEL CURRÁS LÓPEZ Telf: VILLAMOR Toques (A Coruña)

15 Crónicas da Comarca - Setembro PUBLICIDADE

16