Augustus 2017 Die Voorsitter van die Kerkraad NG Gemeente Geagte Dominee en Kerkraad Ondersteuning aan die Dowes: hoe kan hulle glo sonder om te hoor 136 Jaar gelede was die NG Kerk die stigter van die Nasionale Instituut vir Dowes. Hierdie band is steeds onbreekbaar. U jaarlikse bydraes aan ons is van onskatbare waarde. U gemeente se oop harte kan persone met gehoorverlies bemagtig om God te ken en voluit te lewe. Ons doen n beroep die liggaam van Christus om dié te steun wat dit moelik vind om self te staan... U dra by deur die volgende: 1. Sinodale Deuroffer vir die Nasionale Instituut vir Dowes: Die Nasionale Instituut vir Dowes is die enigste instansie in Afrika wat die volle spektrum van behoeftes van Dowes aanspreek. Die deuroffer vir die NID maak dit moontlik om ons dienste aan dowes met uitnemendheid voort te sit. Sien bykomende inligting par 1 2. Sinodale Deuroffer vir Bediening aan Dowes: Geestelike bediening aan Dowes is uiters skaars. Dit is in werklikheid n spesialisveld, omdat Dowes se gestremdheid wentel om taal en kommunikasie. Anders as met baie ander gestremdhede - moet daar spesiaal gefokus word op die manier waarop die Woord van die Here gekommunikeer word aan Dowes. Sien bykomende inligting par 2 3. Spesiale Bydrae of deuroffer: Opleiding en ondersteuning van geestelikge werkers Die NID is die eerste instansie in Afrika wat met die opleiding van Dowe leraars begin het. Oorweeg asseblief ook, indien enigsins moontlik, ʼn deuroffer of bydrae uit u getuienisbegroting vir die opleiding van hierdie skaars noodsaaklikheid. Sien bykomende inligting par 3 Ons vertrou dat u die erns van ons saak begryp. Dankie dat u verstaan dat ons nie ons dienste kan lewer sonder die nodige finansiële ondersteuning nie. Dowes beskik oor n onsigbare gestremdheid daarom is dit dikwels maklik om hul nood aan ondersteuning mis te kyk. Goedhartigheid is n taal wat Dowes kan hoor. Dankie dat u nie hierdie deel van Christus se liggaam ontken nie. Dankie dat u deel bly van n netwerk van liefdevolle hande en harte wat ons diens aan die Dowes moontlik maak.
Ons bid oor u die keur van seën uit God se hand. Vriendelike groete Natale Roelofse ADJUNK-UITVOERENDE DIREKTEUR BREEK DIE STILTE Voltooi asseblief die meegaande vorm en pos, faks of e-pos terug aan: Die Nasionale Instituut vir Dowes Posbus 941 Tel : 023 342 5555 WORCESTER Faks : 023 342 8866 6849 E-pos : relations.fr@nid.org.za Die NG GEMEENTE. is bereid om die volgende datums in 2018 vir die sinodale deuroffers en/of preek- of spreekbeurt af te staan. SINODALE DEUROFFERS Vir die Nasionale Instituut vir Dowes op Vir die Bediening aan Dowes op SPESIALE DEUROFFER Vir die Nasionale Instituut vir Dowes op AANTAL DOWES IN GEMEENTE:.............. Skriba / Leraar Datum Kontaknommer E-pos Page 2 of 5
Page 3 of 5
BYKOMENDE INLIGTING Elke deuroffer spreek n spesifieke behoefte aan soos deur die Sinode goedgekeur. Par 1 Die Sinodale deuroffer vir die Nasionale Instituut vir Dowes (NID) word as volg aangewend: Par 2 Par 3 Bejaardesorg vir Dowes in tehuis op Worcester; Residensiële versorging van volwasse Dowes met meervoudige-gestremdhede (die enigste in Suid- Afrika en Afrika); Ondersteuning van die De la Batskool vir Dowes; Beroepsopleiding aan NID Opleidingstudente Ook vir verdere geestelike versorging van Dowes by NID. Die Sinodale deuroffer vir die Bediening aan Dowes Geestelike versorging van Dowes deur twee gemeentes (Worcester en Bellville) so ver as Vredendal en George; Geestelike bediening aan leerders van De la Batskool, Nuwe Hoop Sentrum vir Gehoorgestremdes, albei op Worcester, en leerders by Noluthando Skool vir Dowes in Khayelitsha; Geestelike bediening aan NID Kollege studente vanoor die hele Suid-Afrika en buurlande; Geestelike bediening aan volwasse meervoudig-gestremde Dowes Geestelike bediening aan bejaarde Dowes in twee ouetehuise vir Dowes. Opleiding en ondersteuning van geestelike werkers Die geestelike nood onder Dowes is angswekkend groot! Page 4 of 5 Die NID het gedurende April 2006 met die opleiding van dowe leraars begin by die eerste teologiese kollege vir Dowes (Deaf Christian Ministry Africa) in Suid-Afrika en Afrika. Onderrig word gedoen in Suid-Afrikaanse Gebaretaal met leermateriaal van Veritas Kollege International, die NG Kerk en die AGS in SA in samewerking met die Fakulteit Teologie van die Universiteit van Stellenbosch. 16 kandidate het reeds hul opleiding voltooi, en is na verskillende gemeentes regoor Suider-Afrika uitgeplaas en lewer wonderlike dienste tot so ver as Ghana! Hierdie opleiding resorteer vanaf 1 Julie 2017 onder Hugenote Kollege. Ons droom dat al die Dowes in Suid-Afrika en uiteindelik ook Afrika die Evangelie van Jesus Christus in hulle eie taal, Gebaretaal sal kan hoor.
Omvang van geestelike bediening aan Dowes en persone met gehoorverlies. Twee NG gemeentes bedien ongeveer 1200 Dowes en persone met gehoorverlies in die Wes-Kaap en aangrensende gebiede. Afgesien van verskeie bedieningspunte, word onder andere na ongeveer 600 Dowe kinders, sowat 80 meervoudiggestremde Dowes, 65 bejaarde Dowes, en 130 dowe studente van regoor Suidelike-Afrika by NID-Opleiding, geestelik omgesien. Die verskil tussen dowe gemeentes en horende gemeentes: Lidmate is Doof met n eie unieke Dowe kultuur wat totaal verskil van die horende kultuur; Gemeentes is ware missionale gemeentes; Lidmate is hoofsaaklik uit die laer inkomstegroepe. Dowes het nie dieselfde bevorderingsgeleenthede as horendes nie, juis as gevolg van kommunikasie- en gevolglike inligtingstekorte; Dowes sosialiseer veral rondom die kerk. As gevolg van die isolasie van Dowes binne die horende wêreld, is dowe gemeentes veel meer as net n kerk. Die volgende sal werklik baie waardeer word: Bid asseblief gereeld vir NID en die gemeentes vir Dowes. Ons sal dit ook regtig waardeer as die deuroffers nie in vakansietye of afnaweke is nie. Net soos dit u deuroffers affekteer het dit ook n direkte invloed op ons werksaamhede, en sal die eerste Sondag na n skoolvakansie of nagmaal-sondag n goeie keuse wees. Kies gerus uit die voorgestelde datums: 6, 13, 20, 27 Mei of 3, 10 Junie of 19, 26 Augustus of Maand vir Dowes 2, 9, 16 September Gee asseblief die toepaslike inligting deur aan u gemeente. Kom besoek ons as groep of tydens n erediens. Dit is n onvergeetlike ervaring. Skakel ons asseblief indien ons kan help met die geestelike bediening van moontlike dowe lidmate in u gemeente. How can they believe in the One of whom they have not heard? And how can they hear without someone preaching to them? Romans 10:14 Page 5 of 5