MEEGEVOEL. Ned Geref Gemeente Lyttelton-Oos DIE HEROUT Sondag, 17 Februarie 2013 Hartlik welkom in die erediens vanoggend

Transcription

1 Ned Geref Gemeente Lyttelton-Oos DIE HEROUT Sondag, 17 Februarie 2013 Hartlik welkom in die erediens vanoggend Webtuiste: SONDAG, 17 FEBRUARIE Verslae KR / Deurkollekte Jeug Groeigroepe Week 2 09:00 Erediens: Freddie Schoeman (Tema: Psalm 23 Lewensmoegheid. Wat is die kuur?) 09:00 Kindereredienste Senior Kategese 11:00 Gemeenteseminaar MAANDAG 18 FEBRUARIE 19:00 Bedryfspanvergadering DINSDAG, 19 FEBRUARIE 09:00 Sustersbiduur/Bybelstudie WOENSDAG, 20 FEBRUARIE 17:00 Biduur SATERDAG 23 FEBRUARIE 08:30 13:00 Quiet Day SONDAG, 24 FEBRUARIE Sakelys K/R / Deurkol Motorwag Groeigroepe Week 3 09:00 Erediens: Freddie Schoeman (Tema: Psalm 23 Onsekerheid. Hoe hanteer ek dit?) 09:00 Kindereredienste Senior Kategese 10:30 Leierskapseminaar DINSDAG, 26 FEBRUARIE 09:00 Sustersbiduur/Bybelstudie WOENSDAG, 27 FEBRUARIE 17:00 Biduur 19:00 Kerkraadsvergadering (Begroting) WIL JY GRAAG GROEI IN JOU GELOOF? 'n Sterk geloof stel ons in staat om die lewe en al sy uitdagings met geloofsmoed tegemoet te gaan. GEMEENTESEMINAAR 17 Februarie :00-14:00 (Sluit bring en deel middagete in) Koste: 'n Bordjie eetgoed NUWE INTREKKERS Ons wil julle graag so gou moontlik tuis laat voel en deel maak van ons geloofsgesin! Bly gerus na die diens agter dan ontmoet ons mekaar voor die kansel. Julle kan ook ds Freddie Schoeman ( ) of Max Amsenga ( ) skakel. VOORBIDDING Frans en Elma van der Westhuizen, Fitspatrick 50, met Elma wat n rugoperasie ondergaan het. Trudie van Niekerk, Mont Valon 26 wat herstel na ʼn motorongeluk. Bets Redelinghuys, Ridgewood 33, wat n terugslag ervaar en verdere behandeling moet ondergaan. Johan en Retha Wessels, Krugerln 177 met Retha wat nog behandeling ondergaan. MEEGEVOEL Ons betuig graag meegevoel met die Van der Merwe familie Dries en Rina) en hul kinders (veral Pierre en Lisle) met die tragiese afsterwe van hul kleinseun/seun Gustav. Mag u almal die Here se liefde en vertroosting ryklik ervaar in die tyd wat kom. Ons bid julle sterkte toe. 1

2 PREEK : SONDAG 10 FEBRUARIE 2013 Waarom is n sterk geloof belangrik? n Sterk geloof stel ons staat om die lewe en die aanslae van die lewe te hanteer / dit help ons om staande te bly as die een golf na die ander oor ons spoel. Dit stel ons ook in staat om geleenthede wat die Here vir ons gee met moed aan te pak. Dit help ons dus om die goeie en die slegte van die lewe te hanteer. n Sterk geloof gee kwaliteit aan ons lewens en bring vreugde. Daar is egter n paar dinge wat ons geloof bedreig. Dit werk soos water wat dolomiet wegkalwe en uiteindelik n sinkgat veroorsaak. Die een oomblik dink jy jy staan sterk en die volgende oomblik gee alles onder jou pad. Die dinge wat ons geloof wegkalwe is bekommernis, moegheid, onsekerheid, krisisse, seerkry en vrees. Hoe kan ons dit oorkom? Hoe kan ons keer dat dit ons geloof wegkalwe? Hoe kan ons keer dat hierdie dinge ons beroof van ons lewenskwaliteit en lewensvreugde? Psalm 23 gee vir ons telkens die antwoord. Ons gaan die volgende paar weke na elkeen van hierdie bedreigings kyk en ons gaan kyk na hoe Psalm 23 ons kan help om dit die hoof te bied. Ons begin vandag by bekommernis. Ons is bekommerd oor ons kinders, oor ons ouers, oor ons gesondheid, oor ons finansies. Ons is bekommerd oor die situasie in die land. Ons het rede om bekommerd te wees. Dit is egter ook waar dat dit waaroor ons bekommerd is, baie sê oor ons. Ons bekommernisse verraai die dinge wat regtig vir ons belangrik is. Psalm 23 sê egter: Die Here is my Herder, ek kom niks kort nie Wat doen ʼn herder? Hy sorg vir sy skape, Hy beskerm hulle, en Hy lei hulle. Ons sal by die beskerm en lei by volgende geleenthede uitkom. Vandag fokus ons op die sorg. Sorg beteken dat hy voorsien in hulle behoeftes. As die Here ons Herder is, beteken dit dat Hy in ons behoeftes sal voorsien. As ons werklik die betekenis en implikasies hiervan verstaan en ons eie maak, sal ons nooit weer in ons lewens bekommerd hoef te wees nie. Dit gaan basies oor die vraag: wie is in beheer van jou lewe. Glo jy dat die Here in beheer van jou lewe is soos wat ʼn herder in beheer van sy skape is? Of is jy eintlik in beheer van jou eie lewe? As jy in beheer van jou lewe is dan het jy regtig rede om bekommerd te wees! Die feit dat ons bekommerd is oor dinge is dikwels ʼn aanduiding dat ons nog nie die beheer van ons 2

3 lewens aan God oorgegee het nie. Wanneer ons die beheer van ons lewens vir die Here gee, verdwyn bekommernis. Kom ons kyk na die betekenis en implikasies van die Here se sorg vir ons. ʼn Gedeelte in die Nuwe Testament Jesus se eie woorde help ons baie in hierdie verband. Matteus 6: Daarom sê Ek vir julle: Moet julle nie bekommer oor julle lewe, oor wat julle moet eet of drink nie, of oor julle liggaam, oor wat julle moet aantrek nie. Eet drink en aantrek was dinge waaroor die mense van Jesus se tyd begaan was. Jesus se gehoor het bestaan uit mense wat leeggesuig was deur die Romeinse en die Joodse owerhede met hulle swaar belastingstelsel. Hulle was arm. Baie van hulle het letterlik nie geweet hoe of waar hulle volgende bord kos vandaan gaan kom nie. Die meeste van ons is nie bekommerd oor sulke goed nie. As Jesus vandag gelewe het sou Hy dalk die volgende gesê het: Moenie bekommerd wees oor julle aftrede of hierdie siekte of oor jou kinders se universiteitsgeld of oor julle verband of skuld nie. Beteken dit nou dat hierdie dinge nie belangrik is nie? Nee. Kyk wat sê Jesus volgende: Is die lewe nie belangriker as kos en die liggaam as klere nie? Wat wil Jesus hê ons moet doen? Hy wil hê dat ons soms net so ʼn bietjie moet terugstaan en na die groot prentjie kyk. Want ons kan so behep raak met ons probleme en bekommernisse, so vasgevang in ons pogings om siel en liggaam aanmekaar te hou en aan die lewe te bly dat ons vergeet om te lewe. Jesus sê: Kom los van jou bekommernisse en leef ʼn slag, man! Kry ʼn bietjie perspektief. 26 Kyk na die wilde voëls: hulle saai nie en hulle oes nie en hulle maak nie in skure bymekaar nie; julle hemelse Vader sorg vir hulle. Ons mis dikwels wat Jesus nie gesê het nie: Hy nie gesê: Moenie beplan, moenie voorsiening maak nie, of moenie voorberei nie. Wat Jesus bedoel is dat ons baie mooi moet onderskeid maak tussen dit wat ons kan doen en dit waaroor ons geen beheer het nie. Vandag moet ons beplan, voorsiening maak, voorberei. Maar wanneer ons dit gedoen het, as ons gedoen het wat 3

4 ons kan, dan kan ons terugsit en ons volle vertroue op die Here plaas. Sirkel van belang / sirkel van invloed Is julle nie baie meer werd as hulle nie? Belangrik: besef dat jy kosbaar is vir die Here. Die Here sien raak wat met jou gebeur. Hy doen nie altyd wat jy graag wil hê Hy moet doen nie maar dit beteken nie dat Hy nie omgee vir jou nie of begaan is oor jou nie. Jy is baie waardevol in sy oë. 27 Trouens, wie van julle kan deur hom te bekommer sy lewe met een enkele uur verleng? Die nutteloosheid van bekommernis! Dit is ook ongesond en onredelik. If you're in a bad situation, don't worry it'll change. If you're in a good situation, don't worry it'll change. John A Simone 28 En wat bekommer julle julle oor klere? Let op hoe groei die veldlelies: hulle swoeg nie en hulle maak nie klere nie. 29 Maar Ek sê vir julle: Selfs Salomo in al sy prag was nie geklee soos een van hulle nie. 30 As God dan die gras van die veld, wat vandag nog daar is en môre verbrand word, so versier, hoeveel te meer sal Hy dan nie vir julle sorg nie, julle kleingelowiges? 31 Julle moet julle dus nie bekommer en vra: Wat moet ons eet of wat moet ons drink of wat moet ons aantrek? nie. 32 Dit is alles dinge waaroor die ongelowiges begaan is. Ongelowiges. Baie mense leef oënskynlik as gelowiges. Hulle gaan kerk toe, lees Bybel ens. Dis alle goeie dinge om te doen? Maar wanneer die aanslae van die lewe kom dan tree hulle op asof hulle ongelowiges is. Hulle bring hulle dae met kommer deur. Vir alle praktiese doeleindes is hulle ateïste. Ons leef in ʼn land waar daar baie mense is wat bekommerd is. Ons leef elke dag tussen mense wat bekommerd is. Ongelowiges mense wat nie in God glo nie. Hoe is ons lewens anders as hulle sʼn? Moet ons nie eerder hoop bring nie? Maar wat doen ons? Ons kla saam, ons is saam met hulle bekommerd. Saam met hulle leef ons asof daar geen God is nie. Jesus sê: Moenie soos die ongelowiges wees nie...!! Hoe kan ons ophou bekommerd wees? Daar is nie ʼn aan/af knoppie nie. Hoe kan ons ophou bekommer? 4

5 Twee stappe: STAP EEN: Julle hemelse Vader weet tog dat julle dit alles nodig het. Ons moet weet dat ons ʼn Vader in die hemel het wat weet. Dit waaroor julle bekommerd is, is belangrik. Die Here weet dit. Hy weet presies wat ons nodig het. Is dit nie gerusstellend nie? STAP TWEE: Noudat julle dit weet Nee, beywer julle allereers... Tot dusver sê Jesus, het julle julle vir iets anders beywer. Julle het julle beywer vir al daardie dinge wat hulle bekommerd maak. En waar het dit julle gebring? Dit het julle op die ashoop van bekommernis gelaat. vir die koninkryk van God en vir die wil van God, Dit waaroor ons begaan is, is dit waaroor ons bekommerd is. Ons bekommerniss verraai ons prioriteite in die lewe. Ons is bekommerd oor die dinge wat vir ons belangrik is. Jesus sê nou: as jy wil ophou bekommerd wees herrangskik jou prioriteite. Koninkryk eerste, my belange, my agenda tweede. Ons wil sekere dinge in ons lewens hê. Ons wil wonderlike kinders hê. Ons wil gelukkig getroud wees. Ons wil suksesvol wees in ons werk. Ons wil sekere hoogtes bereik. Ons wil, ons wil, ons wil... Maar wat het Jesus ons leer bid? Laat u koninkryk kom, laat U wil geskied op die aarde... Sodra ons die groot ommekeer gemaak het: God bo en ons dien Hom in stede van ons bo en God dien ons, dan is wat ek wil hê nie meer so belangrik nie en dan... is ons minder bekommerd daaroor!! Dit mag dalk ʼn skrikwekkende gedagte wees om alles vir God te gee maar ons kan voortgaan om ʼn lewe van bekommernis te leef. dan sal Hy julle ook al hierdie dinge gee. 34 Moet julle dus nie oor môre bekommer nie, want môre bring sy eie bekommernis. Elke dag bring genoeg moeilikheid van sy eie. 5

6 Ons is nie beheer van die dag van môre nie. Miskien dink ons ons is. Ons het kalenders en skedules en baie van ons weet presies wat ons môre gaan doen en wanneer ons dit gaan ons het alles onder beheer!! Of het ons? Punt is: alles is in God se hand. Of ons nou bekommerd daaroor is of nie. Uiteindelik is alles in God se beheer. Die Here is ons Herder! FREDDIE SCHOEMAN Wil jy weer na die preek luister? Alle onlangse preke is op die gemeente se webtuiste beskikbaar Gaan na: Klik op die MP3 ikoon. Skryf dit op ʼn CD / USB en luister daarna in jou motor en elders. ATTESTAAT ONTVANG Vanaf Windhoek-Wes : NG Kerk in Namibië BELYDENDE LIDMAAT: Wessel Johan Swanepoel Swannie woon al sedert 2012 in DF Malanln 203. Na n swerftog vanaf April 2012 tot nou vanaf Franschoek, deur die hele Suid-Wes (Namibië) tot nou wat n belewenis was (!) Daar het baie verskuwings en samesmeltings plaasgevind Swannie is meer as welkom by Lyttelton-Oos. 6

7 BOODSKAPREEKS VANAF 4 FEBRUARIE Ons siele, lewens en gedagtes word byna op 'n daaglikse basis vergiftig deur kommer, spanning, angs, vrees (veral vir die toekoms), 'n besige program, seerkry en krisisse van allerlei aard. Die goeie nuus is dat daar 'n teenmiddel vir hierdie gif is. Die teenmiddel se naam is: Psalm 23 Hierdie psalm is baie gelowiges se gunsteling psalm. Met goeie rede. Wanneer ons die beloftes wat die Here in hierdie psalm aan ons maak ter harte neem, word ons geloof versterk, ons kry nuwe moed, ons tel weer ons koppe op en die gif van spanning, vrees en seerkry word teengewerk. Vanaf 4 Februarie gaan ons in besonderhede na elke woord, frase en sin in hierdie Psalm kyk. Jy gaan beleef hoe jou geloof elke dag sterker word. Moet hierdie reeks nie misloop nie. Nooi vriende, kennisse en familie almal wat dalk hierby mag baat om dit saam met jou by te woon. 7

8 GELOOFSJAAR 2013 ʼn Lewe van geloof beteken ʼn lewe van absolute vertroue op die Here. Dit beteken minimum vrees, bekommernis, stress en angs. Dit beteken ʼn lewe van ware liefde, egte vreugde en volmaakte vrede. Begeer jy so ʼn lewe? Maak 2013 ʼn jaar van persoonlike geloofsversterking. Die gemeente se aktiwiteite is alles daarop gemik om jou hiermee by te staan. Gemeenteseminare Die gemeenteseminaar is 'n geleentheid om mekaar beter te leer ken, die voordele en geleenthede wat jou lidmaatskap van die gemeente inhou te besef en NUUT om te sien waar jy met jou talente en sterkpunte kan inskakel en diens lewer ter wille van ʼn saak met ewigheidswaarde. Dit word vier maal per jaar op Sondae na die erediens aangebied (11:00 13:00) en word afgesluit met ʼn middagete. Datums: 17 Februarie, 19 Mei, 18 Augustus en 17 November. (Dit is nie noodsaaklik om die Ontdek jou Potensiaal seminaar by woon nie voor die Gemeenteseminaar nie maar dit help.) Om in te skryf: SMS "Gemeenteseminaar" en jou naam na Ontdek jou Potensiaal Wat is jou lewensdoel? Waarvoor is jy in die wieg gelê? Watter natuurlike vermoëns het die Here vir jou gegee? Die Ontdek jou Potensiaal seminaar help deelnemers om groter insig hulleself te verwerf en so ook hulle lewensroeping en die soort dienswerk waarvoor die Here hulle geskep beter te verstaan. Soos in die verlede, word dit vier maal per jaar aangebied: 12 Mei, 4 Augustus, 10 November. Om in te skryf: SMS "Ontdek jou Potensiaal" en jou naam na Delta Kursus Die Delta kursus is ons gevorderde Bybelkennis en dissipelskapprogram vir denkende gelowiges. Dit help mense om antwoorde te kry oor vrae soos: Het Jesus regtig uit die dood opgestaan? Wat is die bewyse? Wanneer is watter boek van die Bybel geskryf en deur wie? Hoekom bevat die Bybel net sommige boeke en nie ander nie? Wie het hierdie besluit geneem en wanneer? Hoe buite-bybelse boeke ons kan help om die Bybel beter te verstaan? Wat is die goue draad wat dwardeur die Bybel loop wat ons help om groot gedeeltes van die Bybel te verstaan? Wat is ons taak as dissipels nou eintlik? Die kursus word volgende jaar twee maal aangebied en strek telkens oor vier Sondae vanaf 15:30 20:00. Die datums is: Eerste aanbieding: 19 en 26 Mei; 2 en 9 Junie. Tweede aanbieding: 6, 13, 20 en 27 Junie. Om in te skryf: SMS "Delta kursus" en jou naam na Leier vir Christus seminare In hierdie kursus word leierskap vanuit ʼn Bybelse en geestelike invalshoek benader. Elke lidmaat kan baat vind by hierdie kursus. Dit het ten doel NUUT om die kwaliteit van Christelike leierskap te bevorder, bestaande leierskapskwaliteite uit te bou en nuwe leierskapsvermoëns te ontgin asook om ʼn biddende dienende leierskapstyl aan te leer. Die seminaar word twee maal aangebied: 24 Februarie en 3 Maart asook 21 en 28 Julie. Om in te skryf: SMS "Leier vir Christus" en jou naam na

9 Groeigroepe Na ʼn baie suksesvolle eerste rondte gedurende die eerste helfte van verlede jaar wil ons graag die groeigroepe ʼn permanente deel van ons gemeentelike program maak. Die ideaal is dat elke lidmaat uiteindelik by ʼn groeigroep sal inskakel. Daar is volgende jaar twee "seisoene", naamlik Februarie-Mei en September-November. Die groepe sluit aan die einde van elke seisoen af en dit word weer hersaamgestel aan die begin van die volgende seisoen. As jy wil deel wees van ʼn groeigroep, SMS die word "Groeigroep" en jou naam na Emmaus Walks ʼn Emmaus Walk is 72 uur lange geestelike hernuwings en lewensveranderende belewenis. Net soos wat die twee dissipels Jesus ontmoet het tydens hulle reis na die dorpie Emmaus (Lukas 24), is daar vir die pelgrims op die Emmaus Walk ook sulke ontmoetingsgeleenthede. Daar is volgende jaar twee geleenthede elk vir mans en vroue. Die "walk" vir mans is April en Augustus en vir vroue April en Augustus. As jy belang stel om dit mee te maak, SMS die woord "Emmaus" en jou naam na Praatjies oor huwelike en ouerskap Vir die twee belangrikste verantwoordelikhede in ʼn mens se lewe, jou huwelik en jou ouerskap, is daar geen graadkursusse by ʼn universiteit of ander tersiêre inrigting nie. Hierdie leemte wil ons graag vul deur ten minste een maal per kwartaal ʼn praatjie hieroor deur ʼn kundige aan te bied. Ons sal ook aandag gee aan enkelouerskap. Datums, onderwerpe en ander inligting sal deurgegee word. Hou die NUUT Herout, ons webblad en jou selfoon dop. Jou geestelike reis deur die jaar Stap die pad agter Jesus aan hierdie jaar en beleef hoe jou geloof groei en sterker word. Lydenstyd begin met Aswoensdag op 13 Februarie. Dit is ʼn geleentheid vir verootmoediging en hertoewyding. Lydenstyd bereik ʼn hoogtepunt met die Groot Lydensweek. (Sondag 24 Maart Palmsondag tot Saterdag 30 Maart). Op Paassondag vier ons Jesus se opstanding. Daar sal soos in die verlede ekstra dienste en nagmaalvierings wees (sien almanak). Maak dit een van jou voornemens om hierdie geleentheid vir geestelike vernuwing en geloofsgroei mee te maak. Vir meer inligting oor die kerklike jaar besoek ons webblad by Lees die Bybel in een jaar deur Is jy lus ʼn vir ʼn heerlike geloofsversterkende uitdaging? Lees die Bybel in 2013 van hoek tot kant deur. ʼn Goeie gids wat jy vir jouself kan koop is die Eenjaarbybel wat by CUM beskikbaar is. Dit is tans teen minder as R100 beskikbaar ʼn winskoop. (Ons word nie betaal om dit te sê nie!) Om waarde hierby toe te voeg sal NUUT daar in die Herout en elders ekstra inligting oor die historiese agtergrond van die gelese gedeeltes op ʼn weeklikse basis deurgegee word. Kom ons onderneem as gemeente hierdie uitdaging met mekaar as ondersteuning! Vir meer inligting SMS die woord "Bybel" aan

10 SERVICE FOR THE WOMEN S WORLD DAY OF PRAYER This is to inform you that the Service for the Women s World Day of Prayer will be hosted by Maria Regina Catholic Church, 228 Cradock Avenue, Lyttelton, and to invite you to join us. We should be grateful if the ladies who are willing to participate in the Service would contact us before Monday 18 th February 2013 as we are going to have a practice run on 19 th February at the Catholic Church at 10:00. You can contact Pat de Nobrega ( ; nobosone@telkomsa.net). We look forward to meeting all of you from our sister Christian Churches and also to celebrating this wonderful event with you. Yours sincerely in Christ, Pat BEDIEN CHRISTUS SE LIEFDE AAN DIE STRAATMENSE VAN SUNNYSIDE Die koffiehuis op die hoek van Beatrix en Schoeman (Frances Baard) in Sunnyside is menige aande 'n miernes van bedrywigheid. Straatmense vind daar 'n heenkome. Hulle word geestelik bedien en daar word na hulle fisieke behoeftes omgesien. Christus se liefde word aan hulle bedien. Vir sover julle dit aan een van die geringste van hierdie broers van My gedoen het, het julle dit aan My gedoen. - Jesus (Matteus 25:40) Wil jy dit nie oorweeg om by hierdie bediening betrokke te raak nie? Ons gemeente reik twee maal per maand uit. Die volgende datums is 22 Februarie en 8 Maart. Skakel Schalk Meyer by BOOMSLOPING EN SNOEI VAN BOME EN STRUIKE ONS VERSKAF OOK KAGGELHOUT KONTAK: ERNST

11 QUIET DAY Saterdag 23 Februarie :30 13:00 Tema: Ancient Future Time Aanbieder: Freddie Schoeman Koste: R60 Organiseerders: Pretoria Christian Retreat Ministries Indien jy wil bywoon, kontak Regina Swart by GHOLFDAG CHRISTELIKE MAATSKAPLIKE RAAD GAUTENG-OOS WOENSDAG 27 FEBRUARIE 2013 Ondersteun die Christelike Maatskaplike Raad Gauteng-Oos se Gholfdag te Woodhill Klub op 27 Februarie 2013 en maak so n verskil in getraumatiseerde kinders en gesinne se lewens! Teen R3,000 per vierbal of/en R2,000 per putjie kan jou firma se dienste bemark word - heelwat pryse en opwinding word gewaarborg! Kontak Niki Visser by Henda van der Merwe by of besoek ons by Met dank Henda van der Merwe Direkteur : CMR GAUTENG-OOS Reg.nr TE HUUR Susan en Tian Dry het n springkasteel aangekoop vir die Gemeente se gebruik. Hierdie springkasteel is onder hulle beheer as fondsinsameling en u word uitgenooi om met hulle in verbinding te tree indien u n springkasteel benodig vir n verjaarsdag-geleentheid. Die koste is die minimale bedrag van R per dag. Skakel Tian: e-pos: tiandryhuis@gmail.com 11

12 LYDENSTYD Kom na My toe, almal wat moeg en oorlaai is, en Ek sal jullerus gee. Neem my julop julle en leer van My, want Ek si sagmoedig en nederig van hart, en julle sal rus kry vir julle gemoed. My juk is sag en my las is lig. - Jesus (Matt 11:28-30) VOLG JESUS OP DIE LYDENSWEG Aswoensdag: Woensdag 13 Februarie 2013 Nagmaalsdiens 19:00 Lydenssondae: Sondag 17 Februarie tot 17 Maart Palmsondag: Sondag 24 Maart Erediens 09:00 Groot Lydensweek: Maandag Erediens 19:00 Dinsdag Erediens 19:00 Woensdag Erediens 19:00 Donderdag Nagmaal / Diens van Duisternis 19:00 Goeie Vrydag: Erediens 09:00 Opstandingsondag: Sondag 31 Maart Erediens 09:00 12

13 HOEKOM VIER ONS LYDENSTYD? Wat is Lydenstyd? Lydenstyd is die tyd in die jaar waarop kerke en gelowiges regoor die wêreld voorberei om die opstanding van Jesus te vier. Ons beleef weer die groot dade van God se liefde vir mense. Ons beleef hoe ons ou mens weer sterf en hoe ons 'n nuwe lewe saam met Christus kan leef. Wat gebeur met ons? Ons geloof word versterk. Ons kry nuwe lewenskrag. Ons word heelgemaak. Lydenstyd is 'n vir geloofsvernuwing en hertoewyding. Ons verstaan weer waaroor Christenskap gaan en hoe dit ons help om te werklik te lewe. Wat doen ons? Ons stap die lydensweg agter Jesus aan. Ons reis saam met Jesus en sy dissipels van Galilea na Jerusalem. Ons stap saam met Jesus Jerusalem binne terwyl Hy op 'n donkie ry. Ons sien hoe Hy die geldwisselaars en duiweverkopers se tafels omkeer Ons beleef die spanning van die strydgesprekke met sy teenstanders Ons sit saam met sy dissipels om die tafel met die wyn en die brood Ons word saam met Hom gekruisig Ons word saam met Hom begrawe Ons staan saam met Hom op tot 'n nuwe lewe Die oue is verby! Die nuwe het aangebreek! (2 Kor 5:17) Om ons te herinner aan Jesus se lyding offer ons in Lydenstyd iets kosbaars op iets wat vir jou genotvol of betekenisvol is. 'n Gunsteling gereg, kossoort, aktiwiteit (TV, koerant, sport) 13

14 VERJAARSDAE: 17 TOT 23 FEBRUARIE 2013 DAT NAAM VAN KORTADRES 02/17 Ivan Badenhorst Ridgebachstr /17 Marie Meier Smutsln /17 Gerhard Roets Df Malanln 26 02/18 Jacques Momberg Df Malanln 99 02/19 Ryno Crafford Van Riebeeckln /19 Hannes Roets Df Malanln 26 02/19 Rusty Wessels Hans Strijdomln /20 Willem Roets Df Malanln 26 02/21 Toi Coetzer Krugerln /21 Christo Vd Berg Hans Strijdomln 145(A) 02/21 Marié Venter Hans Strijdomln 212A 02/22 Matthew Gordon Hans Strijdomln 82(b) 02/22 Kruge Roeloffze Df Malanln 29 02/23 Chlöe Blignaut Krugerln 141 HUWELIKHERDENKINGS 17 TOT 23 FEBRUARIE 2013 DAT NAAM EN VAN ADRES 02/20 Arie en Tania Roos Cantonmentsweg 1 02/21 Ryno en Annalize Van Staden Cantonmentsweg 11 02/23 Riaan en Hanlie Johnson Elardia 55 02/23 Hennie en Madelaine Steyn DF Malanln 249 DOOPHERDENKINGS 17 TOT 23 FEBRUARIE 2013 DAT NAAM EN VAN ADRES 02/19 Phillip De Villiers Dianastr 37 02/21 Milané Piccioli De La Reyweg /23 Carla Herbst Krugerln 282 WOL BENODIG Ria en haar span dames wat verlede jaar soveel sukses behaal het deur die deernis en medewerking van gemeentelede, neem die vrymoedigheid om weer te vra vir wol sodat hulle weer truie en allerhande ander items kan brei vir behoeftige mense. Dit gaan nie vir n spesifieke instansie nie maar wel waar daar dringende nood is. Die terugvoering verlede jaar was baie bemoedigend en hierdie span dames sal dit baie waardeer as hulle weer hulp, wol en/of geldelike donasies kan kry. Tree in verbinding met Ria Briedenhann by (012) indien u oorskiet wol het wat u graag wil skenk. Baie dankie byvoorbaat. 14