BADISA Spieël Mirror! Gesamentlike Bediening van die NG Kerk (Wes- en Suid-Kaap) en die VGKSA (Kaapland) A joint ministry of the DR Church (Western and Southern Cape) and the URCSA (Cape) INkonzo edibeneyo ye NG Kerk (yentshona nomzantsi-kpa) ne URCSA yasekapa Jr 5 - Nr 1 - April 2008 Privaatsak X8, Bellville 7535 Tel: (021) 957-7130 Faks: (021) 957-7131 e-pos: cjswart@kaapkerk.co.za NPO/OSW 011 891 BADISA dien mense in nood al vyf jaar BADISA het op 1 April 2008 amptelik vyf jaar oud geword en dié mylpaal sal in die loop van 2008 by verskillende geleenthede gevier word. Dit was met huiwering dat die NG Kerk Maatskaplikedienste en die VG Kerk se Diakonale Dienste toestemming van die sinodes gevra het om te amalgameer. Daarna is baie vergaderings gehou om almal in te lig en deel te maak van die proses. Een van die belangrike stappe wat ons moes neem, was om te besluit op n naam van hierdie gesamentlike bediening van die twee kerke. Verskeie name is voorgestel, maar uiteindelik is daar op BADISA besluit. Dit wat n samevoeging is van BArmhartigheid, DIens/Diakonaat en SAam. Sonder dat ons dit geweet het, is BADISA ook n Tswana-woord wat Herder of Versorger beteken. Op 28 Januarie 2003 het die NG- en VG Kerke n ooreenkoms onderteken wat die oordrag van die verskillende programme na BADISA moontlik gemaak het. Na die amptelike vestiging van BADISA, was daar by verskeie saamtrekke seremonies waar eenheidskerse deur verteenwoordigers van programme aangesteek is. Die omskakeling na BADISA was op party plekke nie baie dramaties nie. Op ander plekke moes BADISA voormalige programme begelei om saam te smelt tot een program aangesien die staat dit nie toelaat dat twee programme op een dorp funksioneer nie. Een van die belangrike insette deur die bestuursprogram die afgelope vyf jaar, was om personeel en programme toe te rus en te bemagtig om die doel van BADISA uit te leef, nl om as waardegedrewe bediening met Jesus Christus as voorbeeld te streef om kwaliteitsdiens aan mense en gemeenskappe te lewer. BADISA dien ons naaste in nood deur omvattende en ontwikkelingsgerigte maatskaplike programme wat verbruikers in staat stel om optimaal te funksioneer. BADISA stel ook effektiewe netwerke in plek vir noodleniging en gemeenskapsontwikkelingsprogramme. Links teken die aktuarii van die NG- en VG Kerke die ooreenkoms vir BADISA se vestiging in 2003. Ander: Kerse is by verskillende samekomste aangesteek. Elke BADISA program is gevra om plaaslik n gesellige geleentheid te hou om die verjaarsdag te vier. Aan die einde van Augustus word n feesdiens in Bellville gehou waar ons die Here wil dank vir die afgelope vyf jaar van seën. Klokkedag herinner aan Hemelvaart Hemelvaart is nie meer n openbare vakansiedag in Suid-Afrika nie. Om die gemeenskap van Hemelvaart bewus te maak, het BADISA vir die tweede jaar n geleentheid gereël wat ons Klokkedag noem. Die gedagte met Klokkedag is dat lidmate en die publiek genooi is om op 1 Mei n klein klokkie te dra as getuienis oor die betekenis van dié dag. Gemeentes is ook gevra om op 1 Mei om 12.00 die kerkklokke te lui om sodoende die wêreld te herinner aan die betekenis van Hemelvaart. BADISA programme, gemeentes en groepe vrouelidmate het meer as 22 000 klokkies aangekoop en versprei. Programme gebruik die wins met die verkoop van die klokkies om hulle dienste uit te brei.
Besoekers aan BADISA 2 Presbiteriane praat saam oor MIV en vigs n Groep lidmate van die Presbiteriaanse Kerk in die VSA het BADISA besoek om te verneem hoe die kerke in Suid-Afrika die MIV en vigs uitdaging aanpak. Die tema van hulle besoek was AIDS in Africa, a time of hope and challenge. Party deelnemers het Afrika in die verlede al besoek en wou hulle kennis oor MIV en vigs in die deel van die wêreld uitbrei. Ander lede was kundiges op die terrein van MIV en vigs in Amerika en wou uitvind hoe die pandemie in Afrika hom afspeel. Die gesprek is ingelei deur n voorlegging deur ds Nelis du Toit (van CABSA) wat ook die sekretaris van die Vigstaakgroep van die VG- en NG Kerke in die streeksinode is. Hy het die breë prent en die uitdagings wat MIV en vigs aan die kerke stel, geskets. n Hele aantal BADISA programme in die platteland bied as deel van hulle program dienste aan persone wat deur MIV en vigs geaffekteer of geïnfekteer is. Sothemba is egter die enigste program wat uitsluitlik op die pandemie fokus. Sothemba Vigsaksie werk veral in die Noordelike voorstede van Kaapstad. Hulle het n groot aantal beraders wat by klinieke voor- en na-toetsberading doen. Jackie Pondo, een van Sothemba se koördineerders, het die Amerikaners ingelig oor Jackie Pondo, middel agter saam met die Presbiteriane hierdie en ander programme wat aangebied word. Sy het vertel dat hulle ingerig is om by hulle kantore kliënte vir die virus te toets. n Ander diens wat Sothemba lewer is om by sakeondernemings programme te loods om die stigma teen MIV en vigs af te breek en personeel te begelei om getoets te word. Persone met vigs word ook in ondersteuningsgroepe opgelei om krale- en naaldwerk te doen. KerkinActie vat hande met BADISA Ds Rust, Sietske Renting, Ronel van Zyl en Rommie Nauta in gesprek oor KerkinActie se vennootskap met BADISA. BADISA het onlangs besoek ontvang van die bestuurders van KerkinActie se programme in Suid-Afrika. KerkinActie is die Protestantse Kerk in Nederland se Bediening vir Diens en Getuienis. Ronnie Nauta en Sietske Renting was baie beïndruk met die omvang en verskeidenheid van BADISA se werk.hulle ondersteun vir die volgende jaar programme vir voorskoolse versorging. KerkinActie het ook aangebied om vrywilligers in Nederland te werf wat by BADISA programme kan werk. Leraars uit Duitsland doen navraag oor nood en barmhartigheid Di Dietmar Arends en Antje Donker van die Evangelies Gereformeerde Kerk in Duitsland het BADISA in Bellville besoek. Ds Arends is die voorsitter van hierdie kerk se Kommissie vir Barmhartigheid, terwyl ds Donker tans by die Beyers Naude Sentrum op Stellenbosch aan n projek oor ekonomiese geregtigheid werk. Beide wou graag weet hoe die NG- en VG Kerke omsien na mense in nood en hoe gemeentes by barmhartigheid betrokke is. Die wyse waarop BADISA gestruktureer is, was vir die besoekers nuut aangesien wetgewing in Duitsland anders is as in Suid-Afrika. Di Carl Swart, Antje Donker, dr Johan Botha (KGA) en ds Dietmar Arends
3 Fokus op Kinderhuise In die BADISA familie is daar ses kinderhuise wat saam meer as 750 kinders versorg. Die kinderhuise is: Durbanville Kinderhuis, Andrew Murray Kinderhuis in Wellington, Steinthal Kinderhuis in Tulbagh, Huis Van Heerde in Moorreesburg, Bright Lights in Pofadder en Die Herberg Kinderhuis in Robertson. Twee studeer maatskaplike werk Twee oud-inwoners van Bright Lights studeer tans maatskaplike werk by Hugenote Kollege. Die betrokke meisies, Jo-anne Haai en Ingrid Pheiffer doen nou hul prakties by die kinderhuis. Hulle wou graag terugkom na die kinderhuis, om soos Ingrid dit stel, na alles wat die kinderhuis vir my gedoen en beteken het, is dit meer net as reg dat ek op hierdie wyse iets terugploeg. Kinders vereer die Here deur geestelike dans by Bright Lights Die Geestelike Dansgroep by Pofadder Kinderhuis is daarop gemik om kinders en jongmense op n geestelike vlak te ontwikkel. Dié dansgroep is deur n soortgelyke groep van Brandvlei opgelei en touwys gemaak. Nou tree hulle gereeld by eredienste op en lewer vertonings aan besoekers by die kinderhuis. Die positiewe beeld wat die groep uitdra is nie net n aansporing vir ander kinders en jongmense nie, maar is tot stigting van mense se geestelike lewe en tot eer van God. Kinders vermaak deur tromslaan Bright Lights doen baie om die kinders in hul sorg, nuwe vaardighede aan te leer. So het daar twee baie unieke projekte tot stand gekom wat in groot aanvraag by die publiek is, naamlik n Trommeprojek en n Gumboots -dansgroep. Beide die groepe doen dit nie slegs vir ontspanning en terapeutiese redes nie, maar vermaak die publiek elke keer wanneer hulle optree. Hulle is al na verskeie geleenthede genooi op op te tree. Elke keer is daar groot waardering vir wat hulle vermag. Steinthal moet ver ry vir vakansie Huis Van Heerde se nuwe jeugleier Sandra Fortuin, n inwoner by Huis Van Heerde op Moorreesburg is onlangs tot hoofdogter by die Vaardigheidskool op Saldanha verkies. Haar leierseienskappe en innemende geaardheid het Sandra n natuurlike keuse vir hierdie verantwoordelike rol gemaak. Sandra wil graag na matriek verpleging gaan studeer. Die afgelope vakansie het Steinthal meer as 130 kinders uitgeplaas by familie of vakansie ouers. Slegs 22 kinders was tydens die vakansie in die kinderhuis. Om al die kinders veilig tuis te kry, moes die kinderhuis se bussies meer as 5000 km aflê. Daar is verskillende rigtings gery: Namakwaland en Weskus toe, Kaap toe, na die Overberg, Ceres Karoo en baie dorpe in die Boland. Kinders van die Suid-Kaap en die Karoo is met die trein of ander openbare vervoer huis toe gestuur. Na die vakansie moes die proses herhaal word om almal weer by die kinderhuis terug te kry. Steinthal is baie dankbaar vir al die gesinne wat hulle huise oopgestel het vir kinders. Dit is belangrik vir die kinders om die bande met hulle familie en gemeenskap te versterk.
4 Die VG Kerk op Middelburg was jare lank baie bekommerd oor die verwaarlosing en agteruitgang van bejaardes in die gemeenskap. Daarom het die destydse Diakonale Dienste meer 25-jaar gelede begin voorbrand maak vir die oprigting van n tehuis. Na baie onderhandelinge met die staat is Huis Silwerjare uiteindelik in November 1997 in gebruik geneem. Die tehuis het met 23 inwoners begin, maar huisves nou 54 gestremde en verswakte bejaardes. Mnr Rowayne Williams, die bestuurder, sê dat daar bykans 3000 bejaardes in Midros en Kwanonzame is. Ongelukkig is baie van hulle ongeletterd en word hulle maklik die prooi van ander Fokus op Bejaardes & HUB Middelburg hou oog oor bejaardes Die HUB aan die woord Henry Chadwick, n gesaghebbende geskiedskrywer noem in sy boek, The Early Church, dat een van die redes waarom die vroeë Christelike kerk so geweldig vinnig gegroei en uitgebrei het, te danke is aan die kerke se betrokkenheid by barmhartigheid. In aansluiting hierby, is dit verblydend dat ons kerke, NG- en VG Kerke saam met ander kerkgenootskappe vandag steeds hierdie besondere en eeu-oue tradisie, om betrokke te wees by noodlydendes, voortsit. Dit word al hoe meer duidelik dat die kerklike gemeenskap as n sosiale instelling n baie meer betekenisvolle rol kan en behoort te speel in die opheffing van ons gemeenskappe. By twee onlangse konferensies wat ek bygewoon het, is die betrokkenheid van Godsdiensgemeenskappe en Geloofsgebaseerde Organisasies by die Diens van Barmhartigheid beklemtoon. Die tema van die een konferensie was, Why is the poor still with us?. Die rede waarom die armes steeds met ons is en daar n groeiende gaping tussen rykes en armes is, het natuurlik baie te make met die regeringsbeleid in hierdie verband. Ons is egter te geneig om die vinger te maklik na die regering te wys. Dit is noodsaaklik dat ons mede-verantwoordelikheid aanvaar vir die toestand waarin baie van ons mense hulleself bevind. Die verantwoordelikheid van die Christen-gelowige, die kerk en geloofsgebaseerde organisasies, waarvan BADISA een is, kan nie geringskat word nie. Die ander konferensie wat die eerste in sy soort is in terme wat hulle pensioene probeer misbruik. Die Midros Dienssentrum voorsien verskillende dienste aan bejaardes op Middelburg. Hulle is geregistreer om op weeksdae 100 uitry-etes te voorsien en bied ook verskillende programme aan om bejaardes te stimuleer soos uitstappies, speletjies, oefeninge, gesondheidspraatjies, kwartaallikse verjaardae, fisioterapie en handvaardigheid. Een van die geleenthede waaraan bejaardes met vrymoedigheid deelneem, is wanneer hulle oor hulle jeug praat. Jacob Gwegwe vertel dat hy op n plaas in die distrik groot geword het. Die familie het gereeld indabas gehou oor die opvoeding van die kinders. Die kerklike gemeenskap behoort n baie meer betekenisvolle rol te speel in die opheffing van ons gemeenskappe Huisgodsdiens was n moet. Pa het die Bybel gelees waarna elke kind moes bid. Vrydag- en Saterdagaande was dit tyd om stories te vertel. En soggens vroeg moes ons die donkie aansteek sodat die plaashuis warm water kon hê, vertel hy. Bejaardes onthou boererate Tjar-tjarbostee vir n gladde vel; Wilde-als vir die hoes, Koorsbossie (Katjie-drieblaar) om n koors te breek; Volstruiseierdop om winderigheid en ongestelde maag van babas mee te behandel en Brandbossie om wonde mee te was en droog te hou. van die wye verteenwoordiging vanuit verskillende godsdiensgroeperinge het gefokus op die kwessie van drank en dwelmmisbruik (Middelafhanklikheid) wat ons gemeenskappe vernietig. Die Departement Maatskaplike Ontwikkeling is begerig om sterker bande met die Godsdienssektor te vestig. Dit het by die konferensie duidelik geblyk dat die kerklike gemeenskap oor die kundigheid, kapasiteit, infrastruktuur en hulpbronne beskik om selfs n groter bydrae te kan lewer. Daar is meer as 10 000 vrywilligers by BADISA se werksaamhede betrokke, waarvan die meerderheid lidmate van die NG- en VG Kerk is. BADISA is die voertuig waardeur die twee kerke hul verantwoordelikheid tov Diens van Barmhartigheid wil beoefen. Ons bereik jaarliks meer as n miljoen mense. BADISA beywer hom om die eeu-oue tradisie van Diens van Barmhartigheid effektief te behartig. Tog besef ons dat daar nog soveel is wat ons behoort te doen. Ons vertrou dat u ons hierin behulpsaam sal wees. Neem daarom vrymoedigheid om by ons BADISA programme in te skakel of om ons te kontak. Martin Luther het gesê: n Christen is absoluut vry: meester van almal; onderdanig aan niemand. n Christen is ook absoluut gebonde: dienskneg van God en diensbaar aan almal. [Uit: Die groot boek van Christelike aanhalings deur Nina Smit] BADISA se bankbesonderhede BADISA, ABSA (Parow-tak), Rek. no. 4057204463
BADISA - 5jaar - Loof die Here BBADISA, die kerke se voertuig om Christelike Barmhartigheid te bewys, vier vanjaar haar vyfde bestaansjaar. Ons loof die Here dat Hy deur swakke mense, ander in nood aanraak. Word vandag nog n vennoot in hierdie aksie om kinders, gesinne, bejaardes en gestremdes te versorg. Gee aan persone met MIV en vigs of dié wat aan drank of dwelms verslaaf is, weer hoop. " Ja, BADISA, kan op my steun staatmaak. Ontvang hiermee my geskenk van: " R45, " R65, " R125, " R ( n ander bedrag) Die NG- en VG Kerke reik deur BADISA uit na kinders en bejaardes. Met u ondersteuning sal ons selfs beter diens lewer. Stuur asb jou bydrae aan: Die Direkteur, BADISA, Privaatsak X8, Bellville 7535 NPO 011-891/PBO 930006348 Mei 08 Magtiging vir n Debietorder aan BADISA (NPO 011-891/ PBO 930006348) Titel, Naam en Van: Adres: Kode Tel/Sel: ( ), E-pos: Ek/ons wil graag per debietorder die bedrag van R aan BADISA skenk. Ek/ ons magtig BADISA om te reël dat my/ons bankrekening gedebiteer word. Betaling: Op die eerste dag van elke maand vanaf 1/ /20 of kwartaalliks of jaarliks. Bankbesonderhede: Rekeningno: Bank: Tak(kode): Tipe rekening: Tjek / Spaar / Transmissie (merk tipe rekening) Handtekening: Datum: Dié opdrag bly van krag totdat ek dit skriftelik kanselleer. BS/Maart 2006 BADISA as gesamentlike bediening van die NG Kerk (Wes- en Suid-Kaapland) en die VGK (Kaapland) is waardegedrewe met Jesus Christus as voorbeeld. Ons lewer kwaliteitsdiens aan mense en gemeenskappe. Daar is 152 BADISA-programme wat fokus op kinders en gesinne, vroue, bejaardes, persone met chemiese afhanklikheid, gestremdes, MIV/vigs en armoede. BADISA ontwikkel saam met gemeentes effektiewe netwerke vir noodleniging en gemeenskapsontwikkelingsprogramme. Stuur aan: Die Direkteur, BADISA, Privaatsak X8 Bellville 7535 Of skenk deur die BADISA webtuiste te besoek en te klik op Maak n Bydrae