Week in oorsig Aandeel van die week BIDVEST ltd 12 April 2013 Disclaimer: The opinions expressed in this document are the opinions of the writer and not necessarily those of PSG and do not constitute advice. Although the utmost care has been taken in the research and preparation of this document, no responsibility can be taken for actions taken on information in this newsletter. Should you require further information, please consult an adviser for a personalised opinion.
Week in oorsig 12 April 2013 JSE Die gebeure in Korea het hierdie week weer heelwat aandag getrek maar nie werklik n wesenlike invloed op wêreldmarkte gehad nie. Bekommernis heers steeds dat Noord-Korea die spanning kan vererger deur iets ondeurdag te doen, maar die algemene gevoel is dat hierdie maar net n herhaling van vorige jare se retoriek is. Die verswakking in die Yen het die Nikkei in Japan n stewige hupstoot gegee met die gevolg dat die indeks meer as 4% in die week gestyg het. Die Dow Jones in die VSA het ook so 1,5% gestyg en die FTSE in Londen het met byna 2,5% verbeter. Plaaslik op die JSE het die indeks van Alle aandele met byna 1% verhoog, ten spyte van n meer as 3% daling in die Goud indeks. Die Finansiele indeks het met byna 2% gestyg, veral danksy n goeie beweging in die prys van Capitec, terwyl die Nywerheids Indeks weinig verandering getoon het. Die prys van goud was verlede week opnuut onder druk en het gedaal van $1580 per ons na $1536. Die prys van platinum het met 1% gedaal en Brent ru-olie met 2%. Die dalende olieprys tesame met die sterker Rand, wat teen die US$ verstewig het van R9,08 na R8,93 beteken dat ons in die komende maande dalk n bietjie verligting in die prys van brandstof gaan ervaar. DIt sal help om die pyn wat gaan opduik uit die betaling van E-Toll bietjie beter te maak. Aandeel van die week: Die Bidvest groep se bedrywighede strek oor vier kontinente waar hulle dienste, verhandeling en verspreiding van produkte verrig. Die groep bestaan uit vier afdelings naamlik, Bidvest Suid Afrika, Bidvest Voedsel dienste, Bidvest Namibië, en Bidvest Korporatiewe dienste wat weer elkeen onderverdeel word. Alhoewel Bidvest blootstelling in die buiteland het, verneem hulle om trots Suid Afrikaans te bly. Die groep het stewige interm resultate gelewer vir die periode geëindig Desember 2012. Die groep se inkomste het jaar-op-jaar met 12% gestyg. Verdienste per aandeel het met 18% gegroei tot op 725.1 sent en dividende per aandeel het met 15,7% toegeneem tot op 324 sent per aandeel. Slegs 27% van die groep se winste het oorsprong buite Afrika. Bidvest Suid Afrika Soos gesien in die grafiek het Bidvest `n groot belang in Suid Afrika in verskillende industrië. Inkomste het met 6% gegroei, grotendeels te danke aan Bidvest motor verkope en Bidvest verskeping.
Bidvest Motor afdeling, onder andere, besit meer as 100 bekende motor handelsmerk besighede in Suid Afrika McCarthy Motor groep, Mccarthy Call a Car en Burchmores. Bidvest dienste bied `n wye reeks skoonmaakmiddels, sekuriteits dienste ensomeer. TMS groep en Top turf het goed presteer. Bidvest verskeping en vervoer se inkomste het met 14% gegroei maar het `n laer winsmarge gehad oor laer vragvolumes. Vervoer van vloeistowwe vanaf Richards het effens verswak as gevolg van Transnet se nuwe pyplyn. Bidvest Elektiriese afdeling sorg vir vervaardiging en verspreiding van verskillende elektriese produkte en dienste. Bidvest Voedsel dienste Die afdeling se inkomste het met 17% gegroei, ondersteun deur die verswakking in die Rand. Bidvest Asië bestaan uit lande soos Australië, Nieu- Seeland, Singapore en Sjina waarin elkeen unieke voedseldieste lewer. Bidvest Europa dra die grootste inkomste by tot die afdeling soos in die grafiek waargeneem. Bidvest Fresh het die beste gevaar terwyl Deli XL in Nederland `n verlies gelewer het. Bidvest Suidelike Afrika het sterk resultate gelewer met groei in verkope en inkomste. Bidvest Namibië Inkomste het met 34% gegroei ten spyte van `n 25% vermindering van kwota allokasies, laer vangs effektiwiteit en hoë kwota koste vir BidFish. BidCom kommersiële en industriële dienste het swakker presteer as wat verwag is. Verskepings dienste het afgeneem as gevolg van laer hawe aktiwiteite. Algeheel is bedrywighede in Namibië nog redelik stadig maar daar is geen twyfel dat hierdie afdeling tot die standaard van Bidvest sal presteer.
Bidvest Korporatiewe dienste se inkomste het met 27% gegroei die laaste jaar. Hulle bied verskillende dienste aan beleggers asook bestuur van besighede, bemarking en opleiding tot die groep se afdelings. Hierdie afdeling het `n belegging in MSC Sport, On Time Automotive, die Bidvest Wits football klub en nog vele ander. Aandeel prestasie: BVT Aanbeveling Bidvest het `n uitstekende portfolio met die verskillende besighede wat deel vorm van die groep. Daar word verwag dat Bidvest Suid Afrika steeds organiese groei sal toon met die oog op verdere verkrygings. Verder beplan hulle om kliënte diens te verbeter asook beter beheer uitoefen oor kostes. Die bestuur is vol vertroue dat die groep se finansiële posisie goed lyk om verder die Bidvest voetspoor te vergroot en uit te brei. Bidvest se aandeelprys is om en by R 225,50 met n PV van 15.4.Ons verwag dat die groep se winste met 15% sal groei vir die volgende finansiële jaar geëindig Junie 2014, wat die PV sal afbring na 12. Daarom beveel ons aan om hierdie aandeel vir die langtermyn te koop.
PSG Menlyn Tel: +27 (12) 368 1778, Fax: +27 (12) 368 1770 PO Box 118, Newlands, Pretoria, 0049 Marius Cornelissen Magdeleen Cornelissen Martin Louw Ben Fraser Gerda Potgieter Laurie Brecher E-pos adres Portfolio bestuurder mariusc@psg.co.za Finansiële Beplanner magdeleen.cornelissen@psg.co.za Portfolio bestuurder martinl@psg.co.za Administratiewee assistent ben.fraser@psg.co.za Administratiewee assistent gerda.potgieter@psg.co.za Administratiewee assistent laurie.brecher@psg.co.za