Om te leef in God se wee: 1 Sam 1:1-28 Die gelofte van Hanna.
Punte wat ons by Hanna kan leer hoe om saam met die Here te loop in moeilike tye!!! 1. Verklaar God se outoriteit! 1Sa 1:5; maar die HERE het haar moederskoot toegesluit. Outoriteit - Die reg om opdragte te gee en gehoorsaamheid af te dwing. Dit is die moeite werd om in moeilike tye saam met God te loop God het die finale se. God het die finale outoriteit oor almal en alles. Rev 1:8 Ek is die Alfa en die Oméga, die begin en die einde, sê die Here, wat is en wat was en wat kom, die Almagtige. Hanna het geweet dat die Here haar moederskoot toegesluit (haar onvrugbaar gemaak) het. Hanna en Elkana het geweet net die hand van die Here kan haar swanger (vrugbaar) maak. Sy het geglo God is die skepper van alles en as God die skepper is, dan sal God haar vrugbaar kan maak. Sy het in haar omstandighede geweet dit gaan haar nie baat om op tegnologie en wereldse metodes staat te maak om swanger te word nie.
2. Verklaar God se regverdigheid! # Ons kan in die verhaal van Hanna ervaar dat sy God se regverdigheid raak gesien het. In hierdie dramatiese tydpark het sy nie eenkeer teen God gedraai en gese dat God liefdeloos is of eers gevra het waarom kom hierdie onvrugbaarheid haar toe nie. Ons kan dieselfde in Job 1:22 lees. ( Job 1:22 By dit alles het Job nie gesondig en aan God niks ongerymds toegeskrywe nie, ) As die eerste punt ons leer dat ons moet aanvaar dat God in beheer van ons situasies is, dan is die tweede punt verseker dat ons moet weet dat God regverdig is. (Psa 145:17 Die HERE is regverdig in al sy weë en goedgunstig in al sy werke.)
3. Bly God se wee volg! 1Sa 1:7 So het hy gedoen van jaar tot jaar, telkens as sy opgaan in die huis van die HERE. Só het sy haar geterg, dat sy geween het en nie wou eet nie. Wanneer jy seergemaak word deur omstandighede of deur mense (vriende, kinders van die Here, ens) is ons so geneig om weg te draai van die Here af, maar nie Hanna nie. Jaar vir jaar het Hanna na Silo toe geggaan om te aanbid al was dit saam met n vrou (Peninna) wat haar gespot het. Sy kon ook verskonings uitgedink het om nie te gaan aanbid en offers te bring nie, maar sy was jaar na jaar gehoorsaam aan God se gebooie en het God gaan aanbid by Silo in die tempel. Ons as mens dink baie keer soveel verskonings uit om nie kerk toe te gaan en in God se wee te lewe nie en die waarheid is nie een van ons verskonings sal voor God geldig wees nie. Heb 10:25 en laat ons ons onderlinge byeenkoms nie versuim soos sommige die gewoonte het nie, maar laat ons mekaar vermaan, en dit des te meer namate julle die dag sien nader kom.
4. Gaan na God toe met jou seer/pyn! 1Sa 1:10 En bitter bedroef het sy tot die HERE gebid en bitterlik geween; Om God te bewys dat Hy altyd regverdig en in beheer is en dat ons altyd lojaal teen Hom sal bly is nie n bewys dat ons, ons pyn vir die Here hoef weg te steek nie. God is n liefdevolle God en Hy verstaan ons pyn en ons begeertes, Hy wil he ons moet ons seer, ons pyne en ons begeertes met Hom deel. Hanna, Dawid en self Jesus het hulle pyn moet God gedeel. God sal altyd hierdie seer, pyn en omstandighede of jou begeertes ontvang bo in die hemel as jy dit net na Hom toe wil bring. JY kan vrylik jou hart voor die Here uitstort. 1Pe 5:7 Werp al julle bekommernis op Hom, want Hy sorg vir julle.
5. Vra God om vir jou in te tree! 1Sa 1:11 en sy het n gelofte gedoen en gesê: HERE van die leërskare, as U waarlik die ellende van u diensmaagd aansien en aan my dink en u diensmaagd nie vergeet nie, maar u diensmaagd n manlike kind skenk, dan sal ek hom aan die HERE gee al die dae van sy lewe; en geen skeermes sal op sy hoof kom nie. Om te glo dat die Here beter as ons weet, beteken nie dat ons nie vir ons begeertes hoef te bid nie. God het nie vir Hanna gevra hoekom sy n kind soek nie. Het jy al raak gelees waar God enige van Sy kinders afgewys het as hulle Hom vir iets goeds gevra het. Mat 7:11 As julle wat sleg is, dan weet om goeie gawes aan julle kinders te gee, hoeveel te meer sal julle Vader wat in die hemele is, goeie dinge gee aan die wat Hom bid! Nee want dit is nie n liefdevolle optrede van n vader teenoor Sy kinders nie n Gedeelte van hoe om in God se wee te loop is om jou daaglikse behoeftes aan die Here op te dra.
6. Vertrou die Here met jou hele hart. 1Sa 1:11 en sy het n gelofte gedoen en gesê: HERE van die leërskare, as U waarlik die ellende van u diensmaagd aansien en aan my dink en u diensmaagd nie vergeet nie, maar u diensmaagd n manlike kind skenk, dan sal ek hom aan die HERE gee al die dae van sy lewe; en geen skeermes sal op sy hoof kom nie. Hanna se belofte aan die Here in hierdie vers is nie n voorbeeld om met God te (bargain) nie. Hierdie is n groot ekspressie van haar geloof aan God dat sy glo die Here haar kan vrugbaar maak en sy is meer as gelukkig om te reageer op God se genade en om aan God te bewys sy is bereid om hierdie wonderwerk wat in haar gaan gebeur weer terug te gee vir die Here. (Om hierdie kind weer terug te gee vir die Here sodat hierdie kind hom kan wei vir die werk van die Here) Vraag: Is ons besig om God met ons hele hart te vertrou en is ons bereid om dit wat die Here vir ons gegee het aan hom te wei. Pro 3:5 Vertrou op die HERE met jou hele hart en steun nie op jou eie insig nie.
7. Laat jou vreugde in die Here jou begeertes oorskadu! 1 Sam 2:1-11 1Sa 2:1 Toe het Hanna gebid en gesê: My hart jubel in die HERE, my horing is hoog in die HERE; my mond is wyd oop oor my vyande, want ek verheug my in u verlossing. 1Sa 2:2 Niemand is heilig soos die HERE nie; ja, daar is niemand buiten U, en daar is geen rots soos onse God nie. 1Sa 2:3 Spreek nie voortdurend alte hoog nie, laat vermetele taal nie uit julle mond uitgaan nie; want die HERE is n God van diepe kennis, en deur Hom word die dade beproef. Hanna se lied in 1 Sam 2:1-11 wys ons dat haar vreugde in die Here haar eie begeertes oorskadu het. 1Sa 2:11 Daarna het Élkana na sy huis, na Rama, gegaan, terwyl die seun by die priester Eli die HERE bly dien het.
1. Verklaar God se outoriteit! 2. Verklaar God se regverdigheid! 3. Bly God se wee volg! 4. Gaan na God toe met jou seer/pyn! 5. Vra God om vir jou in te tree! 6. Vertrou die Here met jou hele hart! 7. Laat jou vreugde in die Here jou begeertes oorskadu!