Die krag van. n vrou wat bid

Transcription

1 Die krag van n vrou wat bid

2 26 Wanneer Die krag n van vrou n vir vrou haarself wat bid bid P HOOFSTUK EEN p Here, trek my nader sodat ek meer intiem saam met U kan wandel V oordat ek die Here leer ken het, was ek betrokke by allerhande soorte okkulte praktyke en Oosterse en New Age-godsdienste. Ek het na God gesoek in elkeen van hierdie godsdienste, in die hoop om betekenis of n doel vir my lewe te vind. Ek was desperaat om n manier te vind om uit die emosionele pyn, vrees en depressie te ontsnap wat ek elke dag van my lewe ervaar het vandat ek n kind was. Ek het gedink daar moes vir seker n God wees en as ek net goed genoeg kon wees om naby aan Hom te kom, sou iets van sy grootsheid dalk op my afgee en dan kon ek beter voel oor myself en my lewe. Natuurlik kon ek dit nooit regkry nie, want die gode wat ek gedien het, was afsydig, koud en ver weg. Dit het my net al hoe depressiewer gemaak, want ek is grootgemaak deur n ma wat afsydig, koud en ver weg was, om nie eens te praat van gewelddadig, vreesaanjaend en wreed nie. Daar is later vasgestel dat sy geestelik versteur was en ek het haar sedertdien vergewe vir alles wat ek onder haar moes deurmaak. Tog het die herinnerings aan my kinderjare uiteindelik opgebou tot n sneeustorting van pyn wat so ondraaglik geword het dat ek op die ou end deur my eie hooploosheid versmoor is en verpletter is deur selfmoordgedagtes en wanhoop. Maar dit was eers op die laagste punt in my lewe, toe ek 28 jaar oud was, dat ek uitgevind het wie God regtig is en Jesus as my Verlosser aanvaar het. Dit het n proses van verlossing, genesing

3 Here, trek my 27 en herstel aan die gang gesit, n proses wat ek nooit gedroom het moontlik was nie. Vandat ek die Here in my lewe ontvang en begin ervaar het hoe sy lewe in my werk, kon ek die gemene deler sien in al daardie ander godsdienste en praktyke waarin ek voorheen verstrengel was. Hierdie ooreenkoms is dat die gode van elkeen van daardie godsdienste geen mag het om te red of n menslike lewe te verander nie. Maar die God van die Bybel het. Hy is die ware, lewende God. En wanneer ons Hóm vind en Hóm ontvang, kom woon sy Gees ín ons. Deur die krag van sy Gees verander Hy ons van binne af na buite én Hy verander ons omstandighede en ons lewe op n wonderbaarlike manier. Ek het ook geleer dat Hy n God is wat gevind kan word. n God wat geken kan word. n God wat naby aan ons wil wees. Dit is hoekom Hy Immanuel genoem word, wat beteken God mét ons. Maar Hy nader tot óns soos ons tot Hóm nader (vgl. Jak. 4:8). As ek saam met jou iewers kon gaan sit en persoonlik met jou kon gesels oor jou lewe, sou ek jou vertel dat as jy die Here in jou lewe het, die antwoord op wat jy nodig het binne-in jou is. Dit is omdat die Heilige Gees van God in jou is en Hy jou in alle dinge sal lei en jou alles sal leer wat jy moet weet. Hy sal jou en jou omstandighede verander soos jy in jou hoogste verwagtings nie kon dink moontlik is nie, as jy net sal ophou probeer om dit sélf reg te kry en Hóm sal toelaat om dit op sý manier en op sý tyd te doen. Dit gaan hier nie daaroor om te streef daarna om goed genoeg te wees om tot by God te kom nie, want daar is geen manier hoe enigeen van ons goed genoeg kan wees nie. Dit gaan daaroor om die goedheid van God toe te laat om ín jou te wees. Dit gaan daaroor om nader aan God te beweeg en te ervaar hoe Hy nader aan jou beweeg. Dit gaan daaroor om intiem saam met God te lewe en oor die heelheid wat in jou bewerk sal word as gevolg daarvan. Ek weet wat jy wil hê Ek het in die afgelope drie of vier jaar al baie gereis om met vrouegroepe te gesels. Byna oral waar ek was in hierdie tydperk het ek n opname gedoen vir die boek wat ek toe besig was om te skryf met die titel The power of a praying husband. Ek wou weet hoe vroue

4 28 Wanneer Die krag n van vrou n vir vrou haarself wat bid bid wou hê daar vir hulle gebid moes word. Hulle reaksie was nie verbasend nie, maar die feit dat dit in elke stad en dorp eenparig was, was verstommend. Die grootste persoonlike behoefte van alle vroue wat deel was van my ondersoek, was dat hulle geestelik sou groei en n diep, sterk, lewenskragtige, lewensveranderende, geloofgevulde lewe saam met God sou hê. Ek het op die ou end opgehou met die ondersoek, want die resultate was altyd dieselfde. En ek het verstaan. Ek is seker dat jy, soos ek en baie ander vroue, n diep, intieme, liefdevolle verhouding met God wil hê. Jy sal nie hierdie boek lees as dit nie jou begeerte is nie. Jy smag na die nabyheid, die band en die bevestiging dat wie jy is, goed en begeerlik is. Maar God is die enigste Een wat dít alles die hele tyd aan jou kan gee. Jou diepste behoeftes en verlangens sal slegs vervul word in n intieme verhouding met Hom. Niemand kan jou ooit so goed ken of so baie liefhê soos Hy nie. Daardie onversadigbare verlange na méér wat jy ervaar, die leegheid wat jy wil hê die mense naaste aan jou moet vul, is daar geplaas deur God sodat Hý dit kan vul. God wil hê ons moet smag na Hom. En wanneer ons besef dat dit na Hom is wat ons verlang, word ons vry. Ons word vry om die verlange, eensaamheid en leegheid binne-in ons te identifiseer as ons teken dat ons met oop arms nader aan God moet beweeg en Hom moet vra om ons te vul met meer van Hom. Maar hierdie diep en intieme verhouding met God wat ons almal begeer en waarsonder ons nie kan leef nie, gebeur nie sommer net nie. Ons moet dit soek, daarvoor bid, dit koester en bewaar. En ons moet aanhoudend daarna soek, daarvoor bid, dit koester en bewaar. Vyf goeie maniere om vas te stel of jy net oppervlakkig saam met God lewe 1. As jy die Here volg net vir wat Hy vir jou kan doen, lewe jy net oppervlakkig saam met God. As jy Hom lief genoeg het om Hom te vra wat jy vir Hom kan doen, groei jou verhouding dieper. 2. As jy net tot God bid wanneer die lewe moeilik raak of wanneer jy iets nodig het, lewe jy oppervlakkig saam met God. As jy vind dat jy baie keer op n dag tot God bid omdat jy daarvan hou om in sy teenwoordigheid te wees, groei jou verhouding dieper.

5 Here, trek my As jy kwaad word vir God of teleurgesteld voel in Hom wanneer Hy nie doen wat jy wil hê nie, wandel jy net oppervlakkig saam met God. As jy God kan prys ongeag wat in jou lewe gebeur, groei jou verhouding met Hom dieper. 4. As jy God liefhet net vir wat Hy doen, lewe jy net oppervlakkig saam met Hom. As jy Hom liefhet en aanbid vir wie Hy is, groei jou verhouding met Hom al hoe dieper. 5. As jy dink jy moet God smeek of sy arm draai om Hom so ver te kry om jou gebede te beantwoord, lewe jy net oppervlakkig saam met Hom. As jy glo dat God die gebede wat jy bid ooreenkomstig sy wil sal beantwoord, groei jou verhouding met Hom al hoe dieper. Bring tyd alleen saam met Hom deur Ons kan nooit nader aan God beweeg, Hom goed leer ken of die soort intieme verhouding wat ons begeer, ontwikkel as ons nie tyd alleen saam met Hom deurbring nie. Dit is in hierdie privaat tye dat ons verfris, versterk en bekragtig word. Dit is dan dat ons na ons lewe kan kyk vanuit God se perspektief en ontdek wat werklik belangrik is. Dít is wanneer ons verstaan aan wie ons behoort en in wie ons glo. God het so baie om te sê in jou lewe. Maar as jy nie eenkant gaan sit, weg van die bedrywigheid van jou dag en tyd alleen saam met Hom deurbring in stilte en afsondering nie, sal jy nie hoor wat Hy sê nie. Jesus self het baie tyd alleen saam met God deurgebring. As enigiemand dit kon bekostig om dit nié te doen nie, sou dit sekerlik Jesus gewees het. Hoeveel belangriker is dit dan nie vir ons om dit te doen nie? Ek weet dit kan moeilik wees om tyd te vind om alleen te wees. Veral wanneer die vyand van jou siel nie wil hê jy moet alleen saam met God wees nie. Maar as jy dit n prioriteit maak om n spesifieke tyd van elke dag opsy te sit om te bid, en dit miskien ook in jou dagbeplanner neerskryf soos jy met enige ander belangrike datum of afspraak doen, en as jy vasbeslote is om hierdie vaste afspraak met God na te kom, sal jy antwoorde op jou gebede sien soos nog nooit vantevore nie. Onthou, as jy nie baie bid nie, kan jy nie verwag dat jou lewe oornag sal verander nie. Dit neem tyd om die massiewe skip van

6 30 Wanneer Die krag n van vrou n vir vrou haarself wat bid bid jou lewe om te draai en in n ander rigting te stuur. Jou lewe herposisioneer hom nie onmiddellik die oomblik wanneer jy aan die stuur raak nie. Jy kan in werklikheid in die begin skaars enige veranderings raak sien. Dit is dieselfde met gebed. Gebed kan jou lewe radikaal verander, maar dit gebeur nie noodwendig die oomblik wanneer jy jou eerste paar woorde uiter nie. Dit mag n tydperk van aanhoudende gebed verg voordat jy uiteindelik die omgewing sien verander. Dit is normaal; moet dus nie moed opgee nie. Jy sal sommer gou in volle vaart in n nuwe rigting beweeg. Mense gee te dikwels moed op net voor hulle eerste deurbraak tot in die ryk van beantwoorde gebede. Onthou, hierdie reis is nie n minireis rondom die hawe nie; dit is n lewenslange reis om jou bestemming te bereik. Om moed op te gee is nie n opsie nie. Die Name van God Sukkel jy ooit om name te onthou? Ek sukkel daarmee. Veral wanneer ek n groot klomp mense gelyk ontmoet. Ek kan gesigte en name afsonderlik onthou, maar ek sit nie altyd die regte naam by die regte gesig nie. En dit laat my soms in die moeilikheid beland. Met God is dit heeltemal anders. Hy het net een gesig, maar so baie Name. Maar as ons nie al sy Name ken nie, verstaan ons dalk nie al die aspekte van sy karakter nie. God het letterlik honderde Name. Soms lyk dit egter of ons sukkel om maar net n paar van sy bekendste Name te onthou. Ons vergeet dalk een van God se Name net wanneer ons dit juis moet onthou. Byvoorbeeld, ons dink dalk aan God as ons hemelse Vader, maar vergeet dat Hy ook ons Man en ons Vriend is. Of ons onthou Hom as ons Trooster, maar vergeet dat Hy ook ons Redder is. Ons dink dalk aan God as ons Beskermer, maar kan nie onthou dat Hy ook ons Geneser is nie. Sommige mense dink nooit aan God in ander terme as hulle Verlosser nie, wat op sigself meer is as wat ons verdien. Maar God wil vir ons selfs meer wees as ons Verlosser. Hy wil hê ons moet al die aspekte van sy karakter ken, want die manier waarop ons God herken, sal die manier hoe ons lewe, beïnvloed. Elkeen van God se Name in die Bybel verteenwoordig n manier waarop Hy wil hê ons Hom moet vertrou. Vertrou jy God om jou

7 Here, trek my Sterkte te wees (vgl. Ps. 18:2)? Is Hy jou Vrede (vgl. Ef. 2:14)? Is Hy die Hersteller van jou eer wanneer jy terneergedruk is (vgl. Ps. 3:4)? Is Hy jou Suiweraar (vgl. Mal. 3:2-3)? Jou Wysheid (vgl. 1 Kor. 1:24)? Jou Raadgewer (vgl. Ps.16:7)? Jou Rusplek (vgl. Jer. 50:6)? Elkeen van God se Name is heilig en ons moet elkeen van sy Name as heilig behandel. Toe ek in die sekulêre vermaaklikheidswêreld gewerk het, het ek die woord Jesus n honderd keer n dag gehoor, uitgespreek as n vloekwoord deur mense met geen eerbied, liefde of begrip vir Jesus nie. Dit was toe ek Jesus aanvaar het dat ek besef het presies in watter mate daardie Naam n vloekwoord is wanneer dit so ydellik gebruik word. Om God se Naam ydellik te gebruik bring n vloek op wie dit ook al op hierdie manier gebruik, omdat dit n oortreding is van een van die tien gebooie. Jy mag die Naam van die Here jou God nie misbruik nie, want die Here sal die een wat sy Naam misbruik, nie ongestraf laat bly nie (Eks. 20:7). Dit is ook n oortreding van God se grootste opdrag, naamlik: Jy moet die Here jou God liefhê met jou hele hart en met jou hele siel en met jou hele verstand en met al jou krag (Mark. 12:30). Niemand wat vir God liefhet, gebruik sy Naam ydellik nie. Dieselfde woord Jesus, wanneer dit in liefde uitgespreek word deur die een wat Hom aanbid hou egter groot krag in. Krag om te red, te verlos, te genees, te voorsien, te beskerm, en soveel meer. Om sy Naam ydellik te gebruik sny al hierdie kragte uit jou lewe uit. Daar is ook groot krag in elkeen van God se Name, en wanneer dit in geloof, liefde, begrip en eerbied uitgespreek word, bring dit seën in jou lewe en laat jou geloof groei. Byvoorbeeld, God se Naam is altyd n veilige plek om heen te hardloop in n tyd wanneer jy hulp nodig het. Die Naam van die Here is n sterk vesting; die regverdige vind daar skuiling (Spr. 18:10). As jy siek is, hardloop na jou Geneser toe. As jy nie jou rekening kan betaal nie, hardloop na jou Voorsiener toe. As jy bang is, hardloop na jou Skuiling toe. As jy deur donker tye gaan, hardloop na jou ewige Lig. Deur sy Naam met eerbied en dankbaarheid uit te spreek nooi jy Hom om juis dít vir jou te wees. Daar is dikwels so baie wat ons nie in ons lewe het nie eenvoudig omdat ons God nie erken as die antwoord op daardie behoefte nie. Hoe kan jy genees word as jy God nie erken as die Geneser nie? 31

8 32 Wanneer Die krag n van vrou n vir vrou haarself wat bid bid In die volgende lys van God se Name het ek maar net 30 ingesluit. Daar is honderde meer in sy Woord. Al is Hy een God het Hy soveel dimensies dat Hy aan Homself baie Name gegee het sodat ons Hom kan verstaan. Dit is die enigste manier waarop ons, wat so klein is, God, wat so groot is, kan begin verstaan. Ek stel voor dat jy elke keer wanneer jy nog n Naam van God in die Bybel ontdek, dit onderstreep, dit in die kantlyn neerskryf of dit by n lys voeg wat jy self opstel. Dit sal jou herinner aan wie God vir jou wil wees. Terwyl jy die volgende lys lees, vra God om elkeen van hierdie Name vir jou te wees op n nuwe, werklike en lewensveranderende manier. Dertig goeie Name om God te noem 1.Geneser (vgl. Mal. 4:2) 16. Sterk Vesting (vgl. Spr. 18:10) 2.Verlosser (vgl. Jes. 59:20) 17. Rusplek (vgl. Jer. 50:6) 3.Redder (vgl. Ps. 70:6) 18. Gees van die waarheid (vgl. Joh. 16:13) 4.Skuiling (vgl. Ps. 43:2) 19. Beskermer (vgl. Ps. 144:2) 5.Toevlug (vgl. Jes. 25:4) 20. Ewige lewe (vgl. 1 Joh. 5:20) 6.Vriend (vgl. Joh. 15:14) 21. Almagtige (vgl. Jer. 31:35) 7.Advokaat (vgl. Heb. 9:24) 22. Here wat vrede gee (vgl. 2 Tess. 3:16) 8.Hersteller (vgl. Ps. 23:3) 23. Lewende water (vgl. Joh. 4:10) 9.Ewige Vader (vgl. Jes. 9:5) 24. Rots (vgl. Ps. 18:32) 10. Liefde (vgl. 1 Joh. 4:16) 25. Man (vgl. Jes. 54:5) 11. Middelaar (vgl. 1 Tim. 2:5-6) 26. Helper (vgl. Heb. 13:6) 12. Versorger (vgl. Nah. 1:7) 27. Wonderbare Raadsman (vgl. Jes. 9:5) 13. Brood wat lewe gee (vgl. 28. Die Here wat gesond hou (vgl. Eks. Joh. 6:35) 15:26) 14. Skuilplek (vgl. Ps. 32:7) 29. Hoop (vgl. Ps. 71:5) 15. Ewige Lig (vgl. Jes. 60:20) 30. God van bemoediging (vgl. Rom. 15:5) As jy elke nou en dan deur hierdie lys Name lees en elke Naam hardop sê en vir God dankie sê dat Hy dit vir jou is, sal jy verstom staan oor hoe jou geloof sal groei en hoeveel nader aan God jy sal voel.

9 h h My gebed tot God Here, ek nader vandag tot U, dankbaar dat U tot my sal nader soos U belowe in u Woord (vgl. Jak. 4:8). Ek smag daarna om in u teenwoordigheid te wees en ek begeer n dieper en intiemer verhouding met U. Ek wil U ken op elke manier wat U geken kan word. Leer my wat ek moet weet om U beter te kan ken. Ek wil nie iemand wees wat altyd iets wil leer, maar tog nooit tot die kennis van die waarheid kan kom nie (vgl. 2 Tim. 3:7). Ek wil die waarheid weet oor wie U is, want ek weet dat U naby is aan almal wat U in opregtheid aanroep (vgl. Ps. 145:18). Ek is oop vir wat U ook al in my wil doen. Ek wil U nie beperk deur U nie te erken op elke moontlike manier nie. Ek verklaar vandag dat U my Geneser, my Redder, my Verlosser en my Trooster is. Vandag het ek die spesifieke behoefte om U te ken as my (voeg n Naam van die Here hier in). Ek glo dat U dit vir my sal wees. God, help my om elke dag tyd te maak om U alleen te ontmoet. Stel my in staat om alles wat my daarvan kan weerhou te weerstaan en uit te skakel. Leer my om te bid soos U wil hê ek moet bid. Help my om meer te leer van U. Here, U het gesê: As iemand dors het, laat hy na My toe kom en drink! (vgl. Joh. 7:37). Ek dors na meer van U, want ek is in die woestyn sonder U. Ek kom vandag na U toe en drink diep van u Gees. Ek weet U is oral, maar ek weet ook dat daar dieper manifestasies van u teenwoordigheid is wat ek so graag wil ervaar. Trek my nader aan U sodat ek in u teenwoordigheid kan vertoef soos nog nooit tevore nie. 33 h h P GOD SE BELOFTES AAN MY p Nader tot God en Hy sal tot julle nader. Was julle hande, sondaars, en reinig julle harte, huigelaars. JAKOBUS 4:8 Ek sal die Vader vra, en Hy sal vir julle n ander Voorspraak stuur om vir ewig by julle te wees, naamlik die Gees van die waarheid. Die wêreld

10 34 Wanneer Die krag n van vrou n vir vrou haarself wat bid bid kan Hom nie ontvang nie, omdat hulle Hom nie sien en Hom nie ken nie. Maar julle ken Hom, omdat Hy by julle bly en in julle sal wees. JOHANNES 14:16-17 Dit was die wil van julle Vader om die koninkryk aan julle te gee. LUKAS 12:32 Tot nou toe het julle nog nie in my Naam gebid nie. Bid, en julle sal ontvang, sodat julle blydskap volkome kan wees. JOHANNES 16:24 Laat ons styf vashou aan die hoop wat ons bely, want God is getrou: Hy doen wat Hy beloof het. HEBREËRS 10:23

11 Die krag van n biddende man 1

12 32 DIE KRAG VAN N BIDDENDE MAN HOOFSTUK EEN HAAR MAN E k het op n keer n voetbalwedstryd gesien waar die tuisspan besig was om te verloor en daar minder as vyftien sekondes van die wedstryd oor was. Hulle het n drie nodig gehad om te wen, maar alles was teen hulle. Hulle kon net nie n telling aanteken binne daardie kort tydjie nie. Dit het gelyk of die wedstryd verby was. Die opposisiespan en sy ondersteuners het al begin feesvier. Party mense het selfs die stadion begin verlaat. Maar die verloorspan en afrigter het nie moed opgegee nie. Hulle het ook nie toegelaat dat hulle moraal ondermyn word nie. In plaas daarvan het hulle met die onwaarskynlikste spel vorendag gekom. Deur die verrassendste opeenvolging van bewegings het die tuisspan in die doodsnikke van die wedstryd op dramatiese wyse n drie gedruk. Dit was so verrassend dat selfs nuusverslae daarna verwys het as n wonderwerk. Jou huwelik is soos daardie voetbalwedstryd. Jy en jou vrou is n span. En sy wil die waarborg hê dat jy die geloof het om te bly glo dat alles nog op die laaste oomblik omgekeer kan word. Selfs al is dinge moeilik en het julle by n doodloopstraat gekom, moet jy die geloof behou. Ja, selfs al vier die vyand by voorbaat jou neerlaag en lyk dit vir jou of alles verlore is. Sy het die versekering nodig dat jy n troefkaart in jou hand het wat jou as wenner uit die stryd gaan laat tree. Sy wil hê jy moet glo dat niks by God onmoontlik is nie en dat jy daarom nooit sal ophou hoop vir die onmoontlike om te gebeur nie. Wanneer jou vrou weet jy bid, is sy vol vertroue omtrent al hierdie dinge.

13 HAAR MAN 33 In my opname wat ek onder die vroue gemaak het, het 85 persent van hulle gesê die belangrikste gebed wat hulle man kan bid, is dat hy die man, eggenoot en hoof van die huis sal word wat God wil hê hy moet wees. Dit is die belangrikste plek waar n man moet begin bid. SODAT JULLE GEBEDE NIE VERHINDER MAG WORD NIE Die goeie ding omtrent gebed of dalk juis die probleem met gebed, afhangende van jou perspektief is dat ons na God moet gaan. Dit beteken dat ons met niks kan wegkom nie. Dit beteken dat die Here enige negatiewe gedagtes, verkeerde gesindhede, ongevoeligheid van hart of selfsugtige motiewe aan die kaak gaan stel. Vurige en opregte gebed lei daartoe dat die diepste geheime van ons hart oopgevlek gaan word. Dit kan nogal ongemaklik wees. Dit kan selfs met een woord ellende spel. As daar een ding is wat ek van gebed geleer het, dan is dit dat as ons enige onvergewensgesindheid, bitterheid, selfsug, hoogmoed of enige ander griewe koester ons gebed nie beantwoord sal word nie. As daar sonde in my hart was, sou die Here nie geluister het nie (Psalm 66:18). Ons hart moet reg wees wanneer ons bid. Ons almal, mans én vroue, stel ons eie gebede in gevaar sodra ons nie vanuit n regverdige hart bid nie. Wat binne-in ons hart is wanneer ons bid, het n groter invloed op die feit of ons gebede beantwoord word as die werklike gebed self. Dis die rede hoekom God, wanneer ons tot Hom nader in gebed, vir ons vra om eers alles te bely wat nie in ons hart behoort te wees nie. God vereis dit sodat niks ons van Hom sal skei nie. Die Bybel sê: Net so moet julle, manne, verstandig met hulle saamlewe en aan die vroulike geslag, as die swakkere, eer bewys, omdat julle ook mede-erfgename van die genade van die lewe is sodat julle gebede nie verhinder mag word nie (1 Petrus 3:7, OAV, beklemtoning deur die outeur).

14 34 DIE KRAG VAN N BIDDENDE MAN Die verstandige saamlewe met jou vrou beteken deels dat jy sal besef dat jou vrou behoefte daaraan het dat jy vir haar in die bres sal tree, haar sal beskerm en sal lief hê. En omdat julle mede-erfgename van die genade van die lewe is, moet jy haar eer in jou gedagtes, deur jou woorde en jou dade. As jy dit nie doen nie, word jou gebede verhinder. Dit beteken ál jou gebede, nie net dié vir jou vrou nie. Baie mans was nog nie getuie van antwoorde op hulle gebede nie. Dis net omdat hulle nie hierdie sleutelstap geleer het nie. Een van die beste maniere om jou vrou te eer is om vir haar te bid vanuit n hart wat rein is voor God. Vra God om jou te wys wat jy moet raaksien omtrent die toestand van jou hart. Jy mag moontlik die volmaakte huwelik hê en sielsgelukkig wees. Tog het jy ten opsigte van jou gesindheid teenoor jou vrou nog nie die peil bereik wat God van jou verwag nie. Bely alles aan God wat Hy aan jou openbaar. Sodra ons ons minder-as-volmaakte gesindhede aan die Here bely, help Hy ons om dit af te lê. Die moeilikste deel van jou taak as n man wat bid, dit sal jy ontdek, is nie die tyd wat dit in beslag neem nie. Die moeilikste is dat jy moet bid met n hart wat guns vind in God se oë. Dis hoekom jy by jouself moet begin wanneer jy vir jou vrou bid. Moenie bekommerd raak nie! God het dieselfde beginsel geleer vir die vrou wat bid. Baie vroue het vir my vertel dat hulle op hierdie stadium die boek dwarsoor die kamer gegooi en uitgeroep het: Vergeet dit! Dit gaan ek sowaar nie doen nie! Natuurlik het die Heilige Gees hulle nie laat vryspring nie. Uiteindelik het hulle die boek weer gaan optel en aangehou lees. As jy dus lus het om hierdie boek dwarsoor die kamer te gooi en te sê: Vergeet dit. Dit gaan ek sowaar nie doen nie! sal dit n geskikte tyd wees om dit nou te doen. Ek weet sommer jy sal dit weer optel omdat jy bitter moeg gaan word as jou gebede onbeantwoord bly. TWEE IS NODIG OM EEN TE MAAK God het vir Adam met besondere kwaliteite geskape. Tog het Hy geweet dat Adam n metgesel nodig het; n wederhelf

15 HAAR MAN 35 wat by hom sou pas, wat hom sou aanvul en van hom volledig mens sou maak (vergelyk Genesis 2:18). Daarom het God vir Eva geskape. Ten spyte van al die grootheid wat in jou opgesluit lê, liewe broeder, het God jou vrou gemaak sodat sy jou kan aanvul en van jou volledig mens kan maak. Jy, op jou beurt, doen dieselfde vir haar. Toe jy en jou vrou getroud is, het julle volgens God een vlees geword (vergelyk Genesis 2:24). Dis wonderlik dat ons geskape is om een met ons maat te wees, nie waar nie? Dit voel moontlik wanneer ons met ons huwelik begin. Daar is die verwagting van eenheid in daardie eerste oomblik wanneer jy bewus word dat julle bestem is om meer as net vriende te wees. Daar is n bewustheid van eenheid gedurende die tydperk van hofmakery. Die belofte van eenheid volg in die verlowingstydperk. Die verklaring van eenheid met die aflê van die huweliksbeloftes. Die verrukking van eenheid tydens die wittebrood. Die opwinding van eenheid namate n tuiste gevestig word. Dan, êrens langs die pad, word die eenheid afgetakel deur n subtiele wegdryf van mekaar. Hoe gebeur dit? Die antwoord is die wêreld, die vlees en die duiwel. Die wêreld sluip in saam met die grootmaak van kinders, die beoefening van loopbane en die hantering van die besig-wees van die lewe. Ons begin meer bekoring of afleiding in dit vind as in ons maat. Ons vlees neem oor wanneer ons besluit om selfgesentreerd te wees in plaas van selfopofferend. En dan is daar Satan. God het aan die begin die huwelik ingestel. Satan is sedertdien besig om dit tot niet te probeer maak. Jy en jou vrou is na God se beeld geskape (vergelyk Genesis 1:27). Satan wil jou egter herskep na sy beeld. Satan wil nie hê jou huwelik moet suksesvol wees nie en hy het n plan vir die verwoesting daarvan agtermekaar. Selfs op hierdie oomblik is hy besig om planne te maak om jou huwelik te vernietig. Maar aan jou, my kosbare broeder, is die mag en gesag gegee om deur jou gebede n einde daaraan te maak. Wanneer jy vir jou vrou bid, hou dit die wêreld op n afstand. Dit omskep n selfsugtige hart en dit laat die duiwel se planne ontspoor. God het vir

16 36 DIE KRAG VAN N BIDDENDE MAN jou gevra om vir jou vyande te bid. Hoeveel te meer moet jy bid vir die persoon vir wie jy veronderstel is om lief te hê en met wie jy een geword het? Maar eerste van alles moet jy vir jouself bid. VYF MANIERE WAAROP JY DIE MAN KAN WEES WAT GOD WIL HÊ JY MOET WEES God beveel ons in die Bybel:... Wees almal eensgesind, medelydend, liefdevol, goedhartig, nederig (1 Petrus 3:8). As jy ag slaan op hierdie vyf riglyne, kan dit sonder twyfel jou lewe en jou huwelik verander. Meer nog, dit kan van jou die man en eggenoot maak wat God graag wil hê jy moet wees. Dis beslis die moeite werd om hieroor te bid. 1. WEES EENSGESIND Dis aaklig om onenigheid in n huwelik te hê. Dit laat ons ellendig voel. Dit beïnvloed ongetwyfeld elke terrein van ons lewe. En dis waarskynlik die ding wat die naaste is aan die hel wat ons ooit op aarde sal ervaar. As dit lank genoeg aanhou, kan dit alles vernietig. Jesus het gesê:... Elke koninkryk wat onderling verdeeld is, gaan te gronde, en geen stad of huis wat onderling verdeeld is, sal bly staan nie (Matteus 12:25). Dis vreesaanjaende voorspellings hierdie. Maar gebed is die sleutel waardeur eenheid in die huwelik gehandhaaf kan word. Man en vrou kan nie heeltemal onafhanklik van mekaar lewe sonder om n duur prys daarvoor te betaal nie. Dit maak van hulle onvolledige mense. Tog het die Here bepaal dat die vrou nie sonder die man sal bestaan nie, en die man nie sonder die vrou nie... (1 Korintiërs 11:11). Omdat mans en vroue egter van mekaar verskil, gebeur dit baie maklik dat hulle elkeen totaal verskillende paaie begin loop. Selfs in n huwelik waar man en vrou n baie innige verhouding het, is die twee maats tog nie letterlik aan mekaar vas nie. Jy en jou vrou het heel moontlik verskillende beroepe, belangstellings en aktiwiteite, maar as julle gereeld saambid en vir mekaar

17 HAAR MAN 37 bid, sal dit julle in harmonie met mekaar hou en sal julle nog saam die paadjie loop. Sonder hierdie eenheid van denke en gees wat die gebed vir ons voorsien, raak mens alte maklik gewoond daaraan dat die ander een nie daar is nie. En as een van julle in julle hart stadigaan n wrok daaroor begin opbou, kan dit julle uitmekaar laat dryf. Julle kan begin om julle geestelik, liggaamlik of emosioneel van mekaar te distansieer sonder dat julle dit eens regtig besef. Dit is besonder belangrik dat man en vrou dieselfde geloof en oortuigings sal deel. Om eerlik te wees, dis n goeie punt waar julle kan begin bid. Julle hele verhouding word in gevaar gestel as julle nie op dieselfde golflengte is wat hierdie terrein betref nie. Byvoorbeeld: as julle na verskillende kerke gaan, of julle gaan na n kerk waar een van julle nie gelukkig voel nie, of een van julle gaan kerk toe terwyl die ander een konsekwent nie gaan nie, kan n gebrek aan eenheid bevorder word. As jy aan nog ander kwessies soos hierdie kan dink wat verdeeldheid tussen jou en jou vrou gebring het, bid dan spesifiek daaroor. Vra God om jou eie hart te verander waar nodig sodat jy weer n eenheid kan vorm saam met jou vrou. As jou vrou se gesindheid en perspektief moet verander, bid daarvoor. Bid dat sy in staat sal wees om dit te verander. Jou huwelik sal vir altyd n sterk krag wees as julle twee eensgesind is. 2. WEES MEDELYDEND Het jy al ooit gesien dat jou vrou swaarkry, maar jy weet nie wat om daaromtrent te doen nie? Party mans word ongeduldig in so n geval. Ander voel totaal verlore of oorweldig, gevolglik onttrek hulle hul eenvoudig. As jy besef dat dit besig is om met jou te gebeur, vra God om jou n hart vol medelye te gee. Om medelye te hê met jou vrou beteken om innige simpatie te hê ten opsigte van enige gebied waar sy swaarkry, en n sterk begeerte om daardie swaarkry te verlig. n Aspek van medelye is dat jy eenvoudig net n oor moet hê wat luister. Dit beteken jy moet luister sonder dat jy daardie veraf blik in jou oë het wat te kenne gee: Ek het

18 38 DIE KRAG VAN N BIDDENDE MAN belangriker dinge om te doen. Kom ons kry hierdie ding net vinnig agter die rug. Jou vrou verwag nie van jou dat jy alles moet regmaak nie. Sy wil net weet dat jy hoor wat in haar binneste omgaan. Sy wil ook net weet dat jy omgee oor hoe sy voel. In die verlede het my man gewoonlik net drie sekondes (ek het tyd gehou) geluister voordat hy by die kamer uitgestap het. As ek wou hê hy moet n volledige sin hoor, moes ek óf agter hom aan hardloop óf ek moes die sin klaarmaak wanneer ek hom n volgende keer sien. Selfs al het ek hom so ver gekry om regtig te gaan sit en na my te kyk terwyl ek praat, moes ek hom nog vra om vir my een of ander aanduiding te gee dat hy inderdaad verstaan wat ek vir hom wou sê. Gewoonlik het ek iets gesê soos: Knip jou oë as jy my kan hoor. As hy dan sy oë geknip het, het dit soveel beteken dat hy my stem gehoor het. Nou het hy egter medelye met die dinge wat my pla, en hy luister met sorg. Daardie oomblikke van luister saam met sy aanduidings dat hy medelye het, het werklik soos medisyne ingewerk op ons verhouding. Bid dat God vir jou n hart vol medelye sal gee, en die geduld om te luister wanneer jou vrou wil hê jy moet luister. Dis n fyn kuns wat die moeite werd is om aan te leer. Dit kan jou by n punt van eenheid bring met haar waarvan jy voorheen nog net gedroom het. 3. WEES LIEFDEVOL Jesus het ons lief met getrouheid, eenvoud, standvastigheid en passie. Dit maak vir Hom nie saak hoe onvolmaak ons is nie. As n man sy vrou nie op dieselfde manier liefhet nie, gaan hy sy gesag en sy leierskap misbruik. Die gevolg gaan wees dat hy haar mishandel. Omdat jy een is met jou vrou, moet jy haar behandel net soos jou eie liggaam. Jy sal tog nie moedswillig enigiets doen om jou eie liggaam seer te maak of dit te vernietig nie. Jy het tog jou eie liggaam lief en gee tog daarvoor om.... Elkeen moet sy vrou so lief hê soos hy homself liefhet... (Efesiërs 5:33). Jack Hayford, wat 23 jaar lank reeds ons leraar is, het

19 HAAR MAN 39 altyd gesê hy weet wanneer n vrou werklik deur haar man bemin word, omdat sy met die jare al hoe mooier word. Jack het n innerlike skoonheid opgemerk wat nie verflou nie, maar met die tyd eerder vermeerder wanneer n vrou bemin word. Jy het geen idee hoeveel jou liefde vir jou vrou beteken nie. Moenie dit van haar weerhou nie. As jy dit doen, gaan jy haar op die een of ander manier verloor. Die Bybel sê: Moenie n weldaad weerhou van iemand aan wie dit toekom, terwyl dit in jou mag is om dit te bewys nie (Spreuke 3:27). Vra God om vir jou n nog groter liefde vir jou vrou te gee. Vra Hom ook om jou te help dat jy dit op so n manier vir haar kan wys dat dit haar beeldskoon maak. 4.WEES TEER VAN HART Is daar enigiets omtrent jou vrou wat jou pla? Is daar iets wat sy doen of sê, of nié doen of sê nie, wat jou irriteer? Kom jy agter dat daar iets omtrent haar is wat jy graag wil verander? Wat gebeur wanneer jy probeer om daardie veranderings af te dwing? Hoe reageer sy wanneer jy vir haar wys jy is geïrriteerd? Het jy al ooit sommer net moed opgegee en gesê: Dit help níks nie. Sy gaan tog nooit anders wees nie? Die waarheid is dat ons almal maar sukkel om te verander. Hoe hard ons ook al probeer, ons kan onsself nie op enige betekenisvolle manier verander nie. Dis net God wat blywende veranderings in ons kan bewerkstellig. Slegs sy krag kan ons herskep. Dis hoekom gebed n teerder en sekerder manier is om veranderings in jou vrou te sien plaasvind. Is jou vrou byvoorbeeld gereeld laat vir iets, en dit terwyl jy daarvan hou om betyds te wees? Sy doen dit heel waarskynlik nie met opset nie. Sy is dalk iemand wat n swak tydsberekening het of anders probeer sy te veel doen. Bid dat God haar sal help om dinge beter te organiseer, of dat sy nie te veel hooi op haar vurk neem nie, of dat sy n beter begrip van tyd sal verkry. Bo alles, moenie dat woede, ongevoeligheid of afbrekende gesindhede insluip nie. Kritiek wat bedoel is om jou vrou te laat verander werk eenvoudig nie. Dit sal nooit die resultate oplewer wat jy graag wil hê nie. Al wat werk, is gebed.

20 40 DIE KRAG VAN N BIDDENDE MAN Moet dus liewer nie ongeduldig wees met jou vrou se swakhede nie. Vra liewer vir God om jou teer en ontvanklik te maak sodat jy daaroor vir haar kan bid. Vra God om jou te wys hoe haar swakhede n aanvulling kan wees tot jou sterk punte. En onthou: die aspekte waarin jy en jou vrou ooreenstem, kan julle eenheidsband versterk. Die maniere waarin julle van mekaar verskil, kan egter dinge interessant hou. 5. WEES HOFLIK Praat jy ooit met jou vrou op n manier wat as ongeskik beskou sou word as jy so met n vriend of sakevennoot sou praat? Is jy die hele dag by die werk vriendelik teenoor een en almal, maar dan haal jy jou frustrasie, uitputting en woede op jou vrou uit sodra jy tuiskom? Laat jy ooit voor ander mense kritiek oor jou vrou oor jou lippe rol? Indien wel, as n suster in die Here wat besonder baie omgee vir beide jou en jou vrou, laat my toe om vir jou die eerste ernstige opdrag in hierdie boek te gee: Hou op daarmee! Die huwelik is moeilik genoeg sonder dat een van die partye ongeskik, wreed of onbedagsaam hoef te wees. Daar is niks wat n huwelik meer soos n hel op aarde laat voel nie. Niks is meer ontstellend, n groter foltering, meer benouend of emosioneel meer uitlokkend nie. Niks kry dit ook beter reg om die slegste in ons na vore te bring nie as n huwelik waar een van die partye nie eens beleefd kan optree nie. Ek het al van talle huwelike gehoor wat ontbind is omdat die vrou so lank reeds onbeskof behandel is dat sy al n wrok begin opbou het. Sy het stelselmatig woede begin opkrop en het bitter en wanhopig begin word. Met ander woorde, sy was besig om die soort persoon te word wat sy nooit wou wees nie. Ons moet genoeg omgee vir ons maat dat ons sal ophou om dinge te doen wat haar seermaak of ontstel. Daar is niks wonderliker as die manlike stem nie. Dit het n sterk, diep en ryk kwaliteit. En die klank van manstemme wat saamsing, is een van die pragtigste klanke op aarde. Maar die manlike stem kan ook vreesaanjaend wees, veral vir vroue en kinders. Die meeste mans het geen idee hoeveel

21 HAAR MAN 41 krag daar in hulle stem opgesluit lê nie. Wanneer n man praat, het sy woorde beide die vermoë om te skep en die mag om te vernietig. Sy woorde kan soos n skerp mes wees wat verwond en doodmaak. Of dit kan n strelende salf wees wat genees en lewe bring. Ek sê nie dat jy nie eerlik en openlik met jou vrou oor kwessies in julle lewe moet gesels nie. Doen dit gerus, sit jou gedagtes en gevoelens op die tafel. Maar moenie toelaat dat jou woorde ontaard in wapens van kritiek wat vernietig wat jy wil bewaar nie. Selfs wanneer ons dit nie bedoel nie, kan dit gebeur dat ons ongeduld of uitputting ons woorde minder nederig en hoflik laat klink. Onthou: Die koninkryk van God is immers nie n saak van praatjies nie, maar van krag (1 Korintiërs 4:20). Dis nie die woorde wat jy uiter nie, dis die krag van God daaragter wat die verskil sal maak. As jy eers bid voordat jy oor n sensitiewe onderwerp praat, sal jou woorde krag hê en sal jy seker maak dat jy vanuit n hart praat wat reg ingestel is. Jou vrou is geskape as n gawe van God om jou aan te vul. Die man is ook nie ter wille van die vrou geskep nie, maar die vrou ter wille van die man (1 Korintiërs 11:9). Maar sy moet behandel word soos die gawe van God wat sy is sodat daardie volwaardige seëninge in jou lewe n werklikheid kan word. Jou vrou sal haarself bewys as jou grootste bate as jy haar waardeer en eer. Die Bybel sê vir ons: (E)n wat ons vra, kry ons van Hom omdat ons sy gebooie gehoorsaam en doen wat Hy goedvind (1 Johannes 3:22). Bid dat God jou sal help om op n nederige, hoflike manier met jou vrou te praat. Dit sal voorwaar guns vind voor God se aangesig. En as jy nie so optree nie, bid dat God jou innerlik sal oortuig dat jy daaraan skuldig is. As jy oor hierdie vyf Bybelse padwysers bid, gaan dit jou lewe en jou huwelik omkeer. En dit maak nie saak hoe fantasties jou huwelik is nie, God wil nog steeds hê dat dit nóg beter moet word. God gee ons die opdrag:... (L)aat God julle verander... (Romeine 12:2). Dit beteken dat daar altyd ruimte is vir verbetering. Dis dus te verstane dat ons huwelik ook

22 42 DIE KRAG VAN N BIDDENDE MAN sal verbeter namate ons individueel verbeter. Naas jou liefde vir jou vrou is die grootste gawe wat jy jou vrou kan gee, jou eie geheelheid. Haar vurigste begeerte vir jou is dat jy die man sal word wat God jou geskape het om te wees. Dit moet ook jou begeerte wees. God het vir jou die krag, briljantheid, mag, gesag en die wonderlike en bewonderenswaardige eienskappe gegee wat eie is aan n man. Vra God dat Hy jou moet leer hoe om dit goed en tot sy eer te gebruik. Vra God om van jou alles te maak waarvoor Hy jou geskape het. Dan sal jy en jou vrou altyd n wenspan wees. SY SÊ: Bid asseblief vir jouself dat: 1. jy die man vir jou vrou sal wees wat God wil hê jy moet wees. 2. jy sal weet hoe om jou vrou regtig lief te hê. 3. jy in al jou besluite deur die Heilige Gees gelei sal word. 4. jy verlos sal word van negatiewe gedrag. 5. jy woorde sal kies wat sal opbou en nie sal afbreek nie. 6. jy die begeerte sal hê om vir jou vrou te bid. 7. jy geestelik, emosioneel en verstandelik sal groei. HY SÊ... DEUR MICHAEL OMARTIAN Michael is n platevervaardiger en liedjieskrywer. Hy en Stormie is reeds 28 jaar getroud en hulle het drie volwasse kinders. Ek het so pas die verhaal gehoor van nog n vrou wat in n huwelik vasgevang was waar sy die baasspelerige maniere en uitsprake van haar man moes verduur. Die uiteinde was n egskeiding. Dit was n huwelik waar haar menings nie van waarde geag is of nodig was nie. Sy het gevoel dat sy nie gerespekteer word nie, nie regtig bemin word nie, dat sy magteloos en nutteloos was. Die ergste deel hiervan is dat sulke dinge ontstellend dikwels plaasvind, selfs in Christelike

23 HAAR MAN 43 huwelike. Waar dit in werklikheid op neerkom, is dat baie mans eienaardige interpretasies van sekere dele van die Bybel leer ken het. Hierdie waninterpretasies is deur onkunde versprei, maar ook as gevolg van sommige mans se behoefte om te voel dat hulle as die priester in die huis oor mag beskik. Dis geen wonder nie dat die feministe so op loop gegaan het. Hoewel sommige vroue seergekry en skade opgedoen het deur die ekstremisme van die vroue se bevrydingsbeweging, kan ek baie goed verstaan hoe dit ontstaan het. Ons mans kan baie beter vaar as ons maar net ons vrou liefhet soos Christus die kerk liefhet. Ek weet ek kan bid, en ek bid dat ek wel sal bid. Ek glo dat God deur die gebed vir ons mans die gereedskap sal gee wat ons nodig het om ons vrou met groot respek en toegeneentheid te hanteer. So kan ons vir hulle die steunpilare word wat hulle nodig het. Christus het vir die kerk gesterf. Ons moet daarom vir God vra om ons te help om die standaard te verhoog wat Hy vir ons het. Dan sal ons ons vrou hoër ag as onsself. Op daardie manier kan ons huwelik n totaal ander verhaal vertel.

24 44 DIE KRAG VAN N BIDDENDE MAN GEBEDSKRAG Skep vir my n rein hart, o God, vernuwe my gees en maak my standvastig (Psalm 51:12). Wys my waar my gesindheid en gedagtes nie is wat U graag wil hê dit moet wees nie, veral teenoor my vrou. Oortuig my van my skuld wanneer ek onvergewensgesind is. Help my om enige vorm van woede te laat vaar. So kan ek keer dat daar nie verwarde gedagtes by my opkom nie. As daar in my gedrag iets is wat moet verander, stel my in staat om veranderings te maak wat gaan hou. Wat U ook al aan my openbaar, sal ek aan U bely as sonde. Maak van my n man na u eie hart. Stel my in staat om die hoof van my huis en gesin te wees net soos U dit vir my bedoel het toe u my geskape het. Here, wys vir my hoe ek regtig vir (vrou se naam) in gebed kan omvou. Stel my in staat om met begrip met haar om te gaan en haar te eer sodat my gebede nie verhinder word nie (vergelyk 1 Petrus 3:7). Here, sit die sprankel terug in ons liefde vir mekaar. Genees enige wonde wat ons van mekaar laat wegdryf het. Gee vir my geduld, begrip en medelye. Help my om liefdevol, goedhartig en nederig teenoor haar te wees, net soos U my beveel in u Woord (vergelyk 1 Petrus 3:8, OAV). Maak dit vir my moontlik om haar lief te hê net soos U haar liefhet. Here, ek bid dat u vir my en (vrou se naam) by n nuwe mylpaal van eenheid met mekaar sal bring. Maak ons een van gedagte. Wys vir my wat ek nodig het sodat dit n werklikheid kan word. Vul my hart met u liefde. Laat hierdie liefde oorvloei in woorde wat sal opbou, nie afbreek nie. Oortuig my elke keer diep binne-in my hart wanneer ek nie volgens u voorskrifte lewe nie. Help my om die man te wees wat U wil hê ek moet wees.

25 HAAR MAN 45 KRAGGEREEDSKAP... Daarom sal n man sy vader en moeder verlaat en saam met sy vrou lewe, en hulle twee sal een wees... elkeen moet sy vrou so lief hê soos hy homself liefhet, en n vrou moet aan haar man eerbied betoon. Efesiërs 5:31, 33 As iemand hom doof hou vir die wet van die Here, sal die Here n afsku hê van so n man se gebed. Spreuke 28:9 Mans, julle moet julle vrou liefhê soos Christus die kerk liefgehad en sy lewe daarvoor afgelê het. Efesiërs 5:25 Bely julle sondes eerlik teenoor mekaar en bid vir mekaar, sodat julle gesond kan word. Die gebed van n gelowige het n kragtige uitwerking. Jakobus 5:16 Die mans behoort hulle vrou so lief te hê soos hulle eie liggaam. Wie sy vrou liefhet, het homself lief, want niemand het nog ooit sy eie liggaam gehaat nie. Inteendeel, hy voed en versorg dit, soos Christus met sy kerk doen... Efesiërs 5:28, 29

26 Verander jou huwelik deur gebed

27 1 As kommunikasie in duie stort D ie moeilikste ding omtrent n huwelik is dat daar twee mense betrokke is. Ons almal weet ook die probleem lê mos gewoonlik by die ander persoon. As ons dinge op ons eie moes uitwerk, sou ons dit sekerlik goed gedoen het, maar ons drome, begeertes, aspirasies, ver moëns, denke, aannames, behoeftes en gewoontes moet by ons egge noot s n inpas. Daarvoor is drie dinge nodig: kommunikasie, kommunikasie en kommunikasie. Verbaal, emosioneel en liggaamlik. Die fondament van n huwelik wat n leeftyd sal hou, kan net deur kommunikasie gelê word. Dit is die manier waarop intimiteit verkry word. Elke keer wanneer daar geen kommunikasie is nie, ly intimiteit grootliks daaronder. En n huwelik sonder intimiteit is besig om te kwyn. Jy en jou eggenoot moet albei in staat wees om n mate van gehegt heid in julle huwelik te ervaar; n versekering dat julle in dieselfde span speel. Sonder goeie kommunikasie sal julle dit nie ervaar nie. Die hegste verhouding wat jy ooit sal hê, is met jou eggenoot, want julle deel alles. As jy nie met hom (haar) kan kommunikeer nie of hy (sy) nie met jou nie baan julle die weg vir n ondraaglike bestaan. As jy nie weet wat jou eggenoot dink of voel nie, is dit onmoontlik om n lewe saam te bou. As nie een van julle weet wat die ander een se innerlike planne en drome vir die toekoms is nie, hoe kan julle saam daaraan werk om dit te bereik? Hoe kan jy jou toewyding aan die verhouding wys as jy dit nooit met jou eggenoot deel nie? Hoe ervaar jy dat julle altyd daar sal wees

28 Stormie Omartian 35 vir mekaar as julle nie met mekaar praat nie? As jy nie jou vrese en innerlike kwellinge deel nie, hoe kan jy die nodige bemoediging ontvang? As daar nie goeie verbale kommunikasie is nie, is daar nie n emosionele verbintenis nie, en dit beteken daar sal ook nie goeie fisieke intimiteit wees nie. Dié deel van julle lewe saam sal dan n daad sonder enige gevoel of passie word. As een van julle glo die kommunikasie in julle verhouding is nie goed genoeg nie, moet julle n paar veranderings maak. Tyd vir verandering Het dit al ooit vir jou gevoel of jou lewe op een plek vashaak? Dat jy nie verby die punt kan kom waar jy jou tans bevind nie? Dit kan in n huwelik ook gebeur. Jy kan in n groef raak. Jy kan vasgevang voel in n verhouding wat nie groei nie, nie beter word nie en geen toekoms het nie. En slegs een van julle of dalk nie een van julle nie is bereid om enigiets te verander om dinge beter te maak. God is n God van verandering. Alhoewel Hý nooit verander nie Hy is gister, vandag en vir altyd dieselfde wil Hy nie hê óns moet so wees nie. Dit is omdat Hy nie nodig het om te verander nie. Ons moet. Hy is volmaak. Ons nie. Hy wil hê ons moet voortdurend verander, want Hy begeer dat ons al meer soos Hy word. As ons teësinnig is om verander te word, staan ons God ook teë, want dit is God se doel om ons te verander. As een of beide mense in n huwelik die veranderende, trans forme rende en volmaakte werk van die Heilige Gees teëstaan, sal slegte gewoontes vir seker kop uitsteek. Ons sondige geaardheid is nou eenmaal so; dit stuur altyd op ver nietigende dinge af. Hoe langer hierdie slegte gewoontes aanhou, hoe dieper grawe hulle hulle in. Die goeie nuus is egter dat God se krag enige slegte gewoontes in n oogwink kan vernietig, ongeag hoe lank hulle al daar is. Selfs slegte gewoontes ten opsigte van kommunikasie in jou huwelik kan heeltemal verwyder word. Enigiemand kan leer om beter te kommunikeer as hulle maar net bereid is om n poging aan te wend. Die huwelik is nie iets wat n mens aanpak om te sien wat jy daaruit

29 36 Verander jou huwelik deur gebed kan kry nie. Dit gaan daaroor dat jy jou elke dag moet afvra wat jy daarin kan sit. Die huwelik is n verbondsverhouding, wat beteken dat dit veronderstel is om n verbintenis te wees tot die dood ons skei. Ongelukkig gebeur dit te dikwels dat die huwelik lank voor die mense sterf. Om te trou is net die begin van julle verhouding. Om getroud te wees maak jou vry om veilig genoeg te voel om jou ware kleure te wys in voor- en teëspoed sodat jy kan sien waar jy God se genesing en verandering nodig het. Om getroud te bly hang af van julle albei se vermoë om met mekaar te kommunikeer. Die enigste manier waarop julle nader aan mekaar kan groei en nie weg van mekaar af beweeg nie is deur goeie kommunikasie. Op watter ander manier kan julle liefde en respek betoon? Hoe anders kan julle werklik in dieselfde span speel? Wat sal met n sportspan gebeur as een speler hom nooit tot die res van die span verbind nie? Dit sal n ramp wees. Hulle sal nooit hulle doel bereik nie. Hulle sal nooit oorwinning smaak nie. Dit is presies dieselfde in n huwelik. Daarom is dit geheel en al selfsugtig en vernietigend om te weier om met jou eggenoot te kommunikeer. Heel van die begin af Die huweliksverhouding was heel van die begin af deel van God se plan. Selfs al kon Adam elke dag met God kommunikeer, het God ge sien dit is nie genoeg nie. God het gesê: Dit is nie goed dat die mens alleen is nie. Ek sal vir hom iemand maak wat hom kan help, sy gelyke (Genesis 2:18). God kon nog n man gemaak het sodat Adam n gholfmaat kon hê, maar Hy het nie. Hy het n vrou gemaak wat sy gelyke is. Dit beteken sy was nie bloot n domkop met n goed geboude liggaam nie. Sy het hom aangevul. Sy het hom gehelp. En hy het haar kameraadskap en ondersteuning nodig gehad. Hy het iemand nodig gehad met wie hy op dieselfde vlak kon kommunikeer. As Adam dit alles op sy eie kon doen, sou hy nie vir Eva nodig gehad het nie. God het vir Eva gemaak van die rib wat Hy uit Adam uitgehaal het (Genesis 2:21-22). Dit beteken n man sal altyd iets kortkom sonder sy vrou. Sy vul hom aan. Net so het n vrou n soortgelyke gevoel dat sy as n man se steunpilaar aan sy sy hoort.

30 Stormie Omartian 37 Ek ken al baie lank n hele paar alleenlopende mans en vroue wat nou in hulle 60 s is en nooit getrou het nie. Dit maak nie saak hoeveel vriende hulle in hul lewe het nie, hulle beleef steeds tye van intense eensaamheid. Dit raak ook al hoe erger hoe ouer hulle word. Ek weet daar is uitsonderings, soos die mans en vroue wat hulle lewe aan God se diens toewy en deur sy genade nie dié tipe eensaamheid ervaar nie. Die meeste alleenlopende mense worstel egter hiermee. God het heel van die begin af gesien dat n man en vrou n diep behoefte het om met mekaar te kommunikeer. Ek het n opname onder vroue gedoen voordat ek The Power of a Praying Husband geskryf het, en een van die belangrikste dinge waar aan vroue n behoefte het, is dat hulle eggenoot meer met hulle moet praat. Dit is n baie belangrike punt in n huwelik. Jy is dalk al 30 jaar met n swak kommunikeerder getroud of jy is dalk self een maar God kan julle albei verander. Ons álmal kan leer om beter te kommunikeer. Ek ken n egpaar wat meer tyd in stilte deurbring as wat hulle gesels. Hulle baklei so baie wanneer hulle praat dat hulle besluit het om liewer glad nie te kommunikeer nie. Dit is n onnatuurlike leefwyse. As jy in n soortgelyke situasie is, vervul jy nie die plan wat God vir jou huwelik het nie. Kommunikasie gaan eerder daaroor om God se wil te doen as jou eie. Dit gaan eerder daaroor om te doen wát reg is as wat dit is om te besluit wié reg is. As jy God in jou huwelik wil verheerlik, bid dan dat julle twee goeie kommunikasie sal hê. Daarvoor is twee harte nodig wat genoeg vir mekaar omgee om te weier om selfsugtig te wees. As jou man (vrou) nie in hierdie stadium wil verander nie, wees dan bly dat God eerste in jou kan werk terwyl jy bid dat die Heilige Gees in hom (haar) werk. God kan jou help om nie so seergemaak te voel deur jou eggenoot se slegte kommunikasievaardighede nie. Die Here kan vir jou soveel vreugde en opwinding gee oor jou lewe in Hom dat jy nie verwerp sal voel wanneer jou man (vrou) stil is nie. As jy die een is wat sukkel om te kommunikeer, vra vir God om jou hart teenoor jou eg genoot te versag sodat jy n begeerte sal hê om jou liefde en gedagtes openlik uit te druk. Jy en jou eggenoot het op julle troudag een geword in God se oë