Inhoudsopgawe 1. #waardevol... 9 2. #iemand... 23 3. #pragtig... 38 4. #gedagtes... 49 5. #waarheid... 62 6. #opreg... 76 7. #getrou... 89 8. #volkomegoed... 102 9. #hart... 118 10. # omvou... 131 11. #toekoms... 144 12. #beskerm... 157 Naskrif: #weet... 169
1 #waardevol Erken dat die HERE God is! Hy het ons gemaak, en ons is Syne, sy volk, die skape van sy weiveld. PSALM 100:3 Sara kyk vir haarself in die spieël en wonder: Wat op aarde gaan nou aan? My dag het dan op so n goeie noot begin Vroeër die oggend vlieg sy uit die bed toe haar wekker die eerste keer afgaan. Sy het die vorige aand al haar klere reggesit én haar sak gepak. Sy eet selfs n gesonde ontbyt. En nie sommer enige ontbyt nie, nee, hawermoutpap en lemoensap in plaas van die gewone energiestafie en bottel water wat haar ma elke oggend na haar toe uithou voordat sy by die deur uit hardloop. Dit gaan n goeie dag wees. n Besige dag, ja, want sy skryf n Spaans-toets, die rolverdeling vir die toneelopvoering word bekendgemaak en dis Bybelstudiedag. Maar Sara hou daarvan om besig te wees. Dit is wie sy is. Sara is n goeie Christen, n goeie vriendin en n goeie meisie wat goeie punte behaal. Toe sy by die skool kom, waai sy vir Miki, haar beste vriendin. Sara let op hoe oulik Miki lyk al weer. Miki dra altyd die jongste modes en sy moes maar net n paar maan- 978-1-4316-1663-3.indd 9 3/8/2017 3:55:35 PM
10 Uniek & amazing de draadjies aan haar tande dra voordat dit kon afkom. Nou het Miki n glinsterwit glimlag. Sara, aan die ander kant, gaan nou al oor na haar vyfde jaar met draadjies en nog steeds is die einde nie in sig nie. En hoekom moet Miki boonop die mees perfekte vel hê? Sara voel skielik baie selfbewus. Ek wonder of enigiemand die simpel puisie op my ken kan raaksien, wonder sy bekommerd. Toe juffrou Sanchez die Spaans-toets uitdeel, daal Sara se vroegoggend-selfvertroue nog vinniger met die afwaartse spiraal langs. Eenheid 6: Woordeskat-toets? Sara voel paniekerig. Ek het dan gedink ons moet Eenheid 5 se woordeskat leer! Sy loer om haar rond en sien hoe die res van haar klasmaats moeiteloos die antwoorde op hulle vraestelle neerskryf. Totsiens A! dink sy. #kraterflater Ten minste kan ek na die eerste oefening vir ons opvoering uit - sien, dink sy. Die dramavereniging het onlangs oudisies vir die lentekonsert gehou en al Sara se vriende het haar verseker sy sal die hoofrol kry. Sara is n goeie aktrise almal sê so. Sy voel ook haar sanglesse het haar baie gehelp in die oudisie vir die hoofrol, want hierdie jaar voer hulle n musiekblyspel op. Maar toe Sara ná skool by die saal instap en die groot groep leerders om die rolverdeling sien saamdrom, sink haar hart. Sy hoor hoe almal baie geluk en jou doring en jy verdien dit sê vir haar grootste mededinger, Chloe, wat óók n perfekte vel en geen draadjies op haar tande het nie. #supersleg Toe Sara uiteindelik voor by die lys uitkom, sien sy inderdaad Chloe se naam langs die hoofrol die rol wat sy wou gehad het. En Sara se rol? Dorpenaar. Perfek vir n goeie meisie met gemiddelde punte, draadjies en n reuse puisie op haar ken, dink sy. Net nog n gewone gesig-in-die-skare-rol. Ek kan netsowel onsigbaar wees. Teen hierdie tyd is daar nie meer veel sprake van Sara se goeie dag nie. Sy weet sy behoort Bybelstudie toe te gaan.
#waardevol 11 Sy kan vir haar vriende daar van haar goor dag vertel. Sy weet dit sal haar beter laat voel as sy al haar gevoelens kan deel. Maar terwyl sy die toneel in haar gedagtes laat uit speel, besef sy hoe simpel haar woorde klink: Ek is so jaloers op my vrien din omdat sy nie meer draadjies hoef te dra nie. Ek was die enigste idioot wat die verkeerde Spaanse woordeskatwoorde geleer het. Ek het so ongemaklik gevoel toe ek na die rolverdeling kyk terwyl almal vir Chloe gelukwens. In plaas daarvan om Bybelstudie toe te gaan, bly Sara net by die huis. Sy sê vir haar ma sy moet huiswerk inhaal (wat waar is vir haar Spaans), maar eintlik het sy net genoeg gehad daarvan om nie so goed soos haar vriende en klasmaats te wees nie. Sara oorweeg dit om die fotorame wat sy by die kunswinkel gekoop het te begin verf, of om Bybel te lees of met die nuwe Bybeldagboek te begin wat sy vir Kersfees gekry het. Maar ná aandete gaan stort sy, maak haar huiswerk klaar en steek dan haar hand na haar foon toe uit. Ek sal net vinnig kyk wat op sosiale media aangaan voordat ek in my dagboek lees, sê sy vir haarself. Ek sal net so vyf minute kyk wat alles nuut op Instagram is en dan my Spaanse woordeskat leer. Vyf minute raak tien minute en later n uur terwyl Sara deur haar Instagram-profiel blaai en na al die foto s van haar vriende kyk. Natuurlik! Daar is Chloe wat met n groot glimlag langs die rolverdelingslys staan! Kyk net na al die kommentaar. Almal is mal oor haar! Geen wonder ek het nie die rol ge kry nie. Miki se glimlag lyk altyd so perfek. Ek wens ek was so mooi soos sy. Almal sê altyd hoe pragtig sy lyk. Wag n bietjie! Miki en Karien het saam gaan roomys eet? Hoekom het hulle my nie saamgenooi nie? Sara se dagboek lê nog net so toe op die bedkassie terwyl sy aanhou blaai deur die foto s en almal se kommentaar lees. Toe sy sien haar foon se battery raak pap, prop sy dit in en stap badkamer toe om haar tande te borsel soveel moeite oor die draadjies! haar gesig te was en Clearasil
12 Uniek & amazing aan haar vel te smeer (iets wat sy seker is niemand anders hoef te doen nie!). En dit is op hierdie oomblik dat Sara vir haarself in die spieël kyk en vra: Wat op aarde gaan nou aan? Ek voel gewoonlik baie opgewonde en positief oor die lewe. Ek weet ek is nie perfek nie, maar hoekom voel ek skielik soos n niemand? Al die ander rondom my is so slim en mooi en talentvol en dan is daar ek, Sara die Onsigbare! Het jy al ooit soos Sara gevoel? Ek weet jy het! Ek is al n volwasse vrou, maar selfs vandag nog beleef ek oomblikke wanneer ek ongemaklik voel met alles van my en om my. Ek is selfs geneig om angstig te raak oor wat op sosiale media aangaan en ek is n sogenaamde bekende skrywer! Ek onthou so goed daardie een ellendige wegbreek naweek na n asemrowende meer naby aan ons een van my gunsteling plekke (ja, ek weet, dit moes eintlik n onvergeetlike wegbreek gewees het). Maar daardie naweek is ek gebombardeer met radio-advertensies en geselsprogramme wat my herinner het hoeveel aantrekliker en suksesvoller ek kan wees as ek hierdie grimering sou koop of daardie oefenprogram sou volg. Ek het net op myself gefokus ek, ek, ek en die verkeerdste ding ooit gedoen toe ons by die meer aankom. Ek het dadelik my profiel op Twitter en Facebook met my vriende s n vergelyk veral met dié van ander skrywers en sprekers soos ek. Praat van voel soos n mislukking! As jy daarna soek as jy 100% op jou eie tekortkomings gefokus is is dit maklik om iemand te vind wat soveel beter as jy lyk. En natuurlik is dit wat ek ontdek het. Hierdie vriende van my het soveel meer volgelinge op sosiale media as ek. Ek het skaars tyd om elke tweede dag iets te twiet. Hoe kry hierdie vroue dit dan reg om 12 keer per dag
#waardevol 13 iets te twiet? Ek weet dit is 12 keer, want ek het getel. Jy het dit ook al gedoen, nie waar nie? (Onthou, ons is eerlik hier.) My vriende is perfek. Hulle het n groot teenwoordigheid op Pinterest. n Mens kan sien hoe hulle Instagram opvrolik. Hulle is briljant en besig, het alles onder beheer en is perfek. Perfek? Ja, want baie van die vriende met wie ek my self vergelyk het, blog elke dag. E-L-K-E D-A-G! Regtig, soms stort ek nie eens elke dag nie. (Dit is nie iets wat ek sal twiet nie.) #grillerig Maar hier is iets wat jy goed moet verstaan. Omdat ek blind is, is dit vir my bitter moeilik om my pad deur sosiale media te vind. Al praat my iphone met my, is sosialemediaapps soos Facebook nie altyd maklik vir iemand wat nie kan sien nie. Vir my om tyd te maak om te kliek en te tik totdat my kneukels geswel en my vingerpunte rou is, wys net hoe obsessief ek daardie naweek met myself was. Natuurlik is ek nie altyd so nie, en ek weet jy is ook nie altyd so nie. Maar ons almal beleef daardie oomblikke wanneer ons net so desperaat is om te ontdek wie ons regtig is en hoe ons by almal rondom ons inpas. En wanneer ons in die lokval trap om onsself met ander te vergelyk veral met ander meisies is dit maklik om te dink ons skiet tekort in feitlik elke faset van ons lewe. Ongeag hoe gewild jy is, iemand anders sal altyd gewilder as jy wees. Dit maak nie saak hoe goed jou punte is nie, iemand anders sal altyd hoër punte as jy vir n eksamen kry. Ongeag hoe talentvol jy is, iemand anders sal jou altyd uitstof. Om jou sukses te bepaal deur jouself met ander mense te vergelyk, doen niks anders nie as om jou net nog meer soos n niemand te laat voel. Ek weet jy wil nie soos n niemand voel nie. Nie een van ons wil nie. Maar soms kan jy dit net nie help nie. Hoe meer jy oor jouself dink, hoe slegter voel jy oor jouself. Wanneer jy jouself met al die ander mense rondom jou vergelyk, sal jy op die ou end onsigbaar begin voel.
14 Uniek & amazing Meisie, dit is waaroor hierdie boek gaan om jou uit daardie ek teenoor haar -ingesteldheid te kry en jou tot binne-in die God en ek -gesindheid te laat beweeg. Daar is immers net een like wat tel die like wat jy elke sekonde van elke minuut van elke uur van elke dag van God kry. Dis nie jou skuld nie Dit is n groot versoeking om na n kitsoplossing vir die onsigbaarheidsprobleem te soek. Ek kan vir jou sê bly weg van sosiale media. Ek kan jou aanmoedig om jou TV se prop uit te trek en jou rekenaar af te skakel. Ek kan jou selfs waarsku om nie na n winkelsentrum te gaan of te gaan fliek nie. Maar ons albei weet om alle vorme van media te vermy is net nie realisties nie. En al is dit n groot versoeking om te skree en te raas dat Facebook en Twitter niks anders sal doen as om jou selfbeeld aan flarde te skeur nie wat, terloops, presies is wat sal gebeur as jy dit sou toelaat is dit ook n onrealistiese verwagting dat jy nooit op Facebook of Twitter sal gaan nie. Buitendien, die media sosiale media en alle ander vorme van media is nie die probleem nie. Dit lê net die probleem bloot. Die media is nie die probleem nie. Dit lê net die probleem bloot. Wie ek is, is gegrond op wie God is. Kom ons gaan terug na my Facebook-histerie. Regtig? Hoe het ek toegelaat dat ek daar beland? Ek is dan n Christen!
#waardevol 15 Ek wéét ek wéét vir seker God is lief vir my. Ek ver staan volkome dat ek vir Hom waardevol is, ongeag hoeveel Facebook-vriende ek het. Daar is geen twy fel by my dat my identiteit in Christus is nie. Hoe kon so n identiteitskrisis my dan tref en boonop so hard? Dit is waar dat my identiteit in Christus is en altyd sal wees. Maar op daardie oomblik het dit vir my gevoel my identiteit word bepaal deur foto s op n skerm en n klomp simpel getalle deur hoeveel volgelinge ek het, hoeveel likes ek gekry het, en hoeveel mense my twiets aangestuur het. Maar wag! Is wie ek is dan nie gegrond op wie God is nie? En as dit waar is, hoekom het ek in die eerste plek probeer om myself te vind? As ek vir Christus vind, vind ek myself. As ek regtig glo God sien my raak, sal ek nooit onsigbaar wees nie. Hoekom laat ek dan toe dat ek op so n plek beland n plek waar ek in onsekerheid en onsigbaarheid vasgevang is? Hier is die antwoord: omdat ek geneig is om af te dwaal. Ons as mense is almal geneig om af te dwaal. Net een negatiewe gedagte of opmerking kan maak dat ons die waar heid dat God ons aanvaar vir wie ons is, verwerp en die leuen begin glo dat Hy almal aanvaar behalwe vir ons. Ons glo hierdie leuen wanneer ons ons Bybel eenkant neersit, ophou om God te soek en ingesuig word in die wêreld van sosiale media, waar ons eerder na ander mense soek en kyk hoe ons met hulle vergelyk. En dan begin ons wie ons is, grond op hoe ons oor onsself voel in plaas van op hoe God oor ons voel. Elke meisie op hierdie aarde beleef oomblikke waarin sy wonder hoekom sy nie voldoen aan haar idee of iemand anders se idee van hoe sy behoort te wees nie. Dit is hoekom ek nou vir jou iets baie duidelik wil sê. Dit is nie jou skuld dat jy geneig is om weg te dwaal nie. Kom ek herhaal dit. Dit is nie jou skuld nie. Dit is jou menslike
16 Uniek & amazing natuur. Ons álmal het hierdie natuur. Elke mens op hierdie aarde is geneig om n obsessie met hulle eie ek te hê. Elke mens op hierdie aarde is geneig om van God af weg te dwaal. Elke mens op hierdie aarde beleef oomblikke waarin hulle wonder hoekom hulle nie voldoen aan hulle eie of aan ander mense se ideale nie. Hoeveel keer het jy al tyd vermors deur jou met ander meisies te vergelyk? Hoeveel keer het jy al in die spieël gekyk en gedink: Ek sal nooit goed genoeg wees nie? Hoeveel keer het jy al gewonder: Hoekom lyk dit of ander mense se lewe soveel beter as myne is? Maak tyd om oor jou antwoorde na te dink. Jy kan dit selfs in n joernaal neerskryf of met n vriendin, n ouer of n jeugleier daaroor praat. Terwyl jy oor hierdie vrae en jou antwoorde nadink, gaan ek jou voorstel aan n jong vrou wat n identiteitskrisis van Bybelse proporsies beleef het. Praat van totaal onbewus van haar waarde! Sy is liefgehad soos jy nie kan glo nie ja, sy is bemin met die soort liefde wat skynbaar net in sprokies waar word maar dit was nie vir haar genoeg nie. Sy het die identiteit wat God vir haar gegee het, verwerp en eerder aanvaar wat die wêreld vir haar kon bied. En die uitkoms was nie mooi nie. Hosea en Gomer Het jy al ooit van hierdie twee mense gehoor? Ek het die heel eerste keer van hulle gehoor toe my pa vir my van hul le vertel het, en my pa was die heel beste storieverteller ooit. As kind was ek versot op hoe hy stories kon saam weef wat soveel van God se waarhede, n bietjie verbeelding en n swaar Suidelike aksent ineen laat vloei het. Soms het ek regtig geen benul gehad oor wie die storie gegaan het nie, want die mense se name het in Pa se stadige, swaar Suidelike draalstem verlore geraak. Toe my pa dus vir my die storie vertel het wat ek nou vir
#waardevol 17 jou gaan vertel die verhaal van die liefde tussen die onwaarskynlikste paartjie ooit het ek gedink die hoofkarakters se name was Hosear en Goma. Regtig! (Eers jare later het ek besef hulle name was eintlik Hosea en Gomer en dat nie alle storievertellers n swaar aksent het nie.) Hosea was n jong prediker, eintlik n profeet, wat in Israel gewoon het in n tyd toe die Israeliete glad nie daar in belanggestel het om sy boodskap te hoor nie. Stel jou voor jy hoor dag ná dag van God en ontvang die groot verantwoordelikheid om vir almal rondom jou te sê wat God vir hulle wil sê. En stel jou dan voor niemand luister na jou nie! In plaas daarvan om na Hosea te luister (wat hulle moes ge doen het), het die Israeliete met hulle oorfone op rond ge stap, na hulle slimfone se skerms gestaar en God se boodskap per se stem heeltemal uitgedoof. (Dis nou nie heeltemal wat gebeur het nie, maar jy verstaan wat ek pro beer sê.) Op n dag het God vir Hosea met n radikale boodskap verras: Hosea se dae as enkellopende was getel. Dit was tyd dat hy trou. En die vrou wat God vir hom gekies het, was eenvoudig asemrowend mooi. Goeie nuus, nie waar nie? Wel, dalk Die goeie nuus van Hosea se troue het met slegte nuus gepaardgegaan. Sy nuwe vrou sou sy hart breek. Sy sou hom verlaat. Ag nee! Op hierdie punt wou Hosea dalk vir God gesê het: Dankie, maar nee dankie. Ek sal iemand anders gaan soek wat my nie so seer sal maak nie. Maar Hosea het op God vertrou. En nadat sy vrou sy hart gebreek het, het Hosea van die grond af opgestaan, hom afgestof en die ondenkbare gedoen hy het sy vrou vergewe, haar gaan haal en haar huis toe geneem, want hy was regtig baie lief vir haar. Liefde kan alles oorwin, selfs dit wat lyk of dit vir ewig verlore is. (Sien jy, ek het vir jou gesê hierdie storie is soos n sprokie.)
18 Uniek & amazing God het die volmaakte plan vir my lewe, selfs al lyk dit of alles skeefloop. Hosea en Gomer se storie is n liefdesverhaal van baie, baie lank gelede. Wanneer ons dit nou lees, sien ons daarin die volmaakte plan wat God vir ons elkeen se lewe het selfs al lyk dit of alles skeefloop. Het jy geweet die storie van Hosea en Gomer is ook my en jou storie? Dit is n storie oor hoe om jou identiteit in die volmaakte liefde van God te vind, en oor hoe om die wáre jy te ontdek en uit te vind jy is nooit onsigbaar en doodgewoon nie. Jy maak saak. Jy maak sommer baie saak. Jy is uniek en amazing! Die vrou in ons storie, Gomer, wou niks van haar man se liefde vir haar weet nie. Sy wou meer hê iets meer opwindend, iets meer waaghalsig, iets wat haar meer sou laat voel sy is iémand. Hosea se liefde moes haar gelukkig gemaak het, maar Gomer het net aan haarself gedink. Gomer het n taamlik rowwe verlede gehad. Soos jy sal hoor, was haar familiesituasie nou nie juis van die bestes nie. En die kultuur van destyds het ook nie gehelp nie. Die kans is goed dat jy waarskynlik sal dink jy het nie baie met Gomer gemeen nie. Ek weet. Ek het altyd presies so gevoel. Maar ek het meer gemeen met Gomer as wat ek gedink het. Eintlik het ons almal iets met haar gemeen. Ons almal is geneig om af te dwaal. Ons almal kom in die versoeking om op ons eie pad te gaan stap. Ons almal is geneig om net na onsself te kyk en ons oë van God af weg te draai. Die Bybel sê dit is waar vir ons almal. In Hosea 11:7 sê God: My volk is vasberade om My te verlaat. Ek weet jy was nog nooit getroud nie en jy het nie jou
#waardevol 19 man verlaat nie. (Ek ook nie. Wel, ek is getroud, maar ek het nog nooit my man verlaat nie.) Maar om van God af weg te dwaal hoef nie op die grootskaalse manier te gebeur soos in Gomer se lewe om eg en gevaarlik te wees nie. Wanneer ons van God af wegkyk en na ander mense kyk vir goedkeuring, dwaal ons weg van God af. Wanneer ons wegdwaal van n lewe vir Jesus op soek na iets wat vir ons meer opwinding sal bring as God, dwaal ons. Wanneer ons gedagtes van God af wegdwaal, begin ons wonder wie ons is. En wanneer ons wonder wie ons is, sal ons in ons optrede begin dwaal. Ons sal wegdraai van God om te gaan uitvind wie ons is. Ons sal agter ander mense aan dwaal en na vreemde plekke gaan om ons identiteit daar te probeer vind. En wanneer ons dit doen, sal ons ontdek ons voel volkome onsigbaar en ons het in die middel van n groot identiteitskrisis beland. Wanneer ons sonder God probeer uitpluis wie ons is, sal ons nooit onsself kan leer ken soos God ons geskep het nie as amazing, unieke en ongelooflike dogters van God. Is dit nie n verligting om te weet jy is nie die enigste een wat met n gesonde identiteitsbesef sukkel nie? Is dit nie vertroostend om te hoor almal rondom jou selfs dié meisies wat lyk of hulle hulle hele lewe onder beheer het en in alles perfek is het al oomblikke beleef toe hulle onsigbaar gevoel het nie? Wanneer ons nou na Gomer se lewe kyk en daarna ook na ons eie lewe, kom ons dink na oor n paar belangrike vrae. (Onthou, jy kan jou antwoorde in jou joernaal neerskryf of met n vriendin, jou ma of n jeugleier daaroor gesels.) Wat is my identiteit? Waarop is my identiteit gegrond? Kan ek my met my identiteit vereenselwig?
20 Uniek & amazing Aanvaar ek myself? Dink ek God aanvaar my? Voel ek onsigbaar? Ontdek jou ware identiteit Daar is n stukkie van my in Gomer, en daar is n stukkie van jou in Gomer. Dit is dié stukkie in ons almal wat geneig is om van God af weg te dwaal. Dit is dié stukkie in ons almal wat maak dat ons ons Godgegewe identiteit verloor unieke, amazing en ongelooflike dogter van God terwyl ons ons plek in die wêreld probeer vind. Die nare waarheid is egter dat wanneer ons God uit die prentjie weglaat, ons nie kan onthou wie ons is nie! Wanneer ons onsself nie aanvaar nie, is dit moeilik om te glo God aanvaar ons. Maar Hy aanvaar ons volkome! Ons sien so vinnig ons swakhede en foute raak. En ons sien so dikwels nié raak wat God alles in ons raaksien nie. God het my en jou as sy geliefdes gekies. En wanneer ons, soos Gomer, van Hom af wegdraai, staan Hy elke oomblik gereed vir die dag dat ons na Hom toe sal teruggaan. Vir God is dit nie belangrik wáár ons is nie vasgevang in ons identiteitskrisis. Hy fokus op wié ons is. Ons is nooit vir Hom onsigbaar nie. Werk jy hard daaraan om aanvaar te word? God kan jou vrymaak om te aanvaar wie jy regtig is. Wonder jy baie wie jy is? God kan vir jou jou ware identiteit wys n identiteit waaroor jy kan glimlag. Het jy al ooit gevoel niemand sien jou raak nie, jy is nie goed genoeg nie of jy is onsigbaar? God kan jou eens en vir altyd wys hoe jy vóél is nie wie jy ís nie. Is jy gereed om saam met my op hierdie reis te vertrek? Saam kan ons by n plek uitkom waar hoe jy voel nie sal bepaal wie jy is nie. Wat jy in die verlede gedoen het, sal nie beïnvloed wat jy in die toekoms doen nie. Wie die media sê
#waardevol 21 jy behoort te wees, sal nie so sterk wees soos wie God sê jy reeds is nie! #radikalegeloof In plaas daarvan om aanhoudend te streef na aanvaarding, sal jy vry wees om die wonderbaarlike jý te aanvaar wat God reeds aanvaar het (draadjies, puisies en al). In plaas daarvan om vas te val in n identiteitskrisis, sal jy jou onskatbare waarde ontdek. In plaas daarvan om te voel niemand sien jou raak of waardeer jou nie, sal jy ontdek dat jy nog nooit nee, regtig nog nooit vir God onsigbaar was nie.
Vir God is dit nie belangrik wáár ek is nie vasgevang in my identiteitskrisis. Hy fokus op wié ek is. Hy sien my raak. #EkIsUniek&Amazing
24 Uniek & amazing Nee, dit moes my suster gewees het. Ek is niemand nie, antwoord Marí terwyl sy die bottel yskoue water uit die yskas haal. Marí hou daarvan om die mense by die eetgoedtafel te help. Natuurlik doen sy dit vrywillig en sy word nie daarvoor betaal nie, maar dit help om geld vir haar suster se balletskool in te samel. En terselfdertyd kan Marí meer ure vir haar gemeenskapsdiensprojek by die skool bymekaarmaak. Boonop is dit groot pret. Marí droom om eendag haar eie bakkery te hê. Sy bring ure in die kombuis deur en bak en versier allerhande koeke en cupcakes. Sy hou ook van hierdie voordeel om met die mense te kan ge sels en vir hulle aan te beveel wat hulle moet koop. Die enigste deel waarvan sy nie hou nie, is die aanhoudende vrae: Wie is jy? Het jy in die middagvertoning gedans? Is jy deel van die balletskool? Keer op keer glimlag sy geduldig en antwoord: Ek is niemand nie. Ek is nie iemand belangriks nie. Ek verkoop net die eetgoed. Aan die einde van die aand voel Marí baie terneergedruk oor haarself. Hoekom het sy nie van ballet gehou toe sy dit jare gelede probeer doen het nie? As sy vasgebyt het, sou sy dalk nou net soos haar suster en haar vriende gewees het met die hele gehoor se oë vasgenael op hulle. Sý kon ná die opvoering die middelpunt van aan dag gewees het met dogtertjies wat om haar saamdrom om aan haar blink balletrok te raak en vir haar te sê hoe mooi sy lyk. Ja, sy hét al haar cupcakes en brownies verkoop, maar in vergelyking met haar suster voel Marí soos n niemand. Marí is nie n niemand nie. Niemand is n niemand nie. Niemand is maar nét die verkoper van eetgoed of maar nét n student of maar nét n suster of maar nét enigiets nie. Wanneer ons agter die skerms werk en take doen wat