GRATIS Uitgawe Nr 3 - Des 2011 Tel : 013 262 3381/4114 Kersfees gaan oor n Kindjie met die naam Jesus wat beskryf word as Immanuel, Leidsman, Vredevors en Koning, maar agter hierdie Kindjie was n moeder, n mamma wat die Kindjie liefdevol gevoed, versorg, beskerm en vertroetel het, en aan Hom die lewe gegee het. n Mamma wat in al die stadiums van Sy lewe, hom met haar liefde toegevou het. Van Die Trompet n spesiale huldeblyk hierdie Kersfees aan al die mammas wat die voorbeeld van Jesus se mamma gevolg het. Mag elke lidmaat dan ook die wonder van ons Skepper en Heer hierdie Kersfees beleef. Kersgroete aan u Die Trompet
E lke oujaarsaand, dan lol my gedagtes om op vlerke oor bosse en vlaktes heen te sweef na die plekkie waar my wortels is. Dis daar waar die volmaan saans oor n onbesoedelde wêreld opkom, sò helder dat dit vir jou lyk of jy die man in die maan kan sien. Dis daar waar die sterre op stikdonker nagte skitter soos op geen ander plek nie. (Op net één ander plek, lank gelede, het hulle helderder geskyn, dis toe engele aan eenvoudige skaapwagters gaan vertel het van die Kindjie wat gebore is en in n krip lê, - God wat mens geword het om onder ons te kom woon.) Dis ook daar waar die son laat middag daar doer agter die blou-pers Maneziberge vir hom n slaapplekkie loop uitsoek. Op oujaarsaand is dit dan ook net natuurlik om te dink aan hulle wie se kind ek is. Die twee grafte langs mekaar. In die een lê ons pa groot, sterk, streng, vol selfvertroue. Hy het geglo dat arbeid adel is en dat jy op n eerlike manier jou brood en botter moet verdien. In die ander een lê die beste ma in die hele wêreld. Van kniehoogte af al het sy ons vertel van Jesus en het sy ons leer bid: Liewe Jesus, ek is klein, maak my hartjie rein. Amen, en as ons saans tjommel oor die ewige gebad-bad elke aand, dan sê sy: Kindertjies moet elke aand bad, want sê nou net die engeltjies kom jou vannag haal, dan moet die voetietjies skoon wees. (Sou dit wees hoekom ek saans sukkel om aan die slaap te raak as ek nie eers gebad het nie?) Ek dink dan ook maar aan kerkstories, omdat die kerk destyds so n groot rol in ons lewens gespeel het. Die kerksaal, met die pastorie langsaan, was voor my tyd daar. Ds Liebenberg se gemeentegrense was ongeveer 550km van Noord en Suid en omtrent 100km van Oos na Wes. Sy vervoer was n kar met twee muile voor muile, omdat hulle nie so maklik gevrek het aan perdesiekte nie. Hy het darem later n paar mooi karperde gehad en veel later een van die eerste Model-T Fordjies in die kontrei. Sondae is ons almal met die perdekar kerk toe. Die perde is onder die klapperboom se koelte vasgemaak tot na die diens. Sondagskool was 3nm, dan moet ons kinders die 1½ myl stofpad loop, ek met my skoene in die hand. Naby die Kerksaal se hekkie word hulle eers aangetrek, want hulle druk die paar boerepote so erg dat jou ore sing. Jy kan skaars konsentreer as ons Jesus roep my vir n sonstraal sing. Natuurlik waai die skoene met die uitkomslag en kan jy weer asemhaal. Die mooi kerk is in die vroeë 30 s gebou. Gerhard Moerdyk was die argitek. Dit was depressiejare en vir baie mense was dit n stryd om net kos en klere te hê, maar sjielings- en halfkroongewys het die blye dag aangebreek toe die skuld gedelg is. Nagmaaltye het die ossewaens op die Vrydag al vanuit die vier wind-rigtings aangekom en is kamp opgeslaan op die Kerkterrein. Die osse is op die dorpsgrond opgepas. Dan het die groot kuier begin uitgevra hoe die waatlemoene groei en of die sprinkane ook jou koringland opgevreet het; mekaar se koffie en beskuit is uitprobeer en die pype uit mekaar se twaksakke gestop. Die kêrels en nooientjies kuier dan skelmpies agter die waens met die seile oor. Saterdag het die tannies die koffie en suiker en Lennon s medisyne by die Jood se winkel gaan koop en sommer gekyk of daar nie dalk n mooi stukkie materiaal is vir n rokkie vir volgende keer se Nagmaal nie. Die ooms het gaan loer na die Jood se voorraad saals en tooms en sommer n paar sakkies pyptabak aangeskaf vir vorentoe. Saterdagaand is Voorbereidingsdiens. Dan loop start oom Jan Barnard die Lister wat in sy huisie onder die wildevyeboom staan en daar is ligte in die kerk. Twee fris diakens gaan dan na die galery om die orrel te trap sodat daar genoeg lug in sy longe is terwyl mev. Ds speel. Dié trappery is harde werk. Die sweet loop letterlik in die somer. Die diakens het darem gemag om hul manelpak baadjies uit te trek terwyl hulle trap. Dan sing ons Prijs den Heer met blije galmen... Sondagoggend is die Nagmaal en om 3nm Nabetragtingdiens. Daarna is dit weer lekker kuier vir oulaas. Vroeg Maandag word die osse laat haal en ingespan. Dis nogal n storie om die verskillende spanne osse by die regte wa te kry. Dan klap die jongmanne die swepe en vee die nooientjies n traantjie weg en waai met wit sakdoekies. Die groot uittog het begin dis totsiens tot volgende keer. Dis op hierdie selfde plek waar ek die oulikste meisie in die hele kontrei onder die wolwe se neuse weggeraap het om haar my vrou te maak en haar oor die uitgetrapte drumpel van die bouvallige ou huis gedra het, wat lek as die reën. Maar wat het dit saak gemaak? Ons was lief vir mekaar. Ons kinders is daar gebore. Ek slaap al vir byna 59 jaar by dié vrou en sy hou nog so nou en dan my hand vas! Dis mos oraait! As die tyd dan aanbreek dat die engeltjies my kom losmaak van al die mooi dinge wat ek belewe het en van almal vir wie ek so baie lief is, dan hoop ek dat die voettetjies skoon sal wees en die hartjie rein en dat ek verstandelik helder sal wees om te kan vra: Here, neem my hand, help my nog net dié een keer vir oulaas, asseblief Here. Ek is bang vir die onbekende. Dra my asseblief na die plek toe wat U belowe het om ook vir my te gaan voorberei. Alle eer aan Hom wat my gemaak het. Epos alle bydraes na BEIDE epos adresse OF u kan dit by die kerkkantoor inhandig. Baie dankie. Tel: 013 262 3381 / 4114 Epos: Solly Ferreira: lusernkraal@ctecg.co.za / naomi@ctecg.co.za Artikels wat nie in die uitgawe is nie sal in volgende uitgawes verskyn weens beperkte spasie. 2
Die Ware Gees van Kersfees Magriet Combrink Die Kersseisoen het aangebreek En die winkels bars uit hul nate Dis speelgoed, snoepgoed, mooigoed En die mense trippel deur die strate. Elkeen haas hom tot hot en haar En sien niemand om hul raak Die Kersfeestyd en hul moet koop Of hul geld het geen saak! In die tyd raak eensames, nog eensamer Want almal om hul het n maat Niemand sien hul eers raak nie En hul voel van God en mens verlaat! Dis Kersfeestyd! Dis Christusfees! Kyk bietjie om jou rond Sien jy die arme bedelaar raak Of kyk jy liewer op die grond Laat ons hierdie Kersfees Liefde aan ons naaste bring Kersfees gaan nie net oor Kersetes En om mooi Kersliedjies te sing! Gaan soek die eensames en die siekes Die wat hartseer is en vol pyn, Dis tyd om God se liefde te gee Aan n stukkende wêreld vol venyn Steek jou hand uit na die armes Gee aan hulle wat minder het as jy Bid vir hulle in hierdie wêreld Alleen is en sonder hulp moet bly. Op Kersdag gedenk ons Christus se geboorte Die grootste geskenk aan die mens Jesus sou sterf aan n kruis vir ons sondes Dit is die liefde van die Vader, onbegrens! Al wat Hy vra is dat ons in liefde sal lewe. In gehoorsaamheid aan Sy gebod. Want dit grootste gebod is die liefde Vir ons naaste en ons God. * * * * KERSFEESTYD Magriet Combrink Ek het gedink aan Kersfees En voor my geestesoog, Flits daar die beeld van sterre Hoog aan die hemelboog Die sterre het geskitter, Die glans was mooi en sag. Maar helderder as helder Was een groot ster se prag. Die ster dra hierdie boodskap, Kom kyk die Kindjie teer, Daar in die stal van Bethlehem, Kniel wyse manne neer. Maar toe flits ander beelde, Weer voor my gees verby, Ek sien hoe daardie Kindjie Op Golgota moes ly. Hy dra Sy kruis en struikel, Vir my was daardie pyn Vir my het Hy gesterwe. Deur Sy bloed word ek rein. n Boodskap van jou Hemelse Vader Ingestuur deur Anita Hugo Liefste Kind. Toe Ek op jou besluit het, was daar soveel vrede, kalmte en liefde in My hart. Ek het geweet hoe jy gaan lyk, jou stem gaan klink en hoe jou glimlag ander mense se harte gaan verander selfs toe jy nog net n gedagte was. Ek het jou begin vorm in jou ma se skoot. Jou vingerafdrukke lyntjie vir lyntjie getrek en geweet hierdie patroontjie op jou vingertjies sal Ek nooit herhaal nie. Jy is nie n fout nie, want Ek maak nie foute nie. Ek maak net mense na my Beeld. Toe die tyd reg was het Ek jou volmaakte lyfie in jou moeder se arms neergelê. Ek het in jou ogies gekyk, gestaar en geweet Ek het n besonderse mensie gemaak. Nog nooit het Ek daarna My oë van jou afgehaal nie. Ek het jou gesien opgroei. In die dag bewonder Ek jou en in die aande sit Ek langs jou bed en kyk hoe jy aan die slaap raak. Soms het daar trane oor jou wange gerol oor gebroke verhoudings, verkeerde besluite en soms sommer net omdat jy soos n mislukking gevoel het. Daar was dae wat jy moedeloos was, dae wat pyn jou wou vernietig het! Ek het saam met jou gehuil, My hande gehou en jou kosbare trane opgevang. Ek ken seer. Ek verstaan pyn. Daar was selfs n tyd wat mense my nie verstaan het nie, my verwerp het en aan n kruis vasgespyker het, daarom weet Ek hoe jy voel. Daar was dae wat jy deurmekaar gevoel het en gewonder het wat, waar en hoekom. Ek wil net vandag vir jou sê, nie een van die foute wat jy gemaak het, het My onkant gevang nie. Ek was nie verbaas nie, Ek weet alles, Ek verstaan alles, Ek sien alles. Ek kyk nie na jou met oë wat oordeel nie. Ek kyk na jou met oë van liefde en Ek luister na jou met My hart omdat Ek n God is wat uit liefde bestaan. Soms het mense al n verkeerde prentjie van My vir jou geskilder. Ek wil jou nie straf nie. Ek is nie ver van jou af nie. Ek ken jou beter as enige iemand anders. Ek weet wie jy werklik is. Ek het jou gemaak en Ek is lief vir jou. Jou Hemelse Vader. 3
O Draai bobbejaan, draai bobbejaan! Hier kom groot reën aan, Hardloop leeu, hardloop leeu... Dat jou stert so styf staan. om Theuns se rympie... ons wou hom later stenig!! So het ons klam opgeslaan en papnat afgeslaan en tussen Vrydag en Woensdag? wel... as die son skyn dan lek hy mos nie. Wat n volbloed seekamp-vakansie? Ons was warm en byna verkluim, uitgedroog en papnat... lekker honger en oorversadig. (Dis nou van Oros en droeë buns!!) Die dapperes het die see mak gemaak met die kajakke en branderplanke. Die tantes het liewer die walvisse bekyk. Van die ooms en seuns was diepsee toe, met genoeg verantwoordelikheid. Dankie oom Chris! Barry leer ons poker speel. Bianka stap saam tot duskant Mosambiek. Daar was miljoene goggabies, Loffie doop hulle toe Piette. Sommige gaan ons nog veras as ons weer tent opslaan. Hoe groot was die krappe? Papborde of kleinbordjie size? In elkgeval wie wil nou die waarheid hoor? Aan ieder en elk baie dankie, Dis so lekker om waar ons mekaar weer raakloop daai stand glimlag te ken, waterdigte vriendskapsbande!! Ds Jannie het so uitgereën, hy nooi almal... beplan solank, sien jou DV Oktober 2012 op Cape Vidal. 4
Kersfees 2011 When you are little, it s not hard to believe you can change the world. I remember my enthusiasm when, at the age of 12, I addressed the delegates at the Rio Earth Summit. I am only a child, I told them. Yet I know that if all the money spent on war was spent on ending poverty and finding environmental answers, what a wonderful place this world would be. In school you teach us not to fight with others, to work things out, to respect others, to clean up our mess, not to hurt other creatures, to share, not be greedy. Then why do you go out and do the things you tell us not to do? You grownups say you love us, but I challenge you, please, to make your actions reflect your words. Aan die woord is die 12 jarige Cullis Suzuki en haar maats. Aangrypende woorde wat volwasse mense laat dink! Van oorlog na vrede! Sou mens hierdie paar woorde kon opsom. Dis n eensame pad omdat dit nie die weg van die wêreld is nie. Jy loop hom ontsettend alleen. Soos Jesus Christus dit moes doen. Maar Hy is as n Kind gebore. n Kind is onskuldig, ken nie haat, wraak, vergelding en dergelike dinge nie. Dis juis so Iemand wat vir ons gestuur is, vir vuisvoos mense. Ons moet soos kinders word, soos hierdie kinders. Alle selfvertroue moet afgebreek word. Luk 18: 16-17. Maar Jesus het die kindertjies nader geroep en gesê: Laat die kindertjies na My toe kom en moet hulle nie verhinder nie, want die koninkryk van God is juis vir MENSE SOOS HULLE. Dit verseker Ek julle: Wie die koninkryk van God nie soos n kindjie ontvang nie, sal daar nooit ingaan nie. Vir diesulkes is die Koninkryk van God, mense wat geleer het van vrede, liefde, omgee. Dis hoe die wêreld moet lyk. Moet ons as volwassenes nie meer doen soos ons hulle geleer het nie? Draers van vrede wat vrede bring soos Jesus as kind hier op aarde vir ons gebring het. Mag u die vrede en liefde van ons Here Jesus Christus ondervind en bewerkers daarvan wees in hierdie Kerstyd. Jesaja 65:25 Die wolf en die lam sal saam wei, die leeu sal strooi vreet soos n bees, en stof sal die kos van die slang wees. Op my heilige berg sal niks verkeerds gedoen word nie, niks vernietig word nie, sê die Here. Mag hierdie Kersfees vir almal klein en groot, groot vreugde inhou omdat ons Sy geboorte weereens soos elke jaar herdenk. Het Hy al n verskil in u lewe gemaak? Geseënde Kersfees aan u almal en as die nuwe jaar aanbreek wens ons u n voorspoedige een toe. Aan diegene wat met geliefdes gaan kuier, geniet dit terdeë en kom veilig tuis. Aan u wat in eensaamheid iewers die tyd alleen moet deurbring, ons harte gaan uit na u. Liefdegroete Ds Jannie, Madeleine en kinders. Erfenis met n ander geur Marie Nieuwoudt Op 23 September was daar n uitreik na Toitskraal Laerskool. Hier is 70 graad sewe leerders, van alle Afrika kulture bedien. Hierdie kinders weet van God maar honger na die waarheid. Dit was n heerlike ontspanne vrolike groep kinders. Hulle gaan vanaf 4 jarige ouderdom in Engels skool. Dit het deure oopgemaak om die Jesus film te vertoon. Hierdie is n nuwe uitstekende DVD waar kinders van die rolle vertolk. Daar was trane en vrae... en later n hotdog en juice. Ds Hendrik het toe vir elke kind sy eie Storybook Bible oorhandig. Dit was erfenis dag 2011 by ons skool. Die bome is geplant, deur kinders in hulle mooiste kleurvolle tradisionele klere en... die beste... n saadjie is gesaai... wat kan uitloop op die GROOTSTE ERFENIS ooit!! 5
Dissipelskap van Jesus WANDEL IN DIE WOORD EN WANDEL IN DIE WêRELD O p ons reis saam met Jesus bepaal Hy die begin van ons reis en die Heilige Gees leer ons geloofsonderskeiding wat die rigting van ons reis bepaal. Ons en ons kinders, is in die besondere posisie dat God die begin van ons reis bepaal. Ons is deel van die Jeremia 1 generasie: God begin ons reis alreeds in die moederskoot en bevestig dit deur Sy doop aan ons.dit is n voorreg wat nie baie mense in hierdie wêreld beskore is nie. Om God se genade te aanskou elke keer as een van Sy dissipels se kindjie gedoop word, gebeur met baie min mense en dit bring n diepe dankbaarheid in ons harte. Dit bring ook n vaste sekerheid dat God my lewensreis begin het, en op hierdie reis laat God baie ruimte vir my om keuses te maak. Dit beteken ook dat die moontlikheid daar is om van koers af te dwaal en soms die pad byster te raak weens ons sondige ingesteldheid op onsself, maar dit beteken ook dat ek deur die Woord van God, weet hoe om weer op koers te kom. Daarom is daar n gedurige wisselwerking op hierdie reis saam met God, tussen my wandel in die woord en wandel in die wêreld waardeur my reis gaan. Om so op koers te bly saam met Jesus, het ek gedurige geloofsonderskeiding nodig. Dissipels word gevorm en hervorm deur die gesindheid, basiese kennis, vaardighede en gewoonte om uit die Woord te leef.. Om in die Woord te wandel en vandaar in die wêreld te wandel vra baie meer as om maar net die Bybel te lees en daaroor te praat. Toets jouself wat doen jy meeste van die tyd: Lees Bybel Kies bybelgedeelte in gebed Lees dit vir jouself en vir ander Lees dit eenkeer klaar Lees dit met die oog op inligting Wandel in die Bybel Kies bybelgedeelte in gebed en vanuit jou lewenssituasie Lees dit oor en oor en saam met ander en sit en dink daaroor in stilte en praat daaroor Lees verskillende vertalings en hou aan lees en dink daaraan as jy besluite moet neem Lees dit met die oog op verandering Deur so in die bybel te wandel, gaan jy leer om ook saam met God in die wêreld te wandel deur Sy werke raak te sien en te beleef. Geloofsonderskeiding is dus die vermoë om die tekens van die tye te lees sodat jy God se werke kan raaksien en daar kan begin leef waar God reeds besig is. Ons geloofsonderskeiding moet ons help om vooruit te kan sien waarheen God met ons oppad is op hierdie reis. As ek die tekens van my tyd kan lees en daarmee saam kan wandel in die Bybel, dan begin ek iets van God se reis saam met my verstaan. As ek begin vashaak by n bybelgedeelte en terselfdertyd begin ek vashaak by iets in my lewe en ek kan die verbintenis raaksien met die hulp van die Heilige Gees dan begin ek die kuns aanleer om te wandel in die Woord en te wandel in die wêreld waar dit n verskil maak en en saam met God op reis is. Dit vra dat ek my konteks waarin ek leef, wat gedurig besig is om te verander, sal begin interpreteer vanuit die Woord en dan die Heilige Gees sal hoor as Hy van elke verandering n nuwe geleentheid maak waar God aan die werk is. God is beide aan die werk in die huidige en in die veranderlikes, terwyl ek gewoonlik net in die huidige besig is en baie skepties en skugter is oor dit wat verander meestal bedreig voel daardeur. Toets jouself waar is die meeste geleenthede om God aan die werk te beleef: in jou leefwêreld wat dieselfde bly of in jou leefwêreld wat verander? In laasgenoemde ontmoet jy meer mense onder verskillende omstandighede wat n groter uitdaging vir jou bring en jy word telkemale gekonfronteer oor jou geloof en moet meermale verantwoording doen wat jy glo en jy groei baie meer. Jesus het juis Sy dissipels deur die een verandering na die ander gelei en so geleenthede geskep waar hulle kon groei en al hoe sekerder word van hul reis saam met God. Mag jou wandel in die Woord en jou wandel in die wêreld mekaar ontmoet waar God aan die werk is, sodat jy kan gaan werk waar God reeds gereis het en nog gaan reis saam met jou. Sterkte met die reis en geniet dit. Ds Hendrik Juwele Uitstalling Ideale geskenke vir Kersfees! Armbande, oorbelle, kettings, kinder juwele, ens. 10% afslag op alle juwele! Dawie Scholtz Eiendomme Plase Huise Enige eiendomme SKAKEL VIR DAWIE 082 578 2429 Koop en verkoop van : Datum: 1 21 Desember 2011 Plek : Krugerstr 36A, Groblersdal Navrae: Ansie Walker 072 188 0136/013 262 3029 6 BENODIG DRINGEND! Ons benodig DRINGEND fondse om Die Trompet te finansier. U kan n advertensie plaas teen geringe bedrag of donasie gee.
Prys die HERE, wat n wonderlike getuienis! Ek het nog altyd gedink n ouer moet erg nalatig wees om oor sy eie kind te ry Wat n klip was dit nie wat ek sommer so maklik rondgeslinger het nie. Op 7 Julie 2011 was ek saam met my vier meisiekinders by die huis. René (12 jaar), Shané (9 jaar) en dan Anneke en Marissa (ons woelige tweeling van 5 jaar). Ek is bevoorreg om by n skool te werk en het elke vakansie die voorreg om saam met my kinders deur te bring. Die wintermaande is gewoonlik taaier op n mamma want dan kan die kinders nie swem en buite baljaar nie weens die koue. Ons het n fietsrybaan ontdek en was net die vorige dag daar saam met n paar ander mammas en kinders. Ons het so n bietjie rondgedwaal, en moeg dvd s gekyk, het ek besluit om die kinders maar weer fietsrybaan toe te neem. Die tweeling was erg opgewonde want die ouer sussies was nog nie daar nie en hulle wou graag spog met alles wat hulle daar kon uitrig. Ek het by die huis uitgestap en gesê dat hulle solank hulle fietse moet kry en dan vir my net daar moet wag want ek gaan die kar haal. Ons ry n Volvo XC90(4x4), vir die wat nie weet nie, is dit n groot, breë en swaar motor (Gewig tussen 1.5 en 2 ton). Dit neem ook n rukkie om op te warm en dit is nie net van inspring en ry nie. Ek het die motor in trurat gesit en begin ry. Ek het gehoor ek ry oor iets en dank die Here, gestop en vorentoe gery. Ek het besef dat ek beslis niks agter die kar gesien het toe ek gaan inklim het nie. Ek het uitgeklim om te kyk wat lê in die pad en tot my uiterste verlammende skok... my kind, Anneke, een van die tweeling daar sien lê, met die fietsie langs haar. Die opgewondenheid was klaarblyklik te veel vir haar en sy het my gevolg om solank die fietsie te laai. Ek het na haar gegaan en haar opgetel, wat n groot fout kon gewees het aangesien daar gebreekte bene of werwels kon wees. Daar was braaksel langs haar wat my laat besef het dat ek oor haar maagie moes gery het. Toe ek haar opgetel het, het ek NEE gegil. Sy het toe begin bloed opbring en snaakse kreun geluide gemaak. Ek het so geskrik soos ek in my lewe nog nooit geskrik het nie. Met die gil het die ander drie uit die huis gekom en gesien dat ek sussie vashou en daar is net bloed. Ek het vir hulle gesé om in die kar te klim want ek moet sussie by n hospitaal kry want ek het oor haar gery. Hulle was om die minste te sê histeries en het aan die huil gegaan. Ek het vir René gesê sy moet die hek solank oopmaak en ek het met Anneke in my arms gehardloop om die voordeur toe te sluit. Ek het die oomblik toe ek haar opgetel het begin bid in die naam van Jesus. Die deur wou nie saamwerk nie, toe los ek dit maar. Ek het vir n oomblik geworstel met die besluit wat om met haar te doen. Ek het so in die hardloop deur aanhou bid en Jesus se Bloed oor haar lewe gepleit. Ek wou nie laat gaan nie en het met haar op my skoot agter die stuurwiel ingeklim. Hierdie kind gaan ek nie vandag laat gaan nie, het ek gedink. Ek het net gewag dat René die hek toemaak en gejaag met geen idée waarheen om te gaan nie. Skrik is n lelike ding en kan n mens erg deurmekaar maak. Ek is gelukkig n baie goeie bestuurder, en redelik ervare ook met hoë spoed aangesien ek in die SAPS gewerk het. Ek het vreeslik gejaag en het sommer in die ry tussen die klipharde gebede deur besluit waarheen om haar te neem. René het iets vir my gevra en ek het hulle al drie gepaai en gesê Anneke sal ok wees, sy is in die Here se hande. Ek het vir René gesê sy moet net bid. Skielik was daar verkeer en ek het met Anneke gepraat, so deur die bid, en sy het skielik gehyg asof haar wind uit was en haar ogies het stokstyf geword. Ek het oor en oor die bloed van Jesus oor haar lewe gepleit en vir die Here dankie gesê vir die genesing wat al klaar plaasgevind het. By die hospitaal aangekom, slegs onder die beskermende Hand van die Here, het ek vir die ander kinders gesê hulle moet wag, ek kom nou. Ek het die ongevalle eenheid binne gehardloop en my kind het erg gelyk. Hulle het haar gestabiliseer en nek en rug stutte aangesit, drip en die hele lot. Ek het verskriklik gebewe maar was baie kalm. Die adrenalien was ongelooflik sterk, ek kon dit voel vanaf die middelpunt van my lyf. Anneke was baie slap en stil maar het nie een keer haar bewussyn verloor nie. Daar was n CT scan gereël. Haar ogies was bang maar tog so kalm. Ek het oor en oor, vandat ons gery het vir haar gesê dat Jesus haar lief het en dat Hy haar in Sy arms styf vashou. Dit het haar gerus gestel want hierdie Jesus waarvan ek gepraat het, ken ons in ons huis. Ons gesels elke dag met Hom en vertrou Hom met alles wat ons doen en sê. Hy gaan selfs saam skool toe en werk toe. En ja, dit is dieselfde Jesus wat vir ons fluister dat alles oraait is as ons lelik was met sussie en dat ons maar weer kan probeer om dinge reg te doen. Dit is ook dieselfde Jesus wat elke dag vir ons sê dat Hy vir ons lief is, dat ons syne is en dat Hy nooit ons hand sal los nie.ons moet net aan Sy Hand vashou. Intussen het ons Pastoor se vrou en een van ons voorbidders opgedaag en ook gebid. Mense van oral het begin bid. My man was so drie en n half ure weg van die huis af gewees. Die ander kinders was opgeneem deur ander se liefde en sorg en het saam met oupa huis toe gegaan. Die CT scan was gedoen en sy is na n saal verplaas. Die Dokter het na n ruk vir ons kom sê dat daar nie n enkele beentjie in haar lyf gebreek is nie, maar dat haar een long n skeurtjie in het en dat die ander een gekneus is. Verder op hierdie stadium kon hulle niks fout sien nie. Seker n uur en n half later was die Dokter terug en het gesê dat hulle uitgevind het dat haar lewer ligweg gekneus was en haar regterkantste nier ook. Daar was bloed in haar urine en hulle het haar oorgeplaas ICU toe vir observasie. Sy het goed geslaap en my hart was flenters elke keer as ek net na haar kyk. Geen klagtes het oor haar lippies gekom nie en ek het vir haar gevra of sy weet dat Jesus vandag haar lewe gered het. Sy het gesê Ja. Ek het die gebeurtenis met haar bespreek en haar vertel dat die duiwel partykeer lelike dinge met ons laat gebeur maar dat God ons help om daar deur te kom. Sy is vanaf ICU terug na die kindersaal verplaas die volgende oggend en nou, 30 ure later is sy van die suurstof af, van die drup af, en woel hier rond in die saal. Sy gaan more oggend huis toe. Vir my is hierdie hele gebeurtenis n absolute wonderwerk. Ek het haar nie net scrams getref nie, ek is reg bo-oor haar. Ek dank die Here dat ek gestop het, anders was ek oor haar kop ook. Ek dank die Here dat Hy die oomblik wat ek Jesus se bloed oor haar gepleit het en in Sy naam gebid het, begin het om haar te genees. Ek dank die Here vir haar gesindheid en absolute vertroue in Hom en ek dank die Here dat Hy ons, wat kleiner as die stof van hierdie aarde is, raaksien en liefhet. En ek dank die Here vir die verhouding wat ek as vrou met Hom het. Sonder God in ons lewe, sou niks dieselfde gewees het nie. Aan enige ouer wat hierdie lees: Leer jou kind om die Here persoonlik te leer ken. Hulle is nooit te jonk om Sy liefde en Genade te verstaan nie. Help hulle om Jesus oral saam met hulle te vat en pleit die bloed van Jesus oor hulle en Bid in die Naam van Jesus Christus, die ware, lewende Seun van God. Jesus leef! ons moet Hom net begin raaksien en ervaar, en aanvaar. Vyf jaar terug, toe ek twee maande swanger was met die tweeling, was my man in n geweldige motorongeluk waartydens hy vier skedelbreuke, verlamming aan die linkerkant en twee skeure in die aorta gehad het. Jesus was daar ook teenwoordig en my man is aangeraak deur wonder genesing. Die twee skeure in sy aorta het vanself genees, nadat die spesialis my verseker het dat dit nie kan gebeur nie Anneke het vir haar pappa gesê dat sy n droom gehad het. Sy het gedroom dat Jesus haar n drukkie en n soentjie gegee het en weer af gestuur het ondertoe. Sy is net 5 jaar oud. Ons dien werklik n lewende God en dit is tyd dat almal Hom begin erken. Sonder God, kan geen mens deur hierdie tydelike lewe gaan nie. 7
KINDERHUIS KERSFEES Rene Saunders Vier jaar gelede het ek as intern by n apteek die taak gekry om vir n kinderhuis n kersfees partytjie te reël. Baie opgewonde het ek en Riaan begin geskenke koop en lekkergoed waarvan elke kind droom. 24 Desember 2008 het aangebreek en ons is oppad kinderhuis toe. Met ons aankoms word ons begroet met die mooiste kinderglimlagte. Die kinders is almal baie mooi versorg en as jy nie geweet het dis n kinderhuis nie sou jy dink dis net n klomp kindertjies wat saam speel. Die kinders is baie opgewonde oor al die geskenke en so begin ons die partytjie. Soos wat die dag aanstap voel jy kort-kort n koue handjie aan jou hand of arm vat. Op daardie stadium het ek en Riaan nie veel daarvan gedink nie, ons het gedink dis maar wat kinders doen. Daardie aand ry ons huistoe met geruste harte want die kinders het die mooiste geskenke gekry en die partytjie was n groot sukses gewees. Twee jaar later, Kersfees 2010 (Intussen het ek en Riaan ouers geword van 2 dogtertjies). Ek kry n oproep van die apteek, hulle wil weereens hê ek moet die kersfees partytjie reël. Baie opgewonde, met nog n groter begroting as die vorige jaar, begin ek geskenke koop vir 68 kinders. Die jaar kry elke kind 3 geskenke en 2 stelle nuwe klere. 24 Desember 2010 breek aan en ons is oppad kinderhuis toe. Net soos die vorige Kersfees word ons begroet met die pragtige glimlagte. Wat ek oplet is dat alhoewel die kinders baie opgewonde is oor die geskenke, hulle meer opgewonde is om ons te sien. Hulle onthou ons nog van die vorige Kersfees. Jy kan die opgewondenheid in die lug voel... maar iets is anders... iets het verander, ek en Riaan het intussen ouers geword en kyk nie meer met dieselfde oë na die kinders as 2 jaar gelede nie. Ons kyk met oë wat weet hoeveel liefde, aandag en tyd n kind nodig het. Ons kyk met oë wat weet hoeveel soentjies en drukkies n kind moet kry. Ons kyk met oë wat weet hoe dit voel om 2 uur in die oggend n huilende babatjie te versorg. Ons kyk met oë wat weet hoe belangrik dit is dat n kind daai sekuriteit moet hê van pappa en mamma is hier. Ons begin die partytjie en skielik is daar n seuntjie wat langs Riaan staan en sy hand vat sonder om n woord te sê. Dis op daardie oomblik wat ek besef het, dat die kinders het so groot behoefte aan aanraking. Net om n drukkie te kry en om te weet iemand is onvoorwaardelik lief vir jou. Alhoewel die kinders baie goed versorg word en genoeg kos en klere het, en elke Kersfees bederf word met die mooiste geskenke. Al wat hulle eintlik wil hê is liefde. Riaan gaan sit toe op die grond met die seuntjie en begin met hom speel. Daardie seuntjie se gesiggie sal ek nooit vergeet nie, hy het geblom, want iemand maak moeite met hom, iemand stel belang in hom. Kort voor lank is daar omtrent tien klein kindertjies om Riaan, almal wil n stukkie aandag hê. Die kinders se gesiggies straal van vreugde soos wat die geskenke oopgemaak word, maar nie oor die pragtige geskenke nie, maar oor die andag van die persoon wat help geskenke oopmaak. Die Kersfees reël ek weereens die kinderhius se Kersfeespartytjie vir 73 kindertjies en het n begroting vier keer groter as die vorige jare. Reeds het ek vir hulle die nuutste en mooiste geskenke gekoop... maar die jaar gaan ek vir hulle gee wat hulle regtig nodig het en dit is LIEFDE!... want LIEFDE kos mos niks... Moeders Van al die mooi dinge wat ons Skepper gemaak het, is n ma wat haar baba voed vir my die mooiste. As ek kon skilder, sou ek haar geskilder het; kop effens vooroor gebuk, met haar ou kindjie veilig in haar sagte arms. Wat ek ongelukkig nie in my skildery sou kon vaslê nie, is die sterre in haar oë en die sagtheid van die maan se strale op haar gelaat. Jy sou ook nie die tevrede steungeluidjies van die ou kleintjie kon hoor nie. Onderaan my skildery sou ek groot geskryf het: LEWE want vir nege maande het sy uit haarself lewe gegee en daarna moet sy nog steeds uit haarself gee, sodat die lewe kan voortgaan. Wat n wonderlike manier van ons Skepper om lewe aan klein mensies te gee! Wat sou ons tog sonder ons moeders gedoen het? Dis hulle wat ons van kniehoogte af al vertel het van Jesus, vir ons al die mooi dinge gewys het wat Hy geskep het, en ons ook geleer het van al die mooi dinge wat die lewe die moeite werd maak. Sy het n onuitputlike bron van liefde en omgee. Moenie vergeet nie dat Jesus ook n moeder gehad het. God het in sy alwysheid vir Maria, (geseënde vrou) n gewone meisie, soos enige van ons jong meisies, nie n prinses nie, gekies om Sy seun in die wêreld te bring. Sy moes Hom voed, vertroetel, versorg, (soos enige mamma seker ook maar seer vingertjies gesond soen) tot op dié dag wat sy aan die voet van Sy kruis gestaan het, (Hy, Seun van God, ook haar Verlosser) en sy haar oë opgeslaan het na Hom toe en n swaard deur haar siel gegaan het. Ek dink aan my eie ma en sluit af met net die eerste versie wat sy gedig het toe haar moeder die dag nie daar was nie. Waar is nou my beste vriendin? Moederlief is hier nie meer, Sy is weg na beter oorde, Weg van ons, maar by die Heer Ek dra hierdie gediggie aan haar op. Ek weet verseker dat ek haar eendag weer sal sien as Hy op die wolke kom om ons te kom haal. Gun my dit dan maar om nouen-dan, soos vanaand, na haar te verlang. 8
Kombers vir prins William èn Willempie Ingestuur deur Elize Bezuidenhout Wat het hy op sy rug? n Toiletsitplekoortreksel? Dié oneerbiedige opmerking kom van my jongste. Die draer van die vreemde gewaad: Die biskop wat die adellike gaste by Kate en William se troue verwelkom. Aag sjarrap man! Ons kyk nou! Magdi gooi vir Thinus met n kussing. Dit is al watter tyd en ons sit steeds met ons nagklere en bekers koffie voor die TV. Ons verstom ons oor die skares mense met vlaggies, die pragtige bruid, die outydse koets. Ons mor oor die simpel piksoentjies en wonder oor die koningin se heldergeel uitrusting. My bene kry effens koud, en êrens in die middel van die preek besluit ek om gou vir my n kombers uit die gangkas te gaan haal. n Kleinerige kombersie sal ideaal wees, maar my kinders het reeds byna al die klein kombersies opgeraap. My oog val op n baie spesiale kombersie. Dit is n gehekelde kombersie met liggeel, pienk en ligblou strepe. Jinne, ma, het ma sowaar nog die kombersie? vra Magdi toe ek daarmee in die TVkamer aankom. En met die kombersie oor my knieë begin my kop ver paaie loop. Paaie wat dieper en verder as England loop. Ouma het nog voor Marietjie se geboorte die gehekelde kombersie vir my gegee. Terwyl my kind in die hoë sorgeenheid was na haar eerste hartoperasie, was die kombersie by haar. Dis vandag n stille getuie van die krisis toe haar hart gaan staan het. Met hierdie kombersie se faffels het ek my trane afgevee toe dit gelyk het of sy dit nie gaan maak nie. Dieselfde kombersie was altyd die eerste ding wat ek gegryp het as sy inderhaas moes hospitaal toe. Dit was lig, maar lekker warm. Marietjie het veilig daarin gevoel. Toe n skamerige Diana saam met Charles voor die kraaminrigting afgeneem is met William in haar arms, het sy hom beskermend vasgehou, knus toegedraai in n kombersie. Ek wonder of Diana die kombersie ook diep in haar kas gebêre het? Dalk het William dit nou. Dalk gaan die nuwe Hertogin van Cambridge nog haar babatjies daarin toedraai. Baie, baie lank gelede was daar n baba wat glad nie n kombersie gehad het nie. n Krip was sy eerste bedjie. Sy ma het hom in doeke toegedraai en beskermend teen haar bors vasgedruk. Maar haar beskerming was nie genoeg nie. Hy was vir groter dinge bestem dinge wat sy dikwels nie verstaan het nie. Watter ma sal ooit kan verstaan waarom haar Seun aan n kruis vasgespyker moes word? n Geleende Kind Ek wens ek het n kombers gehad wat wyd en groot en sag genoeg was om nou nog oor al my kinders te gooi. n Kombers in sagte kleure, met liefde gemaak en warm genoeg vir almal. Maar nou het ek net hierdie klein kombersie, groot genoeg vir n babatjie. My kinders is almal te groot daarvoor. En my arms te kort om almal op een slag te omarm. Maar daar is iets wat groot en sag en wyd genoeg is om hulle warm en veilig te hou: Die vleuels van God, die God wat Sy Seun, die einste komberslose kripbaba, vir ons gegee het. Psalm 63:8-9:...dan juig ek oor die beskerming onder u vleuels. Ek bly altyd naby U... Daar is genoeg plek onder Sy vleuels vir die duisende vlaggieswaaiers in England; vir Prins William, maar ook vir Willempie, die Downsindroomseuntjie van Alma Skool. Vir beeldskone Katherine, maar ook vir lywige Katrina wat die kombuisvloer op die plaas op haar knieë skrop. Vir Prins Philip, maar ook vir Philip, die motorwag by Checkers. En jy hoef nie eers Sy liefde te verdien nie. Jy hoef niemand spesiaals te wees nie. Jy hoef nie eens iets spesiaals te dra nie. Nie eens n toiletsitplekoortreksel op jou rug nie. Ek sal aan jou vir n kort tydjie, een van my kinders leen, het Hy gesê, om haar lief te hê solank sy lewe en te rou wanneer sy dood is. Miskien is dit vir 6 of 7 jaar of vir 23 of 24, maar sal jy totdat Ek haar terug roep haar mooi oppas vir My? Sy sal vir jou geluk bring en as haar bly by jou van korte duur is, sal daar vir jou mooi herinneringe wees as troos in jou hartseer. Ek kan nie belowe dat sy lank sal bly nie, want almal moet van die aarde terugkeer. Maar daar is waarhede op die aarde wat die kind van My moet leer. Die wêreld deur het Ek gesoek na ware opregte leermeester en uit die menigte wat in die lewensry was het Ek vir jou uitgekies. Sal jy asseblief vir haar al jou liefde gee? En moenie My haat as Ek haar kom haal terug na My toe nie. Ek verbeel My ek hoor julle sê: Liewe Heer U wil geskied. Vir al die liefde en vreugde wat U kind ons sal bied, sal ons die risiko loop van hartseer wat kan kom. Ons sal haar met teerheid bewaar. Ons sal haar liefhê solank ons mag en vir die geluk wat ons saam ken sal ons ewig dankbaar bly. Maar as die Engele haar kom haal, gouer as wat ons beplan het sal ons moedig die droefheid dra en probeer verstaan. 9
WHY GOD MADE MUMS The answers given by 2nd year school children to the following questions WHY DID GOD MAKE MOTHERS? She s the only one who knows where the sellotape is Mostly to clean the house To help us out of there when we were getting born HOW DID GOD MAKE MOTHERS? He used dirt, just like for the rest of us Magic plus super powers and a lot of stirring God made my mum just the same like he made me. He just used bigger parts WHY DID GOD GIVE YOU YOUR MOTHER AND NOT SOME OTHER MUM? We re related God knew she likes me a lot more than other people s mum like me WHAT KIND OF A LITTLE GIRL WAS YOUR MUM? My mum has always been my mum and none of that other stuff I don t know because I wasn t there, but my guess would be pretty bossy They say she used to be nice WHAT DID MY MUM NEED TO KNOW ABOUT DAD BEFORE SHE GOT MARRIED TO HIM? His last name Se had to know his background. Like is he a crook? Does he get drunk on beer? Does he make at least 1million a year? Did he say NO to drugs and YES to chores? WHY DID YOUR MUM MARRY YOUR DAD? My dad makes the best spaghetti in the world and my mum eats a lot She got too old to do anything else with him My grandma says that mum didn t have her thinking cap on WHO S THE BOSS IN YOUR HOUSE? Mum doesn t want to be boss, but she has to, because dad s such an idiot Mum. You can tell by room inspection. She sees the stuff under the bed I guess mum is, but only because she has a lot more to do than dad WHAT S THE DIFFERENCE BETWEEN MUMS AND DADS? Mum work at work and work at home and dads just go to work at work Mums know how to talk to teachers without scaring them Dads are taller and stronger, but mums have all the real power cause that s who you got to ask if you want to sleep over at your friends Mums have magic, they make you feel better without medicine WHAT DOES YOUR MUM DO IN HER SPARE TIME? Mothers don t do spare time To hear her tell it, she pays bills all day long WHAT WOULD IT TAKE TO MAKE YOUR MUM PERFECT? On the inside she s already perfect. Outside, I think some kind of plastic surgery Diet. You know, her hair. I d diet, maybe blue. IF YOU COULD CHANGE ONE THING ABOUT YOUR MUM, WHAT WOULD IT BE? She has this weird thing about me keeping my room clean. I d get rid of that. I d make my mum smarter. Then she would know it was my sister who did it not me. I would like for her to get rid of those invisible eyes on the back of her head. 10