Leef jy voluit? Waarna verlang jy? Wat motiveer jou? Smag jy. na God? Lees en oordink elkeen van die vrae. en stap saam oppad na n.

Size: px

Start display at page:

Download "Leef jy voluit? Waarna verlang jy? Wat motiveer jou? Smag jy. na God? Lees en oordink elkeen van die vrae. en stap saam oppad na n."

Miles Bryan
5 years ago
Views:

2 Waarna verlang jy? Leef jy voluit? Wat motiveer jou? Lees en oordink elkeen van die vrae en stap saam oppad na n lewe van oorvloed in Christus vandag! Smag jy na God? 2 Paspoort tot die Lewe: Stadsretreat III

God word geëer as mans en vroue voluit lewe en ten volle mens is.

3 Welkom by Stadsretreat III. Die fokus van die retreat word verwoord in die bekende lewensvisie van Ignatius van Loyola: - Gloria Dei Vivens Homo - The Glory of God is men and women fully alive and fully human! God word geëer as mans en vroue voluit lewe en ten volle mens is. Die doel van ons spiritualiteit is nie net om te weet waarheen ons gaan as ons vandag doodgaan nie, maar wat gebeur as ons nie vandag doodgaan nie? Wat as ons nog 10, 20, 30, 40 of 50 jaar gaan leef?! Die gedagte van hierdie jaar se Stadsretreat is n opwindende reis deur jou lewe met die paspoort tot die lewe: Aardse Spiritualiteit! Jy vul jou ure met die dinge wat jy van plan was om te doen, maar met God Drieenig as Toergids deur jou dagreis. Dit is eintlik n oefening om te leef, sodat jy daarna anders kan lééf. Reisprogram vir die Stadsretreat 1 Vrydagaand Reis deur jou binnewêreld 2 Saterdag opstaantyd Lewe in Oorvloed 3 Saterdag later Meer Mens 4 Saterdag aand Vier die lewensreis (reël dit vroegtydig) 5 Sondag opstaantyd Gebed vir die Reis 6 Sondag middag In-SPIRAS-ie vir die Reis 7 Maandag opstaantyd Leef met n nuwe Lied! Onthou, die gedagte van die Stadsretreat is nie om jou naweek te vul met geestelike rituele nie, maar n groeiende bewussyn dat die gewone gebeure vir jou n reis saam met God en jouself word. Op die voorblad is die Keltiese Drie-eenheid simbool wat mooi verwoord hoe ons die Drie-eenheid beleef. Ons glo GOD IS EEN! Hy openbaar Homself aan ons deur drie persone (latyn: maskers) Stadsretreat I & II is beskikbaar by Ons bou daarop voort. Pak jou tas, kry jou paspoort en kom saam! 3 Paspoort tot die Lewe: Stadsretreat III

1 Vrydagaand: Reis deur jou binnewêreld Begin die Retreat deur tyd te maak om net rustig alleen te wees. Sit rustig en voel jou lyf van jou tone af op tot jou kop regdeur soos n skandeermasjien.

4 1 Vrydagaand: Reis deur jou binnewêreld Begin die Retreat deur tyd te maak om net rustig alleen te wees. Sit rustig en voel jou lyf van jou tone af op tot jou kop regdeur soos n skandeermasjien. Luister waar jou lyf n boodskap aan jou wil gee. Fokus rustig op jou asemhaling waar jy met elke inaseming bewus raak dat God deur sy Gees in jou is. Met elke uitaseming gee jy oor wat pla. As jou gedagtes dwaal, verwelkom die gedagtes en merk op wat jy voel en dink. Laat dit dan sagkuns gaan soos n blaar wat jy in n stroom los en sien hoe dit wegdryf. Fokus net weer op jou asemhaling. Na so paar minute lees hier: Ons diep verlange/passie/dors na God maak ons oop vir God se werk. Hierdie dors lei ons en gee energie op die geestelike pad. Ons het egter ook ander menslike passie wat energie verskaf en ons die lewe laat leef. Verlies aan passie is verlies aan die lewe. Ons passies trek ons vorentoe en verby waar ons is. Die manier waarop jy op jou begeertes en passie reageer is een van die beste aanduidings van geleefde spiritualiteit. Passie bring intensionaliteit, dieper outensiteit en integriteit. Die uitdaging is om jou natuurlike lewensenergie en passie reg te kanaliseer en te integreer met jou spiritualiteit. Dan kan jou rustelose siel tot dit rus kom in God Augustinus. Ek nooi jou om deur jou binnewêreld te reis en die fonteine van passie te ontdek. Die vrae op bladsy 2 is die voertuie wat jou na nuwe ontdekkings neem. Lees en oordink die vrae eerlik. Luister na jou rou verlange, begeertes, strewes en soeke. Lys 5 dinge waaroor jy eg passievol is. Praat nou met God oor wat jy binne-in jouself ontdek het... 2 Saterdag opstaantyd : Lewe in Oorvloed Leer die teks uit jou kop uit. Sit dan rustig met die teks soos jy n suiglekker rondrol in jou gedagtes. Verander later julle met jou en later met Hy het gekom sodat ek die lewe kan hê... laat dit insink. Ek het gekom dat julle die LEWE kan hê en dit in oovloed! Joh 10:10 4 Paspoort tot die Lewe: Stadsretreat III

5 God wil jou lewe aanraak sodat jy elke oomblik voluit kan lewe en tuis kan kom in jou eie lyf en in die lewe wat jy leef! Lewensverrykende spiritualiteit raak die hele mens aan: liggaam, emosies, denke, verhoudinge, seksualiteit, verlange, verbeelding, sintuie, werk, ontspanning ensv... Waar ervaar jy droogte? Pak in vir jou Reis vandag: Oefening in Verwondering: Om voluit te leef, vra dat jy wakker sal leef met n fyn bewussyn van alles om jou. Ek nooi om soos n kind wat iets vir die eerste keer te sien, te kyk. Gebruik al jou sintuie en skerp dit op. Kyk nuut na ou bekende vorms, voel die klere aan jou lyf, koel lug, asem deur jou neus. Hoor opnuut die voëltjies se unieke sang en die stem van jou geliefdes. Proe jou kos en drank deur die dag asof jy n fynproewer is. Hierdie stiltetyd eindig nie want jy word genooi om aan te hou oefen deur die dag... 3 Saterdag later : Meer Mens Die Bybel beskryf die skepping van die mens as gemaak van die stof van die aarde en die lewens-asem van God! (Gen 2:7) Stof verwys na ons verbintenis met die aarde en ons menslikheid. Die Goddelike Lewensasem sê ons lewe is onlosmaaklik aan God verbind deur sy Gees(asem). Wie is jy? Aardse mens gevul met goddelike Asem! Ernst Conradie noem die spiritualiteit n AARDse SPIRITualiteit. Die impak van Aardse Spiritualiteit: - Verbind die realiteit van jou lewe (seer en vreugdes) word met God - Laat jou wakkerder leef! Bewus van die wonder in die gewone. - Dit breek ons vry uit die tronk van spiraal denke. - Bring ontwaking tot die lewe, nie ontvlugting van die lewe nie - Help mens om vrede te maak met jouself en n tuiskoms in jouself - Verbind ons dieper met alle ander mense in respekvolle manier - Gee betekenis aan jou lewe en antwoord op Hoekom is ek hier? - Kan die resultate van die wetenskap en wette van natuur omarm - Bevestig ons verbintenis met die aarde en natuur - Is om ja te sê vir God en die LEWE! Gaan deur die lysie hier bo en bring eers God soos ons Hom ervaar as Vader, dan as Seun en dan die Gees in verband met elke punt. Kyk hoe gaan daar nuwe wêrelde van verstaan oop! Gee tyd want hier is diep rykdomme opgesluit! 5 Paspoort tot die Lewe: Stadsretreat III

6 4 Saterdag aand: Vier die Lewensreis! Ek hoop jy kan vanaand saam met iemand wat jy liefhet die lewe vier. Nooi iemand oor vir ete, rooiwyn, koffie of rugby kyk. Berei kos voor wat mooi is om na te kyk en lekker is om van te eet!. Pas vanaand toe wat jy tot dusver ontdek het: Leef voluit, omhels jou menslikheid(lag en traan), vier jou passie, geniet wat die gawes soos n kind wat dit vir die eerste keer ontvang, deurdrenk met die Lewensasem. Dan sal jy soos die Emmausgangers God teenwoordig beleef. Jy sien waar God woon en jy bewoon jou eie lewe. Dit is tuiskoms. Home again The time will come when, with elation you will greet yourself arriving at your own door, in your own mirror and each will smile at the other's welcome, and say, sit here. Eat. You will love again the stranger who was your self. Give wine. Give bread. Give back your heart to itself, to the stranger who has loved you all your life, whom you ignored for another, who knows you by heart. Take down the love letters from the bookshelf, the photographs, the desperate notes, peel your own image from the mirror. Sit. Feast on your life. - Derek Walcott 6 Paspoort tot die Lewe: Stadsretreat III

5 Sondag opstaantyd: Gebed vir die Reis There is not in the world a kind of life more sweet and delightful than that of a continual conversation with God.

7 5 Sondag opstaantyd: Gebed vir die Reis There is not in the world a kind of life more sweet and delightful than that of a continual conversation with God. - Brother Lawrence Toe die dissipels vir Jesus vra om hulle te leer bid het Hy hulle die Ons Vader geleer. Deur die eeue het die rykdom van dié kort frases die fonteine van lewe in mense laat ontspring. Lees vanoggend eers elke frase met n nadenkende openheid. Laat elke woord insak tot in jou hart voordat jy dit as deurleefde versugting bid. Ons Vader wat in die hemel is, laat u Naam geheilig word; laat u koninkryk kom; laat u wil ook op die aarde geskied, net soos in die hemel. Gee ons vandag ons daaglikse brood; en vergeef ons ons oortredings soos ons ook dié vergewe wat teen ons oortree; en laat ons nie in versoeking kom nie maar verlos ons van die Bose want aan U behoort die koninkryk En die krag En die heerlikheid tot in ewigheid Amen. (Matt 6:9-13) 6 Sondag middag: In-SPIRAS-ie vir die Reis Spiritualiteit is die middelpunt van jou lewe wat al die los dele integreer sodat jy voluit kan leef en ten volle mens te wees! God drie-enig inspireer ons juis vir die lewe en nie om van die lewe te ontvlug nie. Sit rustig en kom tuis. Asem bewussyn van God se teenwoordigheid in. 1 Kies een prominente moment uit jou verlede. Wat gebeur as jy God as Vader daarmee in verband bring, en die Gees en Jesus Christus? Kyk hoe God die moment transformeer! 2 Kies nou n uitdagende moment in die toekoms. Reis na die moment saam met God as Vader, Seun en Gees. 3 Wat is tans n prominente saak in jou hede? Loop weer dieselfde pad as die vorige met God. Voel die Lewensbron! 7 Paspoort tot die Lewe: Stadsretreat III

8 7 Maandag opstaantyd: Leef met n nuwe Lied Die paar sekondes voor n wedstryd begin is soms die spannendste! Net so voel mens soms aan die begin van die week. Jy het egter die naweek goed geoefen vir die lewe! Voel net eers jou lyf en kom tuis in jouself. Asem die bewussyn van God by jou in en spanning uit. Onthou weer: Jou Paspoort vir vandag: Leef voluit as mens in Aardse Spiritualiteit. Onthou die 5 Passies: Wat inspireer jou? Waarna smag jy? Waaroor voel jy bekommerd, swak, onseker? Omhels jou emosies sonder veroordeling. Bring dit nou saam in die teenwoordigheid van God God is jou paspoort (weg/deur) tot die lewe! Hy het MENS geword om ons hele menswees te verryk en betekenis te gee. Deur Hom kry ons toegang tot die Goddelike fontein van die Lewe. Jy ken al die pad: Hoe verryk God die Vader jou dag? Wat beteken dit dat die Gees by jou is? Jesus Christus maak nuwe moontlikhede oop! Leef Voluit en ten volle mens! So sê God, die Here, Hy wat die hemelkoepel geskep en dit oopgespan het, Hy wat die aarde gevorm het en alles wat dit oplewer, Hy wat aan al die mense op aarde die asem gee, die lewe aan alles wat op die aarde beweeg: Ek is die Here. Omdat Ek getrou is aan my verbond, het Ek jou geroep. Ek hou jou vas, Ek beskerm jou en Ek maak jou my verbond met my volk, my lig vir die nasies. Jy sal blindes laat sien, jy sal gevangenes uit die tronk bevry; wie in die donkerte van die gevangenis sit, sal jy laat uitgaan. Ek is die Here, dit is my Naam, die eer wat My toekom, gee Ek aan geen ander nie, die lof wat My toekom, gee Ek nie aan gesnede beelde nie. Wat Ek vroeër aangekondig het, het plaasgevind. Ek kondig nuwe dinge aan. Voor dit begin gebeur, laat Ek julle al daarvan hoor. Sing tot eer van die Here n nuwe lied, sing sy lof oor die hele aarde, almal wat op die see vaar, alles wat in die see is, al die eilande en dié wat daarop woon. (Isaiah 42:5-10) 8 Paspoort tot die Lewe: Stadsretreat III

Pelgrimstog deur die Lewe

Pelgrimstog deur die Lewe Stadsretreat IV Die diepste versugting van gelowiges is om te groei in geloof en ons dors daarna om in intieme kontak met God te leef. Hierdie diep begeerte nooi ons op verskeie