UNITED NATIONS United Nations Interim Administration Mission in Kosovo UNMIK NATIONS UNIES Mission d Administration Intérimaire des Nations Unies au Kosovo PROVISIONAL INSTITUTIONS OF SELF GOVERNMENT Kryesia e Kuvendit Mbledhja nr. 02-69/19-07 Prishtinë, më 25 maj 2007, nё orën 13:00 Ndërtesa e Kuvendit, salla C-301 P R O C E S V E R B A L i mbledhjes së Kryesisë së Kuvendit me kryetarët e grupeve parlamentare, të mbajtur më 25 maj 2007 Në mbledhje morën pjesë: Kolë Berisha, kryetar i Kuvendit dhe anëtarët e Kryesisë: Sabri Hamiti, Ramë Buja, Naim Maloku, Gazmend Muhaxheri dhe Bislim Hoti, kurse mungoi (me arsye) Xhavit Haliti. Nga grupet parlamentare: Alush Gashi, Gjylnaze Syla,Teuta Sahatqija, Rangjel Nojkiq, Gjergj Dedaj dhe Ramadan Kelmendi. Në mbledhje ishin të pranishëm: Nga Administrata e Kuvendit: Ismet Krasniqi, Daut Beqiri, Sali Rexhepi dhe Sherif Konjufca; Nga Kabineti i kryetarit të Kuvendit: Behxhet Haliti, Skënder Durmishi dhe Liia Hani; Nga Zyra e kryetarit të Kosovës: Vjosa Osmani; Nga Zyra e kryeministrit të Kosovës: Fitim Krasniqi; Nga Projekti për mbështetje të mëtejme Kuvendit: Hugues Courtivron dhe Nga OSBE-ja: Floriana Shala. 1
Mbledhjen e kryesoi Kolë Berisha, kryetar i Kuvendit të Kosovës. Kryetari e hapi mbledhjen dhe i njoftoi të pranishmit me rendin e ditës. Kryesia i zhvilloi punimet me këtë R E N D D I T E Pjesa e parë ( mbledhja e Kryesisë me kryetarët e grupeve parlamentare) 1. Propozimi i rendit të ditës për seancën plenare të radhës Kryesia, pasi i shqyrtoi përgatitjet e nevojshme në të cilat morën pjesë të gjithë anëtarët e Kryesisë dhe kryetarët e grupeve parlamentare, njëzëri vendosi që Kuvendit t ia propozojë rendin e ditës për seancën plenare të 31 majit 2007, si vijon: 1. Miratimi i procesverbalit të seancës plenare të 10 e 11 majit 2007, 2. Koha për pyetje parlamentare, 3. Interpelanca e kryeministrit, Agim Çeku, sipas kërkesës së Grupit Parlamentar të ORA-s, 4. Shqyrtimi i parë i Projektligjit për vlerësimin e ndikimit në Mjedis, 5. Shqyrtimi i parë i Projektligjit për statusin civil, 6. Shqyrtimi i parë i Projektligjit për ndryshimin dhe plotësimin e Ligjit për regjistrat e statusit civil, nr. 46/2004, 7. Shqyrtimi i parë i Projektligjit për ndryshimin dhe plotësimin e Ligjit për transportin rrugor, 8. Shqyrtimi i Raportit të Qeverisë së Kosovës për punën njëvjeçare 2006, 9. Debat për Rininë në Kosovë, 10. Debat lidhur me ndryshimin e tarifave dhe të politikave në sektorin e energjisë, 11. Shqyrtimi i Rekomandimit të Komisionit për Ekonomi, Tregti dhe Industri për emërimin e anëtarëve të Komisionit të Konkurrencës, 12. Shqyrtimi i Propozimit të Komisionit për Bujqësi, Pylltari e Zhvillim Rural për formimin e Këshillit të Ujërave, 13. Shqyrtimi i Rekomandimit të Komisionit për Çështje Gjyqësore, Legjislacion dhe Kornizë Kushtetuese lidhur me Projektligjin për ndërmjetësim, 14. Shqyrtimi i Rekomandimit të Komisionit për Shërbime Publike, Administratë Lokale dhe Media lidhur me Raportin e Komisionit të Pavarur për Media, 15. Shqyrtimi i Rekomandimit të Komisionit për Çështje Gjyqësore, Legjislacion dhe Kornizë Kushtetuese për emërimin e anëtarëve të Këshillit Drejtues të Institutit Gjyqësor të Kosovës, 16. Shqyrtimi i Rekomandimit të Komisionit për Ekonomi, Tregti, Industri, Energjetikë, Transport dhe Telekomunikacion lidhur me Projektligjin për ndryshimin dhe plotësimin e Ligjit për energji, 17. Shqyrtimi i Rekomandimit të Komisionit për Ekonomi, Tregti, Industri, Energjetikë, Transport dhe Telekomunikacion lidhur me Projektligjin për ndryshimin dhe plotësimin e Ligjit për Rregullatorin e energjisë dhe 18. Shqyrtimi i Rekomandimit të Komisionit për Ekonomi, Tregti, Industri, Energjetikë,Transport dhe Telekomunikacion dhe Komisionit Legjislativ lidhur me Projektligjin për adoptimin e Konventës së Këshillit të Evropës për krimin në fushën e kibernetikës. 2
Pjesa e dytë (vetëm Kryesia e Kuvendit) 1. Miratimi i procesverbalit të mbledhjes së Kryesisë të 7 majit 2007 Procesverbali i mbledhjes së Kryesisë të 7 majit 2007 u miratuan pa vërejtje. 2. Shqyrtimi i rekomandimeve dhe i kërkesave: 2.1 Shqyrtimi i kërkesës së Grupit Parlamentar të LDK-së për të debatuar në seancën e radhës për regjistrimin e popullsisë, të ekonomive familjare dhe të banesave në Kosovë 1. Kërkesa e Grupit Parlamentar të LDK-së për të debatuar për regjistrimin e popullsisë, të ekonomive familjare dhe të banesave radhitet për shqyrtim në seancën tjetër të radhës. 2. Kërkohet nga Qeveria e Kosovës, përkatësisht Ministria e Shërbimeve Publike të përgatitë një Informatë si material bazë për debat. 2.2 Shqyrtimi kërkesës së deputeti Ramadan Kelmendi për të debatuar në seancën e radhës për ndërtimin ilegal të banesave kolektive nga Qeveria e Serbisë në lagjet veriore të Mitrovicës 1. Kërkesa e Grupit Parlamentar të LDD-së për të debatuar për ndërtimin e banesave ilegale në pjesën veriore të Mitrovicës nga Qeveria e Serbisë radhitet për shqyrtim në seancën tjetër të radhës. 2. Kërkohet nga Qeveria e Kosovës, përkatësisht Ministria e Mjedisit dhe e Planifikimit Hapësinor të përgatitë një Informatë si material bazë për debat. 2.3 Shqyrtimi i përgjigjes së ministrit Et hem Çeku lidhur me interpelancën e kërkuar nga Grupi Parlamentar i PDK-së Interpelanca e ministrit Et hem Çeku shtyhet për seancën tjetër të radhës. 3
2.4 Shqyrtimi i Rekomandimit të Komisionit për Çështje Gjyqësore, Legjislacion dhe Kornizë Kushtetuese për rishpallje të konkursit për emërimin e Avokatit të Popullit Kryesia, pasi e shqyrtoi Rekomandimin e Komisionit, mori këtë V E N D I M 1. Anulohet konkursi për emërimin e Avokatit të Popullit dhe të zëvendësit kryesor të tij dt. 16 shkurt 2007. 2. Rishpallet konkursi për emërimin e Avokatit të Popullit. 3. Ngarkohet Seksioni i Personelit t i marrë veprimet procedurale për rishpalljen e konkursit për emërimin e Avokatit të Popullit në pajtim me Rregulloren nr. 2007/15 për ndryshimin e Rregullores nr. 2006/6 mbi Institucionin e Avokatit të Popullit. 2.5 Shqyrtimi i kërkesës së Komisionit për Shëndetësi, Punë dhe Mirëqenie Sociale për zbatimin e Rekomandimeve të Kuvendit të Kosovës të dt. 7 korrik 2005 për çështjen e pensionistëve në Kosovë 1. Kërkesa e Komisionit për Shëndetësi, Punë dhe Mirëqenie Sociale për të shqyrtuar zbatimin e Rekomandimeve të Kuvendit për pensionistët të dt. 7 korrik 2005 radhitet për shqyrtim në seancën tjetër të radhës. 2. Kërkohet nga Qeveria e Kosovës, përkatësisht Ministria e Punës dhe e Mirëqenies Sociale të përgatitë një Informatë si material bazë për debat. 2.6 Shqyrtimi i kërkesës së Grupit Parlamentar të LDD-së për sigurimin e kushteve të punës 1. Zyra për Grupin Parlamentar të LDD-së është ndarë sipas Përfundimit të Kryesisë nr.02-3127-1/07, dt.10 prill 2007. 2. Me buxhetin e vitit 2007 nuk janë paraparë mjete financiare për stafin mbështetës të Grupit Parlamentar të LDD-së. 3. Mjetet për financimin e partive politike janë ndarë në fillim të këtij viti, sipas vendimit të Kryesisë nr.02-2845-1/06 4
2.7 Shqyrtimi i rekomandimit të Komisionit për Bujqësi, Pylltari, Zhvillim Rural. Mjedis dhe Planifikim Hapësinore lidhur me procedimin e Projektligjit për trajtimin e ndërtimeve pa leje Kryesia, pasi e shqyrtoi këtë rekomandim, nxori këtë 1. Me buxhetin e Kuvendit të Kosovës për vitin 2007 nuk është paraparë të ndahen mjete për kompensimin e punës së grupeve të punës dhe të nënkomisioneve për çështjet që janë detyrë dhe fushëveprim i Komisionit. 2.8 Shqyrtimi i kërkesës së Bashkësisë së fshatit Rogovë për formimin e komunës së re 1. Kërkesa e Bashkësisë së fshatit Rogovë për formimin e komunës së re duhet t i adresohet Ministrisë së Pushtetit Lokal. 2.9 Shqyrtimi i kërkesave të deputetëve për lejimin e udhëtimeve jashtë vendit dhe kompensimin e mëditjeve (shtatë kërkesa) Kryesia për shqyrtimin e kërkesave të deputetëve për kompensimin e mëditjeve të udhëtimeve jashtë vendit vendosi ta autorizojë Administratën e Kuvendit dhe anëtarin e Kryesisë, z. Xhavit Haliti, ta shikojnë pajtueshmërinë e tyre me Vendimin e Kryesisë së Kuvendit nr. 02-2242-1/06 për lejimin e udhëtimeve jashtë vendit dhe kompensimin e mëditjeve dhe në pajtim me këtë vendim të realizohen kërkesat e parashtruara.. 3 Të ndryshme 3.1 Informata e Komisionit për Buxhet dhe Financa lidhur me mosdorëzimin e raporteve vjetore financiare nga Zyra e Rregullatorit të Energjisë dhe nga RTK-ja. Kryesia, pasi u informua nga Komisioni i Buxhetit dhe i Financave, nxori këtë 1. Kryesia e Kuvendit kërkon nga Zyra e Rregullatorit të Energjisë që Kuvendit të Kosovës t i dërgojë raport vjetor financiar për vitin 2006 në pajtim me nenin 10 dhe 22 të Ligjit nr. 2004/9 për Rregullatorin e Energjisë. 2. Kryesia e Kuvendit kërkon nga Radio Televizioni i Kosovës që Kuvendit të Kosovës t i dërgojë raport vjetor financiar për vitin 2006 në pajtim me nenin 33 të Ligjit nr. 2006/14 për Radio Televizionin e Kosovës. 5
3.2 Kryetari i informoi anëtarët e Kryesisë për ftesën e Këshillit të Evropës që Kuvendi dhe Qeveria e Kosovës ta dërgojnë nga një përfaqësues të tyre në takimin e radhës që do të mbahet më 11 dhe 12 qershor 2007 në Strasburg. Kryesia e caktoi deputetin Genc Gorani të marrë pjesë në takimin e Këshillit të Evropës, në Strasburg më 11 dhe 12 qershor 2007. Në Estoni, më 10-14 qershor 2007 mbahet një Konferencë për teknologjinë informative. Kuvendi i Kosovës duhet ta dërgojë një përfaqësues të vetin, por kjo mbeti të vendoset më vonë. 3.3 Kryetari i informoi anëtarët e Kryesisë për numrin e kandidatëve që kishin konkurruar për t u punësuar në administratën e Kuvendit në bazë të konkursit të shpallur më herët. Javën e ardhshme duhet të formohet komisioni për intervistimin e kandidatëve që kanë konkurruar për t u punësuar në Administratën e Kuvendit. 3.4 Kryetari i informoi anëtarët e Kryesisë për vizitën e kryeparlamentares së Shqipërisë, znj. Jozefina Topalli, Kosovës më 29 dhe 30 maj 2007, si për agjendën e saj gjatë këtij qëndrimi. Kryesia i caktojë Sabri Hamitin dhe Ramë Bujën për ta pritur kryetaren e Kuvendit të Shqipërisë, znj. Jozefina Topalli, në Aeroportin e Prishtinës. Kryetari mbledhjen e deklaroi të mbyllur në orën 14:25 E hartoi: Divizioni i Çështjeve Plenare e Procedurale Kryetari i Kuvendit të Kosovës Kolë BERISHA 6