жарнамалық акцияны өткізу шарттары 1. Жалпы ережелер 1.1. жарнамалық акцияның (бұдан әрі жарнамалық акция) ұйымдастырушысы - «Банк Хоум Кредит» АҚ ЕБ (бұдан әрі Банк). 1.2. Жарнамалық акцияны өткізу кезеңі: 2017 жылғы 25 қарашадан 2017 жылғы 31 желтоқсанға дейін. 1.3. Жарнамалық акция қатысушылары: Қазақстан Республикасының азаматтары болып табылатын кредит карталарын қоспағанда Банкта банктік қарыз шартын (бұдан әрі Шарт) жасасқан және 2018 жылғы қаңтар үшін ай сайынғы төлемді жарнамалық акция кезеңі ішінде төлеген жеке тұлғалар. 1.4. Жарнамалық акцияға Банктің қызметкерлері, Банкпен ерекше қарым-қатынастағы тұлғалар, сонымен бірге жоғарыда аталған барлық тұлғалардың жақын туысқандары қатысуға тыйым салынады. 1.5. Жарнамалық акцияны өткізу орны (аймағы) Қазақстан Республикасы, Банктің барлық сату нүктелері. 2. Жүлделік қор: 2.1. Жарнамалық акцияның жүлделік қоры - 3 (үш) IPhone 10 64 ГБ. Ұтыс ойыны 2018 жылғы 16 қаңтарда өтеді, ал жеңімпаздар туралы ақпарат сайтта 19 қаңтарда жарияланады. 2.1. Банк жарнамалық акцияның жүлделік қоры бойынша төлем көзінен ЖТС-ны өзі есептейді және бюджетке Қазақстан Республикасының салық заңнамасына сәйкес аударылады. 2.3. Банк жүлделік қордың ақшалай баламасын бермейді. 2.4. Жүлделік қорды алу құқығы ҚР заңнамасында көзделген жағдайларды қоспағанда басқа тұлғаға берілмейді. 3. Жарнамалық акция туралы ақпарат 3.1 Осы жарнамалық акция туралы ақпаратты жариялау әдістері: - жаппай SMS хабарлама; - Банктің www.homecredit.kz сайты; - терминалдар. 4. Жарнамалық акцияға қатысу ережелері 4.1. Жарнамалық акцияға жарнамалық акцияны өткізу кезеңі ішінде 2018 жылғы қаңтар үшін әлі төлем жүргізілмеген белсенді кредит шарттары (кредит карталары бойынша өнімді қоспағанда) бар Банктің барлық клиентткері қатыса алады. 4.2. Клиент Шартта көрсетілген деректері (ұялы телефон нөмірі, аты-жөні) үшін жеке өзі жауапты болады. 4.3. Кредит жарнамалық акцияны өткізу кезеңі ішінде мерзімінен бұрын өтелген жағдайда, Қатысушының мәліметтері Деректер базасынан жойылмайды. 4.4. Жарнамалық акцияның жеңімпаздары жүлделік қорды алуы оның Шарт бойынша міндеттемелерін орындауды тоқтатуына алып келмейді. 1
5. Ұтыс ойынын өткізу тәртібі 5.1. Жарнамалық акция бойынша жүлделік қордың ұтыс ойыны жабық режимде жарнамалық акция қатысушыларының қатысуынсыз осы Ережелердің 3.3.-тармағында көрсетілген мерзімде Алматы қаласы, Фурманов көшесі, 248 мекенжайы бойынша орналасқан Банктің бас кеңсесінде жүргізіледі. 5.2. Жарнамалық акция қатысушылары арасында ұтыс ойынын өткізу үшін Басқарма Төрағасының бұйрығымен бекітілген және құрамында кемінде 3 (үш) мүшесі бар комиссия құрылады. Комиссия құрамына міндетті түрде Қауіпсіздік департаменті мен Тәуекелдіктер департаментінің қызметкерлері кіреді. 5.3. Комиссия мүшелерінің функциясына кіреді: - жарнамалық акцияның жүлделік қорының ұтыс ойынын өткізу; - жарнамалық акция жеңімпаздары арасында ұтыс ойынын өткізу нәтижелерін жеңімпаздар көрсетілген тиісті хаттамаға қол қою арқылы растау. 5.4. Жарнамалық акция қатысушыларының арасындағы ұтыс ойыны жарнамалық акцияны өткізу мерзімі ішінде Банктің Мәліметтер базасында тіркелген Қатысушының кодын комиссия мүшелерінің қатысуымен бағдарламалық жасақтаманың (бұдан әрі БЖ) көмегімен кездейсоқ анықтау қағидатына негізделген. 5.5. Ұтыс ойынына жарнамалық акцияны өткізу кезеңі ішінде 2018 жылғы қаңтар айы үшін ай сайынғы төлемді төлеген барлық кредит шарттары қатысады. 5.6. Кездейсоқ сандарды құрастыру алгоритмі бар БЖ банктің Деректер базасынан 3 (үш) Қатысушының кодын таңдайды. Бағдарламаның көмегімен таңдалынған Қатысушы коды кредит шартына сәйкес болады, ол экранда бекітіліп, жарнамалық акция жеңімпаздарын анықтайды. Егер клиентте Банкте жарнамалық акцияны өткізу сәтінде 1 (бірден) көп ағымдағы шарттары болса, тек қана 1 ағымдағы шарт қатысады. 5.7. Ұтыс ойыны аяқталғаннан кейін комиссия мүшелері БЖ көмегімен анықталған қатысушылар кодтарын бекітеді. 5.8. Комиссия ұтыс ойынын өткізу нәтижелерін комиссияның барлық мүшелері қол қойған ұтыс ойыны нәтижелерінің тиісті хаттамасына енгізеді. 5.9. Банк жарнамалық акция бойынша ұтыс ойыны аяқталған күннен бастап 3 (үш) жұмыс күні ішінде Шарттың жарамдылығы мен жарнамалық акция шарттарының сақталуына қатысты сараптаманы жүргізеді. Шарттың жарамсыздығы немесе жарнамалық акция талаптарына сәйкес емес екендігі анықталған жағдайда, Қатысушы жеңімпаз болып саналмайды. Мұндай жағдайда жарнамалық акцияның Бас жүлдесі қайтадан ойнатылмайды және Банктің меншігінде қалады. 5.10. Жүлделік қорының ұтыс ойыны нәтижелерін маркетинг департаменті 5.9.-тармаққа сәйкес сараптама жүргізгеннен кейін Банктің www.homecredit.kz сайтында жариялайды. 5.11. Жарнамалық акцияны өткізу нәтижелері соңғы болып есептелінеді және қайтадан қарастырылмайды. 6. Жүлделік қорды алу тәртібі мен мерзімі. 6.1. Жарнамалық акцияның жүлделік қорын беруге жауапты тұлға болып филиал директоры тағайындаған өңірдегі қызметкер немес сату бағытының жетекшісі тағайындалады. 6.2. Банктің өңірлік қызметкері Жеңімпаздармен хабарласып, Банктің кез келген бөлімшесіне келу уақыты мен қажетті құжаттарды ұсыну туралы келіседі. 2
6.3. Жеңімпаз жарнамалық акцияның жүлделік қорынан бас тартқан жағдайда, Жеңімпаз 2-Қосымшаға сәйкес жүлдеден бас тарту туралы актті толтырады. 6.4. Жарнамалық акцияның әрбір қатысушысы ұтыс ойынының нәтижелерімен Банктің www.homecredit.kz сайтынан таныса алады. 6.5. Осы Ережелердің 2.1-тармағында көрсетілген жарнамалық акцияның жүлделік қорын алу үшін Жеңімпаз ұтыс ойыны туралы хабарламаны алған сәттен бастап 5 (бес) банктік күн ішінде Бөлімшелер бастығына немесе Банктің кез келген филиалының бөлімше басқарушысына қажетті құжаттардың түпнұсқасын, атап айтқанда ҚР заңнамасына сәйкес жеке басын куәландыратын құжатты және кредит шартын ұсынуы тиіс. 6.6. Бөлімшенің басқарушысы мен сату бағытының жетекшісі барлық құжаттарды осы Ережелердің 6.5.-тармағына сәйкес қабылдап, оларды тексеріп, Жеңімпаздардың Жүлдені алу/бас тарту туралы актке қолын қойдыруға міндетті. 6.7. Жүлделік қор егер табыс ету жеңімпаздың кінәсінен (Банк қызметкері белгілеген уақытта келмесе немесе осы Ережелердің 6.5-тармағында көрсетілген тиісті құжаттарды ұсынбаса) жүзеге асырылмаса, жүлде ойнатылмаған болып саналады және Банктің меншігінде қалады. 6.8. Жарнамалық акция бойынша жүлделік қорға меншік құқығы Жеңімпазға ол Жүлдені алу актісі бойынша жүлдені берген сәтте өтеді. 6.9. Жүлдені табыс ету Қазақстан Республикасының аймағында ғана жүзеге асырылады. 7. Қорытынды ережелер 7.1. Қатысушының жарнамалық акцияға қатысу фактісі оның осы шарттармен толық келісетіндігін растайды. 7.2. Қатысушылар жарнамалық акцияны өткізуді ұйымдастырумен байланысты шағымдарды client@homecredit.kz электрондық поштаға жібере алады. Ұйымдастырушылар талап арыздарға қатысты шешімді мұндай талап арызды алған күннен бастап күнтізбелік 30 күн ішінде қабылдайды. 7.3. Банк жарнамалық акцияны кез-келген уақытта тоқтату немесе ұзарту, сонымен бірге осы ережелерді өзінің қалауы бойынша өзгерту құқығын өзіне қалдырады. Банк қатысушыларға жарнамалық акция шарттарын өзгерту туралы ақпаратты уақытылы жеткізеді. 3
жарнамалық акцияны өткізу шарттарына 1-Қосымша Жүлдені қабылдау актісі жеке куәлік берілген күні) (құжатты берген орган), ЖСН, кредит шартының 25.11.2017 ж. бастап 31.12.2017 ж. дейін «Банк Хоум Кредит» АҚ ЕБ өткізген «2 төлемді төлеп, Iphone 10 ал» жарнамалық акциясының жеңімпазы екендігім туралы білемін және IPhone 10 64 ГБ жүлдені алғандығым туралы растаймын. Қолы «Банк Хоум Кредит» АҚ ЕБ өткізген жарнамалық акциясының жеңімпазы болып табыламын және ақысыз негізде жарнамалық мақсатта менің аты-жөнімді, суреттерді, видеосюжетті және сұхбатты пайдалануға келісімімді беремін. Қолы 4
жарнамалық акцияны өткізу шарттарына 2-Қосымша Жүлдеден бас тарту туралы акт жеке куәлік берілген күні) (құжатты берген орган), ЖСН, кредит/депозит шартының 25.11.2017 ж. бастап 31.12.2017 ж. дейін «Банк Хоум Кредит» АҚ ЕБ өткізген «2 төлемді төлеп, Iphone 10 ал» жарнамалық акциясының жеңімпазы екендігім туралы білемін және осы арқылы жүлдені алудан бас тартамын. Бұдан кейін «Банк Хоум Кредит» АҚ ЕБ-ге шағымым болмайды. Қолы 5