MANAGEMENT & LEADERSHIP SCHOOL FOR ENGINEERS МЕНАЏЕРСКА И ЛИДЕРСКА ШКОЛА ЗА ИНЖЕНЕРИ

MANAGEMENT & LEADERSHIP SCHOOL FOR ENGINEERS МЕНАЏЕРСКА И ЛИДЕРСКА ШКОЛА ЗА ИНЖЕНЕРИ

МЕНАЏЕРСКА И ЛИДЕРСКА ШКОЛА ЗА ИНЖЕНЕРИ Институтот за Истражување во животна средина, градежништво и енергетика ИЕГЕ ја основаше првата Менаџерска и лидерска школа за Инженери во Македонија. Оваа школа е единствена од ваков тип не само во Македонија туку и во регионот, со оглед на тоа што опфаќа специфична таргет публика - инженери од сите области кои имаат потенцијал и јасна визија да се насочат кон менаџерски и лидерски позиции. Програмата се однесува на професионален развој за менаџмент во инженерството и лидерски вештини и е специјално креирана согласно потребите кои ги имаат инженерите кои сакаат своето постоечко искуство да го надоградат со фокусирано знаење кое има значајно влијание во нивната идна кариера. Програмата за менаџерската и лидерска школа за инженери е специјално развиена за потребите на инженерите менаџери врз основа на спроведени анализи на потребите и предизвиците со кои тие се соочуваат и анализа и компаративна споредба со европските стандарди за менаџмент и лидерство и актуелни едукативни програми. Филозофијата за успех е спој на експертизата и стручноста со начинот и стил на работење, менаџирање на сам себе, тимот и вработените. Тоа што школата го нуди е синергија помеѓу овие елементи, и на тој начин креира кадри конкуренти на локалниот, но и регионален пазар.

СОДРЖИНА НА ПРОГРАМАТА Менаџерската и лидерска школа за инженери претставува извршна програма со 24 дена во училница во рок од 9 месеци, еден викенд месечно. Програмата за професионален развој по менаџмент и лидерски вештини за инженери има два модули: Личен развој за паметни луѓе и Управување и водење паметни организации Секој предмет претставува комбинирано учење, учење во училница и е-учење, со пристап насочен кон учесникот. Динамиката на секој предмет се состои од три дела: Подготвителен дел - учесниците се подготвуваат за темата преку е- учење (видеа, презентации и читање) Главен дел - во училница, во текот на еден викенд, каде што учесниците се вклучуваат со обучувачот и нивните колеги во работилница со различни интерактивни методи на обука Пост-курс учесниците ги применуваат своите нови знаења и вештини со е-учење (индивидуални задачи и форуми) МОДУЛ 1 личен развој за паметни луѓе, има 3 курсеви, сите се фокусираат на развој на нови вештини на лично ниво, кои се од суштинско значење за управувањето со работното место: Емоционална и духовна интелигенција Управување со време и стрес Свесност: да се биде присутен во работата и животот. За секој учесник обезбедени се специјални коучинг сесии во текот на програмата, со цел да се обезбеди доволно поддршка за подобрување на личниот развој. МОДУЛ 2 управувањето и водењето на паметни организации, има 6 курсеви кои ќе им помогнат на менаџерите-инженери да развијат нови менаџерски и лидерски вештини и успешно да управуваат со паметните организации: Стратегиски менаџмент Проектен менаџмент Управување со финансии и ризици Организациско однесување и менаџирање со човечки ресурси Лидерство Маркетинг менаџмент

МЕТОДИ НА УЧЕЊЕ Специфичната комбинација на учењe, микс на методи, учење засновано на проблеми и проекти, е од клучно значење за да се добие успешна програма која ќе влијае на задоволството и посветеноста на учесниците, задржувањето на концептите, пренесување на знаењето во однесување и креирање нови менаџерски и лидерски вештини кои ќе ги подобрат нивните перформанси на индивидуално и организациско ниво. Тоа што е посебно за оваа програма е тоа што е наменска, развиена врз основа на принципите на обуката за возрасни, користење на методи и техники кои помагаат за развој на нови знаења и вештини. Играње улоги Форум Бизнис симулации Коучинг Е-учење Рефлектирање Студии на случај Самопроценки и оценки Експериментирање Менторство Дебати и дискусии Работилница РЕЗУЛТАТИ ОД УЧЕЊЕТО НА ПРОГРАМАТА По успешното завршување на школата за менаџмент и лидерство, учесниците ќе бидат способни за: Проценка на можни предизвици во деловното работење и креирање бизнис стратегии согласно добиените анализи Управување со финансии и буџетски план Планирање, спроведување, контрола, следење, проценка и планирање на проекти Управување со средства и ризици Користење техники за професионално управување со емоции на работно место Анализа и проценка на комплексни маркетинг предизвици и развивање ефективнa маркетинг стратегија Ефективно и ефикасно управување со времето Развивање на сопствен лидерски стил Изградба на тимови и назначување на улоги на членовите на тимот Развивање на метод за промовирање на организациската култура и клима

ЦЕЛНА ГРУПА Инженери (идни) на менаџерска и лидерска позиција Инженери претприемачи со сопствен бизнис Проект менаџери ДИПЛОМА Учесниците во програмата ќе се стекнат со диплома издадена од Институтот ИЕГЕ. Програмата е акредитирана од Центарот за образование на возрасни кој е дел од Министерството за образование и наука ВРЕМЕТРАЊЕ НА ПРОГРАМАТА Менаџерската и лидерска школа трае 9 месеци, почнувајќи од Септември до Мај. Еднаш месечно се изведува наставата за еден предмет во викенд период ( петок, сабота и недела) по 8 работни часови на ден. Бројот на максимум учесници е 20. Модулите ќе бидат водени од експерти во своите области и докажани предавачи од Македонија, Србија, Австрија, Полска, Германија. Наставата се одржува во едукативниот центар ИЕГЕ во просториите на Градежен Институт Македонија.

РАСПОРЕД СЕПТЕМВРИ 2017 Управување со време и стрес ОКТОМВРИ 2017 Стратегиски менаџмент НОЕМВРИ 2017 Проектен менаџмент ДЕКЕМВРИ 2017 Свесност: да се биде присутен во работата и животот ЈАНУАРИ 2018 Менаџирање на финансии и ризици ФЕВРУАРИ 2018 Лидерство МАРТ 2018 Организациско однесување и менаџирање со човечки ресурси АПРИЛ 2018 Емоционална и духовна интелигенција МАЈ 2018 Маркетинг менаџмент

info@iege.edu.mk +389 2 3091931 Дрезденска 52, Скопје www.iege.edu.mk