ЖИЛИЙН ТАЙЛАН 2010
Гүйцэтгэх захирлын мэндчилгээ Та бүхэнд энэ өдрийн амар амгаланг айлтгая Үндэсний Хөрөнгө Оруулалтын Банк нь Монголбанкны ерөнхийлөгчийн 2006 оны 7-р сарын 7-ны өдрийн 327 тоот тушаалаар шинэчлэгдэн байгуулагдаж, Монгол улсын банк санхүүгийн зах зээл дээр үйл ажиллагаагаа явуулж байгаа арилжааны банк билээ. Манай банкны эрхэм зорилго бол, Монгол улсын банк санхүүгийн зах зээл дээр төрийн санхүүгийн бодлогод нийцүүлэн үйл ажиллагаагаа явуулах, үүнд манай банк санхүүгийн салбарт шинэхэн хэлбэр болох хөрөнгө оруулалтын банкны үйл ажиллагааг хөгжүүлэн ажиллах юм. Бид хөрөнгийн зах зээл рүү чиглэсэн үйл ажиллагаагаа идэвхжүүлэн хөгжүүлж, арилжааны болон хөрөнгө оруулалтын банкны хосолсон цогц үйлчилгээ, санхүүгийн бүтээгдэхүүнийг нэвтрүүлэн ажиллах зорилгын хүрээнд хөрөнгө оруулалтын банкны чиглэлээр хямд үүсвэр татах, эдийн засгийн үр өгөөж бүхий төсөл хөтөлбөрийг санхүүжүүлэх, зуучлах, хэрэгжүүлэх чиглэлд ажиллаж байна. Энэхүү чиглэлийнхээ хүрээнд бид 2009 оныг хүртэл томоохон уул уурхайн болон барилга, үл хөдлөх хөрөнгийн салбарын төслүүд, компаниудыг хөрөнгө оруулалтын чанартай санхүүжүүлж ирсэн боловч 2008-2009 оны санхүүгийн хямралд өртөж бидэнд нэгэн том шалгуур сургамж болсон билээ. 2010 онд банкны хувьд, тэрхүү 2008-2009 оны хямралаар үүссэн чанаргүй зээлүүд дээрээ онцгой анхааран ажиллаж, томоохон хөрөнгө оруулалтын чанаргүйтсэн зээлүүдийг гадаадын хөрөнгө оруулалтын сангуудтай хамтран факторинг хийх замаар цогц байдлаар амжилттай төлүүлж чадсан юм. Түүнчлэн уул уурхай болон үл хөдлөх хөрөнгийн томоохон төсөл хөтөлбөрүүдийг гадаад дотоодын хөрөнгө оруулагчидтай хамтран хэрэгжүүлж эхлэн, цаашид санхүүгийн томоохон эргэлтэд оруулах үндэс суурийг тавьж ажиллаж эхлээд байна. Хөрөнгийн зах зээл дээрх оролцоогоо нэмэгдүүлэх үүднээс тусгай зөвшөөрөл, туршлага бүхий брокер диллерийн компанитай хамтран ажиллах гэрээг байгуулан ажиллаж эхэлсэн. 2010 оноос бид банкныxaa эрхэм зорилго, ойрын ирээдүйн зорилтод нийцсэн шинэ бүтцийг бий болгон чадварлаг бүтээлч хамт олныг бүрдүүлж, банк санхүүгийн салбарт өөрсдийн хувь нэмэр, онцлог үйл ажиллагаа, бүтээгдэхүүн үйлчилгээг нэвтрүүлэн ажиллаж байгаадаа баяртай байна. Харилцагч та бүхэн бидэнд улам итгэл найдвар өгч дэмжиж байдагт, мөн цаашдын хамтын ажиллагаанд гүн талархал илэрхийлж байна. Хүндэтгэсэн, Гүйцэтгэх захирал Б.Баярсайхан
1.Аудитлагдсан баланс
2.Санхүүгийн үзүүлэлт 2010 оны 12 дугаар сарын 31-ний өдрийн байдлаар нийт активын хэмжээ 21,1 тэрбум төгрөг ба оны эхнээс 8,7%, өөрийн хөрөнгө 6,3 тэрбум төгрөг ба оны эхнээс 4 дахин тус тус өссөн байна. 2010 онд хүүгийн орлого 5,8 тэрбум төгрөг, хүүгийн бус орлого 4,5 тэрбум төгрөг болж, өнгөрсөн оноос 6,6 дахин өссөн байна. Хүүгийн зардал 1,0 тэрбум, хүүгийн бус зардал 2,3 тэрбум төгрөг ба үүний 782,2 сая төгрөг нь боловсон хүчний зардал, үйл ажиллагааны зардал 1,5 тэрбум төгрөг байна. 2010 оны 12 дугаар сарын 31-ний өдрийн байдлаар 4,7 тэрбум төгрөгийн ашигтай ажилласан байна. 2010 оны 12 дугаар сарын 31-ны байдлаар Банкны ашигт ажиллагааны түвшин, Өөрийн хөрөнгийн өгөөж 74,6 хувь, Актив хөрөнгийн өгөөж 22,0 хувь ба төлбөр түргэн гүйцэтгэх чадвар 35,8 хувьтай байгаа болно. Өөрийн хөрөнгө, эрсдэлээр жигнэсэн активын харьцаа 2009 онд 9,3 хувь байсан бол 2010 онд 32,4 хувь болж өссөн. Актив /тэрбум төгрөгөөр/ 21.2 8.4 Өөрийн хөрөнгө /тэрбум төгрөгөөр/ 6.2 19.9 19.4 1.5 2007 2009 2010 2007 2009 2010 Ашигт ажиллагаа /тэрбум төгрөгөөр/ 10.8 8.3 6.0 5.5 6.1 4.7 0.5 1.4 2008 2009 2010 (6.9) Орлого Зардал Тухайн жилийн ашиг/алдагдал 3.Банкны удирдлагын тогтолцоо, бүтэц зохион байгуулалт Товч танилцуулга: Нэр: Хуулийн статус: Хувь нийлүүлэгчид: Системд эзлэх хувь: Байршил: Салбар нэгж: Цахим хаяг: Үндэсний Хөрөнгө Оруулалтын Банк Гадаадын хөрөнгө оруулалттай хувь нийлүүлсэн, хязгаарлагдмал хариуцлагатай Монгол, Япон, АНУ-ын хөрөнгө оруулалттай Нийт активын 0,4%, нийт зээлийн 0,5 %-ийг эзэлж байна. Монгол улс, Улаанбаатар, Сүхбаатар дүүрэг, Сөүлийн гудамж-6, Сити Плаза барилга (Хотын төвд, банк санхүү, эдийн засгийн гол салбарууд байршсан газарт) Улаанбаатар хотын гаалийн газарт тооцооны касс ажилладаг. www.nibank.mn
Удирдлагын тогтолцоо, хүний нөөц: Банкны эрх барих дээд удирдлага нь хувь нийлүүлэгчдийн хурал болно. Хувь нийлүүлэгчдийн хурлаар шийдвэрлэхээр заагаагүй бусад банкны үйл ажиллагааг Төлөөлөн Удирдах Зөвлөл (ТУЗ) удирдана. Хувь нийлүүлэгчидийн хурлаас Төлөөлөн Удирдах зөвлөлийг томилно. Хувь нийлүүлэгчидийн хурлын эзгүй үед Хяналтын зөвлөл ажиллана. 2010 онд хувь нийлүүлэгчдийн хурлаар банкны дунд хугацааны зорилтуудыг тодорхойлж, үйл ажиллагааны хөтөлбөрийг баталсан. Гүйцэтгэх захирал нь дараахь хороодоор дамжуулан банкны удирдлагыг хэрэгжүүлж ажиллаж байна. Удирдлагын хороо: (Захирлуудын зөвлөл) нь банкны дотоод үйл ажиллагаа, өдөр тутмын тулгамдсан асуудлуудыг хэлэлцэж шийдвэрлэнэ. Гүйцэтгэх захирал тус хороог тэргүүлэх бөгөөд гишүүдийг томилон ажиллуулна. Актив пассивын удирдлагын хороо: Банкны актив-хөрөнгө, пассив-эх үүсвэрийн бүтцийг хугацааны болон хүүгийн хувьд оновчтойгоор удирдаж, ашигт ажиллагааг хүлээн зөвшөөрсөн эрсдэлийн хүрээнд хамгийн их байлгахад актив, пассивын удирдлагын зорилго оршино. Зээлийн хороо нь: Зээл олгох, зээлийн хүү ба хугацаа тогтоох, зээл төлүүлэх, хугацаа хэтэрсэн болон чанаргүй зээлийг төлүүлэх арга хэмжээ, зээлийн бодлого хэрэгжилт, эрдлийн тооцоолол, төлөвлөлт 2010 оны 12 дүгээр сарын 31-ний өдрийн байдлаар 2 газар, 12 хэлтэс, 2 алба, 1 тооцооны төв, нийт 32 ажилтантайгаар үйл ажиллагаагаа явуулж байна. 2010 онд гүйцэтгэх захирлын шууд удирдлаганд үйл ажиллагаа хариуцсан дэд захирал ажиллаж эхэлсэн. Дэд захирал тус бүр тухайн чиглэлийн газар хэлтсүүдийг нэгтгэн удирдаж, өдөр тутмын үйл ажиллагааг удирдлагаар хангаж ажиллах үүрэгтэй. 2010 онд банкны бүтэц, үйл ажиллагаа нь чанаргүй зээлтэй ажиллах чиглэлд байсан. 2010 оны банкны бүтэц зохион байгуулалтыг доорх байдлаар зохион байгуулагдаж ажилласан. Front office Үүнд: Гадаад болон дотоод зах зээлээс эх үүсвэр татах, хөрөнгө босгох, харилцагчийн үйлчилгээ, борлуулалт, хувийн банкны чиглэлээр үйл ажиллагаа явуулах хэсэг. Back office Үүнд: Тайлан, бүртгэл тооцоо, хүний нөөц, мэдээлэл технологи, аж ахуйн алба гэх мэт арын албаны хэсэг хамаарна. Хүний нөөцийн стратеги нь банкны стратеги, зорилготой уялдуулан Хүн төвтэй стратегийг баримтлана. Банкны хүний нөөцийн бодлогын үндсэн зорилго нь чадварлаг мэргэшсэн хүмүүсийг өөртөө татах, тэднийг тогтвортой ажиллуулах, ажилтан бүрийн хувийн ур чадварыг бүрэн нээж, оновчтой ашиглахад чиглэнэ.
4.Эрсдлийн удирдлага 2010 онд Эрсдэлийн удирдлагын дараах судалгаануудыг хийж, шууд Гүйцэтгэх захиралд тайлагнан ажиллаж байна. Үүнд: - Тайлан тэнцэл, орлогын тайлангийн бүтцийн шинжилгээ, зохист харьцааны шинжилгээ,camels, зөрүүгийн шинжилгээ /GAP/, - Зээлийн эрсдэл дээр нэг зээлийн хувьд зээлдэгчийн санхүүгийн тайланд шинжилгээ хийх, зээлийн багцын хувьд чанарын зарим судалгаа, шинжилгээ, - Зах зээлийн эрсдэлийн хувьд ханшийн өөрчлөлтийн судалгаа, гадаад валютын актив, пассивын зохистой харьцааны шинжилгээ, - Хөрвөх чадварын эрсдэлийн хувьд төлбөр түргэн гүйцэтгэх чадварын харьцааны шинжилгээ, зөрүүгийн шинжилгээ /GAP/, зайлшгүй байх нөөцийн хангалтыг тооцож ирсэн. 5.Зээлийн үйл ажиллагаа Зээлийн газрын зүгээс 2010 оны 1, 2 улиралд зээлийг төлүүлэх, зээлийн чанарыг сайжруулах, чанаргүй зээлийг бууруулах тал дээр тусгай активын хэлтэс, хууль, эрх зүй зохицуулалтын хэлтэстэй хамтран ажилласан. Зээлийн ангилал 2010/12 /тэрбум төгрөг/ Зээлийн өрийн үлдэгдэл /тэрбум төгрөг/ Муу, 1 25.2 21.3 Эргэлзээтэй, 2.2 7.6 10.1 11.4 Хэвийн бус, 0.2 Хуг/хэтэрсэн, 1.5 Хэвийн, 6.5 2006 2007 2008 2009 2010 2010 оны эцэст нийт зээлийн өрийн үлдэгдэл 11,4 тэрбум төгрөг байна. 2010 онд зээл төлүүлэх ажлын баг гарч ажиллан чанаргүй зээлээс 13,9 тэрбум төгрөгийг төлүүлж, зээлийн үлдэгдлийг өмнөх оноос 46,5 хувиар бууруулсан. Нийт зээлийн өрийн үлдэгдлийн 11,0%-ийг иргэдийн зээл, 89%-ийг ААН-ийн зээл эзэлж байгаа нь өмнөх жилийн түвшингээс үзэхэд ААН, байгууллагад олгосон зээл нийт зээлийн дийлэнх хувийг эзлэх болсон байна. 2010 оны эцсээр нийт зээлийн 57 хувийг хэвийн зээл, 8,8 хувийг хугацаа хэтэрсэн зээл, 29,8 хувийг чанаргүй зээл эзэлж байна. 6.Мэдээлэл технологи, дэд бүтэц Банкны бүртгэлийн Grapebank 3.0 програмд 2010 оны 9 сарын 15-20 хооронд шинэчлэлт хийж Grapebank 3.1 болгосон ба дахин нэмж ирсэн программын Patch 7,8,9,10-ыг суулгасанаар банкны мэдээллийн системийн найдвартай байдлыг улам бүр сайжруулсан. Grapebank 3.1 программ дээр шинээр тайлангийн загварыг бий болгосноор банкны үйл ажиллагаа, төлөвлөгөөг улам бүр хялбарчлан, сайжруулж байгаа явдал юм. SWIFT-ын төв байгууллагаас 2010 оны 11 сард SWIFT Alliance Access RMA программын шинэчлэлт хийх CD ирсэнийг цаг алдалгүй шинэчлэлт хийж хувилбар 6.0.70 Standards MT шилжүүлэв.
Цаашдаа интернэт банк болон карт нэвтрүүлэх чиглэлд судалгаа хийн ажиллаж байгаа бөгөөд дэд бүтцийг сайжруулах үүднээс сервер, комьпютер хангамжийн шинэчлэлтийг хийж байна. 7.Бүтээгдэхүүн, үйлчилгээ Бид арилжааны банкны үндсэн үйлчилгээ болох харилцах, хадгаламж татах, гадаад болон дотоод төлбөр тооцоо гүйцэтгэх, зээл олгох, баталгаа, батлан даалт, аккредитив гаргах, валютын арилжаа, зөвлөгөө мэдээллээр хангана ажиллаж байна. 2010 онд бүтээгдэхүүн, үйлчилгээний төрөлжилтийг бий болгох, урт хугацааны эх үүсвэрийг татах зорилгоор төлөвлөгөө, ажлын баг гарган ажиллаж, мэдээлэл технологи, IT баз сууриа хөгжүүлэн ажилласан. Бүтээгдэхүүн үйлчилгээний гол онцлог нь уян хатан хүүтэй, урт хугацаатай, хөрөнгө оруулалтад чиглэсэн байх зарчмыг баримтлан ажиллана. Хөрөнгө оруулалтын чиглэлээр төсөл, байгууллагын санхүүжилт /Засгийн газартай хамтарсан эх үүсвэрээр болон дотоод эх үүсвэрээр/ болон, уул уурхай, үл хөдлөх хөрөнгө, дэд бүтцийн томоохон төсөл хөтөлбөрийг үнэлэх, зөвлөгөө өгөх, хамтарч ажиллах, зуучлах үйл ажиллагааг явуулж байна. Түүнчлэн хөрөнгийн зах зээл дээрх оролцоогоо нэмэгдүүлэх үүднээс National Securities БДК-тай хамтран ажиллаж эхэлсэн.